https://www.facebook.com/441845576288779/

Atta 543

Home
Pakistan
Hazro
Atta 543

وہ کیا جانیں بیچ بھنور کو
ساحل پر جو ڈوب گئے ہیں

عطاءالرحمٰن

(5)

03/06/2024

جو اپنے عشق میں حد سے گزر نہیں سکتا
میں اس کے واسطے سولی پہ مر نہیں سکتا

پڑے ہیں راہ میں دشمن ہزار پھندے ہیں
مجھے ہے شوقِ سفر، میں ٹھہر نہیں سکتا

فریب، جھوٹ، مکر کر رہا ہے یاروں سے
جو سچ کہے تو کہیں سے گزر نہیں سکتا

چلا ہے چھوڑ کے جب سے وہ اپنی بستی کو
سبھی اداس ہیں کوئی سنور نہیں سکتا

ہے اس کا سامنا اب وقت کے یزیدوں سے
وہ اپنی بات سے لیکن مکر نہیں سکتا

کبھی نہ چاہتے بھی آستیں جھٹک ڈالو
کہ جس کے سانپ ہوں دشمن، ابھر نہیں سکتا

عطا کو لاکھ ہو مشکل کبھی نہ گھبرایا
خدا کا نام لیا ہے تو ڈر نہیں سکتا

عطاءالرحمٰن

30/05/2024

قافلہ بیچ دیا، صاحبِ دستار بکے
سارے کردار کہانی کے کئی بار بکے

خواب دکھلائے گئے، قوم کو امید بھی دی
آخرش راز تہی دامنِ سردار بکے

ہیں یہ احکام کہ سامانِ حرب پاس رکھیں
توپ، بندوق بکے نیزہ و تلوار بکے

غم و آلام غضب ہیں میری تنہائی میں
میں ہوں خاموش تماشائی مرے یار بکے

اس کا آنا تھا کہ بازار میں تیزی آئی
پھول، تصویر کہیں اور کہیں ہار بکے

عطاءالرحمٰن

Video Courtesy: ادبی تنظیم بہارِ نو آفیشل

30/05/2024

سہمے ہوئے رہتے ہیں سبھی، ہائے ستم گر
تکلیف یہ سہتے ہیں سبھی، ہائے ستم گر

حق کے لیے اٹھنے کی کہاں ان میں ہے طاقت
باطل سے یہ دبتے ہیں سبھی ہائے ستم گر

گرداب سے بچنے کا نہیں ان کو سلیقہ
لہروں میں یہ بہتے ہیں سبھی، ہائے ستم گر

بازو پہ بھروسہ نہ ہی اللہ پہ توکل
کاسہ لیے بیٹھے ہیں سبھی، ہائے ستم گر

"غیرت ہے بڑی چیز جہانِ تگ و دو میں"
کب راز یہ سمجھے ہیں سبھی، ہائے ستم گر

مجنوں کو پڑھا ہے تو اسی رہ پہ چلے ہیں
اک دشت سے گزرے ہیں سبھی، ہائے ستم گر

عطاءالرحمٰن

28/05/2024

I've just reached 1.5K followers! Thank you for continuing support. I could never have made it without each and every one of you. 🤗🎉

27/05/2024

میرا دنیا میں امتحاں کیا ہے؟
مجھ کو جنت دکھا وہاں کیا ہے؟

سب ستارے ہیں رہ گزر میری
یہ زمیں کیا ہے؟ آسماں کیا ہے؟

عشق آتش ہے، اک عذاب ہے یہ
ہم نہ کہتے تھے، اب فغاں کیا ہے؟

کیا ازل سے خراب حال ہیں ہم؟
اپنے لوگوں کی داستاں کیا ہے؟

ایک عرصے سے خار خار ہے سب
گل کہاں ہے، یہ گلستان کیا ہے؟

ضبط کرنے سے رہ گئے ہو عطا
دل سے اٹھتا ہوا دھواں کیا ہے؟

عطاءالرحمٰن

27/05/2024

ایسی بجھی وہ آگ شرارا نہیں رہا
مجھ سے کہا یہ اس نے، تمہارا نہیں رہا

دنیا کو ہم نے ورطۂ حیرت میں ڈال کر
یہ کہہ دیا کہ اب وہ ہمارا نہیں رہا

راحت، سکون، چین میں احباب، دوست تھے
غم کی گھڑی میں کوئی سہارا نہیں رہا

وہ چل دیئے تو ہم نے نئی راہ ڈھونڈ لی
ہم کو تو اس میں کوئی خسارہ نہیں رہا

دنیا کے حادثات نے کمزور کر دیا
طاقت، جنون، جوش، خدارا نہیں رہا

پھر یوں ہوا کہ زیست فنا ہو گئی عطا
تھا جس پہ اعتبار وہ پیارا نہیں رہا

عطاءالرحمٰن

قافلہ بیچ دیا، صاحبِ دستار بکےسارے کردار کہانی کے کئی بار بکےخواب دکھلائے گئے، قوم کو امید بھی دی آخرش راز تہی دامنِ سرد...

09/05/2024

08/04/2024

سولر سسٹم لگاتے وقت اس بات کا خیال رکھیں کہ اس پر دھوپ پڑنی چاہیے. کیونکہ ایک شخص نے سولر پلیٹ کے اوپر کپڑا ڈال دیا تھا کہ دھوپ سے خراب نہ ہو. 😂😀😂

26/03/2024

اس شخص پر بالکل اعتبار نہ کرو جو تم سے کہے تم میری پہلی اور آخری محبت ہو۔ کیونکہ وہ درمیان کی باتیں آپ سے چھپا رہا ہے۔ 😀

14/01/2024

وہ ہے میرا، رہے گا میرا ہی
دیکھ میری یہ خوشگمانی دیکھ

عطاءالرحمٰن

06/01/2024

دیکھ محبت بانٹ چلا ہوں
میرا کاروبار ہو جیسے

عطاءالرحمٰن

03/01/2024

وصلِ جانم یونہی عطا نہ ہوا
تھا جو وعدہ کبھی وفا نہ ہوا

ظلم کرنا شعار ہے ان کا
دل ہے پتھر کبھی خفا نہ ہوا

گھاؤ گہرا ہے دل شکستہ ہے
نین کا وار تھا خطا نہ ہوا

پیار سے جوڑنا تھا لوگوں کو
فرض لازم یہ کیوں ادا نہ ہوا؟

زندگی مشکلوں سے کاٹی ہے
بعد مرنے کے میں برا نہ ہوا

کتنا چالاک ہے رقیب عطا
ایک لمحے کو بھی جدا نہ ہوا

عطاءالرحمٰن

31/12/2023

بشکریہ استادِ محترم طارق محمود ڈار درویش صاحب

ایک حقیقی یار کہیں ہو
میرا بھی غمخوار کہیں ہو

قائل اس کو کر ڈالوں میں
مل جائے، تکرار کہیں ہو

بولے مجھ سے میرے ہو تم
یارب یہ گفتار کہیں ہو

صدیوں سے یہ لوگ نہ سدھرے
سر پھوڑوں دیوار کہیں ہو

دل کے بدلے دل مل جائے
ایسا بھی بیوپار کہیں ہو

سات عجوبے کم پڑ جائیں
مجھ سا گر فنکار کہیں ہو

عطاءالرحمٰن

30/12/2023

خوب گزری ہے زندگانی دیکھ
ختم کب ہو گی یہ کہانی دیکھ

دھوکہ دے کر وہ خوش ہوا کیسے
اس کے چہرے پہ شادمانی دیکھ

روٹھ کر پھر کبھی نہ مانیں گے
حادثہ ہو گا ناگہانی دیکھ

وہ ہے میرا، رہے گا میرا ہی
دیکھ میری یہ خوشگمانی دیکھ

ہم کو دیکھا نہ ہم سے باتیں کیں
میزباں کی یہ میزبانی دیکھ

وصل کچھ دیر ہی عطا کر دے
مل کے پی لیں گے چائے پانی دیکھ

عطاءالرحمٰن

14/11/2022

ہر سمت بپا شور ہے, آواز ہے, کیا ہے
موسیقی, ترنم ہے, کوئی ساز ہے, کیا ہے

وہ سامنے اک شخص پریشان کھڑا ہے
دشمن ہے, محافظ ہے کہ ہم راز ہے, کیا ہے

وعدے کے مطابق وہ نہ آیا تو بھلا کیوں
بیمار, پریشان ہے, ناساز ہے, کیا ہے

تھا قیس بھی, فرہاد بھی اور ہم بھی ہیں ناکام
یہ راز ہے, اعجاز ہے, اعزاز ہے, کیا ہے

۔۔۔****************************۔۔۔

ہر شخص تماشائی ہے, بے باک ہے, حد ہے
کہنے کو الم ناک ہے, غم ناک ہے, حد ہے

ہے شوقِ تماشا, تو تماشائی سبھی تم
مفلس کو میسر کہاں خوراک ہے, حد ہے

نے دشت و بیابان, نہ تنہائی و صحرا
نے چاک گریبان ہے, چالاک ہے, حد ہے

عطاءالرحمٰن

25 جون 2021ء

26/09/2022

خرد کی ہیں باتیں، فغاں اس کو سمجھے
حقیقت ہے لیکن گماں اس کو سمجھے

فلک، چاند، سورج، ستاروں کی گردش
یہ ان پڑھ نجومی کہاں اس کو سمجھے

یہ موتی، یہ پتھر، مریدوں کا ٹولا
اثاثہ یہ اس کا، جہاں اس کو سمجھے

خدا کی ہے قدرت کی ہر سو نشانی
اگر چشم بینا عیاں اس کو سمجھے

بصیرت سے خالی یہ سب تبصرے ہیں
فلاں بھی، فلاں بھی، فلاں اس کو سمجھے

عطاءالرحمٰن

25/09/2022

بشکریہ استاد الشعراء طارق محمود ڈار (درویش ڈار) صاحب

یاں پہ کردار اک تماشا ہے
نیز گفتار اک تماشا ہے

رات بھر مے سرورِ محفل ہے
دن کو افکار اک تماشا ہے

در و دیوار رہ میں ہیں حائل
راہِ پرخار اک تماشا ہے

خود یہ تقدیر کب بدلتی ہے
اس کو درکار اک تماشا ہے

اس ریاست کو تُو بچا مولا
اس کی سرکار اک تماشا ہے

عطاءالرحمٰن

10/09/2022

میں نے اس سے کہا،

"آ پھر سے مجھے چھوڑ کے جانے کے لیے آ"

وہ بھی آیا اور پھر چھوڑ کر چلا گیا۔ 😪😪😪

لیکن میں پھر اسے ڈھونڈتا رہا، کیونکہ ساتھ میں میرا موبائل اور پیسے لے کر چلا گیا۔ 😃😃😃

Address

Hazro

Website

facebook.com

Alerts

Be the first to know and let us send you an email when Atta 543 posts news and promotions. Your email address will not be used for any other purpose, and you can unsubscribe at any time.

Videos

قافلہ بیچ دیا، صاحبِ دستار بکے سارے کردار کہانی کے کئی بار بکے خواب دکھلائے گئے، قوم کو امید بھی دی آخرش راز تہی دامنِ سردار بکے ہیں یہ احکام کہ سامانِ حرب پاس رکھیں توپ، بندوق بکے نیزہ و تلوار بکے غم و آلام غضب ہیں میری تنہائی میں میں ہوں خاموش تماشائی مرے یار بکے اس کا آنا تھا کہ بازار میں تیزی آئی پھول، تصویر کہیں اور کہیں ہار بکے عطاءالرحمٰن #Atta543 Video Courtesy: ادبی تنظیم بہارِ نو آفیشل

ہر سمت بپا شور ہے, آواز ہے, کیا ہے موسیقی, ترنم ہے, کوئی ساز ہے, کیا ہے وہ سامنے اک شخص پریشان کھڑا ہے دشمن ہے, محافظ ہے کہ ہم راز ہے, کیا ہے وعدے کے مطابق وہ نہ آیا تو بھلا کیوں بیمار, پریشان ہے, ناساز ہے, کیا ہے تھا قیس بھی, فرہاد بھی اور ہم بھی ہیں ناکام یہ راز ہے, اعجاز ہے, اعزاز ہے, کیا ہے ۔۔۔****************************۔۔۔ ہر شخص تماشائی ہے, بے باک ہے, حد ہے کہنے کو الم ناک ہے, غم ناک ہے, حد ہے ہے شوقِ تماشا, تو تماشائی سبھی تم مفلس کو میسر کہاں خوراک ہے, حد ہے نے دشت و بیابان, نہ تنہائی و صحرا نے چاک گریبان ہے, چالاک ہے, حد ہے عطاءالرحمٰن 25 جون 2021ء