04/03/2022
لين العظام في الكلاب👍
حبيت اجمع شوية معلومات عن الموضوع لاهميته
علمياً مافيش علاقه بالاسم الدارج للمشكله
وهي ف الواقع مش لين في العظام ولا ضعف فيها
هي عباره عن زيادة في اتساع مجال مفصل القدم للجراوي
مشكلة , بتظهر تدريجياً للجراواي الصغيره
أشهر السلالات اللي بتتصاب بها هي الراعي الألماني (جيرمن شيبرد) - او السلالات الكبيره زي الروتوايلر والجريت دان.
نفهمها ببساطه
مفصل القدم للكلاب بيتكون من مجموعه من العظام الصغيره.. زي اي جهاز عظمي ف اي كائن حي.. ,ويحفظها في موقعها المحدد .. وكمان بيحدد حركتها الطبيعيه ..٣ من الأربطه الصغيره
وفي حال الاصابه هانلاقي
واحد أو كل الأربطه بيحصلها تمدد مش طبيعي. ودا بيسبب ..حركة اتساع ..أكثر من الطبيعي للمفصل
وبالتالي هايخلي المفصل يجهد او يتعب ويتسع أكتر كل ما وقف الجرو.. وخصوصا على الأرضيات الصلبه او الناشفه
السن :
تظهر غالبا في الجراوي مابين 3 ل 4 أشهر
واحيانا نشوفها من بداية وقوف الجرو وتعليمه المشي ودا بيبقي تقريبا في عمر 30 يوم😏
أسبابه :
- التغذيه
من أهم العوامل وأخطرها في ظهور المشكله وزيادتها
هو الزياده ف اكل.. البيض و منتجات الألبان .. واحيانا اللحوم..
وبالتركيز هانلاقي أن الخطوره اساسا في زيادة كميات نسب الكالسيوم للجرو.. عن المعدل الطبيعي..وبالتالي هايعمل خلل في عملية نمو الجسم والعضم
_الزيادة في الوزن للجرو ودا بيزود حمل علي رجلين الجرو وهي لسه ضعيفه واربطته لسه لينه
- حبس الجراوي في أماكن محدوده على أرضيات صلبه
زي الارض الاسمنتيه.واللي غالبا بيكون فيها الجرو مربوط ف سطوح..المنازل. ومافيش مجال مفتوح للجري واللعب بحريه
- حالة الضعف والضغط اللي بيمر بها الجرو في مرحلة التسنين ..أو الاصابه بالطفيليات المعويه
-
_العامل الوراثي من الاباء
,لو ظهرت عليهم المشكله فيهم من صغرهم علشان كده
المفروض ناخد بالنا من انتاجهم بعنايه ونمنع المشكله من الظهور .
كيفية العلاج :
الجميل هنا... أن المشكله دي مش بتسبب تلف دايم بالعظام أو المفاصل
فبمجرد علاجها وازالة سبب المشكله ,بترجع المفاصل طبيعيه أو بيكون في اثر بسيط جدا.
- تغيير قوي في نمط التغذيه للجرو
سواء بمنع أو تقليل بدرجة كبيره جدا من منتجات الألبان والبيض يكون بحدود..وعدم المبالغه ف زيادة كمية اللحوم
- الراحه بعض الوقت لما ندي الفيتامينات والفصل بين نوع والتاني
_ عدم السماح اطلاقا بزيادة الوزن
- المواظبه علي التمشيه للجرو على أرضيات طريه زي الرمل أو الحشائش لان دا بيساعد الأربطه على أنها تقوى... وتتحمل المفاصل بوضع طبيعي
السماح للجرو انه يلعب ويجري بحريه. ف مكان واسع
٣ مرات او ٤ مرات
_الاهتمام بالصحه العامه للجراوي من صغرها
✍️👈يارب اكون وفقت ف سرد الموضوع ببساط
