31/12/2023
Эр гөлөг, эсвэл эм гөлөг авах уу
2018/06/26
Та бүхэнд энэ өдрийн мэндийг хүргэе!!!
Би саяхан Фэсбүүкээс олон жил нохой тэжээсэн туршлагатай үржүүлэгч хүний бичсэн нэгэн сонирхолтой постыг олж уншсан юм, завтай үедээ орчуулж нохой сонирхогчиддоо хүргэнэ гэсэн боловч буцаагаад олохоо байчихлаа. Иймд тухайн үед өөрийн уншиж ойлгосон зүйлээ сийрүүлээд та бүхэнд бичиж өгийдөө!!
Надааас хүмүүсийн асуудаг мөнхийн асуулт:
эр гөлөг, эсвэл эм гөлөг авах уу?
Эр гөлөгний эзэн таньд:
Эр нохой нь байгалиасаа эзлэн түрэмгийлэх, дайчин, өөрийн хүсэлээрээ амьдрах сонирхолтой сэтгэлийн хөөрөл өндөртэй байдаг. Тиймээс эр нохойны эзэн та энэ бүх зүйлд бэлэн байх хэрэгтэй. Тэдгээр эр ноход нь өөрийн амь биеийг тоодоггүй бөгөөд өөрийн хийж буй зүйлдээ идэвхтэй, гадны нөлөөнд хариу үйлдэл үзүүлэх нь их, баатарлаг бөгөөд шийдэмгий. Эр нохойны эзэн нь нохойндоо цаг зав зарцуулах боломж ихтэй, идэвхтэй хөдөлгөөнтэй,нохойгоо салхилуулах, тоглох, сургалт хийж байх, нохойныхоо эрч хүчийг хөдөлгөөнөөр нь шатаах болон ялан дийлэх сэтгэл зүйг нь маш сайн дэмжин сэтгэл санааны таашаал өгч байх, нохойноос авах таашаал өндөртэй, нохойндоо цаг гаргадаг, олны анхааралд өртөх дуртай, сэтгэлийн хөдлөл өндөртэй, тодорхой хэмжээнд нэр хүндэд дуртай хүмүүс байх нь эр нохой нь цаашдын амжилт, нийгэмшилт, олны танил алдар нэрийг олж авахад чухал нөлөөтэй. Эр нохой өөрийгөө сүргийн манлай гэж боддог тиймдээч тийм байхыг хичээдэг танийг эзэнийгээ гэж бодохоос илүү сайн хамтрагчаа гэж боддог тиймээс түүний сайн хамтрагч байхын тулд хичээх хэрэгтэй тэгж байж та түүнд таалагдана тэр танийг хайрлаж хамгаалдаг болно. Хэрэв эр нохойнд амьдрах орчин болон эзэн та таалагдахгүй, зөвхөн хоол өгч байгаагаа тэжээж байна гэж боддог, түүний хайр хүндэтгэлийг хүлээж чадахгүй бол тэр дараачийн амьдралынхаа эрэлд гарахад хэзээд бэлэн байдаг !!!
Эм гөлөгний эзэн таньд:
Эм нохойнд байгалиас заясан хамгийн чухал зөн совин бол үр удмаа үлдээх!?
Эм нохой нь тэсвэр хатуужил сайн, халдварт болон олдмол өвчин тусах магадал эр нохойноос бага хувьтай, өвчин тэсвэрлэх амьд үлдэх магадлал эр нохойноос өндөр хувьтай, гэрт тэжээхэд хялбар, уян зөөлөн хөдөлгөөнтэй, гэрсэг, дуулагвартай, суралцах чадвар сайтай, үржлийн үед арчилгаатай, анч шинж чанартай, бусад ноход болон өөрийн биш гөлгөнд тааламж муутай, итгэмтхий биш муу санатай(нухацтай). Ингээд гөлөгөө сонгоцгооё, мэдээж хүйсийн ялгарлал сайтай, зүс царай нь эмэгтэйлэг, нүд хурц бөгөөд дугуй хэлбэртэй дээд зовхи хүрээтэй бие нь сунагар, хэвлий хэсэг нь тавиу, хамгийн арын хавирганууд уртлаг байх нь зохимжтой ( хэрэв та эдгээр шинжүүдийг олж харж чаддаг бол). За ингээд эм гөлөг маань өсөж томрох үедээ эр гөлөгнөөс онц ялгаа байхгүй өсөж том болно. Ерөнхийдөө анхны ороо орох (8-11сартай) цагаас эхлэн эм нохойн зан араншин хүчтэй илэрч эхлэнэ. Эм нохой нь тиймч ууртай догшин биш гэхдээ гадны хүн болон таниж мэдэхгүй зүйлд тиймч таатай хандадгүй, хүлцэнгүй боловч өөрийгөө хамгаалхад бэлэн байдаг. Амьдрах тааламжтай нөхцөл байдалд дуртай бөгөөд идээшин тогтсон газраасаа холдох дургуй, тиймдээч хүмүүс эм нохой эзэн (гэр) амьтай гэж ярьдаг. Өөрт тааламжтай аюулгүй газар нь үр төлөө гарган бойжуулхад тохиромжтой гэж үздэг байх! Өөрийн амьдралыг эрсдэлд оруулах дургуй хоолтой, амьдрах орчинтой, үр төлөө үлдээж чадаж байвал гэрээ болон эзнээ орхин явах бодолгүй. Зөвхөн ороо нь орсон үедээ эзэнээ үл тоон ноходыг дагах магадлалтай гэхдээ энэ нь мөн л үр төлөө үлдээх зорилогтой нь холбоотой энэ үед эзэн та анхааралтай байхад илүүдэхгүй. Гөлөглөсөн эм нохой үр төлөө хамгаалахын тулд ширүүн догшин ааштай болж болно. Эм нохой улиралын болон үржилд орохын өмнө, хээлтэй болон төрсөний дараа гэх мэт жилд маш олон удаа өнгө зүс болон бие галбиг, зан аашны өөрчлөлтөд орно энэ үед эм нохойн эзэн тэвчээртэй бөгөөд хүлээцтэй байх нь чухал зарим үед таны хүсдэггүй ааш зан гарна, хархад гадна байдал өнгө үзэмж нь муудна магадгүй танийг нохой тэжээх сонирхолгүй болгох үе ч таарч мэднэ энэ бүх зүйлд бэлэн байх нь чухал. Эм нохойны нэр хүнд нь гарсан үр төлүүдтэй шууд хамаатай байдаг, сайн эм нохойны сайн үр төлийг гарган авах нь эзэн таний туршлага болон хөдөлмөрийн үр дүнгээс хамаарна. Та эм нохойг зөв сонгон авч, сайн тэжээж, зөв үржил хийж чадвал ирээдүйд танд олон сайн ноход, алдар нэр, баяр баясал магадгүй эд мөнгө бэлэглэж болно. Эм нохойн жинхэн эзэд бол тэвчээртэй, хүлээцтэй, хөдөлмөрч, цаашид үржлийн чиглэлээр тэжээх бол Герман хоньч нохойн талаар тодорхой мэдлэгтэй, алсын хараатай хүн байх нь зохилтой, ирээдүйд төрөх олон сайн нохойг хэрхэн гаргаж авах төлөвлөгөөтэй ихэнх тохиолдолд бидний мэдэх үржлийн газрын эзэд болон үржүүлэгчид байдаг. Тиймээс эм нохойны эзэн та эхлээд өөрийгөө хайж олох хэрэгтэй!
Ингээд эцсийн дүгнэлт хийхэд эм нохойны эзэд бол тухайн үүлдэрийн амин сүнснүүд байх шиг. Өнөөх мундаг нэр алдартай эр нохдыг үржүүлэн гаргаж авсан хүмүүс мөн л эм нохдын эзэд байж таараа. Харин би эр нохойны эздийг тухайн үүлдэрийн хөрөнгө оруулагчид юм болуу гэсэн бодолтой үлдлээ.
Магадгүй энэ пост нохойг гинжтэй хашааны манаач юмуу эсвэл гэрт байжил байдаг зүгээрэл нэг нохой гэдгээс өөрөөр, илүүгээр харж чаддаг хүмүүст золиулагдсан болноо!!!
За тэгэхээр Миний бодолоор та эр үү!? эм үү!? гэж бодохоос өмнө та өөрөө хэн бэ гэдгээ нэг бодож үзэх хэрэгтэй юм байна 🙂 сонирхон уншисан танд баярлалаа авах гээхийн сэтгэлээр хандан өөрийн бодол болон туршилгаараа өөрийн сонголтоо зөв хийгээрэй :)
