Pilot

Pilot For Pet Care

"قطتك حامل؟ بالراحة عليها كده شويه!"🐱أول ما تلاحظ إن قطتك بقت بتاكل أكتر وبطنها بدأت تكبر، يبقى ممكن تكون حامل! فترة الح...
22/07/2024

"قطتك حامل؟ بالراحة عليها كده شويه!"🐱
أول ما تلاحظ إن قطتك بقت بتاكل أكتر وبطنها بدأت تكبر، يبقى ممكن تكون حامل! فترة الحمل عند القطط بتكون حوالي شهرين، وفي الفترة دي لازم نديها عناية خاصة.🔎💯
علامات الحمل عند القطط:
* بطنها بتكبر: ده أوضح علامة، هتلاقيها بتكبر مع الوقت.🐈
* حلماتها بتحمر: بتتحول للحمرة وتكبر شوية.
* بتحب الأكل أكتر: وبيكون عندها ميول للأكل الغني بالبروتين.🍗🥩🥛
* ممكن تبقى كسولة أو عصبية: ده طبيعي في فترة الحمل.😾
* بتدور على مكان هادي: عشان تستعد للولادة.🏕️💚
نصائح للعناية بقطة حامل:
* الأكل: زودي كمية الأكل بتاعها واختاري نوع خاص بالحوامل.
* الراحة: خليها تنام في مكان هادي ودافيء.🏕️💚
* الطبيب البيطري: لازم توديها للدكتور عشان يتابع حالتها.👨🏻‍⚕️
مهم جداً: لو لاحظت أي تغير غريب في القطة، روح على طول للدكتور.🐈🏥

01/07/2024

كنت تعرف ان شنبات القطط بتساعدها في الإحساس بالحجات اللي حواليها وقياس المسافات. لما شنب القطة يلمس حاجة، بتحس بيها كأنها لمستها بإيدها

اما عن جمال القطط ف هسيبك تشوف وتقول سبحان الله 😍😍

30/06/2024

كنت تعرف ان الكلاب و القطط ليهم بصمة خاصة بيهم بتختلف من واحد للتاني زي بصمات البشر بالظبط ؟؟

بس في مناخيرهم مش صوابعهم 😎👍

هسيبك مع الفيديو دا تتفرج علي جمال خلق ربنا سبحانه و تعالي ❤❤

لو انت بادئ في دورة تسمين هكلمك دلوقتي عن اول خطوة في الدورة اللي بتبدأ من قبل ما الكتاكيت توصل العنبر عندكأولاً، لازم ت...
26/06/2024

لو انت بادئ في دورة تسمين هكلمك دلوقتي عن اول خطوة في الدورة اللي بتبدأ من قبل ما الكتاكيت توصل العنبر عندك

أولاً، لازم تظبط درجة الحرارة جوا العنبر قبل استقبال الكتاكيت فيه بساعة عشان كل حاجة موجودة تكون ليها نفس درجة الحرارة المناسبة للكتاكيت. زي ما قولنا في البوست اللي فات، إن درجة الحرارة المناسبة لأول يوم هي 33 درجة مئوية، وبنقلل كل يوم نص درجة مئوية.

طيب، إنت جبت الكتاكيت خلاص ونزلتها العنبر. تستقبلهم على إيه؟

لما تنزل الكتاكيت في العنبر، لازم تستقبلهم على ماء فيه سكر أو عسل. ده بيساعدهم يعوضوا الطاقة اللي فقدوها أثناء النقل وبيشجعهم على الشرب، وده بيقلل من نسبة الفاقد في الأيام الأولى. الماء بالعسل أو السكر بيفضل تقديمه أول 12 ساعة. بعد كده، تبدأ تدخل العلف تدريجيًا جنب الماء. العلف بيساعد الكتاكيت تبدأ تتغذى وتكتسب وزن من أولها، بس لازم يكون التدريج عشان معدتهم تكون مستعدة.. و طبعا متنساش المضاد الحيوي المناسب للاستقبال اللي هتعرفه من الطبيب البيطري اللي بتتابع معاه.. ❤

الاهتمام بالخطوات دي هيضمن لك بداية صحية وقوية لدورة التسمين
و تابعنا لو مهتم تعرف باقي الخطوات ❤

تربية فراخ التسمين مش بس حاجة بتعتمد على تربية بسيطة، ده علم وفن. لازم تكون شاطر في اختيار الكتاكيت ورعايتهم، من درجة ال...
25/06/2024

تربية فراخ التسمين مش بس حاجة بتعتمد على تربية بسيطة، ده علم وفن. لازم تكون شاطر في اختيار الكتاكيت ورعايتهم، من درجة الحرارة للعلف والمياه، وحتى التهوية والنظافة. كل ده بيأثر في سرعة نموهم وجودة اللحم اللي هيتم إنتاجه. فتربية فراخ التسمين مش مجرد شغلة بتربي فيها، دي استثمار في المستقبل!
و عشان احنا حريصين اننا نرضي الجميع هنكلمكم انهاردة عن معلومات بسيطة عن اهم النقط اللي لو اهتميت بيها هتقدر تنتج دورة ناجحة في 45 يوم ❤️

1.**اختيار الكتاكيت**: لازم تختار كتاكيت من سلالات كويسة معروفة إنها بتكبر بسرعة وبتحول العلف للحم بكفاءة. زي الكب و الروس

2. **درجة الحرارة**: مهم تحافظ على درجة حرارة مناسبة للكتاكيت خاصة في أول أسبوعين، يعني تكون حوالي 33 درجة مئوية وتقللها بالتدريج كل اسبوع 3 درجات او كل يوم نص درجة و بعنيك تقدر تحدد هل درجة الحرارة مظبوطة ولا لا من خلال متابعة الكتاكيت لو متجمعين حوالين الدفاية يبقي سقعانين لو بعيد عنها ف الاركان يبقي حرانين

3. **العلف**: لازم تستخدم علف مخصوص لفراخ التسمين يكون غني بالبروتين والفيتامينات. العلف الجيد بيفرق كتير في سرعة النمو وجودة اللحم.

4. **المياه**: دايمًا تأكد إن المياه نظيفة ومتوفرة بكميات كافية. المياه النظيفة بتساعد في الهضم وبتمنع الأمراض.

5. **التطعيمات**: ضروري تلتزم بجدول التطعيمات للوقاية من الأمراض الشائعة زي النيوكاسل والكوكسيديا.

6. **التهوية**: لازم يكون فيه تهوية كويسة في مكان التربية عشان تقلل الرطوبة وتمنع تراكم الغازات الضارة

7. **النظافة**: دايمًا حافظ على نظافة المكان والأدوات المستخدمة في التغذية والشرب عشان تقلل فرص الإصابة بالأمراض.

8. **المساحة**: اتأكد إن كل فرخة عندها مساحة كافية للحركة. الازدحام بيزود فرص الإصابة بالأمراض وبيقلل معدل النمو
المساحة الطبيعية في الصيف 7 فرخات ل كل متر مربع في الشتا من 8 ل 10

اتباع الحاجات دي هيساعدك إن شاء الله في تربية فراخ تسمين صحية وتحقق نتائج كويسة.

ولو محتاج تسال او تستفسر عن اي حاجة ابعتلنا و اسأل الدكتور هيرد عليك فورا ❤

Dr_pilot_poultry

اي حد عنده قطة اسمها نيللي ليه عندنا هدية بشرط يكون معاه فيش جنائي فيه اسم القطة ثلاثي ❤😺🤭
24/06/2024

اي حد عنده قطة اسمها نيللي ليه عندنا هدية
بشرط يكون معاه فيش جنائي فيه اسم القطة ثلاثي ❤😺🤭

🐾 لو بتدور على طريقة تزود بيها سعادتك وتقلل توترك من غير مجهود كبير، الحل بسيط وبيمشي على أربع 💓🤭القطط 🐱🐱 مش بس بتجمل بي...
23/06/2024

🐾 لو بتدور على طريقة تزود بيها سعادتك وتقلل توترك من غير مجهود كبير، الحل بسيط وبيمشي على أربع 💓🤭

القطط 🐱🐱
مش بس بتجمل بيتك، لكن كمان بتحسن صحتك وحياتك بشكل مش متوقع. على صفحة Pilot 😎 هنعرفك دلوقتي على الفوايد المدهشة لتربية القطط، وحاجات ممتعة تقدر تعملها معاهم عشان تخلي يومك مليان ضحك وفرحة. يلا بينا نكتشف سوا سحر القطط وسر علاقتهم الخاصة بأصحابهم 😉

الفوايد الصحية لتربية القطط و تربية أي حيوان أليف ممكن تجيبلك كتير من الفوايد الصحية، لكن فيه فوايد معينة خاصة بالقطط 😺😺

القطط ممكن تقلل التوتر والقلق: كل اللي بيربوا قطط عارفين إزاي قعدة واحدة تلعب فيها مع قطتك ممكن تقلب يومك تمامًا. وكمان، فيه أدلة علمية بتقول إن صوت النونوة بيهدي الجهاز العصبي وبتقلل ضغط الدم

بتحسن صحة القلب: فيه تقارير بتقول إن الناس اللي عندهم قطط بيكون عندهم خطر أقل للإصابة بأمراض القلب والسكتة الدماغية

تمنع الحساسية: يمكن دايمًا تسمع إن شعر القطط من أكتر مسببات الحساسية شيوعًا بس لو الطفل اتعرض للقطط في أول كام سنة من حياته ممكن يطور جهاز مناعي يقاوم مش بس حساسية القطط لكن كمان أنواع تانية من الحساسية ( معلومة ليك 😉 كل ما الانسان يتعرض لمسببات حساسية ف اول كام سنة ف حياته كل ما يبقي عنده مقاومة اكبر للحساسية)

بتقلل الشعور بالوحدة: القطط رفيق ممتاز بتقدم حب غير مشروط 🥺 ممكن يكون زي (وأحيانًا أكتر من) حب الأصدقاء والمقربين من البشر

الاستمتاع مع قطتك واحدة من الفوايد الجميلة لتربية قطة إنك مش محتاج مساحة كبيرة عشان تلعب وتستمتع معاها ، على عكس الحيوانات الكبيرة اللي بتحتاج مساحة كبيرة للجري واللعب، كل اللي محتاجه مع القطة هو أوضتك وشوية خيال و كورة صغيرة او كورة خيط و فيه طرق كتير تانية للترفيه والتواصل مع القطة.

الاستغماية: اللعبة اللي كلنا لعبناها وإحنا صغيرين ممكن تكون لعبتك ولعبة قطتك المفضلة دلوقتي.. بس خبّي لعبة أو حاجة بتشد انتباهها تحت البطانية و استمتع وهي بتدور عليها

نفخ الفقاعات: واحدة من أحلى الحاجات في تربية القطط هي إنهم دايمًا مهتمين بالحاجات البسيطة...نفخ الفقاعات ممكن تحس إنه نشاط للأطفال..لكن قطتك هتتبسط بالكرات الطايرة دي. وممكن تشجعك تلعب معاها القطط بتحب تحاول تلتقط وتفجر الفقاعات بس دايمًا استخدم محلول فقاعات غير سام

لعبة البحث عن الطعام : القطط بتحب التحديات اللي بتحافظ على نشاطها وبتشبع جوعها! حط المكافآت في أماكن صعب الوصول ليها في البيت وشوف قطتك وهي بتحاول توصلها بتركيز و اصرار وهي مرنة جدًا وبتحب تتسلق وتتخطى العقبات

ممكن كمان تستخدم تطبيقات iPhone وAndroid بتقدم ألعاب عشان تسلي قطتك..زي صيد الأسماك أو الحشرات اللي بتظهر على الشاشة 🐱❤️

عندك تجربة جديدة حسنت حياتك بشكل بسيط وممتع و القط بتاعك جزء من روتينك اليومي وبتستمتع بكل لحظة معاه! شاركنا تجاربك مع قطك او قطتك المفضلة واكتبلنا في التعليقات أو اعمل شير للبوست عشان تدي لغيرك الفرصة يكتشف سحر القطط ويستمتع معاهم . 🎉😎

ولو محتاج اي استشارة طبية او غذائية لحيوانك الاليف ممكن تبعتلنا علي رسايل البيدج 💙

وعدناكم اننا هنكلمكم عن تطعيمات القطط..✌🏻خلينا الاول نعرف ايه فايدة التطعيم و ليه بنطعم حيواناتنا الاليفة سواء قطط او كل...
03/01/2024

وعدناكم اننا هنكلمكم عن تطعيمات القطط..✌🏻

خلينا الاول نعرف ايه فايدة التطعيم و ليه بنطعم حيواناتنا الاليفة سواء قطط او كلاب او غيرها من الحيوانات ...

التطعيم هو ببساطة بيحمي قطك من امراض عنيفة جدا❤‍🩹 عندها القدرة من انها تنهي حياة القط في خلال ساعات معدودة قبل ما تلحق اصلا تديله علاج😯..

و عايز اقولك انك حتي لو اديتله علاج ف في معظم الاحيان القط للاسف بيموت🫤 و عشان كدا عملو للامراض دي تطعيم عشان نحمي بيه حيواناتنا الاليفة و نقوي مناعتهم ضد الامراض دي ❤‍🩹 .

وعندنا تطعيمات القطط بتنقسم ل جزئين..
☑️جزء تطعيم للامراض العنيفة
☑️وجزء وقاية ضد الحشرات و الديدان

أولهم أهميه تطعيم الامراض و دا بيحمي قطك من 4 امراض قاتلين و بيكون عند عمر من شهر ونص الي
شهرين و يتكرر بعد 21 يوم و بعد كدا يُكرر سنويا✌🏻....

و تطعيم السعار و دا بيحمي الحيوان و الانسان من مرض السعار المميت اللي ملوش علاج و اللي بيتصاب بيه بيموت بنسبة 100%
و السعار بيكون عند عمر 3 شهور و يُكرر سنويا✌🏻...

و عشان منطولش عليكم هكلمكم في البوست الجاي عن تطعيم الحشرات و تطعيمات الكلاب 💖💖

لو عندك اي استفسار تقدر تسالنا وهنرد عليك في الكومنتات

جمعة مباركة عليكم جميعا 💖
22/12/2023

جمعة مباركة عليكم جميعا 💖

رجعنالكم تاني بشوية معلومات عشانكم مخصوص 💖💖🥺لو عندك قط و عايز تلعب معاه.. تفتكر ايه اكتر وقت مناسب للعب؟ ايه دا هو فيه و...
07/10/2023

رجعنالكم تاني بشوية معلومات عشانكم مخصوص 💖💖🥺

لو عندك قط و عايز تلعب معاه.. تفتكر ايه اكتر وقت مناسب للعب؟
ايه دا هو فيه وقت مناسب للعب مع القط بتاعي 🙃 ؟
اكيد طبعا هو انت فاكر نفسك اشتريته 🙂 !
انت اشتريته اه بس في الحقيقة انت لازم تختار الوقت المناسب عشان تحس ان القط ف قمة نشاطه معاك 😉 .. ودا يخليني اقولك ان افضل وقت مناسب للعب مع القط بتاعك هو وقت طلوع الشمس ووقت غروبها 💖🥺 .. القطط كائنات "شفقية" بمعني انها بتكون اكثر نشاطا في وقتين.. وقت الفجر و الشروق.. ووقت الغروب..هنا القطط بتكون اكثر نشاطا من اي وقت تاني 💖
-خليني كمان اقولك ان بجانب ان القطط كائنات شاطرة و بتصحي بدري هي كمان كائنات نضيفة جدا لدرجة انها بتقضي تلت الوقت اللي هي صاحية فيه بتنضف نفسها 😉 ..
ومش بس كدا.. دا كمان لو انت عندك اكتر من قطة ف كل قطة بيكون ليها مكان مخصص تعمل فيه 🚽 toilet.. كل قطة لوحدها.. فحضرتك لازم توفر لكل قطة ليتر بوكس لوحدها 🥺💖💖💖💖 ..
خليني كمان الفت نظرك ل حاجة ممكن نكون كلنا بنعملها غلط مع القطط بتاعتنا ⚠⚠ .. اوعي تلاقي القط بتاعك مش عاجبه الاكل ومش راضي ياكل اكله معينه تقوم تسيبها قدامه و تقول "بيتدلع و لما يجوع هياكلها " لان القط ممكن يرفض الاكل اللي مش بيحبه لدرجة انه يموت من الجوع ❌❌

خليني مطولش عليك ف البوست واستناني البوست الجاي ف معلومات هتفيدك جدا عن تطعيمات القطط و الاكل الممنوع و المحبب للقطط و الكلاب ❤️

ازيكم ❤ احتراما لوقتك البوست هياخد منك دقيقة ♥ وعدناكم المرة اللي فاتت اننا هنتكلم عن القطط ❤😼و هنبدأ معاكم الكلام بسؤ...
11/09/2023

ازيكم ❤
احتراما لوقتك البوست هياخد منك دقيقة ♥
وعدناكم المرة اللي فاتت اننا هنتكلم عن القطط ❤😼
و هنبدأ معاكم الكلام بسؤال 😎
كنت تعرف ان القط بتاعك في الاساس نمر 🐯 ؟؟
وعامل كيوت بس عشان تأكله و تشربه و تصرف عليه 😂😁
اكيد مكنتش تعرف 🫡
خليني اقولك ان 95% من الصفات الوراثية للقطط جاية من عند النمور 🐅🐅
ومش مجرد تشابه فقط دا كمان بيشتركوا مع بعض في سلوكيات كتير منها مثلا تمييز مكان معين عن طريق الخربشة 🤨
عشان كدا بنشوف القطط كتير بتخربش في اماكن معينة في البيت.. و دا لأن فيه غدد موجودة في اقدام القط بتفرز رائحة معينة و الرائحة دي بتختلط برائحة العرق اللي بيخرج برضو من الغدد العرقية الموجودة في نفس المكان و يكونو رائحة مميزة جدا للقطط ف لما القط يخربش ب اقدامه مكان معين هو كدا بيقول ل باقي القطط " المنطقة دي تلزمني 😎 و غير مرحب بوجود حد انا مبحبوش فيها 😎😎 " النمر كمان بيعمل كدا🫡

خليني اقولك معلومة تانية عن القطط ان بالرغم من انها بتشابه النمور بدرجة كبيرة جدا الا إنها بتعتبر الثدييات الوحيدة اللي مداقتش يوم حلو في حياتها !!
اسألني ليه!
اقولك ❤
لأن ببساطة يا عزيزي القطط تفتقد للجين المسؤول عن تخليق مستقبل التذوق المخصص بالحلاوة ❤ .. ف بالتالي لما تاكل حاجة مسكرة .. المخ مش هيقدر يحس بطعمها لان المستقبل المخصص بتزوق السكريات و الحلويات مش موجود عند القطط ❤
مش بس كدا يا عزيزي!! دول كمان عندهم قصر نظر 😔 بس في الرؤية الليلية و استكشاف الاماكن نظرهم احسن من نظرك انت شخصيا 😎😼
و عايز اطمنك ان القطط كائنات بيضا من جوا اوي و عمرها ما هتحسدك 😍 طبعا انت سألتني ليه؟
عشان القطط بتخش دايما برجلها الاتنين اليمين الاول ❤‍🔥 ..
دا حقيقي يا صديقي طريقة مشي القطط تعتبر هي الحيوان الوحيد اللي بيمشي بالطريقة دي هي و الزرافة و الجمل فقط ❤ انها اول خطوة بتكون بالرجل اليمين و الخطوة اللي وراها برضو باليمين بس الرجل اللي وراها 😉.. بعدها بقي الاتنين الشمال ..
خليني اكتفي معاك بشوية الحجات البسيطة دي في البوست دا عشان ميكونش طويل و ممل و لو عجبك اكتبلي في الكومنتات عشان نكمل في بوست تاني ❤❤❤
متنساش تعمل لايك للبيدج و follow عشان يوصلك كل جديد لو مهتم بالحيوانات الالليفة ♥

جولنار بتقولك جمعة مباركة 😉 ❤
01/09/2023

جولنار بتقولك جمعة مباركة 😉
❤

31/08/2023

ازيك .. يارب تكون بخير..💓
كلمتكم المرة اللي فاتت عن ضربة الشمس او ال Heat stroke في الكلاب و عرفت من البوست اللي فات ان الكلاب من الحيوانات اللي معندهاش sweat glands (غدد عرقية) بالتالي الكلاب مش بتعرق في الحر و دا بيزود احتمالية حدوث الاحتباس الحراري في جسمها و دا ممكن يؤدي لوفاة الكلب 💔
*طيب ازاي تحمي كلبك من ضربة الشمس؟؟*
بمنتهي البساطة.. *متقعدهوش في الحر*
✅لازم يكون المكان اللي الكلب قاعد فيه ضل و تكون حاطتله مايه جمبه ب استمرار و يا سلام بقي لو سقعتهاله شوية صغيرين *هيدعيلك ليل و نهار*.. 💓
✅لو انت مربيه فوق سطح بيتك لازم تتأكد ان الكلب مش مربوط و جمبه المايه بتاعته ( *واتاكد ان الشمس مسخنتهاش*)
✅خلي ميعاد وجباته بعيد عن وقت الحر لان الاكل بطبيعته بيزود درجة حرارة الجسم حاجه بسيطه ف خلي الاكل قبل الحر او بعد الحر
✅لو بتحب تتمشي بيه ابعد عن الوقت اللي الجو بيكون حر فيه
✅لو بتاخده معاه مشاويرك بالعربية بتاعتك اياك ثم اياك تقفل عليه العربية و تسيبه جواها في الشمس

*طيب ازاي تعرف ان كلبك عنده احتباس حراري؟*
❗لهث شديد مع ريالة من الفم
❗بينهج و ظاهر عليه الاجهاد (*مفرهد*)

❗ممكن في الحالات الشديدة يحصل ترجيع و اسهال و اغماء

*لو شوفت اي حاجة من الاعراض دي اوعي تتاخر ثانية*
✅ اول حاجة تعملها انك تحطله مايه يشرب بسرعة و تتاكد انها مش ماية سخنة ( ان الحر مسخنهاش يعني👍🏻)

✅ابعده بسرعة عن اي حر و اديله دش سرييع يبرد جسمه

✅خليك متابعه.. لو متحسنش تاخده و تجري بيه علي اقرب عيادة بيطرية و الدكتور هيعمله اللازم ❤️

دلوقتي هسيبك مع فيديو تعرف منه ازاي تحمي كلبك وازاي تعرف انه مصاب بالاحتباس الحراري ❤❤
لو عندك سؤال اكتب في الكومنتات و استني البوست الجاي اللي هيكون عن القطط ان شاء الله ❤❤❤❤❤❤❤

ضربة الشمس (heatstroke) ❤️‍🔥🔆🔆من اخطر الامراض اللي بتصيب الكلاب في فترة الصيف ,و خصوصا الكلاب.. ♨️و دا لأن الكلاب من الح...
28/08/2023

ضربة الشمس (heatstroke) ❤️‍🔥🔆🔆
من اخطر الامراض اللي بتصيب الكلاب في فترة الصيف ,و خصوصا الكلاب.. ♨️
و دا لأن الكلاب من الحيوانات اللي معندهاش غدد عرقية( sweat glands) ف بالتالي في الحر مش بتعرق وبيكون الطريقة الوحيدة اللي بتنظم بيها درجة حرارة جسمها هي ال panting (اللهث) عشان كدا دايما هتلاقي الكلب مطلع لسانه و بينهج في الحر 💔
و لو كلبك اتعرض للحر بشكل مستمر غالبا هيصاب بضربة شمس و ممكن لو متلحقش ف اسرع وقت يموت منك لأن ضربات الشمس في الكلاب بتكون قاتلة ❌❌

لو عايز تعرف ازاي تحمي كلبك من انه يتعرض ل ضربة شمس و تتصرف ازاي لو لقدر الله اتعرضلها ! ❤‍🩹
استنوا البوست اللي جاي ❤❤

Address

Alexandria

Telephone

+201284309164

Website

Alerts

Be the first to know and let us send you an email when Pilot posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pilot:

Videos

كنت تعرف ان شنبات القطط بتساعدها في الإحساس بالحجات اللي حواليها وقياس المسافات. لما شنب القطة يلمس حاجة، بتحس بيها كأنها لمستها بإيدها اما عن جمال القطط ف هسيبك تشوف وتقول سبحان الله 😍😍 #dr_pilot

كنت تعرف ان الكلاب و القطط ليهم بصمة خاصة بيهم بتختلف من واحد للتاني زي بصمات البشر بالظبط ؟؟ بس في مناخيرهم مش صوابعهم 😎👍 هسيبك مع الفيديو دا تتفرج علي جمال خلق ربنا سبحانه و تعالي ❤❤ #Dr_Pilot

ازيك .. يارب تكون بخير..💓 كلمتكم المرة اللي فاتت عن ضربة الشمس او ال Heat stroke في الكلاب و عرفت من البوست اللي فات ان الكلاب من الحيوانات اللي معندهاش sweat glands (غدد عرقية) بالتالي الكلاب مش بتعرق في الحر و دا بيزود احتمالية حدوث الاحتباس الحراري في جسمها و دا ممكن يؤدي لوفاة الكلب 💔 *طيب ازاي تحمي كلبك من ضربة الشمس؟؟* بمنتهي البساطة.. *متقعدهوش في الحر* ✅لازم يكون المكان اللي الكلب قاعد فيه ضل و تكون حاطتله مايه جمبه ب استمرار و يا سلام بقي لو سقعتهاله شوية صغيرين *هيدعيلك ليل و نهار*.. 💓 ✅لو انت مربيه فوق سطح بيتك لازم تتأكد ان الكلب مش مربوط و جمبه المايه بتاعته ( *واتاكد ان الشمس مسخنتهاش*) ✅خلي ميعاد وجباته بعيد عن وقت الحر لان الاكل بطبيعته بيزود درجة حرارة الجسم حاجه بسيطه ف خلي الاكل قبل الحر او بعد الحر ✅لو بتحب تتمشي بيه ابعد عن الوقت اللي الجو بيكون حر فيه ✅لو بتاخده معاه مشاويرك بالعربية بتاعتك اياك ثم اياك تقفل عليه العربية و تسيبه جواها في الشمس *طيب ازاي تعرف ان كلبك عنده احتباس حراري؟* ❗لهث شديد مع ريالة من الفم ❗بينهج و ظاهر عليه الاجهاد (*مفرهد*) ❗ممكن في الحالات الشديدة يحصل ترجيع و اسهال و اغماء *لو شوفت اي حاجة من الاعراض دي اوعي تتاخر ثانية* ✅ اول حاجة تعملها انك تحطله مايه

Shortcuts

Share

Category

Other Veterinarians in Alexandria

Show All

You may also like