القطوس هذا مالبارح على الحالة هذي لا ياكل ولايشرب
وعندو الرعشة ماشيا وتزيد
مسكين مالخوف خبشني مامشيتش لقحت خاطر مازلت كي لقحت وقاعدا نعس عى القطوس الي خبشني هذي الجمعة الثانية وديجا انا لقحت برشا مرات وكرهت التلقيح
انا مش عارفا كيفاش نجم نعمل معاه اسعافات أولية حاطؤ مش لاعما حالتو عينيه مسكرين كيني اعمى
يلزمو فيتو في أقرب وقت
بربي نتعاونو عليه مسكين يسخف
انا خليتو عند راجل حتى لغدوة الصباح حتى لين ربي سبحانه يحنن عليه القلوب
ارحموا من في الأرض يرحمكم من في السماء
ارحمو من في الأرض يرحمكم من في السماء
شكون ينجم يخليها عندو يعطيشوي،مالكة وشوي دواء لين ياقف على ساقيه
والله ربي وحدو سعره الي السي فوق طاقتي منجمش نتلهى بكل حالة نلقاها
يد، وحدة ماتصفقش، اليد في اليد نصنعو المعجزبات
راهو كي تثقل برشا واحد يولي يكره الحاجا الي يعمل فيها
سميناه شبروش
سبحان الله كيفاش كل قوة للضعف ترجع
باين كان قطوس قوي ومسيطر
امم امثالنا الي يصير علينا يصير عليهم
الفيديو فيه توضيح لحالة القطوس ربي يشفيه
هو عند دكتور جمال الدين حمروني
فاتورتو 575د، الي يحب يتعاون معانا
الفاتورة في اول تعليق ان شاء الله نلقاو تفاعل
ارحموا من في الأرض يرحمكم من في السماء 😭💔
والله نسجل في الفيديو وقلبي واجعني
حالة وصلناها مزرية عاللخر والوضع ماشي ويزداد سوء ويزداد وحشية
الأصل احنا ماتخلقناش للدنيا، لكن للأسف الدنيا غلبتنا ولات هي المعبود في بلاصة رب العالمين
نحب نقول الي حد مايهز معاها فلوسو وارزاقو اما انجمو نخليو فلوسنا تستقبلنا نهار اخر
فانية، مادايما لحد
كان على الفلوس والذهب والأرزاق ربي سبحانه يقول : ( يوم يحمى عليها في نار جهنم فتكوى بها جباههم وجنوبهم وظهورهم هذا ما كنزتم لأنفسكم فذوقوا ما كنتم تكنزون )
حسبنا الله ونعم الوكيل
بالحق معاقين اخلاقيا وانسانيا وعقائديا ووجوديا
لا تصلحو لشي حتى عشبة طفولية تعرف ربي وتسبح يعني عشبة في الأصل مايصلح لشي فاهما وجودها اكثر منكم
ان شاءالله تخلصوه
حد مايقلي يهزهم
الي ينجم يتلهى بيهم واللا عندو ليهم قطوسة ترضع تو نقلو على بلاصتهم
انا ماعندي حتى ذنب الي ماهزيتهمش الذنب في رقبة الي حرمهم من امهم
كان قتلوهم والا سمموهم كلها ذنوب على رقبة الي لوحهم
على الاقل كي تحب تلوح حيوان ماعادش حاشتك بيك ولا لقيت خير منو يعني ازين منو على الاقل داويه باش ينجم يتأقلم مع الوضع المزري الي لوحتو ليه
احسبها صدقة على صحتك بدنك مش يمرض عندك وتزيد تولخو مريض
ياخي مايجيش لبالك مثلا قطوس كيف هذا يكون سبب انك تخسر عين من عينيك كيفو مثلا كي لوحتو هكاكا
والا ماشي في بالك الي هو مجرد قطوس ماعندوش خالق مايحبش فيه الظلم وياخذلو حقو ملي يظلمو كيف ما انت كي تتظلم تستنى من ربي ياخذلك حقك
غريبة فيكم والله لا تخافو من ربي ولا في قلوبكم رحمة ربي تعرفوه كان وقت المصايب تدعولو ينجيكم اما بخلاف المصيبة مفرعنين وتنساو الموت
انا الحقيقة نحكي هكا مش خايفا عليكم مالذنوب ولا خايفه على مصيركم كي تموتو الي يعمل بيدو ربي يزيدو
انا خايفا على هالبكمة مالعذاب الي معيشينها فيه نقول باكلش يرجعلك شاهد العقل وتفيقو على وضعكم
كلنا نتذكروه القطوس هذا الي منع من موت محقق بعد ماضربو المترو في محطة منديلا
للأسف القطوس باش يرجع للشارع النها،ين هاذم اذا مالقاش تبني
نتمنى من ربي يسخر قلب حنين يرحمو مالشارع يحطو حتى في جنينة يلقى لقمة وشربة بعيد على خطر الشارع
ارحموا من في الأرض يرحمكم من في السماء
الي ماينجم يتبناه يعاونو حتى بالبرطاج بالكش يلقى شكون يحن عليه
نتمنى الي لوح القطوس هذا يشوف حالتو كيفاش ولات، مس بأس يحن قلبو لا لا حاشا لله كان جاء في قلبو الحن مايلوحوش من اصلو
اما باش يعرف اش يستنى فيه نهار اخر
القطوس اذا يزيد نهارين في المرشي باش،يموت والله والعباد تقطعت متن قلوبهم الرحمة خد مايحب يهز قطوس
لله المشتكى
ارحموا من في الأرض يرحمكم من في السماء
قطوسة عضوها الكلاب، لولا الطاف الله كانت تكون لمجة للكلاب الجيعان
انا بعيني ريت كلبة جيعانة حفرت على جثة قطوسة جيفة وكلاتها
الجوع كافر
احنا كي نجوعو نعرفو رواحنا باش ناكلو وقتاش ناكلو وشنو ناكلو
البكمة كي تجوع، شنوا تعمل
لا عندها بو يخدم عليها لا ام تحضرها فطورها لا شهرية تصرف منها لا معارف في مطعم يعطيها تاكل
مع الحملة الي سنويا عليها كذبا وبهتانا متاع الكلب حتى القطاطس ماسلمتش
الله اعلم بالغايات، يمكن يلهيو في التونسي باش مايحكيش في مواضيع ما اهم ويخافون على سلامتو وسلامة صغارو وهوما يسكتو بحملات القنص في نفس الوقت قدام العالم يبررو الجريمة الي تقود فيها الدولة بمؤسساتها باش تغطي على تقصيرها في التعقيم والتلقيح الي تاخذ فيه بلاش ماستعملتوش لين وفات الصلاحية كيف ماعملونلنا في الكورونا بالظبط
مش كلامي هذا قالة عميد البيطريين للإذاعة موزاييك
في الاخير للبكنة رب عادل ياخذلها حقها لأمها ماتهلقتش عبثا باش اخنا نقلتولها ربي سبحانه مايخلقش عبث ولا لهو ولا مضيعة للوقت
حق البكمة يخلص، في غلاء المعيشة يخلص في نقص المواد الأساسية يخلص في نقص الأدوية يخلص في تمرميد النقل يخلص في عقوق الوالدين يخلص في انتشار الجريمة يخلص في الحاكم الظالم يخلص في ضيق ال
قطوسة عضوها الكلاب ملوحا على بلاصتها مالعشية
باين قطوسة دار حد مايعرف مولاها شكون
الصغار يستناو فيا نتعدى باش يكلموني عليها
ماينجموش يتشاركو يهزوها للفيتو
ديجا ماحب حد يخليها عندو للصباح وممكن ياسر يرجعولها الكلاب في الليل
الناس الكل خايفين مالكلب اما كي تجي فيا انا ميسالش
شكون يتكفل بيها نهزوها غدوة للفيتو القطوسة موجوعة وماتنجمش تاقف على ساقيها
انا منجمش نتكفل بيها ديجا عندي برشا فاتورات مش خالصة
حطهم الخضار في الزبلة كان عاشو والا ماتو ولا تهزهم البلدية وسط الزبلة على الاقل يموتو بعيد عليه مش في نصبتو والعباد هربت ماعادش تقضي من عندو مالروايح الي هي الحقيقة وحاشتكم روايح بول وخر١ العباد الي مايحشموش يعرفو ولادهم ويعملوها عادي وكلو تتحاسب عليه البكمة
وعندو حق الصغار يموتو وسط صنادق يخدم بيهم، والي يجي يبدى يتشوكع القطاطس زيد تو عملولهم فزاعة الكلب
الحاصل انارجعت الي نجمت قدام المرشي
الي حبيت نقولو الي حد ما تلقتلهم ولا حس بيهم خاطر وبصدق الوقفة مع البكمة ولات بالمظاهر ، قطاطس في حومة شعبية مقملة كي هي كي عبادها شكون باش ياقف معاهم مساكن، العبد تجيب بالكراذن وتلوح وتمشي كيني لوحو زبلة وحاشا خلق ربي يكونو زبلة ،ربي مايخلقش الزبلة
الزبلة يعرفو رواحهم شكون
هاذم مش قطاطس قرطاج الي تحرك الفيسبوك الكل على خاطرهم وتهزو بالوقت وتكفلو بيهم وبمصروفهم
هاذم قطاطس زواولة مساكن، والي تمشيلهم صباح وليل لا عندها علاقات الداخل ولا لبرا ولا تعرف جمعيات متكفلين بالقطاطس الي تهبطهم ولا عندها صحبة بأجانب يخلصو عليها شكاير كروكات ولا يخلثو فاتوروات الفيتو
شكون باش يجيها في حومة شعبية كان جات في بلاصة اخرى راو جاوها الناس الكل وتهزو قطوس قطوس
اما الحمد لله الي ربي سبحانه عمل الاخرة مش بالمظاه
