23/03/2024
📢سؤال بنتسأله كتير على الصفحة..
ايه هي تطعيمات القطط والكلاب ؟؟
من المهم جدًا انك تدي التطعيمات لأليفك، خاصةً في حالة اختلاطهم بقط او كلب تاني ..
•اولا التطعيم الثلاثي او الرباعي وده بيدي مناعة للقط نفسه ضد الأمراض، زي مرض البانليكوبينيا والهيربس فيروس والكالسي فيروس والكلاميديا .
▪️الفرق بين التطعيم الرباعي أو الثلاثي في انه وقائي ضد مرض الكلاميديا ف دي في التطعيم الرباعي زيادة عن الثلاثي، بس ممكن نعتبر التطعمين بنفس الكفاءة والمفعول، وممكن تديهم اي واحد منهم في حالة عدم توافر الآخر، بمعني تدي واحد منهم بس حسب المتوفر في العيادات البيطرية التطعيم الثلاثي أو الرباعي.
▪️الجرعة الأولى بتكون عند عمر شهر ونص وتكرر بعد ١٤ ل ٢١ يوم جرعة تنشيطية ثم كل سنه.
•ثانيا التطعيم الثماني ودا للكلاب بيدي مناعة ضد امراض كتير منها البارفو والديستمبر والليبتوسبايرا والانفلونزا وغيرهم ..
▪️الجرعة الأولى بتكون عند عمر شهر ونص وتكرر بعد ١٤ ل ٢١ يوم جرعة تنشيطية ثم جرعة تنشيطية أخري بعد ١٤ ل ٢١ يوم من الجرعة التنشيطية الاولي ثم كل سنه.
🔺تطعيمات مشتركة بين القطط والكلاب:
١- السعار : عند عمر ٦ شهور ثم يكرر كل سنه
٢- الديدان : عند عمر شهر ونص يكرر بعد ١٤ يوم ثم كل شهرين
٣- الحشرات : عند عمر شهر ونص يكرر بعد ١٤ يوم ثم كل شهرين
❗️️حيوانك الأليف أمانة فحافظ عليه✨️
لو محتاج تعرف تفاصيل اكتر تقدر تتواصل معانا عن طريق رسايل الصفحة📱
أو عن طريق الواتساب✉️
01090595794
#تطعيمات
