Espoir des Animaux - Oran

21/12/2023

Pour adoption ❤️ Male 4 mois

21/12/2023

من رسائلكم :
Slm. J'ai récupéré ce petit chaton (femelle) dehors et je l'ai soigner hmd. Maintenant elle va bien mais je peux pas la garder encore ..je lui cherche un adoptant aimant sinon je serai obligé de la remettre dehors

19/12/2023

♦️ قمر عانى في الشارع للتبني ❤️ لدى مروري باحد مطاعم الشواء لاحضت انو لي يشوي يضرب في قط برجله لابعاده و قط ميت بالجوع 😭 و كي هدرت معاه و قريب ما دا طريحة قالي هبلني مهيم قط جبته عندي دوشتله بعد ما كان مزبل بالوسخ و كلى و شرب راه في احسن حالة و قط تاع دار ما يخافش من دوش و حنين بزاف ❤️ حاليا راني عازله قي مكان في المنزل لانوا عندي قطوطة بزاف و قباح كون يحكمون يصراله كثر من شواي القليط 😅
♦️ قط دكر عندوا حوالي 4 اشهر مشعر و حنين و عاقل ياكل كل شيء و يقضي حاجته في المكان المناسب مع امكانية التوصيل و التعقيم و التلقيح على عاتق
الصفحة 👉
♦️ المكان : وهران ملينيوم .

17/12/2023

من رسائلكم :
سلام خويا
منشور لقط مفقود
هذا قط تاعنا تاع دار مداري يخرج فالحومة و يولي مي راه مالبارح صباح مكانش الله يخليك لي شافه يقولي وين و لي داه يرجعهلي قاع رانا مقلقين عليه فدار خواف و مشي مداري يبات برا
حي النجمة (شطيبو )

16/12/2023

Add Oran ❤️

12/12/2023

♦️ بخصوص قط belair حمد الله تم انقاده ❤️
♦️ قمنا بالتواصل مع الجمعية الرياضية الصديقة ART DE DèPLACEMENT-parkour oran Add Oran
♦️ مشكورين و الله يحازيهم على عملهم الانساني ❤️ الدين تنقلوا صباح اليوم بمعية اخت التي كامت سبب مباشر في انقاده طيلة ايام مسمحتش فيه الله يجازيها .
♦️ القط ان شاء الله يسترجع عافيته بعد عدة ايام ثضاها في البرد و الرياح و الامطار 🥲
♦️ مشكورين كدالك صفحة Info Oran الصفحة الرسمية و الحماية المدنية وهران الدين تنقلوا مرتين لانقاده لاكن المكان قديم منجموش يدخلوا كاميونة تاعهم او سلالم لا يوجد مدخل .

10/12/2023

الحماية المدنية وهران
♦️ نتمنى من افراد الحماية المدينة القيام بهته المهمة و النبية و هي انقاد قط belair الدي يعاني مند قرابة اسبوع وحيدا في هدا البرد 🥲 نتمنى ان يكون غدا صباحا اخر يوم لانهاء معاناته و عودته للحساة الطبيعية نحن بلانتظار الصباح الباكر لنرى التدخل الانساني اتجاه هده الروح البريئة 🙏

09/12/2023

من رسائلكم :
Ce chat Rah ytmcha wytih Fi Maraval Makanch loto Tdih Vétérinaire Malheureusement je suis pas véhiculée W il bouge marhch gaad f blasa Maraval and cafeteria ghawti mjit 15 eme

09/12/2023

- السلام عليكم نعلم جميع متابعي الصفحة عن توقف الانقاد لغاية تسوية الديون الحالية لدى البياطرة و هي كتالي :
♦️ البيطري براكات : عملية لنزيل ديل خامج 4500 da + علاج قطة سوداء كالسفيروس و عدة حصص علاج 2500 da .
♦️ مجموع ديون لدى بيطري براكات هو : 7000 da
♦️ البيطري الباهية : دين سابق بقيمة 4300 da و عملية لنزع الرحم و تعقيم : 6000 da .
♦️ مجموع ديون البيطري الباهية هو : 10300 da .
♦️ اجمالي ديون البياطرة هو : 17300 da
♦️ لي يقدر يساهم في دفع و لو جزء من الديون يتواصل معنا عبر بريد الصفحة و اجركم على الله و متوفر حسابات البريدية للبياطرة .

09/12/2023

Pour adoption, Lola
À oran
مولاتها عندها قط و باغيا تمدها بشرط يتهلو فيها

09/12/2023

السلام عليكم الله يجازيك فوتلي الميساج هاد القط مسكين رجله راها مقروضة مسكين و عايش برا مايقدرش حتى يدافع على روحه ولا يهرب مسكين

08/12/2023

♦️ بعد مراسلتنا بخصوص قطة تعاني من كالسفيروس قمنا بتوجيهها مباشرة للبيطري اين خضعت للعلاج مع نزع ضرس و عدة حصص علاج .

08/12/2023

من رسائلكم :
قطة صغيرة عمرها حوالي ثلاثة اشهر في الحديقة لي جنبنا خدها راها منتفخة بزاف ما عرفتش اذا اصابة و لا واش بالضبط لي يقدر يديها للبيطري و لا يتبناها عاقلة بزاف و متربية ما توسخش لانو دخلتها كذا مرة للبيت عندي قطط خاصة الذكر راه يتزاوج معاها و الانثى تضربها بزاف و الله تشف و ما عنديش امكانيات نتكفل بيها، صدقة عليكم كان غير طبيب يشوف مالها و يرجعها للحديقة ماعليش جيهة نتاع خدها راها منتفخة بزاف غير من الشعر اسود ما تبانش غاية

08/12/2023

:
♦️ بعد مراسلتنا بخصوص قطة تعاني من تقيح الرحم قمنا بتوجيهها لبيطري اين خضغت لعملية جراحية و استشفاء لعدة ايام و الان هي الحمد الله بافضل حال .
♦️ الديون تراكمت علينا مؤخرا لدى البياطرة و نحن بلامس الحاجة لمن يساعدنا في تسويتها لكي نواصل الانقاد في اريحية

08/12/2023

من رسائلكم :
Slm 3likom
Had lg*t l9itah bara metweder ditah rah 3andi f dar svp la bano malih wella kch wahdin yedoh yetkeflou bih

08/12/2023

قطي 😂

08/12/2023

من رسائلكم :
S’il vous plaît c’est possible de publier les photos de mon chat perdu
رابط حساب صاحبته :
https://www.facebook.com/profile.php?id=61553409717613&mibextid=LQQJ4d

08/12/2023

من رسائلكم :
Pour adoption Rah fi salle de sport un haltères tah 3lih rani dayeh vétérinaire Ou rani Bari yadouh irabouh Lah yaftah 3likom dirouh fi la page min ninero :0559051137

08/12/2023

السلام عليكم
ممكن تحطلي هاد المنشور من فضلك
عندي هاد القطة فالخدمة ولدت منذ اسبوعين للأسف القطط كلاولها ولادها وعلى ما أظن عندها حالة اكتئاب زادو ضربوها اليوم ماتقدرش تحط رجلها نطلب من ذوي القلوب الرحيمة لي بغا يتبناها ولا محتاج قطة مرضعة يديها ويربح فيها أجر وانا نداويها نوصلهالهم حتى لدار

08/12/2023

من رسائلكم :
Had el 9at rah hassel f belair oran depuis plusieurs jours svp li y9ad ysalkeh jew el himaya el madaniya walou 9aloulna ma3adna mandirouleh 😢😢
( الحيط في وسط الحوس لا يمكن لرافعة انو تدخل فيه كما انو القط لصاحبه و راه سامح فيه لاسف )
لمزيد من التفاصيل تواصلوا مع صاحبة نداء في اول تعليق

04/12/2023

من رسائلكم
البحث عن قطة مرضعة

Cc roya svp kayan chaton rashom maman.à litière

04/12/2023

حياتي قصيرة ولا أريد ان أموت 😞
مرحبا بكم يا معشر الإنس ، انا قط ذكر عمري 4 اشهر تخلت عني عائلتي و اصبحت وحيدا في الشارع جسمي ضعيف لا احتمل برد الشتاء ، اعتدت على الدفىء و الأكل النظيف ، اصبحت اتسول في الشارع من اجل العيش ، اتعرض للضرب يوميا من القطط الاكبر مني و في الليل اختبىء من الكلاب. أحيانا يطاردني الاطفال و يضربونني بالحجارة ، احس بالتعب و البرد و المرض .
ارجوكم هل يمكنكم ضمي الى عائلتكم و تمنحوني البعض من الحنان والدفىء فأنا لا أريد ان اموت في الشارع 😞.

28/11/2023

Chkoun li g*tah wla g*tatah dyr haka?

28/11/2023

Li je kelb wla g*t yethala fyh hta ykemel yamatah fhed denya thalo fyhom yethala fykom raby

26/11/2023

من رسائلكم :
Foumah maynthalche machoir tahtania mbl3a mayqadch yhalha Gdyel mahata Mskine rah ysoufri Maqadch yakoul

21/11/2023

من رسائلكم :
Salem svp kyn hd les chats l9ithm bara liynjm yedihm
4 male et femelle
رابط حساب :
https://www.facebook.com/benin.benin.986

21/11/2023

♦️ السلام عليكم ربما لاحضتم قلة نشاط الصفحة في الاونة الاخيرة و هدا راجع لقلة ادامنة و نشاطهم في حياتهم اليومية من عمل و ضغط و الخ لهدا نفتح باب الانضمام لصفحتنا ناس لي تحب الحيوانات و لعندها الوقت و تقدر تقدم الاضافة للصفحة من تسيير و الرد على الرسائل و نشرها و توجيه الحالات للبياطرة و الخ من تسيير روتيني ندعوهم لمراسلتنا في بريد الصفحة و الانظمام لعائلتنا الصغيرة ❤️
♦️ ان لم نجد من يساعدنا في تسيير الصفحة نحن ملزمون بلاغلاقها في قادم الايام فمرحبا بالجميع 🧡.

21/11/2023

تسوية ديون البيطري : براكات
♦️ قط عدل تم اجراء عملية لبتر الديل مع 5 حصص علاج : 5000 da
♦️ لقاح ومضاد الديدان للقطة العمياء : 1500 da
♦️ 3 قطط سوداء كانوا مراض بتيفوس خضعوا ل 5 حصص علاج :3000 da .
♦️ قطة خضعت للفحص و علاج مع ايكوغرافي و 5 حصص علاج : 2000 da
♦️قط اسود خضع للفحص و العلاج : 1500 da
🎈 المجموع : 13000 da .
♦️ نقلعوها من زيادة المالية المقدرة ب 13500 da تبقى لدينا زيادة مقدرة ب 500 da .

21/11/2023

من رسائلكم:
حفظك حطلي قطتي
خرجت البارح بلا منشوفوها حي 790 مسكن ليسطو مزال مبانتش قطة مربية تاع دار ملي زادت وهي معانا
الله يخليكم اللي رفدها يردهالنا
قالولنا غريان رفدها سور يكون من حي 790 مسكن
ردوها من فظلكم ولادي غادي يهبلو عليها
رابط حساب صاحبته :
https://www.facebook.com/profile.php?id=100065062188613&mibextid=ZbWKwL

19/11/2023

Svp khti g*ttati kharjetli fi chtaibou w mat3rfch trig mechi mwelfa tokhroj hotiheli 3ndk svp

19/11/2023

سيدة فاضلة تقوم بلاعتناء بعشرين قط اغلبهم انقاد بحاجة ماسة للاكل لي يقدر يعاونها صدقة عليكم تجدون حسابها في اول تعليق

17/11/2023

♦️ ديوننا الحالية لدى البيطري هي : 4300 da نحن في امس الحاجة لمن يساعدنا في تسويتها 🙏

17/11/2023

♦️ بعد مراسلتنا بخصوص قط معندهش كامل جلد خارج لفمه قمنا بتوجيهه لبيطري اين خضع للعلاج لازم و تم تبينه من قبل اخت فاضلة جزاها الله كل خير .

17/11/2023

♦️ بعد مراسلتنا بخصوص كلب مريض و بردان في وسط المدينة قمنا بتوجيهه بشكل فوري للبيطري اين خضع للعلاج لازم و اجمل خبر انوا الاخت التي انقدت كلب وجدت له مزرعة يعيش فيها بقية حياته ❤️

16/11/2023

من رسائلكم :
كاين قط مريض من فمه عند كاتدرال صدقة عليه لي يداويه

14/11/2023

قطة اديال عين البيضاء في حالة جيدة😻😻 الحمدلله
كل الشكر و التقدير للبيطري الذي قام بالعملية
و ايضا كل الشكر للاخت لي نقلت القطة و راها تعتني بها خلال فترة علاجها

14/11/2023

قطة اديال عين البيضاء ، اخت فاضلة صديقة للصفحة الله يجازيها قامت بنقلها الي البيطري من اجل بتر ذيلها، دعواتكم لها بالشفاء

11/11/2023

He'd le chat rah à Hai el yasmine akal bzzfff W en très bonne santé je pense rah mweder lkech Wahed prcq il est très sociable W gentil

10/11/2023

Très très urgent 🚨
Khasna un chat donneur de sang ykoun vacciné svp 🙏 pour un cas très urgent chez vétérinaire Kadi de cosider svp

09/11/2023