https://www.facebook.com/105261431928723/

Kon Awnan Damanhour, Damanhour (2024)

01/07/2022

ببالغ الحُزن والأسى ينعي تيم كُن عونًا بكل أفراده الفقيد الدكتور أحمد مهدي الفقي دفعة ٢٠٢٢ طب بيطري دمنهور ..

نسألكم الدعاء له ..

اللهم اغفر له وارحمه، واعف عنه وعافه، اللهمّ اجزه عن الإحسان إحساناً، وعن الإساءة عفواً وغفراناً. اللهمّ إن كان محسناً فزد من حسناته، وإن كان مسيئاً فتجاوز عن سيّئاته. اللهمّ أدخله الجنّة من غير مناقشة حساب، ولا سابقة عذاب. اللهمّ آنسه في وحدته، وفي وحشته، وفي غربته.

14/06/2022

عايز تتعلم دواجن في الأجازة؟ اقرا كويّس ي صديقي ❤️

مساء الخير أهل كُن عونًا الكرام ❤️

البوست اللي فات أعلننا عن التعاون مع موقع Vet Land اللي بيوفّر كورسات وخدمات كتير في المجال البيطري ..

خدمات متنوّعة بين كورسات علمية وكمان خدمات للعيادات وشركات الأدوية وكمان معلومات عن بورصة الدواجن وغيرها خدمات كتير هتكون موجودة ع موقع Vet land:

http://www.vetland.org/product/manual-of-poultry-diseases-book-watmq

ده لينك الموقع الأول، وهيكون في لينك تاني للكورسات بيتجهّز حاليًا، وده ينقلنا لموضوع البوست الأساسي ..

نيجي لأول مفاجأة وأول هدية لأهل كُن عونًا ❤️

وهيّ كورس دواجن مميّز عن كل ما يخص الدواجن ..

هيتمّ شرح فيه كتاب :

‏Manual of poultry disease

واللى بيعتبر اقوى واكبر مرجع فى الدواجن شامل
‏- Introduction
‏- Physiology, Nutrition, management of poultry
‏_ Avian immunity
‏- Bacterial,viral,fungal... diseases
‏- Differential diagnosis- Avian anatomy
‏- In addition to field experiences
‏- All about vaccinations
‏- Management & farms
‏- Avian pharmacology
‏- Egg production & Quality

‏+ Daily discussions & technical support

واللي هيكون معانا في شرح الكورس دكتور أحمد حسن أحد أفضل دكاترتنا طبعًا في مجال الدواجن

- الكورس بيتسمع فى اى وقت عادى على حسب وقتك براحتك، ودي أهم نقطة علشان أنا سامعك بتقول إنّك في امتحانات ومش فاضي ..

- الكورس 3 شهور 40 ساعة
- *لفترة محدودة* خصم 50%يعنى فقط *250* جنيه بدلا من 500🥳

وهيكون في لايف كل أسبوع لأي أسئلة في محتوى الكورس مع الدكتور أحمد حسن يعني هتسمع شرح وكمان هتسأل في اللي انت عايزه كمان ..

للحجز واتساب:

01002960190
01096411566

20/05/2022

بيقولّك في بيطري مينفعش تسأل هو انت بدأت امتحاناتك ولا لسّة؟ علشان انت بتمتحن طول السنة أساسًا !

مساء الخير أهل كُن عونًا الكِرام .. ❤️

النهاردة هنحاول نقولك على شويّة حاجات ممكن تفيدك في موسم الامتحانات ..

أولاً طريقة المذاكرة:

في أسلوب في المذاكرة اسمه ( Pomdoro ) مُعتمدة فكرته إن المخ مبيقدرش يفضل مركز في حاجة أكتر من ٢٥ دقيقة ..

الأسلوب بيعتمد أنك بتذاكر بتركيز لمدة ٢٥ دقيقة ثم تاخد بريك لمدة خمس دقايق بس، وترجع تاني تذاكر ٢٥ دقيقة وتاخد بردو بريك ٥ دقايق وهكذا وتعمل ده ٤ مرّات وبعد فترة المذاكرة الرابعة يكون البريك ٢٠ دقيقة وبعدها تبدأ من الأول ..

في أكتر من أبلكيشن بيساعدك تعمل الطريقة دي في المذاكرة زي ( Be Focused) وبيكون مُفيد جدًا وهتلاقي نفسك قادر تكمّل في المذاكرة ودماغك مش بتفصل ..

ثانيًا : تنظيم يومك خلال الامتحانات

من أهم الحاجات أيام الامتحانات هو تنظيم الوقت وتقسّم يومك بين المذاكرة والرفاهية!

هتقولي رفاهية إيه اللي أيام الامتحانات؟ هقولك انت كدة كدة لو مقسمتش وقتك، وقررت تذاكر كل اليوم ! هتزهق وهتروح تاخد وقت الرفاهية ده وانت ضميرك بيأنبك! أو مش هتذاكر اساسًا لأن مفيش حافز من الأول ..

بالتالي أفضل حاجة تقسّم يومك يبقا نصه مذاكرة ونصه التاني -مثلاً- بدون مذاكرة أيّا كان بقا هتعمل إيه وهوّ ده هيكون الحافز بتاعك إنك تخلص المذاكرة اللي وراك عشان تكون فاضي أكبر وقت ف اليوم تعمل فيه اللي انت عايزه ..

ثالثًا: إيًّاك تنسى إن مذاكرتك وتعبك ده انت مأجور عليه إن شاء الله عند ربنا، وإن ربنا فعلاً مبيضيعش تعب حد ودايمًا كرمه واسع، ف متخافش ❤️

دُمتم عونًا .. ❤️

02/05/2022

مساء الخير أهل كُن عونًا الحلوين ❤️

حابّين بس نهنيكم بمناسبة العيد، كل سنة وانتوا طيّبين وبخير دايمًا وفي وسط أهلكم وحبايبكم، وربنا يتقبّل صالح أعمالكم في رمضان بإذن الله ❤️

متجمّعين ع الخير دايمًا، دُمتم عونًا ❤️

01/05/2022

مساء النور .. ازيّكم يا أهل كُن عونًا !

أنا بكار .. أيوة بكار اللي جه في بالكم
طبعًا انتوا عارفين إني دايمًا معايا رشيدة ، ومقدرش أبدًا أستغنى عنها وبخاف عليها من أقل حاجة، وبصراحة خايف عليها من مرض كدة قالولي عنّه
اسمه:
الجمرة الخبيثة، ممكن تحكولي عنّه؟

أهلاً بيك ي بكار في كُن عونًا، وإن شاء الله نقدر نساعدك ❤️

الجمرة الخبيثة أو ال Bacillus Anthracis من أخطر أنواع البكتيريا اللي ممكن تُصيب أي حيوان عمومًا

وده لأسباب متعددة منها:

ليها شكلين في مراحل حياتها ، أول شكل ليها بتكون في شكل sporulated برّا جسم الكائن الحي ، ال spore دي هي اللي بتخليها تقدر تعيش في التربة لسنين وسنين! مستنيّة بس الفرصة إنها تدخل جسم الحيوان وتتحوّل هناك لل vegetative form وده الشكل اللي هتعرف تتكاثر بيه جوّا جسم الحيوان.

بالتالي أي أكل أيًّا كان نوعه ممكن ينقل المرض ده للحيوان طالما عليه ال spores بتاعت البكتيريا

الأعراض انت ممكن متلحقش تشوفها لأن من شدّة المرض ممكن يحصل sudden death

الأعراض اللي ممكن تشوفها أشهرها نزول دم غامق جدًا من كل فتحات الجسم ، طبعًا مع الحرارة العالية وبعض الأعراض العصبية

مُهم أوي تعرف إن لو في جثة حيوان انت مجرد شاكك إنه مات بالجمرة الخبيثة مينفعش أبدًا تفتح الجثة دي علشان هتساهم بشكل كبير في انتشار ال spores دي تاني! اللي زيّ ما قولتلك بتقدر تعيش سنين في التُربة

المهم يعني ي عمّ بكار احنا هنا بننصحك إنّك لو بتحب رشيدة تديها تحصين من الجمرة الخبيثة للوقاية من قبل ماتظهر الأعراض وتاخد بالك كويّس متسبهاش تاكل أي حاجة كدة وهيّ ماشية معاك، وربنا يخليلك رشيدة ي بكّار ❤️

30/04/2022

مساء الخير عليكم يا أهل كُن عونًا ❤️

عاملين إيه؟ طبعًا رمضان خلاص في آخر أيامه، وكالعادة رمضان بيخلص بسرعة، يا رب بإذن الله يجعلنا من عُتقائه من النار في الأيام المُباركة دي ❤️

النهاردة آخر حكاية في رمضان بقا، عايزينك تحكيلنا ..

احكولنا بشكل عام تأثير رمضان عليكم، طلعتوا منّه بإيه؟ إيه كان جديد عليك في رمضان السنادي ومبسوط بيه؟ ❤️

مستنيين حكاياتكم دايمًا، دُمتم عونًا ❤️

29/04/2022

ًا

25/04/2022

طبعًا معروف عن الكلب إنه وفي ..

بس تقريبًا مش معروف أدّ كدة إنه من الأسباب اللي ساعدت العلماء في اكتشاف الإنسولين !

مساء الخير أهل كُن عونًا الكِرام ❤️

النهاردة هنحكيلكم قصّة صغيرة بدأت من عند جرّاح عظام اسمه فردريك، عمّنا فردريك ده طلب مُساعدة من رئيس قسم الفسيولوجي في جامعة تورنتو كان اسمه جون مكلوريد ..

المساعدة كانت في إجراء أبحاث عن عزل مادة بتنتجها جزر لانجر هانز في البنكرياس، وكان يُعتقد إن المادة دي هتعالج مرض السكري في البشر ..

مكلوريد ده كان راجل محترم بصراحة وجابله معمل و ١٠ كلاب وسهّله كل حاجة عشان يعمل أبحاثه براحته ..

ولقى في أبحاثه إن المادة اللي بيعزلها من البنكرياس دي بعدها بترتفع جدًا نسبة السكر في الدم ..

لكنّه لمّا بيرجع يحقن المادة دي تاني للكلاب كان بيرجع تاني مستوى السكر في الدم للطبيعي ..

ودي كانت بداية اكتشاف الإنسولين اللي ساهم في علاج ملايين من البشر فيما بعد ❤️

دُمتم عونًا ❤️

22/04/2022

ُن_عونًا

20/04/2022

مساء الحكايات وليالي رمضان الجميلة ❤️

طبعًا عارفين أد إيه فضل قراءة القرآن في رمضان عظيم ..

بس دايمًا بيقابلنا كلنا مشكلة في وقت وكميّة الوِرد اليومي من القرآن .. علشان كدة عايزينك تحكيلنا .. ❤️

احكيلنا قريت أد إيه لحد دلوقت في القرآن؟ ووقت الوِرد بتاعك بيكون امتى وبتقرا أد إيه؟

مستنيين حكاياتكم في الكومنتات .. دُمتم عونًا ❤️

17/04/2022

ً

12/04/2022

مساء الخير يا أهل كُن عونًا ❤️

عاملين إيه؟ احنا بصراحة حبّينا حكاياتكم معانا، وجايين تاني نحكي معاكم شويّة ❤️

ربنا دايمًا كريم، وكرمه دايمًا واسع معانا، ودايمًا بيكرمنا فوق مانتخيّل، وعلشان كدة عايزينك تحكيلنا ..

احكيلنا .. عن دعوات دعيتها في رمضان في السنين اللي فاتت واتحققت أو انت عايش فيها بالفعل في رمضان السنادي ❤️

مستنيين حكاياتكم في التعليقات .. دُمتم عونًا ❤️

06/04/2022

مساء الخير على كل أهل كُن عونًا ❤️

النهاردة هنبدأ معاكم فقرة جديدة هتكون موجودة معانا طول رمضان اسمها " احكيلنا " ❤️

وده بما إنّكم دايمًا بتسمعوا مننا معلومات بمختلف أنواعها ، المرّادي احنا حابّين نسمعكم ، وتحكولنا في كل مرّة عن حاجة معيّنة من عاداتكم المُختلفة في رمضان ..

المرّادي بما إننا في بدايات للامتحانات وكدة ومع لغبطة المواعيد في رمضان ، حابّين نسألكم إيه أكتر وقت بتعرفوا تذاكروا فيه في رمضان؟ أو حسيتوا إن استيعابكم فيه بيكون أفضل من أي وقت تاني؟

واللي لسّة ملقاش وقت مناسب للمذاكرة في رمضان، يقدر يتابع في الكومنتات وإن شاء الله يستفيد ❤️

مستنيين حكاياتكم ي أهل كُن عونًا ❤️

02/04/2022

أهلاً بيكم مُتابعين كُن عونًا في كل مكان ❤️

طبعًا كل الناس بتستنى رمضان لأنه بيكون بالنسبالهم سبب بهجة وراحة جميلة للنفوس 🍃

واحنا تيم كن عون جايين النهاردة نقولكم كل سنة وانتو طيّبين بمناسبة شهر رمضان الكريم ويارب ينعاد ع الجميع بخير وبركه ❤️ 🌙
ً

28/03/2022

It's time for a new generation 🔥😎
Would you join us ?! 🤔

ف البدايه هنعرفكم بالكومتيز المختلفه و فروع شجره العيله العريقه😌 و مسؤلياتهم اللى هتساعدكم ف اختيار الكميتى المناسبه لقدراتكم و مهارتكم 👌

🔲Public Relations (PR):

بإختصار هما ممثلين و مندوبين للتيم ، مميزين بالشجاعة والجرأة والمخاطرة ومعروفين بالقوه في الإقناع وازاي يقدروا يحققوا أفضل deal ممكن في المواقف المختلفة مع إمكانياتهم العالية في التواصل مع مختلف الناس .👨‍💼👩‍💼

🔲 Human Resources (HR):

موجودين ف كل الكمتي و بيتابعوا تحركتهم و انجازتهم ، منضبطين ... حازمين واحيانا أشرار 😈
عندهم القدرة علي حل المشكلات والقيادة الناجحة ومساعدة الغير والعمل تحت كافة الظروف المختلفة .

🔲 Media :

مسؤوليتهم الكتابه و النشر و الرد ع رسايلكم و استفارتكم اون لاين معاكم ال 24 ساعه 👨‍💻📲 مميزين بالابداع و خفه الظل واتقانهم لفن الكتابة وطريقة توصيل المعلومة بأفضل شكل ممكن
وابداعهم الى بتزين واجهات التيم الخارجية🎤 .

🔲 Scientific (Awareness+Academic) (AC):

مميزين بالبحث العلمي وغزارة المعرفة وطرقهم السريعة في إيجاد المعلومات وتوصيلها بشكل مناسب للآخرين .🔬🔎

🔲graphic committee:

الكمبيوتر لعبتهم عباقره التكنولوجيا وجه التيم ف الديزينات و الفيديوهات و السكريبت و المنتاج . 📲📱

و دلوقت لو انت شايف أياً من الموصفات دى فيك و حابب تخوض التجربه و تملى وقتك بشئ مفيد ليك و لغيرك او لو حت لو مش شايف😂 تقدروا تملوا الفورم ده 👇

و بعدها هنتواصل معاكم لتحديد معاد و مكان الإنترفيو عشان تنورونا ف أسرتنا الجامده جدا و المتواضعه خالث 👈👉🥹 اخر معاد لملئ الفورم يوم الخميس.. مستنينكم 😘❤

https://forms.gle/PskYMzG8DFWu9vXH9

24/03/2022

•فاعليات اليوم الثاني ♥️
تم إجراء عمليه overiohysterectomy للقطط والتدريب العملى أثناء العمليه ♥️

22/03/2022

📌فاعليات اول يوم كورس الجراحه ♥️
●تم شرح المحتوي النظري و تدريب المتدربين علي اساسيات الخياطه ♥️
●تابعو معانا بقا سلسه البوستات اللي بنتكلم فيها عن محتوى الكورس عشان تستفادو اكتر♥️

16/03/2022

طبعا بما اننا اعلنا عن كورس لل pets قبل كدا ع البيدج وهنحطلكو لينك البوست برضو في الكمنتس للناس اللي مشافتهوش ♥
حبينا نساعد الناس اللي هتحضر بشوية معلومات بسيطة كدا تفهمك الدنيا هتبقي ماشية ازاي 🤝
وطبعا الاحسن عشان تستفاد استغاده كاملة م الكورس تكون عارف اي هيتشرح معلومات عامه كدا تعرف تناقش بيها المُحاضر فاحنا حبينا نعمل ليكو بوستس تساعدكو هيبقو عبارة عن تلت بوستات دا الاول والباقين هينزلو الفترة الجاية تابعو عشان تستفادو ♥🔥

"تحصين القطط"
🔘 القطط بتحتاج للرعاية و الاهتمام لأنها مخلوقات جميلة ومحببة لناس كتير ، وأحد أهم خطوات العناية بالقطط هو العناية بتطعيماتها المختلفة.
📌فائدة تطعيم القطط :
ــ تطعيم القطط ضد الأمراض الفيروسية بيساعدك على وقاية قطتك من أمراض كتيرة اللي تعُد من الأمراض القاتلة للقطط.
ــ يعتقد البعض إن تطعيمات القطط غير ضرورية خاصة لو القطة مش بتخرج من البيت ، و دا غلط لأن :
1➖التطعيمات بتساعد على الوقاية من أربعة أمراض فيروسية قاتلة و هي :
(فيروس كاليسي ، اللوكيميا ، الهربس ، الدستمبر)
2➖يرفع مناعة القطط و بالتالي يقلل من احتمالات اصابتها بنزلات البرد و الإنفلونزا
3➖تطيل عمر القطط بحيث تعيش لعمر أطول بنسبة 30%
4➖يحافظ على القطط الرضيعة ، يعني لو ناوي على تزويج قطتك فـ ضروري تطعمها قبل الزواج لوقاية القطط الرضيعة.
📌 التطعيمات التي يجب اعطائها للقطط :
🔹التطعيم الأول "تطعيم القطط الرباعي"
بنديه لكل أنواع القطط ، سواء شيرازي أو سيامي ، أو بلدي ولكن عند وصولهم للسن المناسب
بداية من سن 45 يوم بحد ادنى
🔹التطعيم الثاني "التطعيم ضد مرض السعار"
مرض السعار هو مرض فيروسي يصيب الحيوانات كما يصيب السعار القطة ، ومن اشد الأمراض خطورة لإنه بينتقل للإنسان عن طريق لُعاب القطط
📌مواعيد وجرعات تطعيمات القطط :
🔺 يجب تطعيم قطتك وهي في عمر صغير جداً
▪️يبدأ من سن 6 أسابيع حتى سن 8 أسابيع (بعد الفطام مباشرة)
▪️ بعد 21 يوم يجب تكرار التطعيم و تسمى الجرعة التأكيدية.
-دُمتُم عوناً ❤️

15/03/2022

كن عونا راجع بقوه وعشان كدا
قررنا نعملكم كورس بيتس جامد كده ♥️🐾
الكورس عبارة عن جزء نظري وجزء عملي عشان تشتغل بإيدك ...دا عشان إحنا جامدين طبعا 😌
📌 هتقدم الكورس د / ايمان سلامه
-اخصائية طب وجراحه الحيوانات الاليفه
-صاحبه عياده Vet for pet بالعجمي
-عضوه بجمعيه EVAC
📌 الكورس عبارة عن ٣ أيام (اتنين وتلات وخميس الاسبوع الجاي )
- اليوم الاول من الكورس
هنشرح مباديء وأشكال الخياطة المختلفة و طرق التخدير وهنشتغل عملي
- اليوم التاني
هنشرح عمليات الخصي Casteraion وهنتقسم كل 5 جروب ويعملوا العملية لقط .
- اليوم التالت
هنشرح عمليات استئصال الرحم overiohysterectomy وهنتقسم بردو كل ٥ جروب ونعمل العملية لقطة
📌وعلى فكره العدد محدود جدااوتابعو معانا سلسه البوستات اللي هتنزل عن البيتس لحد معاد الكورس عشان تستفادو اكتر 🤝
📌اول ما العدد يكمل هننزل بوست بالمعاد والمكان إن شاء الله ♥️
■For more details ,contact with us ♥️
📌لينك جروب الوتس ف الكمنتس♥️
Eman Salama ♥️❤️

11/03/2022

▪ Hepatitis A
دمتم عوناً ♥️

08/03/2022

🔴أضرار السكريات علي الحيوانات الأليفة

🔸مرض السكرى هو حالة مرضية تحدث عندما لا يستطيع الجسم من أن يستفيد من الجلوكوز بصورة طبيعية والذي يُعتبر مصدر الطاقة الرئيسى لكل خلايا الجسم ،ويتم التحكم فى
مستوى الجلوكوز فى الدم عن طريق هرمون يسمى الانسولين يتم افرازه من البنكرياس.

🔸يتم تصنيف داء السكرى الى نوعين:

▫النوع الاول : لا يقوم البنكرياس بافراز كمية كافية من الانسولين.
▫النوع الثانى : الجسم لا يستجيب طبيعيا للانسولين الذى تم افرازه فعليا من البنكرياس.
وبالتالى يختلف علاج كل نوع من السكرى بعد تشخيصه.

🔸فى الحيونات الاليفة لا يكون الفرق بين النوعين واضح زي الانسان .
🔸تصاب الحيونات الأليفة بمرض السكرى وخاصة القطط والكلاب فى أى مراحل العمر المختلفة بين عمر 14-4 عام وبالرغم من أن تشخيص المرض يتم غالبا في الحيوانات المتقدمة في العمر ،الا ان هناك بعض الاصابات في الحيوانات صغيرة السن.

📌أعراض مرض السكري في الحيوانات الأليفة :
🔸نقص ملحوظ في وزن الحيوان
🔸شرب كميات كبيرة من الماء أكثر من المعتاد
🔸سحابة بيضاء علي عين الحيوان خاصة الكلاب
🔸فقدان الشهية
👈ملاحظة الاعراض بدري خطوة مهمة جدا ف العلاج حيث ان التشخيص المبكر بيسهل ف العلاج وبيساعد علي حياة امنة للحيوان.

📌الاعراض عند القطط :
🔸تظهر الاعراض عند القطط تدريجيا خلال بضع اسابيع او أشهر
🔸من اول الاعراض الظاهرية فقدان الوزن المفاجئ او زيادته احيانا
🔸افراط الشرب + زيادة كمية البول

📌تأثير السكر علي الكلاب:
🔸اضطراب المعدة
🔸تسوس الاسنان
🔸زيادة الوزن
🔸مرض السكري من النوع الثاني
🔸بعض المحليات الصناعية تؤدي الي حالات تسمم ف الكلاب

📌الاطعمة التي يجب تجنبها للقطط:
🔸السكريات 🔸العظم
🔸اللبن 🔸الخضروات الورقية.

📌الاطعمة التي يجب تجنبها للكلاب:
🔸الشوكلاتة والمكسرات
🔸الثوم والبصل
🔸التفاح والعنب
🔸اللبن والجبن
🔸الافوكادو.

📌العلاج :
يساعد التشخيص والعلاج المبكر من قبل الطبيب البيطري علي منع تلف الاعصاب
🔸استجابة القطط فعالة لحقن الانسولين طويلة الامد ونظام غذائي منخفض السكريات ويعتمد اكثر علي البروتين والدهون

دُمتم عونا♥

04/03/2022

من فترة وانا قاعدة بتفرج علي مسلسل كوري اسمه A business proposal كانت البطلة مش عاوزة تتجوز البطل عشان هي شايفه انه شبه طائر اسمه الاركيوبتركس 😂 طبعا دا بالنسبالها هي انما بالنسبالنا احنا الكوريين دول ف حته تانية يجماعة 😂♥

المهم وانا بتفرج وسمعت اسم الطائر دا طبعا صحيت جوايا روح الدكتور البيطري وقولت اعمل سيرش عنه👩‍⚕

لقيت ان اصلا الطائر دا منقرض من حوالي 150 مليون سنة اللي هو متعرفش هي عرفت الطائر دا منين اصلا بس هو المخرج عاوز كدا 🤝
وكمان قريت ان الطائر دا اول طائر بيظهرله ريش في جسمه وبيجمع في صفاته بين الزواحف والطيور طب ازاي؟!

بيقولك ان كان ليه خصائص شبيهه بالسحالي زي الاسنان مثلا وانه ليه ذيل عظمي طويل ، وبيمثل الشق الانتقالي بين الديناصورات والطيور ، دي شلفطت الراجل خالص يجماعة 😂💔
عزيزي القاريء حاسه كدا عندك فضول تعرف اكتر عن الطائر دا تعالو نكمل 👇

قالك ان حجم الطائر دا بيتراوح ما بين الصغير زي" الزرياب الازرق" والكبير زي "الدجاج"، طب اي الزرياب الازرق دا؟!!!
دا بيبقي طائر شبه العصفورة كدا بس ملون ازرق.

وقالك انهم لقو اول حفريه آركايوبتركس عام 1860 ، وصنفوه انه طائر علشان فيه ريش وعنده جناحين ورجلين بس يسيدي قعدو محتارين برضو هل هو طائر شجيري يعني بيطير ويحلق ف الشجر وكدا ولا طائر ارضي مش بيعرف يطير؟!! 🤔

عرفو كمان من الحفرية دي يولاد انه كان ليه صفات مشتركة بين الديناصورات الصغيرة زي انه كان عنده فكين فيهم اسنان حادة ، وتلاثة اصابع فيها مخالب وذيل طويل عظمي ومش بس كدا دا كمان ليه اصابع صغننة قابلة للتمدد بشكل كبير ، وعشان كدا عزيزي القاريء قالي ان شكل الهيكل بتاعه ليه دور مهم اوي في دراسة اصل الطيور والديناصورات ✌️

صحيح نسيت اقولك عزيزي القاريء ان العلماء اكتشفو ان الطائر دا كان طائر شجيري يعني بيعرف يطير بس كان بيطير بطريقة مختلفة عن اي طير تاني 🤝

28/02/2022

Kon Awnan Damanhour family welcomes its new members

بِكُم تكتمل العائلة ، بِكُم نكمل المسير ، بِكُم نبدأ عهداً جديداً ❤️👨🏻‍⚕️

09/11/2021

Thanks for your great effort to make this team appear in this amazing position♥️

بعد شهر و نص من الشغل و الانطفاء بردو اخيرا قدرنا نختار :
The best head in KA Damnhour family "
MohaMed A. HarOon
و عائله كون عونا كلها بتشكرك علي مجهودك و مثابرتك معانا طول الفتره اللي فاتت و لازم نقول قد اي احنا محظوظين بوجودك معانا ♥️

شكرا بجد لكل ميمبر ف التيم ده و شكرا
لصبرهم علينا طول الفتره اللي فاتت و شكرا انكم لسه مكملين معانا لحد دلوقت و ان شاء الله الدنيا تتيسر معانا الفتره الجايه و نعمل شغل تفتخروا انكم جزء منه ♥️♥️♥️
Special thanks to :

The heads of committees
Asmaa Madyan Mahmoud Al-Ashlam Sarah Mohamed Kareem Elmoraly

The team president Ahmed Ellamssy

The team vice president محمد الدبابى

🏅Best member of Media committee Eman Essam اشطر كتكوت ف الكتاكيت 🐣♥️

🏅Best member of AC committee Samaa Thaer اشطر كتكوت بردو و اشطر حد يعمل تاسكات زياده و يبخت اسماء بيكي والله 😂♥️♥️

🏅Best member of Pr committee Nourhan Bawady حاسيين عندك حماس كبير و ان شاء الله هنستغله الفتره الجايه ♥️

🏅Best member of design and graphic committee Heba Shehab اي تاسك محتارين فيه هبه رجوله و بتنجزه 😌♥️

و عقبال كل شهر يا ولاد و ديما ف تقدم يارب ♥️♥️

23/10/2021

مساء الخير يا شباب ♥️
مجال الFood safety من أهم مجالات الطب البيطري واللي عشان تبدأ فيها انت محتاج تعرف شوية معلومات ومهارات مهمة تؤهلك انك تاخد خطوة في المجال دا ،وكمان المجال ده بيحتاج ان الCV بتاعك يكون فيه كورسات كتير
و عشان كدا بنقدملكم بالتعاون مع مركز الامارات للتدريب ايفنت عن ال Food safety

📌اكيد قبل ما تحضر اي ايفنت هتكون محتاج تعرف بيتكلم عن ايه وهيفيدك ازاي
🔶واحنا في الايفنت بتاعنا هنتكلم عن :
🔸From farm to fork
careers
🔸Detailed job descriptions
🔸How to start in food safety career
🔸How to search about job
🔸what I need in my CV
🔸interview skills
🔸career pathway for 5 years Experience in Food safety and quality
🔸Introduction about food safety
🔸cost of food safety
🔸authorization
🔸Food Safety outbreaks

وكل الحاجات دي هتقدمهلنا الدكتورة مي تاج الدين♥️
خريجة طب بيطري جامعة بنها
أخصائية جودة وسلامة الغذاء
صاحبة صفحة Food zone الشهيرة.

💥 وكل دا بمبلغ رمزي جدا (50 جنيه ) للفرد شامل
شهادة الحضور

🔘 امتيازات ومنح الإيفنت :
⭐ شهادة ب ١٠٠ ج فقط ( إختياري)
⭐المفاجأه؛ سيتم الاعلان عن كارنيه العضويه المقدم بخصم علي جميع كورساتك (15)%
⭐ استلام فلاير مجمع به جميع الكورسات المقدمه من مركز الإمارات
⭐هيكون فيه سحب ل ٥ طلاب هياخدوا خصم ٥٠٪ علي اول كورس ليهم مع المركز)
⭐خصم ٢٥٪ علي سعر كورس الفود سيفتي اللي هنعمله ان شاء الله
⭐ سعر الإيفنت كاش باك في سعر الكورس اللي بعد الايفنت..........................................................................

⏪ للحجز قم بالتحويل علي فودافون كاش او أورانج كاش او اتصالات كاش علي رقم
01272709924

او الاتصال /واتس آب علي الرقم
01555517809

او التواصل معانا علي رسايل البيدج للحجز كاش

16/10/2021

Tic tac..
Loading.. ⏳

14/10/2021

لو مجالكش الميكروب الحلزوني قبل كدا ف اعرف ان انت واحد م ال30% الناجين من الاصابه بيه ف مصر .
اما بقي لو جالك وصحيت ف انت بردو معرض للاصابه بيه تاني 🤒🤕
يطلع ايه بقي الميكروب الحلزوني ده ؟! 🤔

♥️

Kon Awnan Damanhour

01/07/2022

14/06/2022

20/05/2022

02/05/2022

01/05/2022

30/04/2022

29/04/2022

25/04/2022

22/04/2022

20/04/2022

17/04/2022

12/04/2022

06/04/2022

02/04/2022

28/03/2022

24/03/2022

22/03/2022

16/03/2022

15/03/2022

11/03/2022

08/03/2022

04/03/2022

28/02/2022

09/11/2021

23/10/2021

16/10/2021

14/10/2021

Address

Telephone

Website

Alerts

Videos

#كن_عونًا #الهدهد_في_القرآن

#كن_عونًا #النحل_في_القرآن

Hepatitis A

A business proposal

Shortcuts

Share

Category