09/11/2024
DER KAZ ZUR HËLLEF 🐱 (🇬🇧⏬)
-Kaze fänken-
Vill Leit mengen et gutt, wann se eng Kaz eleng ronderemsträife gesinn an iwwerleeë sech, fir d’Kaz anzefänken a se bei eis an den Déierenasyl ze bréngen. Et ass natierlech immens wichteg, dass mir alleguer d’Aen ophale, fir Déieren an Nout ze hëllefen, ma munchmol ass et awer esou, dass déi Kaz, déi elo mat haardem Protest an der Kazekëscht um Bäifuerersëtz hockt, amfong keng Hëllef gebraucht huet. Mat dësem Artikel géife mir Iech gären e wéineg erkläre, wourun een erkennt, dass eng Kaz effektiv mënschlech Hëllef braucht a wéi Dir an deene Fäll richteg handelt. E klengen Tipp direkt ier mir ufänken: säit 2018 musse Fräigängerkaze gechipt sinn. Den Chip kann ee bei der Police, engem Vétérinär oder Déiereschutzveräin ausliese loossen an domat den eventuelle Proprietär erausfannen.
Fräigängerkaze sinn oft richteg Strummerten. Bis zu 500m ronderëm hiert Doheem kann sech hiren Territoire ausbreeden. Sou kann et da mol sinn, dass een engem Puss begéint, deen amfong guer net an dësen Deel vum Duerf gehéiert. Dat ass awer guer net schlëmm, Kazen hunn en immens gudden Orientéierungssënn. Hei soll een éischter op d’Ausgesinn an d’Verhale vun de Kaz oppassen, fir eng Entscheedung ze treffen. Ass de Pelz blénkeg an d’Kaz net ze dënn an huet och soss keng Verletzungen oder Änleches opweises, da wäert se wuel e gutt Doheem hunn a sech grad einfach just d’Bee vertrëppelen.
Och d’Verhale vun de Kazen ass hei wichteg ze betruechten. Eng zoutraulech Kaz, déi oppen op Mënschen duergeet a sech souguer upake léisst, ass et an der Reegel gewinnt, ronderëm Mënschen ze sinn an huet warscheinlech och e gutt Doheem, oder si ass einfach nëmme virwëtzeg. Eng verwëldert Kaz weist sech oft méi zeréckgezunn oder ängschtlech, mee och verwëldert Kaze sinn immens gutt un hiert Liewen ugepasst a brauchen net onbedéngt direkt Hëllef. An dësem Fall mécht et Sënn, fir d’Kaz iwwer e längeren Zäitraum ze observéieren an eventuell den Avis vun engem Déiereschutzveräin ze froen.
Wann een sech net sécher ass, kann een och ëmmer mol Fotoe vum Déier maachen an am Duerf ronderëm froen, ob keen seng Kaz vermësst. Flyeren op Busarret’en ophänken oder an de lokale Facebookgruppe schreiwe kéint Besëtzer a Kaz rëm zesummeféieren. Wannechgelift bleift hei just ëmmer héiflech mateneen. Et gëtt och eng zimmlech grouss Facebookgrupp, déi sech op vermëssten Déieren zu Lëtzebuerg spezialiséiert huet.
En Indikator fir eng Kaz a Nout ass et, wann si vun engem Dag op den aneren optaucht a sech da reegelméisseg op de selwechte Plaze verstoppt (Terrass, Garage, Schapp). Dëst kéint dorops hiweisen, dass si eventuell ausgesat oder zeréckgelooss ginn ass. Och hei kann et Sënn maachen, d’Situatioun einfach mol e puer Deeg laang ze observéieren a Récksprooch mat Fachleit ze halen. Gespréicher an der Noperschaft kënnen Hiweiser erfirbréngen, ob et eventuell e Proprietär gëtt. Direkt handele soll een awer an deene Situatioune, wou eng Kaz kloer Unzeeche vu Krankheet oder Nout weist. E verpechte Pelz, Schnapp an Houscht, verpechten Aen oder Bewegungsproblemer sinn déi klassesch Indikatoren.
Ganz speziell Fäll sinn trächteg Kazen oder där, déi grad gejéngert hunn. En trächteg Kaz kann een zwar afänken, mee dobäi soll ee besonnesch virsiichteg sinn. Zum enge kéint iwwerméissege Stress sech negativ op déi ongebuere Kleng auswierken, zum aneren si vill Kazen zimmlech krazeg, wann si ënner Ëmstänn sinn. Bei eis kënnt Dir géint Kautioun eng Fal ausléinen, fir d’Afänken sou efficace wéi méiglech ze maachen. Sinn déi Kleng schonn op der Welt, dann ass et immens wichteg, dass een d’Mamm an hire Nowuess net trennt! Wann et net méiglech ass, déi ganz Famill ze fänken, dann ass et oft besser, fir eng besser Geleeënheet ofzewaarden. Déi Kleng brauchen hier Mamm, fir anstänneg opwuessen ze kënnen, an och fir d’Mamm kann et immens belaaschtend sinn, ze fréi vum Nowuess fortgerappt ze ginn. Mir beroden Iech hei gär fir déi passend Strategie ze entwéckelen.
-Kaze fidderen-
E weidere Punkt, op dee mir gär géifen agoen, ass d’Fiddere vu frieme Kazen. Ëmmer rëm héiert ee vu Leit, déi fir Kazen, déi net hinne gehéiere, Fudder rausstellen. Wat gutt gemengt ass huet oft net dee gewënschten Effekt. Hei ass et och egal, ob et sech bei där ugefidderter Kaz ëm eng verwëldert oder engem aneren seng handelt.
Zum enge féiert d’Fidderung vu verwëlderte Kazen dozou, dass si liddreg ginn a verléiere, fir anstänneg ze joen. Dëst ass besonnesch bei verwëlderte Kaze problematesch, well si domat ofhängeg vum gudde Wëlle vu Mënsche ginn, obwuel si amfong kapabel wieren, sech selwer ze versuergen.
Huet de gefidderte Puss awer en Doheem, wou och eng voll Schossel waart, da kann dëst séier zu Iwwergewiicht féieren, wat eng ganz Rëtsch vu gesondheetleche Problemer mat sech bréngt. Ausserdem kann et sinn, dass dee klenge Kaschtgänger op Spezielfudder oder Medikamenter ugewissen ass. Nëmme well eng Kaz sech zoutraulech weist, heescht dat nach laang net, dass si op eis Hëllef ugewisen ass.
Sollt eng Kaz wierklech den Androck hannerloossen, dass si schlecht geniert ass an Hëllef brauch, dann huelt och hei Kontakt mat engem Déiereschutzveräin op an erkläert hinnen d’Situatioun, fir dass si entspriechend handele kënnen.
----------
🇬🇧
TO HELP CATS 🐱
-Catching Cats-
Many people mean well when they see a cat roaming alone and consider catching it to bring it to us at the animal shelter. Of course, it’s incredibly important that we all keep our eyes open to help animals in need, but sometimes the cat currently sitting in a cat carrier on the passenger seat with loud protests might not actually need any help. In this article, we’d like to give you some tips on recognizing when a cat genuinely needs human assistance and how to act appropriately in these cases. Here’s a quick tip before we start: since 2018, outdoor cats must be microchipped. The chip can be read by the police, a veterinarian, or an animal protection association to identify the owner.
Outdoor cats are often quite the wanderers. Their territory can spread up to 500 meters around their home. So, it’s not unusual to come across a cat that doesn’t actually belong in this part of the village. However, this is not a problem, as cats have an excellent sense of direction. Instead, it’s better to observe the cat’s appearance and behavior to decide. If its fur is shiny, it’s not too thin, and it shows no injuries or anything similar, it likely has a good home and is simply exploring.
A cat’s behavior is also important to consider. A friendly cat that approaches people openly and even allows itself to be petted is usually accustomed to being around humans and likely has a good home, or it’s simply curious. A stray cat, on the other hand, often appears more withdrawn or fearful, but even stray cats are well-adapted to their lives and don’t necessarily need immediate help. In these cases, it’s sensible to observe the cat over a longer period and possibly seek advice from an animal welfare association.
If you’re unsure, you can also take photos of the animal and ask around in the village if anyone is missing their cat. Hanging flyers at bus stops or posting in local Facebook groups might help reunite owners and cats. Please remember to always remain polite. There’s also a fairly large Facebook group dedicated to missing animals in Luxembourg.
A sign that a cat may be in need is when it suddenly appears and regularly hides in the same spots (terrace, garage, shed). This could indicate that it has possibly been abandoned or left behind. Here, too, it might be helpful to observe the situation for a few days and consult with experts. Conversations with neighbors may provide clues as to whether there might be an owner. However, you should act immediately in situations where a cat shows clear signs of illness or distress. Matted fur, runny nose, cough, crusty eyes, or mobility problems are classic indicators.
Special cases involve pregnant cats or those that have recently given birth. While it’s possible to catch a pregnant cat, one should be particularly careful. Excessive stress could negatively impact the unborn kittens, and many cats become quite scratchy when pregnant. At our shelter, you can borrow a trap with a deposit to make the capture as efficient as possible. If the kittens are already born, it’s extremely important not to separate the mother from her offspring! If capturing the entire family isn’t possible, it’s often better to wait for a more favorable opportunity. The kittens need their mother to grow up properly, and separation can also be very distressing for her. We’re happy to advise you in developing the appropriate strategy.
-Feeding Cats-
Another topic we’d like to discuss is feeding stray cats. People often mention putting food out for cats that don’t belong to them. While this is well-intentioned, it often doesn’t have the desired effect. Here, it doesn’t matter whether the fed cat is a stray or someone else’s pet.
Feeding stray cats can make them lazy and cause them to lose the ability to hunt properly. This is particularly problematic for strays because they become dependent on the goodwill of humans, even though they are capable of fending for themselves.
If the fed cat has a home, where a full bowl awaits, this can quickly lead to obesity, which brings a range of health issues. Additionally, the cat might be on special food or medication. Just because a cat appears friendly doesn’t necessarily mean it needs our help.
If a cat genuinely seems undernourished and in need of assistance, then please contact an animal welfare organization and explain the situation so that they can take the necessary actions.
