Proud Dog Sunctuary (PDS) е поттикната од секојдневните слики кои ги гледаме по нашите улици и состојбата на голем број кучиња скитници. Целта на оваа Фондација е да се помага на бездомните кучиња во Македонија кои се болни, повредени, малтретирани или соочени со друг вид слични проблеми, да им пружиме прибежиште и дасе потрудиме околу нивното комплетно закрепнување. Накратко да имовозможиме да до
бијат втора шанса за подобар живот. Со тоа што сме комплетно нови, потребна ни е и Ваша помош од било кој вид, започнувајќи од тоа да не известите доколку во вашата околина сретнете куче на кое му е потребна нашата помош, потоа донации во вид на храна, стари ќебиња и останато... Исто така сме отворени за соработка со други организации, здруженија, фондации, како и со волонтери кои сакаат и сметаат дека би можеле да помогнат околу негата и социјализацијата на кучињата. Искрено се надеваме дека ќе успееме сите заеднички да ја постигнеме поставената цел и дека барем на дел од кучињата ќе им го олесниме колку толку животот. Најсреќни би биле доколку со нашата работа допреме до свеста и совеста на луѓето за односот кон кучињата, да не бидеме ние тие кои ги предизвикуваме нивните тешкотии туку да се потрудиме да им помогнеме на било кој начин, а за нивната благодарност и нивната карактеристика на враќање на добрината сметаме дека нема потреба да се спомнува. Само за потсетување дека најдобриот пријател на човекот е кучето 🐾
