23/08/2023
▪︎ هنتكلم النهارده عن استقبال الكتاكيت فيه شوية نقاط لازم ناخدها بعين الاعتبار وهي:
١- الفرشه
لازم الفرشه تكون نظيفة وجافه تحتوي على نشارة او تبن وهنغيرها بشكل منتظم للمحافظه على النظافه وتقليل الرطوبة والأمونيا
٢- الماء والأكل
بنستقبل الكتاكيت علي ماء مضاف اليه عسل اسود او سكر او محلول جفاف اول يوم، تاني يوم هنضيف للماء مضاد حيوي سقوة الصبح وفيتامينات وأملاح سقوة بليل، هنبدأ نضيف العلف البادي من تاني يوم ويفضل يكون في اطباق التحضين الحمراء لان اللون الاحمر بيشجع الفراخ على الاكل ودي حاجه في فسيولوجية الفراخ 🐣
٣-درجة الحراره 🌡️
نستقبل الكتاكيت علي درجة حراره مابين ٣٢ و٣٥ ونمنع التذبذب في درجة الحراره ويفضل وجود ترمومتر لمتابعة درجة الحراره لانها بتقل تدريجيا خلال الدوره بما يناسب كل عمر.
٤-الاضاءه
نستقبل الكتاكيت على اضاءه صفراء لانها بتأثر بدور كبير علي نمو وحيوية الكتاكيت
نراعي ان الاضاءه متكونش خافته ونفس الوقت مش ساطعه لانها هتأثر على الجهاز العصبي للفراخ.
