Dr Rambabu Dog Clinic

07/06/2021

https://rnpr.in/product/pempudu-kukkalu/

26/05/2021

పోమెరరియన్ కుక్క గురించి కొన్ని సలహాలు

సినిమాల్లో లేదా ఇళ్ళలో ముద్దొచ్చే తెల్లటి బొచ్చు కుక్కలను అవి చేసే చిన్నిపాటి చేష్టలను ఎవరు మర్చిపోగలరు. ఈ తెల్లటి చిన్నపాటి పొమేరియన్ కుక్కను చురుకుగా వుంచాలంటే ఏం చేయాలో చూడండి....
ఇంటిపట్టునే వుండే ఈ పొమేరియన్ జాతి కుక్క చాలా చురుకైనది, శక్తికలది. ఆటలంటే ఎంతో ఇష్టం. వాటిలానే వాటి యజమానులు కూడా సంతోషంగా వుండాలని అవి కోరుకుంటాయి. అవి తమను ప్రేమించాలని, వాటి బొచ్చు దువ్వుతూ నిమరాలని ఎపుడూ కోరుకుంటాయి. వీటి వ్యాయామాలు, శిక్షణలు ఎలా వుండాలంటే.....
1. వీటికి శిక్షణ నివ్వాలంటే మీ తోట ప్రదేశం చాలు. ఇవి రెగ్యులర్ గా నడిస్తే చాలు వ్యాయామమే. ఇవి చాలా తెలివైన కుక్కలు, ఎపుడూ కొత్తదనం కొరకు వెతుకుతూనే వుంటాయి కనుక శిక్షణ కష్టమేమీ కాదు.
2. పొమేరియన్లకు అతిగా మొరిగే అలవాటుంది కనుక దానిని మాన్పించటానికిగాను మన కమాండ్స్ అలవాటు చేయాలి. సిట్, స్టాండ్, వెయిట్, స్టాప్, కం, మొదలైన చిన్న పదాలను నేర్పించాలి. పిల్లలతోను ఇతర కుటుంబ సభ్యులతో కలసిపోయేలా చేయాలి. మీ స్నేహితులను కూడా వాటితో ఆడమని చెప్పండి. ఇంటిలో రంగు రంగుల కేండిల్స్ పెట్టి వెతకమనండి.
3. వీటికి కొద్దిపాటి ఆహారం చాలు. ప్రతి ఆహారం తర్వాత వాకింగ్ చేయించండి. చించుతూ లేదా ఏదైనా వస్తువులు పాడు చేస్తుంటే వాటి చూపు మరల్చి నిద్రపుచ్చండి.
4. వీటికి అధిక వ్యాయామం అవసరం లేదు. వయసులో పెద్దవైతే లోషుగర్ వచ్చే ప్రమాదం వుంది. ఇంట్లోనే లేదా చిన్న నడక చాలు.
5. వీటిలోనే ఒక వెరైటీ కుక్కలకు నడక కూడా అవసరం లేదు. ఇంటిలో మెట్లు ఎక్కితే చాలు.
6. ఫ్రిస్ బీ, రంగుల బంతులు మొదలైనవి ఈ కుక్కకు ఆడుకునే ఆనందమిస్తాయి.

మీ డాక్టర్.జి.రాంబాబు
పశువైధ్యాధికారి, కడప

14/03/2021

ఎండాకాలంలో కుక్కలకు తీసుకోవలసిన జాగ్రత్తలు ముఖ్యమైనది ఏమిటంటే ఎండ తీవ్రత ఎక్కువగా ఉన్నప్పుడు కుక్కలు సాధారణంగానే అంతకుముందు తినే తిండి కన్నా తగ్గిస్తాయి అందువలన మీ కుక్క తినలేదు అని హాస్పిటల్ కి తీసుకువెళ్లి దయ చేసి తినట్లేదు అని సూదులు వేయవద్దు దీనికి పరిష్కారముగా కుక్కలకు ఏదో ఒక రూపంలో చల్లని వాతావరణం కలిగించాలి అంతేగాక చల్లని జ్యూస్ మరియు కొబ్బరినీళ్లు లాంటివి ఇస్తే చాలా మంచిది ముఖ్యంగా ఓ ఆర్ ఎస్ మెడికల్ షాపులలో దొరికే ప్యాకెట్స్ ను తీసుకో వచ్చి ఎండాకాలం తగ్గేవరకు వినియోగించాలి కొన్ని కుక్కలు ఎండవేడిమికి తట్టుకోలేక తడి ప్రదేశాలలో మరియు మురికి ప్రదేశాలలో వెళ్లి పడుకుంటాయి అప్పుడు చర్మ వ్యాధులు వచ్చే అవకాశం ఎక్కువ కావున కుక్కల్ని పెంచే ప్రతి ఒక్కరు పై విషయాలను గమనించగలరు ధన్యవాదాలు🐕🐕🐕🐕🐕

12/12/2020

25/10/2020

ఈ వ్యాధి canine distemper. కుక్క పిల్లలకు చిన్నప్పుడు టీకాలు వేయకపోవడము వలన వచ్చు వ్యాధి. ఇది వైరస్ వలన వస్తుంది. ట్రీట్మెంట్ లేదు. కానీ లక్షణాల ప్రకారము సూది మందులు వేసుకుని కాపాడుకోవచ్చు. కొన్ని సార్లు మరణిస్తాయి కూడా. కావున అందరూ 45 రోజులు నిండిన కుక్క పిల్లలకు నెల రోజుల వ్యవధిలో తప్పనిసరిగా టీకాలు వేపించాలి.

19/09/2020

జర్మన్ షెఫర్డ్ (German Shepherd)

 వీటినే ఆల్సేషన్ కుక్కలు అని కూడా అంటుంటారు. పోలీసు జాగిలం. చాలా దేశాల్లో వంద సంవత్సరాలకు పైగా పోలీసులకు, సైనికులకు ఇది సేవలు అందిస్తోంది. ఇంటికి రక్షణనివ్వడంలో సాటిలేనిది. 25 అంగుళాల ఎత్తు, బరువు 34 నుంచి 43 కిలోల మధ్య ఉంటుంది. చాలా బలంగా, చురుగ్గా ఉండే ఇవి ఇంట్లోకి ఆగంతకులు, కొత్త వారు వస్తే జడుసుకునేలా చేస్తాయి. కట్టేసి ఉండకపోతే కొత్త వ్యక్తులు గేటు దాటితే వారి పని అయిపోయినట్టే. బలంగా ఉండే వీటిని దారికి తేవాలంటే తగినంత బలం ఉండాలి. వీటి జీవిత కాలం 12 ఏళ్లు. కొన్ని స్నేహంగా ఉంటే, కొన్ని చాలా విపరీత మనస్తత్వంతో వ్యవహరిస్తాయి. శిక్షణ ఇస్తే ఈజీగా నేర్చుకుంటాయి. ఎప్పటికప్పుడు జుట్టు కత్తిరిస్తూ వుండాలి.
 జర్మన్ షెప్పర్డ్ కుక్క జర్మనీ దేశానికి చెందింది. ఈ జాతి కుక్కలకు గల బలం, తెలివితేటలు, శిక్షణ పొందటంలో గల నేర్పరి తనం మొదలైనవన్ని వీటిని పోలీస్, మిలిటరీ శాఖలలో ప్రపంచ వ్యాప్తంగా ఉపయోగిస్తున్నారు. జర్మన్ షెప్పర్డ్ వివిధ రంగులలో వుంటుంది. సాధారణంగా ఎరుపు, ట్యాన్, బ్రౌన్, బ్లాక్, టాన్-బ్లాక్, రెడ్-బ్లాక్ రంగుల్లో వుంటాయి. దీనినే అల్సేషియన్ అని కూడా పిలుస్తారు. అమెరికాలో ఉన్నతంగా చెప్పబడే 5 రకాలలో జర్మన్ షెప్పర్డ్ ఒకటి. వీటి సంరక్షణకు దిగువ విధానాలు పాటించండి.
 వీటి బొచ్చు అధికంగా ఊడకుండా ప్రతిరోజు బ్రష్ చేయండి. సంవత్సరంలోని అన్ని కాలాలలోను, రెండు సార్లు అత్యధికంగాను బొచ్చు ఊడి మరల వచ్చేస్తూంటుంది. మీ కుక్క వెయిట్ ఎప్పటికపుడు గమనిస్తూండండి. వీటికి గుండె సంబంధిత లేదా కీళ్ళ నొప్పులు వంటివి సాధారణంగా వస్తాయి. ఈ జాతి కుక్కలకు కాటారాక్టులు, కాల్షియం సంబంధిత, క్రానిక్ పానిక్రియాటిక్, హిప్, ఎల్ బో డిస్ ప్లేసియా, ఎపిలెప్సీ, హోఫిలియా, డిస్క్ స్లిప్, రెటీనల్ మొదలైన ఆరోగ్య సమస్యలు వస్తూంటాయి. అల్సేషియన్ కుక్కలు ఆరోగ్యంగా వుండాలంటే వాటికి మంచి వ్యాయామం కావాలి. వీలైనన్ని సార్లు బయటకు తీసుకు వెళ్ళడం ఆడటం చేస్తే అవి శక్తివంతంగా వుంటాయి.
 ఈ కుక్కలకు ప్రతిరోజూ స్నానం అవసరం లేదు. వారానికి మూడు సార్లు స్నానం చేయించండి. బొచ్చు ఊడకుండా ప్రతి రోజూ బ్రష్ చేయండి. కాలిగోళ్ళను రెండు వారాలకొకసారి కత్తిరించండి. లేదంటే స్కిన్ ఎలర్జీలు వస్తాయి. వీటికి నేలను తవ్వే అలవాటు వుంటుంది. కనుక బయటనుండి రాగానే పాదాలు శుభ్ర పరుస్తే ఇన్ ఫెక్షన్ రాకుండా వుంటుంది. జర్మన్ షెప్పర్డ్ తెలివితేటలకు పెట్టింది పేరు. చక్కగా శిక్షణ ఇవ్వండి. దాని కోపాన్ని కూడా అది అరికట్టుకుంటుంది.
 ఆట వస్తువులు వాటికి చాలా ఇష్టం. కనుక వాటి కొరకై కొన్ని ఏర్పరచండి. వాటిని క్రమశిక్షణలో వుంచాలంటే నడకలో, ఆహారంలో మొదలైన వాటిలో శిక్షణ నివ్వండి. వాటి చెవులను వారానికొకసారి శుభ్రపరచండి. పండ్లను ప్రతిరోజూ శుభ్రపరచాలి. ఇవి కుటుంబంలో ఒక సభ్యులుగా వుండాలని ప్రయత్నిస్తాయి. కనుక కుటుంబంలోని ఇతర సభ్యులతో కూడా స్నేహపూరితంగా వుండేలా శిక్షణ నివ్వండి. ఎక్కువ ముద్దు చేయవద్దు. ఎక్కువ ముద్దు చేస్తే దానికి మరింత గర్వం కలుగుతుంది. ఇక ఆహారం విషయానికి వస్తే, మంచి పోషకాహార విలువలు కల మాంసం, కేరట్, మొదలైనవి పెట్టి ఆరోగ్యంగా వుంచండి.
జర్మన్ షెప్పర్డ్ కుక్కలను పెంచే వారికి దానికవసరమైన ఆహారం ఏర్పాటుకు కొన్నిఐడియాలిస్తున్నాం. పరిశీలించండి. ఈ కుక్కకు మంచి పోషకాహార విలువలు కల ఆహారం కావాలి. ప్రొటీన్లు, కార్బోహైడ్రేట్లు, మినరల్స్, విటమిన్స్, ఫ్యాటు యాసిడ్స్ కావాలి. డాక్టరు ఫీజు మిగిల్చుకోవాలంటే ఈ కుక్కల యజమానులు వీటికి మంచి ఆహారం ఇవ్వాల్సిందే.
1. జర్మన్ షెప్పర్డ్ కుక్కలు అతి త్వరగా షుగర్ వ్యాధికి లోనయ్యే ప్రమాదం వుంది కనుక వీటి ఆహారంలో 8 శాతం కొవ్వు, 50 శాతం కార్బోహైడ్రట్లు పీచు పదార్ధాలు ప్రతి దినం దాని ఆహారంలో వుండేలా చూడాలి.
2. మాంసం, ఉడకించిన బంగాళ దుంపలు ఇతర కూరలు తింటాయి. మాంసంతో వివిధ రకాల కూరలు కలిపి పెడితే బాగా తింటాయి.
3. వీటికి గోధుమ పిండితో తయారు చేసిన ఆహార పదార్ధాలు బాగా సరిపడుతాయి. వీటిని స్నాక్స్ గా ఇవ్వవచ్చు.
4. జర్మన్ షెప్పర్డ్ ఆహారంలో పాల ఉత్పత్తులైన పాలు, జున్ను మొదలైనవి కూడా చేర్చవచ్చు. ఇంతేకాక, వీటిలో దానికిష్టమైనవి చేర్చి అయిష్టమైనవి తీసేయండి.
5. బయట వాతావరణం చల్లగా వుంటే, ఈ కుక్కలు వేడిగా పాలు లేదా ఇతర కేకులవంటివి తినటానికి ఇష్టపడతాయి. చేపలు, కోడి గుడ్లు మొదలైనవి కూడా పెట్టవచ్చు.
6. కేరట్లు, టొమాటోలు, విటమిన్- ఇ కల నూనెలు కూడా వీటి ఆహారంలో చేర్చవచ్చు.
7. ఆహారమే కాక వీటికి రెగ్యులర్ వ్యాయామం ఇతర ఆటలు కూడా చేయిస్తే చురుకుగా వుంటూ ఆరోగ్యంగా వుంటాయి.

04/09/2020

కుక్క పిల్లను ఇంట్లోకి తెచ్చే ముందు.....

19/08/2020

కుక్కల జాతుల గురించి తెలుగులో


#రాంబాబు

08/08/2020

కుక్కలలో కరోన వైరస్ ఇన్ఫెక్సన్ రాకుండా ఉండేందుకు మొదటి టీకాను 6-7 వారాల వయస్సులో, రెండవ టీకా 8-9 వారాల వయస్సులో, మూడవ టీకా 11-14 వారాల వయస్సులో తరువాత ప్రతి సంవత్సరం నకు ఒకసారి బూస్టర్ టీకా వేపించాలి. కావలిసిన వారు డాక్టర్ ను సంప్రదించి ప్రెవేట్ గా వేపించుకోగలరు. మనకు మార్కెట్లో లభ్యమవుతున్నాయి కూడా.
డాక్టర్.జి.రాంబాబు

02/08/2020

డాగ్ బ్రీడ్స్ గురించి పుస్తకం ఇంగ్లిష్ లో కావాలనుకునే వారు డౌన్లోడ్ చేసుకోగలరు.

డాక్టర్.జి.రాంబాబు

#రాంబాబు

https://www.mediafire.com/file/butw5jhk4gujbmj/The+Complete+Dog+Breed+Book+(VetBooks.ir).pdf/file

30/07/2020

కుక్కలకు అందించే ఆహారం లో చేయకూడని పనులు
 పచ్చి మాంసాన్ని ఇవ్వకూడదు ఇచ్చినట్లయితే దానిలో ఉండే పరాన్నజీవులు, విషక్రిములు ఇతర పదార్థాల వల్ల జీర్ణ సంబంధ వ్యాధులు వస్తాయి కావున మాంసాన్ని ఉడికించి ఇవ్వాలి ఉడికించేటప్పుడు పసుపు ఉప్పు కలిపి తీసుకున్నప్పుడు సులభంగా జీర్ణం అవుతుంది మరియు రుచి కరంగా ఉంటుంది మరియు సురక్షితం
 పశువుల మాంసంలో మాంసకృత్తులు అమినోయాసిడ్స్ విటమిన్లు సమృద్ధిగా ఉంటాయి కావున పశు మాంసాన్ని కుక్కలకు నిరభ్యరంతంగా ఉపయోగించవచ్చు
 15 రోజులకు ఒకసారి కచ్చితంగా లివర్కు సంబంధించిన టానిక్లను మరియు విటమిన్లను ఇవ్వాలి
 పచ్చి గుడ్లను ఇవ్వకూడదు కచ్చితంగా ఉడకబెట్టి ఇవ్వాలి పచ్చి గుడ్లు పెట్టడం వలన సాల్మోనెల్లోసిస్ వ్యాధి సంక్రమించే అవకాశం ఎక్కువ. విటమిన్ ఏ లోపము మరియు కుక్క వెంట్రుకలు రాలిపోతాయి.
 చేప మాంసం ఇచ్చేటప్పుడు ముళ్ళులను తొలగించి ఇవ్వాలి లేదంటే గొంతులో ఇరుక్కునే మీ కుక్క చనిపోయే అవకాశం ఎక్కువగా ఉంటుంది
 పాలను కూడా పూర్తిగా అలానే ఇవ్వకుండా నీళ్లు కలిపి వేడిచేసి చల్లార్చి ఇవ్వాలి వీలైతే బూస్ట్ హార్లిక్స్ వంటి ఎనర్జీ బూస్టర్ కలిపి ఇవ్వవచ్చు
 కుక్కలకి ఇచ్చే ఆహారంలో కచ్చితంగా ఉప్పు వాడాలి ఎందుకంటే జీవ రసాయనిక ప్రక్రియలు నిర్వహించడంలో చాలా ఉపయోగపడుతుంది
 కుక్కలకు చాక్లెట్లను ఇవ్వకూడదు దానిలో ఉండే కెఫిన్ అనే పదార్థం కుక్కలకు వాంతులు విరోచనాలు వంటి విషపూరిత లక్షణాలను కలుగజేస్తాయి మరియు బిస్కట్లను కూడా ఎక్కువగా వాడకూడదు కుక్కల కోసం తయారు చేసే బిస్కెట్లను వాడవచ్చును
 కుక్క లకు ఆహారాన్ని ఇచ్చేటప్పుడు చిరుతిండి లు అలవాటు చేయకూడదు
 కుళ్లిపోయిన ఆహారాన్ని ఎక్కువ కాలం ఉండే ఆహారాన్ని ఇవ్వకూడదు
 మల విసర్జన కోసం బయటికి తీసుకెళ్లే విధంగా మనం అలవాటు చేయాలి
 వాడే పాత్రలు డైలీ ప్రతి రోజూ శుభ్రపరచాలి
 కమర్షియల్ గా లభించే ఎముకలను అందించాలి దానివలన నోరు మరియు దంతాలు శుభ్రపడతాయి
 ఆహారంలో మసాలాలు కలపకూడదు ఇచ్చినట్లయితే చర్మ సంబంధిత వ్యాధులు అలర్జీ సంబంధిత వ్యాధులు ఎక్కువగా వస్తాయి కడుపులో పుండ్లు ఏర్పడి లివర్ సంబంధిత వ్యాధులు కూడా వస్తాయి
 అందించే ఆహారంలో మాంసాహారం ఇవ్వాలని కచ్చితంగా ఏమీ లేదు మాంసకృత్తులు లభించే శాఖాహారాన్ని నిరభ్యరంతంగా అందించ వచ్చును
 ఆహారంలో నూనెలను తక్కువ మోతాదులో వాడాలి దీనివలన చర్మం మరియు వెంట్రుకలు ఆరోగ్యవంతంగా మెరుస్తూ ఉంటాయి ఆవాల నూనె ను కుక్కల హారంలో వినియోగించకూడదు
 విటమిన్ ఎ మరియు క్యాల్షియం టానిక్లను వాడినప్పుడు తగు మోతాదులోనే వాడాలి ఎక్కువైతే సమస్యలు ఉత్పన్నమవుతాయి
 శీతలపానీయాలను అందించ రాదు
 ఎక్కువ వేడి ఆహార పదార్థాలను ఇచ్చినట్లయితే నోటిలో పుండ్లు ఏర్పడే అవకాశం ఉంటుంది కావున కచ్చితంగా చల్లార్చి ఇవ్వాలి

మీ డాక్టర్.జి.రాంబాబు, పశువైధ్యాధికారి.

29/07/2020

ఈ రోజు (29/07/2020) సాక్షి పేపర్లో వచ్చిన క్లిప్పింగ్. వీరి శునక్కాన్ని వారి కుటుంబ సభ్యులతో సహ ఇంటి పేరు తో సహ ప్రాధాన్యత ఇవ్వడం నిజముగా ఆశ్చర్యముగా ఉంది..... హ్యాట్సాఫ్🙏🙏🙏

28/07/2020

కుక్క‌లు వెంట ప‌డితే ఇలా ఈజీగా తప్పించుకోవచ్చు!!

రోడ్ల‌పై కుక్క‌లు వెంట ప‌డితే ఎవ‌రైనా ఏం చేస్తారు..? ఆందోళనతో ఉక్కిరి బిక్కిరి అవుతారు. వాటి నుంచి వీలైనంత త్వ‌ర‌గా దూరంగా పారిపోవాల‌ని చూస్తారు. అదే ఎవ‌రైనా చేసేది. కానీ ఎవ‌రూ వాటిని ఎదిరించి అలాగే నిల‌బ‌డి సాహ‌సం చేయ‌రు. అయితే వాస్త‌వంగా చెప్పాలంటే కుక్క‌లు వెంట ప‌డితే పారిపోవాల్సిన ప‌నిలేదు. మ‌రి అవి క‌రిస్తే ఎలా? అంటున్నారా.. అంత దాకా రానిస్తామా ఏంటీ?! అప్ప‌టికే వాటి దిశ మార్చేయాలి. మ‌న వైపు ప‌డ‌కుండా చూసుకోవాలి. దీంతో వాటి నుంచి సేఫ్‌గా త‌ప్పించుకోవ‌చ్చు. మ‌రి అలా తప్పించుకోవాలంటే కుక్క‌లు వెంట‌ప‌డిన‌ప్పుడు ఏం చేయాలో ఇప్పుడు తెలుసుకుందాం…

భ‌య‌ప‌డొద్దు:
కుక్క‌లు వెంట ప‌డ‌గానే చాలా మంది చేసే ప‌నే ఇది. బాగా భ‌య‌ప‌డ‌తారు. ఎక్క‌డ క‌రుస్తుందోన‌ని దూరంగా పారిపోతారు. అయితే ముందు ఆ భ‌యం వీడాలి. మీరెంత భ‌యం చెందితే కుక్క‌లు అంత ఎక్కువ‌గా భ‌య‌పెట్టి మీ మీద‌కు వ‌చ్చేందుకు చూస్తాయి. కనుక అస్స‌లు భ‌య‌ప‌డ‌కూడ‌దు. ఏమాత్రం మీరు భ‌య‌ప‌డుతున్నార‌ని అవి ప‌సిగ‌ట్టినా మరింతగా రెచ్చిపోతాయి.
ఆగి ఉండాలి:
కుక్క‌లు వెంట‌ప‌డ‌గానే చాలా మంది పొలోమ‌ని ప‌రిగెత్తుతారు. కానీ అలా చేయ‌కూడ‌దు. వాటికి ఎదురుగా నిల‌బ‌డి అలాగే ఉండాలి. అస్స‌లు క‌ద‌ల‌కూడ‌దు. ఇలా చేస్తే అవి మ‌న ప‌ట్ల ఇంట్ర‌స్ట్ లేక వెంట‌నే మ‌న నుంచి దూరంగా పోతాయ‌ట‌. అయితే అలాంటి స‌మ‌యంలో వీలైతే మామూలుగా న‌డ‌వొచ్చు. కానీ ప‌రిగెత్త‌కూడ‌దు.

క‌ళ్ల‌లోకి క‌ళ్లు:
కుక్క క‌ళ్ల‌లోకి క‌ళ్లు పెట్టి చూడ‌కూడదు. అలా చేస్తే అవి ఇంకా మీద‌కు వ‌చ్చేందుకు చూస్తాయి. మ‌నల్ని భ‌య‌పెట్టేందుకు ప్ర‌య‌త్నిస్తాయి. క‌నుక ఆ ప్ర‌య‌త్నం మానేయాలి.
దిశ మార్చాలి:
కుక్క వెంట ప‌డ‌గానే పైన చెప్పినవి చేయాలి. ఈ క్ర‌మంలో దాని దిశ మార్చేందుకు కూడా య‌త్నించాలి. అది ఎలాగంటే మీ ద‌గ్గ‌ర ఉన్న‌, లేదా మీకు అందుబాటులో ఉన్న ఏదైనా ఒక వ‌స్తువును దానికి చూపిస్తూ దూరంగా విసిరేయాలి. దీంతో ఆ వ‌స్తువును ప‌ట్టుకునేందుకు ఆ కుక్క వెళ్తుంది. అప్పుడు మీరు త‌ప్పించుకోవ‌చ్చు.
అర‌వ‌డం:
కుక్క‌లు వెంట ప‌డితే మ‌రీ పెద్ద‌దిగా, చిన్న‌దిగా కానీ వాయిస్‌తో వాటిని పొమ్మ‌ని గ‌ట్టిగా అర‌వాలి. ఇలా చేస్తే ఆ అరుపును అవి గ్ర‌హించి తోక ముడుస్తాయి.

డాక్టర్.జి.రాంబాబు

26/07/2020

పెద్ద కుక్కలకు అందించే ఆహారం ఎలా ఉండాలి?

 ఉదయం పూట పాలు గుడ్డు మొలకెత్తిన టువంటి ధాన్యపు గింజలు బ్రెడ్ లాంటి ఆహార పదార్థాలను మరియు కమర్షియల్ గా లభించే ఫుడ్స్ అందించవచ్చు
 మధ్యాహ్నం పూట గుడ్డు ఉడకబెట్టిన మాంసము మరియు పెరుగన్నము ఉడకబెట్టిన కూరగాయలు పప్పు వంటి వాటిని ఇవ్వవచ్చు
 సాయంత్రము గోరువెచ్చని పాలు ఇవ్వాలి
 రాత్రిపూట ఉదయము ఏ ఆహారమైతే పెట్టాము అవే ఆహార పదార్థాలను అందించాలి
 మనకు మార్కెట్లో కమర్షియల్ ఫుడ్స్ పెడిగ్రీ, రాయల్ కెనైన్ లాంటి చాలా కంపెనీలు లభిస్తున్నాయి యజమాని ఆర్థిక స్తోమతను బట్టి ఈ ఫుడ్స్ ని అందించవచ్చు ఇవి అలవాటు చేసేటప్పుడు ఒక్కసారిగా అలవాటు చేయకూడదు మొదటగా ఆహార పదార్థాలతోపాటు 25% అందించాలి తర్వాత పదిహేను రోజుల తర్వాత 50% అందించాలి నెల తర్వాత 75% అందించాలి ఈ విధంగా మోతాదు ను పెంచుకుంటూ పోవాలి ఒకవేళ అలా చేయనట్లయితే కడుపులో సమస్యలు వస్తాయి
 కమర్షియల్ ఫుడ్స్ ను అందించేటప్పుడు కేవలం వాటిని పెట్టడం వలన మాంసకృత్తుల శాతం ఎక్కువగా ఉంటుంది దానివలన కిడ్నీకి సంబంధించిన వ్యాధులు వచ్చే అవకాశం ఎక్కువ కావున రెండు రకాల ఆహార పదార్థాలను అలవాటు చేయడం మంచిది

మీ డాక్టర్.జి.రాంబాబు

23/07/2020

కుక్క శరీరము పై బొచ్చు ఎక్కువగా రాలుతుంటే ఏమి చేయాలి?

1.శరీరములో ముఖ్యముగా చర్మములో ఫ్యాటీ ఆసిడ్ లు తక్కువగా ఉంటే ఇలా జరుగుతుంది.
2. చర్మ వ్యాధులు ఏవయిన ఉండాలి.
3. మీరు పెట్టె మసాలా, చాక్లెట్స్ లాంటి ఆహార పదార్థాల వల్ల అల్లెర్జీ వస్తూ ఉంటుంది.

ఫ్యాటీ ఆసిడ్ లు కొరత ఉన్నప్పుడు మనకు nutricoat advance, sancoat సిరప్ లు బాగా ఉపయోగపడతాయి. లేదంటే ఫిష్ ఆయిల్ టాబ్లెట్స్ మరియు ప్రతి రోజు గ్రుడ్డు పూర్తిగా పెట్టాలి. చాలా మంది గ్రుడ్డు సొన పెట్టరు. దయచేసి అలా చేయకండి. మన చర్మము వేరు. కుక్కల చర్మము వేరే. వాటికి ఖచ్చితముగా సొన పెడితే బొచ్చు రాలడము 100 శాతము తగ్గుతుంది.

చర్మము సమస్యలు ఉన్నప్పుడు యాంటీ బయోటిక్ కోర్సు మరియు ఐవేర్మెక్టిన్ కోర్సు మరియు మేడికేటెడ్ షాంపులు వాడాలి.

అల్లెర్జీ పదార్థాలను వాడకూడదు.

ధన్యవాదాలు మీ డాక్టర్.జి.రాంబాబు.

19/07/2020

మీ కుక్క పసుపు రంగులో వాంతికి చేసుకుటుందా?

మొదటి లక్షణముగా దాని కడుపులో అసిడిటీ లేదా పుండ్లు వచ్చినట్టు , ఇది ఎలా వస్తుందంటే' మసాలాలు , కారము, ఆసిడ్ ఫూడ్స్ , ఎక్కువగా పెట్టడము, టైమింగ్ లలో సరిగ్గా ఫుడ్ పెట్టకపోయిన ఇలా జరుగుంతుంది. ఇలా వాంతికి చేసుకున్నప్పుడు మీ కుక్క చల్లని వాతావరణములో తన కడుపును ఆనిచ్చి పడుకుని ఉంటుంది. ప్రథమ చికిత్సగా ఆ రోజు కొబ్బరి నీళ్ళు, ఓ‌ఆర్‌ఎస్ లిక్విడ్, చల్లని నీరు లేదా ఏవేనీ జ్యూస్ ఒక రెండు రోజులు రెండు గంటలకు ఒకసారి ఖచితముగా ఇవ్వాలి. మొదటి రోజు వాంతికి కాకుండా Injection ondensetron, Injection rantac ఇవ్వండి. తరువాత రోజు యాంటీ బయోటిక్ ఇవ్వాలి. అలా 3 రోజులు ఉదయం సాయంత్రం ఇవ్వాలి ఎక్కువసార్లు వాంతికి చేసుకుంటే దయచేసి డాక్టర్ ను సంప్రదించండి. ప్రయోగాలు చేయవద్దు.

డాక్టర్ జి. రాంబాబు

14/07/2020

రాజపాలయం - దేశీయ జాతి

దేశీయ ఆవులు వాటి పాలు ఎంత శ్రేష్టమో అలాగే మన దేశీయ కుక్క జాతులు కూడా అలానే. ఎటువంటి టీకాలు మందులు అవసరము లేకుండా వ్యాధి నిరోధక శక్తి కలిగి ఉంటాయి. చర్మ వ్యాధులు అనేవి రావు. ఇది తోటల పెంపకము దగ్గర గార్డియన్ లాగా ఉంటుంది. ముఖ్యముగా maintain చేయడం చాలా సులువు. ధర కూడా 5000/- మించదు. బాగా ఎత్తు 65 సెంటి మీటర్లు బరువు 25 కిలోలు పొడవు బాగా వస్తుంది.

ఇది తమిళనాడులోని రాజపాలయం అనే గ్రామానికి సంబంధించింది. ప్రస్తుతం ఈ జాతి అంతరించి పోతుంది. ఈ జాతి అంతరించి పోకుండా తమిళనాడు ప్రభుత్వం చర్యలు తీసుకుంటుంది .ఈ జాతి మీద పోస్టేజ్ స్టాంప్ కూడా విడుదల చేసింది ఎందుకంటే ప్రజలు ఈ జాతి గురించి అవగాహన కల్పించడానికి. ఇవి మంచి కాపలా కుక్కలు వీటిని కర్నాటిక్ మరియు పాలిగర్ యుద్ధాలలో ఉపయోగించారు. వీటిని అడవిలో ఉన్న మగ పందులు వేటాడడానికి డెవలప్ చేశారు. వీటిని చాలా కాలం నుండి వరి పైరు లకు మరియు ఇళ్లకు కాపలా కుక్కలుగా ఉపయోగిస్తున్నారు. వీటిని ఇండియన్ ఆర్మీ కాశ్మీర్ బార్డర్ లో కాపలా కుక్కలుగా వినియోగిస్తుంది. నాలుగు రాజపాళయం కుక్కలు కలిసి తన యజమానిని ఒక పులి నుండి కాపాడాయి అనే కథ బాగా ప్రసిద్ధి లో ఉంది. వీటి రంగు (milky white)పాల తెలుపు రంగులో ఉంటుంది. దీనిలో ముఖ్యమైన లక్షణం ఏమిటంటే దాని ముక్కు పింక్ కలర్ లో ఉంటుంది ఇది ప్రపంచంలో ఉన్న ఏ ఇతర కుక్కలకు ఉండదు. వీటి జీవితకాలం 8 నుండి 10 సంవత్సరములు. దీనికి ట్రైనింగ్ ఇవ్వడం చాలా కష్టం. మరియు అయితే ఇది ఇతర కుక్కలతో సరిగ్గా ఉండదు.

కుక్కపిల్లలు కావాలంటే తిరుపతి పెట్స్ షాప్స్ మరియు తమిళనాడు లో దొరుకుతున్నాయి.

మీ డాక్టర్.జి.రాంబాబు, పశువైధ్యాధికారి

12/07/2020

మీరు ప్రాణానికి ప్రాణముగా ప్రేమించే మీ పెట్స్ చనిపోతే చాలా భాధగా మరియు ఇంట్లో వ్యక్తిని కోల్పోయే ఫీలింగ్ ఉంటుంది. ఆ పెట్స్ పోయిన భాదను తీర్చడానికి అమెరికా లోని ఒక సంస్థ కడల్ క్లోన్స్ అనే వెబ్సైట్ ప్రారంభించింది. ఈ వెబ్సైట్ లో మీ పెట్స్ ఫోటో పంపితే అచ్చము అలాగే ఉండే బొమ్మను తయారు చేసి పంపుతారు . చూడటానికి మన పెట్ మన మధ్య ఉంటుంది. కానీ డాలర్ల రూపములో కొద్దిగా ఎక్కువ మొత్తం చెల్లించాల్సి ఉంటుంది. ధన్యవాదాలు

వెబ్సైట్ పేరు: https://cuddleclones.com/

మీ డాక్టర్.జి.రాంబాబు.

06/07/2020

వరల్డ్ జూనోసిస్ డే / ప్రపంచ సాంక్రమిక వ్యాధుల దినోత్సవము సందర్బంగా ప్రతి జిల్లా పశువుల ఆసుపత్రులలో ముఖ్యముగా టౌన్స్ లలో RABIES లేదా పిచ్చి కుక్క వ్యాధి రాకుండా ఉచితంగా యాంటి రేబీస్ టీకాలు వేస్తారు.
దయచేసి అందరు వినియోగించుకోగలరు.ధన్యవాదాలు

05/07/2020

రేపు వరల్డ్ జూనోసిస్ డే / ప్రపంచ సాంక్రమిక వ్యాధుల దినోత్సవము సందర్బంగా ప్రతి జిల్లా పశువుల ఆసుపత్రులలో ముఖ్యముగా టౌన్స్ లలో RABIES లేదా పిచ్చి కుక్క వ్యాధి రాకుండా ఉచితంగా యాంటి రేబీస్ టీకాలు వేస్తారు.
దయచేసి అందరు వినియోగించుకోగలరు.ధన్యవాదాలు

మనుషుల నుంచి పశువులకు, పశువుల నుంచి మనుషులకు సంక్రమించే వ్యాధుల్నే జూనోటిక్‌ వ్యాధులంటారు. వీటిలో 'ర్యాబిస్‌' (పిచ్చికుక్క వ్యాధి) అనేది అత్యంత ప్రమాదకరమైనది, ప్రాణాంతకరమైన వ్యాధి. లూయిస్‌పాశ్చర్‌ అనే వ్రఖ్యాత శాస్త్రవేత్త పిచ్చికుక్క కాటుకు గురైన వ్యక్తికి జూలై ఆరు 1885 వ సంవత్సరంలో మొట్ట మొదటిసారిగా యాంటీర్యాబిస్‌ టీకాను వేసి సఫలీకృతులయ్యారు. ఆ రోజును అంటే జూలై ఆరో తేదీని ఆనాటి నుంచి వ్రతి సంవత్సరం 'వరల్డ్‌ జూనోసిస్‌ డే'గా నిర్వహిరచుకోవడం ఆనవాయితీగా వస్తోంది. ఈ జూనెటిక్‌ వ్యాధుల గురించి వ్రజలను అవ్రమత్తర చేసి, రోగాల బారిన వడకుండా చేయటమే వరల్డ్‌ జూనోసిస్‌ డే ప్రధానోద్దేశ్యము . జంతువులు, వక్షులకు సంభంధించిన కొన్ని వ్యాధులు మనుషులకు సరక్రమించి సాధారణ సమస్యలతోపాటు ప్రాణహాని కలిగేంతటి వ్రమాద పరిస్థితులెదురవుతున్నాయి. ఈ కారణముగా జంతువులు, కోళ్లు, పక్షులను పెంచేవారు, ప్రయోగశాలలు, వ్యాధి నిర్ధారణ కేంద్రాల్లో వనిచేసేవారు, వశువుల ఆస్పత్రుల సిబ్బంది, చర్మము , తోళ్ల వరిశ్రమల కార్మికులు ఈ జూనోటిక్‌ వ్యాధుల వట్ల ఆప్రమత్తముగా ఉండటం ద్వారా ఆరోగ్యాన్ని, ప్రాణాలను కాపాడుకోవచ్చు.

మీ డాక్టర్.జి.రాంబాబు, పశు వైధ్యాధికారి.

30/06/2020

జాతి కుక్కలు - ముందస్తు సమస్యలు

సాధారణముగా కొన్ని కుక్కల జాతులలో వాటి శరీర నిర్మాణము అనుసరించి మరియు వాతావరణం దృష్ట్యా కొన్ని సమస్యలు అవే జాతి కుక్కలకు వస్తాయి. అవి ఏమిటో తెలుసు కుందాము.

 బుల్ డాగ్: శ్వాస కోశ సమస్యలు
 పగ్: కంటి సమస్యలు, శ్వాస కోశ సమస్యలు
 జర్మన్ షెపర్డ్: హిప్ డైస్ప్లాసియా/ తుంటి కీలు సమస్యలు
 లాబ్రడార్ రిట్రీవర్: ఊబకాయం
 బీగల్: ఎపిలెప్సీ/మూర్ఛ రోగము
 షిహ్ ట్జు: పేటెల్లార్ లగ్జేసన్/ మోకాలి ఎముక ప్రక్కకు జరగడము
 బాక్సర్: క్యాన్సర్-లింఫోమా మరియు కణితులు
 డాస్ హౌండ్: వెన్నునొప్పి మరియు వెన్నుపాము సమస్యలు
 డాబర్మాన్ పిన్స్చర్: గుండె సమస్యలు (డైలేటెడ్ కార్డియోమయోపతి )
 కాకర్ స్పానియల్: చెవికి సంభంధించిన సమస్యలు
 గోల్డెన్ రిట్రీవర్: చర్మ అలర్జీస్
 పూడిల్: గ్లాకోమా/క్రమంగా చూపు తగ్గిపోయే కంటి పరిస్థితి
 రాట్ వీలర్: కీళ్ల సమస్యలు/ జాయింట్ ప్రాబ్లమ్స్
 చువావా: స్వర పేటిక సమస్యలు
 పోమేరనియన్: వెంట్రుకలు రాలిపోవడం, చర్మ సమస్యలు
 గ్రేట్ డేన్: కడుపు ఉబ్బు సమస్యలు, చర్మ సమస్యలు
 బోస్టన్ టెర్రియర్: చెర్రీ కలర్ కన్ను, కంటి సమస్యలు, కంటిశుక్లాలు మరియు
 ఫ్రెంచ్ బుల్ డాగ్: శ్వాస సమస్యలు
 యార్క్ షైర్ టెరియర్: జీర్ణ సంభందిత సమస్యలు
 డాల్మషియన్: చెవి సమస్యలు, మూత్రాశయ సమస్యలు

ధన్యవాదాలు మీ డాక్టర్.జి.రచ్చ రాంబాబు.

26/06/2020

కుక్కలు నిజాలు

22/06/2020

మనకు ఏ కుక్క కావాలి?

 రక్షణ, పనులు చేయడానికి, బాంబ్ స్కాడ్, వృద్ధులకు వాకింగ్- లాబ్రడార్
 రక్షణ, ఆకర్షణ -జర్మన్ షెప్పర్డు, రాట్ వీలర్, డాల్మేషియన్
 పెద్దగృహాలు, ఫాంహౌస్ రక్షణ -గ్రేట్ డేన్
 ఆకర్షణ, అందం- గోల్డెన్ రిట్రైవర్, బిగిల్,
 ఆకర్షణ, అందం, గార్డింగ్, రక్షణ- సెయింట్ బెర్నార్డ్, డాబర్మన్, బుల్ మస్టిఫ్
 అందం, అప్రమత్తత- పమేరియన్
 అప్రమత్తత -పగ్
 గార్డింగ్ -రాట్ వీలర్
 ఫ్యాషన్ -పుడిల్, గొల్డెన్ రిట్రైవర్
 వేటకు -కాకర్ స్పానియల్,పాయింటర్, స్పానియల్ రిట్రైవర్
 రేసులకు -గ్రేహండ్
 రక్షణ -సెయింట్ బెర్నార్డ్, డాబర్మన్, బాక్సర్
 పోలిసింగ్ -జర్మన్ షెప్పర్డు
 కాపలా -ఆల్సేషియన్
 తోడు, సరాదా -పామరేరియన్, జపనీజ్ స్పిట్జ్, డాష్ హండ్, లాసా అప్సా
 ఆనందాన్ని పంచడానికి -చౌచౌ, పుడిల్, పామెరేనియన్

మీ డాక్టర్.జి.రాంబాబు, పశు వైధ్యాధికారి.

20/06/2020

కుక్కల పెంపకంలో సాధారణంగా ఎటువంటి జాగ్రత్తలు తీసుకోవాలి.?

కుక్క పిల్లలు పుట్టిన దగ్గర నుంచి మూడో నెల వచ్చే వరకూ రోజుకు కనీసం ఆరు సార్లు అయినా, పాలు పట్టించాలి.
మూడు నెలల దాటితే ఉదయం పాలు రెండు సార్లు, మధ్యాహ్నం పప్పు, నెయ్యితో అన్నం, సాయంత్రం పెరుగు అన్నం లేదా పెడిగ్రీ పెట్టాలి.

డాబర్‌ మేన్‌, ఆల్‌ సేషన్‌ తదితర జాతులు రాత్రి వేళల్లో కాపలా ఉండాలి. కనుక రాత్రి సమయంలో భోజనం పెట్టకూడదు.

వారానికి మూడు సార్లు మాంసాహారంతో కూడిన భోజనం పెట్టాలి. పెద్ద కుక్కలకు 200 గ్రాముల మాంసం, చిన్న కుక్కలకు 100 గ్రాముల మాంసం ఇవ్వాలి. ప్రతీ రోజూ ఉడకబెట్టిన కోడిగ్రుడ్లు వేయాలి.
సాధారణంగా పుట్టిన దగ్గర నుంచి కుక్క పిల్లలకు నెలకు ఒకసారైనా ఏలుక పాములు, పరాన్నజీవుల నివారణకు మందులు వాడాలి. ఆరు నెలలకు మందు మార్పిడి చేయాలి. అలా చేస్తే, కుక్కలు ఆరోగ్యంగా ఉంటాయ.

కుక్కల ఆహారంలో తీపి, కారం, పులుపు,మసాలాలు లేకుండా జాగ్రత్తతీసుకోవాలి.
కుక్కల శరీర నిర్మాణంలో స్వేదగ్రంధులు ఉండవు కనుక ఇలాంటి పదార్ధాలు తినడం వలన చర్మవ్యాధులు వచ్చి జూలు ఊడిపోతుంది. ఇటీవల కాలంలో కుక్కలకు కూడా షుగర్‌ వ్యాధి సోకి మృతిచెందుతున్నాయి. ఎక్కువశాతం షుగర్‌ వ్యాధితో కుక్కలు చనిపోతున్నయి

పరిశుభ్రమైన నీటిని కుక్కలకు అందుబాటులో ఉంచాలి. నెలకు 1, 2సార్లు కుక్కల షాంపులతో స్నానం చేయించాలి. ఉదయం, సాయంత్రం తప్పనిసరిగా కొంతదూరం నడిపిస్తే వ్యాయామం లబించడంతో పాటు నిర్ణీత సమయంలో కాలకృత్యాలు తీర్చుకునే అలవాటు చేసుకుంటాయి.
పెంపుడు కుక్కల శరీరాన్ని (వెంట్రుకలు) ప్రతీరోజు ఒకసారి దువ్వాలి.
యజమానులు తమ పెంపుడు కుక్కలు మట్టి తినకుండా జాగ్రత్త పడాలి.
నెలరోజుల వయస్సులో పదిరోజులకోసారి తొలి ఆరుమాసాల వయస్సులో 15రోజులకోసారి, ప్రతీనెలకోసారి కడుపులో నులుపురుగుల నివారణకు , ఆల్‌ బెన్‌ జోల్‌ మందులను తాగించాలి.

పేలు నివారించేందుకు బ్యూటాక్స్ గా ని టిక్కాల్‌ ద్రవాన్ని శరీరంపై 1శాతం మందు పిచికారీ చేయాలి.

45రోజులవయస్సులో వ్యాధినోరోధక టీకా, 75రోజులకు బూస్టర్‌ టీకా వేయించాలి.

మూడుమాసాలవయస్సులో యాంటిరాబిస్‌ టీకాను వేయించడం ద్వారా కుక్కకాటునుంచి మనుషులు రక్షణ పొందవచ్చు.🐕🐕🐕

మీ డాక్టర్.జి. రచ్చ రాంబాబు

18/06/2020

కుక్కలకు కాలి గోళ్లు తీసివేయడం

ఇది ఎక్కువగా అపార్ట్‌మెంట్ వాకింగ్ తీసుకెళ్లని కుక్కలలో గోర్లు బాగా పెరిగి నడవడానికి ఇబ్బంది పడతాయి ఎక్కువగా గోళ్లు పెరిగినట్లయితే మధ్యలో మట్టి చేరి ఇన్ఫెక్షన్ కూడా అవుతుంది అందువలన నెలకు ఒకసారి గోర్లు తీసే యంత్రం తో గోరు లో నలుపు భాగము ముందు వరకు గోరును తీసివేయాలి ఒకవేళ చిగురును కోసి నట్లయితే వెంటనే దూదితో అదిమి పట్టుకుంటే రక్తము ఆగడం జరుగుతుంది అందువలన కుక్కలను గరుకు నేలపై కనీసం వాకింగ్ చేపించాలి

16/06/2020

కుక్కలకు గ్రుడ్డు పెట్టవచ్చునా?

13/06/2020

ప్రపంచం మొత్తము మీద ఏ ఏ కుక్కలకి ఎంత తోక కత్తరించాలి. చూద్దాము. మామూలుగా అందముగా ఫ్యాషన్ కోసం కుక్కలకి తోక కత్తరిస్తుంటారు. ఎంత ఉండాలి అనేది మనము చూసుకోవాలి ఎటుపడితే అలా కత్తరించకూడదు. కొంత మంది వింతగా రబ్బరు తోకకి గట్టిగా వేయడము, లేదా త్రాడుతో కట్టడము చేసి తోకను అలానే ఊడిపోయే విధముగా చేస్తారు. దీని వల్ల ఇన్ఫెక్షన్ వచ్చే అవకాశాలు ఎక్కువ అందువలన చనిపోతాయి కూడ. పుట్టిన ఒక వారము లోపు అయితే మంచి పరికరాలు కూడా అందుబాటులో ఉన్నాయి.

మన దేశములో తోక కత్తరిస్తే తిప్పలే ఎందుకంటే జంతు హింస నివారణ చట్టము 1960 ప్రకారం ఇలా చేయడం క్రూరత్వము కానీ చాలా దేశాలలో చేస్తున్నారు కూడా.

1. Brittany spaniel 1 అంగుళం వదిలివేయండి
2. Clumber spaniel 1 నుండి 1/3 పొడవు వరకు వదిలివేయండి
3. Cocker spaniel 1/3 పొడవు (సుమారు ¾ అంగుళం) వదిలివేయండి
4. English cocker spaniel 1/3 పొడవు వదిలివేయండి
5. English springer spaniel 1/3 పొడవు వదిలివేయండి
6. Field spaniel 1/3 పొడవు వదిలివేయండి
7. German shorthaired pointer 2/5 పొడవు వదిలివేయండి
8. German wirehaired pointer 2/5 పొడవు వదిలివేయండి
9. Sussex spaniel 1/3 పొడవు వదిలివేయండి
10. Vizla 2/3 పొడవు వదిలివేయండి
11. Weimaraner 3/5 పొడవు (సుమారు 1 ½ అంగుళాలు) వదిలివేయండి
12. Welsh springer spaniel 1/3 నుండి పొడవు వదిలివేయండి
13. Wirehaired pointing griffon 1/3 పొడవు వదిలివేయండి
14. Bouvier des Flanders ½ నుండి అంగుళం వరకు వదిలివేయండి
15. Boxer ½ నుండి ¾ అంగుళం (రెండు తోక వెన్నుపూస) ను వదిలివేయండి
16. Doberman pinscher ¾ అంగుళం (రెండు తోక వెన్నుపూస) వదిలివేయండి
17. Giant schnauzer 1 ¼ అంగుళం (మూడు తోక వెన్నుపూస) వదిలివేయండి
18. Old English sheepdog ఒక తోక వెన్నుపూసను వదిలివేయండి (శరీరానికి దగ్గరగా)
19. Rottweiler ఒక తోక వెన్నుపూసను వదిలివేయండి (శరీరానికి దగ్గరగా)
20. Standard schnauzer 1 అంగుళం (రెండు తోక వెన్నుపూస) వదిలివేయండి
21. Welsh Corgi (Pembroke) ఒక తోక వెన్నుపూసను వదిలివేయండి (శరీరానికి దగ్గరగా)
22. Airedale terrier 2/3 నుండి length పొడవు ను వదిలివేయండి
23. Australian terrier 2/5 పొడవు వదిలివేయండి
24. Fox terrier 2/3 పొడవు ను వదిలివేయండి
25. Irish terrier ¾ పొడవును వదిలివేయండి
26. Kerry blue terrier పొడవు నుండి 2/3 వరకు వదిలివేయండి
27. Lakeland terrier 2/3 నుండి పొడవు వదిలివేయండి
28. Miniature schnauzer ¾ అంగుళం వదిలివేయండి
29. Norwich terrier 1 నుండి 1/3 పొడవు వరకు వదిలివేయండి
30. Sealyham terrier 1/3 నుండి పొడవు వదిలివేయండి
31. Welsh terrier 2/3 నుండి పొడవు ను వదిలివేయండి
32. Affenpinscher 1/3 అంగుళాలు (శరీరానికి దగ్గరగా) వదిలివేయండి
33. Brussels griffon ¼ నుండి 1/3 పొడవు (సుమారు 1/3 అంగుళాలు) వదిలివేయండి
34. English toy spaniel 1/3 పొడవు (సుమారు 1 ½ అంగుళం) వదిలివేయండి
35. Miniature pinscher ½ అంగుళం (రెండు తోక వెన్నుపూస) వదిలివేయండి
36. Silky Terrier 1/3 పొడవు (సుమారు ½ అంగుళం) వదిలివేయండి
37. Toy poodle ½ నుండి 2/3 పొడవు (సుమారు ½ అంగుళం) వదిలివేయండి
38. Yorkshire terrier 1/3 పొడవు (సుమారు ½ అంగుళం) వదిలివేయండి
39. Miniature poodle ½నుండి 2/3 పొడవు (సుమారు 1 1/8 అంగుళాలు) వదిలివేయండి
40. Schipperke శరీరానికి దగ్గరగా
41. Standard poodle ½ నుండి 2/3 పొడవు (సుమారు 1 ½ అంగుళాలు) వదిలివేయండి
42. Cavalier King Charles spaniel (optional) తెల్లటి చిట్కాతో 2/3 పొడవు వదిలివేయండి
43. Spinoni Italiani 3/4 పొడవు పొడవును వదిలివేయండి

మీ డాక్టర్.జి.రాంబాబు, పశు వైధ్యాధికారి

11/06/2020

కళ్ళు మరియు చెవులను శుభ్రం చేయడం
కళ్ళనుండి ఎక్కువగా స్రావాలు వస్తూ ఉంటే బోరిక్ లోషన్ లేదా హైడ్రోజన్ పెరాక్సైడ్ దూదితో తీసుకొని తుడవాలి అదే అయితే గుబిలి ఉన్నదో లేదో గమనించి హైడ్రోజన్ పెరాక్సైడ్తో శుభ్రపరచాలి లేదంటే చెవులలో ముఖ్యంగా ఇన్ఫెక్షన్ అవుతుంది
పైన చూపించిన బొమ్మలో మార్క్ వరకే శుబ్రము చేయాలి. లోపలి చెవి చేయకూడదు.
మీ డాక్టర్.జి.రచ్చ రాంబాబు, పశు వైధ్యాధికారి.

11/06/2020

వాహనాలను వెంటపడడం
ఈ మధ్య ఎక్కువగా కుక్కలు కార్లు మోటర్ బైక్స్ ఇలాంటి వేగంగా వెళ్లే వాహనాలు వెంబడి పడి ప్రమాదాలకు కారణమవుతున్నాయి ఈ అలవాటు మాన్పించాలంటే ఎక్కువగా వాహనాలు తిరిగే చోట వాకింగ్ చేపించాలి మరియు నో అని కమాండ్స్ తో శిక్షణ ఇస్తూ ఈ దురలవాటు మార్చవచ్చును

మీ డాక్టర్.జి.రచ్చ రాంబాబు, పశు వైధ్యాధికారి.

11/06/2020

ఇంట్లో వస్తువులని కొరకడం
ఎక్కువగా దంతాలు వృద్ధి చెందే దశలో నోటిలో పళ్ళు వచ్చేటప్పుడు నోరు ఉలవల గా ఉంటుంది దాని వలన ఇంట్లో దిండ్లు, వస్తువులను, పుస్తకాలను కొరుకుతూ ఫర్నీచర్ ను నాశనం చేస్తాయి ఇది ఎక్కువగా చిన్నపిల్లల్లో ఉంటుంది ఈ అలవాటు మాన్పించడానికి ప్లాస్టిక్తో తయారు చేసిన బొమ్మ,లు రబ్బరు బంతులు, ఎముక బొమ్మలు మరియు ఇంట్లో పాడైపోయిన చెప్పులు బూట్లను ఇవ్వవచ్చును ఒక్కొక్కసారి విటమిన్ల లోపం వల్ల కూడా పెద్ద కుక్కల లో వస్తుంది అందువలన డాక్టర్ ను సంప్రదించి సరైన మందులు వాడాలి మరియు తగిన ట్రైనింగ్ లేదా కమాండ్స్ తో శిక్షణ ఇవ్వాలి. ఏదేని విటమిన్స్ గల టానిక్ intacalpet లేదా mulitistarpet బాగా ఉపయోగపడతాయి అంతేగాక ఎముకల లాగా కోరుక్కున్నే విధముగా మార్కెట్లో దొరుకు తున్నాయి. అవి ఇవ్వడము వలన విటమిన్స్ ఆహారము దాని పళ్ళు శుభ్ర పడడం జరుగుతుంది

మీ డాక్టర్.జి.రచ్చ రాంబాబు, పశు వైధ్యాధికారి.

11/06/2020

ఈ వేసవిలో మీ కుక్కలు తినట్లేదని భాదపడుతున్నారా? మామూలుగా ఉష్ణోగ్రతలు పెరిగినపుడు కుక్కలే కాదు మనము కూడా సరిగ్గా తినము. కుక్కలు చాలా వరకు ఆహారాన్ని తగ్గిస్తాయి. కావున భయపడి హాస్పిటల్ కు తీసుకు పోయి ఇంజక్షనులు పొడిపించవద్దు. మొదటగా చల్లని వాతావరణము కలుగ చేయాలి. లేకపోతే తేమ ఉండేచోట , బాత్రూములలో పోయి పడుకోవడము చేస్తూ ఉంటాయి దీని వలన చర్మ వ్యాధులు వచ్చే అవకాశము ఉంది. మీరు ఏమిచేయాలంటే తక్కువలో తక్కువ గంటకు ఒకసారి ఖచితముగా నీటిని లేదా కొబ్బరి నీళ్ళు లేదా ఓ‌ఆర్‌ఎస్ లిక్విడ్ కలిగిన ద్రావణాలను ఇవ్వాలి. ఏదేని సులువుగా జీర్ణమయ్యే ఆహారం ఇస్తూ ఉండాలి. అధిక పోషక విలువలు కలిగిన ఆహారముఅంటే మాంసము ఇస్తే కడుపులో వేడి ఎక్కువవుతుంది. ఎండలు తగ్గే వరకు సరిగ్గా తినవు. వేడి ఎక్కువైతే ఎంగిలి ఎక్కువగా కార్చుతాయి. కావున ఈ నెల వరకు తగ్గించిన భాదపడవద్దు. మీ డాక్టర్ జి. రాంబాబు

11/06/2020

మీ పెంపుడు కుక్క జబ్బు పడిందని తెలిపే 5 లక్షణాలు
మనుషుల వలే జంతువులు కూడా జబ్బు పడుతుంటాయి. ముఖ్యంగా పెంపుడు జంతువులు అనారోగ్యానికి గురైనప్పుడు తెలుసుకోవడం కొంచెం కష్టమే. వాతావరణంలో మార్పులు, కొన్ని రకాల ఆహారపు అలవాట్లు, అలర్జీల వల్ల అవి కూడా జుబ్బు పడటాకి కారణం అవుతాయి. కాబట్టి పెంపుడు కుక్కలు జబ్బు పడినప్పుడు కొన్ని లక్షణాలను గుర్గించగలిగి నట్లైతే వాటని సురక్షితంగా ఉంచవచ్చు. పెట్స్ ఎక్స్ పర్ట్స్ అభిప్రాయం ప్రకారం పెంపుడు కుక్కలు జబ్బు పడినప్పుడు వాటి ముక్కు డ్రైగా మారుతుంది. అదే విధంగా మరికొన్ని లక్షణాలు కూడా ఉన్నాయి...
చాలా వరకూ పెంపుడు కుక్కలు జబ్బు పడినప్పుడు, అది కొంచెం ప్రమాధ స్థితికి చేరేంత వరకూ పెంపుడు కుక్క యజమానులు వాటిని గుర్తించలేరు. కాబట్టి, ఈ క్రింది తెలిపిన కొన్ని విలువైన లక్షణాలు గుర్తుంచుకొన్నట్లైతే పెంపుడు కుక్కలు జబ్బుపడకుండా ముందు జాగ్రత్త చర్యలు తీసుకోవచ్చు. సరైన సమయంలో స్పందించి సరైన జాగ్రత్తలు మరియు మందులు ఉపయోగించవచ్చు. అంతే కాదు, పెంపుడు కుక్కలు జబ్బు పడినప్పుడు, డాగ్ ఓనర్స్ వ్యక్తిగతంగా డాక్టర్ ప్రిస్క్రిప్స్ లేకుండా వారంతట వారే ఎటువంటి మందులు ఉపయోగించకూడదు. అలా ఉపయోగిస్తే మరింత ప్రమాదం జరిగే అవకాశం ఉంటుంది. కాబట్టి, పెంపుడు కుక్కలు జబ్బు పడిందని తెలుసుకోవడం కోసం...
1. చూడటానికి ఎలా ఉంది: పెంపుడు కుక్కలు ఆరోగ్యంగా లేనప్పుడు కనిపించే లక్షణాల్లో మొదటిది శారీరక లక్షణాలు. పెంపుడు కుక్కలు జబ్బు పడినప్పుడు మొదటి గమనించాల్సినది వాటి కళ్ళు ఉబ్బకొని మరియు ఎర్రగా ఉన్నాయా గమనించాలి. అలాగే వాటి ముక్కలు మరింత డ్రైగా మారిందా. సాధారణంగా కంటే మీ పెంపుడు కుక్కవద్ద చెడు వాసన వస్తున్నదా?ఈ లక్షణాలన్నీ కూడా పెంపుడు కుక్కలు జబ్బపడిందని తెలిపే ప్రారంభ లక్షనాలు.
2. ప్రవర్తన: మీ పెంపుడు కుక్క ఏదైనా తప్పుగా ప్రవర్తిస్తోందా అని గమనించాలి. అకస్మాత్తుగా ప్రవర్తనలో మార్పులు, దగ్గడం, నిరంతరం తుమ్మడం, నీళ్ళు త్రాగకుండా ఉండటం, ఆకలి లేకుండా ఉండటం వంటి లక్షణాలన్నీ కూడా పెంపుడు కుక్క జబ్బు పడిందని తెలిపే లక్షణాలే. ఈ లక్షణాలన్నీ కూడా మీ పెంపుడు కుక్కలో మీరు గమనించినట్లైత డాక్టర్ ను సంప్రదించాల్సిందే.
3. చిగుళ్ళు: పెంపుడు కుక్కలు జబ్బు పడినప్పుడు వాటి నోట్లోని దంతాల యొక్క చిగుళ్ళు ఆరోగ్యంగా ఉన్నాయో లేదో తెలుపుతుంది. చిగుళ్ళు పసుపుగా ,బ్లూగా, తెల్లగా లేదా గ్రే కలర్ లో ఉండకూడదు. పెంపుడు కుక్కల యొక్క చిగుళ్ళు ఎల్లప్పుడూ పింక్ కలర్ లో ఉండాలి.
4. వణుకు: కొన్ని పెంపుడు కుక్కలు జబ్బుపడిన వెంటనే వణుకుతున్న లక్షణాలు కనబడుతాయి. అలాగే, మూలగడం లేదా వణుకుతున్నట్లైతే అవి నొప్పితో బాధపడుతున్నట్లు గ్రహించాలి. కుక్కులు జబ్బు పడ్డాయని తెలిపే లక్షణాల్లో ఇదిఒకటి. వెంటనే చికిత్సనందించాలి.
5. యూరిన్ సమస్యలు: పెంపుడు కుక్కలు జబ్బు పడినప్పుడు తరచూ మూత్రవిసర్జన చేస్తుంటాయి. ఇది కూడా కుక్క జబ్బుపడిందని తెలిపే లక్షణాల్లో ఒకటి. అది బ్లాడర్ లేదా యూరినరీ ట్రాక్ ఇన్ఫెక్షన్ తో బాధపడుతున్నట్లు తెలిపే లక్షణం.

మీ డాక్టర్.జి.రచ్చ రాంబాబు, పశు వైధ్యాధికారి.