من الحاجات البتخلينا ما مواظبين في انزال محتوى على صفحة رحمة بالرغم من حبنا للعمل التطوعي و الحيوانات بصفحة عامة! هي صعوبة انتقاء المحتوى للجمهور السوداني، بما انو الصفحة خاصة بالتوعية ضد العنف على الحيوان في السودان بصفة خاصة، و نصائح عامة بالاعتناء بالحيوانات
كلنا لا يخفى علينا الوضع في السودان، سواء الانساني ،الاقتصادي او السياسي! و اكيد ده لا يمنع يكون في توعية بالعنف عن الحيوان! و لقينا انو نحنا ما قادرين نكتب المحتوى الي نحنا عايزنو بسبب الهجوم الشديد الغير مبرر ، تكتب عن قتل الحيوانات يقولو ليك الناس في الشارع بتموت، تكتب عن التغذية الصحيحة لحيوانك الأليف يكتبو ليك الناس ما لاقية تاكل!
الهجوم ده غالبا بكون على صفحات الفيسبوك! ما بتواجهنا المشكلة دي على الإنستقرام بالعكس! و لكن الفيسبوك في السودان يعتبر اكثر شعبيا و انتشار
لهذا السبب المحتوى كلو بكون عن اما حديث شريف او آية و تقيدنا جدا حتى بقى مافي محتوى و بس عبارة عن صور.
و لكن نحنا لسة مؤمنين بدورنا في نشر التوعية! لكن طبعا مافي انسان بقدر يواجه كم الانتقادات الكبيرة دي و يفضل مواصل بنفس الحماس!
عشان كده قررنا في الفترة الحالية! ننزل المحتوى اللي نحنا عملنا هذه الصفحة عشانو و نفصل صفحة الانستقرام عن الفيسبوك و تكون صفحة الانستقرام هي الرئيسية اللي حينزل فيها المحتوى كامل.
و لكم منا خالص الحب و التقدير
و تذكرو دائما (الراحمون يرحمهم الرحمن)
Be the first to know and let us send you an email when رحمة posts news and promotions. Your email address will not be used for any other purpose, and you can unsubscribe at any time.
رحمة مشروع توعية ضد العنف و تعذيب الحيوانات في السودان
