Club du berger malinois en tunisie

27/01/2024

السلام عليكم الاصدقاء الكل
فما سؤال دائما يسألوه الناس اللي عندهم جراء صغار
جروي علاه يعض كل شي ؟

1يلزم معرفة اللي الوسيلة الوحيدة اللي يتعرف بيها على الاشياء هي فمو وبالتالي اي حاجة يلقاها باش يعضها ويكتشفها
2السنين يبداو يخرجو ويبدا اللغب متاعو يأكل فيه والعض طريقة باش ينقص مالضغط متاع السنين
3الجرو كيف صغيرنا يلزمو ياخو وقت طويل متاع راحة بعيد على العائلة
4فما شكون يقلك ولدي يحب على جرو هنا راو الجرو موش لعبة من جملة اللعب المتنوعة اللي عند ولدك الجرو هذاك راو كائن حي يحس ويتعب ويفرح ويفد (وقتها ينجم يولي يعض باش يعبر على احساسو). ويقلق ويمرض ويحب يلعب وياكل ويشرب ،فلذا ما يلزمش نتقلقو ماالحكاية هذي اللي مع الوقت تتنحى
والسلام عليكم ورحمة الله

01/08/2023

06/07/2023

Un grand merci à mes nouveaux followers !

Aziz Chaouachi, Mouhamed Ali Eleuch, Rayen Orfi, Youcef Boulsan, Youssef Yaakoubi, You Ssef, Aÿøüb Høüãtmí, Rayen Lakti, Mohamed Amin Bouattay, Chafig Hañi, Moataz Ben Zaied, Medaziz Taghouti, Mouhamid Amin Beldi, Rabi Haj Mabrouk, Sabri Jribi, Ahmed Ba, Yassin Mathlouthi

01/07/2023

مساء النور الأصدقاء الكل

28/06/2023

اصدقاءنا الكل ان شاء الله عيدكم مبروك وكل عام وانتم بالف خير وصحة وعافية

20/06/2023

السلام عليكم الاصدقاء الكل
موضوع مهم برشا بنجم يصادفنا الكل لا قدر الله وهو انو الانثى الوالدة يموتو الجراء متاعها
وهذا جاء سؤال واحد من الاصدقاء يسال كيفاه يعمل باش يشيح الحليب متاع كلبتو بعد ما ماتولو الجراء للاسف الشديد؟
*تشييح الحليب لازم منو باش ما يسببش مشاكل للام
*اعطي للام مضاد حيوي باش يقضي على التعفن اللي يمكن يسببو الحليب
*عدنا Inflamyl وعندنا زاده Amoxal
كل يوم صباح وعشية نعطي زوز حرابش من كل دواء
يعني اربعة الصباح واربعة العشية
نجم نسخن شوية ماء وبspontex نمسح صدر الكلبة
اذا فما جروح يلزم نتصلو بالبيطري
ان شاءالله تكون معلومات مفيدة وان شاءالله كلابنا ديما لباس

18/06/2023

السلام عليكم
السخانة بدات ومن الاحسن اللي عندو كلبتو طاحت chaleure ما يحطهاش على خاطر فالسخانة الكلاب معادش يحبو ياكلو ويركزو اكثر على الماء وبالتالي تتاثر هي وجراها وتضعف برشا
عدي الصيف ومبعد حطها تولد في الشتاء وهي تعتبر احسن فترة متاع ولادة

11/06/2023

ذكرberger allemend .لون ابيض موش berger suisse
صعيب برشا باش يتوجد .اابو والام جايين من كندا اللي حاجتو ومغروم بيهم مرحبا بيه

01/06/2023

السلام عليكم
موضوع اليوم نتصور اغلبية اللي عندهم كلاب اناثي تعداو بيه..وهو حكاية اla fosse grossesse.والا la grossesse nerveuse
وبالدارجة نقولو الكلبة تحلم
والحالة هذي تجي للكلبة بين 3و6اسابيع ما chaleur متاعها
وهنا المشكل انو الكلبة تحس روحها حبلة وتنجم تعمل الحليب وزادة تنجم تختار بلاصة منزوية على اساس باش تولد فيها وهذا الكل يحدث تغير كبير في سلوكها بصفة واضحة
والاهم من هذا الكل انو تنجم كرشها تكبر اعتبار عندها جراء
***شنية الحل ؟
1.يلزم نتاكدو اللي الكلبة ماهيش حبلة بالحق وهذا ينجم ياكدو البيطري
2.اذا تاكدنا من عدم الحمل يلزمك تحاول تقص المشكل هذا اولا تخرجها تحوص ودور بيها باش تنسى الحالة متاعها
تنجم تعطيها لعب تحبهم
اذا مزال عندها حليب البيطري ينجم يعطيك دواء يقص الحليب هذاك على خاطر ينجم يسببلها infection
الحالة هذي ما دومش برشا وتتعدى
يقول المختصين اللي الكلاب الكل يتعداو بالحالة هذي على اقل مرة فالعمر
ان شاءالله الفايدة تحصللنا الكل وان شاءالله كلابنا ديما لباس

25/05/2023

01مالينوا انثي العمر 10شهور.وانثى Berger Allmend عمرها 06شهور عند صديقنا حمودة اللي يهمو الامر يتصل بيه على الرقم هذ
96329688

25/05/2023

الانتباه واليقظة الدائمة من اهم صفات المالينوا...سريع الالتهاب

19/05/2023

اللي يهمو الامر يتصل بخونا شريف 58731444

19/05/2023

من كان الاحسن....

18/05/2023

مساء النور
اليوم باش نحكيو على رعفان الكلب خاصة واحنا داخلين على سخانة وفما احتمال كبير باش كلبك يرعف ويجري الدم من خشمو
1فما حالتين يمكن يصيرو وكل وحدة مختلفة على الثانية من خيث دلالات الحالة وخطورتها
اذا الدم يجري من خشم كلبنا من شيرة وحدة فالعادة الحالة هذي مهيش مخطرة برشا
المطلوب نثبت في خشم الكلب احتمال يكون فما عود او جرح وهنا يمكن نستعملو المحلول متاع كفان الدم
الحالة الثانية وقت يجري الدم مالشيرتين متاع الخشم هنا الحالة مخطرة ويمكن يكون عوارض متاع مرض(L ehrlichiose)
والا يكون حالة تسمم وهنا يلزم تتصل بالطبيب في اقرب واسرع وقت
كالعادة ان شاءالله تكون الفايدة حصلت للجميع

14/05/2023

ان شاءالله ليلتكم زينة...

10/05/2023

صباح النور ان شاءالله نهاركم مبروك
ما عندها علاه تخمم ...

07/05/2023

06/05/2023

معادش فيها عاد...تحب تعمل facebook

02/05/2023

مساء النور الاصدقاء الكل
اليوم حبيت نحكي في موضوع نتصور يهمنا الكل وخاصة اذا عدنا جراو صغار يبدا الواحد خايف ومفجوع مالمشكل الكبير اللي اسمو. la parvovirose
السؤال كيفاه نحمي جروي مالمرض الخطير هذا؟
هل ان التلقيح وحدو يكفي للحماية؟
هل فما حاجات غير التلقيح يساهم في حماية الجرو الصغير مالمرض هذا؟
اليوم ان شاءالله جابو على الاسئلة هذي وان شاءالله المرة الجاية نزيدو نحكيو فالموضوع هذا اكثر باش تعم الفايدة لينا الكل.
1*المرض هذا ساهل برشا نجيبو معايا للدار على خاكر ينتقل بالصباط بالعجلة متاع كرهبتي وباش نحمي انا الجراء متاعي تصرف بسيط برشا نحط حشاكم خيشة في باب الدر فيها جافال وبالتالي ندخل للدار معقم
2*الصباط والحوايج اللي خدمت وحوصت بيهم ما ندخلش بيهم بحذا الجراء الصغار نعمل لبسة خاصة بيهم وهكاك نعمل خطوة باهية باش نحميهم.
3*الجراء الصغار ما نخرجهمش البرا يحوصو فالاول حتى يلقح ويشد روحو
4*نجيو توا للتلقيح :
اذا الام متاعي نجم مبعد شهر مالتزواج نعمللها تلقيح primodog
مبعد ما تولد وقت يوصل عمر الجراء 45يوم نلقحلهم التلقيح الاول primo vaccination.اللي هو primodog
*باش نعطي فاعلية للتلقيح الاول نعاود نعمل تلقيح ثاني من نفس الدواءprimodog ويكون مبعد اسبوعين وفي اقصى الحالات 3اسابيع
*التلقيح الاخراني يكون فالاسبوع12 وقت يوصل الجرو عمرو 3شهور وبالطبيعة باش نزيدوه تلاقيح اخرين موش وقت باش نحكيو عليهم.
ان شاءالله مانكونش طولت عليكم انا جربت ونعرف اش معناه يموتلي جرو وانا عامل عليه جو وشايخ عليه لكن في بعض الحالات تقصير وفي حالات اخرى قلة دراية بالموضوع خلانا نخسرو جرانا.
*ملاحظة هامة:la parvovirose موجود برشا في تونس يلزم نردوبالنا علاخر باش نحميو جرانا وان شاءالله ديما لباس

01/05/2023

السلام عليكم تفاعلا مع العديد مالاصدقاء اللي يحبو يعرفو اسامي الدويات متاع القراد وهذا شي يفرح ويدل على العلاقة الطيبة وحبهم لكلابهم
بالنسبة لي انا وحسب الدواء اللي جربتو احس واحد فيهم
Nexgard .دواء جديد في شكل حرابش كبيرة وتتعطى حسب ميزان الكلب
لكن المشكل فالدواء هذا بالنسبة للبعض مالاصدقاء سومو غالي
الدواء الاخر هو frontline باهي برشا وسوم ارخص مالاول
لكن ينحم يكون عندو فاعلية كبيرة وقت نستعملوه بعد ما ندوشو للكلب بالنيسيدول نخليو الكلب يشيح ونعملو frontline
ونجمو زاده نعملو سبتة مضادة للقراد scalibor
وبالنسبة للمضاد الحيويantibiotique انا نستعمل فيVibra100 كعبة كل يوم مدة 5ايام على بعضهم
يعني مايلزمش تخلف نهار وتقول تو نعطي غدوة لا .
ان شاءالله تكون الفايدة حصلت ليا وليكم وان شاءالله كلابنا ديما لباس.
ملاحظة هامة:ديما يبقى احسن حل هو الطبيب البيطري الوحيد اللي قادر يشخص الحالة ويعطيك الحل اللازم

30/04/2023

مساء النور اصدقاء الصفحة موضوع مهم برشا باش نحكيو فيه اليوم اللي هو:
*مشكل القراد
*كيفاه نحمي كلبي مالقراد؟
*كيفاه نتصرف اذا لقيت عندو القراد؟
1-الطقس سخن وقيت باش نضف بيت كلبي ونجيرها واذا عندو فراش نغسلو والا نحرق اذا لزم وخاصة اذا لقيت عندو القراد والا البرغوث على خاطر تلقاه باض فالفرش وبالتالي يصعب انك تقضي علي
ه حتى بالدواء
2-ما يلزمكش تنحيها كعبة القراد بيدك على خاطر هي باش تنحي معاه بلاصة العضة متاعها وهذا ينجم يسبب infection للكلب
فما طريقة ساهلة تحط على القرادة شويةAlcol تو تحل فمها وتنحيها بسهولة
3-اذا لقيت كعبة والا اكثر ما تترددش باش تعطي مضاد حيوي Antibiotique مدة 5ايام كل يوم كعبة واللي يحب نعطيه اسم الدواء يبعث ميساج خاص باش ما نعملوش اشهار للدواء
4-بعد هذا الكل يلزم نداوي كلبي بالدواء اللي نعرفوه واللي يحب يتهنى على كلبو اكثر يهزو للطبيب.
ان شاءالله تكون المعلومات هذي مفيدة ليكم ولكلابكم واللي عندو مايضيف باش تحصل الفايدة للناس الكل يتفضل مرحبا بيه

27/04/2023

الام وبنتها

09/04/2023

شاهية طيبة الناس الكل وان شاءالله صيامكم مقبول

تحويصة رمضانية ممتازة
لمالا مبعد رمضان ان شاءالله نتفاهمو نعملو خرجة نجيبو كلابنا يحوصو ويتفرهدو

03/04/2023

صحة شريبتكم الناس الكل...

05/03/2023

السلام عليكم الناس الكل،
فما برشا وخيان يشكي من كلبو يهز اللعبة متاعو ويهرب بيها ومعادش يحب يرجع هنا نجاوبك ونقلك كلبك عندو الحق وللاسف احنا هو السبب اللي نخليو كلابنا ما ترجعش على خاطر احنا علمناهم وسنسناهم بالغالط
التمرين هذا هو الطريقة الصحيحة والمعتمدة فالخارج باش نعود كلبي ما يهربش باللعبة متاعو
ويتمثل التمرين في اني نلعب مع كلبي بزوز لعب وحدة عندو وحدة عندي ونعلمو يسيب وحدة ياخو الاخرى وهكاك نبني ثيقة بيني وبين كلبي ونفهمو اللي وقت يجيب اللعبة ما نفكهلوش ونحرمو منها بالعكس انا باش نجازيه ونعطيه لعبه اخرى
تمرين ساهل ويعطي نتائج ممتازة مبعد فالتدريب اما يلزم نعرف نطبقو والاهم نعرف نصبر مع كلبي .ما نملش
ان شاءالله تكون الفكرة عجبتكم .ان شاءالله اللي باش يجربها تعطيه نتيجة باهية

04/03/2023

العصابة...

02/03/2023

انثى مالينوا عمرها شهر ونص ملقحة وموجودة في بنزرت

28/02/2023

تصورو هذوما الزوز جابو هذا الابيض!!!

28/02/2023

Femelle berger allemend.age 07mois.اللي حاجتو بيها موجودة فالقروان