Chats Errants: Sauver,Soigner,Adopter قطاطس الشوارع:حياتهم حق مش مزية

بالله عليكم لا تلوحو قطاطسكم في هالطقس مش رحمة بالقطاطس، بالعكس رحمة برواحكم قدام ربي نهار اخر هذي القطوسة ماتراش ملوحا في الحفصية خايفة هاربا مالمطر ماتعرفش وين تمشي كل مرة طايحا في ڨلطا ماء الحالة الي كانت فيها القطوسة تحت المطر وحالتها المفجوعة توجع القلب والا كنت صورتهالكم باش تشوفو الحقيقة كان ثما ثما شكون يحتسبها حسنة خفية بينو وبينو ربي يحب يتبناها والا ثما شكون يتعاون معانا نعقموها تو فترة تزواج اصعب حاجا قطوسة عمياء تحبل وتولد الي عاشو قصة هذي يعرفو على شنوا نحكي ارحمو من في الارض يرحمكم من في السماء

باب الفلة القطوسة بين موت وحياة تتنفس بالسيف برطاجيو بربي الي قريب يمشيلها

باب الفلة القطوسة مضروبة على راسها ملوحا في البرد والمطر بربي برطاجيو خلي الي قريب يمشيلها

ماحبيتش نحي صوت الاصلي متاع الفيديو خاطر حسيتو مواتي عاللخر البكمة في تونس كيني فلسطينيين في غزة على ماصاير فيهم مجتمع مش خايف من حسبي الله ونعم الوكيل، والله بلاد غرقت في حسبي الله ونعم الوكيل بسبب البكمة المظلومة المقهورة انا والله لا نسامح في حق البكمة لا تونس الي ماعملت شي في الموضوع هذا ولا توانسا الي عملو في البكمة عمايل اليهود في غزة سم.... كرطوش.... تعذيب .....تجويع.... تشريد...حتى السحر عملو بيهم السحر عباد قلوبهم ماتت وضميرهم معدوم، تخلصوه ان شاء الله فسكن وفي العزيز عليكم، اعمل مامصيب تصيب ماجاش في البقرة يجي في الحليب بربي شكون يحب يتبنى منهم، والله متقلقة عاللخر منجمش نتلهى بيهم وعندي برشا قطاطس ومعاهم كلاب وصحتي ولات على قدها نقول كان الحمد لله وربي يحنن القلوب، اكيد في تونس مازال عباد تحن وقلوبهم حية

ماترحموش البكمة، البكمة سخرلها ربي ناس رحيمة ترحمها اما ارحمو رواحكم نهار الي تاقفو بين ايدين خالق البكمة تتحاسبو علو افعالكم معها

المرة هذي مانيش باش نقول ارحمو البكمة خاطر الناس الي ترحم البكمة مش في حاجا تذكرهم بالرحمة والرفق، الميزتين هاذم نعمة من عند لربي غارسها في قلوبهم المرة هذي باش نقول ارحمو رواحكم شوي من ذنوب البكمة وتذكرو الي على قصار والا على طوال باش تاقفو قدام خالق البكمة تتحاسبو بالنسبة لصغاركم الي يحبو الحيوانات ويحبو يربيو قطوس وهذي رغبة حسب رايكم حرام وممنوعة يعيشوها معاكم تعملو مزية نبهو عليهم وكان لزم اضربوهم باش ماعادش يهزو قطاطس يكفيكم ذنب هرسلة ولادكم وحرمانهم من غرامهم وغراسة القسوة والقهرة في قلوبهم قولولهم كي يكبرو ويعملو ديار وقتها يربيو الي يحبو ان شاء الله حتى خنزير شنوا ذنبها البكمة تتمرمد خوف وجوع وبرد وسخ الي يحب يتبناه نوصلو وين هو ان شاء الله ملاحظة قطوس تو نظيف زين وعين ويحب اللعب،

كانو 8 قعدو سبعة واحد منهم خسر عين شكون يتبنى منهم عايش على الكياس معرضين للكراهب

قطوسة اريانة برج الوزير اكيد مازلتو تتذكروها القطوسة الي كي ضرببها كرهبا لوحتها مولاتها وقعد تعاني لين عينيها عملو الدود الحمد لله لاباس عملت عملية على عينيها وفمها وعملت تعقيم وثما مرا تبناتها وهي تو الحمد لله عمدها عايلة وماعادش في الشارع عملنا الي علينا ماخليناهاش تتعذب وتو محتاجين نكملو نخلصو الفاتورة الي تكلفت 440 مازال منهم 240 هذي فاتورة من برشا فاتورات اخرين مازالو ماخلصوش نتمناو تتفاعلو مع الحالات الي نهبطو فيها باش انجمو نزيدو انمنعو قد نقدرو بكمة تتعذب في الشوراع

ضحية اخرى من ضحايا السياقة المتهورة وقلة الانسانية والرحمة تو 3 شهور عند الفيتو والفاتورة كل يوم تزيد ماثماش حتى تفاعل مع حالة الكلبة لا بالتبني ولا مساعدة في تكلفة العلاج ان شاء الله نلقاو قلب حنين يتبناها ينسيها الاعاقة والوجيعة الي تعدات عليها بعد ماكانت تمشي على اربعة ساقين لقات روحها تجاهد باش تتاقلم بزوز ساقين كهو الي يحب يعاون في حالة الكلبة يتصل بالفيتو بجمال الدين حمروني

قطوسة مسمومة وزيد القطاطس للذكور شادينها يحبو على التزواوج بربي تعرنا معانا نهروها للفيتو قبل ماياخذ فيها السم ونعملولها تعقيم يزهيا مالعيشة في الشارع وخطر الشارع برشا توانسا مش ناوين يتوبو من فعلهم بالبكمة

اعلم انك حين ترمي قطوس صغير في الشارع ولتتهرب من المسؤولية تقول ربي يتولاه هو عبارة على رمي بيبي صغير في الشارع وتقول ربي يتولاه وأغلب القطاطس يموتو بعد العذاب وقليل جدا من يواتيه الحظ ويلقى شكون يرحمو

للتبني الجادين

والله وحلت قدام حالة القطاطس الي تبكي القلب كون الفيتو الي مازال يقبلني والديون فوق راسي قطوس لاباس عليها عايش في امان الله يجي موطور والا كرهبا يخسرو ضربة ويتعدى يخليه يعاني هكا حسبي الله ونعم الوكيل

قطوسة من محطة مترو كبارية ساقيها مقصوصة يمكن ضربها المترو وجاتها بلطف ربي هي لاباس اما العظم مازال ظاهر يلزم يتقص وتعمل تعقيم وتبني بربي نتعاونو عليها ارحمو من في الارض يرحمكم من في السماء

ياربي يارحيم قطىسة محتاجة فيتو بربي شةون يتكفل بيها

عندو جمعة ملي ضربتو كرهبا ملوح في الشارع لقيتو انا بالصدقة القطوس ياكل فيه الدود ساقو وذيلو يلزم يتقصو الله غالب خير ملي يقعد ياكل فيه الدود في الشارع لين يموت بربي نتعاونو باش القطوس يعمل عمليات متاعو

هذا قطوس الوردية 2 بطلت الماكلة وحالتو قدامكم في الفيديو محتاج فيتو فيتو في اقرب وقت ولا واحد حن عليه ملوح في الشارع قدام الديار ارحمو من في الارض يرحمكم من في السماء

هذا قطوس اريانة الي ضربتو كرهبا كسرلتو ساقيه وعملتو فتق قطوس شارع لا واحد حب يعاونو في العمليات الي عملهم ولا حتى الفيتو رحمتو وماعملت العمليات الا ماخذات شطر الفاتورة وطلبت شاك في الباقي والمرا معاندهاش شيكات وتسلفت الفلوس الي اعطاهم باش القطوس مايقعدش يتوجع اليوم القطوس عمل العمليات الزوز ومازال في فاتورتو 300 يلزم يخلصو ويلزم القطوس اليوم يخرج وين باش يخرج ؟ للشارع الي جاء منو وحياتو ادمرت فيه عمل عمليتين اليوم واليوم يلزم يخرج والا النهار 20 د بخلاف الدوايات والماكلة يعني النهار عادي ينجم يوصل 70د يعني ماللخر الي يجي يعاون قطوس شارع يشعفوه ويكرهوه في حاجا اسمها رحمة وانسانية القطوس غزر في كرشو ومسامر في ساقيه عملهم اليوم واليوم يلزم يخرج انا مصدومة في الناس الي تعبد الفلوس والرحمة ماتعرفهاش ارحموا من في الأرض يرحمكم من في السماء شكرن بربي ينحم يخلي عندو القطوس يتلهى بيه حرام يرجع للشارع، والا الي ينحم يعاونو يقعد عند فيتو آخر رحيم وقلبو كبير حتى ييد روحو نذكركم الي القطوس اليوم عمل عمليتين واليوم باش يخرج

القطاطس هذام موجودين في تاجروين، عند حنان عبروقي برشا فيكم يعرفوها والا سمعو ببها حنان مرا على قدها تعيش بالكرني الابيض يعني شهرية 200د، كي تسمع شهرية 200د يعيش بيها انسان وحدو تقول كيفاش ينجم يعيش ويوفر مستلزمات الحياة فمابالك معاه بكمة ماتفهمش الي ظروف على قدها وماثماش فلوس بكمة في رقبتها كي تجوع يلزم تاكل وكي تمرض يلزمها دواء شكون فينا ينجم يتحمل شوف صغيرو جيعان والا مريض وهو لا حول ولا قوة ماينجم يشري ماكلة ولا دواء خاطر امكانياتو محدودة في بلاد كل شي فيها غالي خاصة ماكلة القطاطس الي شعلت فيها النار مفارنة باسوام ماكلة الحيوانات في اوروبا ومن غير مانحكي على الجودة لا خير في الدولة الي ناسيتهم ولا خير في التجار والمزودين حنان اليوم قطاطسها بلاش فطور وبلاش عشاء والمريض ماعندوش دواء قاعدا تخزرلهم وتبكي مايزيش امكانياتها محدودة مايزيش البلاصة الي هي فيها مافيها شي الكلام هذا يحسو بيهم الناس الي عندهم حيوانات يعيشو معاهم يعتبروهم ولادهم حتى الكريدي ماتنجمش تكردي، شكون يبيع بالكردي لواحد شهريتو 200د يعرف الي يجي راس الشهر يلقى روحو صارف اكثر منهم حاولت نلخص وضعية حنان وقطاطسها ونوصل صوتهم للقلوب الحنينة، احنا كي نعاونو بكمة في الحقيقة نعاونو في رواحنا احنا محتاجين البكمة اكثر ملي ال

نحب نعرف في شكون تظلم كي تلوح قطوس قدام دار الناس تظلم في روحك بالذنوب والا تظلم في بكمة والا تظلم في سكان الدار الي رميت قدامها القطوس انت في كل الحالات ظالم وربي سبحانه مايحبش الظلم ومايحبش الظالمين

قطوس اريانة الي ضربتو كرهبا عندو كسر كبير في ساقيه وعندو فتق كبير غدوة يلزمو يعمل عملية على ساقيه وعلى الفتق الفيتو تحب نخلصوها قبل العملية والقطوس حالتو ماتستناش وعلى خاطرو قطوس شارع عاونتنا وحسبتلنا عملية الفتق ب 200 بعد ماكانت 450د والساق 400د خذا بخلاف 170د فاتورة السبت والاحد عمل فيهم زوز تصاو القطوس موجودة عند حنان ادريس في ميتيال فيل الي ينجم يعاون مايبخلش، القطوس حالتو ماتستناش حسب كلام الفيتو

القطوس بايت عندي للدفى حاولت نعاونو عملت الي نعرفو وانجمو يلزمو فيتو، تاعب مالبارح ماوسخش بربي نتعاوو عليه

كل مرة نلقى حالة نقعد نحكي مع روحي الكلام الي نحب نقولو بعد نلقى روحي الكلام الي قلتو مع روحي ونحب نكتبو حكاية فارغة مالقيتش تصنيف للعباد الي تخلي بكمة توصل للحالة هذي اعمى حسب التقريب وجلد على عظم وبعد تلوحو في اقرب بلاصة قدامها قطوس يابس ميت حي مانقلكم كان هي صحيفتكم باش تلقاوها نهار اخر عبيوها بلي تحبو انا نحب نذكركم الي ربي سبحانه يحاسب على بكمة، دخل للنار في قطوسة ودخل للجنة في كلب

قطوسة اخرى من اريانة، ضحية تهور الي يسوقو في الكراهب والموطورات لتو مامشاتش الفيتو خاطر ماثما حد تكفل بيها مسكينة القطاسوالي يتضربو ينجمو يموتو مش مالضروبة كهو اما خاطر ماعادش ينجمو يخرجو الفضلات متاعهم وهذا يزيدهم عذاب على عذابهم بربي الي ينجم مايترددش خلي القطوسة تمشي لفيتو في اقرب وقت

تفرجو في الفيديو للاخر باش تعرفو الي بالحق ربي سبحانه يحيي العظام وهي رميم بالحق القطوس ماكانش قادر ياقف على ساقيه ولا قادر ياكل ولا يشرب موجوع في حالة موت بطيئ الحمد لله ياربي نتمنى نلقاو شكون يتعاونو معاها فاتورتو 265د عند جمال الدين حمروني الفاتورة تلقاوها في اول تعليق

ضاربتها كرهبة اريانة رومبوا سكرة مسكينة هزنها بنية للفيتو نصها مكسور ولازمها تصويرة بربي الي ينحم يعاون القطوسة مايبخلش هلي تغنل تصورية الي ينجم يعاىن يكمل البنية على النومرو هذا 29100593

شكون ينجم يعاون انا والله لا حول ولا قوة

هذي حالة القطوسة تاعبا برشا، كانت تجي تاكل مع القطاطس قدام يلزمها فتيو بربي لا تبخلو عليها، الي ينجم يتكفل بيها مادام ثما امال تعيش

قطوس الوردية الي مضروب على ساقيه، مالبارح ديجا عند الفيتو حالتو قدامكم ماتحتاجش كلام امل كبير يبرى ان شاء الله نحتاجو نتعاونو نخلصو الفاتورة تلقاوها في اول تعليق

هذا القطوس مركاوني فيه خاطر انا قريبة منو، موجود في الوردية 2 حالتو بالحق استعجالية تستحق فيتو في اقرب ساقين متعفنين يلزم عملية بربي نتعاونو عليه، انا مانجمتش نخليه في الشارع تحت كرهبا بجنب المترو