مأوى رحمة اللاذقية /Lattakia Mercy shelter

13/05/2024

خبرونا عليه الو يومين عهالوضع بدون ام ...
طالع جيبو فورا انشالله يكون لساه مضاين بعد هالمطر بالليل ...
رجائا بدي قطة مرضعة فورا الو ولكذا فرخ متل حالتو ...
يلي عندو مرضعة بالاذقية يخبرنا وبس انفطمو الفراخ بنرجعهم ...
حاكونا مسنجر او عالرقم 0999692602

04/05/2024

هالحلوة كانت عايشة ببيت وانرميت ....
ولدت بالشارع والناس حنت عليها لمبارح عم تنقل ولادها من مكان لمكان وقعت هي وابنها من ارتفاع طابقين الولد للاسف اتوفى وهي تم اسعافها والله نفدها بشوية رضوض وكدمات ....
بتمنى نلاقيلها عيلة تتبناها هي وولدينها يلي ضلو او مكان أمن تعيش فيه ... كتير حنونة وبدها بس اماااان ....
التواصل مسنجر او عالرقم 0999692602

29/04/2024

هالقطة وصلتنا بحالة تعسر ولادة وكان فرخ عصيان فيها طالع نصو بس ...
اخدت أدوية للتحريض لتولد بدون جراحة وللأسف مانفعت ...
الاجنة ميتين ببطنها وبحاجة عملية فورا قبل مايتعفنو وتتازم حالتها اكتر ...
كلفة العملية ٢٠٠ الف ياريت نتساعد لتعملها ونأمن عليها ....
علينا حساب كذا عمليه اسعافية قبل لهلق ماوفيناهم ومابقدر اضغط عالعيادة اكتر ....
يلي بيقدر يساعد لو بجزء من التكاليف يحاكينا مسنجر او عالرقم 0999692602

20/04/2024

زاتينها مع ولادها قدام المسلخ خايفة ومستغربة وماعارفة شو تعمل بدي مكان الهن بسرعة لو مؤقت

19/04/2024

Teach your children to love animals, they'll become better adults..

18/04/2024

هالكيتين التقو بكرتونة مشلوحين بحديقة البانوراما ومفحمين من الجوع ... عمرهم بين ١٥ لل ٢٠ يوم ...
#مطلوب قطة مرضعة فورا وبس انفطمو بنرجع بناخدهم المهم يكبرو شوي وينفدو ويقدرو ياكلو ويعتمدو عحالهم ...
الفراخ نضاف وانعطو دوا حشرات للوقاية والاحتياط ...
يلي عندو مرضعة يحاكيني فورا مسنجر او عالرقم 0999692602 لنوصلهم ....
ارفعو البوست وشاركوه لنأمنهم بأسرع وقت ....

14/04/2024

مطلوب قطة مرضعة حنونة تحضن فرخين حديثي الولادة وضعهم تعيس ليدفو ويقوو ويرضعو ع امل ينفدو يلي عندو مرضعة يحاكيني فورا لوصلهم 0999692602
ارفعوا البوست وشاركوه ضروري

12/04/2024

هالحلوة للتبني
كانت بالشارع والولاد ماقصروا فيها ...
عمرها بحدود شهرين عطيناها دوا حشرات وطفيليات للوقاية ...
بدها حدا كتير حنون يعوضها الاذى يلي اتعرضتلو لان شايفين كيف عم تخبي راسها دليل شو تعنفت وعانت بدها بس امان ...
يلي عندو مكان مناسب الها وقادر يعطيها لقاحاتها لحمايتها من الأمراض يحاكينا مسنجر ....

19/11/2023

الوضع حاليا بالنسبة لحيوانات الشارع هيك ...
١٤ ثانية بتلخص محاولاتهم الجاهدة للنجاة والبقاء على قيد الحياة بفصل الشتاء ....
حاولو لاننساهم هيك ونحنا دفيانين ببيوتنا خلونا نعمل لو فرق صغير لنساعدهم ....
كل شخص بجنب بيتو او مكان شغلو يحاول يعمل بأي شي دروة صغيرة من المطر والبرد وشي يدفين ينامو عليه وشوية أكل مابضر ...
اعملو اي شي وصوروه وفرجونا للكل يتشجع ويبادر وتذكروا عند الله مابضيع شي ......

20/09/2023

لو موصي عليهم توصاية او مفصلهم تفصيل ما بيجوني هيك ...
علما كل وحدة انقاذ من ديرة وكل وحدة عمر مختلف ....
حطولن قلوب واقترحولنا اسم لهالعصابة ...

16/09/2023

....
هالقط عمرو الجديد ابتدا من عشر ايام لما فجأة شاف حالو بالشارع ....
هال عشرة أيام كانت كفيلة بانو يتحول من قط طبوش وابيض ونضيف تلج لقط مشحور وتعبان ومرعوب وماعارف كيف ووين وايمت ينام بأمان هو وشبعان ....
خسر تقريب نصف وزنو ب عشرة أيام ....
هالعشرة ايام شارع خلتو يتعرض لكل انواع الرفس واللبط والأذية من البشر والعض والخمش من القطط والخوف والرعبة من الاصوات والسيارات .....
فكرو شوي بمصير قط البيت قبل ماتحطوه بالشارع ...
هالقط بيستاهل فرصة تانية بتمنى لاقي حدا يحن عليه ويتبناه ويخلصو من عذابو طلبو بس حضن حنون يقعد فيه مو اكتر ...
يلي بيحسن يتبناه وعندو مكان يعيش فيه يتواصل معي مسنجر ...
..

Send a message to learn more

08/05/2023

اجمل شي بشغلنا بمجال انقاذ ومساعدة الحيوانات هي النهايات السعيدة ...
ولتكمل سعادتنا وسعادة هالحلوة هي لازم نلاقيلها متبني حنون تقضي بقية حياتها معو ...
هي الحلوة يلي التقت من فترة بشارع القوتلي ضاربتها سيارة ومكسورة ايدها وللاسف مابينو صحابها ....
اليوم بعد ماخلصت علاج صارت جاهزة لنلاقيلها عيلة جديدة وبيت جديد تعيش فيه ....
يلي حبها وحب يتبناها يتواصل معنا عبريد الصفحةاو اتصال او واتس عالرقم 0999692602
نوعها هجينة هاسكي عمرها بحدود ٧ شهور

20/04/2023

هالكلوبة الجميلة التقت اليوم بالزراعة وقبلها كانت جهات الادخار والمشروع السابع ....
الكلبة ترباية حدا وشكلها ضايعة او هربانة ساعدونا نلاقي صحابها وترجع لبيتها واصحابها ......
للتواصل عبريد الصفحة او عالرقم 0999692602
بحال ما التقو صحابها حتكون معروضة للتبني ضمن شروط التبني المعتادة ...

19/04/2023

هالبسبوسة اللطيفة معها اعاقة وتشوه بعظم الحوض والقدم والذيل بالاضافة لتقزم بالحجم وفوق هيك حامل وصابها تعثر ولادة بسبب اعاقتها وما☆تو الفراخ ببطنها .....
رح ينعمللها عملية استئصال رحم اسعافية لنلحقها ونضمن ماترجع تتجوز وتتعرض حياتها للخطر مرة تانية ....
كلفة العملية مع العلاج والادوية ١٢٥ الف وبحاجة مساعدة بتكاليفها لنقدر نضل نساعد غيرها ....
يلي بيقدر يساهم معنا لو بجزء من تكاليفها يتواصل معنا عبريد الصفحة او اتصال او واتس عالرقم 0999692602 ليندل عاقرب عيادة او مكان او طريقة توصل مساهمتو فيها ...

17/04/2023

😔😔😔
لما تانقذ كلب من الشارع وتحطو بالسيارة وينام هالنومة هي اعرف انو مكسور ومكسور كتير كمان وانو عم يتمنى الموت بكل لحظة ليرتاح .....
هي الكلبة كانت بجبلة وصحابها تخلو عنها ورموها بالشارع وعميا لو ضلت بالشارع شو كان ح يكون مصيرها اذا ما اندعست بسيارة كانت رح تموت عالبطيئ جوع وعطش وظلااام ....
ياجماعة اصدقائي محبين الحيوانات اليوم الوضع صعب عالكل لانحنا لحالنا ولا حتى اكبر الجمعيات الخاصة بانقاذ ومساعدة الحيوانات بالبلد قادرة تتابع عملها وشغلها بدون دعم حقيقي من المجتمع ومن محبين هالارواح هي لهيك بتمنى كل واحد فينا يقدم لو جزء بسيط حتى تضل الجمعيات والاشخاص مستمرين بعملن ومساعدتن لهالارواح البريئة ....
الكلوبة يلي بالصورة حاليا عنا موجودة وقريبا رح نطمنكن عنها ورح تنتقل عملجأ رفق بحلب لتقضي بقية عمرها لان باللاذقية ماخرج تضل بظل هالوضع الحالي ولافي مكان مناسب تعيش فيه ....
نحنا بحاجة لتامين مكان نقدر نستقبل ونحط فيه كلاب الانقاذ لو بشكل مؤقت خلال فترة علاجن وبحاجة دعمكن لتامين هالمكان وكفلاء بشكل شهري يكفلو استمراريتو بموضوع الاجار او التغذية لهالارواح ...
يلي بيقدر يساعد بهالموضوع يتواصل معنا عبريد الصفحة او واتس او اتصال عالرقم 0999692602

09/04/2023

هالحلو التقى بمنطقة مشروع الصليبة ....
عالاغلب هربان ليتزوج .....
يلي مضيعو او بيعرف صحابو يتواصل معنا عبريد الصفحة او عالرقم 0999692602 ليستلمو .....

30/03/2023

الاميرة شانيل
كتير من الاصدقاء بحاكونا من طرطوس بدن قطط تبني وبكون صعب موضوع التوصيل ...
بس هالمرة هالحلوة بطرطوس موجودة وبدها عيلة حنونة تعيش عندن عمرا بحدود السنة وكتير ونسة واليفة وهنية وبس بدها حضن لتقعد فيه ....
بتاكل من كلشي مابتعذب ونضيفة بموضوع الحمام ....
اخدة حبوب الطفيليات بانتظام ...
للتواصل ع بريد الصفحة ...

30/03/2023

#تعديل شكرا للجميع التقو صحابو ل فيكو ورجع لاهلو وبيتو الحمد لله .....
هالحلو قصتو كالتالي ....
اش*تر*اه شخص من واحد عاساس صاحبو ساكن بسوق التجار وقلن انتاية وسافر ع حلب بعد الزلزال .... وجابولي ياه لافحصو اذا حامل .!؟!؟؟!
المهم طلع دكر ومخصي وهون بيوضح انو ماصاحبو ولاشي يعني القط ضايع وملاقيه ....
المهم القط عنا اذا حدا مضيعو يتواصل معنا عالرقم 0999692602
بستبعد حدا يكون كاببو لان القط كتير هني وعاقل ومسالم ومستحيل حدا يتخلى عنو ....

28/03/2023

بال ٢٠١٩ عملنا هي الصفحة ويلي بيرجع بالبوستات لورا بشوف قديش تعبنا واشتغلنا شغل عظيم وعملنا فرق كتير كبير بمصير كتير حيوانات ساعدناها .....
باخر ٢٠٢٠ اضطرينا مجبرين نوقف الصفحة والنشاط عليها ولجأنا لغروب بديل هو غروب رحمة وتابعنا شغل بس بشكل فردي مو ك مأوى ..
https://www.facebook.com/groups/331801214278816/?ref=share_group_link
اليوم رح نرجع نفعل هالصفحة وننشر عليها متل قبل بعد ماتغلبنا عالعقبات يلي واجهتنا سابقا .....
بدي من الجميع نرجع التفاعل هون متل ماكان قبل ونضيف كل الاصدقاء يلي بيجمعنا فيهن مشاعر المحبة والرأفة والرحمة بهالارواح الضعيفة لنرجع نساعد اكبر عدد ممكن من هالارواح كلنا سوا ......
يلي بحب يتطمن ويعرف شو كان مصير هالبوبيات يلي بالصورة وشو صار فيهن بعدين يتابعنا هون ...
ادمن محمد

26/03/2023

كتير مرات بروح ع اماكن وبمرق بشوارع ماني مضطر روح عليها او مافي سبب بخليني امرق منها بس الله بهيئلي الاسباب لروح ...
بروح وبتفاجأ انو في روح عم تتعذب وبدرك انو الله سخرني لاجي لهون وشوفها وساعدها كتير هيك مواقف صارت معي بحسها رسائل من الرب لحتى تابع مسيرتي وشغلي بهالمجال ....
بعض الناس بتستغرب شغلي بمساعدة الحيوانات بتقلي شوبدك بهالشغلة اتركن لربن مابينساهن جوابي بكون صحيح ما بينساهن لهيك الله سخرني الن لان ماناسيهن ....
قصتي هالمرة باختصار بدي جيب اكل للكلاب والدنيا العصر والمسلخ مسكر من الضهر ومتأكد ولاحدا فاتح هنيك ومارح لاقي شي لجيبو بس عقلي وقلبي بقلولي روح ....... رحت وشفت هالشوفة ......
جروة لسا بترضع بقفص بقلب سطل بدون ولا شي عم تعن وتبكي ....
بس النهاية كانت سعيدة بفصل الله ورجعت اجتمعت باخواتها وام جديدة ترضعن ....

22/10/2022

هالجميلة التقت يوم الثلاثاء الماضي بحارة مطعم حارتنا بمشروع الصليبة ...
عمرها بحدود 6 شهور وعالاغلب طرشا مابتسمع ....
ساعدونا نلاقي صحابها وترجع عبيتها واذا مالتقو رح تكون معروضة للتبني ....
عطيناها للوقاية دوا للحشرات وحبوب للطفيليات ....
يلي بيعرف صحابها يراسلنا عبريد الصفحة او عالرقم 0999692602

19/09/2022

#للتبني
قطة حلوة وعاقلة عمرا 7شهور للتبني لظرف عند صاحبا متعودة ع الرمل ونضيفة وبتاكل دراي وأكل بيت.. وونسة وأليفة الي حاسس حالو اد المسؤولية التواصل مع صاحبا
0947636176

01/07/2022

اصدقائي هالمسكينة اليوم تم انقاذها من الشارع ومتل مو شايفين حالتها فوق تعتيرها ومرضها القراد اكلها اكل وللاسف ومن خلال جولات الاطعام لاحظنا انو هاد حال 90% من كلاب الشارع كلن قراد وعم يعانو ويموتو عالبطيئ بسبب فقر الدم و الامراض يلي عم تنقلن بسبب القراد ...
#اصدقائي بحاجة مساعدتكن لتامين اكبر كمية ممكنة من ادوية الحشرات والطفيليات (بخاخات وابر وحبوب) لنقدر نعطيها لكلاب وقطط الشارع وللكلاب السليمة يلي فالتها بالاماكن الامنة بشكل شهري اقل شي خلال فصل الصيف ....
الادوية المطلوبة :
بخاخ حشرات اجنبي سعر العلبة ٢٥الف بتكفي من ٥ ل ١٠ كلاب
دوا ازرق فابكوبور سعر العلبة ٣٥ الف بتكفي لحدود ٥٠ قطة وكلب
علبة ديكتوماكس اجنبي ان انوجدت سعرا ١٥٠ الف بتكفي ٢٥ كلب او افرمكتين الوطني سعرا ١٠ الاف
حبوب طفيليات الحبة ٢٥٠٠
علبة سيرنغات ٥ مل سعر ١٥
الاسعار تقريبية لان كل يوم بتتغير ...
#مطلوب مننا نتساعد لنامن اكبر عدد ممكن من هالادوية لان استهلاكها بشكل يومي وبتنعاد كل شهر مرة خصوصا بالصيف ...
يلي بيقدر يساعد بتأمين هالادوية لهلارواح يتواصل معنا عالمسنجر او اتصال او واتس عالرقم 0999692602
#ملاحظة رح حط بعض الصور لكلاب منصابة تانية وشوفو الكارثة ....

15/06/2022

#تعديل التقى الحلو الحمد لله ورجع ع بيتو شكرا للجميع ....
هالقط ضاع اليوم ع اتستراد الثورة بمنطقة سكن الادخار الجديد قريب مطعم نفرتيتي ...
واحتمال حدا يكون شايفو ومبعدو لمنطقة تانية ...
اي حدا بشوفو او بيعرف عنو شي فورا يحاكيني عالرقم 0999692602
#مكافئة مالية كبيرة ل يلي بساعدنا نلاقيه كتير غالي عصحابو القط ومشغول بالن عليه ...
اعملو سكرين للبوست وارفعوه ليوصل لاكبر عدد وليرجع لبيتو واهلو .....

09/10/2021