Pat pet house

28/06/2024

#一對被棄養嘅兄弟
有冇諗過愛係一生一世？貓貓係生命，唔係玩具，有感情有血肉，會曉得悲從中來。所以如果領養之前準備養貓，請好好考慮貓貓嘅感受。呢度有兩位同胎兄弟，一隻叫波波，一隻叫草草。佢哋唔係唔乖呀，而係養咗佢哋三年嘅主人，個女而家對貓毛敏感，所以佢哋將要流離失所。貓貓冇咗主人已經好可憐，因為佢哋都當主人係爸爸媽媽。
希望可以搵到新領養人可以一對領養佢哋，因為佢哋相處咗咁耐係相依為命，如果一對領養會對佢哋兩個都係好事。如果你屋企本身有貓貓，想養多兩隻一齊夾吓嘅，佢哋會係好伴侶，又或者你新手養貓，你大可以放心，佢哋好乖唔會比麻煩你。如果你打算領養，你屋企需要裝咗穩固嘅貓網，同埋需要家訪。希望可以多養兩隻貓嘅你哋，俾個機會佢哋可以從新得到愛。

28/06/2024

星期一Cccp 又發現有貓餵梗奶🤦🏻‍♀️一回來困一陣食嘢村民就放回，好彩第二晚出嚟食嘢見到傷口無問題咋

23/06/2024

Tiger bb仔今個日去咗新家喇，新家長在獸醫診所做，新手第一次養貓，工作上嘅知識會幫到佢照顧Tiger仔，Tiger 仔本身親人淡定，今日出街上車同去到新家表現得悠然自得，一啲都唔驚好叻仔，領養人仲send段片我睇係Tiger 仔食完飯洗面仔，等我放心晒🫶🏻

12/06/2024

今晚送咗Cat woman 同嗲豬去新家喇，新家長準備咗三層籠俾佢兩個可以住得舒服啲👍🏻貓貓有個人類小學生姐姐陪玩，新家長好有心思上網學習煮鮮食，昨晚已經準備咗鮮食俾貓貓食喇，嗲豬同貓女應該會好快適應到新生活嘅🫶🏻🫶🏻

09/06/2024

近排出去交收街坊free貓狗糧及買咗三包20kg 貓糧，全部交給義工Linda代轉交餵貓人餵公庵路天龍村一帶浪浪及大棠山上餵貓婆婆和餵貓狗伯伯，最緊要係多謝朋友Wendy ,Cherry & 家長Winnie 捐款支持求援，包括浪浪貓糧及口炎貓貓藥物約$1200。感恩身邊有關心浪浪願意付出嘅朋友家長🙏🏻🙏🏻

09/06/2024

上次5月20日cccp 第20號玳瑁貓女2歲，好幸運有貓奴加貓領養佢，昨日已經送咗毛毛去新家喇，新家有貓哥哥貓姐姐陪伴，毛毛應該好快適應，多謝新家長領養浪浪俾個溫暖嘅家毛毛，唔使原地放回日曬雨淋捱肚餓，日後希望多啲家長身體力行支持領養代替購買🙏🏻🙏🏻

31/05/2024

上次cccp行動其間，幫劏車場收走3隻bbs （約2.5月大，2仔1女）可以出領養喇，3隻都可摸可抱，另外昨晚簽到2隻更加細嘅bb暫住幾日之後就交俾機構照顧同出領養，大家有興趣領養嘅可以pm傾下，國際慣例窗網家訪不可缺🙏🏻

28/05/2024

惡貓日日玩屎之後餵埋杜蟲藥後放回了，口炎仔食咗5日藥無再流口水，玳瑁妹毛毛睇醫生打針後當晚食返嘢喇，轉晒佢伙食改食蒸雞柳加益生菌，乾糧Oven baked(家長送），呢幾日大小便正常但開始喵喵叫好嘈🤦🏻‍♀️，3小b 都餵埋杜蟲，上星期滴頸之後無蝨喇，可以準備尋家之路

23/05/2024

心好累！暫托六隻貓，今日發現3bb其中1b有小腸氣，3成貓都病，1公貓嘴腫晒長流口水，要留低3個月服用口炎藥，另外2貓女本打算絕育後放回 ，1隻昨日屙血尿，本身捉佢時猛烈撞籠，應該太驚青引發自發性膀胱炎，昨晚帶去睇醫生打針要餵藥，另一隻貓女玳瑁貓改名毛毛，到我家後食嘢食得好好每次清碟，昨晚發現嘔乾糧，今早開始唔食唔飲唔屙，仲嘔幾次水帶少少血🤦🏻‍♀️今晚帶去睇醫生有發燒，幸運地驗貓瘟貓愛滋貓白血病都係negative👏🏻👏🏻醫生檢查絕育傷口無咩發現，驗全血報告都算靚仔，有發炎同胰臟指數少少高但不似胰臟炎，應該係腸胃問題，要再觀察👀，最後打左長效抗生素，止嘔針，退燒針及皮下水，希望毛毛今晚好好休息就食返嘢啦！
此外，最恩惠就係口炎貓同血尿貓放藥在罐面加醬醬就乖乖食晒藥唔使勞氣，都要讚下佢兩個叻叻🫶🏻🫶🏻
醫療費用全部由9狗9街童救急扶危負責，大家想幫浪貓可以捐款給呢個專頁🙏🏻🙏🏻

21/05/2024

Update: 多謝晒各位分享，有好心人6月頭來探玳瑁妹妹，是加貓家庭，希望妹妹有家啦🫶🏻🫶🏻

有冇人鍾意玳瑁色貓女？ 有冇好心人帶佢返屋企？唔惡架，玳瑁色出名性格好，好特別嘅顏色，乖貓唔想放回呀，2歲已絕育及打第一針，免費領養

20/05/2024

捉完貓後續都好多嘢做，暫託中心唔夠位，我接咗3隻休養後放回，隻仔口炎嘴腫晒流晒口水，要訂口炎藥佢食，應該唔會咁快放住，最少食一兩個月藥好返先返回喇～

20/05/2024

昨日去幫手捉貓絕育，同幾位資深義工由3點捉貓到12點，中途落大雨☔️暫停再捉，第一個捉貓點村民話有80隻貓大部份未絕育，但有個癲婆出嚟話要報警唔俾我哋捉🤦🏻‍♀️ 於是去第二個點捉，嗰度一帶都係倉庫同車房劏車場，我哋去到set籠好快就入咗幾隻，中途遇到餵貓人及車房人都表示附近太多浪浪，要求幫手絕育及帶走🤦🏻‍♀️最後總共20隻由愛心司機捉貓高手Mick哥送去青衣愛協絕育，拎咗20個位盡晒喇，但呢個點入面應該仲有幾十隻貓未絕育，真係勁無奈😮‍💨唔知去多幾次先控制到數量，另外有個印度人要求幫佢收走1媽3bb, 佢話劏車場好危險隨時壓死啲貓，於是唯有帶媽媽去絕育，帶三隻BB返我屋企隔離14日遲啲幫佢哋搵家

18/05/2024

今日義工拍檔收到一對棄貓，不負責任的前主人搵咗義工說女兒氣管敏感要棄養，前後拖咗兩三個月，連貓袋都要問義工借今早送到暫託家，由佢拍攝片中見到家中環境十分好是住過千尺大屋，而且女兒不是幼童，其實唔俾貓入房加空氣清新機係可以解決問題，不過同呢啲仆街講都嘥氣，貓貓由bb一對養咗4年，貓貓世界只有主人，唔明點解可以咁忍心，完全無當貓貓係屋企人😡😡😡

05/05/2024

今朝同Penny送貓去兩個家庭，屎頭同機長一齊到新家，新家長係年青人有養貓經驗，還有12歲貓哥哥睇住佢兩個，可以放心。另一個家庭係領養全黃貓女約三歲，新家長幫朋友照顧過貓貓之後就想成為貓奴，領養無家嘅浪貓，希望佢呢個心意可以感染到多些人帶更多浪浪入屋過幸福生活🫶🏻🫶🏻

01/05/2024

布勾勾去咗新家喇，新主人係個愛心女仔，早兩年狗狗上咗彩虹橋，之後屋企就無寵物喇，愛心姐姐以前有幫義工暫託狗狗，媽媽屋企有2隻長毛貓，有幫手照顧，所以更加放心俾佢照顧勾勾，醫生話勾勾多處甩毛原因係壓力做成，我相信勾勾有新家之後，愛心家長一定俾到溫暖嘅家佢，被棄養心靈創傷會慢慢痊愈成為可愛小王子👑
暫媽祝福你一世幸福啊小布布勾勾🫶🏻🫶🏻

29/04/2024

Update : 12/6 一對一起到新家👏🏻👏🏻
Cat woman 未有家現加入另外一隻黃貓女尋家，黃貓有3隻是相同背景，都是村民交出3隻黃貓給Helen, 義工已安排貓媽絕育

元朗村民求助個案，鄰居放養十幾隻貓不絕育，求助義工Helen幫忙絕育，義工了解情況後發現除成貓外還有一胎6隻bb已3個月大戶外困籠，於是勸村民交出尋家，經暫託馴養一個多月可出領養了，2隻約5月Cat woman (女）及黃貓嗲豬 （女）親人可摸可抱，適合新手或加貓家庭，一對領養優先，已打第一針需付針錢，家訪窗網，成功領養需捐一包糧幫助繼續救浪浪，有意pm 窗網相及簡單自我介紹背景，養貓經驗🙏🏻 成功領養需捐一包貓糧支持救貓

25/04/2024

自從勾勾入屋後小寶就化身保安員無時無刻𥄫實勾勾，有咩風吹草動就先大叫用梵音投訴喵到奴才出手捉勾勾入籠，唔知何時開始佢做咗大佬孭住捍衛家園責任，每日跟住勾勾唔俾佢霸地盤同騷擾三位公主，有必要就出貓貓🐈‍⬛拳🐾打退對手🤦🏻‍♀️

👩🏻：勾勾有新家就走喇大哥寶，你放過佢放過我對耳啦🙏🏻

24/04/2024

Update: 屎頭&機長已有準領養人

元朗村民求助個案，鄰居放養十幾隻貓不絕育，求助義工Helen幫忙絕育，義工了解情況後發現除成貓外還有一胎bb已3個月大戶外困籠，於是勸村民交出尋家，經暫託馴養一個月可出領養了，3隻約4月大貓b 機長（仔）屎頭（女）Cat woman (女）親人可摸可抱，適合新手或加貓家庭，一對領養優先，需家訪窗網，成功領養需捐一包糧幫助繼續救浪浪，有意pm 窗網相及簡單自我介紹背景，養貓經驗🙏🏻

23/04/2024

小女子示範餵惡貓食藥，呢隻妹唔掂佢就乖貓，一掂佢就變身惡魔同你死過，亂抓亂咬，入袋入咗成10分鐘，搞到我成身汗扯晒蝦😅

20/04/2024

領養代替購買

繁殖場只會把狗媽媽當作繁殖機器，把她們關在狹窄籠子裡反覆受孕，生下幼犬賣給寵物店，直到她們的身體被榨盡，再也沒法產下更多小狗就會被丟棄💔🐶

如果你從繁殖場或寵物店購買動物，就是在支持這樣的殘酷，不僅為虐待動物買單，還剝奪了在收容所裡的動物等待被領養的機會。

#領養代替購買

16/04/2024

虎紋仔腍滋滋星期日去咗新家喇，新家有個超可愛嘅英短哥哥，義工朋友見到❤️❤️眼，哥哥好友善表現得好關注細佬籠外陪伴住滋滋，滋滋本身親人親貓，兩兄弟一定好夾好快就可以一齊玩一齊瞓🫶🏻

16/04/2024

布勾仔拆完蛋一樣追住我兩個囡囡，搞到佢兩個唔敢出廳怕咗佢，今日打埋第二針觀察多一星期要出領養喇，佢對人類好友善但對貓就🤦🏻‍♀️🤦🏻‍♀️🤦🏻‍♀️應該要幫佢搵個無貓家庭
-領養需付驗貓愛滋，全血，驗心臟酵素，絕育，打兩針費用約$4000全部有單
-成功領養後需要捐一包貓糧及貓砂幫助救援下一隻浪

08/04/2024

Update: 9/4暫有準領養人，請大家留意還有其他虎紋兄弟們會出領養

元朗村民求助個案，鄰居放養十幾隻貓不絕育，求助義工Helen幫忙絕育，義工了解情況後發現除成貓外還有一胎bb已3個月大戶外困籠，於是勸村民交出尋家，其他幾隻暫託話有貓感冒及好惡要馴養一排，只有呢隻仔比較馴良可先出領養，虎紋仔滋滋約3.5-4月大親人可抱，適合新手或加貓家庭，需家訪窗網，成功領養需捐一包糧幫助繼續救浪浪，有意pm 窗網相及簡單自我介紹背景，養貓經驗🙏🏻🙏🏻

07/04/2024

阿罐今日到咗新家喇，罐罐新家有貓哥哥Biiru 同妹妹，有😼😼陪伴唔使驚悶，仲有大愛貓奴麻媽照顧，衷心感激大家分享及支持領養，其實有幾位貓奴想領養罐罐，好有心有愛想幫忙照顧流浪貓，其後2位貓奴知道罐罐有準領人後，願意領養其他未有人領的貓貓，實在令人感動，都要多謝阿罐嘅魔力，幫忙秀秀搵到大愛之家，上星期義工朋友Penny幫忙送咗秀秀去一個五貓家庭，秀秀本身極親貓，呢個家庭好適合佢，而且新家長告知秀秀適應得好好呀👏🏻👏🏻還有一位家長傾梗領養暫託另一對貓貓，希望一切順利啦🫶🏻

罐罐的故事⬇️
https://www.facebook.com/share/p/JgDCuDmLxhXDpFN9/?mibextid=WC7FNe

如果大家想睇阿罐新生活可以follow⬇️

https://www.facebook.com/BiiruTheCat?mibextid=LQQJ4d

秀秀的故事⬇️

https://www.facebook.com/share/p/pPj8Ry5Uii8gSipY/?mibextid=K35XfP

06/04/2024

上月買的15包Cat Chow, 義工Linda 已送去3個唔同地方給餵貓婆婆代餵浪浪🫶🏻🫶🏻再次多謝善心人同事Wing朋友Wendy捐糧給浪浪

03/04/2024

移民上演的悲劇😔約一年前有一個家庭移民，卻忍心放棄一對可愛小貓咪，實在令人氣憤😡還好小兄弟遇上愛心暫託義工姐姐，願意幫忙照顧🙏
但好景不常，兩兄弟卻被暫託家的原居民欺負，日日被貓追打，近日情況增加😨情況實在令人擔憂😭
義工姐姐不想再讓兩位小朋友受二次傷害，很想盡快幫他們尋找一個能長住的大愛家庭🏠
兩兄弟約3歲非常親人可愛，也適合新手👍其中一隻黃白非常熱情，可以任抱任摸😍黑白則有少少緊張，但熟落後也可以任摸👏
現誠徵任何少貓或無貓家庭能一對收養兩名小可憐，有意貓奴請聯絡義工🙏若沒法收養者，也請幫忙轉發，讓更多人能看到，萬分感謝

01/04/2024

過咗3星期都無人搵布偶，慘慘豬似被棄養，託媽幫佢改名布勾(Au Au )下星期會帶佢驗心臟酵素之後絕育，佢而家未絕育日日追住幾隻原居民貓女，我孖女藍藍BoBo日日避開勾勾嫌佢煩，避唔開就👊🏻佢😮‍💨

24/03/2024

今早義工朋友Penny 幫手送咗白領到新家喇，白領到家雖然有啲驚青但都俾新媽媽任摸，真係好抵錫，乖乖女叻豬😘

23/08/2023

Ruby & H**e 今日去新家嚕🎉🎉🎊🎊

17/08/2023

前晚食完飯回家，三個寶貝等門🫶🏻