Ketty pets home

08/11/2023

31/10/2023

القطط والكلاب لاصحابها مش مجرد حيوان بيلعبوا بيه دا بيكون فرد مالعيلة بيكون ابنهم بيحبوا ويخافوا عليه ودايما عايزين يكونوا مطمنين
واكبر مشكلة بتقابلهم هنسيبهم فين واحنا مسافرين والفنادق مش بتقبل بوجود قطط وكلاب وكمان اصحاب الشقق دلوقتى لو بتأجر شقة او شاليه
انا كيتى دايما كان فى بيتنا قطط وكلاب فا بقى عندى خبره فالتعامل معاهم ومن حبى ليهم قررت يكون كمان جزء من شغلى وبقيت بوفر عندى استضافة لانى واجهت نفس مشاكل السفر لفترات وهسيب اولادى فين والفرق بينى وبين العيادات ان الاستضافة فالبيت مش عيادة ولا بحطهم ف اقفاص بيعيشوا كان ف بيتهم بالظبط مع توفير الامان والرعاية وببعت صور وفيديوهات ليهم عشان تكونوا متطمنين اكتر طول فترة الاستضافة ومش بقبل اكتر من استضافة فى نفس الوقت هى استضافة واحده بس

16/07/2023

ماتحبهمش لكن ماتئذيهمش

18/06/2023

خلاص كلها ايام وداخلين على اجازة عيد الاضحى كل سنه وانتوا طيبين وعايزين تسافروا وتكونوا مطمنين على الكلاب والقطط واكيد هتحبوا يكونوا ف بيت زى البيت اللى هما عايشين فيه مش محبوسين ف اقفاص
الاستضافة عندى بتكون فالبيت مفيش اقفاص والكلاب بتتمشى مرتين فاليوم يعنى اخر لعب وشقاوة والامان اهم حاجه طبعا شبابيك وبلكونات البيت متقفله سلك فا مفيش اى احتمال وارد لضياعهم غير ان فيه رعاية طبية لو حد تعب
وكل يوم ببعت صور وفيديوهات عشان تكونوا مطمنين اكتر
وتستمعتوا باجازتكوا من غير قلق
ملحوظة : باخد بالكتير استضافتين فالمرة الواحده لضمان ان مفيش خناقات بينهم والقدرة على الاهتمام والرعايه ليهم

01/02/2023

ايه يفرقنا عن غيرنا...اقولكوا
اغلب اماكن الاستضافة بتكون فى عيادة او مكان متقسم وحدات لوضع القطه او الكلب فيها بيكون محبوس مش بحريته وحاسس انه فى مكان غريب وكمان عدد الاستضافات كتير لكن عندنا الموضوع مختلف .
مكان الاستضافه بيكون جوا بيت مفروش زى البيت اللى متربى فيه القطه او الكلب مش بيحسوا انهم محبوسين ولا مقيدين ولا بيحسوا انهم فى مكان غريب عنهم ومش بيكون فيه اكتر من استضافة بالكتير اوى استضافتين ومفصول بينهم وطبعا العدد القليل الرعاية والاهتمام بتكون اكتر
والبيت متأمن لان كل الشبابيك عليها سلك يعنى حتى لو الشباك مفتوح مفيش اى قلق ولا خوف لان السلك مقفول
بمنتهى البساطه هتكون مطمن على قطتك او كلبك وانت بتستمع باجازتك
وكمان عندنا ميزة اننا بنبعت صور وفيديو لقطتك او كلبك تشوفه وتطمن عليه يوم بيوم
من الاخر هتكون مرتاح ومطمن وهما كمان مرتاحين ومبسوطين وواخدين رعاية كامله

01/02/2023

ماتسيبنيش
ماتزهقش منى و ترمينى فى الشارع لما اكبر علشان مابقتش بضحكك
ماتزهقش من شقاوتى انا لسه صغير و عايز العب
ماتزهقش منى علشان عملت بيبى فى مكان غلط انت معلمتنيش الصح فين 😞
ماتسيبنيش علشان بهوهو انت كنت حابسنى و انا كنت خايف انام لوحدى و انا لسه صغير
ماتزعلش منى لما سيبتنى فى البلكونة و عملت دوشة كنت سقعان 😞
ايوة بخاف و بعيط و بتوجع و بجوع و بعطش و ببرد و باتعب انا روح مش جماد

بس بحبك

من ساعة ماخدتنى من مامتى وانا لسه مفتح عنيا على الدنيا و انا معرفش حد غيرك

ماتسيبنيش

30/01/2023

ماتسيبنيش
ماتزهقش منى و ترمينى فى الشارع لما اكبر علشان مابقتش بضحكك ولا شكلي بقى حلو
ماتزهقش من شقاوتى انا لسه صغيره و عايزه العب
ماتزهقش منى علشان عملت بيبى فى مكان غلط انت معلمتنيش الصح فين 😞
ماتسيبنيش علشان بنونو انت كنت سايبني و انا كنت خايفه انام لوحدى و انا لسه صغيره
ماتزعلش منى لما سيبتنى وقعدت أنونو بصوت عالي و عملت دوشة كنت جعانة 😞
ايوة بخاف و بعيط و بتوجع و بجوع و بعطش و ببرد و باتعب انا روح مش جماد
بس بحبك 💙💙
من ساعة ماخدتنى من مامتى وانا لسه مفتحه عنيا على الدنيا و انا معرفش حد غيرك
ماتسيبنيش

30/01/2023

She is mine

02/01/2023

كلاكيت مش عارفة المرة الكام لبيلا بس المرة دى بيلا مكنتش لوحدها كان معاها اختها الصغيره مارفى شقيه ومجرمه وعامله نفسها شجيع السيما وهى عبيطه جدا
وطبعا مقدرش انسى بيلا وطعامتها واد ايه كانت وحشانى

02/01/2023

كل سنه وانتوا طيبين وبخير وتكون سنه ٢٠٢٣ سنه خير

28/06/2022

مفيش ف طعامه الكلب البلدى وذكائه وشقوته

28/06/2022

وقت اللعب والاستعراض لبيلا

21/06/2022

العيد قرب كل سنه وانتوا طيبين والامتحانات خلصت وجه وقت المصيف والسفر والراحه والروقان وعشان تكمل روقانك وتستمع ياجازتك محتاج كمان تكون مطمن على اليفك وسايبه فى مكان مضمون وامان
انت عليك السفر واحنا علينا نهتم باليفك واللى يفرق عندنا غير اى مكان تانى ان الاستضافة بتكون فى البيت يعنى متوفر لاليفك نفس الحياة اللى عايشها معاك ومش محبوس فى اقفاص ولا مقفول عليه ولا حواليه اكتر من اليف غيره يعنى مش هيحس بخوف لاننا مش بنقبل اكتر من استضافة واحده بس والبيت كله امان ومفيش قلق ولا خوف من الشبابيك لانها كلها متقفله سلك
يعنى امان ورعايه واهتمام وانت تستمتع باجازتك وانت مطمن ومرتاح البال وهنبعتلك صور وفيديوهات ليك كل يوم طول فترة الاستضافة

30/12/2021

HAPPY NEW YEAR 🎅🎅🎅🎅🎅🎅🎅

23/12/2021

مرزوق كلب بلدى اصحابه لقوه صغير عربيه خبطاه خدوه وعالجوه وعاش معاهم بس مرزوق بياخد حقن اعصاب كل يوم و محتاج رعايه خاصه وبيحتاج يتمشى كتير ف الشارع وماينفعش يسيبوه اقامه ف اى مكان وهما مسافرين
كلمونى وجابولى مرزوق اقامه عندى محسش بغربة وفرق بين عندى ف البيت وبيته الحقيقى وكان بياخد حقنه فى مواعيدها وبننزل نتمشى ونلعب كتير ...نورتنى يا مرزوق وهتوحشنى

22/12/2021

جيزا من اطيب واشقى القطط جاتلى استضافة قاعده ومستكنيصه عالاخر تقريبا انا اللى كنت ضيفه عندها اتمنى مكنش تقلت عليكى ياجيزا

21/12/2021

بيلا وسعى عندى شغل كتير ...ماليش دعوه وانا عايزة العب سيبى الشغل والعبى معايا والا مش هخليكى تشتغلى اصلا ورينى بقى هتشتغلى ازاى وادى نومه

21/12/2021