Refq Pets Clinic

17/09/2024

الشتاء جاااي ‼️‼️

خايفين من بعبع القطط 🤔🤔
اللي هو طاعون القطط

الجو برد والفيروسات بتكتر 😱😱
نلحق نحافظ علي حياه الاليف 🐾🐾

الوقايه خير من العلاج التطعيم مهم

⭕ اسال في رفق عن عرووض التطعيمات
للقطط والكلاب

15/09/2024

السلام عليك حيا فينا لا تموت ابدا
نحبك ونحب من يحبك
وانا الموعد الحوض وانا لنصدقك

07/09/2024

اتعضيت او اتخربشت ؟؟؟‼️

بنخاف من Rabies
اللي هو السعار 🤔🤔🤔

🔻🔻مرض خطير لان مجرد ما تظهر اعراضه بتكون المووت نتيجه محتومه ليه 😔😔

⭕ بيتنقل لينا ازاي؟ ؟؟‼️
⬅️عن طريق لعاب الحيوانات المصابه بيه ب العض والخربشه لينا
طيب احنا بنتعض ونتخربش كل يوم نعمل ايه؟؟
نخااااف امتا‼️‼️‼️

⭕امتا نقلق من العضه او الخربشه؟ ؟
✅ لو اتعضيت من كلب او قطه شارع
✅ او قطه او كلب متربي في البيت وبيخرج الشارع
✅ قطه او كلب بيخرج من البيت كتير
✅ او احتكيت بشكل مباشر ب انسان مات بالسعار
✅ اتعضيت من بقره او حمار او اي حيوان مات بالسعار

⭕ اتصرف ازاي في الحاله اللي فاتت؟؟🐾🐾
هنفذ بروتوكول PEP اللي بتوصي بيه منظمه الصحه العالميه اختصار post exposure prophylaxis
✅ غسل مكان العض بماء وصابون جاري لمده ١٠ دقايق
✅ التطعيم بمصل الكلب في اقرب استقبال
✅ التطعيم ب rabies immunoglobuline او monoclonal antibodies لو العضه في الراس
او قريبه منها

⭕ بالنسبه للحيوان المسعور يعدم لو ظهر الاعراض
⭕ لو شاكك في الحيوان لازم اعزله علي الاقل ٣ اسابيع

⭕ طيب اغطي الجرح مكان العضه ولا اسيبه؟؟؟
لازم لازم لازم يبقا الجرح مفتوح ممنوع ممنوع ممنوع يتخيط ‼️‼️‼️‼️‼️
🔻🔻الفيروس بيصيب الخلايا العصبيه وبيمشي فيها
ولما بيوصل للدماغ بتضهر الاعراض اللي ممكن يقعد
من اسبوع لحد سنه حسب قرب العضه من الدماغ

🔻🔻الفيروس ضعيف بيموت ب غسل المكان كويس والهوا كمان علشان كده لازم يتساب الجرح مفتوح

⭕ فيه حاله كمان بسيطه بيسببها الخربشه من قطط البيت بتكون عباره عن طفح جلد بسيط
ك رد فعل تحسسي من الجلد بتكون بسيطه ومفيش منها قلق

⭕ اخدت التطعيم في المستشفى واتعضيت تاني اعمل ايه؟؟؟؟‼️ ‼️
هترجع تاني للاستقبال وحسب معاد اخر جرعه ليك
الدكتور هيقرر تاخد جرعات تنشيطيه ولا لأ

⭕ اسال في رفق عن تطعميات الحيوانات الاليفه
للوقايه من السعاااار

05/09/2024

31/08/2024

التعقيم ‼️‼️

قرار ولا اختيار؟؟ 🤔🤔

⭕ التعقيم في الذكور للقطط اسبابه ايه؟؟

✅ الاحتباس البولي المتكرر
✅ اورام البروستاتا
✅ الأورام التناسليه
✅ بعض المشاكل السلوكيه

⭕ اسال في رفق عن حاله اليفك
وايه السن المناسب للجراحه

25/08/2024

بااارفو القطط ‼️‼️
البعبع بتاع القطط

اللي هو feline Panleukopenia
مميت للقطط لايقل خطوره عن بعبع الكلاب 😱 😱

⭕ اعراضه ايه ؟؟
✅ اسهال مدمم
✅ ترجيع مستمر
✅ حراره عاليه
✅ عدم اتزان للحيوان بيتهز وهو ماشي
✅ ممكن يستخبي باليومين تلاته

⭕ ليه علااج؟؟
للاسف لا 😢😢
اهم حاجه في الوقاااااايه ‼️‼️

⭕ احافظ على القطط ازاي من الاصابه؟؟
التطعيم اهم وسيله للحمايه

لان مجرد الاصابه بالمرض نسبه الشفاء منه قليله 🤔

🔻🔻بارفو القطط بيحب دايما الاعمار الصغيره
ميمنعش انه يجي للاعمار الكبيره ‼️‼️
برضو ملوووش كبير

⭕ اسال في رفق عن كيفيه الوقاااااايه والعلاج من بارفو القطط

21/08/2024

السلااااحف ‼️

Tortoise respiratory disease
اللي هيا الاعراض التنفسيه
في السلاااحف

⭕ ايه اسبابها؟؟‼️
✅ Bacteria
زي mycoplasma و كمان pseudomonus
✅ Fungal
زي Aspergillus وكمان candida
✅ Viral
زي Herpes
✅ واسباب تانيه زي اي مشكله في البيئة ارتفاع الرطوبه
او اتربه او انتفاخ الامعاء عندها او عندها عدد بيض كتير جوا بطنها

⭕ اعراضها ايه ؟؟‼️
⬅️ زياده معدل التنفس في وقت الراحه
⬅️ بتمد رجليها بقوه ل قدام
⬅️بتفتح بقها وصوت خنفره
⬅️فقاقيع من الفم والانف مع النفس
⬅️تورم العيون وفقدان الشهيه وخمول

⭕ العلاج ‼️‼️
بسيط بيعتمد علي سرعه التوجه للطبيب
واتباع التعلميات

⭕ احافظ ع السلحفاه ازاي؟؟‼️
✅ احافظ على درجه الحراره المناسبة لكل نوع من السلاحف
✅ تهويه جيده في مكان معيشتها
✅ رطوبه مناسبه لكل نوع من السلاحف
✅ عزل السلحفاه المصابه

⭕ اسالنا في رفق عن نوع سلحفتك وكمان طريقه الرعايه المناسبه ليها

20/08/2024

Feline corona
⭕كورونا القطط🤔🤔🤔

⭕ ايه ده القطط بتتصاب بالكورونا ؟؟‼️ ‼️
اه عادي بس كورونا مختلفه عننا 🤔

⭕ بتتعدي مننا وتعدينا والموضوع رايح جاي بينا؟؟‼️
🔻🔻لا طبعا هيا واخده من الكورونا اسمها بس
مختلفه تماما عن كوفيد-١٩ بتاعنا

🔻معديه بين القطط وبعضها ملناش علاقة بيها ❗

⭕ اعراضها ايه للقطط؟؟
✅ حراره عاليه
✅ اسهال
✅ انيميا

⭕ امتا تكون خطيره في القطط
لو سببت للقطط FIP
مرض مميت للقطط😢😢
⭕امتا تتحول الكورونا للمرض ده؟؟
🔻لما مناعه الحيوان تقل

⭕ اعراضه ايه FIP ؟؟
ليه شكلين ملهموش تالت
وفيه قطط بيكون عندها ميكس من الاتنين

⬅️اول شكل اسمه effusive form
او wet form بيمثل 75%من الحالات
اعراضه ‼️‼️
✅ انتفاخ البطن بالسوايل
✅ نفس عالي وحراره كمان
✅ صفرا
✅ اسهال
مميت لو ظهر في القطط

⬅️الشكل التاني dry form او non effusive
بيمثل 25%من الحالات اعراضه
✅ احمرار في العين
✅ اعراض عصبيه

‼️اي قطه مصابه بالكورونا معرضه ل FIP في اي وقت

⭕ احمي القطط منه ازاي؟؟
✅ القطط مبتحبش اللمه بلاش تجمع اكتر من ٤ او ٥ قطط في مكان واحد
✅ ابعد عن الشلاتر
✅ اعزل الحيوان المريض
✅ نضف الليتر بوكس بانتظام
✅ ابعد القطه عن اي stress

⭕ اسالنا في رفق عن كيفيه الوقايه والعلاج
من الكورونا وكمان FIP

18/08/2024

⭕اسال في رفق
عن بدايل صحيه ❗
ل غذاء متوازن لاليفك ❗
بسعر مناسب ‼️

12/08/2024

Heat stroke in dogs‼️‼️
ضربه الشمس للكلاب

08/08/2024

الجروح ‼️
سرعه التدخل قبل ما تكون
خراج مهمه
نعنوع دلوقتي افضل الحمدلله
⭕اسال في رفق عن كيفيه العناية
بالجروح المختلفه في اليفك 🔻

05/08/2024

الالتهابات الجلديه في الكلاب ‼️‼️
اللي هيا Dermatitis 🤔

⭕ اسبابها ايه؟؟
✅ الحشرات بتعمل حكه جلد للكلاب
✅ لدغات الحشرات
✅ حساسيه من انواع معينه من الاطعمه
✅ عث الاذن
✅ القراد
✅ البراغيت
✅ امراض مناعيه معينه

⭕ اعراضه ؟؟
⬅️هرش وفقدان الشعر
⬅️عض الجلد
⬅️حك الجلد في الأرض
⬅️جروح في الجلد عند الكلاب
ممكن يتطور والبكتيريا تتدخل
ويعمل صديد

❗❗مشهور جدا في الصيف نتيجه الحشرات الكتير

⭕احافظ علي الكلب ازاي؟ ؟
✅ الوقايه دايما خير من العلاج
✅ يعني في الصيف نتبع بروتوكول الوقايه من الحشرات
والقراد
✅ نحافظ علي البيئة اللي الكلب عايش فيها
علشان نكسر دايره الاصابه المستمره

⭕ الكلب مصاب بالفعل نعمل ايه؟؟
توجه لاقرب طبيب فورا بلاش الوصفات
المنتشره لان اغلب الكلاب بتتسمم منها

🔻🔻اسال في رفق عن كيفيه العناية ب كلبك
خلال فصل الصيف

30/07/2024

الباااارفو ‼️‼️

اشهر مرض في الكلاب
شبه البعبع بالنسبه للكلب 🤔🤔
⭕مين هو؟؟
من اسمه فيروس البارفو في الكلاب

⭕ بيصيب انهي عمر في الكلاب؟؟
باختصار ملوش كبير بس اكتر في الاعمار الصغيره

⭕ اعراضه ايه لو الكلب اتصاب؟؟
✅ اسهال شديد ريحته نفاذه
✅ ترجيع مستمر
✅ حراره عاليه
✅ فقدان للشهيه
✅ جفاف

⭕ طيب ليه علاج؟؟
للاسف لا زي اي فيروس
بنعالج الاعراض وبنعتمد علي مناعه الحيوان ومقاومته
بنعالج الاعراض الظاهره

⭕ معدي بين الكلاب؟؟
سريع الانتشار جدا بين الكلاب والوفيات منه عاليه جدا

⭕ احافظ على الكلب ازاي؟؟
التطعيم هو الوسيله الوحيده للوقاية منه

🔻🔻اسالنا في رفق عن بروتوكول التطعيمات الفيروسيه
المناسبة ل عمر كلبك

27/07/2024

الحرووق ‼️

✅حافظ علي اليفك من التعرض المباشر
لاشعه الشمس وقت الظهيره لفتره طويله
✅ احترس من تعرض اليفك للمواد الحارقه
✅ حافظ علي اليفك من المياه المغليه

⭕ اسال في رفق عن كيفيه التعامل بعنايه
مع الحروق

25/07/2024

Dogs ❤️

25/07/2024

التهابات الاذن‼️

حبوبه ❤️
هرش وجروح وعث اذن وصديد
حاجه كده mixed infection
الحمدلله ربنا وفقنا وبقت بخير

⭕اسال في رفق عن كيفيه العناية
ب إذن اليفك 🔻🔻
في رفق
نعتني برفق 🥰

23/07/2024

الفطريات والقطط ‼️‼️‼️‼️
🔻مين هما الفطريات؟؟
من اسمها كل فطر بيسبب مرض باسمه

🔻اشهر امراضهم في القطط؟؟
✅ Aspergillosis
✅ Candidiasis
✅ Coccidioidomycosis
✅ Cryptococcosis
✅ Histoplasmosis
✅ Mycetomas
✅ North American Blastomycosis
✅ Rhinosporidiosis
✅ Sporotrichosis
✅ Phaeohyphomycosis

🔻اشهر اماكن الاصابه في القطط؟؟
⬅️رشح مدمم
⬅️عطس وحراره عاليه
⬅️اسهال
⬅️اعراض جلديه
⬅️اعراض عصبيه
⬅️مشاكل في العيون والاعصاب

🔻ايه اشهرهم واكترهم في الظهور؟؟
كلهم بس الاكتر تكرار هيا الاعراض الجلديه

🔻بيكون شكلها ايه؟؟
✅ دواير فاضيه من الشعر مع حكه او لا
✅ بقع حمرا في الجلد
✅ ممكن يحصل التهاب يتحول ل التهاب صديدي في الجلد

🔻طيب هيا معديه لينا؟ ؟❗❗❗
✅ ✅✅✅ايووووه معديه

🔻الوقايه منها ازاي؟؟؟
لازم نحافظ على مناعه الحيوان
لان الفطريات موجوده باستمرار مجرد ما المناعه تقع بتظهر فورا

🔻طيب القط مصاب ايه الحل ؟؟
التوجه فورا للطبيب البيطري علشان يشخص الحاله
لان التشخيص مهم جدا جدا
🩺🩺اسال في رفق عن بروتوكول الوقايه والعلاج من الفطريات

21/07/2024

الصيف يعني مصيف وسفر ‼️‼️
مساااافر؟؟
محتاااار تودي اليفك فين؟؟ 🤔🤔
✅محتاج تطمن عليه في مكان امان
✅وكمان رعايه طبيه شامله
✅ تطمن عليه وقت ما تحب
⭕⭕علشان كل ده وفرنا خدمه الاستضافة
الاستضافة في رفق ⭕⭕
عنااااايه ب رفق ⭕⭕

20/07/2024

الصيف والقراااد‼️‼️‼️‼️
اكتر شكوي للكلاب في الصيف
⭕مين هو القراد؟؟
طفيل خارجي في الكلاب بيزيد وجوده مع الحراره والصيف
⭕بيعمل ايه للكلب؟؟؟
⬅️انيميا وخمول عام
⬅️بينقل طفيليات الدم
⬅️حراره عاليه
⬅️صفرا للكلب
⬅️وحاجه اسمها tick paralysis
⭕طيب احمي الكلب منه ازاي؟؟؟
✅تطعيم قبل فصل الصيف
✅تنضيف مكان معيشه الكلب بإستمرار
✅رش الكلب قبل الخروج للتنزه
✅العزل بين الحيوانات المصابه
⭕طيب الكلب اتصاب يا دكتور ايه الحل ؟؟؟
القراد ليه دائرة بيعيش فيها
علشان نتخلص منه لازم اكسر الدائرة دي✅✅
اقضي علي كل الاطوار بتاعته علي الكلب وكمان المكان اللي الكلب عايش فيه
🔻🔻اسال عن بروتوكول الوقايه والعلاج من القراد
في رفق 🩺🩺🩺
نعتني برفق 🥰

17/07/2024

🔴أزاي تحافظ علي كلبك ❓️