20/12/2022
تجيب قطه تربيها، وتبتدي تستوعب أنهم كائنات حيه؛ بياكلوا لحد ما يشبعوا، وبيتعبوا، ويقطعوا أكل زينا، وبيلعبوا وبيحسوا.
بعد القطة تبتدي تبص لقطط الشارع، وتحس إن القطة دي بنتك، وإن اللي في الشارع زي أطفال الشارع؛ يصعبوا عليك، وتبتدي تاكلهم، وتهتم بيهم زي بنتك اللي في البيت.
شويه وتبتدي تاخد دا تعالجه ودا تدور له على بيت ودا تتبناه.. والموضوع يوسع وقلبك اللي كان فيه قطة واحدة بقى فيه كل قطط العالم وكلابه وحيواناته.
قلبك عمال يوسع يوسع بس للأسف الموضوع مش بالقلب بس، وإلا كنا نزلنا اخدنا كل حيوانات الشارع.
دايرة الواحد بيدخلها مش بيعرف يخرج منها، متعرفش دي نعمة ولا نقمة؛ الاحساس بباقي المخلوقات بس هي في الآخر تجربة بتغيرك وتخليك انسان تاني. 👌🏻😌
