Otlob pets

01/06/2024

متوفر الان 🔥🔥
طقم كامل للعنايه بحيوانك الاليف
قصافة اظافر
مشط الشعر
و صفاره 🙄
بـ ٨٥ج بس
و التوصيل لحد باب البيت 🏍️🏍️

01/06/2024

ازيكم ♥️🦇
اتكلمنا الاسبوع اللي فات عن الاوسكار و ازاي نعملها حوض مناسب
هنتكلم النهارده عن تفريخ و تزاوج الاوسكار
------------------------------------------

قبل ما نعرف ازاي نفرخ الاوسكار لازم نعرف ازاي نفرق مابين الذكر و الانثى
للاسف الاوسكار من السمك اللي صعب نأكد الجنس بتاعها بالنظر
بس في شويه نقط بتعرفنا بس مش بنسبة ١٠٠٪
١-الزعانف الظهريه عند الذكر بتبقى طويلة عكس الانثى بتبقى قصيره
٢-الزعانف الباطنيه عند الذكر بتبقى طويلة و ملامسه للذيل عكس الانثى هتلاحظ فرق بين الزعانف الباطنيه و الذيل
٣-رأس الذكر بتبقى ضخمه عكس الانثى هتلاحظ ان راسها مدببه
في صوره توضيحيه تحت للنقط دي
------------------------------------------

شايف كل الكلام دا
دا احتفظ بيه ک معلومه ليك بس 😅
علشان اللي جاي هو الصح 🦔
بعد ما تجهز الحوض بالطريقة اللي اتكلمنا عنها في البوست اللي فات
هتجيب مجموعة اوسكار حجم صغير (٥ سم مثلا)
و يكون عددهم زوجي (٨ مثلا)
و تراقب و تغذي كويس و تصبر
بعد فتره هتلاحظ ان في اتنين ع الاقل ماشيين جنب بعض معظم الوقت
دول هتعزلهم عن بقيت المجموعة
و تصبر و تراقب و تغذي كويس
لسه برضو ماشيين جنب بعض معظم الوقت؟
بدأ الذكر بيخبط في الانثى براحه ؟
لاحظت ان في تقبيل مابين الذكر و الانثى 😘😅
مبروك انت كده عندك زوج اوسكار متوافق بنسبة كبيرة
------------------------------------------

اللي بعد كده يفضل يكون الحوض التفريخ بدون جرش او فرش في الارضيه
هتجهز حوضك و سخانك و فلترك
يفضل تكون درجة الحرارة ٢٧
و الفلتر يكون اسفنجي (مش باور هيد)
و طبق فخار (عش حمام) او لوح سيراميك
و تسيبهم في حته هاديه بعيده عن انك تعدي عليهم كل شويه و الإضاءة تكون هاديه
بعد فتره لاقيه انبوب رفيع في الطبق ؟
مبروك انت الان امام زوج متوافق ١٠٠٪ 🥳
متنساش تحتفظ ب صوره ليهم و هقولك ليه
لأن لو قررت تبيعهم لاقدر الله
الصوره دي هتفرق معاك في السعر جامد
------------------------------------------

بعد ما وصلنا بفضل الله ان الزوج تزاوج و باض كمان
هتسيبهم برضو في حته هاديه لأن الاوسكار لو اتوتر ممكن يدمر كل حاجه في ثواني
هتهتم الفتره دي ب التغذيه و نظافه الماء
الاكل هيكون بروتيني اكتر مره كل يوم ب كميات قليله في وقت محدد
يعني كل يوم مثلا الساعه ٣
مع صيام يوم في الاسبوع
و يفضل تحت ميثيلين بلو علشان نقلل خطر ان البيض يصاب بالفطريات
بعد حوالي ٣٦ ساعه و دا بيعتمد ع درجة الحرارة
هقولك أن شاء الله مبروك البيض فقس
احتفظ ب صوره برضو ل نفس السبب
------------------------------------------
بعد ما البيض فقس و الحمد لله هتسيبهم مع اهلهم فتره عادي علشان زي ما قولتلك الاوسكار سمكه ذكيه و حساسه و ممكن تزعل لو نقلنا اطفالها ع طول
و زعلها ممكن يسبب صيام حتى الموت او انها توقف تزاوج مره تانيه
بعد حوالي اسبوع و انت مراقبهم هتنقلهم (لو لاحظت عدونيه من قبل كده انقل فوراً) في حوض مناسب كل ما كان عندهم مساحه كل ما ذاد الحجم بسرعه و قل نسبة النافق
------------------------------------------

بعد كده هتحتاج تتهم ب التغذيه للزريعه علشان تكبر و تطلع مستوى كويس و للزوج علشان فتره التزاوج و التفريخ بتبقى مجهده
------------------------------------------
و بس كده يا سيدي ل حد النهارده
و ان شاء الله البوست الجاي هنتكلم عن التغذيه بالتفصيل

#اوسكار

31/05/2024

و التوصيل لحد باب البيت 🔥

31/05/2024

سمكة الاوسكار
او
river dog
و ده علشان بترتبط ب صاحبها و تعرفه زي الكلاب
__________________________________________

النهارده هنتكلم عن سمكه من اشهر و اجمل الاسماك الشرسه

سمكة الاوسكار

سمكة الاوسكار هي إحدى افرد عائلة السيكلد الأمريكي
بتعتمد في اكلها ع البروتينات و اللحوم اكتر
زي الأسماك الصغير
ميل ورم
قلوب
إلخ
ب جانب الخضروات
او ممكن تجبلها اكل جاف جاهز بس من براند او شركه معروفين
__________________________________________

بالنسبة للحوض اللي هتربيها فيه
بالنسبه للحجم يفضل حوض كبير لا يقل عن ١ متر * ٤٥ *٤٥
و دا لأن الاوسكار زيها زي اسماك كتير عايزه مساحه علشان تكبر معاك
و عندي ليك مفاجأة
الاوسكار مش محتاج تعملها ديكور اوي لأنها ببساطة هتهدم الاسكيب (الديكور) و تعمل واحد ع مزاجها 😂
مش بقولك اسمها river dog😂
بس هي بتحب الدرافت وود لأنه بيرفع ال ph
و في نفس الوقت بيدي الحوض الأجواء الطبيعية للاوسكار
__________________________________________

ال Ph
6-7.5
درجه الحراره
24/27
__________________________________________

و بس كده ل حد دلوقتي لأن صعب نتكلم عن كل حاجه في بوست واحد
و تابع اللي جاي 😄

30/05/2024

قاضي الجبل
------------------
قاضي الجبل من اجمل السحالي حرفياً (داه رأي الشخصي)

شكله و حجمه و الديكور إلي لازم يبقي في

__________________________________________________

المتطلبات
---------------
حوض ازاز ٥٠ سم او ٦٠ وكل م الحوض يكبر يكون أحسن .

( وداه مش معناه إنك تزنق نفسك وتروح تعمل حوض ب الشئ الفلاني)))

أنت ممكن تحطه ف علبه وتفرشله جرنال أصلا

الحوض أحسن عشان ( هتبقي شايف الزاحف ادامك ع طول الديكور هيبقي باين وعامل شكل حلو )

هتفرش الحوض رمل وهتحط طبق فخار صغير في مايه بس كده.

__________________________________________________

طريقه التربيه
____________

(هتعمل لحوض قاضي الجبل غطاء)

ف الصيف
----------------
هيبقي ٥٠٪ من الغطاء خشب عشان الظل و ال٥٠٪ التانيه سلك ديق عشان يدخل للحوض شمس ومفيش فار او جوارح تنزل تاكله

الشتاء
----------

هيبقي ٧٠٪ من الغطاء خشب وال ٣٠٪ المتبقين سلك ديق باردو

عشان الحوض يفضل حراره وفنفس الوقت مش الحراره إلي تجيب
إجهاد حراري .

__________________________________________________

الفرق بين الذكر والأنثى
-----------------------------

الذكر : تحت رقبته بيكن لونه ازرق

الانثي: ملهاش الوان

وهتشوف الفرق ف الصور

__________________________________________________

الاكل
--------

ميل وورم/ دوبيا فقس او بالغ علي حسب الحجم بتاع قاضي الجبل/ سوبر وورم

كده كده هتحطو ميل وورم بس 😂

ف متشغلوش بالكوا ب باقي الاكل
__________________________________________________

طريقه التفريخ
____________

مش هفتي وقولك هات دكر ونتايه وهتنتج منهم ع طول وتبيع الفقس بتعهم ب ١٠.٠٠٠٠٠٠ مثلا

ليه؟

( لأن أنا مفرختش منهم قبل كده ومحاولتش لأن مكنش في وقت ولا مكان)

كتبت عشان الناس إلي هتسأل

__________________________________________________

30/05/2024

30/05/2024

🔥 Restock
🔥 وصول تشكيله جديده
و السعر 🔥🔥🔥
دلوقتي تقدر كل اللي نفسك فيه لحيوانك الاليف
و يوصلك لحد باب البيت 🏠
متوفر تشكيله من
رمل كاربون
الدراي فود
و ادوية الحشرات
و مستلزمات العنايه بالشعر
خصم ١٠٪ لأول اوردر ليك
و توصيل لو اشتريت بـ ٥٠٠+

28/09/2023

متاح الآن
_________
جوز بوم سبج اوروبي.

23/09/2023

متوفر
_____
تمساح نيلي

ثعبان جداري نتايه طولها متر

سلنجات رتلاء مصريه

ضبوب ملونه

سوفت شيل

الاسكندريه و متوفر شحن ( داخل و خارج الاسكندريه)

22/05/2023

🔻 نأسف لوجود عطل فني بالموقع في الوقت الحالي
و سيتم إصلاحه في الساعات القادمة ⚠️⚠️

12/05/2023

Otlob pets Web site online now❤️‍🔥
ملحوظه:الموقع لسه في المرحله التجريبيه
ممكن يقابلك مشاكل زي البطئ في التحميل
في حال قابلتك اي مشكله الرجاء التواصل معانا
https://otlobpets.rf.gd

29/04/2023

09/04/2023

08/04/2023

متوفر الآن.

قواضي الجبل.

ومتوفر ميل وورم.

08/04/2023

إنتظرو

المعلومات عن تربيه السوفت شيل.

10/09/2021

متوفر جولد
عادي و بلاك مور