29/07/2021
⛔هام جدا معلومات ما تشدكش 5دقائق باش تقراها اما في ميزان 5سنين خبرة.
🚧نصائح لمربي البيكينوا
تلقاو تصاور اخر المنشور.
⭐اول حاجة كيما حكينا قبل تنضيف العينين بصفة دورية بماء الورد والا الفيزيول خاطر عينيهم حساسة
وفما بلاصة كيمة التكميشة بين خشمو و عينيه لازم تتفقدها بصفة دورية و تنضفها و توا نوريكم التصاور.
⭐ثانيا من المستحسن في السخانة تحجم للكلب و فرصة باش تتفقدلو بدنو على فتق والا اي حاجة اخرى كيف طفيليات في جلدو الي هيا العملية هذي تصعب كيف يبدا شعرو طويل واكيد ما ننساوش البيبات فرونتلاين كل شهر
و السبتة سكاليبور خاصة في السخانة.
(والفتق هوا في الغالب كعبورة في كرش الجرو و كان بقات في سن اكثر من 6اشهر تمشي للفيتو و ممكن ياسر يقوم بإجراء عملية جراحية)
⭐ثالث حاجة الدوش مرة كل 21يوم ما اقلش و تفقدو الوذنين مليييح بصفة دورية اي ريحة خايبة والا وسخ لازم ينضافو نعرفو البيكينوا وذنيه مغطية وناقصة تهوية و كان تواصلت الريحة ممكن ياسر يكونو مرضا لازم تشوف الفيتو الي باش يعطيك الدوا تستعملو لمدة 10ايام وممكن توصل المدة الى 20يوم .
و ما نوصيكمش على البروساج نهار بعد نهار و ماذابيكم كل يوم .
واكيد دوا الدود عليكم بالدولباك حربوشة تتعطا بالميزان
⭐اخر حاجة الدنيا سخونة برشا نجمو نحطو كعبات حلبة في الماء باش يبقا بارد
و الي يوكل في العضام البيض يعني ينقص منو في السخانة وماذابيكم الكلاب البالغين توكلوهم في اليل باش تبدا دنيا باردة و نتجنبو انو الماكلة تفسد و احسن للكلب خاطر يكون في فورمة كيف طيح السخانة شوية.