20/08/2020
ازاي اطلع رخصة لكلبي؟
رخصة الكلب عبارة عن حلقة معدن (زي الصورة اللي حطينها بالظبط) بتتعلق في طوق الكلب بتستلمها من إدارة أو مديرية الطب البيطري بعد ما تعمل الإجراءات دي:
– بتقدم طلب رخصة للإدارة البيطرية
– بيطعموا الكلب ضد مرض السعار (من سن ٣ ل ٦ شهور)
– بتدفع من ٥٠ ل ٨٠ ج رسوم إصدار الرخص
– بيكشفوا علي الكلب
– بيطعموه ضد الأمراض المشتركة
– بعد كده بتقدم صورة الإيصالات التي تثبت أن الكلب خد كل التطعيمات وبتخد رخصة عبارة عن حلقة معدنية مسلسلة برقم الترخيص تعلق في رقبة الكلب.
فوائد الترخيص :
- لا توجد أي مسألة قانونية في حالة عض الكلب لأي شخص.
- مفيش اي مخاطر صحية بيتعرض ليها الشخص اللي عضه كلب تم تطعميه ضد السعار والأمراض المشتركة.
- من حقك ترفع قضية تعويض علي اي جهة قتلت أو اذت كلبك المرخص حتي لو كانت الشرطة وطبعاً امان لكلبك في حملات التسميم اللي بيقوم بيها الطب البيطري.
تقدروا تشوفوا اماكن الوحدات الصحية الحكومية من خلال اللينك ده:
https://m.facebook.com/story.php?story_fbid=303153964451376&id=103761534390621
ياريت كل اصحاب الكلاب الغير مرخصة يهتموا الفترة الجاية بترخيص كلابهم.
Copied # # #
دي عناوين الوحدات البيطرية الحكومية في القاهرة والجيزة تقدروا ترخصوا كلابكوا من سن 3 ل 6 شهور بعد تطعيم السعار.
الوحدة البيطرية بالشيخ زايد
العنوان: الحي الثالث عشر المجاورة 4 بجوار مكتب التموين ومدرسة الثانوي بنين، شارع 40، الشيخ زايد
الوحدة البيطرية الحكومية بمدينة 6 أكتوبر
العنوان: مدينة 6 أكتوبر، الحي الحادي عشرمجاورة 2 - شارع 5 متفرع من شارع 15 بجوار السجل التجاري ومكتب العمل، 6 أكتوبر، الجيزة
مستشفى الطب البيطري في إمبابة
العنوان: 11 ش المحطة - بجوار مدرسة باحثة البادية التجارية بنات – خلف قسم إمبابة – إمبابة
مستشفى الطب البيطري بالجيزة
العنوان: 3 شارع ترعة الزمر متفرع من شارع الخرم, بجوار مترو الجيزة و النساجون الشرقيون. الجيزة
مستشفى القوات المسلحة البيطرى
العنوان: طريق النصر, الاوتوستراد, أمام النادي الأهلي. مدينة نصر
مستشفى الشعب لمعالجة الحيوانات
العنوان: 60 السكة البيضاء، السريات الشرقية، مدينة نصر، محافظة القاهرة
الوحدة البيطرية بحلوان
شارع جمال عبد الناصر - أمام محل محمد حسن للأدوات الصحية - حدائق حلوان
