Kalaw မြို့နယ်မှ တိလေးများ

17/09/2023

မင်းတို့တွေခွေးကျွေးမယ့်အစား လူတွေကိုကျွေးပါလားကွာ ပိုပြီးကုသိုလ်ရတာပေါ့ ....လူနဲ့ခွေးဘယ်ဟာပိုမြတ်သလည်းပြော ...

ဟုတ်ကဲ့ လူနဲ့တိရစ္ဆာန်ဆို လူကပိုမြတ်တာပေါ့ဗျာ ...ခွေးကိုကျွေးတာထက်စာရင် လူတွေကိုကျွေးမွေးအလှူပြုလုပ်တာ ပိုမြတ်တာပေါ့ ...လူလူခြင်းတူရင်တောင် သီလရှိတဲ့လူကို လှူရင်ပိုမြတ်တာပေါ့ဗျာ ..သီလရှိတဲ့လူနဲ့ ရဟန်းကို လှူရင် ရဟန်းသံဃာကိုလှူရတဲ့အလှူကပိုမြတ်တာပေါ့ဗျာ နောက်ဆုံးကုန်ကုန်ပြောရင် ရဟန္တာကိုလှူရင် ပိုတောင်မြတ်သေးတာပေါ့ ...ရဟန္တာခြင်းတူရင် တောင် နိဂျောဓ သမာပတ်က ထလာတဲ့ရဟန္တာကိုလှူရင် ပိုမြတ်တာပေါ့ဗျာ ...

ဒါတွေကို တိချစ်သူတွေ မသိတာမဟုတ်ဘူးသိတယ် ..နားမလည်တာမဟုတ်ဘူး နားလည်တယ် .,

တိချစ်သူတွေဆိုတာ ဘယ်တော့မှကုသိုလ်အကျိုးကို မမျှော်မှန်းဘူး ကြုံရင်ကြုံသလို လှူကြတဲ့သူတွေ ဒါနပြုကြတဲ့သူတွေချည်းဘဲ ...

ဆင်းရဲဒုက္ခရောက်နေကြတဲ့လူတွေကိုတွေ့ရင်လည်း ကြုံသလိုလှူတယ် ရဟန်းသံဃာတွေကိုလှူဖို့ကြုံရင်လည်း မြတ်သောအလှူကိုပြုလိုက်ကြတာဘဲ
တိရစ္ဆာန်တွေကိုတောင် ကိုယ်ချင်းစာနာစိတ်ထားပြီး လှူဒါန်းကြတယ်ဆိုရင် လူသားအချင်းချင်းနဲ့ မြတ်သော ပုဂ္ဂိုလ်တွေအတွက် မလှူဒါန်းဘဲနေပါ့မလားဗျာ ..

တိချစ်သူတွေဆိုတာ အလှူခံရဟန်းနဲ့ ဆင်းရဲသောလူ နဲ့ ဆာလောင်နေသောခွေး အတူတူတွေ့ခဲ့ရင် ..ဆာလောင်နေသော ခွေးကို ပိုပြီးဦးစားပေးပြီးကျွေးမွေးတတ်ကြတယ် ...ဘာကြောင့်လည်းဆိုတော့ တိချစ်သူတွေရဲ့ စိတ်ဟာ စွန့်လွှတ်နိုင်စွမ်းရှိကြတယ် ကိုယ်ချင်းစာတရားရှိကြတယ် မေတ္တာစိတ်ရှိကြတယ် ရောင့်ရဲတတ်ကြတယ် ..ဒါကြောင့် ထိုထိုကုသိုလ်အကျိုးတွေရှိမယ်ဆိုတာ သိတာတောင် ခွေး ကြောင် အစရှိသော တိရစ္ဆာန်များကိုသာ ပိုပြီး လှူဒါန်းတတ်ကြပါတယ် ..မြတ်သော ပုဂ္ဂိုလ်တွေကိုလှူဒါန်းလို့ရှိလာမယ် ကုသိုလ်အကျိုးထက် ဆာလောင်ချိနဲ့သော ခွေးတစ်ကောင်ကို ကျွေးမွေးခြင်းကြောင့် တိသတ္တဝါရဲ့ လက်ရှိဒုက္ခအခိုက်အတန့်အားဖြင့်ကင်းဝေးစေလိုတဲ့ စိတ် ..အဲ့ဒီကိုယ်ချင်းစာစိတ်ဟာ တိချစ်သူတွေမှာအပြည့်ရှိတတ်ကြပါတယ် ..

လူတစ်ယောက် ဆင်းရဲဒုက္ခရောက်နေလျှင်အနည်းဆုံးတော့ တောင်းရမ်းစားသောက်နိုင်သေးသည် အစာငတ်၍မသေနိုင်သေး

ရဟန်းတစ်ပါးကိုဆွမ်းမလောင်းလိုက်ရလျှင်တောင် အခြားလောင်းလှူမည့်သူများရှိနေနိုင်သေးသည်

လူသားတွေလိုအသိဥာဏ်မရှိသော တောင်းရမ်းစားသောက်ခြင်းမပြုတတ်သော ဆာလောင်ချိနဲ့နေသော ခွေးတစ်ကောင်ကိုမူ မည်သူမျှ အလေးဂရုပြု၍ကျွေးမွေးကြမည်မဟုတ်ပါ ....ထိုထိုသောအချင်းအရာများကြောင့် တိချစ်သူများသည် ဆင်းရဲဒုက္ခရောက်ဆာလောင်ချိနဲ့နေကြသော တိလေးများကို ကိုယ်ချင်းစာတရားဖြင့် ကျွေးမွေးနေကြခြင်းသာဖြစ်ပါတယ် ....

ဒါကြောင့် တိချစ်သူတွေဆိုတာကုသိုလ် လောဘကြီးသူတွေမဟုတ်ပါ ...ရောင်ရဲ့တင်းတိမ်တတ်ကြသော ကိုယ်ချင်းစာစိတ်အပြည့်ရှိကြသည့် နှလုံးလှ မေတ္တာရှင် များသာ ဖြစ်ကြသည်ဟု မှတ်ချက်ပေးချင်သည် ..။ ။

John Korner

09/02/2023

🤗❤🤗

01/10/2021

ရင်ထဲထိမိ

30/09/2021

အဲ့မှာဟူးမန်းမအတွက်စပရိုက်ဂေ့စ်😑

30/09/2021

ငယ်ကျွန်ဆိုတာဒါမျိုး

30/09/2021

ဘေးအိမ်သို့အဆင်လေးပြောင်းလာသောအခါ👀

30/09/2021

အစာလာကျွေးတယ်ထင်ပြီး အပြေးလာမိတာပါ။

ကျေးဇူးတင်တဲ့စိတ်လေး ရင်ထဲထည့်ပြီး စားလိုက်မိတယ်။

ကျွန်တော်ဘော်ဒါတွေလည်း ပြေးလွှားလုယက်ပြီး စားကြတာ။

ကျွန်တော့်စိတ်ထဲ ဒီလူတွေ ကြင်နာတက်လိုက်တာ။

ကျွန်တော်တို့ကို ချစ်လို့ကျွေးတာနေမယ်။

ကျွန်တော်တို့သိထားတဲ့လူဆိုတာ ကြင်နာတက်၊ စာနာတက်ပြီး
ငှဲ့ညှာသနားတက်တဲ့ထူးဆန်းတဲ့အရာကြီးတစ်ခုပေါ့။

ကျွန်တော် အမြီးလေးနှံ့ပြလိုက်တယ်။
ကျွန်တော့်ရဲ့Intelligent Eyesတွေနဲ့ လာကျွေးတဲ့လူတွေကိုကြည့်ပြီး
ပျော်လိုက်တာ။ ကျေးဇူးလည်းတင်လိုက်တာ။

😢😢😢😢
ခဏမှာပဲ ကျွန်တော့်ရင်ထဲ မီးနဲ့ထိုးသလို ကျွန်တော့်နှလုံးတွေ ကြွေကျလာသလို
ကျွန်တော့်ခြေတွေလက်တွေ ဖြောင့်တန်း ကျွန်တော့်တစ်ကိုယ်လုံးနာကျင်မူးဝေပြီး
ကျွန်နော့်ကို အရှင်လတ်လတ်မီးရှို့နေသလိုပါပဲ😢

ဒါပေမယ့် ကျွန်တော် လူတွေကို ယုံကြည်နေတုန်းပဲ။

သူတို့ကျွေးတဲ့အစာကြောင့် ဒီလိုဖြစ်တယ်ဆိုတာကို ကျွန်တော်မသိရှာဘူး။
ကျွန်တော့်ကို ကယ်ပေးဖို့ အကူအညီတောင်းနေမိတယ်။
ကျွန်တော့်ကို ရေတိုက်ပါနော်။ ကျွန်တော့်ရင်တွေ ပူလွန်းလို့ပါ။
ကျွန်တော့်ကို ထွေးပွေးထားပေးပါ။ ဒီဝေဒနာကို မခံစားဖူးလို့ အရမ်းကြောက်လို့ပါ။
ကျွန်တော်ကို ကယ်မယ်ဆိုတာ ကျွန်တော်သိပါတယ်😢
ဒီလိုနဲ့ပဲ သေလောက်အောင်ခံစားရပြီး ကျွန်တော့်အလင်းတွေပျောက်သွားခဲ့တယ်။

ကျွန်တော် မသိထားတဲ့နောက်ကွယ်မှာတော့
လူဆိုတာ သတ်ဖြတ်တက်တာပါလား။
လူဆိုတာ အသာစီးရရင် ရသလိုယူတက်ပါလား။
လူဆိုတာ ကမ္ဘာလောကကြီးတစ်ခုလုံးအပိုင်သိမ်းချင်တာလား။
.......

ကျနော်တို့ဘာလုပ်မိလို့လဲဗျာ😢

အစာမကျွေးချင်နေပါအဆိပ်တော့မကျွေးပါနဲ့ 😫

Credit >M.N

04/09/2021

14/08/2021

14.8.2021
၃ကြိမ်မြောက်ကလောမြို့ထဲကခွေးလေးတွေအစာကြွေးဖို့ပြင်ဆင်နေ
ကိုယ်တက်နိုင်သလောက်လေး

14/08/2021

ဒုတိယအကြိမ်ကလောမြို့မှတိလေးများအားအစာလိုက်ကြွေးခဲ့
၁၃ရက်၈လ၂၀၂၁ခုနှစ်

14/08/2021

ပထမအကြိမ်ကလောမြို့ကားလမ်းဘေးနဲ့လမ်းကြားထဲကခွေးလေးတွကိုအစာလိုက်ကြွေးခဲ့တယ်
၁၂ရက်၈လ၂၀၂၁ခုနစ်

12/08/2021

ခွေးကျွေးခြင်း၏ ကုသိုလ်အကျိုး
===============

သေချာဖတ်ကြည့်နော်…
~~~~~~~~
ဘယ်နေရာရောက်ရောက် ခွေးကျွေးတဲ့အလုပ်ကလေးကိုတော့ ၀တ်တစ်ခုလိုကိုထားပြီး လုပ်ဖြစ်ပါတယ်။ တစ်ခါတလေဆို လမ်းပေါ်မှာခွေးပိန်ကလေးတွေ တွေ့ရရင်တောင် နီးစပ်ရာမုန့်ဆိုင်က၀ယ်ပြီး ကျွေးခဲ့ဖူးပါတယ်။ တစ်နေ့တော့ ဒီခွေးကျွေးတာနှင့် ပတ်သက်ပြီး သူငယ်ချင်းကမေးခွန်းတစ်ခု မေးလာပါတယ်။

“တနင်္လာနံမို့ ခွေးကျွေးတာလား” တဲ့။

မိမိက “တနင်္လာနံ ဆိုတာ ဘာလဲ” လို့ ပြန်မေးတော့ သူငယ်ချင်းက “ငွေနံလေ” တဲ့။

ဒီတော့မှ မိမိလည်းသဘောပေါက်သွားပြီး “တနင်္လာနံကြောင့်တော့ မဟုတ်ဘူး။ သီဟိုဠ်၀တ္ထုလေးတစ်ပုဒ်ကို ဖတ်ဖူးထားလို့ပါ” လို့ပြောပြီး အဲဒီသီဟိုဠ်၀တ္ထုလေးကိုပါ သူငယ်ချင်းကိုပြောပြဖြစ်လိုက်ပါတယ်။ သူငယ်ချင်းက
“သြော်...ဒါကြောင့်ကိုး။” လို့ အတည်လိုလိုနောက်သလိုလိုနဲ့ ပြန်ပြောခဲ့တာ အခုအထိ မှတ်မိနေပါသေးတယ်။

သူငယ်ချင်းကို ပြောပြဖူးခဲ့တဲ့ သီဟိုဠ်၀တ္ထုလေးကို အခုချစ်တဲ့ စာဖတ်သူတွေကိုလည်း ပြန်ပြောပြချင်ပါတယ်။

♦ တစ်ခါတုန်းက သီဟိုဠ်ကျွန်းမှာ "အရှင်စူဠနာဂ" လို့ အမည်ရတဲ့
မထေရ်တစ်ပါးရှိခဲ့ဖူးပါတယ်။

သီဟိုဠ်ကျွန်း အနုရာဓမြို့မှာ မြတ်စွာဘုရားရဲ့ညှပ်ရိုးတော်ကို ဌာပနာထားရာလည်းဖြစ်၊ဒေဝါနံပိယတိဿမင်းကြီးရဲ့ ကောင်းမှုလည်းဖြစ်တဲ့
ထူပါရုံစေတီဆိုတာ ရှိပါတယ်။ ထူပါရုံစေတီတော်ရဲ့အနီးမှာရှိတဲ့ ကျောင်းကြီးကိုလည်း ထူပါရုံကျောင်းတိုက်ကြီးလို့ ခေါ်ပါတယ်။ အရှင်စူဠနာဂဟာ အဲဒီထူပါရုံကျောင်းတိုက်ကြီးမှာ တခြားရဟန်းတော်တွေနှင့်အတူ သီတင်းသုံးနေတဲ့ ရဟန်းတစ်ပါးပါ။

♦ တစ်နေ့မှာ အရှင်စူဠနာဂဆွမ်းစားပြီးလို့ ခံတွင်းဆေးပြီးချိန်မှာ သားတွေပေါက်ထားတဲ့ခွေးမတစ်ကောင်ကို တွေ့လိုက်ရပါတယ်။ခွေးမကိုသေချာ
ကြည့်လိုက်တော့ ပိန်ပိန်ချည့်ချည့်နဲ့ အတော်ဆာလောင်မွတ်သိပ်နေတဲ့ပုံပါ။ ဆာလောင်မွတ်သိပ်နေပုံရတဲ့ ခွေးမကိုမြင်လိုက်တော့ အရှင်စူဠနာဂက တော်တော်လေး သနားသွားပါတယ်။ ဒါပေမယ့် ဆွမ်းစားပြီး သပိတ်ဆေးပြီးပြီဆိုတော့

ကျွေးစရာဆွမ်းကျန်လည်း မရှိတော့ပါဘူး။

ဒါကြောင့် ဘာလုပ်လိုက်သလဲဆိုတော့ “ငါသည် စားအပ်ပြီးသော အစာမှန်သော်လည်း ထိုခွေးမအား အန်၍ လှူအံ့သောငှာအပ်၏” လို့ နှလုံးပိုက်ပြီး မိမိရဲ့ ခံတွင်းထဲကို လက်ထိုးအန်ပြီး ခွေးမကိုကျွေးလိုက်ပါတယ်။

အရှင်စူဠနာဂဟာ ခွေးမကို အန်ကျွေးရုံတင်မကပါဘူး၊ အိုးခြမ်းကွဲတစ်ခုထဲမှာ ရေထည့်ပြီး ရေလဲတိုက်လိုက်ပါသေးတယ်။

အစာထိုက်သင့်သလောက်ဝသွားတဲ့ခွေးမကို ကြည့်ပြီး အရှင်စူဠနာဂ လည်း တစ်ခါမှ မဖြစ်ဖူးတဲ့
ပီတိတွေဖြစ်လာပါတယ်။

♦ဒါကြောင့် ဆုတစ်ခုကို ကောက်ခါငင်ခါ တောင်းလိုက်ပါတယ်။ သူ့ရဲ့ဆုတောင်းက

♦"ငါသည် ဤခွေးမအား မိမိရဲ့ခန္ဓာကိုယ်ကို မငဲ့ကွက်ဘဲ အန်၍ကျွေးလိုက်ရသော ကုသိုလ်ကောင်းမှုကြောင့် နိဗ္ဗာန်ရောက်ရပါလို၏။ နိဗ္ဗာန်မရသေး၍ သံသရာကျင်လည်ရသည်ရှိသော် ပစ္စည်းလာဘ်လာဘပေါများရပါလို၏" တဲ့။

စာမှာတော့ အရှင်စူဠနာဂရဲ့ ဒါနစေတနာဟာ ပထမဇောအဆင့်မှာတင် အရှိန်အဟုန်အစွမ်း တော်တော်ကြီးမားနေခဲ့တယ်လို့ ဆိုပါတယ်။

♦အရှင်စူဠနာဂဆုတောင်းတဲ့နေ့ ညချမ်းမှာပဲ ဒကာ ဒကာမများစွာဟာ ထောပတ်တွေ တင်လဲခဲတွေ သကာတွေ ပျားရည်တွေ ယူလာပြီး “အရှင်စူဠနာဂ ဘယ်ကျောင်းမှာ နေပါသလဲ” လို့ မေးပြီး ရောက်လာကြပါတယ်။ အရှင်စူဠနာဂလည်း ကိုယ့်ကိုယ်ကို အံ့အားသင့်နေပါတယ်။ အရှင်စူဠနာဂဟာ ရောက်လာတဲ့ ဘုဉ်းပေးစရာတွေကို သီတင်းသုံးဖော်ရဟန်းတော်တွေကိုပါ ခွဲဝေလှူဒါန်းလိုက်ပါတယ်။

♦နောက်မကြာခင်မှာ ဒကာ ဒကာမတွေ ထပ်ရောက်လာပြန်ပါတယ်။
သူတို့ သီဟိုဠ်ခေတ်မှာ အသုံးများတဲ့ ဇာတိပ္ဖိုလ်ပွင့် အစရှိတဲ့ဆေးတွေကို ယူလာပြီး ကပ်လှူပြန်ပါတယ်။ အရှင်စူဠနာဂလည်း ရှေးနည်းအတိုင်း သီတင်းသုံးဖော်တွေကိုပါ ခွဲဝေလှူဒါန်းလိုက်ပါတယ်။

♦နံနက်လင်းလို့ ဆွမ်းခံကြွတဲ့အခါမှာတော့ ဒကာ ဒကာမတွေဟာ ရေတွက်လို့မရနိုင်လောက်အောင် ဆွမ်းဟင်းများစွာကို လောင်းလှူတော့တာပါပဲတဲ့။

♦ဘယ်လောက်အထိ ဆွမ်းတွေရသလဲဆိုရင် ထူပါရုံကျောင်းတိုက်မှာ သီတင်းသုံးနေတဲ့ ရဟန်းတော်အားလုံး သုံးဆောင်နိုင်လောက်အောင်အထိ များပြားလွန်းတယ်လို့ ဆိုပါတယ်။ ဒါကြောင့် အရှင်စူဠနာဂက ကျောက်စည်ကို တီးခတ်ပြီး ထူပါရုံကျောင်းတိုက်မှာ သီတင်းသုံးနေတဲ့ ရဟန်းတော်တွေကို ပြန်ပြီးလောင်းလှူလိုက်ပါတယ်။ နောက်ရက်တွေမှာလည်း အရှင်စူဠနာဂဟာ ရသမျှဆွမ်းဟင်းတွေကို ကျောက်စည်တီးခတ်ပြီးနေ့စဉ်ပြန်လှူခဲ့ပါတယ်။

♦တစ်နေ့မှာတော့ အရှင်စူဠနာဂဟာ မိမိပြုခဲ့တဲ့ ဒါနစေတနာကို ပြန်ဆင်ခြင်ရင်း ပီတိတွေဖြစ်လာပါတယ်။ အဲဒီဖြစ်ပေါ်လာတဲ့ ပီတိကို အခြခံပြီး ဝိပဿနာဘက်ကူး ကမ္မဋ္ဌာန်းဘာ၀နာကို ကြိုးကြိုးစားစား အားထုတ်လိုက်တာ ရဟန္တာဖြစ်သွားခဲ့ပါတယ်။ တက်ကြွထက်သန်တဲ့ "ဒါနစေတနာ"ဟာ ပစ္စုပ္ပန်အကျိုးတင်မကဘဲ "အရဟတ္တဖိုလ်"အထိ အကျိုးပေးသွားတာပါပဲ။

♦ အရှင်စူဠနာဂ ရဟန္တာဖြစ်ပြီးနောက်ပိုင်း တစ်ခုသောကာလကြာကြာ ရက်တစ်ရက်မှာ ထူပါရုံကျောင်းတိုက်မှာရှိတဲ့ ရဟန်းတော်ငါးရာကြွလာပြီး
မဇ္စျိမဒေသ အိန္ဒိယနိုင်ငံမှာရှိတဲ့ မဟာဗောဓိပင်ကို လိုက်ပို့ပေးဖို့ တောင်းပန်ကြပါတယ်။ အရှင်စူဠနာဂကလည်း လိုက်ပို့ပေးပါမယ်လို့ ပြန်၀န်ခံလိုက်ပါတယ်။

အရှင်စူဠနာဂကို လိုက်ပို့ပေးဖို့ တောင်းပန်ရခြင်းရဲ့ အဓိကအကြောင်းကတော့ လမ်းခရီးတစ်လျှောက်မှာ ဆွမ်းကွမ်းအခက်အခဲ မရှိအောင်လို့ပါ။

အရှင်စူဠနာဂလည်း ဂတိခံထားတဲ့အတိုင်း ရဟန်းတော်ငါးရာကို မဟာဗောဓိပင်ကို လိုက်ပို့ပေးပါတယ်။ လမ်းခရီးတစ်လျှောက်မှာ နတ်ကောင်းနတ်မြတ်တွေက ကူညီစောင့်ရှောက်သလိုရောက်ရာဒေသက ဒကာ ဒကာမတွေကလည်း ဆွမ်းအချိုပွဲတွေ အလျှံအပယ် လောင်းလှူကြပါတယ်။

♦မဟာဗောဓိပင်ကိုဖူးပြီး အပြန်ခရီးမှာတော့ အရှင်စူဠနာဂဟာ လေ၀မ်းရောဂါကို အပြင်းအထန်ခံစားရပါတော့တယ်။ ဒီတော့ အတူပါလာသူ
ရဟန်းတော်တွေလည်း စိတ်မကောင်းဖြစ်ကြရပါတယ်။

♦သူတို့စိတ်မကောင်းဖြစ်ကြခြင်းရဲ့ အကြောင်းကတော့ အကယ်၍ အရှင်စူဠနာဂ လမ်းခရီးမှာ ပရိနိဗ္ဗာန်ပြုခဲ့ရင် သူတို့အတွက် ဆွမ်းဘောဇဉ်အခက်အခဲ တွေ့ကြမှာစိုးလို့ပါ။ ဒါကိုသိတဲ့ အရှင်စူဠနာဂက အဖော်ရဟန်းငါးရာကို ဘယ်လိုမိန့်သလဲဆိုတော့ “အရှင်ဘုရားတို့၊ အထွေအထူး မစိုးရိမ်ကြပါနဲ့။ တပည့်တော် ပရိနိဗ္ဗာန်ပြုခဲ့ရင် ကြွင်းကျန်တဲ့ တပည့်တော်ရဲ့ဓါတ်တော်ကို ရှေ့ဆုံးကကြွတဲ့ မထေရ်ရဲ့ရေစစ်မှာဖြစ်ဖြစ်၊ သပိတ်မှာဖြစ်ဖြစ် ဖွဲ့ချည်ပြီး မြို့ရွာထဲ၀င်ပါဘုရား။ ဒါဆို အရှင်ဘုရားတို့အတွက် လမ်းခရီးမှာ ပစ္စည်းလေးပါးအတွက် မပင်မပန်းဖြစ်ရပါလိမ့်မယ်ဘုရား။” လို့ အကြံပေးတော်မူပါတယ်။

အရှင်စူဠနာဂမထေရ်လည်း အဲဒီလိုအကြံပေးပြီး မကြာခင်မှာပဲ ပရိနိဗ္ဗာန်ပြုသွားပါတယ်။ ကျန်ခဲ့တဲ့ သတင်းသုံးဖော်ရဟန်းတော်တွေက အရှင်စူဠနာဂရဲ့ အလောင်းတော်ကို ကောင်းကောင်းသဂြိုလ်ပြီး အရှင်စူဠနာဂမှာခဲ့တဲ့အတိုင်း ဓါတ်တော်တွေကိုယူပြီးကြွတော်မူကြပါတယ်။ ကြွတော်မူတဲ့ လမ်းခရီးတစ်လျှောက် ပစ္စည်းလေးပါးမပင်မပန်းနဲ့ မိမိတို့သီတင်းသုံးရာ သီဟိုဠ်ကျွန်း ထူပါရုံကျောင်းတိုက်ကို ပြန်ရောက်ခဲ့တယ်လို့ဆိုပါတယ်။

♦စေတနာကြီးမားလှတဲ့ သာမန်ဒါနလေးဟာ ကာယကံရှင်မရှိတော့တာတောင် ကျန်ခဲ့သူတွေအတွက် အကျိုးပြုသွားတဲ့ သီဟိုဠ်ဓမ္မ၀တ္ထုလေးပါ။

♦ စေတနာရဲ့ သဘောသရုပ်ကို ဖွင့်ပြခဲ့တဲ့ ၀တ္ထုလေးအဖြစ်လည်း ပူးတွဲသဘောပေါက်လိုက်ရပါတယ်။

အရှင်စူဠနာဂရဲ့၀တ္ထုလေးကို သတိရနေသမျှတော့ခွေးတွေကို ကျွေးဖြစ်နေအုံးမှာပါ။

ခွေးတွေကို ကျွေးဖြစ်နေသမျှတော့ အရှင်စူဠနာဂရဲ့ ၀တ္ထုလေးကို သတိရနေဖြစ်အုံးမှာပါ။

Credit # # #
အရှင်ရာဇိန္ဒ(ရဝနွယ်-အင်းမ)
မေတ္တာဖြင့် ပြန်လည်မျှဝေသည်
Nan Khin May Win