11/02/2022
(كلام للتاريخ)
نصائح البطل ياسر العزيزي لكل هواة الحمام الزاجل
نصيحتي لله لوجه الله . علشان يتقال عنك بطل حمام زاجل لازم
1- تعلم ان مايقدره الله لك سيكون عن قناعه مش اه اه صح .
2- انت عايزايه
3- انت قدراتك ايه
4- لوفتاتك قبل حمامك
٥- حمامك قليل بس من الاخر
6- اوعي تغير وتبدل وتبيع وتشتري الا لما تكون واثق من اللي بتشتري منه
7 - بلاش الفهلوه ده ابن الاعرج وده بتاع بلبل المعيارجي وده اسوانجي وده قناوي ....بلح ده دمه ايه ابن مين السترين يتاعه ايه اوعي حد يقولك ده ايجر كامب وده هيرمن وده فان كيرك دي مش استرينات دس اسماء مربيين ماتقولش 6060 اعرف 6060 فيها دم ايه جونسون ارندونك ( اارندونك دي مدينه ) - دخ فيها اد ايه فان لوون دي فيها اد يه دي كلاك علشان تبقي عارف لو زودت الدم الفلاني يبقي بتعمل ايه انت بتسرع ولا بتكبر في الجناح والله المهلبيه مابتنفع ومش معني انك بتدخل في مراكز المحطات الاولي يبقي انت ناجح ايوه ناجح بس وش محاره مش تشطيب سوبر لوكس اسآلوا مجدي غبريال يعني ايه التركيبه بتاعتك انت والسمري فيها كام جان اردن وكام فان لوون ... انت بطل دلوقتي وبطل بعدين بس تقدر تقوم تتكلم وتشرح ايه البيوت والنسب اللي في دم حمامك وانهي نسب كانت لها الفضل ان يوم الحر الحمام قطع ا، يوم الهوا للي قالب خلي الحمام يطلع استريت ويبطيء سرعته ويوصل برضه كسبان ؟!!
8 - الصديق الصديق الصديق الصديق الصديق
9 - ان تكون محبوبا من الناس مرحب بيك في كل مجلس جاور السعيد واعرف من الكبير وصاحبه ولازمه....
10- النظام الثابت حتي ولوكنت غلط ثبت نظامك لو ناجح في لوفتك واللي ييجي يقولك اوعي واعمل رد عليه وقوله بهزار حاضر عيني
11- الورقه والقلم ....... في جيبك سجل كل حاجه حتي لو دخلت اللوفت لقيت الحمام زي الفل كل صغيره وكبيره وفي النهايه اسف اسف اسف علي الاطاله والملل اللي عملته لكم ويمكن مايهمش ناس كتير اللي بقوله بس انا باكتبه لاخويا اللي معرفوش اللي قاعد بيسال والناس ماسكه ودانه هري ... نصيحه وشهاده واتمني لكم السعاده في الهوايه وسعه الرزق والرضا بمايقسمه الله لكم ونعمه حب الناس واشكر لكم سعه صدركم والله المستعان والسلام عليكم ورحمه الله وبركاته
