11/11/2021
هاد الموضوع مهم وضروري باش نوضحو أمور غاية في الأهمية، بخصوص موضوع الطفرة، وغنختارو ليوم طفرة الذقن الأبيض.
أولا قبل منبداو غنشرحو شنو هي الطفرة؟
الطفرة هي خلل في الجينات المسؤولة عن لون الحسون، هاد الخلل كيعطي لون غير مألوف في طبيعة لون الحسون.
أنواع الطفرة؟
1/كاينة الطفرة المهيمنة:
يعني الحسون لي فيه طفرة مهيمنة كيتسما طافر وليس حامل للطفرة،ومعنى الطفرة المهيمنة، يعني الطير حامل لجينات الطفرة بنسبة عالية جدا، وفيه العلامات ديالها ظاهرة عليه بنسبة كبيرة، وكنكونو عارفين واليديه،يعني أصلو معروف منين جاي، يعني مزيود عندنا،من واليدين طافرين بزوج، ولا أب طافر وأم حاملة للطفرة، وهدشي مكينطابقش على الحسون لي مصيد حنت عمرنا نعرفو أصلو،وفحالة طفرة الذقن الأبيض كيكون ذقنو بيض كامل، وضفارو بيضين هو واليديه،ولا واحد من واليديه ذقن أبيض كامل وضفار بيضين، وأم بنصف ذقن، و ضفار عاديين،ولا ضفار بيضين وبلا ذقن،ولكن عارفين أصلها.
2/الطفرة المتنحية:
يعني الحسون الحامل للطفرة، فيه علامات غير كاملة، مقارنة بالطافر، ولكن عارفين أصلو حامل للطفرة،فمثال الذقن الأبيض،كنلقاو نقطة بيضاء تحت المنقار، ولا نصف ذقن،ولا ضفار بيضين بلا ذقن.
3/الطفرة المتعلقة بالجنس:
يعني الحسون ليي باه أغات ومو أغات غيخرج أغات،ولي باه ومو إيزابيل غيخرج إيزابيل...
ملاحظة موجهة للصيادين: فأنا خويا الصياد ملي غتبغي تزطم عليا فحسون ذكر ولا أنثى فيه نقطة بيضاء فالذقن ولا ذقن ولا نصف ذقن بلا أضافر بيضاء،ولا بأظافر بيضاء بلا نقطة فالذقن وبلا ذقن ولا نصف ذقن، فنتا مكتعرفش فالطفرات،لأن أصل الحسون لي غناخد غير معروف،يعني فيد الله، وأصلا خاصني نتقاتل معاه نصوفيه، و نتقاتل معاه ينتج، ومناين ينتج، شوف واش ينتج فالعام اللول ولا الثاني ولا ما ينتجش كاع، وحتى لنتج،شوف تشوف واش يجيب ولادو حاملين للطفرة ولا لا، على حساب واش هو حامل للطفرة ولا لا.
وعليه اتقوا الله فالأثمنة وديرو بحساب هاد الأشياء الله يهديكم.
