OMAR Vet. Clinic

31/10/2023

رجعنا عرض الدراى الكيلو ٥٠ والكمية محدودة

03/03/2023

عيادة عمر بتقولك كل سنة وانت طيب ♥️♥️وعشان الغلاء هنعمل عروض قووووية جداااا
الكشف ٢٠بدل٣٠
قص الاظافر وتنظيف الاذن ٤٠بدل ٦٠للقطط و٥٠للكلاب
قرص الديدان ٦٠بدل٧٠
تطعيم الحشرات٥٠بدل٦٠
خصم ١٠ع البوكسات والليتر وجميع الاكسسوارات
الدراي ٥٠بدل ٦٠للكيلو
اي منتج ف العيادة عليه خصم 🥳🥳🥳
العروض من اليوم لحد العيد باذن الله

19/01/2023

القط الكبير ده للتبني ♥️

02/01/2023

04/11/2022

عيادة عمر البيطرية بتفكركم بعروض شهر نوفمبر💪👌

متنساش وانت فى العيادة تسال على العروض ❤❤

جميع المنتجات بالعيادة عليها عروض خلا ل شهر نوفمبر
29 ش 3 مدينة التحرير -امبابة
01121612319-01000480548

04/11/2022

القمرات للبيع عمرهم شهرين ونص

18/10/2022

ناس كتير بتعود القطط عندها علي اللانشون ❗

من غير ماتعرف مدي خطورة اللانشون اي؟

اللانشون من اللحوم النية 🍖

اللحوم النية بتتسبب في الإصابة بالديدان وإصابة الديدان بتسبب⬇️


▪️الديدان بتعيش فى الجسم وبتتغذى على الاكل الى بياكله ودة بيخليه يتعب ويفقد ومش بيبان عليه الأكل رغم أنه بياكل كويس

▪️ في حالة زيادة الديدان بتسبب انسداد فى الامعاء ويخليه يرجع بشكل مستمر وممكن يوصل لاننا نضطر نعمله عمليه لازالة الانسداد

👈دا غير ان فى انواع من الديدان بتنتقل للانسان ودا فى خطورة على صاحب الحيوان

⬅️لذلك أحذر اللانشون واستبدله بالطعام المفيد للقطط
لأنه ممكن يسبب مشكلة كبيرة ف الغالب مش بناخد بالنا منها ❗

14/09/2022

رأي عميلة ف الاستضافة عندنا ❤️❤️تنورينا ف اي وقت 🥰🥰

05/09/2022

متوفر أجود أنواع الويت فود للقطط وكمان بأعلى قيمة غذائية يحتاجها أليفك.
كلمونا على
01121612319-01000480548 للحجز والتفاصيل
او ابعتولنا على رسايل الصفحة
العنوان :29 ش 3 مدينة التحرير -امام ستوديو كرم -امبابة .
الصفحة الرسمية للعيادة
https://www.facebook.com/omarsherifvet
اللوكيشن
https://bit.ly/3TFzJqP

04/09/2022

لو بتدور على رمل كربون سعره رخيص ويكون عالى الامتصاص وكمان يمتص أى روائح كريهة.
دلوقتى رمل كربون QUIK متوفربجميع الروائح حجم 5 لتر.
كلمونا على
01121612319-01000480548 للحجز والتفاصيل
او ابعتولنا على رسايل الصفحة
العنوان :29 ش 3 مدينة التحرير -امام ستوديو كرم -امبابة .
الصفحة الرسمية للعيادة
https://www.facebook.com/omarsherifvet
اللوكيشن
https://bit.ly/3TFzJqP

03/09/2022

سارة من ارقي الناس اللي بتيجي العيادة وشخصية أنا بعزها جدااا
شكرا ليكي كتير ياحبيبتي ❤️❤️

03/09/2022

ومابكم من نعمة فمن الله ❤️❤️
يااارب دائما نكون عند حسن ظنكم ونفضل نقدم أفضل خدمة ليكم ❤️

للتواصل:٠١١٢١٦١٢٣١٩_٠١٠٠٠٤٨٠٥٤٨

03/09/2022

بنقدملكم دلوقتى اقوى الفيتامينات والمعادن لصديقك الاليف .
كلمونا على
01121612319-01000480548 للحجز والتفاصيل
او ابعتولنا على رسايل الصفحة
العنوان :29 ش 3 مدينة التحرير -امام ستوديو كرم -امبابة .
الصفحة الرسمية للعيادة
https://www.facebook.com/omarsherifvet
اللوكيشن
https://bit.ly/3TFzJqP

27/08/2022

طبعا معظمنا حابب انه يربى قطه او كلب 🐱🐶⁦❤️
بس للاسف بنخاف نتعود عليهم وبعدين نخسرهم بسبب الامراض اللى بنسمع عنها 😥
عشان كده هنتكلم عن التطعيمات ونعرف قد ايه هى مهمه لحمايه حيوانك الاليف من الأمراض 🐱🐶

التطعيمات دى بتحمى القطط والكلاب من ڤيروسات خطيره جدا 😈 ال لو جات للحيوان و اتمكنت منه .. احتمال شفاؤه منها بيكون قليل 😱😥
عندنا اكتر من تطعيم للقطط والكلاب كل تطعيم بيحمى حيوانا الاليف من عدد معين من الأمراض عشان كدة من الضرورى أننا ندى اليفنا كل التطعيمات عشان نبقى مطمنين عليه اكتر 😌⁦❤️⁩

ف ناس فاكره أنه طالما الحيوان مبينزلش مالبيت معناها إنه مش هيتصاب بالامراض لكن للاسف هو ممكن يتصاب 😥
لأسباب كتير منها :👇

- أنه ممكن تكون مناعته ضعيفه 😔
-اوينتقله المرض اثناء فتره التزواج 😥
-او ممكن احنا ننقله المرض لو لعبنا مع حيوان تانى من الشارع ورجعنا لعبنا معاه ف البيت 😞
عشان كده احنا لازم نطعم اليفنا حفاظا على صحته وعشان نبقى مطمنين عليه ديما وف امان ⁦❤️⁩⁦❤️⁩😌



العنوان:٢٩ش٣مدينة التحرير ناصية ماء الذهب للعطور أمام صيدلية العزبي امبابة

12/08/2022

نظرا لأنه كان مطلب جمهورى 😂عيادة عمر البيطرية نفذت طلبكوا ووفرت استضافة القطط 😍😍عشان النفسية محتاجة سفرية 🏊🏂🌊سافر وانت مرتاح وسيب قطتك ف امان .





العنوان:🏠٢٩ش٣مدبنة التحرير ناصية ماء الذهب للعطور أمام صيدلية العزبي .

رقم الموبايل:📲٠١١٢١٦١٢٣١٩_٠١٠٠٠٤٨٠٥٤٨

07/08/2022

فيه قطط موجودة في العيادة للتبني بنتين صغيرين وبنت كبيرة وولدين كبار اللي حابب بتبني حاجة منهم يكلمني خاص القطط شيرازى بيور

27/07/2022

ريفيوهات العملاء عن الاستضافة عندنا ❤️❤️
ملحوظة مهمة جدااا احنا عندنا غرفة كاملة للاستضافة ومش بنحبس اي حاجة ف القفص.

23/07/2022

مهما حاول الأنسان أختراع أنواع و أشكال الصابون و المنظفات و المعقمات فلن تصل جودتها و لا فائدتها لربع لسان القط !

لسان القطّ من إحدى عجائب صنع الخالق
فقد تبيّن علميا أنّ لسانه يُفرز مادة مطهّرة تدعى الليزوزيم [Lysozyme] و هي نوع من البروتين التي يمكن إيجادها في الكريات البيضاء عند الأنسان
و المهمة المنسوبة اليها هي القضاء على الباكتيريات و التعفنات بفعالية كبيرة الشيء الذي يتيح للقط أن يعالج جروحه بلعقها عدة مرات حتى تلتئم، وبذلك يكون اللسان بالنسبة له وسيلة طبيّة متوفرة دائمًا.

و من المنظور الديني فنبي الله محمد ﷺ كان قد تمضمض من إناء شربت منه قطة و كما أنه أكّد لنا [ مند أكثر من 1400عام ] أن القطط طاهرة
بقوله عليه السلام:
" إنها ليست بنجس ، إنها من الطوافين والطوافات عليكم " بمعنى أن القط من الداخلين و الخارجين إلى منازلكم فاعتنوا بهم و أحسنو ضيافتهم و تجنبوا إيذائهم كما نرى أحيانا..
فهم من أجمل و ألطف المخلوقات!

فسبحان من خلق و صنع 💙

13/07/2022

الدكتور البيطري "آندي ماثيس" يتناول طعامه مع
كلبة ضاله من الشارع داخل القفص لتطمئن ويخفف عنها الألم ولإزالة مخاوفها بسبب ما حدث لها من تعذيب من بعض البشر
عندما يكون الطب البيطري إنسانية وليس مهنة 👇

02/07/2022

09/06/2022

(((( ليه لازم ندي التطعيم الرباعي للقطط)))) ؟

التطعيم الرباعى بيحمى القطط من أربعة أمراض مهمه
منها 3 أمراض مسببة لبرد القطط
والمرض الرابع يحمى ضد طاعون القطط ( feline panleukopenea )

طيب ايه هي الأمراض اللي التطعيم الرباعي بيحافظ على الحيوان الأليف منها ؟
-مرض الهربس ودا مرض فيروسي يصيب الجهاز التنفسي للقطط
-مرض كاليسي ودا مرض يصيب الجهاز التنفسي برضو
-فيروس الكلاميديا
والتلاته دول زي ما قلنا من الأمراض المهمه اللي بتسبب البرد في القطط واللي ممكن تأثر بشكل كبير على الحيوان من حدوث مضاعفات .

-المرض الرابع هو بارفو القطط أو زي ما بنسميه طاعون القطط

طيب أنا كدا عشان أحمي الحيوان الأليف بتاعي المفروض أعمل ايه ؟
لازم أحافظ على القط بتاعي بحيث إني أحاول أخليه خالي من الأمراض وخالي من الديدان يعني قبل ما أبدأ أديله الجرعة الأولى من التطعيم الرباعي يفضل إنه يكون واخد جرعة الديدان

ودا ليه ؟
دا عشان لما أجي أديله التطعيم الرباعي يكون خالي من جميع الأمراض وميكونش تعبان عشان التعب اللي عنده مع جرعة التطعيم ممكن تلعب دور أساسي في حدوث أعراض أكثر

إزاي حدوث أعراض أكثر ماهو مش تعبان ؟
حدوث الأعراض تعمل بشكل كبير على معرفتنا في مقاومة الجسم لعملية التطعيم

عشان كدا لازم أحافظ على إعطائي التطعيم الرباعي للحيوان الأليف في الوقت المحدد وعند ( الدكتور المختص )

04/06/2022

بنقدملكم دلوقتى رمل Kiki Kat عالى الجودة.. مزيل للروائح.
متوفر حجم 5 لتر......هيوفر معاك جدااا عن تجربة.

كلمونا على01121612319-01000480548 للحجز والتفاصيل او ابعتولنا على رسايل الصفحة

العنوان :29 ش 3 مدينة التحرير -امام ستوديو كرم -امبابة .
الصفحة الرسمية للعيادة
https://www.facebook.com/omarsherifvet

02/06/2022

28/05/2022

الكشف اليوم مجااااااااني بالعيادة نورونا من سبعة لعشرة مساء
اللوكيشن https://maps.google.com/?cid=13282931425669484459&entry=gps

26/05/2022

قطتك تنكه ف الاكل؟ ومش اي اكل بنقدمه ليها بتاكله؟ فبنضطر ناكلها الاكل اللي بتحبه عشان بس تاكل ؟

بس ده مش صح. لان قطتك محتاجه وجبه غذائيه متكامله. تحتوي ع كربوهيدرات وبروتين وفيتامين عشان تقدر تنمو وتمارس حياتها بشكل طبيعي

عشان كدة هقولك الحل

- أحسن وقت تقدم فيه الأكل لقطتك وقت المغرب و الفجر، هم بيحبوا يآكلوا فى الوقتين دول لعوامل وراثية

- لو بتأكل قطتك دراى فود لازم تقرأ كويس عن قيمته الغذائية وهل القيمة دى مناسبة لقطتك ولا لأ.بالنسبة لسنها و وزنها و حالتها الصحية.

- لو بتأكل قطتك من أكل البيت لازم الاكل يكون مسلوق سواء رز او مكرونه او لحمه او فراخ او شربه خضار. ابعد تماما عن البهارات والبصل والثوم والصلصه

- لو بتاكل قطتك سمك كتير إنت كده بتحرمها من مغذيات تانية كتير ، رغم إن المغذيات اللي في السمك كتير ومفيدة جدا زي ال omega 3. لكن طبعا مش بتكون متكاملة لاليفك . والتغذية السيئة أو اللي مش متكاملة هي السبب الرئيسي لتساقط الشعر . !! فلذلك ممكن ناكله سمك مره واحده ف الاسبوع

-لو بتشرب قطتك لبن، لازم يكون خالي الدسم وخالي من اللاكتوز.

- ممكن تدلع اليفك بتريتس او بفاكهة زي التفاح و الموز لكن ابعد تماما عن العنب و الزبيب و الافوكادو لانهم ساميين بالنسبة لهم.

- دخول اي اكل جديد لازم تدريجيا ، ومش تسيب الاكل قدامها علطول. نظمه وجبات

- كويس جدا ان يبقي وجبه دراي ووجبه فريش فود.. دايما نوع ف الاكل عشان متزهقش .ولكن لازم تبقي وجبه غذائيه متكامله

18/05/2022

هنتكلم انهاردة عن فيروس خاص بالقطط 😺😺
- منتشر بكثرة اليومين دول هو فيروس الكاليسي feline calici virus ) FCV ) 😱 ،
- فيروس الكاليسي بيصيب كل القطط و خصوصا اللي مش متطعمة تطعيم الفيروسي و بالاخص بقا تحت سن ٦ شهور ، بتكمن خطورته في صعوبة تشخيصه لانه العدوى بتجمع بين اعراض لكذا جهاز في الجسم مع بعض و للاسف حالات كتير بتروح نتيجة التشخيص الخاطيء 😨
- بيتنقل عن طريق الاتصال المباشر او غير المباشر بقطط مصابة
و ممكن يتنقل عن طريق الهواء عادى زى فايروس الانفلونزا للانسان .

- اعراضه متنوعة بيميزها تواجد قرح بالفم و اللسان و علي طول الجهاز الهضمي و بالتالي بيحصل صعوبة في الاكل و بالتالي القط بيمنع الاكل !
للاسف الاعراض مش بتيجي علي مرة واحدة ! بتطور علي مدار الايام و التدخل كل م يكون بدرى كل م يكون افضل و فرصة للنجاة 😌

#الوقاية و دى الاهم :
✅ التطعيم الفيروسي الثلاثي او الرباعي مهم جدا و خصوصا للاعمار الصغيرة فوق ٤٥ يوم 💉
✅ ضرورة عزل القط المصابة فورا و يبقي ليه اكل و litter box لوحده .
✅ التغذية الجيدة و تعزيز المناعة في العموم 😺

#عيادة _عمر _البيطرية

_clinic

16/05/2022

16/05/2022

شكرا لكي يا جهاد .نوسه ده حبيبتي ربنا يقومها بالسلامه يااارب ♥️♥️

16/05/2022

شكرا لذوق حضرتك .ياااارب دائما اكون عند حسن ظن الجميع.

15/05/2022

feline chin acine (حب شباب القطط) ✌️
عباره عن مشكله جلدية تظهر بين بصيلات شعر ذقن قطتك ع هيئه حبوب سوداء وقد تتطور الي التهاب ف خلايا الجلد مصاحبه بحكه واحمرار وجروح
واسباب تلك المشكله 🤔
🐾 حالات التوتر بسبب طلب الجواز او الانتقال من بيت لاخر
🐾 تناول الطعام ف اطباق بلاستكيه
🐾 تناول الطعام الفريش البيتي وعدم تنظيف منطقه الفم والذقن بعد الاكل
🐾 ضعف الجهاز المناعي لدي القطط
🐾 افرازات زائده من الغدد الدهنيه للقطط
🐾 عدوي بكتريه
ولعلاج تلك المشكله ..يجب زياره طبيب بيطري لاخد العلاجات اللازمه قبل تطورها ✋
_البيطرية

15/05/2022

أبعدي القطة عن البنت ! 😬
أزاي تربي قطة وعندك بنات ! 😳😳
القطط بتجيب عقم معروفة !! 🤷🏻‍♀️
يمكن كلنا سمعنا نفس الكلام ويمكن لسه في ناس خايفة تربي قطة لنفس السبب ، طب الكلام ده صح ولا غلط ؟
ده اللي هنوضحه حالا لأن هدفنا دائما صحتك وصحة أليفك 🥰
" التوكسوبلازما" أو ما يعرف بمرض القطط
بكل بساطة ده طفيل بيصيب القطة زي اي مرض يعني مش مولودة بيه ومش اي قطة تبقى مصابة
طب ازاي بتصاب بيه ؟
عن طريق اللحوم النية زي اللانشون أو تعرضها لاكل ملوث أو لعبها في تربة ملوثة ببراز حيوان آخر مصاب
طب ازاي أحافظ عليها من العدوى ؟
أمنع عنها اللحوم النية و أمنع اللعب مع قطط السلم أو الخروج في الشارع وأنضف ال litter box أول بأول هتبقى زي الفل مفيش منها أي خطورة وطول ما هي سليمة انتي وبناتك في أمان

15/05/2022

🪒 الحلاقة 🪒

ناس كتير سألتنا عن الحلاقة عشان عايزين يحلقوا لقططهم وكلابهم.

نحب نجاوبكم ونطمنكم إن الحلاقة كويسة جدا وبالعكس أفيد لحيواناتنا الأليفة في شهور الصيف عشان بتخفف من عليهم الحمل الحراري شوية
لأن درجة حرارة جسمهم طبيعي أعلى مننا فتخيلوا شعورهم بالحر بقا 🥵
فالأحسن نحلق شعرهم في الصيف ونسيبه في الشتاء يدفيهم 👌😊

طيب مش هيكتئبوا أو يزعلوا يا دكتور؟
لأ خالص
هم بيزعلوا منكم شوية عشان مش بيحبوا زيارة العيادة في المجمل لكن مش بسبب الحلاقة 😄

بس كدا 😊
دمتم وحيواناتكم الأليفة بخير وصحة.

12/05/2022

08/05/2022

بنقدملكم دلوقتى خصم على التطعيم الرباعى للقطط
+ كشف طبي و شهادة مجاناااااا .

كلمونا على01121612319-01000480548 للحجز والتفاصيل او ابعتولنا على رسايل الصفحة

العنوان :29 ش 3 مدينة التحرير -امام ستوديو كرم -امبابة .

الصفحة الرسمية للعيادة
https://www.facebook.com/omarsherifvet

19/04/2022

القراد من الحشرات المؤذية اللي بتيجي كتير جدا وبسهولة للكلاب، و في الغالب لما بتيجي بتستخبى في اماكن صعب جدا تتشاف. لما تيجي تفحص كلبك عن القراد اتاكد إنك تبص في كل الاماكن دي :
🔷بين الصوابع
🔷عند منطقة الفخد والزيل
🔷 عند الودان
🔷عند جفن العين
🔷تحت الطوق أو الهدوم

الطريقة الصحيحة عشان تشيل القراد :
* استخدم جوانتي طبي .
*استخدم ملقاط عشان تشيل القرادة من عند المنطقة اللي لازقة منها في كلبك، و شدها كلها منغير ماتلفها ولا تفعصها. شدها بشكل رأسي .
* خلي جنبك برطمان بغطاء فيه حبة كحول عشان تحط فيه القراد اللي هتشيله عشان يموت.
* بقطعة قطن مبللة بالكحول امسح الاماكن اللي شلت منها قراد عشان تطهرها.

ملحوظة : الطريقة دي بتنفع بس لو عدد القراد قليل .( اتنين او تلاتة) لكن لو اكتر من كدة يفضل ياخد جرعة مضاضة للحشرات عشان تسيطر عليه، و في معظم الأحيان لما بيكون العدد كبير جدا بنلجأ للشاور الطبي عشان نتخلص من القراد تماما مع جرعة الحشرات.

* الوقاية :

افضل وقاية لكلبك ضد القراد إنك تديله جرعة حشرات بشكل شهري أو كل 3 شهور بالكتير، و بعد كل خروجة لازم تفحص جسمه بعناية و لو في أي حاجة تشيلها.

- تنضيف البيت كل أسبوع بالمكنسة الكهربائية و خصوصا السجاجيد و الكنب مهم عشان تمنع انتشاره في بيتك.
* لو حابب تكشف على كلبك أو تعالجه تماما من القراد ممكن تكلمنا او تشرفنا ف العياده ^^.

01/04/2022

كل عام وحضراتكم بخير وسعادة .ربنا يتقبل منكم الصيام والقيام واجعلنا يا الله ممن تغفر لهم فى هذا الشهر الفضيل وارزقنا يا الله صيامه وقيامه وارزقنا فيه على قدر قدرك يا كريم.
مواعيد العمل في رمضان باذن الله
#يوميا 8 بعد الفطار حتى 11 مساء يوميا باذن الله
والطوارئ على مدار اليوم عبر الواتساب