Yangon Flower Horns

01/09/2022

‼ Sold Out ‼
သားအောင်ပြီးသားဖောက်ထီးလေး
စိတ်ဝင်စားရင် Cb

31/08/2022

ကျွန်တော့်ရဲ့ Pageအသစ်လေးပါ
မဝယ်ဖြစ်သေးလည်း
ဝင်ပြီးကံစမ်းပေးကြပါဦးဗျ 😁

25/07/2022

ဘုလိုင်းအရဲလေး
ကန်ကျယ်ပေးမယ့်သခင်ကိုမျှော်နေတာ
Price - 5000 ks

တောင်ဒဂုံ

25/07/2022

ကန်ကျယ်ပေးရင် ရှယ်ကိတ်မယ့် ကောင်လေး
ကန်ကျယ်ပေးချင်ရင် Cb
Price - 5000 Ks

တောင်ဒဂုံ

25/09/2021

Domino #2
ဝဲထူလေးတစ်ကောင်
စိတ်ဝင်စားရင် cb

10/09/2021

SuperNba #1 (GbKml)
Breeder - ပြည့်ဖြိုး

10/09/2021

SuperNba #1 (Gb kml)
Breeder - ပြည့်ဖြိုး

01/08/2021

F0.5/ F1.5/F1 F2 F3ဆိုတာဘာကိုဆိုလိုတာလဲ????
Kamfa အကြောင်းအသေးစိတ်!!!!!!

Flowerhorn. ငါးမျိုးတွေ ထဲမှာ သိပ်ခေတ်စားတဲ့ .... ငါးမျိုးစိတ် လို့ပြောလို့ ရပါတယ် ..
သူက စာတန်းငါး အစစ်မဟုတ်ပါဘူး .. ။
( ဒီနေရာမှာ ကြိုက်သလို သဘောထား ကွဲလွဲခွင့် ရှိပါသည် ... ကျွန်တော် ခံယူချက်ကို ပြောပြနေရသည် ဖြစ်ပါသဖြင့် ခံယူချက် မတူ သူများလည်း ဒုနဲ့ဒေး ရှိနိုင်ပါသည် ။ ) ဒါကြောင့် မို့လို့ Kamfa မွေးထားတဲ့ သူအိမ် သွားပြီး ခင်ဗျား မွေးထားတဲ့ စာတန်းငါး ကြီးက လှလိုက်တာ ဗျာ ... လို ပြောရင် တစ်ချို့က စိတ်ဆိုးကြပါတယ် ....

ကန်ဖာ .... တွေက စျေးလည်း ကြီးကြပါတယ် ... လှတဲ့ အကောင် ဆိုရင်ပေါ့ ။ ဘာဖြစ်လို့လည်း ဆိုတော့ .... သူက ရှားလို့ ပါ ။ ဖောက်ရလည်း ခက်ပါတယ် ။ ဒီမှာ ၂ ပိုင်း ရှိပါတယ် ။ နံပတ် (1) ကန်ဖာ form အပြည့်အစုံနဲ့ ငါး ရှားပါတယ် ။ နံပတ် (2) ဖောက်ရ ခက်ပါတယ် .... ။ ဒီ ၂ ခု ကို ပြောရာမှ ကန်ဖာ ဖောက်တဲ့နေရာက စပြောရပါလိမ့်မယ် ......

ကန်ဖာ ... ဆိုတာကိုက .. Flowerhorn နဲ့ တခြားမျိုးမတူတဲ့ စီးစလစ် တစ်မျိုးနဲ့ စပ်ပြီး ဖောက်ထားတဲ့ ကပြား ငါးတစ်ကောင်ပါ ။ ဒါဆို လွယ်သားပဲ ... ခုပဲ Flowerhorn တစ်ကောင်နဲ့ ဗီဂျေး ( ဒါမှ မဟုတ် ) တက်ဆက် .. တစ်ကောင်နဲ့ ဖောက် ထည့်လိုက်မယ် .. ခုပဲ ကန်ဖာ တွေ ထွက်ရော့ လဟယ် .... ။ ဟဲဟဲ ... အဖြေက ... ကန်ဖာ မထွက်ပါဘူးတဲ့ .... ။ ထွက်တောင် ... အန်မတန် ကြက်ကန်းတိုးကာ မှ တစ်ကောင်တစ်လေပါတဲ့ ။ ဟာ .. ဝူပေါက် .. ခင်ဗျား စောဏ ကပြောတော့ Flowerhorn နဲ့ တခြား စီးစလစ် တစ်မျိုး ရောလိုက်ရင် ကန်ဖာ ဖြစ်တယ်ဆို ... ခုကြမှ မဖြစ်ဖူး ဆိုတော့ ဘာလား ....???? ။ ဟုတ်ကဲ့ မဖြစ်ပါဘူး ... လွယ်လွယ်နဲ့ စံပယ်ပွင့်ရင် မယ်သီလ ခေါင်းမှာ ပန်းတွေ ဖွေးကုန်မှာပေါ့ဗျာ ..။ အဲ့လို ပေါက်လာတဲ့ ကပြား ငါးတွေဟာ .. များသော အားဖြင့် အဖေ တစ် ဝက် အမေတစ်ဝက် ဗီဇ တွေကို ယူထားပြီး ... ပုလဲ နည်းမယ် အမြီးအတောင် လှမယ် .... ဒီလောက်ပါပဲတဲ့ ။ ဒါကို ခေါ်ကြတာက .... f1 လို့ ခေါ်ကြသဗျ .. ။ f1 ဆိုနာလည်း နားမရှုပ်ပါနဲ့ ... ။ ပထမ မျိုးဆက်လို့ ဆိုလိုတာပါ ။ ကန်ဖာ ဆိုတာကြီး ဖြစ်အောင် နောက်ထပ် ပုလဲသား( or ) ဘု ကောင်းတဲ့ flowerhorn တစ်ကောင် နဲ့ ထပ်ပြီး ဖောက်ရပါသေးတယ် ... ။ အဲ့ ဒီတော့ မှသူတို့ရဲ့ ကပြားသွေးက ငြိမ်ပြီး ငါးမျိုးစိပ် ၂မျိုးလုံးရဲ့ ကောင်းမွန်လှပတဲ့ ဗီဇ တွေကို ရရှိ သွားပါသတဲ့။
ထူးခြားတာ တစ်ခု ပြောပြပါမယ် ။ f1 အဆင့်မှာ ... f1 ကို ထုပ်လုပ်ထားတဲ့ အဖေနဲ့ အမေ ရဲ့ အရေးပါမူ့ကို ထင်ထင်ခြားခြား သိပ်မတွေ့ရပေမဲ့ ။ အဲ့ ဒီ f1 တွေကို ကန်ဖာ ဖြစ်အောင် ပြန်ဖောက်တဲ့ အခါ မှာတော့ အထက်က ရွေးချယ် ခဲ့တဲ့ ငါးအဖေအမေ က အတော် စကားပြောတော့မှာပါ ။ ဆိုလိုတာက မျိုးဆက်ခုန်တယ်ပေါ့ဗျာ ။ f1 တွေကို မွေးဖွားခဲ့တဲ့ အထီး ဘုပါရင် ပါသလောက် ။ အမက အမြီး အတောင် လှရင် လှသလောက် ။ သူတို့ရဲ့ မြေးတွေမှာ ပြန်ပြီး လာပေါ်သတဲ့ဗျ ။ ( ဒါက ... ဖောက်ဖူးတဲ့ သူတွေ ရဲ့ အတွေ အကြုံ အရ ပြောရတာပါ ... ဆရာများ ဝင်ရောက် ဖြည့်စွက်ပါဗျာ ... ထိုင်းက ငတိတွေက လည်တယ် ဗျ .. သူတို့ ဆီက ကန်ဖာ ဖောက်စုံတွေ ကြည့်လိုက်ရင် ဘာရုပ်မှ မပေါက်ဖူးရယ် ။ ဒါပေသိ ငါးကြတော့ ရှယ်တွေ ထွက်တယ် ။ အဓိက မြုတ်ကွက်က ... f1 ကို ခိုင်ခိုင်မာမာ လိုချင်တဲ့ အထီး အမ နဲ့ သေချာ ဖောက်ပြီး .. ကန်ဖာ အဖြစ် အဆင့်မြှင့်တဲ့ အခါ... အထီးကို ပုလဲ ပါတာလေးနဲ့ ဖြည့်စွက် လောက်ပဲ သုံးသွားတာပါ ။ မြန်မာ ဖောက်ဆရာများ သတိပြုသင့်ပါတယ် ။ )
ကဲ .. ဒီလောက်ဆိုရင် ကန်ဖာ ဖောက်ရတာ ဘယ်လောက် လက်ဝင်လဲ သိလောက်ပြီပေါ့ ။ အစကထဲက f1 လုပ်တဲ့နေရာမှာ ... flowerhorn ဖြစ်ပြီးရော ၊ ဗီဂျေး ဖြစ်ပြီးရော ဆိုပြီး များ ဖောက်ခဲရင် ......... ကန်ဖာ အဖြစ် အဆင့်မြှင့် တဲ့ အခါမှာ .... မောရပြီပေါ့လေ .... ဒါကြောင့် ထိုင်းကကောင်တွေက f1 ကို ကိုယ်တိုင်ပဲဖောက်တာပါ ဝယ်ပြီး ကန်ဖာဖောက်ရင်တောင် ဓာတ်သ်ိတဲ့လူ ... ဆီက ငါးဇစ်မြစ် သိမှ ဝယ်ကြပါလိမ့်မယ် ...
ဟုတ်ပြီဗျာ ... ကန်ဖာ ထွက်လာပါပြီ ... ဒါဆိုရင် အေးဆေး ဖြစ်ပြီ နောက်ထပ်ကန်ဖာတွေ ထွက်ချင်ရင် ကန်ဖာ အထီးနဲ့ ကန်ဖာအမ ဖောက်လိုက်ယုံပေါ့ ဟုတ်ဖူးလား ..... ။ ဟုတ်ကဲ့ .. မရပါဘူးတဲ့ ... ကန်ဖာ အထီးအမ ဖောက်ပြန်ရင်လဲ .... ကန်ဖာထွက်ဖို့ ငါးလှဖို့ အတော်နည်းသွားပြန်သတဲ့ .... ။ ဘယ်လို ... ဘယ်လို ကန်ဖာ ၂ကောင်ဖောက်တာ ကန်ဖာ မထွက်ဖူးဆိုတော့ ... ခင်ဗျား လိမ်တာပဲ ဝူပေါက်ရာ ။ ဟုတ်ကဲ့.. မလိမ်ပါဘူး မိတ်ဆွေတို့ နားလည်အောင် မျိုးရိုးဗီဇ သဘောတရား ရှင်းပြပါမယ်

ကန်ဖာဆိုတာ မျိုးမတူတဲ့ စီးစလစ် ကိုဖောက်ရာမှ ဖြစ်လာတဲ့ ဟိုက်ဘရစ် ကပြားငါးဆိုတာ ပြောပြီးပါပြီနော်... ။ အဲ့ဒီတော့ ... ကပြားအကြောင်းကို ရှင်းပြပါမယ် ။ ကပြားတွေက ထူးခြားတယ်ဗျ ။ ကပြားတွေက သူတို့အဖေအမေတွေ ဆီကနေ ကောင်းကွက်တွေကို ... ပဲ ဆက်ခံကြတယ် တဲ့ .. (ဒါ့ကြောင့် ကန်ဖာတွေက ငါးသက်ပိုရှည်တာဖြစ်နိုင်ပါသည် ) ဥပမာ ခြင်္သေ့ နဲ ကျား စပ်ပြီးကျတဲ့ ကျားခြင်္သေ ဆိုတာ ရှိပါတယ် ... ကျားထက်ရော ခြင်္သေ့ ထက်ပါ အကောင်ပိုကြီးပါတယ် ... ပိုသန်မာပါတယ် ... ။ ကဲ ထားပါတော့ဗျာ ...
Flowerhorn. ကို ... AA
ဗီဂျေး သို့မဟုတ် တက်ဆက်စ် ကို ... BB
လို ပေးလိုက်မယ်ဗျာ ... သူတို့ကို ဖောက်လိုက်ရင်..

AA+BB

AB ,+AB , +BA ဆိုပြီး ဗီဇ ဆက်ခံတဲ့ ငါးတွေ ထွက်လာတယ် ဗျ ... ။ AB ကတော့ ၂မျိုး လုံးရဲ့ ဗီဇ အညီအမျှ နီးပါး ပါတာပေါ့ ... ။ +AB ဆိုတာက A ဗီဇ များနေတာပေါ့ ။ B ဗီဇ က ပါပေမယ့် ငုတ်နေတာပေါ့လေ ။ +BA ဆိုတာကလည်း ။ B ဗီဇ များနေတာပေါ့ ။ ဒီထဲမှာ မှ ကိုကြိုက်ရာ အားသန်ရာကို ရွှေးယူကြတယ် ။ တစ်ချို့ ဘရီတာက ... FH ဗီဖ သန်တဲ့ အကောင်ကို ယူတယ် တစ်ချို့ကလည်း မျှခြေ ရှိတာကို ယူတယ်ပေါ့ ။ ပြီးရင် ကန်ဖာဖြစ်ဖို့. နောက်ထပ် Flowerhorn နဲ့ပဲ ဆက်ဖောက်ကြသဗျ ... ။ ဒီနေရာမှာ ... အထက်က ... သုံးခဲ့တဲ့ Flowerhorn ..... AA ကိုပဲ သုံးသူရှိသလို .... တခြား Flowerhorn ... တစ်ကောင်ကို သုံးတာလဲ ရှိပါတယ် ... တစ်ခြား Flowerhorn ဆိုရင်တော့ Other Flowerhorn... . oA oA လို့ ထားလိုက်ပေါ့ဗျာ ... အဲ့ဒီတော့ AB +oA oA ပေါ့

AB.oA / BB . oA / AA . oA. ဆိုပြီး ထွက်လာ သဗျ .. AB.oA ဆိုတာကတော့ ကျွန်တော် တို့ပြောပြောနေတဲ့ KF ပေါ့ဗျာ ... ။ AA.oA ဆိုတာကတော့ Flowerhorn ပြန်ဖြစ်ကုန်တာပေါ့ ... BB.oA ဆိုတာကတော့ ဗီဂျေး သွေး လွှမ်းမိုးခံရတာပေါ့ .... အဲ့ဒီတော့ ကန်ဖာ၂ကောင်ဖောက်ကြည့်လိုက်ပါ ...

AB.oA. + AB.oA

ဒီလိုတွေ ထွက်ကုန်ပါရောလား ....

AB.AB / oA.oA / oA.AB / AB.Ao

ဆိုပြီး ... ကန်ဖာ ပြန်ထွက်နိုင်ချေ အတော်နည်း သွားပြန်ရော .... ထွက်လာလည်း သိပ်ပြီး strong မဖြစ်တော့ဘူး ... ။ ဒါက ကပြားတွေရဲ့ ထူးခြားချက် ... မျိုးတူ ကပြား နှစ်ကောင်ပေါင်းရင် ... မကောင်းတာတွေလည်း သပ်သပ်စုတယ် ၊ ကောင်းတာတွေလည်း သပ်သပ်စုတယ် အဲ့လိုဖြစ်ကုန်ရော ... ဒါ့ကြောင် ကန်ဖာ အထီးအမကို မဖောက်ကြတာပါ ... အဲ.. တစ်ခုတော့ရှိတယ် ... ကန်ဖာ နှစ်ကောင်ဖောက်ရာမှာ ... တစ်ကောင်က ... ပထမဆုံး.. F1 ဘက်ကို မျိုးသန်နေတဲ့ ငါးဆိုရင် ... ငါးလှတာတွေ ပြန်ထွက်ပြန်ရော ....

ဘယ်လိုလဲ ... ဖတ်ရတာနဲ့တင် ခေါင်းမူးသွားပြီလား ....

ဒါဆို ရင် ... ဘာကြောင့် Form အပြည့်နဲ့ ကန်ဖာတစ်ကောင် က ရှားသလဲဆိုတာ အလိုလို နားလည် လောက်ပါပြီ ....



ိုဝူပေါက်

27/06/2021

"Inbreeding / Line Breeding / Out Crossing"

Inbreedingဆိုတယ့် စာလုံးကြားလိုက်တာနဲ့
ဒီလိုစိုက်ပျိုးမွေးမြူရေးနိုင်ငံမှာ
ဘာသာရေးလာရောပီး
ပြောတတ်တယ့်နိုင်ငံအတွက်တော့
နည်းနည်းရိုင်းမယ်ထင်ပါတယ်.......

အများစုခေါင်းထဲသိထားတာက
Inbreedingလုပ်ရင်
ရောဂါတွေပါလာတတ်တယ်ဆိုတယ့် အချက်ပေါ့....

အဲ့တာရဲ့ဆန့်ကျင်ဖက် အခြားတဖက်မှာ
အများသိသလိုပါပဲ
ဓာတ်ခွဲခန်းထဲက ကြွက်ဖြူတွေဟာ
100%နီးပါး မျိုးသန့်ထားတယ်ဆိုတာပါပဲ..
(ဓာတ်ခွဲခန်းစမ်းသပ်နမူနာတွေ
မှန်ကန်ဖို့အတွက်ပေါ့.......)

ဒီလိုမျိုးသန့်တဲ့ ကြွက်ဖြူရဖို့ဆိုတာ
တချို့ဆိုင် မျိုးဆက်ပေါင်း 20 လောက်
Inbreeding လုပ်မှ ရနိုင်တာမျိုး....

Breeder တယောက်အနေနဲ့
ကျတော်တို့တွေဟာ
ဓားသွားပေါ်က မြှားလိုပဲ

လူကျင့်ဝတ်နဲ့
ဘာသာရေးအဆုံးအမ 2 ခုကြားမှာရပ်တည်ရင်း

ဒါပေမယ့်
ကျတော်တို့ ခံယူချက်နဲ့ လုပ်ဆောင်ချက်တွေက
လူ့ကျင့်ဝတ်ကိုဖောက်ဖျက်နေတာမဟုတ်သလို ဘာသာရေးအဆုံးအမကို
ဖိဆန်နေတာလည်းမဟုတ်ပါဘူး

ကျတော်တို့ ပစ်မှတ်ရည်မှန်းချက်က
ကျန်းမာသန်စွမ်းပီး ကျတော်တို့ လိုချင်တယ့်
အရည်အသွေးနဲ့ ပြီးပြည့်စုံတယ့်
နောက်မျိုးဆက်ကို လိုချင်တာပဲ ဖြစ်ပါတယ်။

ကျတော်တို့ရည်ရွယ်ချက်က
မူလပုံစံကို Cloneလုပ်ပီး အဆက်မပြတ်သူတို့ရဲ့
အလှတရားတွေ ဆက်လက်မြင်နိုင်ဖို့ပဲ ဖြစ်ပါတယ်။

Breeding Theory
သဘောတရားမှာ ၃မျိုးပဲ ရှိပါတယ်

1.Inbreeding,
2.LineBreeding,
3.Outcrossing(တနည်းပြောရရင် Hybrid ပေါ့).

*1* (Inbreeding) သဘောတရားဆိုတာ......
အခြေခံအားဖြင့်ပြောရရင် ၃မျိုးပဲ ရှိတယ်။
နည်းနည်းတော့ရိုင်းလိမ့်မယ်
(လူ့ကျင့်ဝတ်တွေခနဘေးဖယ်ထားပါ)

ဥပမာ - ငါးညီအကိုမောင်နမချင်း
ငါးအဖနေဲ့ ငါးသမီး/ ငါးအမနေဲ့ ငါးအမရေဲ့သား.

Inbreedingလုပ်တယ်ဆိုတာ
အရမ်းသတိထားဂရုစိူက်သင့်တယ့်အရာပါပဲ
သိပ္ပံနည်းကျပြောရရင် မျိုးရိုးလိုက်တတ်တယ့်
အနေအထားမရှိမှ လုပ်သင့်တယ့်အရာပါ။

*2* (LineBreeding) သဘောတရားဆိုတာ......
သာမန်အားဖြင့် မိဘတွေရဲ့မျိုးရိုးအလိုက်
မျိုးဆက် ၃ဆက်ကနေ ၅ဆက်အထိ
သူတို့ရဲ့ ဘိုးအေမျိုးရိုးအတိုင်း
(ဥပမာ ထိတ်ပြောင်တာပေါ့လေ)
ဆက်လက်ထိန်းသိမ်းထားနိုင်တယ့် အခြေအနေရှိပီး
ခန့်မှန်းလို့ရတယ့် သီအိုရိ တခုဖြစ်ပါတယ်။

*3* (OutCrossing) ဆိုတာ .......
တနည်းပြောရရင် Hybrid နည်းပါပဲ
ဆိုလိုတယ့် အဓိပ္ပာယ်က
DNA တူ မျိုးစိတ်မတူတယ့် မျိုး၂မျိုးကို
ပေါင်းစပ်ခြင်းဖြစ်ပီး
Outcrossing လုပ်တယ်ဆိုတယ့်
အားသာချက်ကတော့
ကိုယ်လိုချင်တယ့် ပုံစံမရှိတယ့်
ပုံစံ စတဲ့ Gene ကို ရယူနိုင်ဖိူ့ ဖြစ်ပီး
Outcrossing သဘောတရားရဲ့
အားနည်းချက်ကတော့ gene မငြိမ်သက်တာပါပဲ
(ကောင်းတာတွေချည်းပဲ ရနိုင်သလို
ဆိုးတာတွေချည်းပဲ ရနိုင်တယ်)

(****ဝါသနာရှင်တွေ
ဖတ်ရအဆင်ပြေအောင် ပြန်လည်ကူးယူ
ရေးသားပေးထားခြင်းဖြစ်ပါတယ်***)

#မူရင်းစာရေးသူ (Kyaw Naing Oo)

27/06/2021

Flowerhorn ငါးမွေးတော့မယ်ဆိုရင် ????
တကယ်လို့ သင်သာ Flowerhorn Fish crazy ပေါက်စ တစ်ယောက်ဖြစ်တယ်ဆိုရင်တော့ မိမိငါးလေးတွေကိုလှစေချင်မှာပါပဲ
ဒါပေမဲ့လဲ မွေးလိုက်တဲ့ငါးတိုင်းက ဘုမထွက်ရတာနဲ့ ပုလဲကာလမလှရတာနဲ့ ခဏခဏသေရတာနဲ့ စသည်ဖြင့် စိတ်ရှုပ်စရာတွေခဏခဏဖြစ်နေပြီဆိုရင်တော့ သင့်ရဲ့မွေးမြူနည်းမှာ ဘယ်အချက်က မှားနေပြီလဲဆိုတာ ဆန်းစစ်ကြည့်သင့်နေပါပြီ
ကျွန်တော်ကတော့ အောက်ပါအချက် ၅ ချက်နဲ့ပြည့်စုံမှငါးလှလှတစ်ကောင် ဖြစ်ပေါ်လာမယ်ဆိုတာကို အကြံပြုချင်ပါတယ်ဗျ

ပထမ = မျိုးရိုး ( ဘုလိုင်းအားသန်တဲ့သူက အဖေအမေ ဘုပါတဲ့မျိုးကိုအဓိကထားရွေးစေချင်ပါတယ် ဒီနေရာမှာ မျိုးရိုးဆိုတာက နာမည်တွေဖြစ်တဲ့ pp # #$%%$&$$ စတာတွေကိုပြောတာမဟုတ်ပါဘူး အဓိကက အဖေအမေမျိုးက ဘုကိတ်တဲ့ ဘုထွက်တဲ့မျိုးရိုးကိုပြောတာဖြစ်ပါတယ်
နာမည်ကတော့ ဖောက်တဲ့သူပေါ်မူတည်ပြီးပေးကြတာများပါတယ် )

ဒုတိယ = ဂရုစိုက်နိုင်မှု ( ဂရုစိုက်နိုင်မှုဆိုတာကတော့ ငါးကန်အကျယ်အဝန်း ငါးရဲ့အရွယ်အစားနဲ့ညီမျှတဲ့ အပူချိန် / oxygen / filter system / Ph စတာတွေကို ပြည့်စုံအောင်ထားပေးနိုင်ခြင်းကိုဆိုလိုပါတယ်
ရေကတော့ ၃ရက်တစ်ခါ ရေ ၂၅% လဲလှယ်ခြင်း ဒါမှမဟုတ်နေ့တိုင်း ကန်အောက်ခြေက ငါးချေးများကိုပိုက်နှင့်စုပ်ထုပ်ပေးလျှင်ပိုကောင်းပါတယ် )

တတိယ = ကန်အကျယ်အဝန်း ( ငါးတစ်ကောင်ဟာ ၁လက်မအရွယ်အစားဆို အလျားတစ်ပေ အမြင့် ၁ပေခွဲ ပျမ်းမျှထားသင့်ပြီး ထပ်ကြီးလာတဲ့အရွယ်အစားနဲ့ညီမျှအောင်ကန်ကို ချဲ့ပေးရန်လိုအပ်ပါတယ် ၁လက်မအရွယ်လဲ၁ပေကန် ၄လက်မအရွယ်လဲ၁ပေကန် အတိုင်းသာထားပါက မိမိဖြစ်စေချင်တဲ့ ငါးအလှကိုဖြစ်စေမှာမဟုတ်ပါဘူး )

စတုတ္ထ = အစာကျွေးမှုပုံစံ ( အစာကျွေးရာမှာ ငါးအရွယ်အစား အစာရဲ့အရွယ်အစားပေါ်မူတည်ပြီးကျွေးသင့်ပါတယ် ဥပမာ ၁လက်မဆိုဒ်ရှိတဲ့ငါးအတွက် အစာsmall size ရှိတဲ့အစာကို မနက်၂လုံး ည၂လုံးလောက်ဆိုအဆင်ပြေနေပါပြီ ဒါမှမဟုတ် မနက်၁လုံး နေ့လယ်၁လုံး ညနေ၁လုံး ည၁လုံး အဲ့လိုခွဲကျွေးတာကပိုအဆင်ပြေစေပါတယ် /
အချို့က ငါးကိုများများစားစေချင်တဲ့စိတ်နဲ့ အစာကိုဒလဟောထည့် မကုန်တဲ့အစာတွေကိုမထုတ်ပစ်ဘဲရက်ရှည်ထားတဲ့အခါ ရေကိုအဆိပ်ဖြစ် ငါးရောဂါဖြစ် ငါးများကလဲ အစာကိုမတန်တဆစားကာ ဝမ်းနဲ့ပက်သတ်သောပြဿနာများဖြစ်သည့် ချေးဖြူ အူကျ လေအိပ်ပေါက် စသည်ဖြင့်ရောဂါများဖြစ်စေပြီး သေသည်အထိ ထိခိုက်စေပါတယ် ငါးများကိုအစာလိုအက်သည်ထက်ပိုကျွေးခြင်းက ကောင်းကျိုးထက်ဆိုးကျိုးကို ပိုဖြစ်စေပါတယ်
ဒါကြောင့်ငါးရဲ့အရွယ်အစား ငါးစာရဲ့အရွယ်အစားပေါ်မူတည်ပြီး ချင့်ချိန်ကျွေးသင့်ပါတယ် )

ပဉ္စမ = အစာ ( တကယ်ဘုထွက်မဲ့ငါးကတော့ flowerhorn အစာဖြစ်တဲ့ ဘယ်အစာကျွေးကျွေး ဘုထွက်ပါတယ် ဥပမာ head up / platinum ကျွေးယုံနဲ့တင်ဘုထွက်ပါတယ် ဒီအစာတွေက ငါးများလိုအပ်ချက်ကိုပြည့်စုံအောင်မျှထည့်ပေးပြီးသားဖြစ်ပါတယ်
သို့သော်အခြားအရည်အသွေးကောင်းတဲ့အစာများကိုလဲကျွေးနိုင်ပါတယ်
ယခုမှစမွေးတဲ့ Flowerhorn ဝါသနာရှင်များက ငါးမျိုးရွေးတာထက် အစာကိုရွေးချယ်နေကြတဲ့အတွက်ကြောင့် လမ်းပြပေးခြင်းဖြစ်ပါတယ်
(ကျွန်တော်ကိုယ်တိုင်လဲအခုလို လမ်းမှားလိုက်ခဲ့ဖူးတာကြောင့်ပါ )
နောက် အစာခြောက်အပြင် အစာစိုများဖြစ်တဲ့ ရေတီ / အမဲနှလုံး/အသည်း / ပုဇွန် စတာတွေကိုလဲ တစ်ပါတ် ၂ခါ၃ခါကျွေးလျှင်ပိုကောင်းပါတယ်
အစာစိုသီးသန့်ကျွေးပါက ဝမ်းနဲ့ပက်သတ်သောပြဿနာများအဖြစ်များစေနိုင်ပါတယ် )
#အစာခြောက်များအားမကျွေးခင်စက္ကန့်၃၀ခန့်ရေစိမ်ပြီးမှကျွေးခြင်းကဝမ်းရောဂါများကိုကာကွယ်ပြီးသားဖြစ်စေပါတယ်

အဲ့၅ချက်လုံး ပြည့်မှီအောင်လုပ်နိုင်မယ်ဆို ဘယ်ငါးမဆို လှပ မှာပါဗျာ
နောက်တစ်ခုက ငါးတော်တော်များများက ငယ်တုန်းခဏ ၂ လ ၃လနဲ့မသိသာပါဘူး
အနည်းဆုံး ၆လဆိုရင် သိသာပါတယ်
ကိုယ်မွေးထားတဲ့ငါးက သူများမျက်စိထဲမလှပေမဲ့ ကိုယ့်မျက်စိထဲလှနေဖို့က အဓိကပါဗျာ
😇ငါးလှလှလေးတွေအများကြီးပိုင်ဆိုင်ပြီး အရာရာအားလုံးအဆင်ပြေပါစေဗျ😇

#မှတ်ချက် ။ ။ ယခုဖော်ပြချက်များသည် ကျွန်တော်အတွေ့အကြုံအချို့နှင့် ဝါရင့်ဆရာကြီးများ၏လမ်းညွှန်ချက်များကို ပေါင်းစပ်ဖော်ပြထားခြင်းဖြစ်ပါတယ်

Cb or commentများမှ ငါးအမျိုးအမည်များလာရောက်ခွဲခြားခိုင်းခြင်းနှင့် မိမိငါးများဘုတက်နိုင်မတက်နိုင်မေးမြန်းခြင်းများမပြုကြပါရန်မေတ္တာရပ်ခံအပ်ပါသည် Flowerhorn ငါးသည် မှန်းဆရခက်သောကြောင့်ကျွန်တော့်ပညာနှင့်မခွဲခြားနိုင်သေးလို့ပါဗျာ

17/06/2021

#ငါးကန်နောက်ခံအရောင်

ငါးကန်နောက်ခံအရောင်ဟာ ငါးကြည့်ကောင်းခြင်းနဲ့ အပြုအမူကို များစွာလွှမ်းမိုးမှုရှိပါတယ်

ဝါသနာရှင်တွေအများစုက ငါးကန်နောက်ခံအရောင်ကို
မရှိမဖြစ်မလိုအပ်ဘူးလို့ ထင်တတ်ကြပါတယ်

ငါးမွေးခြင်းရဲ့ အဓိကအချက်က ငါးတွေပျော်ပျော်ရွင်ရွင်နဲ့ ရေကူးနေတာကို ကြည့်ချင်တာပါ
သတိထားရမှာက ငါးချည်းသီးသန့်ကြည့်လို့မရပါဘူး
ငါးရဲ့ အလှကို ပြည့်စုံအောင် နောက်ခံအရောင်က
ထောက်ပံပေးနေတာပါ

ယေဘုယျအားဖြင့်လိုက်ဖက်ညီတဲ့ ငါးအမျိုးအစားနဲ့ နောက်ခံကာလာကို
ဖော်ပြပေးလိုက်ပါတယ်

အမဲရောင်နောက်ခံ

ငါးရဲ့ အရောင်ကို ပိုမို ပေါ်လွင်တဲ့အတွက်
အရောင်အားသာတဲ့ ငါးများကို ရွေးချယ်သင့်ပါတယ်။
1 လက်ကီး
2 ဒစ်စကပ်
3 ရွှေငါး
4 မာလဝီ
5 ဖိုက်တာ
6 မွန်းစတားငါးများ

အပြာရောင် နောက်ခံ

ငါးနဲ့ ငါးကန်ကို ခန့်ညားစေပါတယ်
1 ဖလားဝါးဟွန်း
2 ပင်လယ်ငါးများ
3 အော်စကာ
4 ရွှေငါး
5 Vieja

အဖြူရောင်နောက်ခံ

သေးငယ်သော ငါးများ အတွက် ထင်သာမြင်သာရှိပါတယ်။
1 ဒေါင်းငါး
2 အိန်ဂျယ်
3 ရမ်
4 ဆိုတေး
5 မော်လီ

24/05/2021

24/05/2021

သားဖောက်နည်းတွေ သိတဲ့သူများပါတယ်။
ဖောက်ပီး ဘာဆက်လုပ်ရမလဲ။
သားပေါက် မထိန်းတက်လို့တစ်အုပ်လုံးသေသွားတယ်။
ဘာကျွေးရမလဲ။ဘယ်လိုထားရမလဲ ဆိုတာကို
ကိုသူလေး တင်ထားဖူးတာလေး ပြန်ရှယ်ပေးတာပါ။ အဲ့တုန်းက မတွေ့လိုက်တဲ့ သူတွေ ပြန် Save လို့ရအောင်ပါ။
ကိုသူလေးကို Credit ပေးပါတယ်။

Flower horn သားပေါက်ထိမ်းသိမ်းနည်း( ကျန်နော်အသုံးပြုနေတဲ့နည်းဖြစ်လိုအမှားအယွင်းများပါခဲ့ရင် ခွင့်လွှတ်ဝေဖန်ပေးကျပါ)
Fh တွေရဲ့ ဥဟာသားအောင် မအောင်းကို ၂ ရက် ၃ ရက်ဆိုသိနိုင်ပါတယ် ဥတွေရဲ့ အထဲမှာ အဆံလေးကိုတွေရရင် အဲ့ငါးကသားအောင်ဖို့ကျိန်းသေပါတယ် သေချာအနုစိတ်ကြည့်ရင် အဲ့အဆံလေးက မျက်လုံးလေးပါ ပူတဲ့အချိန်ဆိုရင်တော့ ၃ ရက်လောက်ဆိုအကောင်ပေါက်ပါတယ် အေးနေရင်တော့ ၄-၅ ရက်လောက်နေမှပေါက်တတ်ပါတယ် ရေစကူးတာကတော့ ရာသီဥတုနဲ့လဲဆိုင်ပါတယ် ပူရင် ၈ အေးရင် ၉ - ၁၀္ လောက်မှရေကူးတတ်ပါတယ် ရေစကူတဲ့ရက်မှာ အစာစမကျွေးသင့်ပါဘူး နောက်ရက်မှကျွေးသင့်ပါတယ် အကြောင်းကတော့ fh တွေရေကူးတဲ့အခါမှာတပြိုင်ထဲအားလုံးထကူးတာမျိုးမဟုတ်ပါဘူး အထီးရဲ့ s***m အရင်ဆုံးစဖြန်းခံရတဲ့ကောင်တွေကအရင်စကူးတာပါ နောက်ကောင်တွေကူးတာကလဲအချိန်အရမ်းကြီးတော့မကွာပါဘူး မီနစ်ပိုင်းလောက်ပါပဲ အဲ့အချိန်မှာကိုယ်ကရေကူးပြီဆိုပြီအစာကျွေး လိုက်ရင် ရေထကူနေတဲ့ကောင်တွေက အစာစားပြီတော့မကူးသေးတဲ့ကောင်တွေကိုတွတ်တတ်ပါတယ် အဲ့အခါကျသေကုန်ပါတယ် နောက်တခုက အစာကျွေးတဲ့နေရာမှာ ဥသေးတဲ့အကောင်တွေကပေါက်ရင် အကောင်ပေါက်ကသေးတဲ့အတွက် အာတီးမီးယားကို ၃ - ၄ ရက်လောက်ကျွေးပေးသင့်ပါတယ် အဲ့နောက်မှာတော့ ရေတီကိုနုတ်နုတ်စင်းပြီကျွေးရပါတယ် ပြောရရင်တော့အားကုသိုလ် များတဲ့အပိုင်းပေါ့ဗျာ တီခုတ်တဲ့အခါမှာ ပထမ ၃ ရက်လောက်ကတော့ တီကိုကြေညှက်သွားတဲ့အထိခုတ်ရပါတယ် အဲ့လို တဖြေးဖြေးနဲ့ ခုတ်တဲ့အခါ မညှတ်တညှတ်ပေါ့ဗျာ တီခုတ်ရတဲရက်အကန့်အသက်ကတော့ ပုံသေမရှီပါဘူး ပေါက်ငါးရဲ ကြီးထွားနှူန်းနဲ့ဆိုင်ပါတယ် ကိုယ့်ငါးကတီဆွဲနိုင်ပြီထင်ရင် တော့တီကိုချပေးကြည့်ပေါ့ဆွဲနိုင်လားလို့ပေါ့ မဆွဲနိုင်ရင်တော့ထပ်ခုတ်ပေါ့ အစာကျွေးချိန်ဟာ နေလယ် ၂ နာရီမကျော်ရပါဘူး အပေါက်လေးတွေဆိုတော့အစာချက်ဖို့အချိန်ပိုလိုအပ်လို့ပါ မနက် ၁၁ နာရီလောက်ကျွေးတာဟာအသင့်တော်ဆုံးပါပဲ ပြီတော့ တီစခုတ်ပြီ နောက်တရက်မှာရေလဲပေးသင့်ပါတယ် ရေကို ၄၀ % လောက်လဲပေးပါ ညဘက်မှလဲပါ ရေမလဲမီ တနာရီလောက်အမှောင်ချထားလိုက်ပါ အဲ့ဒါဆိုသားပေါက်တွေကထောင့်တွေမှာစုသွားပါတယ် ရေလဲတဲ့အခါငါးပေါက်တွေမပါတော့ဘူးပေါ့ဗျာ ရေပြန်ထည့်တဲ့အခါပိုက်သေးသေးနဲ့ရေအားကိုမပြင်အောင်ထည့်ပါ ရေအားပြင်သွားရင်ငါးတွေမူးပြီသေတတ်ပါတယ် ဒီလိုနဲ့အဆင့်ဆင့်ကြီးလာပါတယ်ဗျာ တခုကျန်သေးတယ် အမဥပြီးသွားတဲ့ ဥကို ကျန်နော်ကတော့ အထီး အမ ၂ ကောင်လုံးထုတ်ပြီဆေးရိုက်ပြီထိမ်းပါတယ် တချိုကတော့ အထီးပေးထိမ်းတယ် အမပေးထိမ်းတယ် အထီး အမ ၂ ကောင်လုံးပေးထိမ်းတတ်ကျပါတယ် ကျန်နော်ကတော့ဆေးနဲ့ပဲထိမ်းပါတယ်ခင်ဗျာ သုံးတဲ့ဆေးကတော့ မဲသလင်းဘလူးပါ ဆေးကအပြာရောင်ပါ အမူန့်ကို အရည်ဖျော်ပြီးသုံးတာပါခင်ဗျာ သိချင်တာလိုအပ်နေတာတွေရှီရင် commentမှာဆက်ပြီဆွေးနွေးကျတာပေါ့ဗျာ အားလုံး အကို အမ များကိုကျေးဇူးတင်ပါတယ်။


photocrd

24/05/2021

ဒီစာကိုမရေးခင် ကျနော်တို့နေ့စဉ်နဲ့အမျှအိမ်မှာဖြစ်ဖြစ်၊ တစ်ခါတစ်ရံအလှမွေးငါးဆိုင်သွားရင်းနဲ့ဖြစ်ဖြစ်အများဆုံးမြင်ရတွေ့ရထိတွေ့နေရပြီးအလှငါးမွေးတဲ့ငါးဝါသနာရှင်တွေနဲ့မစိမ်းတဲ့ငါးတစ်မျိုးအကြောင်းပဲဖြစ်ပါတယ်။မြန်မာပြည်မှာအများအခေါ်စာတန်းငါး(သို့)Flower Horn fish ပေါ့။ ဒီငါးအကြောင်းကိုပြောရမယ်ဆိုရင် ဒီငါးကသဘာဝမှာမရှိပဲ။လူတွေရဲ့ဖန်တီးမှုကြောင့်ဖြစ်ပေါ်လာတာပဲဖြစ်ပါတယ်။တစ်နည်းပြောရရင်1990နှောင်းပိုင်းMalaysia made ပေါ့ဗျာ။( သူ့သမိုင်းကြောင်းနဲ့ဆက်စပ်တဲ့
Link တွေကိုတော့စိတ်ဝင်စားပြီးဖတ်ချင်တဲ့ဝါသနာတူတွေဖတ်လို့ရအောင် ဖတ်ရအဆင်ပြေအောင်ဒီပိုစ့်အောက်မှာပဲ link ချထားပေးပါမယ်။)သဘာဝမှာမရှိပဲလူတွေမျိုးစပ်ဖန်တီးပြီးဖြစ်လာတယ်ဆိုတော့စိတ်ဝင်စားဖို့ကောင်းတယ်တစ်ဆင့်တက်ပြီးပိုလေ့လာချင်လို့ပဲဖြစ်ဖြစ်။ ဒီငါးမျိုးဖောက်နေတဲ့.Breeder တွေအတွက်တစ်ဖက်တစ်လမ်းက အထောက်အကူပြုနိုင်အောင်ရည်ရွယ်ပြီးရေးရခြင်းပဲဖြစ်ပါတယ်။ခေါင်းစဉ်ကိုတော့....

#အမေရိကcichlidမျိုးစိတ်ကွဲမှFlower_Hornကိုခွဲခြားစိတ်ဖြာကြည့်ခြင်း

အောင်မြင်တဲ့မျိုးကွဲသားစပ်ခြင်း cross Breeding တွေမှာစီးပွားရေးအရလျှိုဝှက်ချက်များစွာရှိကြပြီးဘယ်သူမှထုတ်ဖော်ပြောကြားခြင်းမရှိခဲ့ပါဘူး။ဒါပေမဲ့အချိန်ကာလကြာလာတဲ့အမျှ
လျှို့ဝှက်ထားတဲ့အချက်တွေဟာဒီနေ့ခေတ်သတင်းအချက်အလက်တွေအလျှင်အမြန်ဖလှယ်ပြီးသိနိုင်တဲ့ခေတ်မှာတော့အဲ့ဒီစီးပွားရေးလျှို့ဝှက်ချက်တွေက ကန်ရေခန်းလို့ကန်ရေအောက်ကရှိတဲ့ကျောက်တုံးတွေပေါ်သလိုတဖြေးဖြေးနဲ့ပေါ်ပေါက်လာခဲ့ပါပြီ။ဒီအချက်ကြောင့်ပဲ
နှစ်ပေါင်း20ကျော်အတွင်းFlower Horn (Fh) မျိုးစိတ်တွေရဲ့ဖွံဖြိုးတိုးတက်မှုဟာလည်းမယုံကြည်နိုင်လောက်အောင်ဖွံ့ဖြိုးတိုးတက်လာတာလည်းမျက်မြင်ကိုယ့်တွေ့ကြုံခဲ့ကြပါပြီ။ FH ရဲ့ဘိုးဘေးမျိုးစိတ်ဆက်စပ်မှုတွေဟာအရမ်းများပြားပြီးရှုပ်ထွေးပါတယ်။
လွန်ခဲ့တဲ့နှစ်ပေါင်း20ကျော်ကတည်းကလူတွေကသုသေသနစမ်းစမ်းသပ်မှုအမျိုးမျိုးပြုလုပ်ကာယနေ့အချိန်ထိတိုင်ရပ်တန့်မသွားပဲ
လက်ရှိမျိုးတန်းမြင့်ဖို့အသစ်ဆန်းရဖို့ဆက်လက်စမ်းသပ်မှုတွေလုပ်နေတုန်းပဲဖြစ်တယ်။
ဥပမာတစ်ခုပြောပြမယ် Flower Horn လောကပင်လယ်ကြီးထဲမှာတစ်ချိန်ကနာမည်ကြီးခဲ့တဲ့Golden Monkey (GM) (orginal kamalau) မျိုးစိတ်ဟာမတော်တဆမှုတစ်ခုကြောင့်မူရင်းမျိုးငါး
သေသွားပြီးကတည်းကအခုချိန်ထိပြန်မတွေ့နိုင်တာဘာကြောင့်လည်း? ဒီမတော်တဆcross breed လုပ်ပြီးထွက်လာတဲ့ငါးမျိုးဟာ
မတော်တဆမှုတစ်ခုကြောင့်ပြန်ပျောက်ကွယ်သွားခဲ့တယ်။ ဒီနေရာကနေမြင်နိုင်တာကမူရင်းGolden Monkey ဖောက်ခဲ့တဲ့farm တောင်သူ့ရဲ့GMမျိုးရိုးကိုကော်ပီပွားယူဖို့မလွယ်ဘူးဆိုတာပါပဲ။
Cross Breed လုပ်လို့ရတဲ့Viejas မိသားစုဝင်အများစုဟာအနာဂတ်ကာလမှာflower horn ငါးတွေရဲ့gene ထဲပေါင်းစပ်မှုဘယ်လောက်ထိပါဝင်လာမယ်ဆိုတာကတော့မသိနိုင်သေးပါဘူး။

ငါးသားဖောက်သူအများစုအမြင်မှာ မူရင်း Fh ငါးတွေဟာတခြားcichlidမျိုးစိတ်သွေး(5)မျိုးနဲ့ပေါင်းစပ်ပြီးဖြစ်ပေါ်လာတယ်လို့ယုံကြည်ကြတယ်။ အဲ့ဒီအဓိကမျိုးစိတ် cichlid (5)မျိုးက

(1)Trimac (cichlasoma trimaculatam)
(2)Midas (Amphilophus citrinellus)
(3)vieja Synsplius
(4)convict cichlid (Amatitlania nigrofasciata)
(5)Texas cichlid
စသည်တို့ဖြစ်ပါသည်။

FLOWER HORN သားစပ်ရာတွင်
Trimac(cichlasoma TRIMACULATAM) ကတော့မျက်စံနီနဲ့ထင်ရှားပြီးမဲနက်နေတဲ့စာတန်းနောက်ပြီးအထက်အောက်မညီညာတဲ့နှုတ်ခမ်းနဲ့ဝိုင်းစက်နေသောအမြီးတွေပံ့ပိုးပေးပြီး

Midas (Amphilophus citrinellus) ကတော့ဘဲဥပုံစံကျတဲ့ခန္ဓာကိုယ်နဲ့အရည်ဘု(kok)နောက်ပြီးအကျွတ်သွေး(fade Gene) ဖြစ်အောင်ပံ့ပိုးပေးတယ်လို့ယုံကြည်ကြတယ်။

Vieja Synsplius ရဲ့ပုံပန်းသဏ္ဍာန်ကတော့အဓိက Kamfa မျိုးစိတ်ပေါ်ပြီးတွေ့နိုင်ပါတယ်။ ရှေ့ငိုက်သောဘု(kok) ပုံစံကြီးမားတောင့်တင်းပြီးလေးတောင့်ဆန်ဆန်ခန္ဓာကိုယ်နဲ့သန်မာပြီးပြန့်ကားတဲ့ယပ်တောင်လိုအမြီးနဲ့အထက်အောက်ဆူးတောင်( strong fin and tail )ဖြစ်အောင်ပံ့ပိုးပေးပါတယ်။

Texas cichlid ရဲ့ပံ့ပိုးမှုကတော့ခန္ဓာကိုယ်တစ်ခုလုံးလင်းလက်တဲ့ပုလဲသားနဲ့ကနုတ်ပုံစံတွေပဲဖြစ်ပါတယ်။

နောက်ဆုံး convict cichlid (Amatitlania nigrofasciata) ကတော့ကျနော့အထင်Zhen Zhou (ZZ) Flower Horn တွေခန္ဓာကိုယ်အရွယ်အစားကKamfa နဲ့ယှဉ်ရင်မကြီးဘူးပြီးတော့သက်တမ်းလည်းပိုတိုတယ်ဆိုတာသူနဲ့မကင်းနိုင်ပါဘူး။ အဲ့လိုဆိုရင် convict cichlid တွေဘယ်နေရာမှာအသုံးဝင်လည်း? ဘယ်လိုပံ့ပိုးမှုတွေပေးလည်း? အတွေ့အကြုံရှိတဲ့ဆရာတွေနဲ့ဆွေးနွေးမေးမြန်းခဲ့ဖူးတယ်။ပတ်သက်တဲ့စာစောင်တွေလည်းရှာဖတ်ဖူးတယ်။ နောက်ဆုံးရလာတဲ့အဖြေကတော့ convict cichlid တွေဟာ cichlid မျိုးနွယ်ထဲမှာသားဖောက်ရတာအလွယ်ကူဆုံးဖြစ်ပြီးအရွယ်ရောက်ဖို့အချိန်ကာလလည်းတိုတောင်းပါတယ်။ တွဲရခက်ပြီးသားဖောက်ရန်ခက်ခဲပြီးမတူတဲ့မျိုးစိတ်2ခုပေါင်းစည်းဖို့အတွက်ကြားခံတံတားဆိုရင်လည်းမမှားပါဘူး။

America cichlid တွေကျယ်ပြန့်စွာပုံစံအမျိုးမျိုးသားစပ်လို့ရပေမဲ့။ ဒါပေမဲ့သူတို့တွေဟာဒေါင်းငါးတွေလိုမဟုတ်ဘူးအချိန်တိုတိုနဲ့အောင်မြင်မှုမရနိုင်ပါဘူး။
အမေရိက cichlid တွေပေါင်းစပ်ဖို့ခက်ခဲ့တဲ့အကြောင်းရင်းတွေက

(၁)မတူညီတဲ့မျိုးစိတ်တွေတွဲရခက်ခဲခြင်း
(၂)အရွယ်အစားကြီးမားလေလေအရွယ်ရောက်ဖို့အချိန်ကြာမြင့်
လေလေ(ဒီနေရာမှာအချိန်နဲ့ငွေကြေးအမြောက်အများရင်းနှီးပြီးတာတောင်မှအောင်မြင်ဖို့အခွင့်အလမ်းလည်းနည်းပါတယ်။)
(၃)Gene ပိုင်းအရမ်းဝေးကွာသောကြောင့်တစ်ချို့မျိုးစိတ်တွေဟာ
တိုက်ရိုက်မျိုးစပ်ယူလို့မရခြင်း။
(၄)Hybrid သားပေါက်တွေရလာသော်လည်းရောင်းတန်းမဝင်ခြင်း(မှတ်ချက်-ဒီစာမှာပြောချင်တဲ့အရာကငါးရဲ့အပြင်ပိုင်းသဏ္ဍာန်ကိုသာညွှန်းဆိုပြီး။ ငုပ်ပေါ်ဗီဇနဲ့လုံးဝမသက်ဆိုင်ပါကြောင်း)
(၅)တစ်ချို့ Hybrid ငါးသားပေါက်ပုံစံတွေဟာ ပုံပျက်ပန်းပျက်ဖြစ်ပြီးမသန်မစွမ်းပိုလီယိုပုံစံတွေရှိသလိုရောဂါခံနိုင်စွမ်းမရှိသလောက်ဖြစ်ပြီးအသက်မရှည်ပါဘူး။

အဲ့တာကြောင့်ကိုယ်ဆီမှာရှိတဲ့ငါးလှလှလေးတွေတန်ဖိုးထားနိုင်ကြပါစေလို့ဆုတောင်းပေးရင်းခဏနားပါရစေ။

#တစ်ပုံချင်းထောက်ကြည့်ပါ

https://www.facebook.com/1117939738288804/posts/1208541179228659/

kmlနောက်ခံသမိုင်းကြောင်း

https://www.facebook.com/202crossbreed/photos/a.1129386827144095/1129386803810764/?type=3

Flower Horn နောက်ခံသမိုင်းကြောင်း

ကျော်နိုင်ဦး
13.7.2020

24/05/2021

Breederကောင်းတစ်ယောက်ဆိုတာဘာလည်း
ဒီနေ့ခေတ်ကာလအချိန်အခါမှာများများရင်းများများမြတ်မြန်မြန်ရင်းမြန်မြန်ရတဲ့ခေတ်မှာတကယ့်Breederအစစ်အမှန်တစ်ယောက်ဖြစ်ဖို့ဆိုတာတကယ်ခက်ခဲတဲ့အရာပါ။လူတစ်ယောက်ကငါးထီးတစ်ကောင်နဲ့ငါးမတစ်ကောင်မွေးလိုက်တယ်ငါးလေးတွေပေါက်လာတယ်။အဲ့တာBreederလို့ခေါ်သလား?အဖြေကတော့noပါ၊မဟုတ်ပါဘူး။ငါး(farm)တစ်ခုထောင်ထားတယ်။ငါးတွေအဆက်မပြတ်သားဖောက်ပြီးပြန်လည်ရောင်းချတယ်များများမြတ်တယ်အဲ့တာကBreederလား?ဒါလည်းမဟုတ်သေးဘူး။အိမ်မှာငါးတစ်စုံမွေးတယ်သူ့သဘာဝအတိုင်းသီးချိန်တန်သီးပွင့်ချိန်တန်ပွင့်တယ်ပြီးတော့ငါးပေါက်တွေအများကြီးပေါက်လာပါပြီဒီလိုနဲ့တစ်ဆတစ်ဆများလာပြီးလူထပ်ခေါ်ပြီးထိန်းသိမ်းရတဲ့အဆင့်ထိဖြစ်လာပါပြီဒါကိုBreederလို့ခေါ်လို့ရပြီလား?အဖြေကတော့အပေါ်ကအတိုင်းပါပဲnoပါ။သာမန်အခြေအနေမှာအိမ်မွေးတိရိစ္ဆာန်အဖြစ်မွေးမြူကြတဲ့ကျွန်တော်တို့နဲ့ရင်းနှီးနေတဲ့ငါးနဲ့ပဲဥပမာတွေပေးရမှာပေါ့ငါးမျိုးစိတ်တွေအများကြီးထဲမှာမှကျွန်တော်တို့နဲ့မစိမ်းတဲ့ငါးမျိုးFlower Hornနဲ့စပြောရမှာပေါ့FHတွေသားဖောက်ကြတဲ့breederတွေဆိုတာအနည်းဆုံးတော့FHတွေနဲ့ပတ်သက်တဲ့အခြေခံအားလုံးကိုသိရှိပြီးသားဖြစ်ရမှာပါ။FHတွေရဲ့မိသားစု(family)အုပ်စု(Group)စသည်ဖြင့်ဥပမာ-FhမိသားစုထဲမှာမှKamfaဆိုတဲ့အုပ်စုထဲကငါးသားပေါက်တွေပျိုးဖို့စိတ်အားပိုထက်သန်တယ်ငါးသားပေါက်ပျိုးချိန်ဆောင်ရန်/ရှောင်ရန်အချက်တွေလိုအပ်တဲ့အပူချိန်/အလင်းရောင်ရရှိမှုရေ၏ချဉ်ဖန်နှုန်း(PH)အကျိုးပြုဘက်တီးရီးယားပေါက်ဖွားမှု၊ရေ၏ဓါတုဗေဒသဘော....စသည်ဖြင့်အားလုံးကိုသိရှိထားရပါမည်။လူတော်တော်များများ၏အမြင်မှာငါးရဲ့မျိုးရိုးဗီဇ(gene)ဟာနာမည်တစ်မျိုး(သို့)စာရွက်တစ်ရွက်လို့ပဲထင်ကြတယ်။သိပ်အသုံးမဝင်ဘူးပေါ့ငါးတစ်ကောင်လှနေရင်ပြီးရောပေါ့။ဒါပေမဲ့ငါးသားဖောက်မဲ့Breederတွေတော်တော်များများအတွက်တော့အဲ့ဒါဟာ #ရွှေအကြောင်းဖယောင်းသက်သေသည် ဆိုတဲ့ဆိုရိုးစကားအတိုင်းပဲအဲ့ငါးအကြောင်းလည်းအဲ့ဒီမျိုးရိုးဗီဇ(gene)ကပြောပြလိမ့်မယ်။ဒီလိုပါပဲသင်ကိုယ်တိုင်လည်းလက်ညိုးတွေလျှောက်ထိုးလို့ရတာပေါ့အဲ့ဒီငါးမျိုးကစစ်တယ်ဟိုငါးမျိုးကမစစ်ဘူးစိတ်ကြိုက်ဝေဖန်ခွင့်ရှိပါတယ်။Breederတွေအတွက်ကတော့အဲ့လိုလုပ်တာဟာတစ်ကယ့်ထိုးနှက်မှုတစ်ခုပါပဲ။ဘာကြောင့်လဲဆိုတော့တကယ့်Breederကောင်းတစ်ယောက်ရဲ့စိတ်ဓါတ်ဟာသူကိုယ်တိုင်အချိန်ကုန်၊ငွေကုန်လူအပင်ပန်းခံလုပ်တယ်သူ့ရည်ရွယ်ချက်ကကျန်းမာသန်စွမ်းပြီးအရောင်အသွေးစုံလင်လှပတဲ့နောက်မျိုးဆက်သစ်ဖြစ်ပေါ်လာဖို့ပဲဖြစ်ပါတယ်။ဒီကြိုးစားအားထုတ်မှုအားလုံးဟာမွေးဖွားလာတဲ့မျိုးဆက်ငါးတွေရဲ့မျိုးရိုးဗီဇ(gene)ဆိုတဲ့အရာဟာစာရွက်တစ်ရွက်(သို့မဟုတ်)နာမည်တစ်ခုဖြစ်ဖြစ်သက်သေမှတ်တမ်းအဖြစ်ကျန်ရှိနေမှာသေချာပါတယ်။နောက်တက်တဲ့Breederတွေလည်းအသီးအပွင့်တွေအတူတူခံစားခွင့်ရစေပါတယ်။မျိုးရိုးကောင်းလားမကောင်းဘူးလာဆိုတဲ့မေးခွန်းကတော့မူလသားဖောက်သူကိုယ်တိုင်အသိဆုံးဖြစ်မှာပါ။တကယ့်Breederတွေမျိုးရိုးဗီဇ(gene)ကိုအရမ်းအလေးထားတယ်ဆိုတာကလည်းအထူးအဆန်းမဟုတ်တော့ပါဘူး။Breederကောင်းတစ်ယောက်ဟာတကယ့်မျိုးရိုး(gene)ကောင်းတဲ့မျိုးရိုးကငါးထီးငါးမကိုပဲရွေးချယ်သားဖောက်မှာသေချာပါတယ်။ပေါက်လာတဲ့သားပေါက်တွေကိုရွေးချယ်ပြီးမှဝါသနာရှင်တွေဆီထံရောင်းချကြမှာဖြစ်ပါတယ်။ဒီအချိန်မှာသင့်အမြင်မှာတော့ဒါဟာနာမည်တစ်ခု(သို့မဟုတ်)စာရွက်တစ်ရွက်လို့ပဲမြင်ရင်မြင်နေမှာပါအရေးမကြီးပါဘူးလို့ထင်ရင်ထင်လိမ့်မယ်။တကယ်တော့Breederတွေဟာသူတို့ရဲ့ငါးမျိုးရိုးတွေကိုနာမည်တွေအမျိုးမျိုးပေးကြပါတယ်။ဥပမာ-ကိုယ့်ငါးမျိုးရိုးကိုနာမည်ပေးလိုက်တယ်123ပေါ့နောက်ပိုင်းအဲ့ငါးသားပေါက်လာလို့သားပေါက်လှလှလေးတွေရွေးပြီးနာမည်တစ်ခုထပ်ပေးလိုက်တယ်GGပေါ့ပြိုင်ပွဲထဲဝင်ပြိုင်တယ်ဆုတွေရခဲ့တယ်။အဲ့ငါးက123(gene)GGပေါ့နောက်မျိုးဆက်ထပ်ဖောက်တယ်ထပ်ပြိုင်တယ်ဆုရခဲ့မယ်ဆိုရင်ကိုယ်တိုင်ဖန်တီးခဲ့တဲ့ငါးမျိုးတွေအသိအမှတ်ပြုခံရပြီပေါ့။ဒါတွေကတော့Breederကောင်းတွေအားလုံးရဲ့ရည်မှန်းချက်ပန်းတိုင်ဆိုတာသိပ်သေချာပါတယ်။ဒါကြောင့်သင့်အမြင်မှာစာရွက်တစ်ရွက်ပဲဖြစ်ဖြစ်နာမည်တစ်မျိုးပဲဖြစ်ဖြစ်ဒါတွေအားလုံးဟာBreederတွေရဲ့ချွေးတွေသွေးတွေအနှစ်နှစ်အလလသောအချိန်ကာလတွေနဲ့ရင်းပြီးဖြစ်ပေါ်လာတယ်ဆိုတာအားလုံးသိထားရင်ပိုကောင်းတာပေါ့။(ငါးမွေးတယ်ဆိုတာလည်းအသက်တစ်ချောင်းပါတန်ဖိုးထားတတ်ပါစေ)တကယ်လို့သာသင်ဟာGeneticအခြေခံသဘောတရားမသိဘူးဆိုရင်သင်ဟာBreederကောင်းတစ်ယောက်ဖြစ်မလာနိုင်ဘူး။ဒါပေမဲ့ရံဖန်ရံခါငါးလှလှလေးတွေပေါက်ရင်ပေါက်ခဲ့မှာပါ။ဒါပေမဲ့သင်ဟာအဲ့ငါးလှလှလေးတွေဘယ်လိုကြောင့်ဖြစ်ပေါ်လာလည်းဆိုတာသင်ကိုယ်တိုင်နားမလည်နိုင်ဘူး။အဲ့တာတွေဟာသင်ရှေ့ဆက်သွားမယ့်လမ်းကိုဇဝေဇဝါဖြစ်စေမှာပါ။တစ်ချို့နာမည်ကြီးငါးတွေရဲ့နောက်ကွယ်မှာ(ဥပမာ-9.9)တကယ့်တကယ်မျိုးရိုး(gene)ကောင်းတဲ့ဖောက်ထီးဖောက်မတွေကျောထောက်နောက်ခံအဖြစ်ရှိနေကြတယ်။သူတို့တွေဟာတကယ်ရှားပါးပြီးတန်ဖိုးကြီးလှပါတယ်။တစ်ချို့သောBreederတွေကအများနဲ့မတူတဲ့အမြင်သူတို့မှာရှိကြတယ်။ငါးတစ်ကောင်ကိုကြည့်လိုက်တာနဲ့ဒီငါးဟာမျိုးရိုးဘယ်လောက်ထိကောင်းတယ်ကြီးလာရင်ဘယ်လိုပုံစံဖြစ်လာဖို့များတယ်ဆိုတာချက်ချင်းသိနိုင်တယ်။ဒီလိုအမြင်မရှိသေးတဲ့ငါးဖောက်သမားတွေကကိုယ့်အတွေ့အကြုံနဲ့စာအုပ်တွေဓါတ်ပုံတွေသင်ခန်းစာတွေအားလုံးပေါင်းပြီးလေ့လာရင်တဖြေးဖြေးနဲ့တော့သဘောပေါက်နားလည်လာမှာပါ။အမြဲတမ်းChampionတွေအများစုမွေးထုတ်ပေးတဲ့Breederတွေဟာအများနဲ့မတူတဲ့အမြင်ရှိရုံတင်မကအခြားအကြောင်းအရင်းတွေလည်းအများကြီးရှိပါတယ်။ကံမကောင်းတာတစ်ခုကငါးဖောက်သူတော်တော်များများဟာမျိုးကောင်းတဲ့အထီးအမကိုပဲသုံးရင်ငါးသားပေါက်လှပြီထင်နေကြတယ်။သူတို့ထင်တာကမျိုးတွေတူနေကြတာပဲ။ဒီမှာတော့ကံကောင်းခဲ့ရင်ပထမမျိုးဆက်၊ဒုတိယမျိုးဆက်တွေအဆင်ပြေရင်ပြေနေလိမ့်မယ်။ဒီလိုပဲဆက်သွားမယ်ဆိုရင်Lဆိုင်းဇီသီးချင်းထဲကလိုပဲကြေကွဲရလိမ့်မယ်ကြေကွဲရလိမ့်မယ်။နောက်ထပ်အောင်မြင်မှုပန်းတိုင်ကိုရောက်ဖို့အဟန့်အတားဖြစ်စေတော့ကံပါပဲ။(ကံ၊ဥာဏ်၊ဝီရိယ)ရှိမှအောင်မြင်မှုပန်းတိုင်ကိုရောက်ရှိမှာပါ။ Geneticပညာမှာပုံသေသဘောတရားတစ်ခုရှိတယ်အဲ့တာကတော့ငါးထီးငါးမရဲ့အားသာချက်တွေအားနည်းချက်တွေဟာသူတို့ရဲ့မျိုးဆက်သစ်တွေဆီဘယ်လိုပုံစံနဲ့ဆင်းသက်သွားမှာလည်းခွဲဝေမှုပုံစံဟာဘယ်လိုရှိသလည်းစသဖြင့်....(Linebreeding , Inbreeding & out crossingအဲ့အကြောင်းတွေကတော့နောက်မှပဲဆွေးနွေးကြတာပေါ့)ဖြစ်သလိုမဖောက်ပဲမျိုးငါးတွေစနစ်တကျနဲ့ရွေးချယ်သားဖောက်ခြင်းဟာအောင်မြင်မှုရဲ့အဓိကအချက်ပါပဲ။ဘယ်လိုငါးမျိုးပဲဖောက်ဖောက်ပထမဆုံးအရေးကြီးတဲ့အချက်ကတော့အဲ့ငါးမျိုးရဲ့စံချိန်စံညွှန်းသတ်မှတ်ချက်ကိုနားလည်ထားမှရပါမယ်။သင်ဟာအဲ့ဒီငါးမျိုးနဲ့ပတ်သက်တဲ့စာအုပ်စာပေတွေများများဖတ်ရှု့လေ့လာဖို့လိုပါတယ်။တစ်ချိန်တည်းမှာပဲအတွေ့အကြုံရှိတဲ့ဆရာသမားတွေနဲ့ဆွေးနွေးတိုင်ပင်ပြီးသူတို့ပြောပြတဲ့စံချိန်စံညွှန်းကဘယ်လိုရှိလည်းနိုင်ငံခြားကစံချိန်စံညွှန်းကဘယ်လိုရှိလည်းအဲ့တာတွေအမြဲလေ့လာမယ်ဆိုရင်အောင်မြင်တဲ့Breederကောင်းတစ်ယောက်ဖြစ်လာဖို့ရှေ့ခြေတစ်လှမ်းပိုပြီးနီးစပ်လာပါပြီ။ငါးတွေရဲ့မျိုးရိုး(gene)မျိုးရိုးကိုလိုက်ဖို့နည်းလမ်းနောက်တစ်နည်းကတော့သူတို့တွေရဲ့ဘိုးဘွားတွေကိုလေ့လာခြင်းဖြစ်ပါတယ်။ဥပမာ-ငါးတစ်ကောင်ဟာကနုတ်ပါတ်ပြီးလှပနေတဲ့ဘုရှိတယ်ဆိုပါစို့သူ့ရဲ့အဖေကလည်းဘုလှတယ်ကနုတ်ပတ်တယ်ထိုနည်း၄င်းသူ့အဘိုးဟာလည်းကနုတ်ပါတ်တဲ့ဘုကြီးကြီးရှိတယ်ဒါဆိုရင်ဒီငါးရဲ့နောက်မျိုးဆက်ဟာကနုတ်ပါတ်ပြီးလှပတဲ့ဘုရှိမှာသေချာပါတယ်။ #ငါးတစ်ကောင်ရဲ့geneဟာ၄င်းရဲ့အရည်အသွေးအားလုံးကိုသတ်မှတ်လို့မရပါဘူး #သူနေထိုင်တဲ့ပတ်ဝန်းကျင်ဟာသူ့ကိုအများကြီးပြောင်းလဲစေနိုင်တယ်။ဥပမာ-ငါးတစ်ကောင်ဟာအလွန်ကောင်းတဲ့(gene)ရှိတယ်ဆိုပါစို့ဒါပေမဲ့သူနေထိုင်တဲ့ပတ်ဝန်းကျင်ကသူ့ကိုလုံလောက်တဲ့အစာအာဟာရနဲ့ရေအပူချိန်မထောက်ပံ့ပေးနိုင်ဘူးဆိုရင်အဲ့ငါးဟာထင်သလိုလှလာမှာမဟုတ်ဘူးဆိုတာသေချာပါတယ်။ငါးထီးနဲ့ငါးမတွဲသားဖောက်ပြီးငါးသားပေါက်တွေအများကြီးရလာတယ်အဲ့တာဟာBreederဒါပေမဲ့ဒါဟာသာမန်လူတွေပြောနေကြတဲ့Breederပဲ။တစ်ကယ့်Breederကောင်းတစ်ယောက်ဆိုတာငါးတွေသားမဖောက်ခင်ကြိုပြီးတော့စဉ်းစားတွေးခေါ်ထားတာရှိတယ်။ငါဒီငါးနှစ်ကောင်ဖောက်လိုက်ရင်သူ့အဖေအမေထက်ပိုပြီးလှပရမယ်ကျန်းမာသန်စွမ်းရမယ်ဆိုတဲ့ရည်ရွယ်ချက်နဲ့ဖောက်တဲ့လူကိုBreederကောင်းတစ်ယောက်လို့ခေါ်ဆိုနိုင်တယ်။ငါးတစ်ကောင်ဘယ်လောက်ထိမျိုးရိုး(gene)ကောင်းလည်းမကောင်းဘူးလည်းဆိုတာကတော့ငါးသားဖောက်တဲ့Breederရဲ့စိတ်ဓါတ်ခံယူချက်နဲ့စည်းစနစ်ကျမှုပေါ်အများကြီးမူတည်ပါတယ်။Breederတစ်ယောက်ဟာအဲ့ဒီငါးမျိုးနဲ့ပတ်သက်တဲ့ဗဟုသုတ၊အတွေ့အကြုံရှိရပါမယ်နောက်ပြီးကိုယ်တိုင်လည်းငါးသားဖောက်တာတွေနဲ့ပတ်သက်တဲ့ဗဟုသုတတွေအမြဲလေ့လာပြီးကိုယ်တိုင်ခွဲခြမ်းစိတ်ဖြာစဉ်းစားဆုံးဖြတ်လက်တွေ့အကောင်အထည်ဖော်မှသာငါးသားဖောက်တဲ့ကာလတစ်လျှောက်လုံးပေးဆပ်ခဲ့တဲ့အချိန်တွေ၊ငွေကြေးတွေ၊ကျရှူံးမှုတွေအတွက်ဖြေသာမှာဖြစ်ပါတယ်။တော်ရုံတန်ရုံငါးသားဖောက်ချင်ရုံစိတ်ဓါတ်နဲ့မရပါဘူး။ဇွဲရှိရှိလုပ်ဆောင်မှရမှာပါ။ ောင်းတစ်ယောက်ဟာသူ့ရဲ့အတွေ့အကြုံတွေကိုနောက်လူတွေအတွက်ဝေမျှပေးဖို့ဝန်မလေးပါဘူး။အဲ့ဒီအတွေ့အကြုံကိုရဖို့အချိန်တွေအရင်းအနှီးတွေနှစ်များစွာရင်းပြီးမှရခဲ့တာပါ။Breederလုပ်တယ်ဆိုတာလည်းငွေကြေးအများကြီးလိုအပ်ပါတယ်။အောင်မြင်တဲ့Breederတွေအသုံးပြုတဲ့နည်းတွေရှိပါတယ်အဲ့နည်းတွေကတော့ (Line breeding)( Inbreeding)& (out crossing)တို့ဖြစ်ပါတယ်။ အားလုံးလိုအပ်သလိုရှယ်လို့ရပါတယ်SSသိမ်းထားလည်းစိတ်မဆိုးပါဘူး။ copy and paste လုပ်ပြီးကိုယ်တိုင်ပဲရေးထားသလိုလိုcreditမပေးတာမျိုးမလုပ်ဖို့မေတ္တာရပ်ခံပါတယ်။စာရိုက်ရတာလည်းညောင်းတယ်။

#ကျနော်ဝါသနာရှင်တစ်ယောက်ပါ အမှားပါရင်လည်းထောက်ပြပါ
ကျေးဇူးတင်ပါတယ်

Crd Kyaw Naing Oo

horn lover htet naing

24/05/2021

Breederကောင်းတစ်ယောက်ဆိုတာဘာလည်း
ဒီနေ့ခေတ်ကာလအချိန်အခါမှာများများရင်းများများမြတ်မြန်မြန်ရင်းမြန်မြန်ရတဲ့ခေတ်မှာတကယ့်Breederအစစ်အမှန်တစ်ယောက်ဖြစ်ဖို့ဆိုတာတကယ်ခက်ခဲတဲ့အရာပါ။လူတစ်ယောက်ကငါးထီးတစ်ကောင်နဲ့ငါးမတစ်ကောင်မွေးလိုက်တယ်ငါးလေးတွေပေါက်လာတယ်။အဲ့တာBreederလို့ခေါ်သလား?အဖြေကတော့noပါ၊မဟုတ်ပါဘူး။ငါး(farm)တစ်ခုထောင်ထားတယ်။ငါးတွေအဆက်မပြတ်သားဖောက်ပြီးပြန်လည်ရောင်းချတယ်များများမြတ်တယ်အဲ့တာကBreederလား?ဒါလည်းမဟုတ်သေးဘူး။အိမ်မှာငါးတစ်စုံမွေးတယ်သူ့သဘာဝအတိုင်းသီးချိန်တန်သီးပွင့်ချိန်တန်ပွင့်တယ်ပြီးတော့ငါးပေါက်တွေအများကြီးပေါက်လာပါပြီဒီလိုနဲ့တစ်ဆတစ်ဆများလာပြီးလူထပ်ခေါ်ပြီးထိန်းသိမ်းရတဲ့အဆင့်ထိဖြစ်လာပါပြီဒါကိုBreederလို့ခေါ်လို့ရပြီလား?အဖြေကတော့အပေါ်ကအတိုင်းပါပဲnoပါ။သာမန်အခြေအနေမှာအိမ်မွေးတိရိစ္ဆာန်အဖြစ်မွေးမြူကြတဲ့ကျွန်တော်တို့နဲ့ရင်းနှီးနေတဲ့ငါးနဲ့ပဲဥပမာတွေပေးရမှာပေါ့ငါးမျိုးစိတ်တွေအများကြီးထဲမှာမှကျွန်တော်တို့နဲ့မစိမ်းတဲ့ငါးမျိုးFlower Hornနဲ့စပြောရမှာပေါ့FHတွေသားဖောက်ကြတဲ့breederတွေဆိုတာအနည်းဆုံးတော့FHတွေနဲ့ပတ်သက်တဲ့အခြေခံအားလုံးကိုသိရှိပြီးသားဖြစ်ရမှာပါ။FHတွေရဲ့မိသားစု(family)အုပ်စု(Group)စသည်ဖြင့်ဥပမာ-FhမိသားစုထဲမှာမှKamfaဆိုတဲ့အုပ်စုထဲကငါးသားပေါက်တွေပျိုးဖို့စိတ်အားပိုထက်သန်တယ်ငါးသားပေါက်ပျိုးချိန်ဆောင်ရန်/ရှောင်ရန်အချက်တွေလိုအပ်တဲ့အပူချိန်/အလင်းရောင်ရရှိမှုရေ၏ချဉ်ဖန်နှုန်း(PH)အကျိုးပြုဘက်တီးရီးယားပေါက်ဖွားမှု၊ရေ၏ဓါတုဗေဒသဘော....စသည်ဖြင့်အားလုံးကိုသိရှိထားရပါမည်။လူတော်တော်များများ၏အမြင်မှာငါးရဲ့မျိုးရိုးဗီဇ(gene)ဟာနာမည်တစ်မျိုး(သို့)စာရွက်တစ်ရွက်လို့ပဲထင်ကြတယ်။သိပ်အသုံးမဝင်ဘူးပေါ့ငါးတစ်ကောင်လှနေရင်ပြီးရောပေါ့။ဒါပေမဲ့ငါးသားဖောက်မဲ့Breederတွေတော်တော်များများအတွက်တော့အဲ့ဒါဟာ #ရွှေအကြောင်းဖယောင်းသက်သေသည် ဆိုတဲ့ဆိုရိုးစကားအတိုင်းပဲအဲ့ငါးအကြောင်းလည်းအဲ့ဒီမျိုးရိုးဗီဇ(gene)ကပြောပြလိမ့်မယ်။ဒီလိုပါပဲသင်ကိုယ်တိုင်လည်းလက်ညိုးတွေလျှောက်ထိုးလို့ရတာပေါ့အဲ့ဒီငါးမျိုးကစစ်တယ်ဟိုငါးမျိုးကမစစ်ဘူးစိတ်ကြိုက်ဝေဖန်ခွင့်ရှိပါတယ်။Breederတွေအတွက်ကတော့အဲ့လိုလုပ်တာဟာတစ်ကယ့်ထိုးနှက်မှုတစ်ခုပါပဲ။ဘာကြောင့်လဲဆိုတော့တကယ့်Breederကောင်းတစ်ယောက်ရဲ့စိတ်ဓါတ်ဟာသူကိုယ်တိုင်အချိန်ကုန်၊ငွေကုန်လူအပင်ပန်းခံလုပ်တယ်သူ့ရည်ရွယ်ချက်ကကျန်းမာသန်စွမ်းပြီးအရောင်အသွေးစုံလင်လှပတဲ့နောက်မျိုးဆက်သစ်ဖြစ်ပေါ်လာဖို့ပဲဖြစ်ပါတယ်။ဒီကြိုးစားအားထုတ်မှုအားလုံးဟာမွေးဖွားလာတဲ့မျိုးဆက်ငါးတွေရဲ့မျိုးရိုးဗီဇ(gene)ဆိုတဲ့အရာဟာစာရွက်တစ်ရွက်(သို့မဟုတ်)နာမည်တစ်ခုဖြစ်ဖြစ်သက်သေမှတ်တမ်းအဖြစ်ကျန်ရှိနေမှာသေချာပါတယ်။နောက်တက်တဲ့Breederတွေလည်းအသီးအပွင့်တွေအတူတူခံစားခွင့်ရစေပါတယ်။မျိုးရိုးကောင်းလားမကောင်းဘူးလာဆိုတဲ့မေးခွန်းကတော့မူလသားဖောက်သူကိုယ်တိုင်အသိဆုံးဖြစ်မှာပါ။တကယ့်Breederတွေမျိုးရိုးဗီဇ(gene)ကိုအရမ်းအလေးထားတယ်ဆိုတာကလည်းအထူးအဆန်းမဟုတ်တော့ပါဘူး။Breederကောင်းတစ်ယောက်ဟာတကယ့်မျိုးရိုး(gene)ကောင်းတဲ့မျိုးရိုးကငါးထီးငါးမကိုပဲရွေးချယ်သားဖောက်မှာသေချာပါတယ်။ပေါက်လာတဲ့သားပေါက်တွေကိုရွေးချယ်ပြီးမှဝါသနာရှင်တွေဆီထံရောင်းချကြမှာဖြစ်ပါတယ်။ဒီအချိန်မှာသင့်အမြင်မှာတော့ဒါဟာနာမည်တစ်ခု(သို့မဟုတ်)စာရွက်တစ်ရွက်လို့ပဲမြင်ရင်မြင်နေမှာပါအရေးမကြီးပါဘူးလို့ထင်ရင်ထင်လိမ့်မယ်။တကယ်တော့Breederတွေဟာသူတို့ရဲ့ငါးမျိုးရိုးတွေကိုနာမည်တွေအမျိုးမျိုးပေးကြပါတယ်။ဥပမာ-ကိုယ့်ငါးမျိုးရိုးကိုနာမည်ပေးလိုက်တယ်123ပေါ့နောက်ပိုင်းအဲ့ငါးသားပေါက်လာလို့သားပေါက်လှလှလေးတွေရွေးပြီးနာမည်တစ်ခုထပ်ပေးလိုက်တယ်GGပေါ့ပြိုင်ပွဲထဲဝင်ပြိုင်တယ်ဆုတွေရခဲ့တယ်။အဲ့ငါးက123(gene)GGပေါ့နောက်မျိုးဆက်ထပ်ဖောက်တယ်ထပ်ပြိုင်တယ်ဆုရခဲ့မယ်ဆိုရင်ကိုယ်တိုင်ဖန်တီးခဲ့တဲ့ငါးမျိုးတွေအသိအမှတ်ပြုခံရပြီပေါ့။ဒါတွေကတော့Breederကောင်းတွေအားလုံးရဲ့ရည်မှန်းချက်ပန်းတိုင်ဆိုတာသိပ်သေချာပါတယ်။ဒါကြောင့်သင့်အမြင်မှာစာရွက်တစ်ရွက်ပဲဖြစ်ဖြစ်နာမည်တစ်မျိုးပဲဖြစ်ဖြစ်ဒါတွေအားလုံးဟာBreederတွေရဲ့ချွေးတွေသွေးတွေအနှစ်နှစ်အလလသောအချိန်ကာလတွေနဲ့ရင်းပြီးဖြစ်ပေါ်လာတယ်ဆိုတာအားလုံးသိထားရင်ပိုကောင်းတာပေါ့။(ငါးမွေးတယ်ဆိုတာလည်းအသက်တစ်ချောင်းပါတန်ဖိုးထားတတ်ပါစေ)တကယ်လို့သာသင်ဟာGeneticအခြေခံသဘောတရားမသိဘူးဆိုရင်သင်ဟာBreederကောင်းတစ်ယောက်ဖြစ်မလာနိုင်ဘူး။ဒါပေမဲ့ရံဖန်ရံခါငါးလှလှလေးတွေပေါက်ရင်ပေါက်ခဲ့မှာပါ။ဒါပေမဲ့သင်ဟာအဲ့ငါးလှလှလေးတွေဘယ်လိုကြောင့်ဖြစ်ပေါ်လာလည်းဆိုတာသင်ကိုယ်တိုင်နားမလည်နိုင်ဘူး။အဲ့တာတွေဟာသင်ရှေ့ဆက်သွားမယ့်လမ်းကိုဇဝေဇဝါဖြစ်စေမှာပါ။တစ်ချို့နာမည်ကြီးငါးတွေရဲ့နောက်ကွယ်မှာ(ဥပမာ-9.9)တကယ့်တကယ်မျိုးရိုး(gene)ကောင်းတဲ့ဖောက်ထီးဖောက်မတွေကျောထောက်နောက်ခံအဖြစ်ရှိနေကြတယ်။သူတို့တွေဟာတကယ်ရှားပါးပြီးတန်ဖိုးကြီးလှပါတယ်။တစ်ချို့သောBreederတွေကအများနဲ့မတူတဲ့အမြင်သူတို့မှာရှိကြတယ်။ငါးတစ်ကောင်ကိုကြည့်လိုက်တာနဲ့ဒီငါးဟာမျိုးရိုးဘယ်လောက်ထိကောင်းတယ်ကြီးလာရင်ဘယ်လိုပုံစံဖြစ်လာဖို့များတယ်ဆိုတာချက်ချင်းသိနိုင်တယ်။ဒီလိုအမြင်မရှိသေးတဲ့ငါးဖောက်သမားတွေကကိုယ့်အတွေ့အကြုံနဲ့စာအုပ်တွေဓါတ်ပုံတွေသင်ခန်းစာတွေအားလုံးပေါင်းပြီးလေ့လာရင်တဖြေးဖြေးနဲ့တော့သဘောပေါက်နားလည်လာမှာပါ။အမြဲတမ်းChampionတွေအများစုမွေးထုတ်ပေးတဲ့Breederတွေဟာအများနဲ့မတူတဲ့အမြင်ရှိရုံတင်မကအခြားအကြောင်းအရင်းတွေလည်းအများကြီးရှိပါတယ်။ကံမကောင်းတာတစ်ခုကငါးဖောက်သူတော်တော်များများဟာမျိုးကောင်းတဲ့အထီးအမကိုပဲသုံးရင်ငါးသားပေါက်လှပြီထင်နေကြတယ်။သူတို့ထင်တာကမျိုးတွေတူနေကြတာပဲ။ဒီမှာတော့ကံကောင်းခဲ့ရင်ပထမမျိုးဆက်၊ဒုတိယမျိုးဆက်တွေအဆင်ပြေရင်ပြေနေလိမ့်မယ်။ဒီလိုပဲဆက်သွားမယ်ဆိုရင်Lဆိုင်းဇီသီးချင်းထဲကလိုပဲကြေကွဲရလိမ့်မယ်ကြေကွဲရလိမ့်မယ်။နောက်ထပ်အောင်မြင်မှုပန်းတိုင်ကိုရောက်ဖို့အဟန့်အတားဖြစ်စေတော့ကံပါပဲ။(ကံ၊ဥာဏ်၊ဝီရိယ)ရှိမှအောင်မြင်မှုပန်းတိုင်ကိုရောက်ရှိမှာပါ။ Geneticပညာမှာပုံသေသဘောတရားတစ်ခုရှိတယ်အဲ့တာကတော့ငါးထီးငါးမရဲ့အားသာချက်တွေအားနည်းချက်တွေဟာသူတို့ရဲ့မျိုးဆက်သစ်တွေဆီဘယ်လိုပုံစံနဲ့ဆင်းသက်သွားမှာလည်းခွဲဝေမှုပုံစံဟာဘယ်လိုရှိသလည်းစသဖြင့်....(Linebreeding , Inbreeding & out crossingအဲ့အကြောင်းတွေကတော့နောက်မှပဲဆွေးနွေးကြတာပေါ့)ဖြစ်သလိုမဖောက်ပဲမျိုးငါးတွေစနစ်တကျနဲ့ရွေးချယ်သားဖောက်ခြင်းဟာအောင်မြင်မှုရဲ့အဓိကအချက်ပါပဲ။ဘယ်လိုငါးမျိုးပဲဖောက်ဖောက်ပထမဆုံးအရေးကြီးတဲ့အချက်ကတော့အဲ့ငါးမျိုးရဲ့စံချိန်စံညွှန်းသတ်မှတ်ချက်ကိုနားလည်ထားမှရပါမယ်။သင်ဟာအဲ့ဒီငါးမျိုးနဲ့ပတ်သက်တဲ့စာအုပ်စာပေတွေများများဖတ်ရှု့လေ့လာဖို့လိုပါတယ်။တစ်ချိန်တည်းမှာပဲအတွေ့အကြုံရှိတဲ့ဆရာသမားတွေနဲ့ဆွေးနွေးတိုင်ပင်ပြီးသူတို့ပြောပြတဲ့စံချိန်စံညွှန်းကဘယ်လိုရှိလည်းနိုင်ငံခြားကစံချိန်စံညွှန်းကဘယ်လိုရှိလည်းအဲ့တာတွေအမြဲလေ့လာမယ်ဆိုရင်အောင်မြင်တဲ့Breederကောင်းတစ်ယောက်ဖြစ်လာဖို့ရှေ့ခြေတစ်လှမ်းပိုပြီးနီးစပ်လာပါပြီ။ငါးတွေရဲ့မျိုးရိုး(gene)မျိုးရိုးကိုလိုက်ဖို့နည်းလမ်းနောက်တစ်နည်းကတော့သူတို့တွေရဲ့ဘိုးဘွားတွေကိုလေ့လာခြင်းဖြစ်ပါတယ်။ဥပမာ-ငါးတစ်ကောင်ဟာကနုတ်ပါတ်ပြီးလှပနေတဲ့ဘုရှိတယ်ဆိုပါစို့သူ့ရဲ့အဖေကလည်းဘုလှတယ်ကနုတ်ပတ်တယ်ထိုနည်း၄င်းသူ့အဘိုးဟာလည်းကနုတ်ပါတ်တဲ့ဘုကြီးကြီးရှိတယ်ဒါဆိုရင်ဒီငါးရဲ့နောက်မျိုးဆက်ဟာကနုတ်ပါတ်ပြီးလှပတဲ့ဘုရှိမှာသေချာပါတယ်။ #ငါးတစ်ကောင်ရဲ့geneဟာ၄င်းရဲ့အရည်အသွေးအားလုံးကိုသတ်မှတ်လို့မရပါဘူး #သူနေထိုင်တဲ့ပတ်ဝန်းကျင်ဟာသူ့ကိုအများကြီးပြောင်းလဲစေနိုင်တယ်။ဥပမာ-ငါးတစ်ကောင်ဟာအလွန်ကောင်းတဲ့(gene)ရှိတယ်ဆိုပါစို့ဒါပေမဲ့သူနေထိုင်တဲ့ပတ်ဝန်းကျင်ကသူ့ကိုလုံလောက်တဲ့အစာအာဟာရနဲ့ရေအပူချိန်မထောက်ပံ့ပေးနိုင်ဘူးဆိုရင်အဲ့ငါးဟာထင်သလိုလှလာမှာမဟုတ်ဘူးဆိုတာသေချာပါတယ်။ငါးထီးနဲ့ငါးမတွဲသားဖောက်ပြီးငါးသားပေါက်တွေအများကြီးရလာတယ်အဲ့တာဟာBreederဒါပေမဲ့ဒါဟာသာမန်လူတွေပြောနေကြတဲ့Breederပဲ။တစ်ကယ့်Breederကောင်းတစ်ယောက်ဆိုတာငါးတွေသားမဖောက်ခင်ကြိုပြီးတော့စဉ်းစားတွေးခေါ်ထားတာရှိတယ်။ငါဒီငါးနှစ်ကောင်ဖောက်လိုက်ရင်သူ့အဖေအမေထက်ပိုပြီးလှပရမယ်ကျန်းမာသန်စွမ်းရမယ်ဆိုတဲ့ရည်ရွယ်ချက်နဲ့ဖောက်တဲ့လူကိုBreederကောင်းတစ်ယောက်လို့ခေါ်ဆိုနိုင်တယ်။ငါးတစ်ကောင်ဘယ်လောက်ထိမျိုးရိုး(gene)ကောင်းလည်းမကောင်းဘူးလည်းဆိုတာကတော့ငါးသားဖောက်တဲ့Breederရဲ့စိတ်ဓါတ်ခံယူချက်နဲ့စည်းစနစ်ကျမှုပေါ်အများကြီးမူတည်ပါတယ်။Breederတစ်ယောက်ဟာအဲ့ဒီငါးမျိုးနဲ့ပတ်သက်တဲ့ဗဟုသုတ၊အတွေ့အကြုံရှိရပါမယ်နောက်ပြီးကိုယ်တိုင်လည်းငါးသားဖောက်တာတွေနဲ့ပတ်သက်တဲ့ဗဟုသုတတွေအမြဲလေ့လာပြီးကိုယ်တိုင်ခွဲခြမ်းစိတ်ဖြာစဉ်းစားဆုံးဖြတ်လက်တွေ့အကောင်အထည်ဖော်မှသာငါးသားဖောက်တဲ့ကာလတစ်လျှောက်လုံးပေးဆပ်ခဲ့တဲ့အချိန်တွေ၊ငွေကြေးတွေ၊ကျရှူံးမှုတွေအတွက်ဖြေသာမှာဖြစ်ပါတယ်။တော်ရုံတန်ရုံငါးသားဖောက်ချင်ရုံစိတ်ဓါတ်နဲ့မရပါဘူး။ဇွဲရှိရှိလုပ်ဆောင်မှရမှာပါ။ ောင်းတစ်ယောက်ဟာသူ့ရဲ့အတွေ့အကြုံတွေကိုနောက်လူတွေအတွက်ဝေမျှပေးဖို့ဝန်မလေးပါဘူး။အဲ့ဒီအတွေ့အကြုံကိုရဖို့အချိန်တွေအရင်းအနှီးတွေနှစ်များစွာရင်းပြီးမှရခဲ့တာပါ။Breederလုပ်တယ်ဆိုတာလည်းငွေကြေးအများကြီးလိုအပ်ပါတယ်။အောင်မြင်တဲ့Breederတွေအသုံးပြုတဲ့နည်းတွေရှိပါတယ်အဲ့နည်းတွေကတော့ (Line breeding)( Inbreeding)& (out crossing)တို့ဖြစ်ပါတယ်။ အားလုံးလိုအပ်သလိုရှယ်လို့ရပါတယ်SSသိမ်းထားလည်းစိတ်မဆိုးပါဘူး။ copy and paste လုပ်ပြီးကိုယ်တိုင်ပဲရေးထားသလိုလိုcreditမပေးတာမျိုးမလုပ်ဖို့မေတ္တာရပ်ခံပါတယ်။စာရိုက်ရတာလည်းညောင်းတယ်။

#ကျနော်ဝါသနာရှင်တစ်ယောက်ပါ အမှားပါရင်လည်းထောက်ပြပါ
ကျေးဇူးတင်ပါတယ်

Crd Kyaw Naing Oo

horn lover htet naing

Aquarium