تربية حمام في البلكونة

02/11/2023

22/10/2023

#الجميع

09/05/2023

السلام عليكم ورحمة الله وبركاته معلش أنا هتكلم عن موضوع ألادوية اللي الناس شغالة بيها وأنا واحد من الناس اللي ضد هذا الموضوع وتحصينات ومعرفش أيه أنا مربي حمام ع...

09/05/2023

هام جدا للمبتدئين في تربية الحمام وانتاج الزغاليل
موضوع شامل متكامل عن منظومة الفرخ وانتاج الزغاليل الصحيحه والسليمه

الفرخ مدارس واتجاهات كل حسب تجربته ................ والتغذيه طرق وتجارب فرديه لا يحكمها قانون وايضا كل حسب تجربته
واكثر ما يؤرق الغاوى هى الزغاليل لانها الاجيال القادمه والمستقبل وهى التى تحدد فكر الغاوى وذكاؤه ............... والزغاليل هى التى تعطى طعم للهوايه وهى المشجع والسر وراء جرى الغواة الدائم وراء الحمام حتى نهايه العمر
والبحث يختص بالنظر فى تجربتى الخاصه ومن الممكن ان تختلف فى احد جوانبها ولكن تبقى الاسس قائمه من حيث المضمون وهو فرخ زغلول خالى من العيوب ومنهج البحث يتضمن مثلث او ثلاثه اضلاع هى .................. الحضان .................. الزغلول ................ الغاوى نفسه.

اولا مقدمه فى 10 نقاط لا غنى عنها لاى غاوى فى تربيه الحمام ورعايه الزغاليل..........................................................................

1. الشروط الواجب توافرها فى حمام الحضان ..

-الصحه البدنيه المتكامله حتى يستطيع الحضان تجهيز الزغاليل
-الحنيه حتى لا يكسر البيض او يترك الزغاليل
- الحاله النفسيه المستقره وهى عامل اساسى فى التحضين
- التناسق بين ازواج الحضان بمعنى تزويج الحضان من نفس النوع
-خلو الحضان من الامراض المزمنه مثل مرض الروشه
- كفاءه الحضان للنوع المنتخب من الزغاليل للتحضين
-امتياز الحمام الحضان الطائر عن المحبوس

2. لبن الحمام - اللبابه - اللبا ..

يبدا فى التكون من اليوم العاشر لرقاد الاباء على البيض
وهو عباره عن فصين فى الحويصله يقومان بافراز مكونات بروتينيه وامينيه
ومده استمرار اللبابه بعد الفقس من4-5 يوم ياكل الزغلول منها ويتغذى على هذه الموادوهى مواد طبيعيه تؤدى الى النمو السريع للزغلول
ثم تبدا مرحله الكلفه الناعمه المخلوطه مع اللبابه لمده يومين او ثلاثه حتى يتم الزغلول من 7-8 يوم
ثم تبدا مرحله الكلفه الخفيفه الصافيه وهى عباره عن حبوب ناعمه حتى يتمكن الزغلول من البلع السهل

* ملحوظه هامه لا يتم اعطاء الحضان حبوب مدشوشه حيث انها تجرح مجرى الطعام مما يؤدى الى ترك الحمام للزغلول

* ملحوظه هامه لا يتم الاكثار من الحبوب الكبيره حتى يسهل هضمها وخاصه فى مراحل الكلفه الخفيفه الصافيه

3. طريقه وضع بيض الانواع لحمام التحضين ..

-يتم رفع البيضه الاولى من حمام الانواع ووضعها فى مكان امين حتى لا تكسر
- يتم رفع البيضه الثانيه من حمام الانواع ثم يتم رفع بيض الحضان الجاهز فى نفس الميعاد ووضع بيض الانواع مكان بيض الحضان

* ملحوظه هامه يتم كتابه الملاحظات على بيض الانواع بالفلوماستر او الرصاص حتى لا يختلط البيض

* ملحوظه هامه لابد ان تكون المده بين بيض الانواع وبيض الحضان لا تزيد عن 3-4 يوم حتى لايختلف ميعاد اللبابه فى الحضان

* ملحوظه هامه السبب فى وضع البيضتين معا فى نفس الوقت هو فقس الزغلولين فى وقت واحد حتى يتمكن الحضان من تقسيم الغذاء بينهم

4. طريقه مسك البيض من تحت الحضان ..

لابد من الاحتراز حتى لا يكسر الحضان البيض ولابد ان يكون بطريقه معينه بمعنى مسك الحضان بهدوء ورفعه من على البيض ومسك البيض ثم نفس المحاوله فى ارجاع البيض ويجب ان لا يستغرق مسك البيض مده طويله وكذلك يجب الاحتراز من تقليب البيض كثيرا حتى لا يفسد البيض

5. الفيتامينات والامصال ..

وهى مركبات يحتاج الجسم اليها لاستكمال النمو وتعويض النقص الناتج عن القصور فى اى من المركبات والمحافظه على الصحه الجيده حيث ان نقص الفيتامينات يؤدى الى الضعف العام و التعرض للامراض
ومن الفيتامينات اد3ه -بولى شوت - كالسيمات - ديكال ب12 - اديال - ه سيلينيوم - مالتى فايتمين
اما بخصوص الامصال فالموضوع به شيئ من الغموض حيث انها لا تكون للقضاء على المرض ولكن للوقايه وفى حاله دخول المرض وبالذات المرض الفيروسى تكون نسبه الشفاء فى حدود 25% من القطيع والنافق بنسبه 75%من القطيع والحل الوحيد فى الوقايه بالامصال ويوجد فى مصر نوعين من الامصال طعم حى وطعم ميت والفرق بينهم سيتم شرحه لاحقا ولكن الناس تقوم بالتمصيل بالطعم الميت لان عترته ضعيفه

6. اهم البذور النباتيه التى تعطى فى الكلفه للزغاليل

بذر جرجير - بذر كتان - بذر فجل - بذر خروع - بذر كافور

7. اهم الزيوت النباتيه التى تضاف الى الكلفه الخاصه بالفرخ

زيت حبه البركه - زيت البصل - زيت السمسم - زيت الزيتون - زيت النعناع - زيت خل التفاح - زيت الثوم

8. الفطام ..

يبدا من اخر يوم فى الاسبوع الثالث والسبب حتى يتمكن الحضان من تكوين اللبابه الخاصه بالبيض الجديد الذى على وشك التفقيس
ولابد من الاهتمام عند وضع بيض الحضان اثناء وجود الزغاليل وضع وعايه اخرى حتى لا تكسر الزغاليل البيض الجديد وبعد 10 ايام من البيض الجديد يتم عزل الزغاليل وفطامها

9. بعض الادويه الهامه ..

ولابد ان تكون موجوده للفرخ
- اوكسى تتراسيكلين ..مضاد حيوى لاعراض البرد والتنفس
- فلاجيل .. معوى - للاسهال - البكتيريا اللا هوائيه
- ايفرماكتين .. لجميع انواع الفاش والنمش والسوس والطفيليات الداخليه
- برمنجمات البوتاسيوم .. مبيد للبكتيريا ومضاد للطفيليات ولنظافه الاوعيه واللوفت
- بان تيراميسين .. مضاد حيوى واسع المجال
-ديكال ب12 ..اقوى فيتامين للزغاليل

10. مده الفرخ واسبابها ..

معظم المناخ فى مصر يؤثر على فرخ الحمام فيبدا الفرخ من شهر سبتمبر حتى شهر يونيه والسبب فى ذلك القلش وهو المؤثر الاول وثانيا اجهاد الحمام طول الموسم وبالتالى لابد من راحه حتى يستعيد نشاطه وفى هذه الفتره تقوم بعمل كورس علاجى وقائى حتى يتمكن الحمام من متابعه الموسم القادم بنشاط وسبب اخر هو دخول الصيف والجو حار وزغلول الصيف معروف بضعفه ولهذا يتم توقيف الحمام الثلاثه شهور المتبقيه

ثانيا رعايه الزغاليل من الفقس حتى الفطام.....................................

وهو مثلث اضلاعه الثلاثه ..
الحضان .............. الزغلول ..................... الغاوى

A .. الحضان ..

الحضان من الوسائل الهامه لانتاج الزغاليل ولذلك لابد من الاهتمام بالنقاط الاتيه

1. طريقه التغذيه للحضان ..

وهى العامل المباشر فى سن وصحه الزغلول ولابد ان تحتوى الكلفه على كل المكونات الغذائيه من زره عويجه - زره اصفر - فول - عدس - غله - ارز شعير - بسله
ولفت انتباهى ان كل حمامه تختار من هذه الكلفه ما تشاء وقد يختار الفرد بعض الانواع وتختار الانثى انواع اخرى ............... المهم هو توافر المواد المتكامله والتاكيد على اخذ الحضان للوجبه كامله بدون اى نقصان

2. الصحه العامه للحضان ..

حيث ان الحمام الجيد تكون الزغاليل جيده ويكون قادر على اطعام الزغاليل جيدا ولا ينقل للزغاليل الامراض والصحه العامه للحضان مرتبطه بنظام المكان ووصول الشمس الى اللوفت والاستحمام وتطهير المكان باليود او الملاثيون

3. الحاله النفسيه للحمام ..

ان الحاله النفسيه للحمام تؤثر على كل نتائج الحمام سواء فى الطيران او السباق او اطعام الزغاليل حتى ان جمعيات الحمام الاوروبيه للحمام الزاجل تنادى بضروره الاهتمام بالحاله النفسيه للحمام المتسابق وعدم اخراج الحمام المحبط نفسيا للتسابق

4. الادويه ودورها للحضان ..

وانا ذكرت اهم هذه الادويه وشرح لها فى المقدمه ودورها فى حياه الزغلول ومثال ذلك ..
يجب اعطاء الزغلول ربع حبه فلاجيل250 بعد اسبوع من الفقس واعطاؤه جرعه اخرى 3 ايام فى الاسبوع الثالث لنظافه الحويصله من اى ميكروب يعلق بها
كذلك يجب اعطاء الزغاليل نصف سم بان تيراميسين كمضاد حيوى عام لاى اضرار لا تكون ظاهره فى الزغلول
وكذلك البرمنجنات لها دور فعال فى قتل الميكروبات التى تعلق بالجهاز المعوى للزغلول والحضان نفسه

5.النظافه ودورها للحضان ..

لابد من الاهتمام بنظافه اللوفتات وعدم الاكثار من الحمام فى اللوفت الواحد لسهوله التعامل مع الحمام ويجب تنظيف الوعايات والمشارب والماكل باستمرار حتى لا تؤثر على الانتاج وحتى لا تؤدى الى نفوق بعض الزغاليل ويجب الاهتمام بالتنظيف بالملاثيون للارضيات وكذلك الجير الحى وله فائدتين الاولى قتل الميكروبات الموجوده بالزرق والثانيه هى انه مطهر لحويصله الحضان وبالتالى نظافه الزغلول

B .. الزغلول والطرق للوصول به الى بر الامان

1. نوع الكلفه ..

وتكلمنا عنه واكدنا ان الكلفه لابد ان تكون متوازنه ومحتويه على جميع الاصناف ويجب الاهتمام بنظافه الكلفه فلا نضع بواقى الاكل على العلفه النظيفه وكذلك لابد ان نحتفظ بالعلفه جافه بعيدا عن الرطوبه او العطب ومن الممكن وضع بعض الملح عليها لان الملح هام للحمام وكذلك يحافظ على الكلفه من الفساد

2. ميعاد الكلفه وهذا الموضوع يختلف فيه الغواه..

منهم من يقوم بالكلفه مره واحده صباحا
ومنهم من يقوم بالكلفه مرتين صباحا ومساءا
ومنهم من يقوم بالكلفه مساءا فقط
والكل حسب تعويد الحمام ............... وانا مع الفريق الذى يقوم بالكلفه مره صباحا وبعد نصف ساعه اقوم برفعها ومره عصرا واقوم بالتزويد ورفعها بعد ساعه

3. التحديق ودوره فى حياه الزغلول ..

التحديق هو اسنان الحمام وهو يسهل عمليه الهضم فى القونصه سواء للحضان او الزغلول ولابد من ان تكون مجموعه التحديق مكونه من حجر جيرى - وطوب احمر - وفحم - وبودره بلاط - وصدف - وملح وبعض الفيتامينات والاملاح

4. الفيتامينات والادويه ..

وهى لها دور فعال فى صحه الزغلول فلابد من جرعات ديكال ب12 والجرعه نصف سم وباقى السرنجه ماء
كذلك من الممكن اعطاء اديال كالسيوم او املاح معدنيه حبه كل يومين
كذلك الفلاجيل له دور فعال فى نظافه الحويصله وقد سبق التوضيح

5. بدايه فك الزغلول من البيض ..

من اهم المراحل العمريه للزغلول حيث ان الزغلول يتغذى على اللبابه المتكونه فى حويصله الحضان لمده 4-5 يوم وفى هذه الفتره ينمو الزغلول سريعا ثم يبدا الحضان فى خلط اللبابه بالكلفه الناعمه ولابد من الاهتمام فى هذه الفتره بالعيش والنواعم لانها تسهل عمليه الهضم

* ملحوظه هامه فك الزغلول من اهم النقاط التى يجب الاهتمام بها حيث ان الزغلول من الممكن ان يواجه مشاكل فى الخروج من البيضه او يكون الكالسيوم الخارجى للبيضه قوى ولا يستطيع الزغلول اخراج نفسه من البيضه ولذلك لابد من مساعده الزغلول فى الخروج من البيضه بتقشير حول البيضه حتى يتمكن من الخروج

وبعد هذا تبدا فتره الكلفه الناعمه الخالصه ويبدا الجهاز الهضمى للزغلول فى الاستعداد المناسب للهضموتبدا الاجهزه الخاصه بالزغلول تتعامل مع المؤثرات الخارجيه وتبدا العين بالتفتح ويبدا الريش بالظهور ويبدا الزغلول بالحركه وبعد ذلك تبدا فتره الكلفه العاديه للزغلول وهذه المرحله الصعوبه فيها هو بدايه كرش الحضان للطيره للاستعداد للبيض من جديد وهنا دور الغاوى فى مساعده الزغاليل اما بالمسحوق او النواعم حتى يتمكن الزغلول من الاكل بنفسه

6. كبر احد الزغلولين عن الاخر ..

وهى مشكله كبيره تواجه الغاوى وغالبا ما تؤدى الى موت الزغلول الصغير وحل هذه المشكله فى عده نقاط ..
من الممكن عند اطعام الحضان نرفع الزغلول الاكبر لمده ربع ساعه حتى يتمكن الحضان من اطعام الزغلول الصغير اولا
ومن الممكن اذا كان هناك بعض الحضان فى نفس السن نقل الزغلول مع المتقارب معه فى السن ويراعى ان يكون عضم الزغلول متقارب مع الزغلول الاخر حتى لا يستسهل الحضان العضم السهل

7. مرحله كرش الزكر للطيره وترك الزغلول ..

وهذه المرحله تبدا من الاسبوع الثانى والمشكله هى ترك الزغاليل نهائيا وفى هذه الحاله ياتى دور الغاوى وعليه بالنقاط الاتيه ..
-غلق المحكر الخاص بهذا الحضان حيث ان الزكر لا يطارد الطيره الاخارج العين ولسبب مهم وهو خوفه من كسر ذكر لها وخوفه ايضا من وضع الطيره للبيض بعيد عن العين الخاصه بها وبهذه الطريقه ياخذ الزكر باطعام الزغاليل والطيره تقوم بالرقاد حتى يتم وضع البيض
- يقوم الغاوى بنفسه باطعام الزغاليل فى حاله ان الحضان اكتفى بهذه المرحله وترك الزغاليل

8. مرحله الفطام وقطف الزغاليل ..

وفى هذه المرحله لابد من انزال بعض الفيتامينات والمقويات والاهتمام بالكلفه حيث يبدا الزغلول بالتقاط بعض الحبوب السهله ويقل وزنه وتبدا العضلات فى الظهور وكلما قمنا بالاهتمام بالزغاليلفى هذه المرحله كان الناتج فرد قوى صحيا وجنسيا
ولابد من ادخال بعض الزيوت مع الكلفه وبعض البزور النباتيه مع الكلفه التى تساعد فى نمو الريش ولمعانه وكذلك الاهتمام بالخميره فى الماء ولها دور فعال فى قتل الميكروبات بالحويصله ودور اساسى فى لمعان الريش

* ملحوظه هامه يتم تركيب الدبل او الحجول فى ارجل الزغاليل بدايه من اليوم السادس للزغلول ولابد من التاكد يوميا ان الدبله لم تخرج من ارجل الزغلول

* ملحوظه هامه الاهتمام بوصول الشمس للزغلول لانها تساعد فى تثبيت لون العين وتساعد فى قوه الريش وقوة الزغلول عامه وتقتل الميكروبات الموجوده بالريش والجسم

* ملحوظه هامه لابد من اطلاق الزغاليل فى مكان واسع او اطلاقه فى غيه لمساعدته فى تكوين عضلاته

C .. دور الغاوى ......................

للغاوى دور فعال مع الحضان ولابد ان تتواجد لغه حوار بين الغاوى والحمام ولابد ان يفهم كل منهما الاخر ولابد ان يفهم الغاوى شكوى الحمام وان يكون بمثابه المنظار القوى لاى طارئ يحدث وبالذات الامراض

1. ملاحظه اى تغيرات تطرا على الزغلول ..

لابد ان يقوم الغاوى بالتفحص الدائم للزغاليل ومتابعه حجم والاختلاف فى طبيعه الزغلول مثل وجود فطريات فى فم الزغلول او التهاب فى العين او برد فى الانف وهنا دور الغاوى فى كيفيه العلاج المناسب للمرحله والحفاظ على الحضان من انتشار العدوى

2. تنظيم مواعيد الاكل ..

وهى اهم العوامل المساعده على نمو الزغلول نموا كامل وان يكون الاكل بنظام وميعاد ثابت وقد تحدثنا عن الاوقات المناسبه لاكل الحمام ويراعى عدم اطعام الحضان فى وقت متاخر حتى يتمكن من من اطعام الزغاليل فى الرؤيه الواضحه
ولابد من رفع الكلفه بعد نصف ساعه لسببين حتى لا ياكل الحمام اكثر من حاجته وكذلك حتى يسقط الزرق فى الاكل ولابد من الاهتمام بنظافه الماء وتغييرها يوميا

3. تنظيم نزول الادويه للحمام ..

القاعده المعروفه ان زياده الادويه والاكثار منها تدمر الكبد وتؤدى الى حمام ضعيف وضياع البعض من كتر الادويه ولابد ان تكون الادويه بنظام ... بمعنى مضاد حيوى ثم فيتامين ثم راحه

* ملحوظه هامه عدم وضع الفيتامينات فى الكلفه حتى لا تتسبب فى التعفن او امتلائها بالامراض

* ملحوظه هامه اهم الادويه الممتاذه جدا هى خلطه التوم والبصل وخل التفاح فى الماء وهذه
التركيبه مع الشمس تحمى الحمام من اى مرض ولا تحتاج الى اى نوع علاج اخر ان شاء الله

4. دور الغاوى فى تساوى الزغلولين جسميا ..

وهذه نقطه هامه لان الزغلول الاضعف احتمال موته بنسبه كبيره والحل هو ان نبعد الزغلول الاكبر وقت الكلفه حتى يتمكن الحضان من اطعام الزغلول الاصغر ثم نضع الزغلول الاكبر لياخذ وجبته
الحل الثانى مساعده الزغلول الضعيف ببعض النواعم حتى يتمكن من اللحاق باخيه فى الحجم
الحل الثالث وذلك فى وجود ذغاليل فى نفس السن وذلك بنقل الزغلول الى المتقارب معه فى السن

5. فى حاله ترك الزغلول فى اى مرحله عمريه

وهذه مشكله كبيره جدا والحل هو نقل الزغلول الى اى حضان اخر حتى يتمكن من مشاركه الزغلول الدفء والاكل ومن الممكن مساعده الزغلول ببعض النواعم التى تساعده على المرور من هذه المرحله مع وضعه فى مكان دافئ وتنظيف المكان يوميا وممكن وضعه فى النهار فى الشمس حتى يتمكن من تعويض الدفء الذى فقده من ابويه

6. دور الغاوى فى تكمله وجبه الزغلول ..

وهذه نقطه هامه لان بعض الحمام يقوم باطعام الزغلول نصف وجبه ودور الغاوى هنا تحضير بعض الفول المبلول وثقبه واعطاء كل زغلول 5 حبات من الفول 5 فقط
* ملحوظه هامه فى حاله حدوث عسر هضم فى اى حمامه نقوم باعطائها نصف سم ديجستين فى الفم

7. التحصينات ومواعيدها وكيفيه التحصين ..

التحصينات لها دور فعال فى الوقايه من المرض
والتحصين نوعين طعم حي - طعم ميت
-الطعم الحى لا يعطى الا فى حاله الضروره بمعنى اذا فعلا بدا دخول المرض هنا الحل الوحيد هو الطعم الحى اللاسوتا وهى تنهى القصه فى كلمتين الحمام المصاب يموت فورا والحمام السليم يتعافى باذن الله
- الطعم الميت وهو المتداول ومنه المصرى النيو كاسل ومنه مستورد مثل شيفى باك وكلومبوفاك وهذا المصل مفعوله 6 شهور ويكرر ... وفاعليته انه يمنع الاصابه ويبدا عمله بعد 15 يوم من التحصين

* ملحوظه هامه بخصوص المصل لابد ان يبتعد عن اشعه الشمس والحراره حتى لا يفسد ولذلك لابد من استلامه من البيطرى مع الثلج ولكن قد يفسد باى طريقه من الصيدلى او المستهلك ولا يكون له فاعليه ولذلك بعض الغواه يعطى المصل ولا ياتى بمفعول لذلك لابد من شراء المصل من مكان موثوق فيه
طريقه اعطاء المصل يتم اعطاء المصل فى الثلث الاخير من الرقبه من الخلف بحيث يكون سن الابره حر وبعيه عن عظام الرقبه فى الجلد نفسه ويعطى نصف سم لكل طائر
وبعض الناس يقوم باعطاء المصل فى الصدر على اعتبار الامن ولكن الافضل اعطاؤه فى الرقبه
.................... ارجو من الله سبحانه وتعالى ان اكون قد وفقت فى توصيل اى معلومه تساعد فى تقدم هذه الهواية
#منقول

09/05/2023

09/05/2023

السلام عليكم ورحمة الله وبركاته
لو متربى فى لوفت حمام وعرفت
زى ماعرفت عمرك ماهتوصل
لرقم واحد فى الهوية لان
ملهاش كبير وفى الاول
والاخر رزق مع مجهود
وشوية صبر وتنقى ايه
على ايه وموضع وليله
كبيرة وناخد من داه
حاجة ومن حاجة
نكمل نوقص من بعض
فى طيور وذكور
ومفيش غاوى او هاوى
يعرف معظم الامرض ولا العلاجت
لازم كلنا بنفيد بعض ونكمل بعض
لما تكون ملاقى الطيور وربنا
يكرمك بفراخ يلوح داه تعبك ومجهودك
ورزقك انت سبب فقط وبتكون فرحان
انك فراخت حمام جامد وكويس فى المستوى
بعد سنين وتدوير مصنع كامل تكون بتفراخ
فوق العشر قصوص ويسقط الكل وتتطلع بواحد
هتعيد من الاول وهكذا لحد ما تواصل معاهم
للجامد مش يوم وليلة ولا انك تشترى الجامد
من مجهود غيرك وتفراخ منهم وتقول داه فراخى
لازم يكون سلالة خاصة بيك وتتطلع من تحت للفوق
مش من فوق لتحت تنزل على جدوار رقبتك الزينة
والغوازار معاملة خاصة ومناعة زافت لازم مجهود ووقت
وصبر ايوب فراخ الحمام مش سهل زى ماالناس فاهمة
والله وجع قلب بس فى الاول والاخر اسرار انك بتحب الطير
مش مكسب زى معظم الناس ماهى حطة فى دماغها الطيور عشق من نوع خاص

08/05/2023

في زغاليل جاهزة للنش للبيع استراليات بيض واستراليات حمر
هصورهم وانزل الصور

09/04/2023

مرحبًا بالجميع! 🌟 يمكنك دعمي من خلال إرسال نجوم - حيث تساعدني على ربح الأموال لمواصلة إنشاء المحتوى الذي تحبه.

عندما ترى أيقونة النجوم، هذا يعني أنه يمكنك إرسال نجوم إليّ!
‏‎ ‎‏

01/03/2023

ربنا يوفق الجميع بأذن الله
استنبات الشعيررر ..بيوفر علف وفي نفس الوقت...فائدة أكثر للطيور وبالنسبة لطريقة التحضير بسيطه جدا. غسل الشعير بالماء...مع أضافة ملعقه كلور في الماء وتركه لمدة... 1 دقيقه وبعد كده يغسل بالماء العادي مرتان .. طبعآ أثناء الغسيل حيظهر قشر علي سطح الماء...لازم يتشال ..
بعد كده ينقع في الماء لمدة ساعه ... بالنسبة للحمام قدمه بعد...3 ايام الحبه بتكون استوت وبقت ممتازه
والله المستعان

18/02/2023

اليوم هنتكلم عن سؤال مهم.......امتا الحمام بيسيب الحصي🕊️🍚......البيض.... بتاعه ويقوم🤔

الحقيقه فيه اسباب كتير جدا 💡وبتتفاوت من قص للتاني والفيصل فيها صفتين مهميين جدا ... #الحنيه و #الذكاء ....وكل ما القص كان ذكي ...كل ما فهم انه فيه تغير او مخاطر وبيهجر البيض ....والعكس للحنيه كل ما زادت كل ما حافظ علي الحصي .....ودي للعلم صفات مورثه من الاهالي للابناء بنسبه كبيره جدا وليس للمربي اي دور فيها سوي الانتخاب علي مر الاجيال
وعشان كده الحالات اللي هذكرها دلوقت ممكن تلاقي فيها اختلافات من قص لقص.....مش قواعد ثابته

ندخل بقي في اسباب هجر او ترك الحمام للحصي

اولا💫 لو البيض رايق ....يعني مش مخصب ومفيش فيه جنين اتكون ووقتها الحمام هيرقد مدته ١٧ يوم للصيف وتصل ل٢١ يوم في الشتاء......وهتقولي يعني الحمام بيعرف يعد،؟ ......هقولك ايوه سبحان الله ......وباليوم😯

ثانيا💫لو الجنين مات سواء لحظه الفقس او خلال فترة تكونه داخل الحصوايه .... هيحصل نفس الحاله السابقه يعني هيرقد 17 يوم في الصيف ل21 يوم في الشتاء

ثالثا💫 لو الاهالي خافت سواء بسببك او بسبب الضوضاء او الاطفال او انك كل يوم تحاول تقوم الاهالي عشان تشوف الحصي عمران ولا لا ......او تمسك الاهالي دون داعي وتقلب فيها ودي غلطه غاوي بنسبه100% والحل تسيب القص يطمئن ويحس بالامان دوما

رابعا💫لو احد الابوين .......سواء الاب او الام........ضاع او مات للاسف التاني مش هيكمل لوحده رقود علي البيض وينصح بالتحضين في الحاله دي فورا

خامسا💫لو اصاب احد الابوين او كلاهما مرض قوي مثل السالمونيلا او اي مرض مجهد فممكن جدا الاهالي تهجر الحصي وينصح بالتحضين في الحاله دي

سادسا💫لو تغيرت معالم العش يعني كان القص بايض في صفيحه زرقاء وانتا غيرتها وحطيت صفيحه حمرا فالقص بيهجر الحصي ....او مثلا القص محصي علي طاجن ازرق رحت نظفته وحطيت طاجن اخضر فوارد جدا القص يهجر الحصي .....والحل ....بلاش تغير ملامح العش نهائي لحد ما الزغاليل تدبس علي الاقل

سابعا💫لو تم نقل الحمام من مكان لمكان او من عين لعين .....فيه قصوص مش حنينه بتسيب الحصي وتزعل من التغيير.......فيه قصوص لو غسلت العين وطهرتها ممكن تهجر الطاجن والحصي بسبب بس تغيير الرائحه......وزي ما قلت بترجع للحنيه والذكاء

ثامنا💫 لو حضرتك حضنت حصي مكان حصي وكسرت معاد الفقس بمده فوق ال ٤ ايام يعني زودت او قللت عن 17يوم للصيف و21 يوم للشتاء......فالقص هيفهم انه الحصي باظ وهيعمل زي الحاله الاولي والثانيه

تاسعا💫 وجود طفيليات ماصه للدم ومؤذيه مثل القراده او الفاش او الناموس والباعوض والنمل .....الخ ......كل دي بتخلي القص يتوتر ويهجر العش كله والحل النظافه والتطهير

عاشرا💫وجود زواحف او قوارض او مفترسات مثل القطط او الثعالب او البوم والصقور والغربان......كل ده بيرعب القص ويخليه يقوم.....للعلم مش شرط تدخل الغيه.....مجرد مرورها من امام القص او وقوفها فوق الغيه ....يكفي لتخويفه ويخليه يهجر الحصي والحل ابعد كل المفترسات دي بقدر الامكان

اخيرا💫تعرض العش لهجوم من ذكور اقوي وطرد الذكر الاصلي وعشان كده بننصح دايما في التربيه السايب بعدم الازدحام وعدم ترك اي ذكور زياده في المكان

نقطه بقي اخيره......لو كل ما سبق مش موجود والقص هجر الحصي اكثر من مره يبقي دي خيابه من القص والحل انك تفدي القص....تشيل الدكر من الانثي.....وتخلفهم مع ذكر وانثي تانيه قدام وعندهم خبره عشان يتعلموا التحضين صح

صدق الله العظيم حين قال......
وَمَا مِنْ دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ
[سورة اﻷنعام 38]

اسف علي الاطاله واتمني يكون بوست مفيد وخفيف
وذكوا انفسكم بنقل المعلومه .... فذكاه العلم تبليغه💓💓💓💓💓💓💓💓
#منقول

01/11/2022

السلام عليكم ورحمة الله وبركاته
في ناس كتير بتسأل الحمام عنده اسهال الحمام كمشان الحمام عيان طيب أسأل نفسك ألاول أيه أنت بتعمله غلط مع الحمام
أولآ لو بتأكل الحمام علف وده طبعآ غلط لأنه لازم معاه مضاد حيوي ومطهر معوي والكلام ده طبعآ مش صح لأنك كدة بتضعف المناعة عند فرد الحمام وده بيأثر علي خلفته وبتطلع تعبانة بردو
ثانيآ ده وقت تغير الجو ممكن الحمام ياخد برد من غير ماتعرف لأن الجو بيبرد بالليل يبقا خلي بالك من طيار الهوا
ثالثا المسق بتاعة الحمام لازم تكون مغسولة ونضيفة عشان ساعات الحمام بيزرق فيها يعني بيعمل حمام في الميه ويرجع يشرب منها وده يجيب المرض وكمان ألاكل خلي بالك وانت بتحط الاكل عود الحمام علي معاد للكلفة ويكون أخر النهار وتشيل علي طول الاكل بعد نص ساعة عشان بردو الحمام ممكن بيعمل حمام علي الاكل ويرجع حضرتك تلم الاكل علي بعضه وماتاخدش بالك وترجع تاني تحطه للحمام وده بردو يجيب المرض
رابعآ النظافة لازم النضافة بأستمرار وطواجن الزغاليل لازم متابعة لو فيها حاجة غيرها وماتخفش جمد قلبك وشيل الزغاليل وانقلهم لطاجن نضيف ولم الزبل من تحت الحمام
خامسآ أحنا داخلين الصيف يعني حشرات الحمام بص ياسيدي هتجيب أكتومثرين خمسة في الميه من الصيدلية ده دوا جرب بشري وتحط غطا زجاجة علي جردل ميه وكبشتين ملح طعام وقلب وحط في طبق كبير او طشت وسيب الحمام يستحما وماتخافش مش هيأزيهم بالعكس بيبقا في فاش وقمل في الحمام من عدم النضافة ماتقلقش كل ده هيروح من الحموم ومن فترة والتانية كدة ابقا أغلي شيح علي لتر ميه وابقا خففه في المسق وعطشهم يوم وتاني يوم مسق عسان ينضف لو في ديدان عند الحمام وبالتوفيق للجميع بأذن الله
أخوكم أبو معاذ

01/11/2022

ازاي تعمل كلفة مغذية للحمام من غير علف

05/06/2022

السلام عليكم ورحمه الله وبركاته
بسم الله الرحمن الرحيم
في حاجات مهمه وأساسية لازم تكون عندك في البيت للحمام وتستخدمها في أي وقت وقايه وعلاج خفيف
التوم والبصل الليمون وخل التفاح والكسبره والشيح والفلفل الأسود والخميرة والعسل الأسود
الكلور أو يود أو بتادين
مضاد سموم دا أساسي في أي مرض
مطهر معوي وبفضل الفلاجيل أو الاميرازول أو الكابكيت المركب
الانتينال خفيف
ه سلنيوم مستورد
لو ادويه مضاد حيوي تنفسي
مضاد حيوي معوي أو بكتيري
رافع مناعه
مضاد للفيروسات
أهم حاجه النضافه والتهويه كويس بس مش ناحيه البحري الحمام مش بيبرد زي الناس ما فاكره أهم حاجه مفيش تيار هواء ومهم اوي مش تكون مقفل وتفتح مره واحده
الأكل لازم تحط كميه الحمام اللي تحته زغاليل مرتين في اليوم شرط أساسي الحمام ما يوقفش علي الاكل ولا يعمل زرق عليه مهمه جدا لازم الحمام يجوع وياكل الاكل مش قدامه ٢٤ ساعه مفيش اضاءه بليل أو نور
خلي الساقيه عاليه عشان ما يعملش زرق فيها وياريت تغير الميه مرتين في اليوم أغسل المساقي بكلور كل أسبوع مثلا
زي ما قولت قبل كدا لازم الحمام يستحم مره في الاسبوع في الشتا ميا وسنتي كلور أو يود بعد الضهر مباشره
طول ما الحمام واقف على رجليه الاعشاب تنفع والحاجات البسيطه دي تنفع لو وقع أو تعب لازم علاج
أشتري علاجك بالسنتي أو بالجرام مش لازم علب كامله بلاش المغالاه في الاكل والادويه بسمع علي أنواع أكل غاليه وكمان ادويه الحمام اصلا مش مكسب دا هوايه أو غيه
لازم تعرف الماده الفعاله بتاع العلاج وتنفع لايه
في أنواع كتير علاج انضربت
لو استخدمت العلاج اكتر من مره علي مرات متباعده ممكن ما ينفعش لأن الحمام خد مناعه منه مش هيجيب نتيجه
خلطه التوم والبصل والليمون ممتازه جدا
احترامي وتحياتي للجميع

05/06/2022

النهاردة هنتكلم عن تحضين حصا الحمام ( تحضين بيض الحمام) اهم حاجة انك هتجرب وتكون متابع للحمام بمعني ايه أقولك وأشرحلك بس خليك معايا ثواني
عندي جوز حمام باض وعندي حمام تاني بايض قبل منه انا متعود بتابع البيض وأشوف فيه تخصيب ولا لأ عشان مستناش عشرين يوم وبعد كدة ارمي البيض يبقا من اولها كدة اعرف البيض مروق ولا مخصب المهم الجوز ده طلع مروق الحصويتين روحت شايلهم وحطيت تحت منه حصويتين مخصبين ورميت البايظ رقدو عليهم عادي بس كدة كدة انا عارف القص ده مش حنين وباتبعهم علي طول يوم لقيتهم راحو قايمين من علي الحصا وليقيت الحصا هيبرد ويبوظ روحت واخدهم ومحضنهم تحت جوز حنينين مريحين بقالهم اسبوعين معندهمش حصا وفعلا رقدو عليهم وبيبدلو الدكر مع النتاية عليهم تمام كدة لا لسه وروحت فاصل الدكر والنتاية عن بعض اللي هما مش ظابطين مع بعض ليه مفيش عش بيطلع كامل معاهم مرة زغلول ومرة اتنين ومرة بيرقو روحت فاصل الاتنين وهدي للدكر نتاية تانية كمان كام يوم وادي النتاية دكر تاني عشان اغير دمهم واشوف العيب عند الدكر ولا النتاية
يارب المعلومة تكون مفيدة ووصلت للناس

14/11/2021

أجمد حمام نش

26/04/2021

زغلولين شقلباظ جاهزين للنش للبيع بشتيل امبابة مكنة لعب ومطار جامد

17/03/2021