https://www.facebook.com/106321188789948/

春田貓貓托兒所

Home
Hong Kong
Hong Kong
春田貓貓托兒所

此專頁只想分享托浪浪點滴同希望多d 人支持領養。不收任何捐款
(2)

01/07/2024

待家、尋家的小朋友🥰

29/06/2024

四妹一家尋家：

村民姐姐唔忍心你哋成家俾狗追要一世匿埋喺花園生活，上網求助，輾轉間搵左我哋暫托出領養。義工既工作就係減少流浪貓既數量，從而減少悲劇發生。托兒所得校長同校工兩雙手一口氣接左你哋2媽12隻B。上一竇豆家已成功出領養，今次輪到4妹+3隻可愛BB（希望媽媽都有人領養唔洗原地放回）

4妹：貓媽，約九個月大，蝴蝶紋，好乖既，第一日入屋已經可以摸摸。

麥旋風、麥樂雞、豬柳蛋： 2個月大，蝴蝶紋，四蹄踏雪。

領養條件：

4妹+B 或一對以上領養優先

有意領養請聯絡inbox pm我們
申請領養必須已裝穩固安全窗網(黐貼定位扣）
不接受（不可家訪）家庭，抱歉。必須接受家訪
支持領養。請給浪浪一個幸福家庭🙏🙏

Follow我哋專頁，就唔會錯過，仲有貓異工之日常，救貓故事分享。

麻煩大家幫手Like, share 俾更多人留意到，謝謝，請支持領養。

25/06/2024

：車仔，你唔好扭計啦，爭啲變左街市貓，嗰度啲米奇仲大隻過你，有朋友覺得你身世好可憐，話想領養你，因禍得幸福，希望成事啦。

23/06/2024

校工食緊海南雞飯時，突然收到舊求助人電話，沙田街市停車場遇到一位司機晨早拎車時好似聽到貓叫聲，但無發現，隨即繼續送貨，由新界去對面海再穿越唔知幾多地方，去到沙田再停車再次聽到貓叫聲，即刻幫手搵到我地，我地接到電話馬上出發，黎到時貓b 走左出黎匿左入大貨車碌入面，本身諗住放籠試下，但都預左唔會上當，校工即刻唔理咁多，成個人窿入貨車底，成個人訓喺勁污糟勁多曱甴既地下，徒手捉貓，最終貓b成功獲救。

喺車捉貓係最高難度既任務，貓B喺車底來去自如，左穿右插，如果離開左部車跑左去基本上一定捉唔返，放籠誘捕更加無可能成功，唯有瞓落車底。

街市停車場地面衛生環境極惡劣，為左救貓無辦法啦，頂硬上，好在阿B攝住喺架貨車呔鈴度乖乖地等我救，用口含住支電筒，僅僅伸到兩隻手指捉住佢條頸扯佢出黎成功捕獲，否則剛剛落一場大雨就慘了。碌完地砂，感覺自己好dirty成身汗濕晒，要即刻返屋企啪返條繽紛樂補充返啲體力，慶祝一下。

辛苦晒校長校工，又可以拎成就獎🎉🎉🎉

19/06/2024

下午突然收到舊求助人whatsapp 段影片俾我哋，你一定又係“多管閒事”搵我哋幫手救貓啦，見到片頭係“車頭”未開出段片睇，得啦，已經知道係乜事。

有3個月大貓B被困車底，佢要逃跑，基本上無人阻止到，要生擒係非常高難度既任務。

本身話用紙皮箱、一條毛巾、一對手套去捉，之後想問我地借籠捉，吓，落籠都無用，避免用錯方法，貓B走左去就唔知點搵得返嫁喇，交返俾專業既我地吧，又要出動啦😅

到達現場，通知車主開車頭蓋，如無意外就出意外，跑左出車外，校工眼明手快，手執漁網，手起網落成功捕獲，最後唔洗十分鐘就救左車底BB🤩

最後舊求助人自己收編，恭喜你做媽媽了，完成，皆大歡喜🎉🎉

19/06/2024

四妹一家尋家：

村民姐姐唔忍心你哋成家俾狗追要一世匿埋喺花園生活，上網求助，輾轉間搵左我哋暫托出領養。義工既工作就係減少流浪貓既數量，從而減少悲劇發生。托兒所得校長同校工兩雙手一口氣接左你哋2媽12隻B。上一竇豆家已成功出領養，今次輪到4妹+3隻可愛BB（希望媽媽都有人領養唔洗原地放回）

4妹：貓媽，約九個月大，蝴蝶紋，好乖既，第一日入屋已經可以摸摸。

3兄妹： 2個月大，蝴蝶紋，四蹄踏雪。

領養條件：

4妹+B 或一對以上領養優先

有意領養請聯絡inbox pm我們
申請領養必須已裝穩固安全窗網(黐貼定位扣）
不接受（不可家訪）家庭，抱歉。必須接受家訪
支持領養。請給浪浪一個幸福家庭🙏🙏

Follow我哋專頁，就唔會錯過，仲有貓異工之日常，救貓故事分享。

麻煩大家幫手Like, share 俾更多人留意到，謝謝，請支持領養。

16/06/2024

靚黃媽+B一家，加入港短黃貓協會既機會黎啦，飛雲。

13/06/2024

人在做，天在看。會有天譴，時辰已到。

12/06/2024

收到舊求助人求助想幫呢隻貓貓搵主人
村民因私人原因不能照顧，有意可聯絡我哋傾下

貓女，8 個月，已絕育
乖巧，夾貓

11/06/2024

夠鐘起身啦。輪到你老母同3兄弟姊妹出領養搵屋企🥰執一執騙圖就出正式post。

10/06/2024

RIP，領養代替購買啦，有意領養或加貓可inbox傾

09/06/2024

我地姿姿精神返晒喇🥰🥰開心玩老鼠😬😬

07/06/2024

致各領養人：

最近好多走失貓貓既事件，請各位注意門窗，出門口前數貓，確認班pk仲喺屋內先出門口，另外特別注意有陌生人出入或出門倒垃圾。
如貓貓有乜問題即聯絡我哋。

04/06/2024

考慮下領養佢丫，好乖既小朋友，無人領養就會原地放回。給孩子一個家。

31/05/2024

又係領養人回相既時刻🥰🥰🥰全部都係幸運既小朋友。

持續左成個月惡劣天氣，差不多每天都收到身邊既同事、朋友、網友既求助case，奈何時間、資源、人手甚至最重要既暫托位有限，成功得到救援既只屬冰山一角。希望更多人支持領養浪浪，令佢哋有入屋過幸福快樂既日子。義工有空間騰出更多暫托位俾靜待救援既浪浪。

31/05/2024

On b 同黑豆都去晒新屋企喇🎉🎉🎉
主人錫到燶，祝你哋一家生活愉快
支持領養🙆‍♂️🙆‍♂️🙆‍♂️

28/05/2024

長文慎入🤣🤣
校長近兩日終於可以休息下，姿姿好返好多，9 隻b同老母送晒去新屋企，得返一隻老母自己湊返3 隻b
咁就上Facebook 睇下野啦😅

見到最近有人討論到底義工係咪好有錢？唔收捐款，唔籌款，打腹膜炎針咁貴都自己比？咁傻？
我答你真係有咁傻既人嫁，但就唔係好有錢囉🤣

其實呢春田貓貓托兒所成立都兩年lu
我地救過出過既貓名種同唐貓都有，但由一開始就講好左唔收任何費用，唔收任何捐款。
但打針錢，絕育費，咁當然係由主人自己負責返啦，老實呢個係主人最基本既責任。

咁就有人話喇，你仲話唔係大把錢？睇次醫生都一千幾百啦，嚴重既幾千，下下咁邊有咁多錢救呀？
拿，我唔係大富大貴，但都叫做應付到既，只要唔好同時間全部都病🥲

同埋你估湊一隻貓b 平牙？我地呢度伙食好好嫁，一日4 餐罐再長放乾糧，唔怕無野食，只怕佢唔食🥹
雖然一個月淨係買罐頭同糧都洗我5，6 千，但點解我地依然繼續救落去，因為我覺得錢係帶唔到落棺材既，咁而家自己能力許可咪救得幾多得幾多囉
自己食同著又唔係要好高級，食飽，夠著就夠啦
但校長都唔會對自己差既，我都會年中獎勵下自己買個名牌包包🤣🤣🤣做得咁辛苦。

但我每個月付出幾千至一萬可以幫佢地脫離流浪，有人錫唔洗再過住唔知幾時要避雨，唔知幾時有得食，唔知幾時先可以訓一覺好既，我覺得好值得wo

其實校長由讀中學已經開始救狗，係直到呢兩年先開始救貓，由細到大身邊一定有動物陪伴，細個試過狗狗病咗無錢醫，咪死去喊晒口求老豆比錢醫，好彩我老豆超錫我，最後救返隻狗，到自己出黎做野，咪用自己份糧去醫囉，唔係點啫，你養得就一定要負責任。我媽由細到大都係最反對果位。但經過幾十年，佢都睇化左，唔再同人話我對動物好過對佢，變左個衰女係咁，視動物如命。

其實我成日都話係動物保佑我，生意叫做幾好，好多人做我呢行執左九世lu。係班貓狗喺天上一直保佑我支持我，所以我咪可以繼續救落去囉。

其實我好相信因果，校長成日話自己把咀唔好，又爛口，所以要做多d 好事積福。

其實呢。我地托兒所只有兩條友，經濟能力都有限，所以我地接求助時都會評估自己金錢上精神上真係可以負擔到先會幫，幫得就一定幫到最後。
雖然可能都仲有人覺得我地唔收捐款真係好難捱落去，但我地只可以話咪做得幾救幾多囉。
其實呢個世界唔係得我地係咁，用自己錢去默默幫助動物，有好多一直做緊只係大家唔知啫。

咁有人話你地唔收錢咁有咩想要，我地就會答，我地呃like呃follow 囉。
呃黎做咩，唔多d 人follow 咁點樣比多d 人知道我地既貓貓要搵屋企呀，唔通真係淨係想你睇我講廢話咩
我地兩年黎從來都唔會同任何人合作及聯手行動。點解？因為怕是非囉，我好怕卷入是非圈，我地只想做返自己想做既野就係幫動物，所以人地成日講大把人申請慈善牌你唔去，我只可以答，你都話大把人做啦，咁咪好囉，大既救援咪有人幫手囉，我地只做d 細既救援，只做自己能力應付到既野，喺我眼中動物係無分品種，所以黎到托兒所既款待都係一樣，出領養既條件亦係一樣😬

其實不論大機構又好獨立義工或普通人都好啦，大家都有唔同做法，我覺得只要真心救援，所收捐款係用返晒落動物身上，我都係非常尊敬🙆‍♂️

多謝你睇晒我打咁多字🤣🤣🤣（可能好多錯字，得閒先更正返😅）

27/05/2024

被遺留既4 小b另外兩兄妹都去左新屋企喇🎉🎉🎉

https://www.facebook.com/share/p/LQPzpWLU4XbtoshF/?mibextid=WC7FNe

23/05/2024

只有騙案同騙徒是真的？真救援! 真領養!

網上一大堆假post 領養名種貓騙財，大家要小心，邊有咁大隻名種貓隨街跳？

偽暹羅 - KK 出領養啦：（未完全過隔離期嫁，不過傾定差不多了）

背景故事：

上星期見到村民既求助，話有隻暹羅貓喺車底，驚佢俾其他貓蝦，校長同校工即刻出動，搜索同捕捉過程非常順利。據悉KK係村內既黑白浪媽所生，4兄弟姊妹，其中兩隻係暹羅樣，但有兩隻已經不知所蹤，真相已經唔重要，幫你搵個屋企唔洗再流浪。

KK：女仔，估計6個月大，暹羅樣既港短，眼大大，藍眼睛，雖然仲有少少驚但唔惡第一日入屋已經可以徒手摸摸，係好乖既小朋友。

兩年幾時間，兩個人，拯救過返黎百幾隻浪浪，其中有品種既貓貓有粉嶺圍英短矇矇、太和停車場安哥拉 Elsa、北區運動場布偶布仔，以及最近上水圍偽暹羅 KK。而英短5兄妹係幫患重病主人出領養既。救返黎有品種既貓只佔幾個%，點解咁少？因為有品種既貓一堆人衝住去救麻。

遇上我哋托兒所咪好囉，我哋一視同貓，理得你係乜種，都唔收領養費（捐包貓糧作支持我地繼續救援就可以了）幫貓貓搵屋企唔洗再流浪街頭。

領養條件：

有意領養請聯絡inbox pm我們
申請領養必須已裝穩固安全窗網(黐貼定位扣）
不接受（不可家訪）家庭，抱歉。必須接受家訪
支持領養。請給浪浪一個幸福家庭🙏🙏

麻煩大家幫手Like, share 俾更多人留意到，謝謝，請支持領養

22/05/2024

已被領養🎉🎉

反應非常熱烈，暫時截申請📣📣📣

雷雨交加下執起既On B出領養啦：

背景故事：On B 好好彩，我哋舊鄰居姐姐返工前聽到你叫救命即刻通知我哋。忙完手頭上既工作先過到黎，小黃B雖然年紀細細，但生存意志好頑強，叫到直至我哋搵到你。好在喺落大雨前救起左你，否則你未必捱得過當晚。啱啱入托兒所時有啲虛弱，經過左兩星期休養後非常健康活潑，喺時候幫佢搵屋企啦。

On B：兩個月大，仔仔，黃虎紋，非常大食，食到你破產。經常襲擊人類手腳，不斷撕咬，極度危險。

領養條件：

有意領養請聯絡inbox pm我們
申請領養必須已裝穩固安全窗網(黐貼定位扣）
不接受（不可家訪）家庭，抱歉。必須接受家訪
支持領養。請給浪浪一個幸福家庭🙏🙏

麻煩大家幫手Like, share 俾更多人留意到，謝謝，請支持領養

21/05/2024

感謝大愛有心人@lorita fong，將已去彩虹🌈橋小朋友既物資送比姿姿，姿姿一定會繼續努力快樂生活，祝福你幸福快樂🙇🙇🙇

19/05/2024

今日輪到送兩個豆氏細妹去左新屋企🎉🎉🎉

要幸福快樂呀😘😘

https://www.facebook.com/share/p/CXFQYnNxntPJAk3A/?mibextid=WC7FNe

17/05/2024

腎病末期愛滋貓

慘豬姿姿😭又唔舒服，又鼻水又痾又嘔又抽筋，唔肯自己食野。即刻睇左醫生，指數又差左，一轉天氣又唔舒服，好可憐，好彩人手餵肯食，姿姿要加油，好快好返😭😭
之前好左一排穩定左肥返好多，而家一病幾日又瘦左成個圈😢
呢張相已經係好返小小企到起身，前幾日直頭行都無力，長期呆滯😭
每次見到佢病真係好心痛💔姿姿前半生已經好可憐，希望上天比佢下半生可以開心快樂生活，唔好成日折磨佢啦，佢好努力生活嫁

https://www.facebook.com/share/v/nRtY2zTQ5yW3s1Qt/?mibextid=WC7FNe

https://www.facebook.com/share/p/un57KTUsAaoPxtYS/?mibextid=WC7FNe

https://www.facebook.com/share/p/7ojfxbSh3aCkyk7Q/?mibextid=WC7FNe

https://www.facebook.com/share/eSAbF7LbgniWcueX/?mibextid=WC7FNe

17/05/2024

豆媽同黄豆，仲有被遺留既bb 其中兩隻已經去左領養人屋企喇

希望你地以後幸福快樂，多謝兩個大愛家庭

另外非常多謝支持領養成貓既領養人🙏🙏🙏

仲有餘下5隻bb 都會陸續送去領養人屋企🎉🎉

https://www.facebook.com/share/p/LQPzpWLU4XbtoshF/?mibextid=WC7FNe

https://www.facebook.com/share/p/CXFQYnNxntPJAk3A/?mibextid=WC7FNe

15/05/2024

聽聞你老母係黑白港短，咁你應該都係港短。😆

唔知你係邊家既女。即係‘’何‘’家啦。你就叫‘KK"’啦。

14/05/2024

已救起，邊個走失隻貓呀，佢比陀地
貓係咁趕呀🥹
明天會book 診所帶佢做檢查
如果你係主人快d 搵我地認返佢🙆‍♂️🙆‍♂️

11/05/2024

豆氏一家尋家：（全家已被領養🎉🎉 👏🏻👏🏻👏🏻）

村民姐姐唔忍心你哋成家俾狗追要一世匿埋喺花園生活，上網求助，輾轉間搵左我哋暫托出領養。義工既工作就係減少流浪貓既數量，從而減少悲劇發生。托兒所得校長同校工兩雙手一口氣接左你哋2媽12隻B。上一竇4隻BB已成功出領養，今次輪到豆豆媽+4隻可愛BB（希望媽媽都有人領養唔洗原地放回）

豆豆：貓媽，約九個月大，玳瑁色，慢熱，仲驚緊，但乖乖既。

黃豆：男仔，黃色，蝴蝶紋，不解釋。

黑豆：男仔，黑色，無紋，黑貓一向影相都係黑色一團，完全唔上鏡。

荷蘭豆、蝶豆：女仔，虎班，蝴蝶紋，細細粒，非常可愛，比較乖巧。

領養條件：

豆媽+B 或一對以上領養優先

有意領養請聯絡inbox pm我們
申請領養必須已裝穩固安全窗網(黐貼定位扣）
不接受（不可家訪）家庭，抱歉。必須接受家訪
支持領養。請給浪浪一個幸福家庭🙏🙏

Follow我哋專頁，就唔會錯過，仲有貓異工之日常，救貓故事分享。

麻煩大家幫手Like, share 俾更多人留意到，謝謝，請支持領養。

07/05/2024

校工：阿B邊隻係全港最曳既貓貓？

On B：禾吾知wo。

校工：咪係你囉。

罪狀：

1. 掛住玩，半夜12點都唔肯瞓
2. 貓仔細細，但超大食
3. 襲擊人類
4. 趁貓姐姐瞓著左最虛弱既時候偷襲

判罰：入勞改營一個月。之後出領養。

一星期前，On B 仲喺樹底下奄奄一息，到依家休養過後，狀態完全恢復。救助及養浪貓可能要花費好多精力同金錢，但佢哋回饋你係心靈上既治療，每天就係期待放工返到屋企見到佢哋，依種快樂係無價既。

出面好多人等緊你坐完出黎，忍一忍就會過，On B 你要努力加油。

FB太多負面post，喺留言區附上On B 玩玩具短片俾大家治癒下心靈。

02/05/2024

update下雷雨交加下執起既小黃B：

小黃B，你好好彩，我哋舊鄰居姐姐返工前聽到你叫救命即刻通知我哋。忙完手頭上既工作先過到黎，小黃B雖然年紀細細，但生存意志好頑強，叫到直至我哋搵到你。好在喺落大雨前救起左你，否則你未必捱得過當晚。

我都唔明入村主要必經之路旁，咁多個鐘都無人聽到你叫定係路人聽而不聞？其實多啲留意身邊既事，可能就可以挽救一條生命。

照顧兩個月內大既貓B好有技巧，要用正確既方法，普通市民正常係唔會有貓B日常用品，放心，托兒所乜都有，帳幕、迷你貓砂盤貓碗、奶粉、各款戒奶期用既貓B罐，所以執到幼貓，強烈建議交予有信譽既貓義工暫托，將存活既機率提到最高。

小黃B係天上落入凡間既一粒金莎，得一個月大，情況樂觀但未穩定，仲適應緊入屋生活，過左隔離期，夠兩個月大就會出領養。

Address

香港新界打鼓嶺坪輋路
Hong Kong

Website

facebook.com

Alerts

Be the first to know and let us send you an email when 春田貓貓托兒所 posts news and promotions. Your email address will not be used for any other purpose, and you can unsubscribe at any time.

Videos

我地姿姿精神返晒喇🥰🥰開心玩老鼠😬😬

腹膜炎貓貓

今日再收到求助人影片，貓貓終於可以起到身自己行到幾步喇🥹🥹🥹 求助故事👇 https://www.facebook.com/share/v/t1iGRj917FdgVHTe/?mibextid=WC7FNe

嘩，貓貓好左好多呀🤩🤩

今日收到尋日求助人短片，真係好開心，貓貓打左第一針已有明顯進步🎉🎉🥹 不枉我地尋日接到求助時同你講既然醫生都話腹膜炎機會好大，報告同精神狀都極似，就唔好再講拖，快d 去搵藥，我哋即晚過嚟教你落針，貓貓同主人要加油呀💪💪84 針唔易捱過，打到咁上下就越嚟越難打，有咩需要再聯絡我地，我地樂意協助，只要幫到貓貓就咩都無問題🎉🎉🎉（當然要係我地能力範圍內啦🤣🤣） https://www.facebook.com/share/p/hmM173AmAJgeLJB1/?mibextid=WC7FNe

康樂園貓姿姿

大埔康樂園貓@姿姿有病又有咩好怕，最緊要活得開心 @愛滋貓 @腎末期

我家傻狗與傻貓

懵懵當日比人掉出街。到我地救起時全身皮膚病及感冒。經過兩個月既治療及照顧已經好返晒去左新屋企喇。懵懵係一隻超乖超嗲既貓貓。任摸任抱。無脾氣。沖涼剪指甲完全無難度。如果當日唔救起你。都唔知你會變成點。懵懵你已經好好彩比好心哥哥發現你再經我地救起。你睇下你而家幾幸福🥰🥰 懵懵的故事: https://www.facebook.com/100082921912299/posts/253089730798422/?mibextid=cr9u03