Today Star Farm

Home
Myanmar
Mandalay
Today Star Farm

Pheasant and Peacock breeding

30/05/2024

✅တနှစ်မှာတခါ နွေရာသီမှာ ဥအုသားပေါက်ပြီးတိုင်း အမွှေးအတောင်တွေ အသစ်လဲတတ်ကြတဲ့ ရစ်ငှက်မျိုးတွေကို တောအရိုင်းသဘာဝမှ တဖြည်းဖြည်းချင်း အိမ်မွေးတိ/ငှက်အဖြစ်သို့ တိုးတက်လာသော ခေတ်စနစ်နှင့်အညီ မျိုးမသုဉ်းအောင် မွေးမြူထိန်းသိမ်း ပြုစုစောင့်ရှောက် လာနေကြပြီ ဖြစ်ပါတယ်။

✅ဒေါင်းပြာ၊ ဒေါင်းဖြူ၊ စပ်မျိုးဒေါင်းအကျား၊ ရွှေရစ်၊ ရွှေရစ်ဝါ၊ လေဒီရစ်ငှက်နှင့် ရိဗ်ရစ်ငှက်တို့ကို အလှမွေးငှက်အဖြစ်၄င်း၊ တရုတ်ရစ်ပါးနီနှင့် ရစ်လုံးတွေကို အသားစားမွေးမြူရေးငှက်အဖြစ်၄င်း၊ အမဲလိုက်ငှက်အဖြစ်၄င်း နှစ်များစွာကတည်းက အောင်မြင်စွာ မွေးမြူ သားဖေါက်နိုင်ကြပြီမို့ နိုင်ငံဒေသ အသီးသီးမှာ အိမ်မွေးကြက်များကဲ့သို့ပင် ပေါပေါများများ တွေ့မြင်နေရပြီ ဖြစ်ပါတယ်။ အခြားသော ရစ်ငှက်မျိုးစိတ်များကိုလည်း မျိုးသုဉ်းပျောက်ကွယ် သွားခြင်း မရှိစေရန် ( ) ကမ္ဘာ့ရစ်ငှက်အသင်းအဖွဲ့ကြီးမှ ဦးဆောင်၍ ကမ္ဘာအနှံ့ နိုင်ငံအသီးသီးမှာ အသိပညာပေးကာ ဝိုင်းဝန်း ထိန်းသိမ်း စောင့်ရှောက်လျက် ရှိနေကြပါပြီ။

✅ရစ်ငှက်များကို မည်သို့ပင် ကာလကြာရှည်စွာ မွေးမြူထားကြသော်လည်း အရိုင်းဘဝမှ ဖမ်းဆီး မွေးမြူ ပေါက်ပွါးဆင်းသက် လာကြတာဖြစ်လို့ ပင်ကိုယ်အရိုင်းစိတ်မှာ လုံးဝ ပပျောက်သွားခြင်း မရှိဘဲ ကိန်းအောင်းတည်ရှိနေတဲ့အတွက် ထိတ်လန့်ကြောက်ရွံ့စိတ်က အမြဲလွှမ်းမိုးနေတာမို့ တနှစ်မှာတခါသာ ဥအု သားပေါက်ကြတဲ့အခါ လေလွင့်ဆုံးရှုံးမှု နည်းပါးစေရန် သားပေါက်ရာသီရောက်လို့ ဥတွေအုကြလျှင် ရစ်ငှက်မများကိုယ်တိုင် ပေးမဝပ်စေဘဲ ဥဖေါက်စက် ဖြင့်သာ သားဖေါက်ပြီး ကိုယ်တိုင်ပြုစု မွေးမြူ ထိန်းသိမ်းသင့်ပါကြောင်း အကြံပြုလိုက်ပါတယ်။

✅ရစ်ငှက်ချစ်သူ ဝါသနာရှင် ညီအစ်ကိုများအတွက် ဗဟုသုတရစေရန် ဒီနှစ် ကျွန်တော်ခြံမှာ သားပေါက်ကြတဲ့ ရစ်ငှက်များရဲ့ သားပေါက်ပုံလေးများကို မြင်ဖူးအောင် တင်ပြပေးလိုက်ပါတယ်။

Kyaw Tint
Today Star Farm

https://www.facebook.com/111240617722106/posts/373285081517657/

21/05/2024

✅ကျွန်တော်တို့တတွေဟာ သဘာဝတောရိုင်းတိရစ္ဆာန် နဲ့ လူတို့အတွက် အသားစားဖို့ မွေးမြူကြတဲ့ မွေးမြူရေးတိရစ္ဆာန် တို့ကို ကွဲကွဲပြားပြား သိရှိကြဖို့ အလွန်အရေးကြီးပါတယ်။ မွေးမြူရေးအသားဆိုတာ အသားစားဖို့ စီစဉ်ထုတ်လုပ်ထားတာဖြစ်လို့ မျိုးတုံးစရာ အကြောင်းမရှိပါ။ ဒါပေမဲ့ တောရိုင်းတိ/ငှက်တွေကို မွေးမြူရေးအသားလိုသဘောထားပြီး တောကောင်သား စားသောက်ဆိုင်တွေဖွင့်ကာ စည်းမဲ့ကမ်းမဲ့ အလွန်အကျွံ စီးပွါးဖြစ် ဖမ်းဆီး ရောင်းချ စားသောက်နေကြရင် မကြာမီ ရှားပါးမျိုးသုဉ်း ပျောက်ကွယ်သွားပါလိမ့်မယ်။

✅လူနှင့် သဘာဝပတ်ဝန်းကျင်တခုလုံး သဟဇာတဖြစ်နေစေဖို့ တောရိုင်းတိရစ္ဆာန်လေးများကို သတ်ဖြတ်စားသောက်ခြင်းကို အထူးရှောင်ကျဉ်သင့်ပါတယ်။ ထို့ကြောင့်လည်း နိုင်ငံတော်မှ သဘာဝတောရိုင်းတိ/ငှက်လေးတွေကို မျိုးသုဉ်း ပျောက်ကွယ် မသွားစေရန် သဘာဝဘေးမဲ့တောများ တည်ထောင်ကာ ထိန်းသိမ်းကာကွယ်စောင့်ရှောက်နိုင်ဖို့ ဥပဒေထုတ်ပြီး တားမြစ်ထားတာဖြစ်ပါတယ်။

✅မည်သို့ပင် ဥပဒေထုတ်ကာ ကာကွယ်တားဆီး ပေးထားပါသော်လည်း ဒေသခံတို့ရဲ့ဘဝ ဆင်းရဲမွဲတေမှုကြောင့် သဘာဝတောရိုင်းတိ/ငှက်ထိန်းသိမ်းရေး အသိဥာဏ်နည်းပါးလို့ စီးပွါးဖြစ် ဖမ်းဆီး သတ်ဖြတ် ရောင်းချမှုဟာလည်း တနေ့တခြား မျိုးသုဉ်းပျောက်ကွယ်ရခြင်း အကြောင်းအရင်း တခုဖြစ်လာပါတယ်။ တောရိုင်းတိ/ငှက်များ နေထိုင်ကျက်စားရာ သစ်တောများကို အဆမတန် ခုတ်ယူခြင်းကြောင့် သစ်တောပြုန်းတီးခြင်းကလည်း ဂေဟစနစ်ကို အကြီးအကျယ် ပျက်စီးစေသလို အစာကွင်းဆက် ပြတ်သွားရင်လည်း သူတို့ရဲ့ဘဝ အသက်ဆက် ရှင်သန်ဖို့အတွက် ကြီးမားတဲ့ အန္တရာယ်ဆိုးကြီး ဖြစ်နေပြန်ပါတယ်။

✅တောရိုင်း တိ/ငှက်လေးများအား စီးပွါးဖြစ် ဖမ်းဆီး သတ်ဖြတ် ရောင်းချ ဝင်ငွေရှာခြင်း၊ အဆမတန် အလွန်အကျွံ ထင်းခုတ် မီးသွေးဖုတ်ခြင်း၊ သစ်ခုတ်ခြင်းများကိုလည်း ဥပဒေဖြင့် တားဆီးကာကွယ်ပေးသင့်သလို ကျေးလက်နေ ဒေသခံတို့အတွက် လျှပ်စစ်မီးအပါအဝင်၊ လမ်းပန်းဆက်သွယ်ရေး ကောင်းမွန်အောင် လုပ်ဆောင်ပေးသင့်ပါတယ်။ ဒေသထွက်ကုန်များ ၊ ဆေးဖက်ဝင် သစ်ဥသစ်ဖုများ ရောင်းချနိုင်ရန် ခရီးသွားလုပ်ငန်းများကိုပါ ဖန်တီးပေးကာ ဒေသခံတို့ရဲ့ဘဝ အဆင်ပြေအောင် အလုပ်အကိုင် အခွင့်အလမ်းများ လုပ်ဆောင်ပေးရင်း တောရိုင်းတိ/ငှက်လေးများကို ချစ်ခင်သနားတတ်လာအောင် ထိန်းသိမ်းရေး အသိပညာပေး ဟောပြော စည်းရုံးသိမ်းသွင်း သင့်ပါတယ်။

✅ဥပဒေအရ ကာကွယ်ခြင်းထက် အများပြည်သူက မိမိရဲ့ ကိုယ်ပိုင်ထိန်းသိမ်းရေး အသိဥာဏ်ဖြင့် ဝိုင်းဝန်းကာကွယ်ခြင်းကသာ ပိုမိုထိရောက်နိုင်ပါတယ်။ သဘာဝတောရိုင်း ရှားပါးမျိုးစိတ် တိ/ငှက်များကို ဥပဒေနှင့်အညီ မွေးမြူထိန်းသိမ်း သားဖေါက်ကာ သူ့တို့ကျင်လည်ကျက်စားရာ တောထဲသို့ သဘာဝအတိုင်း စနစ်တကျ ပြန်လည်လွှတ်ပေးခြင်းဟာလည်း မျိုးသုဉ်းပျောက်ကွယ်ခြင်းကို တဖက်တလမ်းမှ ကာကွယ်ပေးနိုင်သော နည်းလမ်းကောင်းတရပ်ဖြစ်ပါတယ်။

✅ထို့ကြောင့် လွန်ခဲ့တဲ့(၃)နှစ်က အွန်လိုင်းပေါ်မှာတွေ့လို့ ငှက်မုဆိုးများထံမှ CPကြက် ၁၀ပိဿာဖိုးနဲ့ လဲလှယ် ဝယ်ယူ ကယ်တင်မွေးမြူထားတဲ့ ’ #ကျောဖြူရစ်ပြာ စုံတွဲဟာ ကျွန်တော်တို့ခြံမှာ ဒီနှစ် ပထမဆုံး သားပေါက်တဲ့ ဗီဒီယိုဖိုင်လေး ဖြစ်ပါတယ်။ နောက်နှစ်များမှာ ဆက်တိုက်သားပေါက်လာလျှင် သင့်တော်ရာ တောထဲသို့ ပြန်လွှတ်ဖို့ ရည်ရွယ်ချက်ဖြင့် မွေးမြူသားဖေါက်နေခြင်း ဖြစ်ပါတယ်။ တောကြက်များကို သားဖေါက်ပြီး နီးစပ်ရာ တောရဘုန်းကြီးကျောင်းတွေမှာ နှစ်စဉ် ဘေးမဲ့လွှတ်ပေးလျက် ရှိနေပါတယ်။ ဝါသနာတူ ညီအစ်ကိုများ ပူးပေါင်းပါဝင်ကြပါရန် ဖိတ်ခေါ်လိုက်ပါတယ်။

Kyaw Tint
Today Star Farm

https://www.facebook.com/111240617722106/posts/281486564030843/

09/05/2024

#ငှက်ချစ်သူဝါသနာရှင်များသို့/-

✅မွေးမြူရေး အောင်မြင်လိုလျှင် မိမိ မွေးမြူလိုသော တိ/ငှက်လေးများကို မမွေးမြူခင်မှာ သူတို့ရဲ့ ဓလေ့စရိုက် အနေအထား အစားအသောက်နဲ့ နေထိုင်ကျက်စားပုံ အမူအကျင့် သဘာဝတို့ကို ကြိုတင်လေ့လာ သင်ယူပြီး ကိုယ့်ထက်အတွေ့အကြုံရှိသော စီနီယာ ကြီးများထံမှ အကြံဥာဏ်ကောင်းများရယူကာ စတင်စမ်းသပ် မွေးမြူသင့်ပါတယ်။

✅ကျွန်တော်ရဲ့အတွေ့အကြုံအရ ရစ်ငှက်တွေဟာ ၂နှစ်သားဆိုရင် အရွယ်ရောက်လို့ သားပြန်ပေါက်ကြပေမဲ့ ဒေါင်းငှက်အထီးအမတွေဟာ သုံးနှစ်သားအရွယ်ရောက်မှသာ ဒေါင်းအထီး/ဒေါင်းဖိုရဲ့ အမြှီးဆံဟာ ၄ပေခန့်အထိ ရှည်လျားလာပြီး ဆောင်းအကုန် နွေကူးလို့ နွေဦးကာလရောက်လာလျှင် ၄င်းအမြှီးဆံကို ဖြန့်ကားကာ သူမိတ်လိုက်လိုသော ဒေါင်းအမကို မိတ်လိုက်အက ကပြမြှူဆွယ်ပြီး တနှစ်မှာတသား မိတ်လိုက်သားပေါက်လေ့ရှိပါတယ်။

✅ဒေါင်းအမကို အရွယ်ရောက်နှင့်ပြီးသော ၃နှစ်သားနှင့်အထက် ဒေါင်းအထီးနှင့် သားပေါက်ရာသီမရောက်ခင် ကြိုတင်တွဲပေးထားလျှင် စောစောသားပေါက်နိုင်ကြောင်း လေ့လာသိရှိထားပါတယ်။

✅အခုတော့ ကျွန်တော်ရဲ့ခြံမှာ ၂နှစ်သားဒေါင်းဖြူတွေဟာ မိတ်လိုက်ပြီး ဥတွေအုကြပေမဲ့ အထီးရော အမပါ အရွယ်မရောက်ကြသေးလို့ သားမအောင်လောက်ဘူးလို့ ထင်ထားခဲ့ပေမဲ့ မမျှော်လင့်ဘဲ ဒေါင်းဖြူလေးတစ်ကောင် စတင်သားပေါက်တာ မြင်တွေ့လိုက်ရတော့ အတိုင်းမသိ ဝမ်းသာပီတိဖြစ်မိပါတယ်။

✅မျိုးကောင်းမျိုးသန့်ကို ရွေးချယ်မွေးမြူသင့်သလို ဒေါင်းခြံကိုလည်း တတ်နိုင်သမျှ ကျယ်ကျယ်မြင့်မြင့်နဲ့ သဘာဝဆန်ဆန် သစ်ပင်ဝါးပင်များနဲ့ ဖန်တီးတည်ဆောက်ပေးပြီး တနှစ်ပတ်လုံး ဆေးဝါး၊ အစာအဟာရ ပြည့်ပြည့်ဝဝနဲ့ ကျွေးသားမွေးသားကောင်းလျှင် အခုလို ခြံလှောင်မွေးမြူခြင်းကို သဘာဝထက်ပင် ပိုပြီးနှစ်သက်ပျော်ရွှင်ကြလို့ အရွယ်မရောက်ခင်မှာ မိတ်လိုက်သားပေါက်ကြသလို သက်တမ်းပါ ပိုရှည်နိုင်တယ်ဆိုတာ သိလိုက်ရပါတယ်။

✅ဒေါင်းငှက်မွေးမြူရေးအတွက် စနစ်တကျမွေးမြူတတ်စေရန် အတွေ့အကြုံဗဟုသုတများ မျှဝေပေးပါသော World Pheasant Association (WPA)မှ Friedrich Esser ၊ ဆက်သွယ်ပေးသော ဝါသနာရှင် ကို (မန္တလေး)နှင့် ဒေါင်းငှက်လေးများကို ထိုင်းနိုင်ငံမှ မှာယူတင်သွင်းပေးသောSai Aggar Minn တို့ကို အထူးပင်ကျေးဇူးတင်ရှိပါကြောင်း ဤပို့စ်လေးဖြင့် မှတ်တမ်းတင် ဂုဏ်ပြုအပ်ပါတယ်။

Kyaw Tint
Today Star Farm

https://www.facebook.com/todaystarfarm/videos/1343532729668314/သင်၏တိ/

29/04/2024

#ရောက်သူတိုင်းရွှင်လန်း_TodayStarFarm.

✅ဒေါင်းငှက်အပါအဝင် ရစ်ငှက်အုပ်စုဝင်တွေဟာ တနှစ်မှာ တရာသီ၊ တရာသီမှာ တခါ၊ အခုလိုနွေပေါက်လာရင် မိတ်လိုက်သားပေါက်ကြတာမို့ ဆုံးရှုံးမှု နည်းနိုင်သမျှနည်းအောင်၊ သားပေါက် အကောင်ရေများများ ရနိုင်သမျှ ရရှိအောင် အခုလို ဥအုရာသီရောက်ရင် အောင်မြင်စွာ ဥအုသားပေါက်နိုင်ဖို့ အဆင်သင့်ဖြစ်နေအောင် သင့်တော်သော အစာအဟာရနဲ့ ကာကွယ်ဆေးများကို တနှစ်ပါတ်လုံး မျှတစွာ ကျွေးမွေးပြုစုပေးရန် အထူးလိုအပ်ပါတယ်။

✅သို့မှသာ အောင်မြင်စွာ သားပေါက်ပြီး အကောင်ရေ များများရရှိကာ အကျိုးဖြစ်ထွန်းနိုင်မှာ ဖြစ်ပါတယ်။ တနှစ်ပါတ်လုံး နည်းစနစ်မှန်မှန် မွေးမြူ ထိန်းသိမ်းစောင့်ရှောက်ဖို့ လိုအပ်သလို မျိုးကောင်းမျိုးသန့်ကိုလည်း ရွေးချယ်မွေးမြူဖို့ အထူးအရေးကြီးလှပါတယ်။

✅ဝါသနာတူ ဒေါင်းငှက်ချစ်သူများ အချင်းချင်း ဒေါင်းငှက်မွေးမြူရေး အသိအမြင်ချင်း၊ အတွေ့အကြုံချင်း ဖလှယ်နိုင်ဖို့ ကျွန်တော်တို့ #တူဒေးကြယ်စင်ခြံ သို့ လာရောက်လေ့လာ အပန်းဖြေကြပါရန် ဖိတ်ခေါ်လိုက်ပါရစေ။

Kyaw Tint
Today Star Farm

22/04/2024

#တနှစ်တခါ_မြန်မာနှစ်သစ်မှာမင်္ဂလာ🌹🌺🥰

✅တောကြက် တောငုံး တောင်ခါမှအစ ဒေါင်းငှက်အပါအဝင် ရစ်ငှက်အားလုံးကို အခုလိုနွေရာသီရောက်လို့ မိတ်လိုက်သားပေါက်ပြီးရင် အမွှေးအတောင်အမြှီးဟောင်းတွေကျွတ်ကာ အမွှေးသစ် အတောင်သစ် အမြှီးသစ်တွေ တနှစ်တခါလဲကြလို့ ရစ်ငှက်အုပ်စုဝင် ငှက်မျိုးစိတ်အဖြစ် သတ်မှတ်ထားကြတာ ဖြစ်ပါတယ်။

✅ဝါတွင်းကာလတခုလုံး အမွှေးသစ် အတောင်သစ် အမြှီးသစ်တွေ ပြန်ထွက်နေချိန်မှာ မပြေးနိုင် မပျံနိုင်လို့ တောထဲမှာ အသံမပေး၊ တွန်သံမပေးနဲ့ ငြိမ်ငြိမ်လေးနေတတ်ကြတာမို့ ရှေးလူကြီးတွေက ရစ်ငှက်အုပ်စုဝင်အားလုံးဟာ ဝါတွင်းကာလမှာ သူတို့လည်း ဥပုသ်စောင့် ဝါဆိုနေကြလို့ မြင်တွေ့ရန် ခက်ခဲတယ်လို့ ပြောစမှတ်ပြုကြပါတယ်။

✅ဝါကျွတ်ချိန်မှာ အမွှေး အတောင် အမြှီးသစ်တွေ ပြန်လည်စုံလင်ပြီမို့ ငှက်ပျိုတကောင်ကဲ့သို့ ပျော်ရွှင်မြူးတူး တွန်ကျူးရင်း အလှဆုံးအချိန်သို့ ပြန်လည်ရောက်ရှိကာ လာမဲ့နွေ သားပေါက်ရာသီအတွက် အဆင်သင့်ဖြစ်နေကြပါပြီ။

✅ရစ်ငှက်အုပ်စုဝင်တွေဟာ တနှစ်မှာတခါသာ သားပေါက်တတ်လို့ တခါအုလို့မှ တသားမရရင် မွေးမြူသူတို့အဖို့ အချိန်နဲ့ငွေကြေး ဆုံးရှုံးမှုကြီးမားလို့ နစ်နာဆုံးရှုံးမှုနည်းအောင် ဥဖေါက်စက် အသုံးပြုသင့်ပါကြောင်း အကြံပြုပါရစေ။

Kyaw Tint
Today Star Farm

17/04/2024

Great expectation (10)

#ဒေါင်းအကျား
#ရောင်စုံဒေါင်းပြာ
#သုံးရောင်ချယ်ဒေါင်း

https://www.facebook.com/100066742938873/posts/544272614474165/

13/04/2024

#လှပတဲ့အနာဂါတ်ဆီသို့✌️🌹🌺

လုပ်ချင်သလို မဖြစ်နိုင်ရင်လည်း ဖြစ်အောင်တော့ လုပ်ရမှာပေါ့။ အဓိကက လုပ်နေဖို့ပဲ လိုတာပါ။✅💪👍

https://www.facebook.com/todaystarfarm/videos/668336404397352/

11/04/2024

Coming soon !💪👍✌️🌹🌺

#အိပ်မက်တွေက_စျေးကြီးတယ်။✅
#ဒီနှစ်တော့_ဆိုလာနဲ့မှ_အဆင်ပြေတော့တယ်။🥰

https://www.facebook.com/todaystarfarm/videos/668336404397352/

10/04/2024

Great expectation (9)

#ဒေါင်းဖြူ

https://www.facebook.com/todaystarfarm/videos/1343532729668314/

https://www.facebook.com/111240617722106/posts/434838492028982/

02/04/2024

Great expectation (8)

#အိန္ဒိယဒေါင်းပြာ

https://www.facebook.com/111240617722106/posts/136394975206670/

25/03/2024

Great expectation (7)

#လေဒီဖီးဆင့် #လေဒီရစ်ငှက် #ဇာမဏီငှက်
’s_Pheasant

https://www.facebook.com/100066742938873/posts/621657696735656/

18/03/2024

Great expectation (6)

#ရွှေရစ် #ဇာမဏီငှက် #ရွှေကြက်

https://www.facebook.com/111240617722106/posts/230997575746409/

11/03/2024

Great expectation (5)

#ရွှေရစ်ဝါ #ရွှေဝါရောင်ရစ်

https://www.facebook.com/111240617722106/posts/230997575746409/

04/03/2024

Great expectation (4)

#ဝီလီယံခါလစ်ဖီးဆင့်
#ကျောဖြူရစ်ပြာ

’_Kalij_Pheasant

( L.L. Williamsi)

https://www.facebook.com/111240617722106/posts/217890237057143/

26/02/2024

Great expectation (3)

#ရစ်ရင်မဲ #ခါရစ်

https://www.facebook.com/111240617722106/posts/217890237057143/

15/02/2024

Great expectation (2)

#ဒေါင်းမင်း #ဒေါင်းကုလား

https://www.facebook.com/111240617722106/posts/198269032352597/

07/02/2024

Great expectation (1)

#ငွေရစ် #ငွေရောင်ရစ်

( L.N rufipes )

https://www.facebook.com/111240617722106/posts/208390278007139/

01/01/2024

#တောကြက်_ဘေးမဲ့လွှတ်ခြင်း_အနုပညာ။

တောကြက်ဆိုတာ တနှစ်တခါ နွေရာသီမှာ မိတ်လိုက် သားပေါက်ပြီးရင် ဝါအဝင်လောက်မှာ လည်ဆံမွှေး ခါးဆံမွှေးနဲ့ အမြှီးအဟောင်းတွေချပြီး အမွှေးသစ်လဲပါတယ်။ ဝါတွင်းကာလတခုလုံးနီးပါး ကြက်နီ ကြက်ဝါ ဘာကာလာမှ မပါ၊ အမွှေးကတုံးနဲ့ ကြက်မဲတစ်ကောင်လိုဖြစ်နေပါတယ်။ တောကြက်တွေဟာ အမွှေးနုလေးတွေပြန်ထွက်နေချိန်မှာ ဘာတွန်သံမှ မပေးတော့ဘဲ ခပ်ငြိမ်ငြိမ်လေးနေပြီး ဝါထွက်ကာလအရောက်လောက်မှာ အမွှေးအသစ်တွေနဲ့ ကြက်ပေါက်တကောင်အလား တကြော်ကြော် တွန်ကြူးသံနှင့်အတူ လှပနုပျို လန်းဆန်းတက်ကြွနေတာ တွေ့မြင်ကြရမှာပါ။

နှစ်စဉ်ဝါတွင်းကာလမှာ အမွှေးသစ်လဲကြလို့ တောကြက်တွေကို တောထဲမှာ လွယ်လွယ်ကူကူ မတွေ့နိုင်တော့တာကို ရှေးလူကြီးတွေက တောကြက်တွေ ဝါဆိုကြပြီလို့ ပြောဆိုလေ့ရှိကြပါတယ်။ ထိုကဲ့သို့ နှစ်စဉ် အမွှေးအသစ်လဲတာဟာ ရစ်ငှက်မျိုးစုံနဲ့ သဘာဝတူလို့ တောကြက်ကို ဒေါင်းငှက်၊ တောင်ခါ၊ တောငုံးများကဲ့သို့ ရစ်ငှက် အုပ်စုဝင်အဖြစ် သတ်မှတ်ထားခြင်း ဖြစ်ပါတယ်။

ကျွန်တော်ငယ်စဉ်က စွန်ရဲကြာပန်းအင်းနဲ့ ရဲရွာအနီးတဝိုက် ရှမ်းရိုးမဖက် တောတောင်တွေထဲမှာ ထင်းခုတ်သွားတဲ့အခါ တောကြက်တွန်သံ ကြားနေရသလို တခါတလေ ကိုယ့်အနီးအနားက တောကြက်တွေ ထပျံတာတွေ တွေ့ရတတ်ပါတယ်။ ထင်းခုတ်ရင်း တောကြက်တွန်သံလေးတွေ ကြားနေရရင် သာယာနာပျော်ဖွယ်မို့ အမောလေးတွေပြေလို့ တောကြက်လေးတွေကို ချစ်တတ်လာပါတယ်။

အရွယ်ရောက်လို့ ပညာတွေသင် တက္ကသိုလ်တက်လို့ မြို့ပြကို ရောက်နေခဲ့ပေမဲ့ တဒင်္ဂဘဝအမောတွေ ပြေစေခဲ့တဲ့ တောကြက်လေးတွေကို သတိရနေဆဲပါ။ တောကြက်လေးတွေရှိတဲ့ စုံတောမြိုင်မှာ ကြက်တွန်သံလေးတွေနားထောင်ရင်း အနားယူ အပမ်းဖြေချင်တာ ဘဝဆန္ဒတွေထဲက တခုပါ။ အွန်လိုင်းပေါ်မှာ တောကြက်အကြောင်း တွေ့ရတော့ ဝမ်းသာပီတိဖြစ်မိလို့ တောကြက်ဂရုတွေဝင်ကြည့်မိပါတယ်။ ဗန်းမော်ဖက်က #ဇေယျာ ဆီက တောကြက်တွေမှာယူလို့ ဝါသနာတူ နဲ့ ကျွန်တော့်ခြံမှာ မွေးမြူသားဖေါက်ခဲ့ပါတယ်။

မနှစ်ကတော့ မွေးရပ်မြေ စဉ့်ကိုင်မြို့နယ် ရှမ်းကန်ရွာ #ချမ်းဟိန်းသာရွာဦးကျောင်း မှာ ဆရာတော်ဘုရားထံခွင့်ပန်ပြီး ပထမဆုံးအကြိမ် တောကြက်သား/သမီးတွေကို ဘေးမဲ့လွှတ် ကုသိုလ်ယူဖြစ်ခဲ့သလို ယခုနှစ်မှာလည်း ကျောက်ဆည်တက္ကသိုလ်နောက်ကျောဖက်က တောင်တန်းကြီးရဲ့ အခြားတဖက်မှာရှိတဲ့ ရွာနီးနားချင်း စဉ့်ကိုင်မြို့နယ် နဘဲပင်ရွာရဲ့ #နွားလည်တောင်တောရကျောင်း မှာလည်း ကျောင်းထိုင်ဆရာတော်ထံ ခွင့်ပန်ပြီး တောကြက်သား ၂ထီးနဲ့ ၃မကို ဒုတိယအကြိမ် ဘေးမဲ့လွှတ် ကုသိုလ်ယူဖြစ်ခဲ့ပါတယ်။

ဒီနေ့ 1.1.2024 နှစ်သစ်ကူးရက်၊ နှစ်ဦးကာလအခါသမယမှာ တတိယအကြိမ်အဖြစ် ကျောက်ဆည်မြို့နယ် အရှေ့ငယ်တိုးရွာနဲ့ ကျွန်တော့်မွေးရပ်မြေ စဉ့်ကိုင်မြို့နယ် ရှမ်းကန်ရွာကြားမှာ ရှိတဲ့ #မြစိန်တောင်တောရကျောင်း မှာလည်း တောကြက်သား ၂ထီးနဲ့ ၃မကို သဘာဝဆန်ဆန် နေထိုင်ကျက်စားနိုင်ဖို့ ဆရာတော်ဘုရားထံ ခွင့်ပန်ပြီး တောကြက်များ မျိုးမတုန်းစေရန် ကိုနေမျိုးနဲ့အတူ သာသနနယ်မြေ တောအုပ်လေးမှာ ဘေးမဲ့လွှတ် ကုသိုလ်ယူခဲ့ကြပါတယ်။

တောကြက်လေးများ ဘေးမဲ့လွှတ်ခြင်းအတွက် အဖက်ဖက်မှ ကူညီပံ့ပိုးပေးကြပါသော ကျွန်တော့်ရဲ့ #တူဒေးကြယ်စင်ခြံ ကို ပြုစုစောင့်ရှောက်ပေးနေသော ဦးလေး #ဦးမင်းအောင် နှင့်တကွ ညီလေး Kyaw San Win (နဘဲပင်ရွာ)နှင့် ညီလေး #ကိုဝင်းကြိုင် (ရှမ်းကန်ရွာ)တို့ အားလုံးကို အထူးပင် ကျေးဇူးတင်ရှိပါကြောင်း ဤပို့စ်လေးဖြင့် မှတ်တမ်းတင် ဂုဏ်ပြုအပ်ပါသည်။🙏🥰😍😘🙏

https://www.facebook.com/kyaw.tint/videos/176699572131178/?idorvanity=515021999784133

10/11/2023

ကမ္ဘာပေါ်မှာ ဒေါင်းစိမ်း (Pavo muticus)၊ ဒေါင်းပြာ ( Pavo cristatus )၊ ကွန်ဂိုဒေါင်း ( Afropavo consensus လို့ ဒေါင်း(၃)မျိုး ရှိပါတယ်။

ဒေါင်းဖြူကတော့ ဒေါင်းပြာကနေ inbreed သားအမိချင်း၊ မောင်နှမချင်း၊ မိသားစုဝင်အချင်းချင်း မိတ်လိုက်သားပေါက်ရာမျှ မျိုးရိုးနိမ့်ကျလာကာ မူလအပြာရောင်ထဲမှာ အဖြူရောင် အမွှေးအတောင်များ စတင်ပါလာရာမှ တဆင့်ပြီးတဆင့် အဖြူရောင်တွေ ပိုမိုများလာခြင်းက စတင်ဖြစ်ပေါ်လာတာ ဖြစ်ပါတယ်။ ထိုအချက်ကို သိလာသော ဒေါင်းမွေးမြူရေးသမားများက အဖြူရောင်အမွှေးအတောင် များများပါလာသော ဒေါင်းပြာ အထီး အမတို့ကို ရွေးချယ်၍ Inbreeding ထပ်ခါထပ်ခါ ဆက်လက်သားဖေါက်ခြင်းဖြင့် ဒေါင်းဖြူများ ရရှိလာခြင်း ဖြစ်ပါတယ်။

ဒေါင်းဖြူများသည် မူလဒေါင်းပြာမှ မျိုးရိုးတဆင့်နိမ့်ကာ ပေါ်ထွက်လာသောကြောင့် ဒေါင်းပြာထက် အရွယ်အစား ပိုငယ်ပါတယ်။ ဒေါင်း (၃)မျိုးထဲမှာဒေါင်းစိမ်းဟာ အရွယ်အစား အကြီးဆုံးဖြစ်ပါတယ်။

မနှစ်က ကျွန်တော်တို့ တူဒေးကြယ်စင်ခြံမှာ ဖြူဖြူဖွေးဖွေး ဒေါင်းဖြူလေးတွေကို ထိုင်းနိုင်ငံမှ မှာယူတင်သွင်းကာ စတင်မွေးထားပြီး လာမဲ့နှစ်တွေမှာ ဝါသနာတူ ညီအစ်ကိုများ မွေးမြူနိုင်ရန် ပြန်လည်မျိုးမျှ ရောင်းချပေးနိုင်ဖို့ ကြိုးစားလျက်ရှိနေပါတယ်။

https://www.facebook.com/111240617722106/posts/136394975206670/

Kyaw Tint
Today Star Farm

15/09/2023

ဒေါင်းငှက်နဲ့ ကြက်တွေမှာ မိုးရာသီရောက်လို့ မိုးလေးတဖွဲဖွဲနဲ့ ရက်ဆက်မိုးစွေလာရင် အထူးသတိထားရမှာက အစာအိမ် အူလမ်းကြောင်းဆိုင်ရာရောဂါနှင့် အသက်ရှူလမ်းကြောင်းဆိုင်ရာရောဂါတွေပါ။ ခြံမှာ မိုးရာသီမတိုင်ခင် ဒေါင်းချေး၊ ကြက်ချေးတွေကို သန့်ရှင်းရေး ကြိုတင်မလုပ်ဖြစ်ခဲ့ရင် မိုးရေတွေ ရက်ဆက်စိုလို့ ပြန်လည်ခြောက်သွေ့ချိန်မရနိုင် ဖြစ်ခဲ့ရင် ရေစိုနေတဲ့ အဲဒီအညစ်အကြေးတွေကြောင့် အနံ့အသက်ဆိုးများ ထွက်လာသလို ပေါက်ပွါးလာသော .coli / #အီးကိုလိုင် ဘက်တီးရီးယားပိုးများကြောင့် ဝမ်းပျက် ဝမ်းလျှောဖြစ်ရသလို အနံ့အသက်ဆိုးတွေကြောင့် လေပြွန်များပါ ယောင်ရမ်းကာ အသက်ရှုလမ်းကြောင်းဆိုင်ရာ ကူးစက်ရောဂါများလည်း စတင်ဝင်ရောက် လာတတ်ပါတယ်။

၄င်းရောဂါခံစားရလျှင် ၄-၅ရက်၊ တစ်ပါတ်ခန့် ကြာလာသောအခါ ဝမ်းတွေပျက်ကာ အနံ့ဆိုးပါထွက်လို့ မစင်မှာ ယင်ကောင်တွေ တဝဲဝဲနဲ့ ကြက်တွေရဲ့မျက်နှာမှာလည်း ယောင်ရမ်းစ ပြုလာပါတယ်။ အသက်ရှုသံ ပြင်းလာသလို အစာစားနှုန်းလည်း လျှော့ကျလာပါတယ်။ မျက်နှာတခုလုံး ခြင်ကိုက်ခံရသလို အနာအဖုတွေနဲ့ မျက်စိတွေပိတ်၊ နှာတွေလည်း ပိတ်လာလို့ အစာမရှာနိုင်၊ အစာမစားနိုင်ဖြစ်ကာ ကိုယ်အလေးချိန် ဆက်တိုက် လျှော့ကျလာပြီး အသက်ဆုံးရှုံးရသည်အထိ ဖြစ်စေနိုင်ပါတယ်။

ထိုကဲ့သို့သော ရောဂါလက္ခဏာများ စတင်တွေ့ရှိလာပြီဆိုလျှင် ရောဂါဖြစ်နေသော ဒေါင်းငှက်နဲ့ ကြက်တွေကို သီးခြားခြံမှာ ခွဲထားပေးရပါမယ်။ ခြံကို အမြန်သန့်ရှင်းရေးလုပ်ပါ။ ဘတ်တီးရီးယားပိုးများ သေစေနိုင်သော ဆေးရည် ( သို့မဟုတ် ) မိမိလက်လှမ်းမီရာ ခြံသန့်ရှင်းရေး ပိုးသတ်ဆေးရည်ကို ခြံအနှံ့ ဖျန်းပေးပါ။

မျက်နှာမှာရှိသော အနာအဖုမှ အဖေးလေးတွေကို အဆင်ပြေသလို ခွါပေးကာ အလွယ်တကူ ဝယ်ယူရရှိနိုင်သော Tetracycline တက်ထွာဆိုင်ဂလင်း ပိုးသတ်ဆေးပါသော #ကော်မျက်စဉ်းဆေး ကို လိမ်းပေးနိုင်သလို မျက်လုံးထဲကိုလည်း တနေ့ ၂ကြိမ်ခန့် အနည်းဆုံး ၅ရက်ဆက်တိုက် ထည့်ပေးရပါမယ်။ ရောဂါအနာပြင်းထန်လျှင် တက်ထွာဆိုင်ဂလင်းအစား Neomycin sulfate ပိုးသတ်ဆေး ပါသော ဆေးဖြင့် အနာများကို လိမ်းပေးသင့်သလို ciprofloxacin ပိုးသတ်ဆေးပါသော (သို့) Gentamicin ဆေးပါတဲ့ Garacin မျက်စဉ်းဆေးရည်ကိုလည်း တနေ့ ၂ကြိမ် ခပ်ပေးခြင်းဖြင့် ပိုမိုထိရောက် မြန်ဆန်စွာ ပျောက်ကင်းစေနိုင်ပါတယ်။

E.coli ဘက်တီးရီးယားပိုးကြောင့် အစာအိမ်နှင့် အူလမ်းကြောင်းအပါအဝင် အသက်ရှုလမ်းကြောင်းဆိုင်ရာရောဂါပါ ဖြစ်တတ်ပါသဖြင့် ပြင်ပအနာကို ပျောက်ကင်းအောင် ပိုးသတ်ဆေး လိမ်းပေး၊ ထည့်ပေးရသလို ဝမ်းတွင်းကိုလည်း Enrofloxacin ပိုးသတ်ဆေးပါသော ( သို့မဟုတ် ) ဆေးရည်ကို ဆေးညွှန်းအတိုင်း ၅ရက်၊ တစ်ပါတ်ခန့် ဆက်လက်တိုက်ကျွေးပေးခြင်းဖြင့် ကိုယ်တွင်းရှိ ဘက်တီးရီးယားပိုးကိုပါ သတ်ပေးရပါတယ် ။ ထိုးဆေး အသုံးပြုလိုလျှင် တရုတ်နိုင်ငံထုတ် Gentamicin / ဂျင်တာမိုင်စင် ဆေးကို အသားများသော ရင်အုံကို တနေ့တကြိမ် ၃ရက်ခန့် ထိုးပေးခြင်းဖြင့်လည်း သက်သာပျောက်စေနိုင်ပါတယ်။

ရောဂါကုသနေချိန်မှာ မိမိရဲ့ ဒေါင်း၊ ရစ်ငှက်နဲ့ ကြက်ကလေးများက အစာမစားနိုင်လျှင် နေ့စဉ် မနက်ညနေ အစာခွံ့ကျွေးသင့်သလို သင့်တော်ရာ အားဆေးရည် တမျိုးမျိုးကိုလည်း နေ့စဉ်မှန်မှန် တွဲဖက် တိုက်ကျွေးပေးရပါမယ်။ ခြံကိုလည်း နေရောင်ခြည်ရအောင်၊ လေဝင်လေထွက်ကောင်းအောင် ပြုလုပ်ပေးသင့်ပါကြောင်း ဒီရောဂါအကြောင်း မသိကြသေးသော တနိုင်တပိုင်မွေးမြူသူ ဝါသနာတူ ညီအစ်ကိုများအတွက်သာ ကိုယ်တွေ့သိသလောက် ဗဟုသုတကို ထပ်ဆင့် တင်ပြ မျှဝေပေးလိုက်ခြင်းသာ ဖြစ်ပါတယ်။ ပိုမိုသိလိုလျှင် နီးစပ်ရာ စီးပွါးဖြစ် ကြက်မွေးမြူရေးခြံပိုင်ရှင်များထံ ဆက်လက်မေးမြန်းကာ နည်းနာခံယူသင့်ပါတယ်။

Kyaw Tint
Today Star Farm

09/08/2023

#လေဒီဖီးဆင့် / #လေဒီရစ်ငှက် လို့ အလွယ်တကူခေါ်ကြတဲ့ Lady Amherst’s Pheasant ( )ကို တရုတ်ပြည် အနောက်တောင်ပိုင်းနှင့် မြန်မာနိုင်ငံမြောက်ပိုင်း တောတောင်ထူထပ်မြင့်မားတဲ့ အရပ်ဒေသတွေမှာ အများဆုံး တွေ့ရတတ်ပါတယ်။

1828ခုနှစ်က ဘင်္ဂလားဘုရင်ခံချုပ် William Pitt Amherst ဟာ ဒီရစ်ငှက်ကို စတင်တွေ့ရှိခဲ့ပြီး ရစ်ငှက်ရဲ့ specimem ကို အင်္ဂလန်သို့ ပထမဦးဆုံး ပေးပို့နိုင်ခဲ့လို့ ရစ်ငှက်မျိုးစိတ်သစ်ကို စတင်တွေ့ရှိသူတိုင်း မိမိ၏အမည်နာမကို ထည့်သွင်းအမည်ပေးတတ်ကြသော အလေ့အထအရ သူ့ရဲ့ချစ်ဇနီး ကို ဂုဏ်ပြုတဲ့အနေနဲ့ ’s ို့ အမည်ပေးခဲ့ခြင်း ဖြစ်ပါတယ်။

လေဒီရစ်ငှက်ဟာ ရွှေရစ်၊ ရွှေရစ်ဝါတို့ထက် အနည်းငယ် ကိုယ်ထည် ပိုကြီးသလို အမြှီးလည်း ပိုရှည်ပါတယ်။ မျိုးစိတ်တူလို့ အတူထားလျှင် မျိုးစပ်ကာ သားပေါက်နိုင်လို့ မျိုးရောစပ်သွားနိုင်ပါတယ်။ ကျွန်တော်တို့ခြံမှာ အားလုံးကို မွေးမြူထားပေမဲ့ သီးသန့်ခြံများဖြင့်သာ ခွဲခြားထားပြီး မျိုးရောစပ် သားဖေါက်လေ့ မရှိပါဘူး။

ရစ်ငှက်တွေဟာ ၂နှစ်ဆိုရင် အရွယ်ရောက် မိတ်လိုက်ကြပေမဲ့ သားပေါက်ဖို့ ခဲယဉ်းသလို သားပေါက်လာပြန်ရင်လည်း အသက်ရှင်ဖို့ ခဲယဉ်းပြန်ပါတယ်။ တနှစ်မှာတခါ နွေရောက်ရင် ၈လုံးမှ ၁၂လုံးအထိအုပြီး ကိုယ်တိုင်ဝပ်တတ်ကြပေမဲ့ ပထမဆုံးဥနဲ့ နောက်ဆုံးဥဟာ တစ်လခန့်အထိ အချိန်ကွာခြားတတ်လို့ ပထမပိုင်းဥတွေက ရက်ကြာသွားလို့ ပုပ်တာ၊ မအောင်မြင်တာလည်း ဖြစ်နိုင်ပါတယ်။ ကြက်မတွေနဲ့ဝပ်ခိုင်းလို့ သားပေါက်လာပြန်ရင်လည်း မိခင်ကြက်မကြီးရဲ့ဘာသာစကား နားမလည်သလို သဘာဝလည်း မတူတာကြောင့် ခေါ်လည်းမလာ မအေမကပ်လို့ အသက်ဆုံးရှုံးရတာတွေလည်း ဖြစ်လေ့ရှိပါတယ်။

ကျွန်တော်တို့ #တူဒေးကြယ်စင် ရစ်ငှက်မွေးမြူရေးခြံမှာတော့ ရလာတဲ့ ရစ်ဥ၊ ဒေါင်းဥတွေကို ဆုံးရှုံးမှုနည်းအောင် ဥဖေါက်စက်နဲ့သာ သားဖေါက်ပြီး ပေါက်လာရင်လည်း သူ့မိခင်ကဲ့သို့ လျှပ်စစ်မီးထွန်းပေးပြီး အနွေးဓါတ်ပေးကာ မီးလွတ်/သားခွဲအရွယ် တစ်လကျော် ၄၅ရက်သားအထိ ကိုယ်ကိုတိုင် ပြုစုစောင့်ရှောက်မှု ပေးနိုင်လို့ လေဒီရစ်ငှက်လေးတွေလည်း အထိုက်အသင့် အောင်မြင်မှုတွေ ရနေပြီလို့တော့ ဆိုနိုင်ခဲ့ပါပြီ။

https://www.facebook.com/111240617722106/posts/179456604233840/

: Photos

Kyaw Tint
Today Star Farm

01/08/2023

#ပူပြင်းရာသီ_ALL_LYTE_C

✅ရာသီဥတု အလွန်ပူပြင်းတဲ့အချိန်မှာ နယ်ဝေးကနေ မှာယူသယ်ဆောင်လာပြီး ခရီးပမ်းလာတဲ့ မိမိတို့ရဲ့ ဒေါင်း၊ ရစ်ငှက်နဲ့ ကြက်၊ ငှက်လေးတွေကို မိမိရဲ့ခြံမှာ ရောက်လာတဲ့အခါ ချက်ချင်း ရေမတိုက်သေးဘဲ အစာမကျွေးခင်မှာ ကြက်၊ ငှက်တို့အတွက် ဗီတာမင်စီပါဝင်သော ALL-LYTE C ဓါတ်ဆားရည်ကို တိုက်ကျွေးပေးသင့်ပါတယ်။

✅၄င်းဓါတ်ဆားထုပ်ကို ဝယ်ယူရရှိရန် ခက်ခဲလျှင် အလွယ်တကူ ဝယ်ယူရရှိနိုင်သော BPI / MPF ဓါတ်ဆားတစ်ထုပ်ကို ရေတစ်လီတာနဲ့ ရောစပ်ပြီး ၂၄နာရီအတွင်း ၄င်းဓါတ်ဆားရည်ကို တိုက်ကျွေးပေးခြင်းဖြင့် ခရီးပန်း နွမ်းနယ်လာတာတွေ၊ စိတ်ဖိစီးမှုဒဏ်တွေကိုပါ သက်သာ ပျောက်ကင်းစေပါတယ်။

✅အပူချိန် 40*C ကျော်လွန် ပူပြင်းတဲ့ နွေခေါင်ခေါင် အချိန်ကာလမျိုးတွေမှာလည်း မိမိတို့ရဲ့ ဒေါင်း ၊ ရစ်ငှက်နဲ့ ကြက်၊ ငှက်လေးတွေရဲ့ ဆုံးရှုံးသွားသော ကိုယ်တွင်း အရည်ဓါတ်နဲ့ သွေးပေါင်ချိန်ကို ပြန်လည် ဖြည့်တင်း ထိန်းညှိပေးပြီး ကိုယ်ခံစွမ်းအား ပြန်လည်မြှင့်တင်ပေးနိုင်စေရန်အတွက် ၄င်းဓါတ်ဆားရည်ကို တိုက်ကျွေးပေးခြင်းဖြင့် Heat stoke / အပူရှပ်ခြင်းကို ကာကွယ်ပေးပြီး အပူဒဏ်ကို ခံနိုင်ရည်ရှိစေလို့ ကြိုတင်တိုက်ကျွေး ကာကွယ်ပေးသင့်ပါကြောင်း အကြံပြုပါရစေ။

Kyaw Tint
Today Star Farm

06/07/2023

#ရွှေရစ် ( Chrysolophus Pictish )သည် တရုတ်ပြည်၏ မျိုးရင်းရစ်ငှက်ဖြစ်သောကြောင့် #တရုတ်ရွှေရစ် ဟု၄င်း၊ #ဖီးနစ်မီးလျှံငှက် ဟု၄င်း၊ #သက်တန့်ရောင်စုံရစ်ငှက် ဟု၄င်း၊ အမည်မသိကြသော မြန်မာများကတော့ အလွယ်တကူ #ရွှေကြက် ဟု၄င်း ခေါ်ဝေါ်ကြပါသည်။

ရွှေရစ်များထဲတွင် Original red မူလအနီရောင်ရွှေရစ်၊ Yellow golden pheasant အဝါရောင်ရွှေရစ်/ရစ်ရွှေဝါ၊ Peach yellow မက်မွန်သီးဝါရောင်၊ The dark-throaded လည်ပင်းအနက်ရောင် ရွှေရစ်ညို၊ Rusty tan သံချေးနီညိုရောင်၊ Mahogany မဟော်ဂနီရောင်၊ Splash မညီမညာ စပ်ကျားရောင်၊ Salmon ဆာလ်မွန်ငါးအရောင်၊ Cinnamon သစ်ဂျပိုးရောင်၊ Silver ငွေရောင် စသဖြင့် အရောင်ကွဲပြားခြားနားကြခြင်းမှာ မျိုးရိုးဗီဇ ပြောင်းလဲလာခြင်းများကြောင့် ဖြစ်ပါသည်။

ကျွန်တော်တို့ farmမှာ #မူလအနီရောင်ရွှေရစ် ကို ထိုင်းမှ တင်သွင်းကာ အောင်မြင်စွာ မွေးမြူသားဖေါက်ပြီး ဝါသနာတူ ရွှေညီအစ်ကိုများကို မွေးမြူရန် လက်ဆင့်ကမ်း ဖြန့်ဝေရောင်းချ ပေးနိုင်ခဲ့ပါပြီ။ ယ္ခုနှစ်တွင် #အဝါရောင်ရွှေရစ် / #ရစ်ရွှေဝါ ကိုလည်း အရွယ်ရောက်အောင် ၂နှစ်ကြာ မွေးမြူခဲ့ပြီး ယ္ခုနှစ်တွင် အောင်မြင်စွာ စတင်မျိုးပွါး သားဖေါက်နိုင်ခဲ့ပါပြီ။

ရွှေရစ်၏မူလအရောင်သည် အနီရောင် ဖြစ်ပြီး အခြားအရောင်များသည် မျိုးရိုးထွန်းကာ ပေါ်ပေါက်လာသော ကာလာဆန်းများ ဖြစ်ကြပါသည်။ ရွှေရစ် အရောင်အမျိုးမျိုးထဲတွင် #မက်မွန်သီးဝါရောင်ရွှေရစ် သည် စျေးအကြီးဆုံးဖြစ်ပြီး အရွယ်ရောက် အထီးအမတစ်စုံကို ကျပ်သိန်း၅၀ခန့်အထိ ရှိပါကြောင်း ဗဟုသုတအဖြစ် မျှဝေပေးလိုက်ပါသည်။

: photos

https://www.facebook.com/111240617722106/posts/230997575746409/

Kyaw Tint
Today Star Farm

04/07/2023

တောကြက် တောငုံး တောင်ခါ ရစ်ငှက်များအားလုံးမှ ဒေါင်းငှက်အထိပါဝင်သော ရစ်ငှက်အုပ်စုဝင်များကို ကျွန်တော်လို ချစ်ခင်မြတ်နိုးကြသော ငှက်ချစ်သူများအားလုံးကို ရစ်ငှက်တနိုင်တပိုင် မျိုးထိန်းမွေးမြူရေး ဗဟုသုတများ အပြန်အလှန် မျှဝေကြရင်း ဝါသနာတူ ညီအစ်ကိုများအဖြစ် အသိအမှတ်ပြုကာ အမြဲတမ်း ဝမ်းပန်းတသာ နွေးထွေးစွာ ကြိုဆိုလျက်ပါ။ 🥰😍😘

ကျွန်တော်တို့ farmမှ မိမိနှစ်သက်သော ရစ်ငှက်လေးများကို ချစ်ခင်နှစ်သက်လို့ ဝယ်ယူမွေးမြူလိုလျှင် ၄င်းPostအောက်မှာ Cmt.ရေးပြီး တိုက်ရိုက်စျေးနှုန်း မမေးကြပါရန်နှင့် မေးထားသော Cmt.များကို ပြန်လည်မဖြေကြားလျှင်လည်း နားလည်ပေးစေချင်ပါသည်။ ထိုကဲ့သို့သော မေးခွန်းများကြောင့် fb. rule အရ post ဖယ်ရှားခံရနိုင်သောကြောင့် စျေးနှုန်းကို သိလိုလျှင်၄င်း၊ ဝယ်ယူလိုလျှင်၄င်း Cb.မှာသာ လာရောက် မေးမြန်း စုံစမ်းပေးကြပါရန် မေတ္တာရပ်ခံ ပန်ကြားအပ်ပါသည်။🥰😍😘

Kyaw Tint
Today Star Farm

26/06/2023

တောကြက် တောငုံး တောင်ခါမှအစ ဒေါင်းငှက်ပါဝင်တဲ့ ရစ်ငှက်အုပ်စုဝင်များဟာ တနှစ်မှာတခါ ဒီလိုနွေရာသီမှာ သားပေါက်လို့ အခုချိန်မှာ သားပေါက်ရာသီ ကုန်ဆုံးချိန် နီးပါပြီ။ ဒေါင်းပြာအမတွေဟာ သူတို့ကိုယ်တိုင် ဝပ်ကြလို့ မိခင်နဲ့ သားပေါက်ဖို့ အဆင်ပြေပေမဲ့ ရွှေရစ်၊ ရွှေရစ်ဝါ၊ လေဒီရစ်နဲ့ ရစ်ရင်မဲတို့ဟာ တစ်ပါတ်မှာ ၂လုံး ၃လုံးနဲ့ ရက်အတန်ကြာ အုတတ်ကြလို့ ဝပ်ချိန်ရောက်အောင် တစ်လကျော်ကြာလာတော့ ရှေ့ဥနဲ့ နောက်ဥ အုချိန်ကွာဟလွန်းတာကြောင့် ပထမအုတဲ့ ဥတွေက မအောင်မမြင်ဖြစ်တာများလို့ ဆုံးရှုံးမှုနည်းအောင် ဥဖေါက်စက်နဲ့ ဖေါက်ဖြစ်ခဲ့ပါတယ်။

ဥဖေါက်စက်နဲ့ ဖေါက်ပြန်တော့လည်း လျှပ်စစ်မီး မမှန်လို့ ဘက္ထရီ အင်ဗာတာနဲ့ ကူညီဖြေရှင်းရပါတယ်။ မီးပျက်ချိန် အလွန်ကြာပြန်တော့ အင်ဗာတာ ဘက္ထရီအားပါ မလောက်ပြန်တော့ ဥဖေါက်စက်ကို အနွေးဓါတ်ရအောင် ဂွမ်းစောင်ထူထူ ခြုံပေးရပြန်ပါတယ်။ ရာသီဥတု အလွန်ပူပြင်းပြန်တော့လည်း ဥဖေါက်စက်မှာ အပူချိန်လျှော့အောင် ဥဖေါက်စက်ကို အပေါက်ဖွင့် မီးလာရင် ပန်ကာမှုတ်ပေးရသလို မီးမလာရင်လည်း ရေဝတ် မစိုမခြောက်လေး အုပ်ပေးထားရပြန်ပါတယ်။

ရာသီဥတု ပူပြင်းတဲ့အချိန် မီးမလာတာ သိပ်ပြဿနာမရှိပေမဲ့ မိုးရွာလို့ ရာသီဥတုအေးနေတဲ့အချိန်မှာ မီးကမလာ၊ အင်ဗာတာ ဘက္ထရီအားပါ မလောက်ရင်တော့ ၂၄နာရီအတွင်း အနွေးဓါတ် ပြန်လည်မရရင် သားပေါက်နှုန်း ကျသွားမှာမို့ ဥဖေါက်စက်သုံးတဲ့ ကျွန်တော်တို့လို တနိုင်တပိုင် မွေးမြူရေးသမားအဖို့ ဆိုလာစနစ်ပါ မတပ်ဆင်နိုင်ရင်တော့ စိတ်အညစ်ရဆုံး အချိန်တွေပေါ့။

မည်သို့ပင်ဆိုစေကာမူ ကြုံတွေ့လာခဲ့ရတဲ့ အခက်အခဲတွေကို ရင်ဆိုင်ကျော်ဖြတ် ဖြေရှင်းရင်း ဥဖေါက်စက်နားရောက်လို့ ရစ်ငှက်ပေါက် အော်သံလေးတွေ ကြားရရင် အလွန်နားဝင်ချိုရသလို လုံးလ ဝီရိယ ကြိုးစားအားထုတ်မှုတို့ရဲ့ အသီးအပွင့်လေးတွေ အခုလို တွေ့မြင်ရပြန်တော့လည်း ပီတိကိုစား အားရှိရပြန်တယ်ပေါ့။

Kyaw Tint
Today Star Farm

06/06/2023

( Lophura Leucomelanos )/ ခါလစ်ဖီးဆင့် / ခါလစ်ရစ် ကို #ခါရစ် လို့ ဒေသခံတွေက ခေါ်ဝေါ်ကြတဲ့ #ရစ်ရင်မဲ ဟာ များသောအားဖြင့် မြန်မာနိုင်ငံအလယ်ပိုင်း နေပြည်တော်တပ်ကုန်းမှ တောင်ငူ ပဲခူး တနင်္သာရီတောင်တန်းဒေသအထိ တွေ့ရတတ်ပါတယ်။ တောသူတောင်သား ဒေသခံ ငှက်မုဆိုးတွေရဲ့ စားဝတ်နေရေး လူနေမှုဘဝတွေရဲ့ သားကောင်များ ဖြစ်နေရသည့်အလျောက် မျိုးတုန်းမှု အန္တရာယ်နဲ့ ကြုံတွေ့နေရတဲ့ မြန်မာမျိုးရင်း ရစ်ငှက်တစ်မျိုးလည်း ဖြစ်ပါတယ်။

ဒေသခံတို့ရဲ့ဝမ်းစာ ဟင်းလျာအဖြစ် ဖမ်းဆီးခံရစဉ် တိုးတက်လာတဲ့ခေတ်နဲ့အညီ ငှက်မုဆိုးတွေက fb. ပေါ်မှာတင်ကြလို့ ရစ်ငှက်ဝါသနာရှင်တွေ တွေ့မြင်ကြတဲ့အခါ ရစ်ငှက်လေးတွေကို ချစ်မြတ်နိုးတဲ့စိတ်နဲ့ ကြက်၅ပိဿာဖိုး၊ ၁၀ပိဿာဖိုးစသဖြင့် ညီမျှတဲ့အခကြေးငွေ ပေးပါ့မယ်ဆိုပြီး လဲလှယ်ဝယ်ယူ မွေးမြူထားကြတာ များပါတယ်။ အသက်ရှင်အောင် အောင်မြင်စွာ မွေးမြူနိုင်လာတော့ မျိုးမတုန်းအောင် တဖက်တလမ်းက ကူညီကာကွယ်နိုင်အောင်လို့ မျိုးဆက်ပွါးအောင် သားဖေါက်မွေးမြူကြဖို့ စိတ်ကူးလေးတွေ ရလာကြပါတယ်။

ထိုနည်းတူစွာ ကျွန်တော်တို့ခြံမှာလည်း ရစ်ရင်မဲကို ၃နှစ်ကြာ သူတို့ရဲ့ အနေအထိုင် အစားအသောက်နှင့် သဘာဝတို့ကို လေ့လာရင်း အောင်မြင်စွာ မွေးမြူသားဖေါက်နိုင်ခဲ့ပါပြီ။ မျိုးတုန်းပျောက်ကွယ်လုနီးပါး ဖြစ်လာကြတဲ့ မြန်မာမျိုးရင်း တောကြက်နဲ့ ရစ်ငှက်များကို အောင်မြင်စွာ မွေးမြူသားဖေါက်ရင်း မျိုးဆက်ပွါးကာ ထိုင်းနိုင်ငံနည်းတူ နီးစပ်ရာတောတောင်တွေမှာ သဘာဝအတိုင်း ပြန်လည်နေထိုင် ကျက်စားနိုင်အောင် မွေးမြူသားဖေါက်ပြီး တောတောင်ပေါ်သို့ လွှတ်ပေးကာ မျိုးမတုန်းအောင် တဖက်တလမ်းမှ ပါဝင်ကူညီချင်သော စိတ်ကူးဆန္ဒလေးတွေ စတင်အကောင်အထည် ပေါ်လာပါပြီ။

စိတ်တူကိုယ်တူ ဆန္ဒတူသော ရစ်ငှက်ဝါသနာရှင် ညီအစ်ကိုများနှင့် သူ့ခြံကိုယ့်ခြံ အပြန်အလှန်သွားရောက်လေ့လာကာ အတွေ့အကြုံများ ဖလှယ်ကြရင်း အတူလက်တွဲလုပ်ကိုင် မွေးမြူလိုပါကြောင်း ဖိတ်ခေါ်ရင်း ကြည်နူးဝမ်းမြောက်စွာ ပီတိလေးတွေ ဖြစ်နေမိပါတော့တယ်။

Kyaw Tint
Today Star Farm

https://www.facebook.com/111240617722106/posts/217890237057143/

25/05/2023

ဒေါင်းနဲ့ ကြက်ငှက်ကလေးတွေ ဥမှထွက်ပြီး စတင်ပေါက်ဖွါးလာချိန်ကတည်းက ခြေလက်အင်္ဂါ အနေအထား မမှန်တာ Errorလေးတွေ မကြာခဏ တွေ့နေရတတ်ပါတယ်။ ကျွန်တော်ခြံမှာလည်း အဲလို ခြေချောင်းလေးတွေ ကွေးနေတာ၊ ခြေထောက်နှစ်ဖက်စလုံး ဘေးကိုကားနေပြီး မထောက်နိုင်၊ မရပ်နိုင်တာလေးတွေ တွေ့ခဲ့ရပါတယ်။

( ခြေချောင်းလေးတွေ ကွေးနေတာလေးတွေကို ဘယ်လို ပြုပြင်ကုသပေးရမလဲဆိုတဲ့ လက်တွေ့ကုသပုံ အတွေ့အကြုံလေးတွေကို ရှေ့ပိုင်းမှာ ရေးသားမျှဝေ ပေးထားပြီး ဖြစ်ပါတယ်။ )

ဒီနှစ်မှာလည်း ထူးထူးခြားခြား ခြေနှစ်ဖက်စလုံး ဘေးကိုကားနေတာ တစ်ကောင်ပါလာလို့ ဘယ်လို့ ပြုစုကုသရပါမလဲလို့ လိုက်ရှာကြည့်လိုက်တော့ ထိုင်းက မွေးမြူရေးသမား တင်ထားတဲ့ပုံ (ပထမဆုံးပုံ)လေးတွေ့လို့ ခြေနှစ်ဖက် ဘေးကားနေတဲ့ ဒေါင်းပေါက်လေးကို သူ့လို အောက်ရှူးခွက်ထဲထည့်မလို့ ခွက်ရှာနေစဉ် အလွယ်တကူ အသားခွက်လေးတွေ့လို့ ထည့်ပေးထားကြည့်လိုက်တာ ၁ရက်ကျော် ၂ရက်အကြာမှာ သူထရပ်နိုင်နေပါပြီ။ ခွက်ထဲကို ထည့်ပေးလိုက်တော့ သူ့ခြေထောက်လေးတွေက ခြေကုတ်ရပြီး ဘေးကို ကားလို့မရတော့ဘူးပေါ့။ သူကလည်း အမြဲတမ်း ရုန်းကန်နေတော့ Exercise လုပ်နေရသလို လေ့ကျင့်ပြီးသား ဖြစ်နေလို့ ခြေထောက်လေးတွေ သန်မာလာပြီး ရပ်နိုင်လာခဲ့တာပါ။

35*Cခန့် အပူမီးသီးလေး ထွန်းပေးရင်း Vitamins နဲ့ ကယ်လ်စီယမ်းဓါတ်ပါဝင်တဲ့ အားဆေးရည်လည်း တိုက်ပေးလိုက်တော့ မကြာပါဘူး မိသားဖသားပီပီ ပြန်ကောင်းသွားပါတယ်လို့ ဒေါင်းနဲ့ ကြက်ငှက် မွေးမြူရေး ဝါသနာရှင် ညီအစ်ကိုများကို ကိုယ်တွေ့ ဗဟုသုတလေး မျှဝေပေးလိုက်ပါတယ်။

Kyaw Tint
Today Star Farm

24/05/2023

ဒီနှစ် သားပေါက်ရာသီမှာ ဒေါင်းပြာ ပင်တိုင်ဖေါက်မ ၂ကောင်ထဲမှ ပထမတစ်ကောင်ဟာ ဒုတိယအကြိမ် သားပေါက်ပြန်ပါပြီ။ နောက်တစ်ကောင်ကလည်း သားပေါက်ဖို့ ရက်ပိုင်းသာ လိုပါတော့တယ်။ ဒေါင်းအမတွေ သားပေါက်ပြီးလို့ မိတ်လိုက်ဖို့ ဆန္ဒမရှိတော့ရင် ဒေါင်းဖိုတွေဟာ အမြှီးတောင်တွေအားလုံး ချွတ်ချပြီး နှစ်စဉ် အမွှေးသစ် အတောင်သစ် လဲတတ်တဲ့ သဘာဝရှိပေမဲ့ အမတွေ နှစ်သားစီပေါက်လို့ သားပေါက်ရာသီ နွေကုန်ခါနီးတာတောင်မှ ဒေါင်းဖို အထီးကြီးက အမြှီးတောင်တွေ လုံးဝ ချွတ်မချသေးလို့ နောက်ထပ်တသားတောင် မိတ်လိုက်ဖို့ အဆင်သင့်ဖြစ်နေပြန်တာလား ဆိုတာလည်း စောင့်ကြည့်ရအုံးမှာပါ။ ( #အခုလိုသားပေါက်ရာသီ_အချိန်အခါမျိုးမှာ_ကယ်လ်စီယမ်ဓါတ်များများပါဝင်တဲ့_ဥကြက်မစာကျွေးပေးပါ။)

များသောအားဖြင့် တနှစ်မှာ တခါသာ သားပေါက်တတ်တဲ့ ဒေါင်းတွေကို တရာသီအတွင်း သားပေါက်အကြိမ်ရေ တိုးစေချင်ရင် တနှစ်ပတ်လုံး နှစ်ပတ်လည်နေအောင် အစားအသောက်ကို ဂရုတစိုက် အစာစိမ်းလေးနဲ့ ကောင်းကောင်းမွန်မွန်၊ အချိန်မှန်မှန်၊ ဝဝလင်လင် ကျွေးမွေးပြုစုသင့်သလို ဒေါင်းခြံကိုလည်း သဘာဝဆန်ဆန် ဝါးပင်၊ သစ်ပင်လေးများ စိုက်ပေးကာ တတ်နိုင်သမျှ ခြံကျယ်ကျယ်၊ မြင့်မြင့်လေးနဲ့ သူတို့လေးတွေကို လွတ်လွတ်လပ်လပ် ပျော်ရွှင်နေအောင် မွေးမြူထားပေးနိုင်မယ်ဆိုရင် ဒေါင်းငှက်မွေးမြူရေး အောင်မြင်နိုင်ပါတယ်လို့ ဝါသနာရှင် ညီအစ်ကိုတွေကို အကြံပြုပါရစေ။

Kyaw Tint
Today Star Farm

Address

Mandalay

Telephone

+9592084848

Website

facebook.com

Alerts

Be the first to know and let us send you an email when Today Star Farm posts news and promotions. Your email address will not be used for any other purpose, and you can unsubscribe at any time.

Videos

#Save_Wildlife ✅ကျွန်တော်တို့တတွေဟာ သဘာဝတောရိုင်းတိရစ္ဆာန် #Wildlife နဲ့ လူတို့အတွက် အသားစားဖို့ မွေးမြူကြတဲ့ မွေးမြူရေးတိရစ္ဆာန် #Livestock တို့ကို ကွဲကွဲပြားပြား သိရှိကြဖို့ အလွန်အရေးကြီးပါတယ်။ မွေးမြူရေးအသားဆိုတာ အသားစားဖို့ စီစဉ်ထုတ်လုပ်ထားတာဖြစ်လို့ မျိုးတုံးစရာ အကြောင်းမရှိပါ။ ဒါပေမဲ့ တောရိုင်းတိ/ငှက်တွေကို မွေးမြူရေးအသားလိုသဘောထားပြီး တောကောင်သား စားသောက်ဆိုင်တွေဖွင့်ကာ စည်းမဲ့ကမ်းမဲ့ အလွန်အကျွံ စီးပွါးဖြစ် ဖမ်းဆီး ရောင်းချ စားသောက်နေကြရင် မကြာမီ ရှားပါးမျိုးသုဉ်း ပျောက်ကွယ်သွားပါလိမ့်မယ်။ ✅လူနှင့် သဘာဝပတ်ဝန်းကျင်တခုလုံး သဟဇာတဖြစ်နေစေဖို့ တောရိုင်းတိရစ္ဆာန်လေးများကို သတ်ဖြတ်စားသောက်ခြင်းကို အထူးရှောင်ကျဉ်သင့်ပါတယ်။ ထို့ကြောင့်လည်း နိုင်ငံတော်မှ သဘာဝတောရိုင်းတိ/ငှက်လေးတွေကို မျိုးသုဉ်း ပျောက်ကွယ် မ

#ရောက်သူတိုင်းရွှင်လန်း_TodayStarFarm. ✅ဒေါင်းငှက်အပါအဝင် ရစ်ငှက်အုပ်စုဝင်တွေဟာ တနှစ်မှာ တရာသီ၊ တရာသီမှာ တခါ၊ အခုလိုနွေပေါက်လာရင် မိတ်လိုက်သားပေါက်ကြတာမို့ ဆုံးရှုံးမှု နည်းနိုင်သမျှနည်းအောင်၊ သားပေါက် အကောင်ရေများများ ရနိုင်သမျှ ရရှိအောင် အခုလို ဥအုရာသီရောက်ရင် အောင်မြင်စွာ ဥအုသားပေါက်နိုင်ဖို့ အဆင်သင့်ဖြစ်နေအောင် သင့်တော်သော အစာအဟာရနဲ့ ကာကွယ်ဆေးများကို တနှစ်ပါတ်လုံး မျှတစွာ ကျွေးမွေးပြုစုပေးရန် အထူးလိုအပ်ပါတယ်။ ✅သို့မှသာ အောင်မြင်စွာ သားပေါက်ပြီး အကောင်ရေ များများရရှိကာ အကျိုးဖြစ်ထွန်းနိုင်မှာ ဖြစ်ပါတယ်။ တနှစ်ပါတ်လုံး နည်းစနစ်မှန်မှန် မွေးမြူ ထိန်းသိမ်းစောင့်ရှောက်ဖို့ လိုအပ်သလို မျိုးကောင်းမျိုးသန့်ကိုလည်း ရွေးချယ်မွေးမြူဖို့ အထူးအရေးကြီးလှပါတယ်။ ✅ဝါသနာတူ ဒေါင်းငှက်ချစ်သူများ အချင်းချင်

Great expectation (10) #ဒေါင်းအကျား #ရောင်စုံဒေါင်းပြာ #သုံးရောင်ချယ်ဒေါင်း #Spalding_pied_peafowl #Hybrid_peafowl #Three_colours_peafowl https://www.facebook.com/100066742938873/posts/544272614474165/

#လှပတဲ့အနာဂါတ်ဆီသို့✌️🌹🌺 လုပ်ချင်သလို မဖြစ်နိုင်ရင်လည်း ဖြစ်အောင်တော့ လုပ်ရမှာပေါ့။ အဓိကက လုပ်နေဖို့ပဲ လိုတာပါ။✅💪👍 https://www.facebook.com/todaystarfarm/videos/668336404397352/

Coming soon !💪👍✌️🌹🌺 #အိပ်မက်တွေက_စျေးကြီးတယ်။✅ #ဒီနှစ်တော့_ဆိုလာနဲ့မှ_အဆင်ပြေတော့တယ်။🥰 https://www.facebook.com/todaystarfarm/videos/668336404397352/

Great expectation (9) #ဒေါင်းဖြူ #White_peafowl #Albino_peafowl https://www.facebook.com/todaystarfarm/videos/1343532729668314/ https://www.facebook.com/111240617722106/posts/434838492028982/

Great expectation (8) #အိန္ဒိယဒေါင်းပြာ #Indian_blue_peafowl #Pavo_criatatus https://www.facebook.com/111240617722106/posts/136394975206670/

Great expectation (7) #လေဒီဖီးဆင့် #လေဒီရစ်ငှက် #ဇာမဏီငှက် #Lady_Amherst’s_Pheasant #Chrysolophus_amherstiae https://www.facebook.com/100066742938873/posts/621657696735656/

Great expectation (6) #ရွှေရစ် #ဇာမဏီငှက် #ရွှေကြက် #Golden_pheasant #Chrysolophus_Pictish https://www.facebook.com/111240617722106/posts/230997575746409/

Great expectation (5) #ရွှေရစ်ဝါ #ရွှေဝါရောင်ရစ် #Yellow_golden_pheasant #Chrysolophus_Pictish https://www.facebook.com/111240617722106/posts/230997575746409/

Great expectation (4) #ဝီလီယံခါလစ်ဖီးဆင့် #ကျောဖြူရစ်ပြာ #Williams’_Kalij_Pheasant #Lophura_Leucomelanos_Williamsi ( L.L. Williamsi) https://www.facebook.com/111240617722106/posts/217890237057143/

Great expectation (3) #ရစ်ရင်မဲ #ခါရစ် #Kalij_pheasant #Lophura_Leucomelanos https://www.facebook.com/111240617722106/posts/217890237057143/

Great expectation (2) #ဒေါင်းမင်း #ဒေါင်းကုလား #Grey_Peacock_Pheasant #Polyplectron_Bicalcaratuna https://www.facebook.com/111240617722106/posts/198269032352597/

Great expectation (1) #ငွေရစ် #ငွေရောင်ရစ် #Silver_Pheasant #Lophura_nycthemera #RubyMinesSilverPheasant ( L.N rufipes ) https://www.facebook.com/111240617722106/posts/208390278007139/

ကမ္ဘာပေါ်မှာ ဒေါင်းစိမ်း (Pavo muticus)၊ ဒေါင်းပြာ ( Pavo cristatus )၊ ကွန်ဂိုဒေါင်း ( Afropavo consensus လို့ ဒေါင်း(၃)မျိုး ရှိပါတယ်။ ဒေါင်းဖြူကတော့ ဒေါင်းပြာကနေ inbreed သားအမိချင်း၊ မောင်နှမချင်း၊ မိသားစုဝင်အချင်းချင်း မိတ်လိုက်သားပေါက်ရာမျှ မျိုးရိုးနိမ့်ကျလာကာ မူလအပြာရောင်ထဲမှာ အဖြူရောင် အမွှေးအတောင်များ စတင်ပါလာရာမှ တဆင့်ပြီးတဆင့် အဖြူရောင်တွေ ပိုမိုများလာခြင်းက စတင်ဖြစ်ပေါ်လာတာ ဖြစ်ပါတယ်။ ထိုအချက်ကို သိလာသော ဒေါင်းမွေးမြူရေးသမားများက အဖြူရောင်အမွှေးအတောင် များများပါလာသော ဒေါင်းပြာ အထီး အမတို့ကို ရွေးချယ်၍ Inbreeding ထပ်ခါထပ်ခါ ဆက်လက်သားဖေါက်ခြင်းဖြင့် ဒေါင်းဖြူများ ရရှိလာခြင်း ဖြစ်ပါတယ်။ ဒေါင်းဖြူများသည် မူလဒေါင်းပြာမှ မျိုးရိုးတဆင့်နိမ့်ကာ ပေါ်ထွက်လာသောကြောင့် ဒေါင်းပြာထက် အရွယ်အစား ပိုငယ်ပါတယ်။ ဒေါင်း (၃)မျိုးထဲမှာဒေါင်းစိမ်းဟာ အ

တောကြက် တောငုံး တောင်ခါ ရစ်ငှက်များအားလုံးမှ ဒေါင်းငှက်အထိပါဝင်သော ရစ်ငှက်အုပ်စုဝင်များကို ကျွန်တော်လို ချစ်ခင်မြတ်နိုးကြသော ငှက်ချစ်သူများအားလုံးကို ရစ်ငှက်တနိုင်တပိုင် မျိုးထိန်းမွေးမြူရေး ဗဟုသုတများ အပြန်အလှန် မျှဝေကြရင်း ဝါသနာတူ ညီအစ်ကိုများအဖြစ် အသိအမှတ်ပြုကာ အမြဲတမ်း ဝမ်းပန်းတသာ နွေးထွေးစွာ ကြိုဆိုလျက်ပါ။ 🥰😍😘 ကျွန်တော်တို့ farmမှ မိမိနှစ်သက်သော ရစ်ငှက်လေးများကို ချစ်ခင်နှစ်သက်လို့ ဝယ်ယူမွေးမြူလိုလျှင် ၄င်းPostအောက်မှာ Cmt.ရေးပြီး တိုက်ရိုက်စျေးနှုန်း မမေးကြပါရန်နှင့် မေးထားသော Cmt.များကို ပြန်လည်မဖြေကြားလျှင်လည်း နားလည်ပေးစေချင်ပါသည်။ ထိုကဲ့သို့သော မေးခွန်းများကြောင့် fb. rule အရ post ဖယ်ရှားခံရနိုင်သောကြောင့် စျေးနှုန်းကို သိလိုလျှင်၄င်း၊ ဝယ်ယူလိုလျှင်၄င်း Cb.မှာသာ လာရောက် မေးမြန်း စုံစမ်းပေးကြပါရန် မေ