TAIL TALES #becausewecare

  • Home
  • TAIL TALES #becausewecare

TAIL TALES #becausewecare Contact information, map and directions, contact form, opening hours, services, ratings, photos, videos and announcements from TAIL TALES , Pet Store, .

नमस्कार मंडळी,कसे आहात सगळे?आज फार दिवसांनी पोस्ट लिहित आहे. कारणही तसंच आहे. TAIL TALES च्या प्रवासात असंख्य प्राणी पा...
04/05/2024

नमस्कार मंडळी,
कसे आहात सगळे?
आज फार दिवसांनी पोस्ट लिहित आहे. कारणही तसंच आहे. TAIL TALES च्या प्रवासात असंख्य प्राणी पाहुण्यांचा सहवास लाभला. खूप निर्मळ प्रेम मिळालं. पण काही पाहुणे तुमच्या काळजात कायमचं घर करतात. असा माझा एक पाहुणा म्हणजे "हॅलो" नावाचा "पग"! मार्च 2022 मध्ये हॅलो आमच्याकडे trial साठी आला तेव्हा तो 12 वर्षांचा होता. वयोमानामुळे त्याला काही शारिरीक अडचणी होत्या. आणि त्याच्या पालकांना पुढे एप्रिलमध्ये एक महिन्यासाठी त्याला ठेवायचं होतं. त्यापूर्वी त्याच्या 3-4 trials आम्ही घेतल्या. खरं तर त्या त्याच्या trials नसून माझ्याच trials होत्या. कारण एवढ्या मोठ्या काळासाठी प्रथमच कोणी पाहुणा येणार होता आणि तेही वाढलेलं वय, आजार आणि शारिरीक अडचणीमुळे विशेष काळजीची गरज असलेला! कितीही नाही म्हणलं तरी risk होतीच. पण ती risk घ्यायची ठरवली आणि हॅलो आमच्याकडे राहायला आला. छान राहिला आणि महिनाभराने सुखरुप घरी परतला. त्याची आई जेव्हा त्याला घ्यायला आली तेव्हा मला समजलं की हॅलो हा आपल्या सर्वांचे दैवत,महाराष्ट्रभूषण ,शिवशाहीर कै. श्री बाबासाहेब पुरंदरे यांच्या घरातील असून त्यांचा फार लाडका होता. त्यांच्या सूनबाई सोनाली पुरंदरे हॅलोला घेऊन आमच्याकडे आल्या होत्या पण मी ओळखू शकले नाही. पुढेही वर्षभर अधून मधून हॅलो येत राहिला. मागच्या मे महिन्यात 6-8मे त्याचा स्टे ठरला. पण त्या आधीच 4मे ला हॅलो 2-3दिवसाचं आजाराचं निमित्त होऊन देवाघरी गेला. आज हॅलोचा स्मृतीदिन आहे. आमच्या अल्प सहवासाच्या अनेक आठवणी मनात दाटल्या आहेत. त्याच्याबरोबर खेळ,पळापळी, दंगा असं काहीच नव्हतं. पण एका शरीराने थकल्या व काहीसं परावलंबित्व आलेल्या जिवाला आपल्याबरोबर आश्वासक वाटतं यापेक्षा मोठा आनंद तो काय!
हॅलो, तुझ्यासारख्या निर्मळ जिवाला नक्कीच सद्गती मिळाली असणार आहे. तू कायम आमच्या आठवणींमध्ये अमर राहशील. सुखात रहा!

पुन्हा लवकरच भेटुया मंडळी!
तोपर्यंत Live and Let Live! Stay PAWsitive!!

TAIL TALES

नमस्कार मंडळी, नाताळाच्या सुट्ट्या संपल्या अणि माझी सगळी पाहुणे मंडळी आपआपल्या घरी गेली. आणि आला आमच्या सर्वांचा अत्यंत ...
09/01/2024

नमस्कार मंडळी,
नाताळाच्या सुट्ट्या संपल्या अणि माझी सगळी पाहुणे मंडळी आपआपल्या घरी गेली. आणि आला आमच्या सर्वांचा अत्यंत आवडीचा दिवस! तो म्हणजे आमच्या मांजर बाळांचा मोगली आणि ग्रेस चा वाढदिवस! 6th january 2022 या दिवशी आमच्या Cookie ने 2 गोंडस, शुभ्र अश्या पिल्लांना जन्म दिला. आम्ही सगळे खूप आतुरतेने या दिवसाची वाट पाहत होतो. Cookie ची बातमी पक्की झाल्यावर मी Homestay ला तर सुट्टीच घेतली होती. तो जो सगळा काळ होता त्याविषयी स्वतंत्र लिहीनच. तर अश्या प्रकारे पूर्ण दिवस घेऊन आमच्या Cookie ची बाळे या जगात आली. मी नेमकी अत्यावश्यक कामामुळे बाहेरगावी होते. आणि 5th jan च्या मध्यरात्री माझ्या लेकीचा फोन आला की Cookie ला labour pains चालू झाल्या आहेत. माझा जीव कासावीस होऊन गेला. आमच्या Lucy च्या वेळचा अनुभव गाठीशी होता. त्यामुळे आर्याने एकटीने ती वेळ निभावून नेली. अख्खी रात्र ती Cookie सोबत जागली. तिच्याच पलंगावर cookie ने पिल्लांना जन्म दिला. ती ही आमची अत्यंत लाडकी लेकरं मोगली आणि ग्रेस! या माझ्या पिल्लांनी जन्मल्यापासून कठीण परिस्थितीशी सामना केला आहे. पहिले 10 दिवस खूप खूप जड गेले त्यांना आणि आम्हाला सुद्धा! पण भगवंताची कृपा की त्यातून आम्ही सगळे निभावून गेलो. आणि आज हे माझे बच्चे 2 वर्षांचे होत आहेत. ते म्हणतात ना "मेरे आंखोके तारे" तसेच आहेत दोघे माझ्यासाठी! ग्रेस थेट तिच्या बाबाची Bagheera ची कार्बन कॉपी आहे. डोळ्यांचा रंग, नाजूकपणा, ऐट सगळं तसंच! मी तिला लाडाने "चंद्रा " म्हणते. मोगली मात्र लहानपणी वेगळाच दिसायचा. पण जसजसा मोठा झाला तसा अत्यंत देखणा दिसू लागला म्हणून मी त्याला "राजहंस " म्हणते. आमच्या कुरूप , वेड्या बदकाचा आता राजहंस झाला आहे. दोघे अत्यंत मायाळू आहेत. त्यांचा आमच्यावर असलेला प्रचंड विश्वास त्यांच्या डोळ्यात दिसत असतो. घरी सतत इतके प्राणी येत जात असतात पण आमचे ग्रेस मोगली घाबरत नाहीत. Lucy ची तर फार माया आहे दोघांवर! Lucy वॉक करून आली की मोगली तिच्या शेजारी जाऊन पसरतो आणि तिच्याकडून चाटून घेतल्याशिवाय उठत नाही. सतत तिच्या आगे मागे करत असतो. एका घरात 2 बोके रहात नाहीत म्हणतात ,पण आमच्याकडे उलट आहे. बघिरा-मोगलीचं अगदी बाप-लेकाचे प्रेम आहे. ग्रेस मोगली ने आम्हाला खूप खूप आनंदी आठवणी दिल्या आहेत ,देत आहेत. त्यांच्याशी खेळताना सगळं विसरायला होतं. अश्या ह्या माझ्या गोड ,गोंडस बाळांना Happy birthday!
पुन्हा लवकरच परतेन अश्याच प्रेमळ शेपटांच्या गोष्टी घेऊन!तोपर्यत Live and Let Live! Stay PAWsitive!!
Mrs. Tejashree Sardeshpande
Tail Tales Pets Homestay
Warje,Pune.
Contact no. 9373236425
TAIL TALES

04/01/2024

नमस्कार मंडळी,
सर्वप्रथम आपणा सर्वांना नवीन वर्षाच्या खूप खूप शुभेच्छा! हे वर्ष आपणास भरभराटीचे,समाधानाचे आणि आरोग्यपूर्ण जावो!
सरत्या वर्षाला निरोप देताना मागे वळून पाहिलं आणि जाणवलं की खूप दिले ह्या वर्षाने! नवनवीन प्राण्यांचा सहवास दिला, त्यांच्या पालकांसोबत परिचय झाला. निखळ अणि निःशब्द प्रेम दिल या सगळ्या बाळांनी! प्राणीप्रेम ह्या एका धाग्याने अनेक अपरिचित प्राणीप्रेमी व्यक्तिंना एकत्र जोडले. मी आपणा सर्वांची खूप ऋणी आहे. माझ्या प्रत्येक दिवसाची सुरुवात व शेवट या सर्वांसोबतच असावा एवढीच इच्छा कायम करेन. पुनःश्च आपणास खूप शुभेच्छा! लवकरच परतेन नवीन "शेपटांच्या गोष्टी" घेऊन, तोपर्यंत Live and Let Live! Think PAWsitive, stay PAWsitive!!

Mrs.Tejashree R. Sardeshpande.
TAIL TALES
Contact no. 9373236425

नमस्कार मंडळी,काल TAIL TALES च्या प्रवासात एक खूप छान गोष्ट अनुभवली. ती तुम्हाला सांगाविशी वाटली. सध्या नाताळाच्या सुट्...
26/12/2023

नमस्कार मंडळी,
काल TAIL TALES च्या प्रवासात एक खूप छान गोष्ट अनुभवली. ती तुम्हाला सांगाविशी वाटली. सध्या नाताळाच्या सुट्ट्या सुरू आहेत त्यामुळे आमच्या घरी पण पाहुण्यांची ये-जा सुरू आहेच. तर काल अश्याच एका खूप गोड पाहुण्याचा पहिला वाढदिवस होता आणि तो साजरा करण्याची संधी आम्हाला मिळाली. मग आम्ही ती कशी सोडणार?
तर हा आमचा पाहुणा आहे लाडू ऊर्फ शिफू नावाचा नावाप्रमाणेच अत्यंत गोड गोड असलेला persian बोका! लाडू आमच्याकडे पहिल्यांदा जेव्हा रहायला आला तेव्हा अवघा 4 महिन्यांचा होता. लाडू अणि त्याची मैत्रीण Emma असे दोघे उन्हाळ्याच्या सुट्टीमध्ये 15 दिवस राहिले होते. वेळेअभावी कसलीही ट्रायल ,भेट काहीच न घेता थेट रहायला आले . एवढं छोटं बाळ पहिल्यांदाच आमच्याकडे रहायला आलं होतं .जरा काळजी वाटत होती पण लाडू तेव्हा मस्त राहिला.आल्या दिवसापासुन घरातलाच होऊन गेला. त्यानंतर थेट आता पुन्हा दोघे रहायला आले. यावेळी सुद्धा मला काळजी वाटत होतीच कारण आता लाडू मोठा झाला होता . मी गमतीने म्हणत असते की बुंदीच्या कळीचे बुंदीच्या लाडूमध्ये रूपांतर झाले आहे. पण आता सुद्धा पूर्वीसारखाच मस्त,मजेत राहतो आहे. त्याच्या नेमक्या पाहिल्या वाढदिवशीच तो त्याच्या घरच्यांपासून लांब होता.त्यांना पण वाईट वाटत होते. पण त्याचा हा खास दिवस आनंदी असावा यासाठी त्याची ही मावशी आणि 2 ताया होत्या ना ! छोटी ताई श्रियाने crochet ने त्याच्यासाठी गळ्यात घालायचा tuxido bow बनवला. मोठी ताई आर्याने छोटीशी सजावट केली . आणि त्याचे छान छान फोटो काढले.छान खाऊ दिला .औक्षण करता आलं नाही कारण मग लाडूसाहेबांचा पेशन्स संपला🤣 अश्या प्रकारे कालचा Christmas चा दिवस आनंदात गेला.
चला तर मंडळी, पुन्हा लवकरच भेटूया! माझ्या शेपूट गँगच्या मजेदार गोष्टी घेऊन लवकरच परतेन तोपर्यंत Live and Let Live! Stay Pawsitive!

Mrs. Tejashree R. Sardeshpande.
Tail Tales Pets Homestay,
Warje, Pune.
Contact- 9373236425
TAIL TALES

नमस्कार मंडळी नमस्कार, कसे आहात सगळे? दिवाळी कशी गेली सर्वांची? उत्तमच गेली असणार! मला विचाराल तर माझी दिवाळी अत्युत्तम ...
22/12/2023

नमस्कार मंडळी नमस्कार,
कसे आहात सगळे? दिवाळी कशी गेली सर्वांची? उत्तमच गेली असणार! मला विचाराल तर माझी दिवाळी अत्युत्तम गेली.खूप पाहुणे आणि अर्थातच खूप धमाल !तुमच्याकडे दिवाळीसाठी तुमचे आत्या ,मामा ,भावंडं असे पाहुणे आले असतील. पण माझे पाहुणे म्हणजे तुमच्या लक्षात आलेच असेल . चार पाय अणि शेपटीवाले माझे पाहुणे ! सिल्वी, रिकी, एंजल, मोमो ग्रेस, सिंबा, लिओ, जुलै, कोको, सोनू ,miruna अशी गोड-गोड नावे असलेल्या तितक्याच गोड,गोंडस अशा पाहुण्यांनी आमचं घर कसं गजबजुन गेलं होतं! गोकुळच जणू! आणि या सगळ्यांसोबत एक मिठ्ठू नावाची एक पोपटीणसुद्धा होती. मिठ्ठूबाई जाम आगाऊ होत्या. आमच्या मांजरांनासुद्धा बिलकुल घाबरायच्या नाहीत. मॅडमना सकाळी उठल्या उठल्या एक काजू द्यावा लागायचा. खाण्यासाठी पेरूच्या बिया आवडायच्या. मका,सूर्यफुलाच्या बिया हे पण आवडीचे खाणे होते. तर Silvy म्हणजे हरणाचे डोळे आणि सश्याचे काळीज असलेली देसी गर्ल! पण जर्रा खुट्ट आवाज झाला, हातात पिशवी, बॅग, छत्री असं काहीही दिसलं तरी घाबरायची. फटाक्यांचे आवाज चालू झाले की घट्ट् कुशीत घेऊन बसावं लागायचं. Ricky ,Angel हे तर आमचे नियमित पाहुणे! त्यांच्यासाठी आमचे घर म्हणजे मावशीच घर.मस्त मजेत राहतात नेहमी! Momo Jr. आणि Momo Sr. त्यांच्या घरी लग्न असल्याने आमच्याकडे राहिले होते. Momo Sr. तर त्याच्या ताईच्या पाठवणीच्या वेळी जरा वेळासाठी हाॅलवर जाऊन आला. तेव्हा आम्हालापण गलबलून आलं होतं!Momo Jr.खुश होता कारण त्याच्या दादाचे लग्न होते. ग्रेस, simba, जुलै, Leo, सोनू , miruna , युरो , सोनेरी, काळू, Bageera ही सगळी मांजर गँग !यातले काही जुने तर काही नवे पाहुणे! पण ते पण छान राहिले. अशी सगळी दिवाळी धामधूम गेली. मग चालू झाली लग्नसराई आणि आता आल्या नाताळाच्या सुट्ट्या! So ही धामधूम अजूनही अशीच चालू राहणार आहे. माझी सगळी शेपूट गँग आणि त्यांचे पालक यांनी दाखवलेल्या विश्वास आणि प्रेमाप्रति मी अत्यंत कृतज्ञ आहे. आपल्या ह्या गृपमधून मला खूप recommendations, references मिळाले. त्या सर्व ज्ञात-अज्ञात मंडळींची मी ऋणी आहे. अशाच नवनवीन शेपटांच्या गोष्टी घेऊन लवकरच परतेन . तोपर्यंत Live and Let Live!! Stay Pawsitive!!

Mrs Tejashree Sardeshpande.
TAIL TALES Pets Homestay
Warje.Pune.
Contact no. 9373236425

आज सांगण्यास अत्यंत आनंद होत आहे की आमच्या "TAIL TALES PETS HOMESTAY" ला 8 October 2023 ला 2 वर्षे पूर्ण झाली. 8 ऑक्टोबर...
22/12/2023

आज सांगण्यास अत्यंत आनंद होत आहे की आमच्या "TAIL TALES PETS HOMESTAY" ला 8 October 2023 ला 2 वर्षे पूर्ण झाली. 8 ऑक्टोबर 2021 ला Murphy आणि Casper या पहिल्या 2पाहुण्यांपासून सुरू झालेला हा प्रवास अजूनही चालू आहे. गेली 2 वर्षे डोळ्यासमोरून जाताना मनात फक्त एकच भावना आहे आणि ती म्हणजे कृतज्ञता! निरागस ,गोंडस, खट्याळ,नाठाळ ,प्रेमळ, मायाळू, इमानदार अशी लावू तितकी विशेषणे कमी पडतील अश्या लेकरांच्या सहवासात मागची 2 वर्षे कशी गेली ते समजलेच नाही. एकाच ब्रीडच्या 2 कुत्र्यां-मांजरांमध्येसुद्धा जमीन-अस्मानाचा फरक असतो. त्यांची पण वेगवेगळी व्यक्तिमत्त्वे असतात. जसे आपण आपल्या मुलांवर संस्कार करतो,शिस्त लावतो तसेच यांचे पण असते. या सर्वानी आमच्यावर निर्मळ प्रेम केलं आणि करायला शिकवलं! यांच्या पालकांनी आमच्यावर नितांत विश्वास ठेवला. हे प्रेम अणि हा विश्वास याबद्दल मी सर्वांची खूप खूप ॠणी आहे.
It's not the
Destination, but always the Journey which makes you happy and my Journey still continues. Thank you so much all my furbabies, their parents, my neighbours and last but not the least my family for all the love ,trust, support and co-operation throughout this Journey!!!
Contact no. 9373236425

नमस्कार मंडळी, सर्व प्रथम आपणा सर्वांना खूप धन्यवाद! परवा मी टाकलेल्या पोस्टला आपण खूप छान प्रतिसाद दिला. Tail Tales Pe...
22/12/2023

नमस्कार मंडळी,
सर्व प्रथम आपणा सर्वांना खूप धन्यवाद! परवा मी टाकलेल्या पोस्टला आपण खूप छान प्रतिसाद दिला. Tail Tales Pets Homestay ला परवा 8 ऑक्टोबर ला 2 वर्षे पूर्ण झाली . गेल्या 2 वर्षात असंख्य प्राणी घरी रहायला आले.पुन्हा पुन्हा येत राहिले. मागच्या वर्षीपासून मनात विचार घोळत होता की या सगळ्या माझ्या पाहुण्यांविषयी लिहावं. पण सुरुवात घरापासूनच करते. आमच्या घरी म्हणजे माझ्या सासरी अणि माहेरीसुद्धा कायम घरात कुत्रा मांजर आहेतच. या आवडीमुळेच मी या व्यवसायाकडे वळले म्हणा ना! सध्या आमच्याकडे लूसी नावाची १०वर्षांची लॅब्रॅडाॅर फिमेल आहे. ती ३.५ महिन्यांची असताना आमच्याकडे आली. म्हणजे खरं तर तिनेच आम्हाला दत्तक घेतले म्हणू शकता. ती आली, तिने पाहिलं आणि जिंकून घेतलं सार्‍या घराला! लॅब्रॅडाॅर जात मुळातच प्रचंड लाघवी, प्रेमळ ! इतकी प्रेमळ की असं म्हणतात की चोर आले तरी हे शेपूट हालवत हालवतच भुंकतील. Jokes apart, पण खरंच labs अतिशय मायाळू असतात. त्यात माझं हे लेकरू म्हणजे अगदी गाईसारखे शांत ,कनवाळू अणि मायेने भरलेले डोळे! तिच्या नुसतं आजूबाजूला असण्याने आपल्याला आश्वासक वाटते. आधार वाटतो. तिच्या पाठोपाठ घरात persian मांजरं आली. कुत्रा-मांजर हाडवैरी असं म्हणतात. पण आमच्याकडे उलट आहे. लूसी आणि चारही मांजरांचा एकमेकांवर फार जीव आहे. आमचे मोगली आणि ग्रेसतर अक्षरशः तिच्या अंगा-खांद्यावर खेळले आहेत. मी pets homestay चालू केल्यावर अर्थातच घरातील सगळ्यांची खूप मदत असतेच. पण लूसीची साथ शब्दातीत आहे. तिचे आमच्यावर जिवापाड प्रेम आहे. पण ते प्रेम ती माझ्या pet guests सोबत आनंदाने वाटून घेते. तिचा घरातला शांत, आश्वासक वावर, नवीन ठिकाणी आल्यावर सुरुवातीला बावरलेल्या आमच्या पाहुण्याला, स्थिरावण्यास मदतच करतो.आताशा जरा थकल्येय ती , पण 'चला', पेढा' 'बाबा आले' असे आवडीचे शब्द ऐकू आले की कान टवकारले जातात, डोळे चमकतात आणि मग आम्हाला आमची ती पहिली चुलबुली लूसी पुन्हा भेटते. तर अशी ही आमची लूसी तुम्हाला कशी वाटली नक्की कळवा.
बरंय तर मंडळी! लवकरच भेटूया नवीन अनुभवांसह! तोपर्यंत Live and let live !! Think PAWsitive, Stay PAWsitive!!

Mrs.Tejashree Sardeshpande
*TAIL TALES PETS HOMESTAY*
Warje, Pune.
Contact no. 9373236425

Hello Furriends,As you all know, I have been running pets homestay since 2 years. But I was not that technosavy, so I po...
25/11/2023

Hello Furriends,
As you all know, I have been running pets homestay since 2 years. But I was not
that technosavy, so I posted very less on my page TAIL TALES # becausewecare. From past 2 years , we welcome so many pet guests at our place, so many memories with them. But I missed to share it with you. So from now, I am going to share my experiences, memories with you all here. Some may be past experiences,some be new ones. See you soon. Till then..
Live and Let Live!!
Stay Pawsitive!!

Hello furriends,This is Tejashree Sardeshpande. I run a pets homestay at Warje ,Pune from past 2years. Our homestay name...
22/11/2023

Hello furriends,
This is Tejashree Sardeshpande. I run a pets homestay at Warje ,Pune from past 2years. Our homestay name is Tail Tales pets homestay. It is a cageless, leashless homestay for Dogs,Cats and Birds. Tail Tales is a safe and secure home for your furbabies when you are away from them.
As a Mom of 5 furry kids i.e. 11yrs old female labrador Lucy and 4 persian cats Cookie, Bagheera, Grace and Mowgli , I can totally understand the pain and care of pet parents to leave their baby behind during travels or any other emergency. But we are here to take care of them when you are not with them. Please feel free to connect with us for more details on 9373236425
Stay Pawsitive!!

Address


Website

Alerts

Be the first to know and let us send you an email when TAIL TALES #becausewecare posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TAIL TALES #becausewecare:

Videos

नमस्कार मंडळी, सर्वप्रथम आपणा सर्वांना नवीन वर्षाच्या खूप खूप शुभेच्छा! हे वर्ष आपणास भरभराटीचे,समाधानाचे आणि आरोग्यपूर्ण जावो! सरत्या वर्षाला निरोप देताना मागे वळून पाहिलं आणि जाणवलं की खूप दिले ह्या वर्षाने! नवनवीन प्राण्यांचा सहवास दिला, त्यांच्या पालकांसोबत परिचय झाला. निखळ अणि निःशब्द प्रेम दिल या सगळ्या बाळांनी! प्राणीप्रेम ह्या एका धाग्याने अनेक अपरिचित प्राणीप्रेमी व्यक्तिंना एकत्र जोडले. मी आपणा सर्वांची खूप ऋणी आहे. माझ्या प्रत्येक दिवसाची सुरुवात व शेवट या सर्वांसोबतच असावा एवढीच इच्छा कायम करेन. पुनःश्च आपणास खूप शुभेच्छा! लवकरच परतेन नवीन "शेपटांच्या गोष्टी" घेऊन, तोपर्यंत Live and Let Live! Think PAWsitive, stay PAWsitive!! Mrs.Tejashree R. Sardeshpande. TAIL TALES #becausewecare Contact no. 9373236425

Shortcuts

  • Address
  • Alerts
  • Contact The Business
  • Videos
  • Claim ownership or report listing

  • Want your business to be the top-listed Pet Store/pet Service?

Share