Well pet

01/08/2023

24/09/2021

Well pet بنقدملك خدمه بيطريه متميزه في المنزل دون عناء الذهاب الى العياده بافضل الاسعار سعر الكشف المنزلي ١٥٠بدلا من ٢٠٠ لفتره محدوده داخل القاهره والجيزه سعر الاستحمام العادي ١٠٠ جنيه الاستحمام الكيميائي للقضاء على الحشرات ١٥٠ حلاقه الشعر ب١٥٠ استخراج رخصه الحيوان الاليف٣٥٠ عروض على اسعار عمليات التعقيم وتنظيف الاسنان وازاله الجير واسالنا على عرض تطعيمات حديثي الولاده 🔥

02/09/2021

الكلاب معندهاش القدره على التعرق لكن عمليه اللهاث الي بيقوم الكلب بيها بتخلي درجه حرارته طبيعيه كمان الكلاب الي فروها ابيض ممكن تعاني من حروق الشمس
اعراضها:ارتفاع درجه حراره الجسم بيحصل تغير لون اللسان واللثه للاحمر الفاتح ولو زادت جدا بتبقى باهته مع لزوجه زائده في اللعاب مع ترجيع واسهال
العلاج:بيكون باستخدام فوط بارده لتقليل درجة الحرارة او بطرق اخرى في الحالات الشديده ومحاليل وريديه
الحل الافضل هو منع حدوثها بتجنيب الحيوان المناطق مرتفعه الحراره.

25/08/2021

لو عندك حيوان أليف وعاوز تهتم بصحته او نظافته الشخصيه احنا هنساعدك 🐩🐈😻

22/08/2021

‏Inappropriate urination
ده سلوك من اكثر السلوكيات احباطا لانها بتخلي المكان مش نضيف وبتخلي الكلب او القط غير مرحب بيه في الاماكن الي بيروحها،ناقش المشكله مع الطبيب البيطري لاستبعاد المشاكل الصحيه وبعد كده حاول تتعرف على السبب الي ممكن يكون ان الكلب بيعلم مكانه او قلقان او ان مكانه اتغير او خوف وتتجنبه

22/08/2021

القطط الكبيره في السن ممكن تواجه مشكله انها متعرفش تلحس المناطق الصعب الوصول ليها يستحسن تحصل على جلسات grooming بصوره اكبر

22/08/2021

Senior cats
الي هي القطط اكبر من سبع سنين بطبيعه الحال نشاطها بيقل وبتنام اكتر وبتكون عرضه اكتر لمشاكل الكلى عشان كده بنحاول نقلل نسبه البروتين في الاكل وزياره الدكتور بتكون بمعدل اكبر شويه

22/08/2021

Chewing العضعضه
بصفه عامه ده سلوك طبيعي جدا عند الكلاب لكن لما بيزيد السلوك ده ممكن يبقى مشكله،الاسباب الاكثر شيوعا ليها بتكون :-لو الكلب بيسنن او عنده طاقه زياده او قلقان او فضول وحب استطلاع خصوصا عند الصغيرين يستحسن نشجعه يعمل كده في لعبه من الالعاب المخصصه لده ولما منكنش في البيت الافضل نسيبه في مكان ميكنش في حاجه سهله التخريب
واول منشوفه بيعمل كده نعلي صوتنا ونبدل الحاجه الي كان بيحاول يعضعض فيها بلعبه من الالعاب المخصصه لده

22/08/2021

مواء القطط
تماما لو انت بتتكلم مع القط بتاعك فهوا هيتكلم معاك بعض القطط مبتتكلمش كتير والبعض الاخر رغاي عادي زينا بعض السلالات زي السيامي بتتكلم اكتر بطبيعتها
مع ذاك المواء الزائد عن الحد ممكن يكون بسبب تعب لو ده حصل بصوره مفاجأه المفروض تتابع مع دكتور