Borraq Animal Care

17/08/2022

جالنا سؤال .. بصراحة و من وجهة نظرنا مهم جدا الفترة دي بالنسبة للخيل كلها في فترة صعبة زي فترة الصيف ..
و كان السؤال هو : أسباب إرتفاع درجة الحرارة او الحرارة المرتفعة في الخيول !
الحقيقة عشان نجاوب علي السؤال ده صح اول حاجة لازم تكون عارفها هي ازاي تقيس الحرارة للحصان صح و ازاي تقيم الدرجة اللي هتتطلعلك
أول حاجة : بنقيس درجة الحرارة بطرق مختلفة أشهرها الترمومتر او جهاز قياس الحرارة الحديث زي اللي في الصورة ده و ده يعتبر أدق و أسهل في التطبيق وأأمن للشخص اللي هيقيس درجة الحرارة
و لو هتستخدم ترمومتر لازم تكون مستخدم زيت او مادة مزحلقة زي الفازلين عشان متجرحش ش*ج الحصان و تخش بزاوية متجهة لفوق عشان تبعد عن اي محتوي داخل الش*ج بحرارة مختلفة عن حراراة جسم الحصان و طبعا هتستني 3 دقايق لحد ما تطلعلك قراءة
طيب بالنسبة لدرجة الحرارة نفسها فا هي بتتراوح من 37.5 لحد 38.5 و دي تعتبر قريبة
جدا من درجة حرارتنا
لو طلعت أعلي من كده بتكون لأسباب منها الطبيعي و منها المرضي
طبيعي زي ان الحصان يكون لسه مخلص مجهود كبير او كان متعرض لأشعة الشمس مباشرة او المكان اللي بيقعد فيه مش واصله تهوية كويسة او مش بيشرب مياة كفاية فا تبريده لنفسه مش كافي
مرضي زي علامات المغص اللي اتكلمنا عنه قبل كده و زي بعض الامراض الفيروسية و اشهرها الانفلونزا وخناق الخيل و ممكن حتي تكون عدوي بكتيرية شديدة اصابت الجسم
الحرارة العالية عرض وليس مرض ولازم تخلي بالك كويس اوي من حرارة حصانك و تقيسها باستمرار و تخلي بالك من تهويته ومن شربه
و ممكن نتكلم عن سبب سبب من الاسباب في بوستات جاية
قولولنا ايه رأيكو في البوست و قولولنا اذا حابين نغطي الموضوع ده او مواضيع تانية بالفيديوهات او بحلقات زيادة
متنسوش تعملو لايك لو وصلتوا لحد هنا ;)

09/08/2022

-يا تري المغص في الخيل ايه أسبابه ؟؟ و هل بيتلحق !!؟

عشان نقدر نفهم حاجة زي دي .. خلينا نتعرف علي الانواع و علي العلاج.

-مغص الخيل هو ألم في الأمعاء، وده عرض شائع في الخيول لمشاكل الجهاز الهضمي.
وللمغص أسباب كتير، بتنقسم حسب أنواعها إلي:
النوع الأول-
الغازات (النفاخ): وهو تجمع الغازات بكثرة داخل الأمعاء. ويحدث هذا النوع بسبب الاختلاف المفاجئ في مكونات العلف، أو بسبب الأعلاف القليلة في نسبة الألياف والعالية في الحبوب، أو أكل عليقة بها فطريات أو عفن.
النوع الثاني-
انسداد الأمعاء أو الإمساك: وهو انسداد الأمعاء بسبب تحجر البراز داخل الأمعاء، وصعوبة خروجه. يحدث هذا بسبب الجفاف، أو بسبب الإصابة الشديدة بالديدان المعوية، أو أكل مواد غريبة مثل الرمال أو الطوب.
النوع الثالث-
التواء أو اختناق الأمعاء: ويحدث بسبب التفاف الأمعاء حول بعضها مما يمنع تدفق الدم لتغذية الأمعاء ويمنع كذلك خروج البراز. وقد يحدث هذا بسبب التفاف الحصان فجأة بعنف، أوبسبب الولادات المتكررة في الفرسات. وفي بعض الأحيان يكون التفاف الأمعاء غير معلوم السبب.
النوع الرابع-
الاحتشاء في الأمعاء: وهو انسداد في الأوعية الدموية للأمعاء بسبب حدوث جلطة.
النوع الخامس-
التهاب: وهو التهاب في الأمعاء. ويحدث هذا النوع إما بسبب مرض معدي تسبب في التهاب الأمعاء، أو بسبب التهاب في الغشاء البروتوني وانتقاله للأمعاء.
النوع السادس-
القرح: وهو تقرح في الأغشية المبطنة للأمعاء.
النوع السابع- أسباب أخرى: فقد يكون المغص ليس له عِلاقة بالجهاز الهضمي مثل احتباس البول، أو مغص كلوي، أو فتاء.

-ما يجب على المربي القيام به عند حدوث المغص:
1- التواصل مع الطبيب البيطري في أسرع وقت. فالخيل حساسة جدا للمغص، ويمكن أن يتسبب لها المغص في الموت المفاجئ إن لم يتم علاجها في الوقت المناسب.
2- محاولة تهدئة الحصان وإبعاده عن أي مصدر إزعاج أو خوف.
3- إذا كان الحصان متوتر ويتلوى أو يكثر من الرفص يجب إبقاءه في مكان آمن بعيداً عن أي شيء يمكن أن يتسبب في جرحه.
4- إبعاد الطعام عنه.
5- محاولة معرفة سبب المغص إذا كان تعرض الحصان للبرد، أو وجود عفن في الأكل، أو وجوده مع حيوانات أخرى مصابة بديدان، لإعطاء الطبيب تاريخ مرضي صحيح يساعده على تشخيص العلاج.

25/02/2022

25/02/2022

25/02/2022