Dr Hosni

25/05/2022

تخيل تيجي تكشف على مريضك و تطمن عليه أثناء المرور الصباحي، ياخدك بالحُضن و يطلع على راسك و يقعد "يفليك" 😅
لازال الطب البيطري بيفاجأني كل يوم
"لولو" تشعر بالامتنان لطبيبها المعالج ❤️

31/12/2021

{الثلاثاء ٧ ديسمبر، ٢٠٢١}

لحظة اتخاذ قرار حاسم؛
تقع المسئولية كاملة على ذهني المُستهلَك طوال الساعات الماضية، أن يذكر تسلسل عضلات الرجل الخلفية من اليسار لليمين. معلومة لم يمضي عليها سوى أثنى عشر عاما بالتمام!
كانت لحظات الانصراف في نهاية الشيفت المسائي، ٩ مساءا
و لم يبقى إلا حالة واحدة "قطة محتاجة تغير على جرح يادُكتر"، كما قال مساعدي الدؤوب و هو يشارف على الانهيار.

و بعد تعقيم الغرفة و التاريخ المرضي و الفحص و التمحيص و الكشف و الاندهاش ، شاء ربنا انه ينتهي بيا الحال أنا و "كيكي" في هذه الملحمة (جراحة بتر) نتيجة حدوث غرغرينا في الرجل الخلفية.

جراحة طارئة، تستدعي التدخل الفوري
و الفوري عزيزي القارئ {زمنيا} هو ان تتحول الدقيقة عدة دقائق

فتعقم الأدوات و تعطي محاليل وريدية و تطهر الجسم و تحسب جرعات الأدوية و تضع "ريجيم" للتخدير و تستعيد المعلومات و تستحضر الخطوات، فتحسب صغائر الامور و كبائرها لجراحة انت فقط من يضع قواعدها. و...و ..في نفس الوقت.
هكذا يمضي الوقت مضاعفا!

وقد اعتدت أن اختلي بمرجع ما أو حتى PDF صغيرة قبل الجراحة بدقائق، اصفي ذهني و أرتب أفكاري
و بالطبع لم يحدث ذلك، فقد كانت طوارئ آخر الليل.

فلجأت إلى الله أن ينعم عليا بالتوفيق، و صنعت عالم افتراضي تحت سحابة من المعلومات و الذكريات، حتى نبتت هذه الصورة.
حمد لله على سلامتك ياعزيزتي Kikky.

23/10/2021

الكلب ده اسمه "Alpha".. و ده مش مجرد اسم، هو فعلا "مسيطر"
قوي الجسد و الشخصية
غيور جدا على صاحبه.. بيحبه، تلاقيه جنبك دايما و أنت متضايق، و حارس شخصي متمرس. مابيحبش الأغراب.
مطيع جدا و بيحب اللعب جدا جدا.
سهل يتعلم كل حاجة لأنه في منتهى الذكاء.

"ألفا" عنده سنتين و محتاج بيت يتبناه.

صاحبه لازم تتوافر فيه الشروط التالية:
١- ذكر لا يقل سنه عن ٢١ سنة.
٢- يقدر يوفرله الأكل و الشرب و العلاج و مساحة مناسبة للعب و ممارسة الرياضة.
٣- المنزل لايوجد به أطفال أقل من ١٠ سنوات.
٤- بطاقة رقم قومي سارية.

لو تتوافر فيك الشروط ابعت رسالة للصفحة برقم تليفون للتواصل.

12/10/2021

اسئصال حصوات بولية و تغيير مجرى البول..أصعب جراحة عدت عليا في حياتي، ٣ ساعات و نص من التركيز و مئات القرارات!
الحمد لله.
شكرا إنك استحملتني يا قط.
ربنا يقومه بالسلامة.

06/07/2021

Egypt favorite groomer 👏

03/07/2021

مسائكم سعيد
لو بتواجه مشكلة القراد في الكلب بتاعك، كمل قراية للآخر.
* إيه هو القراد*
حشرة شبه العنكبوت لونها بيبقى بني بدرجاته
بتتغذى على دم الحيوانات و ممكن تقرص الإنسان بردو

*بيعيش فين؟*
القراد بيحب الأماكن الCool و ضلمة شوية
فبيستخبى في النجيلة، أو أي حاجة شبهها _ السجاجيد، الانتريه، السراير و الدواليب...._
أو بيعيش على جسم الحيوان إذا حصلت الإصابة

*إيه خطورته*
في خلال أسبوع القراد ممكن يتكاثر و يتحول من قرادة واحدة لمئات،
كل قرادة في خلال الأسبوع ده بس ممكن ت*ص ٥مل دم- تقريبا سرنجة كاملة من اللي بتشوفها عند الدكتور-
مش بس كدة..
و هي بت*ص دم الكائن الحي بتنقله "طفيل" زي فيروس كدة و ده أخطر من القراد نفسه بكتير، و لو اتساب من غير علاج بيسبب الوفاة.

*اعمل إيه لو شوفت قراد؟*
أولا.. إبادة لكل القراد، إللي على جسم الحيوان
و إللي في البيئة المحيطة بالحيوان_المنزل، الحديقة،.._

ثانيا.. بتستخدم اسلوب وقائي، علشان يحمي الحيوان من الإصابة مرة تانية

*إزاي اعمل إبادة للقراد و يموت فعلا؟*
أولا بتعالج الحيوان عند الطبيب... و ده بروتوكول العلاج:
_بيستحمى بمواد تقتل القراد و لااازم كل القراد اللي عليه يموت أو يتشال
_ في نفس اليوم لازم البيت يترش بمادة قوية ضد القراد، تموته مش تلاقيه بيجري قدامك عادي😅

الحكاية ديه بقا لازم تتكرر مرتين على الأقل بينهم أسبوعين.
لو ماتكررتش القراد هيرجع تاني عادي و مجهودك و فلوسك راحت هدر 😒

بعد الرش و الحما "بيومين" ممكن تحط امبولات الحشرات_Advantix_ او فرونتلان سبراي
و ديه تبقى الوقاية اللي هتكمل عليها كل شهر عشان تحمي كلبك من الحشرات
أو أقراص Bravecto و ديه بتحمي حيوانك لشهور
أو
طوق الحشرات Seresto وده بيحمي الكلب لشهور بردو

**نيجي للكلام المهم**
-الدايزنون و البيوتوكس مبقاش ليهم لازمة إلا المستورد منهم بيأثر بنسبة 90%
-بودرة سيفين ممكن تترش على جسم الكلب بأمان طالما تركيزها ٥% بس مش هتموِّت القراد اللي في المنزل كله
-شركة الرش لازم تضمنلك إنها تموت القراد مش تجيلك ترش دايزنون و بيوتكس بردو 😅

** أول ماتخلص على القراد تعمل تحليل "طفيليات دم" لكلبك علشان تطمن إن ماتنقلش ليه مرض من القراد، و لو اتنقل يتعالج قبل ماتظهر أعراض.**

إللي عنده سؤال يسيبه في كومنت و ربنا يقدرنا و نخلص من القراد في مصر كلها.
دمتم سالمين.

13/04/2021

قلبي يذوب كل مرة أشوف كلب "جيرمان شيبرد" حالق شعره زيرو،
مزيج من الوقار المضروب بالأناقة🤎

** الصور ل"موكا" -٧ سنوات- جراحة لاستئصال الرحم**

25/03/2021

*فبراير ٢٠٢١*
علبة الدوا ديه أنقذت حياة (قط) مصاب بفشل كلوي حاد، أنا و صاحبته كنا فاقدين الأمل نلاقي العلاج ده في مصر.

و بالصدفة البحتة أحد الأصدقاء العائدين من الخارج يجيبهالي هدية، علشان عارف قد إيه منبهر بالعلاج ده و نتايجه المذهلة!

ماذا بينك و بين الله ياقط😅

24/03/2021

(حالة الشهر، مارس ٢٠٢١)
تعقيم قطة بغرزة واحدة.
القطة ديه اسمها "جيسي".. كل أسبوعين تلاتة تطلب إنها تتجوز، و تفضل تعمل شقلبة وتعيط طول الليل و تضرب عن الطعام و جسمها يخس،
لدرجة إنها بقت ضعيفة و رفيعة جدا.

بعد التحاليل و الفحوصات قررت إنها تدخل جراحة، لاستئصال الرحم و المبيضين علشان عندها "تكيس مبيض"

يعني اتعملها جراحة التعقيم المعروفة، بس مكانتش عادية..
قطة في حالة Jessy مش حِمل غُرز و فتحة كبيرة و بلا بلا، علشان كدة عملتلها الجراحة من فتحة نص سنتيمتر، بالتالي نتج جرح أصغر و إلتئام أسرع،
الحقيقة هي فاقت بعد الجراحة مش واخدة بالها من حاجة😅
و تكون ديه أصغر جرح عملية تعقيم شوفتها في حياتي🙏

د.محمد حسني
جراح بيطري

06/01/2021

عتريس بعد جراحة Cherry eye 🙏

02/01/2021

القطة ديه اتصابت في ديلها، و راحت للناس اللي بيأكلوها علشان يساعدوها.
الغريب انها كانت تقريبا عالجت نفسها و عملت بتر للجزء المصاب من ديلها.
و كل اللي عملته اني نضفتلها الجرح علشان يطلع بالمنظر ده، وتبقى هي اجدع من أشطر جراح!

31/12/2020

طعمية فقدت احد أطرافها و هي أصغر من كدة بكتير(هي ٨ شهور دلوقتي)..
بس حرفيا اللي يعرف يديها حقنة بنتوجه "بطل" في المستشفى😅

20/12/2020

لو محتاج استشارة بيطرية لحيوانك الأليف، تقدر تتواصل معايا على الواتساب و إن شاء هقدر أفيدك.

الاستشارات ديه للحالات الطارئة و لا تُغني عن الكشف و زيارة الطبيب، ولكنها قد تنقذ روح، اذا لم تتوافر العناية الطبية.

*هذه الخدمة بدون أي مقابل مادي*

طبيب بيطري/ محمد حسني
أخصائي طب و جراحة الحيوانات المنزلية
المدير الطبي Pet's Story Cor.

20/12/2020

"٢٨ أكتوبر ٢٠٢٠..
استئصال ٣٠ سم من امعاء "كوكي" المتضررة إثر تعرضه للهجوم من كلب جيرمان شيبرد."
انهاردة هو زي الفل و بأفضل صحة.🥰

10/12/2020

٣ معلومات مهمة عن القطط🐈

30/10/2020

كل الاسئلة اللي هتواجهك لو عندك كلب صغير😉

29/10/2020

كلب جديد-اليوم الأول 😍

أنا عملت سلسلة "كلب جديد" علشان اجمع فيها إجابات لكل الأسئلة اللي دايما بيسألها مربيين الكلاب الجدد، اتمنى تفيدكم.دكتور/محمد حسنياخصائي طب و جراحة الحيوانات الم...