#رسائلكــــــــم #العاصمة م1442
هاد القط راهو كيما PTT وين يخلصو الانترنت فبرج الكيفان الضفة الخضراء،داتو مرة صاحبة صفحة دارولو تشكة و كجات تعاود تديه مقدرتش تحكمو ، راهو عندو شحااال فهاد الحالة ،دك ما يقدر ياكل والو
المكان برج الكيفان العاصمة
#رسائلكــــــــم #العاصمة م1441
هاد القطة صغييرة مع يماها ،راهي مكسورة من رجليها و هاديك طريق فيها بزااف غاشي ،راهي في العاصمة برج الكيفان بالضبط في فوردلو قدام مكتبة الخواريزمي سواسوا
#تعديل تم التبني
#رسائلكم #باب_القنطرة #قسنطينة م1440
جروة لتبني عمرها شهرين عاقلة لازملها متبني في اقرب وقت راهي فالعيادة تاع لمين لي في باب القنطرة حطيتها تما للعلم راهي مانينوا كروازي درتلها فاكسة وكارني تاعها المهتم يتواصل معانا في بريد الصفحة
المكان : باب القنطرة قسنطينة
#تعديل وجدنا لهم قطة مرضعة ربي يحفضكم خاوتي ❤️
#عاجل #عاجل #قسنطينة #قسنطينة م1421
ربي يحفضكم قطة مرضعة او من يستطيع تكفل بهم راهم فى عيادة سيرتا البيطرية بزواغي
#رسائلكــــــــم #العاصمة #عاجل م1416
السلام عليكم
القطة هذي جات الصباح برك . كيما راك تشوف رجلها مكسرة. إذا كاش واحد يقدر يعاونها يتواصل معنا. القطة لازم يفحصها بيطري.
المكان اولاد فايت العاصمة
#رسائلكــــــــم #شلغوم_العيد #عاجل م1404
#ملاحظة اقرا مليح المنشور.
اي تعليق سلبي يعني حظر صاحبه.
لي حاب يدير محاكمة للناس يشوف جهة أخرى، رانا هنا باه نساعدوا المخلوقات وكل واحد وظروفو
سلام عليكم لقينا هذا الكلب في الدخلة تاع شلغوم العيد إذا كاين ناس يقدرو يعاونوه من ناس شلغوم ولا ضواحيها.
الكلب عندو إصابة فودنو وماحابش يتحرك وإذا تساألتو علاه ماهزيتوس أنا معاقة للأسف 🥺ربي يبعتلو ناس الخير يعاونوه
المكان شلغوم العيد
#رسائلكــــــــم #علي_منجلي #قسنطينة #عاجل م1387
السلام عليكم خاوتي
تعيشو شكون ألي يتبنى هاذ القطيطة الصغيرة مسكينة في هذا البرد والثلج لقيتها في البلوك مسكينة في عمرها شهر برك جابوها لولاد نحاوها لأمها مزالت صغيرة خلاص درتلها هاذ الكارطون باه تدفى شوية
ساعدونا في إيجاد متبني اليوم ولو مؤقتا. البرد بزاف في الليل وراهي صغيرة.
التعليقات لي يدبروا علينا مانحتاجوهاش من فضلكم.
المكان UV 16 علي منجلي قسنطينة
#رسائلكــــــــم #العاصمة #عاجل م1385
قطة صغييرة زادو حطوهالي قدام الخدمة ، راح تولي برا لازمني نلقا ليتبناها ليوم جوايه باب الزوار ، برج الكيفان 💔💔 العاصمة
لي مهتم يتواصل معنا عبر الرسائل و ليس التعليقات
#منقول #الطارف م1377
قط عينو مريضة راهو في الشارع يحتاج علاج في أقرب وقت، لي قريب ليه يتوجه مباشرة لمكانه . عاونونا بالنشر على مجموعات وصفحات المنطقة
مكان الطارف بلدية البسباس قط بحدا مسجد بدر
صفحة تقدم مختلف الخدمات الخاصة باليفكم 🐈⬛🐈❤️ و مساعدة حيوانات الشارع
