Transform Plus Natural Fertilizer

18/12/2023

နေကြာစိုက်ပျိုးနည်း
===========

ဆီကြိတ်လို့လည်းရ ၊အစေ့စားလို့လည်းရ နေကြာစိုက်ကြ
မလား

နေကြာက အရိုင်းနဲ့ အယဉ်ဆိုပြီးတော့ ၂မျိုးရှိပါတယ် ။
အရိုင်းပင်က နှစ်ရှည်ခံအပင်ဖြစ်ပြီး နေကြာအယဉ်ကတော့ တစ်နှစ်ခံပင်ပဲဖြစ်ပါတယ် ။

တစ်နှစ်ခံနေကြာမှာလည်း ဆီစားနေကြာနဲ့ အစေ့စားနေကြာဆိုပြီးတော့ ၂မျိုးရှိပါတယ် ။

နေကြာပန်းပင်က ကိုင်းများစွာထွက်လေ့မရှိကြပဲနဲ့တစ်ပင်ကို ပန်းပွင့် ၁ပွင့်သာပွင့်လေ့ရှိကြပါတယ် ။

ဒါကြောင့် နေကြာ၁ဧကထွက်နှုန်းကတော့၁ဧကမှာရှိတဲ့
အပင်နဲ့ အောင်မြင်တဲ့ပန်းခိုင်တို့က အဓိကကျပါတယ် ။

တစ်ဧကလုံးအတွက် အထွက်နှုန်းကောင်းရန်အတွက်
ပန်းပွင့်ရန် အသင့်တော်ဆုံး အပင်ဦးရေများများရရှိရန်
အတွက်ဖြစ်ပြီးတော့ ......ပန်းပွင့်ရန်အတွက်ကလည်း
အောင်မြင်တဲ့အစေ့များ ရရှိရမှာဖြစ်ပါတယ် ။

အစေ့များကလည်း အလေးချိန်စီးရမှာ ဖြစ်ပါတယ် ။

နေကြာပင်ကတော့ မြေဩဇာထက်သန်မှုကို ကြိုက်နှစ်သက်ပါတယ် ။

ရေဝပ်ခြင်းကိုတော့ လုံးဝမနှစ်သက်ပါဘူး ။

နုန်းမြေ ၊ သဲနုန်းမြေ ၊ နုန်းမြေဆွေးတို့မှာ နေကြာက
ကောင်းစွာဖြစ်ထွန်းပါတယ် ။

သဲမြေသန့်သန့် ရွှံ့ဆွေးမြေနဲ့ ကျောက်စရစ်မြေတွေမှာ
ဆိုရင်တော့ နေကြာကို မစိုက်ပျိုးသင့်ပါဘူး ။

နေကြာပင်ဟာ မိုးခေါင်တာကို ခံနိုင်ပြီးတော့ မိုးများပြီး
ရေဝပ်တဲ့ဒဏ်ကို မခံနိုင်တဲ့အတွက်မိုးများတဲ့ဒေသတွေ
မှာဆိုရင် မိုးလယ်နဲ့ ဆောင်းဦးကိုစိုက်ပျိုးသင့်ပါတယ် ။

အကောင်းဆုံးကတော့ မိုးနှောင်းပိုင်းမှာ စိုက်ပျိုးတာပဲ
ဖြစ်ပါတယ် ။

နေကြာပန်းပင်စိုက်ပျိုးမဲ့ မြေကိုတော့ သုံးသွားလင်ဗန်းထယ်နဲ့ထိုးပေးပြီး ၁၆သွားထွန်နဲ့ ၂စပ်၃စပ် မွှေပေးရမှာပါ ။

စိုက်ဘောင်များကိုဖော်ပြီးတော့ မျိုးစေ့များကို မြေအနက်
၂လက်မအထက် ပို၍ မနက်စေပဲ မျိုးစေ့ချပေးရမှာ
ဖြစ်ပါတယ် ။

၁ကျင်းကိုတော့ အစေ့ ၄စေ့၅စေ့ ချပေးရမှာဖြစ်ပြီး
လေးငါးရက်အတွင်းမှာ အပင်ပေါက်ကလေးများ
ထွက်လာမှာပဲဖြစ်ပါတယ် ။

အရွက်များထွက်လာတဲ့အခါမှာတော့ အကောင်းဆုံးအပင်ကို ချန်ထားပြီးတော့ ကျန်အပင်တွေကို နှုတ်ပေးရမှာဖြစ်ပါတယ် ။
အသက် ရက် ၃၀ကနေ ၃၅ရက်သားမှာတော့ အဖူးအကင်း
လေးများ စဝင်နေချိန်ဖြစ်ပြီး ပေါင်းလိုက်ခြင်း ၊ဘောင်တင်
ခြင်းတို့ကို ပြုလုပ်ပေးရမှာပါ ။

ပိုးမွှားအန္တရာယ်နှိမ်နှင်းမှုကိုတော့ စောစောပြုလုပ်ရမှာဖြစ်ပြီး
ပန်းပွင့် ပွင့်တဲ့အချိန်ရောက်မှ ပိုးသတ်ဆေးဖျန်းခြင်းကိုတော့
မပြုလုပ်ရပါဘူး ။

နေကြာကို မထွန်ယက်မီ ၁ဧကကို နွားချေး တင်း ၁၀၀
ဒါမှမဟုတ် တင်း ၂၀၀ချပေးရမှာဖြစ်ပါတယ် ။

ပုလဲက ၂၃ပိဿ ၊တီစူပါ ၃၀ပိဿ ၊ပိုတက် ၇ပိသာ
စတာတွေကို ထွန်ယက်တဲ့အချိန်မှာထည့်ပေးရမှာဖြစ်
ပါတယ် ။

၄၀ရက်သားခန့်ရှိပြီဆိုရင်တော့ ပုလဲ ၅ပိဿ ကနေ ၂၃ပိဿအထိ ထည့်ပေးရမှာလည်းဖြစ်ပါတယ် ။

၂လသားအရွယ်မှာ ပန်းခိုင်များပွင့်ပြီးတော့ ရက်ပေါင်း၉၀
ဒါမှမဟုတ် ၁၀၀ကြားမှာ ခူးဆွတ်နိုင်မှာပဲ ဖြစ်ပါတယ် ။

ရက်၁၀၀မှာရ်ှတဲ့ ပုံသဏ္ဍာန်မှာ ပန်းပွင့်တွေဟာ ညိုဝါရောင်
ဖြစ်လာတဲ့အခါမှာတော့ အစေ့များ အောင်မြင်ပြီပဲဖြစ်ပါ
တယ် ။ ဒါကြောင့် ပန်းပွင့်အုံရဲ့အောက် ၄လက်မခန့်ခွာပြီး
ခုတ်သိမ်းပေးရမှာလည်း ဖြစ်ပါတယ် ။

နေကြာပင်မှာ ကျရောက်တတ်တဲ့ရောဂါတွေကတော့
နေကြာပင်ရင်းပုပ်ရောဂါ ၊ နေကြာပင်မဲရွက်ပျောက်ရောဂါ
နေကြာသံချေးတက်ရောဂါ ၊ နေကြာအပွင့်ပုပ်ရောဂါတို့ပဲ
ဖြစ်ပါတယ် ။



#သဘာဝရွက်ဖြန်းအားတိုးဆေး

17/12/2023

17/12/2023

Have you tried the Transform series that deeply loved by farmers? 😍Because we have obvious effect that will give your crops perfect nutrition. ❤️ If you also love planting, you must try our Growing More products. 🌱 to keep your plants healthy with the right amount of nutrients. ✅

深得农民们喜爱的Transform系列您试用过了吗？😍因为我们有着明显的效果，能让您的农作物得到完善的营养。❤️若您也喜爱种植，必须尝试使用我们Growing More的产品。🌱让您的植物得到适量的养分，保持健康。✅

Pernahkah anda mencuba siri Transform yang sangat digemari oleh petani? 😍Kerana kami mempunyai kesan yang jelas yang akan memberikan tanaman anda nutrisi yang sempurna. ❤️ Jika anda juga s**a menanam, anda mesti mencuba produk Growing More kami. 🌱 untuk memastikan tumbuhan anda sihat dengan jumlah nutrien yang betul. ✅

17/12/2023

ပဲပုဇွန် စိုက်ပျိုးနည်း
==============

ပဲပုဇွန်ကို ရာသီမရွေးစိုက်ပျိုးနိုင်ပေမယ့် မိုးရာသီကုန်ဆုံးတဲ့အချိန်သီတင်းကျွတ်လနဲ့ တန်ဆောင်မုန်းလတွေမှာ စိုက်ပျိုးရင် ပိုပြီးတော့ကောင်းပါတယ်။

စိုက်ပျိုးနည်း
--------------
အရှည် ၃ပေ၊အကျယ် ၁ပေခွဲရှိတဲ့ ကျင်းတွေကို ၁ပေခန့်အနက်ရအောင် တူးရပါမယ်။ ပြီးရင်မြေဆွေးနဲ့ အပေါ်ယံမြေသားဆတူရောပြီးထည့်ပေးရပါမယ်။ ကျင်းအလယ်မှာ (၄-၅)စေ့ခန့်ကို (၄)လက်မအနက်မှာချပြီး မြေပြန်ဖုံးထားရပါမယ်။ ပြီးရင် နေ့တိုင်းရေမှန်မှန်လောင်းပေးရပါမယ်။

အပင်ပြုစုစောင့်ရှောက်ခြင်း
--------------------------------
အပင်ငယ်တွေ (၁)ပေခန့်မြင့်ရင် စင်ထိုးပြီး အပင်တွေတွယ်တက်ဖို့တိုင်တွေ ခပ်ကျဲကျဲထောင်ပေးရပါမယ်။ (၁)လတစ်ကြိမ် နှမ်းဖတ်ပုပ် နို့ဆီဗူး ၂ဗူး ဒါမှမဟုတ် သာကူစေ့မြေသြဇာတွေကို နို့ဆီဗူးဝက်ခန့်ထည့်ပေးသင့်ပါတယ်။

ဆွတ်ခူးချိန်
--------------
ဆောင်းရာသီမှာစိုက်ပျိုးတဲ့ အပင်တွေဟာ ရက်ပေါင်း ၉၀မှာ စတင်ပြီးတော့ အသီးသီးပါတယ်။ (၄၅)ရက်လောက် ဆက်တိုက်သီးပါတယ်။ နွေရာသီမှာ စိုက်ပျိုးတဲ့အပင်မှာ အသီးလှီကင်းပါတယ်။ တစ်ပတ်ကို ၅ပိဿာခန့်ခူးဆွတ်နိုင်ပါတယ်။


#သဘာဝရွက်ဖြန်းအားတိုးဆေး

17/12/2023

ရုံးပတီသီးအနီစိုက်ပျိုးနည်း
====================

ကြိုက်နှစ်သက်သောရေ၊မြေ၊ရာသီဥတု
———————————————-
• ရုံးပတီဟာ အသင့်အတင့်ကောင်းမွန်တဲ့ မြေမှာ စိုက်ပျိုးဖြစ်ထွန်းပါတယ်။ ဖွယ်တဲ့မြေတွေကို ပိုပြီးတော့ ကြိုက်နှစ်သက်ပါတယ်။
စီးပွားဖြစ်စိုက်ပျိုးမယ်ဆိုရင် မြေသြဇာများများကျွေးဖို့ လိုအပ်ပါတယ်။ မြေချဉ်ငန်ကိန်း (၆-၆.၈)အတွင်းမှာ စိုက်ပျိုးဖြစ်ထွန်းနိုင်ပါတယ်။
• ရုံးပတီသီးဟာ ပူနွေးတဲ့ရာသီကြိုက်တဲ့သီးနှံဖြစ်ပြီး ရာသီဥတု အခြေအနေပေးရင် ဆကလက်ပြီးတော့ ကြီးထွားသီးပွင့်ပါတယ်။
ဒါပေမယ့် အပင်ပေါ်မှာရှိတဲ့ အသီးတွေကို မရင့်ခင် ခူးပေးဖို့ လိုအပ်ပါတယ်။ အေးတဲ့ရာသီဥတုနဲ့ ဆီးနှင်းဒဏ်ကို မခံနိုင်ပါတယ်။ အပူချိန် (၂၀)ဒီဂရီ စင်တီဂရိတ်အောက်မှာ အစေ့ဟာ အပင်မပေါက်နိုင်ပါ။
မျိုးစေ့နှုန်းထားအနေနဲ့ တစ်ဧကကို ရုံးပတီမျိုးစေ့ (၅-၁၀)ကီလိုဂရမ်လိုအပ်ပါတယ်။
အသုံးပြုသင့်သော မြေသြဇာနှုန်းထား
——————————————–
ရုံးပတီတစ်ဧက စိုက်ပျိုးဖြစ်ထွန်းဖို့အတွက် နွားချေး -၁၀တန်၊ယူရီးယား -၂၂၄ပေါင်၊တီစူပါ-၁၁၂ပေါင် လိုအပ်မှာဖြစ်ပါတယ်။
အခြားသီးနှံတွေလို မစိုက်ပျိုးခင် ယူရီးယား (၁၁၂)ပေါင်နဲ့ အခြားမြေသြဇာတွေကို ထည့်သွင်းပြီး စိုက်ပျိုးပြီး (၁)လအကြာမှာ ကျန်တဲ့ယူရီးယား(၁၁၂)ပေါင်ကို ထည့်သွင်း အသုံးပြုပေးရမှာဖြစ်ပါတယ်။
ဒုတိယအကြိမ်ယူရီးယားထည့်တဲ့အချိန်မှာ မြေသြဇာများသွားရင် သီးပွင့်မှုကို နောက်ကျစေနိုင်ပါတယ်။

မြေပြုပြင်ခြင်း
—————–
မြေပြုပြင်ချိန်မှာ နွားချေးချပေးပါ။ ထယ်ထွန်တွေနဲ့ ထွန်ရေးညက်အောင်မွှေပြီး ကြမ်းတုံးရိုက်ပြီးရင် ထွန်ကြောင်းနဲ့ စိုက်ကြောင်းဖော်ပေးပါ။
ရုံးပတီဟာ မျိုးအလိုက် အပင်အရွယ်အစားကွာခြားခြင်းတွေကြောင့် မိမိအသုံးပြုတဲ့ မျိုးအပေါ်မူတည်ပြီး သင့်တော်တဲ့ အပင်အကွာအဝေးစိုက်ပျိုးဖို့ လိုအပ်ပါတယ်။
အပင်ငယ်မျိုးကို စိုက်မယ်ဆိုရင် (၃)ပေကွာအတန်းတွေဆွဲပြီး တစ်ပင်နဲ့တစ်ပင် (၁)ပေခွာစိုက်ပါ။ အပင်ကြီးမျိုးဖြစ်မယ်ဆိုရင် (၃)ပေကွာအတန်းတွေမှာ (၂)ပေခွာစိုက်ပေးရမှာဖြစ်ပါတယ်။
နွေဦးစိုက်ရုံးပတီနဲ့ မိုးစိုက်ရုံးပတီတွေဟာ အပင်သန်စွမ်းမှုမတူညီကြပါ။ နွေဦးမှာစိုက်ရင် အပင်ကြီးထွားမှုနှေးတဲ့အတွက် စိုက်တန်းတစ်တန်းနဲ့တစ်တန်း အပင်အကွာအဝေးတွေကိုလျှော့ပေးရမှာဖြစ်ပါတယ်။
စိုက်ပျိုးခြင်း
—————
ရုံးပတီစေ့ကို မစိုက်ပျိုးမီ (၁၂)နာရီခန်ပရေစိမ်ပေးပါ။ရေစိမ်ရင်မျိုးစေ့ထုထည်ရဲ့(၅)ဆရှိတဲ့ရေနဲ့စိမ်ပါ။ ရေလဲပေးစရာမလိုပါ။
အစေ့ကနေ အပင်ပေါက်ဖို့အတွက် မြေရဲ့အပူဓာတ်လည်း လိုအပ်ပါတယ်။ အနည်းဆုံး (၂၀)ဒီဂရီစင်တီဂရိတ်အထက်မှာရှိဖို့လိုအပ်ပါတယ်။ မျိုးစေ့ကို ပထမရေစိမ်ပြီး ရေပေါ်မှာပေါ်နေတဲ့ အစေ့တွေကိုဖယ်ရှားပစ်ရပါမယ်။
ရုံးပတီကို တစ်နှစ်ပတ်လုံးစိုက်ပျိုးနိုင်ပါတယ်။ ရုံးပတီပင်မှာ ဗိုင်းရပ်စ်ရောဂါကျရောက်လေ့ရှိတဲ့အတွက် စိုက်ခင်းထဲမှာပေါင်းမြက်အမြဲကင်းစင်နေဖို့လိုအပ်ပါမယ်။

အပင်ပြုစုခြင်း
—————–
• ရုံးပတီစိုက်ရင် ပေါင်းမြက်ကင်းစင်ပြီး အစိုဓာတ်လုံလောက်ဖို့လိုပါတယ်။ ရောဂါကင်းဖို့ အရမ်း အရေးကြီးပါတယ်။ အပင်ငယ်စဉ်မှာ ပေါင်းကင်းစင်ဖို့ သတိပြုရပါမယ်။
• ရာသီဥတုအရမ်းပူပြင်းနေရင် ရေသွင်းပေးဖို့ လိုအပ်ပါတယ်။ ရုံးပတီဟာ ရေငတ်ဒဏ်ကို အတော်အသင့် ခံနိုင်ရည်ရှိပေမယ့် အစိုဓာတ်ထိန်းနိ်ုင်တဲ့မြေမှာ စိုက်ပျိုးရင် အထွက်နှုန်း ပိုပြီးတော့ကောင်းမွန်စေပါတယ်။

ဆွတ်ခူးခြင်းနှင့် အထွက်နှုန်း
———————————
သီးကင်းဝင်စအချိန်ကနေ နောက် (၁၀-၁၂)ရက် ကျော်လွန်ရင် အတောင့်ရင် စားမကောင်းတော့ပါ။ သီးကင်းဝင်ပြီး (၄-၆)ရက်အတွင်းဟာ စားဖို့အကောင်းဆုံးဖြစ်ပါတယ်။
ဒါကြောင့် ပန်းပွင့်ပြီး တစ်ပတ်ကြာရင် စတင်ခူးဆွတ်ရမှာဖြစ်ပါတယ်။ အဲဒီနောက်ပိုင်းမှာ (၂)ရက်ခြားတစ်ကြိမ်စီခူးဆွတ်ပေးပါ။ ရာသီဥတုပူပြင်းရင် အရင့်မြန်တဲ့အတွက် နေ့တိုင်းခူးဆွတ်ပေးရမှာဖြစ်ပါတယ်။
ရုံးပတီတစ်ဧကစိုက်ခင်းကနေ (၁၀၀၀-၃၀၀၀)ပိဿာအထိ ထွက်ရှိနိုင်ပါတယ်။
မျိုးစေ့ထုတ်လုပ်ခြင်း
————————-
ရုံးပတီမျိုးစေ့ကောင်းရဖို့အတွက် အပင်သန်စွမ်းပြီးရောဂါကင်းတဲ့အပင်က ရင့်မှည့်တဲ့ သီးတောင့်တွေကို ရွေးယူပါ။
ပိုးထိုးတဲ့သီးတောင့်တွေကို ပယ်ပါ။ အစေ့တွေမှာ ပိုးတွေပါလာရင် သိုလှောင်တဲ့အခါ ကျန်တဲ့အစေ့တွေကို ဖျက်ဆီးတတ်တဲ့အတွက် မျိုးစေ့လူးနယ်ဆေးတစ်မျိုးမျိုးနဲ့ ရောမွှေပြီး လေလုံအောင် ထုတ်ပိုးသိမ်းဆည်းပါ။



#သဘာဝရွက်ဖြန်းအားတိုးဆေး

17/12/2023

ဗုံလုံသီး စိုက်ပျိုးနည်း
==================
မျိုး
ဒေသမျိုးကိုသာ စိုက်ကြ သည်။ အသီးရောင် အစိမ်းရင့်ရောင်မျိုးနှင့် အစိမ်းနုရောင်မျိုး ဟူ၍ရှိပြီး (၄-၅) ပေခန့်ထိရှည်သော ပဲလင်းမြွေအရှည်မျိုးနှင့် (၁-၂)ပေခန့်ရှည်သော ဗုံလုံအတိုမျိုးဟူ၍ ခွဲနိုင်သည်။ မိုးရာသီတွင် ကောင်းစွာဖြစ်ထွန်းပြီး နွေရာသီတွင် အပူဒဏ်ခံနိုင်သည်။ စင်တင်စနစ် အဖြစ်သာအစိုက်များပြီး သက်တမ်းအားဖြင့် စိုက်ပြီးရက် (၅၀-၆၀) တွင် စတင်ခူးဆွတ်နိုင်ပါသည်။ ဆောင်းရာသီတွင် ဆီးနှင်းကင်းသော မြေပြန့်ဒေသများတွင် စိုက်ပျိုးနိုင်သည်။

စိုက်ပျိုးခြင်း
နှစ်ပေ အကျယ်၊ တစ်ပေခန့် အမြင့် စိုက်ဘောင်ကို တစ်ဘောင်နှင့်တစ်ဘောင် ငါးပေခြားဖော်၍ တစ်ပင်နှင့်တစ်ပင် တစ်ပေခြား၍ စိုက်ရပါမည်။ တစ်ဧကအပင် ၈,၀၀၀ ခန့် ထည့်စိုက်ရပါမည်။ စင်တင်စနစ်ဖြင့်သာ စိုက်သင့်ပြီး အစေ့ကိုအညှောက်ဖောက်ပြီး တိုက်ရိုက်အစေ့ချစိုက်ကြသည်။ အစေ့ကို လက်မဝက်ခန့် မြှုပ်၍ ရေကိုဝအောင် လောင်းပေးမည်။

မြေသြဇာထည့်သွင်းခြင်း
စိုက်ဘောင်အတွင်းသို့ မြေဆွေး၊ နွားချေး၊ တီစူပါ မြေသြဇာရော၍ ပေါက်ပြားဖြင့်ဆွပြီး ရောမွှေထည့်ပေးရမည်။ အပင်ပေါက်ပြီး ၁၀ ရက်ခန့်တွင် ယူရီးယားပိုတက်ရှ်အရောကို နွားချေးဆွေးဖြင့် ရော၍ အပင်ခြေမှ ခြောက်လက်မခွာ၍ ကျွေးပေးရမည်။ အသီးစတင်သီးချိန်တွင် အစာကျွေးဘောင်ထပ်ခြင်း ပြုလုပ်ပေးရပါမည်။ ပဲလင်းမြွေတစ်ဧကလျှင် နွားချေးဆွေးလှည်း ၁၀ စီးမှ၂၀ စီး၊ ပုလဲ(၁-၂)အိတ်၊ တီစူပါ(၂-၄)အိတ်၊ ပိုတက်ရှ်(၁-၂)အိတ် ထည့်ပေးပါ။

အပင်ပြုစုခြင်း
အပင်ငယ်စဉ်တွင် အပင်ပတ်ဝန်းကျင်ကို လက်ပေါင်းသာ လိုက်သင့်ပါသည်။ အသီးစတင် သီးချိန်တွင် ပေါင်းမြက်များကိုနှိမ်နင်း၍ ဘောင်ထပ်ခြင်းကို နှစ်ကြိမ်ခန့်ပြုလုပ်ပေးပါမည်။ အမြစ်ပြေးလမ်းကို ပေါင်းမြက်များကင်းစင်အောင် ပေါက်ပြားဖြင့်ဆွ၍ မြေသြဇာထည့်သွင်းပေးရမည်။ အစေ့ချပြီးအပင်မပေါက်ခင် ရေကိုဂရုတစိုက်လောင်းပေးရမည်။အပင်ငယ်စဉ်တွင် ရေလိုအပ်ပါက နေ့စဉ်လောင်းပေးပြီး အစာကျွေးပြီးတိုင်း ရေလောင်းရမည်။ အသီးဖြိုင်ဖြိုင်သီးချိန်တွင်ရေအစိုဓာတ်ပြတ်ပါက ဝအောင်သွင်းပေးရမည်။ အပင်ငယ်စဉ်တွင် ဗူး၊ ဖရုံကျိုင်းကို ဂရုစိုက်ကာကွယ်နှိမ်နင်း၍ အသီးနုစဉ်သီးထိုးယင်များ ကျရောက်ဖျက်ဆီးတတ်သည်။ ရွက်ခြောက်၊ ရွက်ပုပ်၊ ခါးရိ၊ အရိုးကွဲ၊ မှိုရောဂါများ ကျရောက်တတ်၍ မှိုသတ်ဆေးဖြင့် ကာကွယ်ပက်ဖျန်းထားသင့်သည်။

ခူးယူခြင်း
အသီရှည်မျိုးကို အသီးဖြောင့်တန်းစေရန် ခဲဆွဲပေးရသည်။ စိုက်ပျိုးပြီး (၅၀-၆၀)ရက်တွင် စတင်ခူးနိုင်သည်။ အသီးသည်နုသဖြင့် သယ်ဆောင်စဉ် ကျိုးပဲ့တတ်သည်။ အသီးခူးစဉ် အညှာမထိခိုက်စေရန် သတိထား၍ ခူးရမည်။ တစ်ဧကလျှင် ပဲလင်းမြွေ ၅၀,၀၀၀ မှ ၇၀,၀၀၀ ထိ အသီးထွက်နိုင်ပါသည်။

မျိုးစေ့ထုတ်ယူခြင်း
အပင်ပေါ်တွင် အသီးရင့်မှည့်သည်အထိ ထားရမည်။ မှည့်လွန်းပါက အသီးပြတ်ကျတတ်၍ အနေတော်ခူးရမည်။ အသီးများကို တစ်ပတ်ခန့်အရိပ်ထဲတွင်ထား၍ အစေ့ထုတ်ယူရမည်။ ရေဖြင့် ၁၅ မိနစ်အတွင်း ပြောင်အောင်ဆေး၍ နေရောင်အောက်တွင်နာရီ ဝက်အခြောက်လှမ်းပြီး အရိပ်ထဲတွင်နှစ်ရက်လေသလပ်ခံရမည်။ ထို့နောက် လေလုံသောဗူးတွင်ထည့်ပြီး သိုလှောင်ထားရမည်။



#သဘာဝရွက်ဖြန်းအားတိုးဆေး

17/12/2023

"ကြက်ဟင်းခါး စိုက်ပျိုးနည်း"
====================

၁။ စိုက်ပျိုးသည့်ဒေသ
ကြက်ဟင်းခါးပင်သည် ပူနွေးသော ရာသီဥတုကို ကြိုက်နှစ်သက်သည်။ တောင်ပေါ်အေးသော အရပ်များတွင်မူ နွေရာသီတွင် စိုက်ပျိုးဖြစ်ထွန်းပါသည်။


၂။ ရေ မြေ ရာသီဥတု
ကြက်ဟင်းခါးပင်သည် ရေစီးရေလာကောင်းပြီး မြေသြဇာဓာတ် အသင့်အတင့်ရှိသော နေရာများတွင် စိုက်ပျိုးဖြစ်ထွန်းနိုင်သည်။ သဲနုန်းမြေ၊ နုန်းစနယ်မြေ၊ နုန်းမြေများတွင်လည်း များစွာ ဖြစ်ထွန်းပါသည်။

၃။ မြေပြုပြင်နည်း
ကြက်ဟင်းခါးကို စီးပွားဖြစ်စိုက်ရန်အတွက် ထယ်တစ်စပ်ထိုးပြီး ထွန် (၆) စပ်မှ (၈) စပ်အထိ ထယ်ရေး ကောင်းရသည့်တိုင် ထွန်ယက်ပေးပြီးနောက် ကြမ်းတုံးရိုက်ရမည်။ ထို့နောက် လေးကွက်ကြား စိုက်နိုင်ရန် တစ်တန်းနှင့်တစ်တန်း (၅) ပေ၊ တစ်ပင်နှင့်တစ်ပင် (၃) ပေရစေရန် ထွန်ဖြင့်ကြောင်းဆွဲပေးရပေမည်။
စင်တင်စိုက်ရန် စိုက်ဘောင်များ ပြုလုပ်ပေးရပေမည်။ အလျားပေ (၂၀) ပေ၊ အနံ (၃) ပေရှိသော မြေ ကွက်ကို ပေါက်တူးဖြင့် တူးဆ၍ မြေဆွေးဖြင့် ဆတူရောစပ်ပြီး အမြင့် (၁) ပေ၊ (၁၁/၂) ပေခန့်ရှိ စိုက်ဘောင်ပြု လုပ်ပေးရပေမည်။ သို့မဟုတ် စိုက်ကျင်းပြုလုပ်၍လည်း စိုက်နိုင်ပါသည်။

၄။ မြေသြဇာကျွေးနည်း
နွားချေးမြေသြဇာကို တစ်ဧကလျှင် (၁၀) တန်မှ (၁၅) ထိ ထည့်ပေးရန် လိုအပ်ပြီး ယူရီးယား ဓာတ်မြေသြဇာ (၂၂၄) ပေါင်နှုန်း ထည့်ပေးရန် လိုအပ်သည်။ ဓာတ်မြေသြဇာကို ထည့်ရာတွင် မြေကြီးနှင့် သမသည့်တိုင် ရောမွှေ ထွန်ယက်ပေးရန် အရေးကြီးပါသည်။ တီစူပါ ဓာတ်မြေသြဇာ တစ်ဧကလျှင် (၁၁၂) ပေါင် ထည့်ပေးရန် လိုအပ်ပါသည်။

၅။ ပျိုးထောင်နည်း
ကြက်ဟင်းခါးကို အစေ့မှ တိုက်ရိုက် စိုက်သောနည်းကို သုံးနိုင်သည်။ ပျိုးထောင်မစိုက်ကြပါ။

၆။ စိုက်ပျိုးနည်း
မိုးရာသီစိုက်မှာ မေလနှင့် ဇွန်လများတွင် စိုက်ပျိုးပြီး ဆောင်းရာသီစိုက်မှာ အောက်တိုဘာနှင့် နို၀င်ဘာလများတွင် စိုက်ပျိုးပါသည်။
စင်တင်စိုက်ပျိုးနည်းတွင် စိုက်ဘောင် (သို့မဟုတ်) စိုက်ကျင်းတွင် တစ်ပင်နှင့်တစ်ပင် (၂) ပေခွာပြီး မျိုးစေ့တစ်ကျင်းလျှင် (၃) စေ့ချ စိုက်ရပါမည်။ အသန်စွမ်းဆုံး အပင်တစ်ပင်ကိုသာ ချန်ပြီး အပင် ကလေးများ စင်ပေါ်တွယ်တက်နိုင်ရန် ဝါးခြမ်းကို ထောင်ပေးရပါမည်။ အညွန့်များ စင်ပေါ်ရောက်လျှင် အညွန့်ကို လက်ဖြင့်ဆိတ်ပေးရပါမည်။ သို့မှသာ အညွန့်များဖြာထွက်ပြီး စင်ပေါ်တက်ပေမည်။
စီးပွားဖြစ် စိုက်မည်ဆိုပါက တစ်တန်းနှင့်တစ်တန်း (၅) ပေခွာပြီး တစ်ပင်နှင့်တစ်ပင် (၃) ပေခွာ၍ စိုက်ပျိုးရန် လိုအပ်ပါသည်။
အချို့တောင်သူများသည် မိမိခြံစည်းရိုးဘေးတွင် အစေ့များ ကြဲပက်ထားပြီး အပင်များကို ခြံစည်းရိုးပေါ်တွင် သီးစေ၏။

၇။ တစ်ဧကမျိုးစေ့နှုန်း
တစ်ဧကလျှင် မျိုးစေ့ (၂-၃) ကီလိုဂရမ် လိုအပ်၏။ ကြက်ဟင်းခါးစေ့ (၁၀၀) ဂရမ်လျှင် အစေ့ပေါင်း (၇၀၀) ပါ၏။

၈။ ရေသွင်းနည်း
မြန်မာပြည်အလယ်ပိုင်းတွင် မိုးရာသီစိုက် ကြက်ဟင်းခါးကို အထူးရေသွင်းပေးရန် မလိုပါ။ ဆောင်းရာသီစိုက် ကြက်ဟင်းခါးတွင်မူ မြေအနေအထားအရ (၁၀) ရက်မှ (၁၅) ရက်ကြား ရေပေးရန် လိုအပ်၏။

၉။ အပင်ပြုစုနည်း
စီးပွားဖြစ်စိုက်သော အကွက်များတွင် အပင်ကလေးများ ငယ်စဉ်ကြားထွန်လိုက်ပေးရန် လို၏။ အပင် များ မြေတွင် ဖြာလာလျှင် ကြားထွန်မလိုက်သင့်တော့ပေ။ အမြစ်နှင့် အညွန့်များ ထိခိုက်ပါက အထွက်ထိခိုက် နိုင်၏။ အပင်ခြေရင်းပေါင်းများကိုမူ လက်ပေါင်းလိုက်ပေးသင့်သည်။ ကြက်ဟင်းခါးပင်များ ပန်းစပွင့်လျှင် အညွန့်များဖြတ်ပေးသင့်၏။ သို့မှသာ အညွန့်ပိုမိုိဝေဆာပြီး အသီး ပိုမိုသီးမည်ဖြစ်၏။

၁၀။ သတိပြုရန်အချက်များ
ကြက်ဟင်းခါးစိုက်ရာတွင် အောက်ပါအချက်များကို အထူးဂရုစိုက်သင့်သည်။
(၁) ကြက်ဟင်းခါး၊ ဘူး၊ ဖရုံ အမျိုးအနွယ်ဖြစ်သဖြင့် ဆေးဖျန်းရာတွင် ဒီဒီတီ၊ ဘီအိပ်ခ်ျစီ၊ အင်ဒရင်းဆေးများ မပက်ဖျန်းရပါ။
(၂) ကြက်ဟင်းခါးပင်ကလေးများ ကြီးလာပြီး အညွန့်စင်ပေးတက်လျှင် အညွန့်ကို ဖြတ်တောက်ပေးပါ။ သို့မှသာ အညွန့်ခွပြီး ပိုမိုသီးပါသည်။
(၃) ကြက်ဟင်းခါးပင်ကို ရေလောင်းရာတွင် ရေပေးမလွန်ခင် အရေးကြီးပါသည်။ ရေပေးလွန်က အမြစ်ပုပ်ပြီး အပင်သေနိုင်ပါသည်။



#သဘာဝရွက်ဖြန်းအားတိုးဆေး

14/12/2023

"ပန်းဂေါ်ဖီစိမ်း(ပန်းမုန်လာ) စနစ်တကျစိုက်ပျိုးနည်း"
***************************

မြေအမျိုးအစား
------------------
မုန်လာအုပ်စုတွင် ပါဝင်သောအပင်ဟူသမျှတို့သည် မြေကောင်းကိုကြိုက်ကြသည်။ ၎င်းအတွင်းအကောင်းဆုံးမြေကား သဲဆန်သောနုန်းမြေဖြစ်သည်။ မြေအချဉ် အငံဓာတ် (၆ - ၆.၆)မြေမျိုးကို ကြိုက်နှစ်သက်သည်။

ရာသီဥတု
------------
ပန်းဂေါ်ဖီစိမ်းသည် ဂေါ်ဖီထုပ်ကဲ့သို့ အအေးကြိုက်သော်လည်း ဂေါ်ဖီထုပ်ထက်အပူဒဏ်ပိုခံနိုင်သည်။ အေးပြီးအစိုဓာတ်အမြဲရလျှင် စိုက်နိုင်သည်။ သို့သော် ဂေါ်ဖီထုပ်ကဲ့သို့ စိုက်ရန်မလွယ်ကူပေ။ တစ်လတွင် ပျမ်းမျှအပူချိန် (၆၀-၇၀) ဒီဂရီဖာရင်ဟိုက်ရှိရမည်။ ဂေါ်ဖီထုပ်ကဲ့သို့ ခြောက်သွေ့မှုဒဏ်မခံနိုင်ပေ။ အကယ်၍ ရာသီဥတု ခြောက်သွေ့နေလျှင် ပန်းဂေါ်ဖီအပွင့်ဖြစ်မလာနိုင်ပါ။ ထို့ကြောင့် ပန်းဂေါ်ဖီစိုက်လျှင် မြေအမျိုးအစားထက် ရာသီဥတုက ပိုအရေးကြီးသည်။ ပန်းဂေါ်ဖီသည် တစ်နှစ်ခံပင်ဖြစ်သည်။ ပန်းပွင့်ထွက်ရန်အတွက်လိုအပ်သည့် အပူချိန် မည်မျှကြာ
ကြာနှင့် ပင်သက်ရှိရမည့်အရွယ်အစားမှာ သက်လျင်၊ သက်ကြီးမျိုးပေါ်မူတည်သည်။ သက်လျင်တွင် ပင်စည်၏ အချင်း(၅-၆)မီလီမီတာရှိသော အရွယ်တွင် အပူချိန် (၇၀)ဒီဂရီဖာရင်ဟိုက်၊ (၈-၁၀)ရက်ခန့်လိုအပ်ပြီး သက်ကြီးမျိုးတွင် ပင်စည်အချင်း (၇-၈) မီလီမီတာရှိသောအရွယ်တွင် အပူချိန်(၇၇) ဒီဂရီဖာရင်ဟိုက်၊ (၁၅-၂၀)ရက် ခန့်လိုအပ်ပေသည်။

စိုက်ပျိုးချိန်
------------
မြေပြန့်ဒေသ - စက်တင်ဘာ၊ အောက်တိုဘာ
တောင်ပေါ်ဒေသ - ဧပြီ၊ မေ၊ စက်တင်ဘာ၊ အောက်တိုဘာ

ပျိုးထောင်ခြင်း
-----------------
(၁၀ x ၂.၅)ပေ၊ ဘောင်ကို ပေါက်ပြားဖြင့် မြေစိုင်ခဲကလေးများရစေရန် ပြုပြင်ပေးရ၏။ မြေများစွာ ညက်လျှင် ရေလောင်းသောအခါကြပ်သိပ်သွားနိုင်သောကြောင့် လေဝင်လေထွက်မကောင်းပဲ အညှောင့်ပေါက်မှု ညံ့လာ၏။ ပျိုးတစ်ဘောင်လျှင် မျိုးစေ့အောင်စဝက်ခန့်လိုပါသည်။ ပျိုးဘောင်ပေါ်တွင် မျိုးစေ့ကြဲရန် (၂)လက်မ
ခြားမြောင်းများဆွဲပြီး မျိုးစေ့ကိုညီညာစွာချ၍ အပေါ်မှနွားချေးဆွေးမှုန့် ပါးပါးဖုံးအုပ်
ပြီး ၎င်းပေါ်၌ စင်းပြီးကောက်ရိုးခြောက်များ ပါးလွှာစွာဖုံးအုပ်ပေးကာ ရေရွှဲရွှဲလောင်းပေးရမည်။ ဘောင်ပေါ်တွင် တစ်တောင်အမြင့်မှ သက်ကယ်ကောက်ရိုးမိုးပေးရသည်။ (၃-၄)ရက်ကြာလျှင် အညှောင့်ပေါက်လာသည်။ (၁၂)ရက်ကြာလျှင်
တန်းကြားကို မြေဆွပေါင်းရှင်းခြင်း ပြုလုပ်ပေးရသည်။ ပျိုးသက်(၂၀)ရက်ရလျှင် ယူရီးယားမြေသြဇာကို တစ်ဘောင်လျှင်(၅)အောင်စနှုန်းဖြင့် ရေဖျော်ဖျန်းပေးပြီး ရေဝသည့်တိုင်လောင်းပေးရသည်။ စိုက်ခင်းသို့ပြောင်းရွှေ့စိုက်ပါက ညနေ(၃)နာရီခန့်တွင် အမြစ်မနာအောင်နုတ်ပြီး ပြောင်းရွှေ့စိုက်သင့်သည်။ တစ်ဧကလျှင်
မျိုးစေ့ (၁၀၀-၁၅၀) ဂရမ်လိုအပ်ပါသည်။

စိုက်ခင်းပျိုးခြင်း
------------------
ပျိုးဘောင်ပြုလုပ်ချိန်ကတည်းက စိုက်ခင်းကို ထယ်(၂)စပ်၊ ထွန်(၃)စပ်ဝင်၍
မြေပြုပြင်ထားရမည်။ ပေါင်းမြက်များပြောင်သည့်တိုင် ကောက်ယူပြီး ကြမ်းတုံးရိုက်ထားရမည်။ ထို့နောက် မိမိအလိုရှိသော အကွာအဝေးအတိုင်းကြောင်းဆွဲခြင်း၊ ပေါက်ပြားဖြင့် မြေပြန်ဆွခြင်းတို့ကို ပြုလုပ်ပေးရမည်။
ပျိုးသက် (၃၅-၄၀)ရက်ရလျှင်၊(သို့) အရွက် (၄-၅)ရွက်ထွက်လာလျှင် ပြောင်းရွှေ့ စိုက်ပျိုးနိုင်သည်။တူးရွင်းဖြင့်ကျင်းတူးပြီး ကျင်းထဲရေလောင်းရပါမည်။ ၎င်းကိုရေခံသည်ဟုခေါ်သည်။ ပျိုးပင်ကိုနုတ်ပြီး ၎င်းကျင်းထဲသို့တည့်မတ်စွာချ၍ အမြစ်ကိုမြေတွင်ဖိကပ်ပြီး အပေါ်မှမြေဖုံးပေးရမည်။ သေသောအပင်များကို(၄-၅)ရက်အတွင်း
ပြန်ဖြည့်ပေးရမည်။ ထိုထက်နောက်ကျလျှင်မူလအပင်ကိုမမှီတော့ပေ။ရွေ့စိုက်ပြီး
တစ်လသားအထိ ပုရစ်ဖျက်ဆီးမှုကို ဂရုစိုက်ရသည်။
သက်လျင်မျိုးကို သက်ကြီးမျိုးထက် အနည်းငယ်စိပ်စိပ်ထား၍ စိုက်နိုင်ပါသည်။ တစ်ပင်နှင့်တစ်ပင် (၁.၅ - ၂)ပေခြား၊ တစ်တန်းနှင့်တစ်တန်း (၂ - ၂.၅)ပေခြားထားပြီး စိုက်ပျိုးနိုင်ပါသည်။ ရွှေ့စိုက်ပြီး (၁၀-၁၅) ရက်ရလျှင် ခါးဆွခြင်းကို ပြုလုပ် ပေးရသည်။

ကြားပေါင်းလိုက်ခြင်း
-------------------------
ပန်းဂေါ်ဖီပင်၏ မြေအောက် (၁.၅ -၂)ပေမှ အမြစ်များက အစာရေစာပိုမိုစားသုံးပါသည်။ ကြားပေါင်းလိုက်ခြင်းဖြင့် ဓာတ်မြေသြဇာနှင့် မြေသားသမသွားပါသည်။
ရေကို တစ်ပတ်(သို့) နှစ်ပတ်လျှင် တစ်ကြိမ်ကျသွင်းပေးရန် လိုအပ်ပါသည်။
အပွင့်ကောင်းစွာပွင့်နေချိန်တွင် နေရောင်ခြည် တိုက်ရိုက်ထိတွေ့ပါက ပန်းပွင့်အရောင်ပြောင်းလဲသွားတတ်ပြီး စားသုံးရာတွင်လည်း အသားကြမ်း၍ အရသာခါး သက်လာသည်။ ထို့ကြောင့် အပွင့်၏အချင်း (၂-၃)လက်မအရွယ်ရောက်သောအခါ အပြင်ရွက်များကိုစည်းပေးရပါသည်။

ဆွတ်ခူးခြင်း
--------------
သက်တမ်းလိုက်၍ ရွှေ့စိုက်ပြီး (၂ - ၂.၅)လကြာလျှင် ပန်းပွင့်ကို စတင်ခုတ်နိုင်ပါသည်။ အဝေးသို့တင်ပို့ပါက အရွက်ကို (၂-၃)ရွက်ချန်ထား၍ နုတ်ရပါသည်။ အချိန်မီမခုတ်ပါက ပန်းပွင့်အရောင်ပြောင်းသွားပြီး ပန်းပွင့်ရှည်ထွက်လာပါသည်။
တစ်ဧကလျှင် ဂေါ်ဖီပန်းပွင့်မျိုးလိုက်၍ တန်ချိန် (၅-၈)တန်ထွက်နိုင်ပါသည်။
ပန်းဂေါ်ဖီကို တာရှည်သိုလှောင်မထားသော်လည်း စိုထိုင်းဆ (၈၅-၉၀)ရာခိုင်နှုန်း၊ (၃၂)ဒီဂရီဖာရင်ဟိုက်တွင် ထားပေးပါက တစ်လခန့်အထားခံပါသည်။

လှလည်းလှ စားလည်းကောင်းတဲ့ ပန်းဂေါ်ဖီမျိုး
✽✽✽✽✽✽✽✽✽✽✽✽✽✽✽✽✽✽✽✽✽

ပန်းဂေါ်ဖီစိမ်းသည် ဂေါ်ဖီထုပ် အနွယ်၀င်ဖြစ်သည်။ ပန်းဂေါ်ဖီဟု ခေါ်ကြသကဲ့သို့ အချို့ကလည်း ပန်းမုန်လာဟု ခေါ်ကြသည်။ ပန်းဂေါ်ဖီ(သို့) ပန်းမုန်လာ၏ ပွင့်ဖူးခေါ် မျိုးပွားအင်္ဂါဝိုင်းကို စားသုံးရသည့်အတွက် ဟင်းသီးဟင်းရွက် အုပ်စုထဲတွင် ထည့်ထားကြလေသည်။ ပန်းဂေါ်ဖီကို တော်သလင်းလမှ တန်ဆောင်မုန်း အထိ စိုက်ပျိုးကြပါသည်။

မျိုးစေ့ခံမည်ဆိုပါက မြေပြန့်ပြည်မတွင် အနည်းအကျဉ်းစမ်းသပ်ပျိုးခံလျှင် ရရှိပါသည်။ သီတင်းကျွတ်လလောက်တွင် ပျိုးထောင်စိုက်ပျိုးထားပါ။ ဦးစွာပေါက်၍ သန်စွမ်းသော အပင်များကို ပြုစုပါ။ အလယ်မှ ဖူးတံထွက်၍ အသီးကလေးများသီးပြီး မျိုးစေ့ရလာပါမည်။

ပန်းဂေါ်ဖီစိမ်း စိုက်ခင်းတွင် တိုက်ရိုက် စိုက်ပျိုးလေ့မရှိကြပါ။ ပျိုးခင်းတွင် ဦးစွာ ပျိုးထောင်ပြီးမှသာလျှင် ရွှေ့ပြောင်းစိုက်ပျိုးလေ့ရှိပါသည်။ မျိုးစေ့ ပျိုးရန်အတွက် မြေဆွေး အသင့်အတင့် ပါ၀င်ပြီး မြေညက်တွင် အလျားပေ ၂၀၊ အနံ ၃ပေရှိ ပျိုးဘောင်နှစ်ဘောင် ပြုလုပ်ပြီး ပျိုးဘောင်ပေါ်တွင် လက်မအနက်ရှိသော စိုက်ကြောင်း တိမ်ကလေးများဆွဲကာ အတန်းလိုက် မျိုးစေ့ ၄အောင်စမှ ၆အောင်စမျှကို နှစ်ဘောင်ခွဲ၍ ပျိုးထောင်ရသည်။ ပျိုးဘောင်ပေါ်တွင် စိုက်ကြောင်း တိမ်ကလေးများကို တစ်တန်းနှင့်တစ်တန်း ၃လက်မ၊ ၄လက်မခန့်ခြား၍ ဖော်ရန် လိုပါသည်။ ပျိုးခင်းတွင် မြေအစိုဓာတ်ရှိရုံ အပေါက်သေးသော ရေပန်းကရားဖြင့် ရေမှန်မှန်လောင်းပေးရပါသည်။

ပျိုးထောင်ရာ၍ ပျိုးဘောင်တွင်မဟုတ်ပဲ မျိုးသေတ္တာကလေးများဖြင့် ပျိုးထောင်၍ ရပါသည်။ တခါတရံတွင် ပန်းဂေါ်ဖီပျိုးခင်း၌ ပွင့်နေသည်ကို တွေ့ရတတ်ပေသည်။ အသက်ငယ်ငယ်နှင့် ပွင့်သည့်အတွက်ကြောင့် အပွင့်လည်း မကောင်းပေ။ ဤသို့ဖြစ်ရသည်မှာ အအေးပိုင်းတွင် စိုက်ပျိုးသော အပင်မျိုးကို စိုက်ပျိုးမိသောကြောင့် ဖြစ်သည်။

ပျိုးပင်ငယ်များ အရွက်လေးရွက်မှ ခြောက်ရွက်အထိ ထွက်လာသောအခါ စိုက်ဘောင် စိုက်ကွက်များသို့ ပြောင်းရွှေ့စိုက်ပျိုးနိုင်ပြီဖြစ်သည်။ ပြောင်းရွှေ့စိုက်ပျိုးရာ၌ နံနက်ပိုင်းထက် ညနေပိုင်းကိုသာ ရွေးချယ်သင့်ပါသည်။

ပန်းဂေါ်ဖီစိမ်းကို စိုက်ပျိုးရာတွင် ကျရောက်ဖျက်ဆီးတတ်သော ပိုးမွှားများလည်း ရှိပေသည်။ ထိုပိုးမွှားများမှာ မုန်ညင်းပင်၊ မုန်လာပင်တို့တွင်လည်း ကျရောက်ဖျက်ဆီးတတ်သည်။ ပုရွက်ဆိတ်၊ ပုရွက်ဆိတ်နီ၊ ခြ၊ နွားချေးပိုး၊ ပိုးတီကောင်၊ ပုရစ်၊ မုန်ညင်းလိပ်ပြာ စသော သတ္တဝါတို့သည် ပန်းဂေါ်ဖီအား ကြီးထွားဖွံ့ဖြိုးရေးအတွက် အနှောင့်အယှက်ပေးတတ်သည်။ ထိုသို့ ပိုးမွှားများ ကျရောက်ပါက ခေတ်မီနည်းစနစ်များဖြင့် ထုတ်လုပ်ထားသော ပိုးသတ်ဆေးဝါးများဖြင့် နှိမ်နင်းပေးရမည်။

ပန်းဂေါ်ဖီစိမ်း မျိုးရိုးဗီဇ အနေအထားကိုလိုက်၍ ရက်ပေါင်း ၉၀မှ ရက်ပေါင်း ၁၃၀ အတွင်း ခူးဆွတ်နိုင်ပါသည်။ ပန်းဂေါ်ဖီသည် ဆောင်းရာသီကာလတွင် အထုပ်ပွင့်ဖူးမှ ပို၍ကျစ်လျစ်ပေသည်။ ပန်းဂေါ်ဖီသည် လူမျိုးမရွေး ဘာသာမရွေး နှစ်သက်စွာ စားသုံးလေ့ရှိကြသော ဟင်းသီးအနွယ်ဖြစ်သည်။ အပွင့်ကလေးများကို အနေတော်ဖဲ့၍ ကြက်ဥ၊ ဘဲဥ ၊ အသားတို့နှင့်သော်လည်းကောင်း ကြော်၊ ချက်စားသောက်နိုင်သည်။

ပန်းဂေါ်ဖီစိမ်းအား မိမိတို့အိမ် ခြံမြေလွတ်များရှိပါက မြေဆီသြဇာကောင်းကောင်းတို့နှင့် တစ်နိုင်တစ်ပိုင် စိုက်ပျိုးနိုင်သကဲ့သို့ လယ်မြေယာမြေများတွင်လည်း စီးပွားဖြစ် စိုက်ပျိုးနိုင်ပါသည်။ အပွင့်အနေအထားအလိုက် စျေးနှုန်းအနိမ့်အမြင့် ရှိပေသည်။ လှိုင်လှိုင်ပေါသည့် ရာသီထက် ရှားရှားပါးပါး အချိန်အခါတွင် ပို၍ စျေးနှုန်းကောင်းမွန်ပေသည်။



#သဘာဝရွက်ဖြန်းအားတိုးဆေး

14/12/2023

ဒန့်ဒလွန် စိုက်ပျိုးနည်း
==================

စိုက်ပျိုးရလွယ်ကူပြီး မြေနေရာ သီးသန့်အကျယ်အဝန်သိပ်မလိုတာကြောင့် အိမ်ခြံဝန်းအတွင်း စားသုံးပင်သီးနှံ အဖြစ် စိုက်ကြတယ်။
ဒီလိုစိုက်ပျိုးတဲ့နေရာမှာတော့ ကိုင်းဖြတ်စိုက်ခြင်းနဲ့ အစေ့ကိုတိုက်ရိုက်ချစိုက်ခြင်း ဆိုပြီး ပုံစံ(၂)မျိုးနဲ့ စိုက်ပျိုးလေ့ရှိကြပါသည်။

(၁) ကိုင်းဖြတ်စိုက်ခြင်း

မိုးဦးကျချိန် ဇွန်လတွင် ဆောင်ရွက်ရမည်။ တစ်ပင်နှင့် တစ်ပင်ကို အနည်းဆုံးပေ ၂၀ခြား၍ စိုက်ပျိုးရမည်။ စိုက်မည့်နေရာတွင် (၃x၃x၃) ပေကျင်းတူး၍ မြေသားနှင့်နွားချေး (သို့မဟုတ်) သစ်ရွက်ဆွေး မြေသြဇာကို ဆူရောထည့်၍ စိုက်နိုင်ပါတယ်။ ကိုင်းကိုမြှုပ်စိုက်ရမှာ ဖြစ်ပြီး စိုက်ကျင်းကိုတော့အနည်းဆုံး (၆)လက်မအထိ တူးထားဖို့လိုပါမယ်။

(၂) အစေ့တိုက်ရိုက်ချ စိုက်နည်း

မျိုးစေ့ယူရန်အတွက် နွေကာလ (မတ်နှင့်ဧပြီ)လများတွင် ကောင်းစွာရင့်မှည့်သည့် သီးတောင့်များမှ အစေ့ရယူပြီး မိုးဦးကျချိန်တွင် မြေချစိုက်ပျိုးရပါမည်။ မြေသြဇာကို မိုးဦးနှင့် မိုးအကုန်တွင် တစ်ကြိမ်စီ ကျွေးပေးသင့်ပါသည်။

ခူးဆွတ်ခြင်း
--------------
အသီးခူးဆွတ်ရန် ရည်ရွယ်ထားပါက အညွန့်များ မခူးဆွတ်သင့်ဖို့ သတိထားရပါမယ်။ အရွယ်ရောက် ဒန့်ဒလွန်တစ်ပင်သည် တစ်နှစ်လျှင် အနည်းဆုံး ပျှမ်းမျှ အသီး (၂၀၀)ခန့် သီးနိုင်ပါတယ်။

အပင်ချိုင်ပေးခြင်း
---------------------
အကိုင်းဆက်သောာ အပင်အမျိုးအစားဖြစ်တဲ့အတွက်ကြောင့် အပင်ကြီးလာပါက အကိုင်းများကျိုးတတ်ပြီး အသီးအားလျော့နည်းသွားတတ်တာမို့ နွေအခါအသီးခူးပြီးနောက် အကိုင်းအကြီးများကို ချိုင်ပေးခြင်းဖြင့် အပင်နုပျိုလာစေနိုင်ပြီး သီးအားကောင်းမွန်၍ ဆွတ်ခူးရန်လည် လွယ်ကူစေနိုင်ပါတယ်။



#သဘာဝရွက်ဖြန်းအားတိုးဆေး

14/12/2023

သရက်ပင် အကိုင်းငယ်များကို
အမြစ်ကူး၍ ကိုင်းကူးနည်း
========================
အကျိုးကျေးဇူးများ
---------------------
အစေ့ကနေ တိုက်ရိုက်ချစိုက်ရင် မျိုးကွဲပြီး နဂိုအပင်အတိုင်း မရတာတွေဖြစ်တတ်ပါတယ်။ မျိုးကောင်းတဲ့အပင်က ကိုင်းကူးရင် နဂိုအပင်အတိုင်းရပါတယ်။

အမြစ်ကူတဲ့နည်းကတော့ အကိုင်းငယ်ရော၊ အကိုင်းကြီးရော ကူးနိုင်ပါတယ်။ စိုက်စိုက်ချင်း အသီးရနိုင်သလို အပင်သန်မာထွားကြိုင်းမှုကလည်း ကောင်းမွန်ပါတယ်။

လိုအပ်သောပစ္စည်းများ
---------------------------
- သရက်ပင် ပျိုးပင်နှစ်ပင် (၆လ အရွယ်၊ လက်ညှိုးလုံးခန့်)
- ကြွတ်ကြွတ်အိတ် 5 x 9 လက်မအရွယ်တစ်လုံး
- အုန်းဆံမှုန့်

- တစ်တောင်ကျော်ခန့် ကြိုးတစ်ချောင်း
- တစ်လက်မခွဲအကျယ်နှင့် အရှည်တစ်တောင်ရှိ ပလတ်စတစ်ဖဲပြား

(မိုးကာသားလည်းရပါတယ်)
- ဓားထက်ထက်၊ ပါးပါး တစ်လက်

ပြင်ဆင်ခြင်း
---------------
သရက်ပျိုးပင်များကို ရေသောက်မြစ်ပါအောင် ဂရုစိုက်၍ နှုတ်ပါ။ ရေသောက်မြစ်ကို အရင်းမှ အောက်ဘက်သို့ လက်ငါးလုံးခန့်ချန်ပြီး ဖြတ်ထုတ်လိုက်ပါ။

အမြစ်ပွားလေးများကို ဖြတ်ထုတ်လိုက်ပါ။ အပင်အရင်းမှ အပေါ်သို့ တစ်ထွာခန့်ချန်၍
ဖြတ်ထုတ်လိုက်ပါ။ အုန်းဆံမှုန့်ကို ရေအနည်းငယ်ဆွတ်ပြီး အိတ်ထဲသိပ်ထားပါ။

ကိုင်းကူးခြင်း
----------------
- လက်ညှိုးအရွယ်မှစ၍ အကိုင်းငယ်များကို ကူးယူနိုင်ပါတယ်။

- အကိုင်းမကူးခင် အကိုင်းနားမှာရှိတဲ့ အတက်အရွက်များကို ဖြတ်ထုတ်လိုက်ပါ။

- ကူးမည့်ကိုင်းကို အဖျားဘက်မှ အောက်ဘက်သို့ အသားများပါအောင် တစ်မိုက်
ခန့်လှီးလိုက်ပါ။

နှစ်နေရာလှီးရပါမယ်။ ဓားရာအထစ်မဖြစ်အောင် လှီးရပါမယ်။
(ပုံမှာကြည့်နိုင်ပါတယ်)
- ဖြတ်ထားတဲ့ ပျိုးပင်၏ ပင်စည်အရင်းမှ အပေါ်သို့ လက်သုံးလုံးခန့် တစ်စောင်း
ဖြတ်ပေးပါ။

လှီးရာ မှာ အထစ်မဖြစ်အောင်ဂရုစိုက်ပါ။
- နှစ်ချောင်းလုံးဖြတ်ပြီးရင်တော့ ကူးမည့်ကိုင်းမှ လှီးရာတွင် ကပ်ပေးရပါမယ်။
- ပြီးရင် ပလတ်စတစ်ဖဲပြားနှင့် ကြပ်နေအောင် သေချာစည်းပေးပါ။

- ထို့နောက် အုန်းဆံမှုန့်အိတ်ကို အမြစ်နေရာတွင် စွပ်ပြီး အကိုင်းနှင့် တွဲ၍
သေချာစည်းပေးပါ။

- ရေလမ်းကြောင်းဖြတ်ရန်အတွက် အုန်းဆံမှုန့်အိတ်၏ အောက်တွင် အပေါ်တွင်
တစ်ချက်၊ အောက်တွင် တစ်ချက် တစ်လက်မခန့်ခွာ၍ အပင်အား ဓားဖြင့် ရစ်
လိုက်ပါ။

ထို့နောက် အခေါက်အား လုံးဝကွာသည်အထိ ခွာလိုက်ပါ။
ရေလမ်းကြောင်းဖြတ်ခြင်းပြီးပါပြီ။

- ၄၅ ရက်ခန့်ကြာလျှင် အုန်းဆံမှုန့်အိတ်အတွင်း အမြစ်များထွက်လာသည်ကို
တွေ့ရမှာဖြစ်ပါတယ်။

- ပျိုးအိတ်ထဲမှာ တစ်လခန့်ပျိုးထားပြီးမှ မြေချစိုက်တာပိုကောင်းပါတယ်။

(အသီးသီးနေတဲ့အကိုင်းကိုကူးရင်တော့ ချက်ချင်းအသီးသီးမှာဖြစ်ပါတယ်)
--------------
#စိုက်ပျိုးရေးနည်းပညာ
#မျဝေပေးလိုက်ပါတယ်


#သဘာဝရွက်ဖြန်းအားတိုးဆေး

14/12/2023

"အထွက်ကောင်းပြီး အမြတ်များသည့် ပြောင်းဖူးစိုက်ပျိုးနည်း"
************************************************************
SMI နည်းစနစ်အရ ပြောင်းဖူးစိုက်ပျိုးနည်း
-------------------------------------------------
SMI စနစ်အရ ပြောင်းဖူးစိုက်ပျိုးရေးနှင့်စပ်လျဉ်း၍ ရေးသားထားသည့် စာရွက်စာတမ်းများကို အခြေခံ၍ SMI စနစ်ဖြင့် ပြောင်းဖူးစိုက်ပျိုးနိုင်ရန် အောက်ပါအတိုင်းစုစည်းတင်ပြအပ်ပါသည်။
(၁) မျိုးကောင်းမျိုးသန့် သို့မဟုတ် စပ်မျိုးပြောင်းဖူးမျိုးကောင်းများကို ရွေးချယ်အသုံးပြုပါ။
(၂)စိုက်ချိန်ကို သေသေချာချာရွေးချယ်၍ စိုက်ပါ(အပင်ပေါက်ချိန်သည် အလွန်အေးလွန်းသည့် အချိန်မဖြစ်ရန်နှင့် မြိတ်ဆာထွက်ချိန်သည် အလွန်ပူလွန်းသည့် အချိန်မဖြစ်ရန် စိုက်ချိန်ကို ရွေးချယ်စိုက်ပျိုးပါ)
(၃)တန်းကြားပင်ကြား ကျယ်ကျယ်လေးကွက်ကြားစနစ်ဖြင့် စိုက်ပျိုးခြင်း (မိုးစိုက်အနေဖြင့် အနည်းဆုံး ၁၂လက်မx ၁၂လက်မ အကွာ အဝေးဖြင့်စိုက်ပျိုးရန်နှင့်ု ဆည်ရေဖြင့်စိုက်ပျိုးပါက အနည်းဆုံး ၁၆ လက်မ x ၁၆ လက်မအကွာအဝေးဖြင့် ကွက်ဆုံတွင်ပြောင်းစေ့ တစ်စေ့သာစိုက်ပျိုးပါ။အပင်ပေါက်ဆုံချိန်တွင် အပင်မပေါက်သည့် ကျင်းပျောက်အားပြောင်းဖူးစေ့တစ်စေ့နှုန်း ထပ်မံစိုက်ပျိုးပါ။
(၄)အပင်များအား ထိခိုက်မှုရှိသည့် ပေါင်းလိုက်ကိရိယာကို အသုံးပြု၍ ပေါင်းလိုက်ပါ။
(၅)မြေဆီလွှာအတွင်း လေဝင်လေထွက်ကောင်းစေရန်နှင့် ပေါင်းနိုင်ရန်အတွက် ပေါင်းလိုက်မြေဆွခြင်းကို ၂-၃ ကြိမ်ပြုလုပ်ပါ။
(၆)ရေတွင်နိုင်ပါက ရေကိုလိုအပ်သလောက်သာမြေတွင် အစိုဓာတ်ရှိရုံပေးသွင်းပါ။ ရေမဝပ်စေရန်လည် ဂရုပြုပါ။
(၇)မြေဆီလွှာဖွဲစည်းပုံ ကောင်းမွန်စေရန်အတွက် တစ်ဧကလျှင် မြေဆွေး ၄-၆ တန်ထည့်သွင်းပါ။

မြန်မာနိုင်ငံတွင် စပ်မျိုးပြောင်းဖူးမျိုးများ (Hybrids) အထွက်ကောင်းအစေ့ထုတ်
ပြောင်းများ (HYV)သွားရေစာအဖြစ်စားသုံးလေ့ရှိသည့်ပြောင်းချို (Sweet Corn) တို့ကို စိုက်ပျိုးလျက်ရှိကြပြီး၊အများစုကို ၃၀ လက်မx ၉ လက်မ အတန်းလိုက်စိုက်ပျိုးကြသည်ကို တွေ့ရှိရပြီး အတန်းအကွာအဝေးမှာ ဒေသနှင့် မျိုးပေါ်တွင် အခြေခံပြီး ကွာခြားမှုရှိနိုင်ပါသည်။ သို့သောအကွာအဝေးတူညီသည့်
စတုရန်းလေးကွက်စနစ်ဖြင့် စိုက်ပျိုးခြင်းမဟုတ်ဘဲ တစ်ပင်နှင့်တစ်ပင်နီးလွန်း
သဖြင့် နေရောင်ခြည်နှင့် အပင်အာဟာရရှိမှုတွင် အကန့်အသတ်ရှိမည်ဖြစ်ပါ
သည်။ သို့ပါ၍ ၁၆ လက်မပတ်လည် စတုရန်းစနစ်ဖြင့် စိုက်ပျိုးရန်အကြံပြုလိုပါ
သည်။ဒေါက်တာထွန်းဆိုင် ရေးသားပြုစုသည့်ပြောင်းဖူးစာအုပ်၌ တပ်ကုန်းခြံတွင် ၁၉၇၁-၁၉၇၄ ခုနှစ်ကပြောင်းဖူးအား အကွာအဝေး အမျိုးမျိုးဖြင့် စိုက်ပျိုးစမ်းသပ်ခဲ့ရာ အကွာအဝေးဖြင့် တစ်ကျင်း ၂စေ့ချနှုန်းသည် အထွက်နှုန်းအကောင်းဆုံးဖြစ်
ကြောင်း တွေ့ရှိဖူးပါသည်။

အထက်ပါတွေ့ရှိချက်များအရ အကွာအဝေးတူညီသည့် လေးကွက်ကြားစနစ်
သည် ကောင်းမွန်ကြောင်း သာဓကပင် ဖြစ်ပါသည်။၄င်းစနစ်အရ တစ်ဧကလျှင် အပင်ဦးရေ ၂၁၇၈၀ ၀င်ဆံ့ပြီး တစ်ကျင်းရှိပြောင်းပင်၂ပင်သည် အစာရေစာနှင့် အလင်းရောင်ရရှိရေးအတွက် အချင်းချင်းယှဉ်ပြိုင်ရမည်မှာမလွဲပါ။SMI စနစ်အရ ၁၆လက်မ x၁၆ လက်မအကွာအဝေးဖြင့် ကွက်ဆုံတွင် ပြောင်းစေ့တစ်စေ့သာ စိုက်ပျိုးခြင်းသည် တစ်ဧကလျှင် အပင်ဦးရေ ၂၄၅၀၀ ကျော်ဝင်ဆံ့ပြီး အပင်အချင်းချင်း လုံလောက်သည့် အကွာအဝေးခြားထားသဖြင့် အပင်တိုင်းသည် နေရောင်ခြည်နှင့် အစာရေစာလုံလောက်စွာ ရရှိမည်ဖြစ်သဖြင့် အကောင်းဆုံးနည်းဖြစ်ပါသည်။ SMI စနစ်အရ ဆောင်ရွက်ရမည့် လေဝင်လေထွက်ကောင်းရန်နှင့် ပေါင်းရှင်းရန်ပေါင်းလိုက်ပေးခြင်း၊ ရေကိုလိုအပ်ရုံသာပေးသွင်းခြင်း၊ မြေဆွေးနှင့်
သဘာဝမြေသြဇာများသုံးစွဲခြင်း စသည်တို့မှာ ခက်ခဲသည့်လုပ်ငန်းများမဟုတ်ပါ။
သို့ပါ၍ ပြောင်းစိုက်ပျိုးသူ တောင်သူများအနေဖြင့် အဓိကအချက်ဖြစ်သည့် ၁၆လက်မ x ၁၆လက်မ လေးကွက်ကြားစနစ်ဖြင့် အကွက်ဆုံးတွင် ပြောင်းဖူးစေ့ တစ်စေ့သာစိုက်သည့်စနစ်သို့ ပြောင်းရန်ဖြစ်ပါသည်။
ကျန်သည့် SMI စနစ်အရ ဆောင်ရွက်ရမည့် လုပ်ငန်းများကိုဖော်ပြသည့်အတိုင်း ဆောင်ရွက်ခြင်းဖြင့် ပြောင်းဖူးအထွက်နှုန်းကိုသိသိသာသာတိုငရုတ်သီး နည်းစနစ်တကျစိုက်ပျိုးနည်း
===========================

ငရုတ်ဟာ မြေသြဇာကြွယ်ဝပြီး ရေမဝပ်တဲ့မြေမျိုး၊ သဲနုန်း၊ နုန်းမြေတွေက အကောင်းဆုံးဖြစ်ပါတယ်။ မြေစေးအသင့်အတင့်ပါတဲ့ မြေမှာလည်း စိုက်ပျိုးနိုင်ပါတယ် ဒါပေမယ့် ရေမဝပ်စေဖို့အတွက် ရေထုတ် မြောင်းစနစ်တကျ ပြုလုပ်ပေးဖို့တော့လိုပါတယ်။ သဲမြေမှာစိုက်တယ်ဆိုရင် သဘာဝမြေသြဇာလုံလုံ လောက်လောက်ထည့်ပြီးမှ စိုက်ပျိုးရမှာဖြစ်ပါတယ်။ အသင့်တော်ဆုံးpH ကေတာ့ (၅.၅-၇)ဖြစ်ပါ တယ်။ မျိုးကောင်းမျိုးသန့်ငရုတ်မျိုးစုံကိုလဲတစ်ထုပ်1500ကျပ်ဖြင့်မှာယူနိင်ပါပြီ 09423744490ကိုဆက်သွယ်၍လည်းမှာယူလိုရပါတယ်

အရပ်ဒေသကိုလိုက်ပြီး တိုက်ရိုက်စိုက်တာနဲ့ ပြောင်းရွှေ့စိုက်ပျိုးတာဆိုပြီး (၂)မျိုးရှိပါတယ်။
တိုက်ရိုက်စိုက်ပျိုးတဲ့နည်းကတော့ ပျိုးခင်း၊ ပျိုးဘောင်တွေနဲ့ပျိုးမထောင်ပဲ ကြိုက်နှစ်သက်တဲ့ ထယ်ရေး၊ ထွန်ရေးရပြီဆိုရင် မျိုးစေ့တွေကို ညီညီညာညာကြဲပက်ပြီး စိုက်ပျိုးရတာဖြစ်ပါတယ်။ တစ်ဧကအတွက် မျိုးစေ့ (၁၀၀)ဂရမ်ခန့်ကုန်နိုင်ပါတယ်။ အပင်ပေါက်စုံရင် လိုချင်တဲ့ အကွာအဝေးထားပြီး ကျန်အပင် တွေကို နုတ်ပေးရတာဖြစ်ပါတယ်။ မုံရွာ၊ ညောင်ကန်၊ ဘုတလင်တစ်ဝိုက်မှာ အများအားဖြင့် စိုက်ပျိုးကြပါတယ်။

ရွှေ့ပြောင်းစိုက်ပျိုးနည်းကတော့ ထယ်ရေးအသင့်ပြင်ထားတဲ့ မြေပေါ်မှာ အသင့်ပျိုးထားတဲ့ ပျိုးပင် ပျိုးသက် (၃၀-၄၅)ရက်သားခန့်ရရင်ပြောင်းရွှေ့စိုက်ပျိုးရတာဖြစ်ပါတယ်။

အပင်ပြုစုစောင့်ရှောက်ခြင်း

ရွှေ့ပြောင်းစိုက်ပျိုးပြီး (၃-၄)ရက်ကြာရင် အပင်စပြီးလန်းလာမှာဖြစ်ပါတယ်။ (၁၀-၁၂)ရက်ကြာတဲ့အခါ ပေါင်း နှိမ်နင်းတာ၊ ရေသွင်းတာတွေ စတင်လုပ်ပေးနိုင်ပြီဖြစ်ပါတယ်။ ကြားပေါင်ိးုက်တာ၊ မြေတောင်မြှောက်ပေးတာ၊ မွသွေဇာကြှေးတာတှကေို (၂)ပတ် (၁)ကြိမ်ပြုလုပ်ပေးနိုင်ပါတယ်။

မြေသြဇာထည့်သွင်းအသုံးပြုခြင်း

တစ်ဧကအတွက် နွားချေး လှည်းအစီး (၁၀-၂၀)စီးထည့်ပေးနိုင်ပြီး ယူရီးယား (၁)အိတ်၊ တီစူပါ (၁)အိတ်၊ ပိုတက်ရှ် (၁)အိတ်နှုန်းကို မြေပြင်ချိန်မှာ ထည့်ပြီး အပင်ကြီးထွားတဲ့အချိန်မှာ ယူရီးယား (၂)အိတ္ကို ထပ်ပြီး ကြှေးရမှာဖွဈပါတယျ။

ခူးဆွတ်ခြင်း

ရွှေ့ပြောင်းစိုက်ပျိုးပြီး (၂)လအကြာမှာ ပန်းစပြီးပွင့်မှာဖြစ်ပါတယ်။



#သဘာဝရွက်ဖြန်းအားတိုးဆေး

14/12/2023

အပင်ကြီးထွားမှုကို သက်ရောက်စေတဲ့ အချက် (၅)ချက်
▪▪▪▪▪▪▪▪▪▪▪▪▪▪

အပင်တစ်ပင်ကြီးထွားရှင်သန်ပြီး လိုအပ်တဲ့အသီး၊အနှံ၊အရွက်နဲ့တခြားသောထုတ်ကုန်တွေထုတ်လုပ်ပေးနိုင်ဖို့ဆိုတာဟာ

အဲ့ဒီအပင်လိုအပ်တဲ့ရာသီဥတုအခြေအနေ၊အာဟာရဓာတ်နှင့် တခြားသောအရင်းအမြစ်တွေရရှိနေဖို့ဆိုတာဟာ အရေးကြီးတဲ့အရာတွေပဲ ဖြစ်ပါတယ်။

ရေ၊လေ၊မြေ စတဲ့သဘာဝအရင်းအမြစ်တွေအပြင် အခုခေတ်မှာဆိုရင် အပင်ရဲ့ကြီးထွားမှုကိုသက်ရောက်စေတဲ့ ဟော်မုန်းနှင့်ဓာတုဆေးတွေဟာလည်း အများအပြားရှိလာပြီပဲ ဖြစ်ပါတယ်။

ဒီလိုမျိုးလိုအပ်တဲ့အရာတွေကို သူ့နေရာနဲ့သူ သဟဇာတကျအောင်ရရှိမှသာလျှင် အပင်တွေဟာလည်း သူ့တို့ရဲ့ရှင်သန်ကြီးထွားမှုနှင့်မျိုးပွားနိုင်မှုဆိုင်ရာ လုပ်ငန်းစဥ်တွေကိုအောင်မြင်အောင် ပြုလုပ်နိုင်မှာပဲ ဖြစ်ပါတယ်။

ဒီလိုမျိုးအပင်တွေရဲ့ကြီးထွားမှုကိုသက်ရောက်စေတဲ့အရာတွေအများကြီးရှိတဲ့အထဲကနေပြီး ဒီနေ့မှာတော့ အခြေခံအကျဆုံးနှင့်အလိုအပ်ဆုံးဖြစ်တဲ့ အရာ ၅ ခုနှင့် လိုအပ်တဲ့ပမာဏလေးတွေကို မျှဝေပေးသွားမှာပဲ ဖြစ်ပါတယ်။




အပူချိန်

အပင်တွေဟာဆိုရင် သူတို့လိုအပ်တဲ့အပူချိန်အတိအကျရလေလေ သူတို့ရဲ့ရှင်သန်မှုနှင့်ကြီးထွားမျိုးပွားမှုက ပိုပြီးကောင်းလေပဲ ဖြစ်ပါတယ်။

အပင်တွေရဲ့အပူအချိန်လိုအပ်ချက်တွေအပေါ် မူတည်ပြီးတော့ အနိမ့်ဆုံး၊အသင့်တော့ဆုံးနှင့် အမြင့်ဆုံးဆိုပြီးတော့ အဆင့် ၃ ဆင့်ခွဲထားပါတယ်။

ပုံမှန်အပင်အမျိုးအစားတွေအတွက်ဆိုရင်တော့ မြေကြီးအပူချိန် တစ်ဒီဂရီစပ်ဆီယမ်အထက်ရှိမယ်ဆိုရင် မျိုးစေ့ပေါက်ဖို့အတွက် သင့်တော်နေပြီပဲ ဖြစ်ပါတယ်။

ဒါပေမယ့် မျိုးစေ့ပေါက်ဖို့အတွက် အသင့်တော်ဆုံးအပူချိန်ကတော့ ၂၅ - ၃၅ဒီဂရီစပ်ဆီယမ် ဖြစ်ပြီး ၄၅ ထက်တော့မပိုသင့်ပေ။

ပျိုးပင်အဆင့်ကြီးထွားဖို့ဆိုရင်တော့ ၁၉-၂၅ဒီဂရီစပ်ဆီယမ် ကအသင့်တော်ဆုံးဖြစ်ပြီးတော့ ပန်းပွင့်တဲ့အချိန်နှင့်အသီးတည်တဲ့အချိန်တွေမှာတော့ အပူချိန် ၁၈-၂၀ဒီဂရီစပ်ဆီယမ် ကအကောင်းဆုံးပဲ ဖြစ်ပါတယ်။

အလင်းရောင်

အပင်တွေရဲ့ကြီးထွားမှုရုပ်လက္ခဏာအသီးသီးအပေါ်မူတည်ပြီးတော့ ယေဘုယျအရပြောရမယ်ဆိုရင် အသင့်တော်ဆုံး Light Intensity ကတော့ 10000-30000 Lux ပဲ ဖြစ်ပါတယ်။

တကယ်လို့အပင်တွေသာ အမှောင်ထဲမှာရှိနေမယ်၊ အလင်းရောင်ကောင်းကောင်းမရဘူးဆိုရင်တော့ ပင်စည်တွေသေးလာမယ်၊ node တွေပိုရှည်ထွက်လာမယ်၊

mechanical tissues တွေဖွံ့ဖြိုးမှုနည်းလာမယ်၊ အရွက်တွေသေးပြီး တွန့်လိမ်လာမယ်၊ အမြစ်ဖွံ့ဖြိုးမှုနှေးကွေးလာပြီး အပင်တပင်လုံးအဝါရောင်သန်လာမှာပဲ ဖြစ်ပါတယ်။

ဒီလိုမျိုး ရုပ်လက္ခဏာတွေကို chlorosis လို့ခေါ်ပါတယ်။

အပင်တွေရဲ့အမျိုးအစားနဲ့ခံနိုင်ရည်ရှိမှုဒဏ်ကိုလိုက်ပြီးတော့ လိုအပ်တဲ့အလင်းပမာဏဟာလည်း ကွာခြားမှုရှိနေမှာပဲ ဖြစ်ပါတယ်။

နေရဲ့အပူချိန်နဲ့အလင်းရရှိမှုဟာဆိုရင် ရာသီဥတုအခြေအနေပေါ်လိုက်ပြီး ပြောင်းလဲမှုရှိနေတဲ့အတွက် ဒီနောက်ပိုင်းလုပ်ငန်းကြီးလုပ်နေတဲ့သူတွေနှင့် Indoor Grower တွေဟာ သူတို့ရဲ့စိုက်ခင်းတွေမှာ LED မီးတွေကိုအစားထိုးအသုံးပြုလာကြပြီပဲ ဖြစ်ပါတယ်။

အလင်းရောင်ရရှိမှုတိုတောင်းတာဟာ အပင်ကိုပန်းအမြန်ပွင့်စေဖို့ အားပေးနိုင်ပေမယ့် အပင်ရဲ့ကြီးထွားမှုနှင့် အမျှင်ဓာတ်ပါဝင်မှုကိုတော့နည်းစေပါတယ်။

အလင်းရောင်ရရှိမှုများရင်တော့ ပန်းပွင့်ခြင်းနှင့်အသီးတည်မှုဖြစ်စေကို ​နှေးကွေးစေပါတယ်။

ရေ

ရိုးတံရှည်တဲ့အပင်အမျိုးအစားတွေဟာဆိုရင် တခြားသောအပင်တွေထက်စာရင် ရေလိုအပ်မှုပိုများကြပါတယ်။

သူတို့ရဲ့ကုန်ကြမ်း ၁ ကီလိုဂရမ်ထုတ်လုပ်နိုင်ဖို့အတွက် အနည်းဆုံး ရေလီတာပေါင်း ၃၀၀ အထိလိုအပ်ပြီးတော့ တခါတခါ ၅၀၀ အထိတောင်လိုအပ်တာတွေကိုတွေ့ရပါတယ်။

မျိုးစေ့ပေါက်တဲ့ကာလ ဒါမှမဟုတ် အပင်ကြီးထွားမှုရဲ့ပထမခြောက်ပတ်အထိ မြေကြီးကိုအစိုဓာတ်ရှိအောင်ထားသင့်ပါတယ်။

အပင်ကြီးထွားမှုမြန်ဆန်နေတဲ့အချိန် (တစ်ရက်ကို 4-6 cm အထိ) မှာဆိုရင် မိမိရဲ့စိုက်ကွင်းအစိုဓာတ်ကို ၇၀ ကနေ ၈၀ အထိထားသင့်ပါတယ်။

အပင်တစ်ပင်ရဲ့ရေလိုအပ်ချက်ဟာဆိုရင် မြေကြီးထဲမှာရှိနေတဲ့အာဟာရဓာတ်တွေနဲ့တိုက်ရိုက်ဆက်နွယ်မှုရှိပါတယ်။

မြေကြီးအာဟာရကောင်းကောင်းရရှိတဲ့နေရာတွေအတွက်ဆိုရင် ရေလိုအပ်မှုဟာ 575-985 cubic meters လောက်သာရှိပြီးတော့ အာဟာရနည်းပါးတဲ့မြေအတွက်တော့ ရေလိုအပ်ချက် 790-1180 cubic meters အထိတိုးပြီး လိုအပ်လာမှာပဲ ဖြစ်ပါတယ်။

အာဟာရဓာတ်များ

အပင်ကြီးထွားမှုဖြစ်စဥ်လုပ်နေတဲ့အချိန်တွေမှာဆိုရင် အပင်တွေအတွက်လိုအပ်တဲ့အာဟာရဓာတ်တွေကို အစာချက်လုပ်ခြင်းမှလည်းရရှိကြသလို မြေကြီးထဲမှာရှိနေတဲ့အာဟာရဓာတ်တွေနှင့်လူတွေကျွေးလိုက်တဲ့ အာဟာရဓာတ်တွေကိုပါ ရရှိအသုံးပြုကြပါတယ်။

အပင်တွေကြီးထွားမှုဖြစ်စဥ်တွေမှာ အလိုအပ်ဆုံး အာဟာရဓာတ် ၃ မျိုးကတော့ နိုက်ထရိုဂျင်၊ ပိုတက်စီယမ်နှင့် ဖော့စဖရပ် တို့ဖြစ်ပြီးတော့

ရိုးတံရှည်တဲ့အပင်တွေတွက်ဆိုရင် နိုက်ထရိုဂျင်လိုအပ်မှုကပထမ၊ ပိုတက်စီယမ်လိုအပ်မှုကဒုတိယနှင့် ဖော့စဖရပ်လိုအပ်မှုက နောက်ဆုံးပဲ ဖြစ်ပါတယ်။

ဒီလိုသီးနှံတွေအတွက်ဆိုရင် ထုတ်ကုန်တစ်တန်ရရှိဖို့အတွက် နိုက်ထရိုဂျင် ၁၅ - ၂၀ ဂရမ်၊ ပိုတက်စီယမ် ၁၅ - ၂၀ ဂရမ်နှင့် ဖော့စဖရပ် ၄-၅ ဂရမ်ထိထည့်ကျွေးပေးဖို့လိုအပ်ပါတယ်။

မြေကြီး

တချို့သောအပင်အမျိုးအစားတွေအတွက်ဆိုရင်တော့ သူတို့ရှင်သန်ကြီးထွားဖို့အတွက်လိုအပ်တဲ့ မြေအမျိုးအစားတွေက သီးသန့်ရှိနေဖို့လိုအပ်တာတွေရှိပါတယ်။

ဥပမာ- မြေပျော့ရမယ်၊ သဘာဝမြေဆီမြေသြဇာကြွယ်ဝရမယ်၊ ရေသွင်းရေထုတ်လုပ်ဖို့အတွက်အဆင်ပြေရမယ်နှင့် သင့်တော်တဲ့ PH Level ရှိရမယ်တို့။

ယေဘုယျအရဆိုရင်တော့ PH level 5.8 ကနေ 7.8 ဟာဆိုရင် အပင်တွေကြီးထွားမှုဖြစ်စဥ်တွေအတွက် အသင့်တော်ဆုံး PH ပမာဏပဲ ဖြစ်ပါတယ်။

မြေကြီးရဲ့ဂုဏ်သတ္တိတွေဟာဆိုရင် အထွက်နှုန်းကိုသာမက အမျှင်ဓာတ်နှင့်အာဟရဓာတ်ပါဝင်မှုတွေကိုပါ အကျိုးသက်ရောက်မှုရှိစေပါတယ်။

Sandy Loam နှင့် gravel loam မှာစိုက်ပျိုးတဲ့အပင်တွေဟာဆိုရင် တခြားမြေတွေမှာစိုက်တဲ့အပင်တွေထက်စာရင် အမျှင်ဓာတ်၊ အရောင်၊

ဆီပါဝင်မှုနည်းပါးပြီး ထုတ်လုပ်မှုကလည်း ပိုများတာကိုတွေ့ရပါတယ်။



#သဘာဝရွက်ဖြန်းအားတိုးဆေး