رفقة - Refqa (2024)

29/12/2021

إيه هي عواقب الإصابة بنزلات البرد للقطط ؟

🔴 حاسة الشم مهمة جدا بالنسبة للقطط لانها مبتقربش من الأكل إلا لو اتأكدت من عدم وجود أي روائح غريبه عشان كده نادرًا ما تصاب القطط بالتسمم. في حالة الإصابة بنزلة البرد ده بيصعب عليها عملية التأكد من الاكل.

🔴 ولإن أجسام الحيوانات مبتقدرش تقاوم الأمراض لوحدها فـ لو فيه قطة الشارع محدش عالجها ممكن تموت. علشان كده لو لقيت حيوان مصاب في الشارع حاول تودية لأقرب صيدلية.

🔴 ولو انت مربي قطة في بيتك ولاحظت عليها علامات البرد, يبقي لازم توديها لأقرب طبيب بيطري علشان حقنة تعالج البرد ده.

27/12/2021

حابين نفكركم إنكم تقدروا تتابعونا على إنستجرام عشان تعرفوا كل جديد من أخبار ونصائح ومعلومات تهمكم. 💙

https://bit.ly/RefqaEG-Instagram

24/12/2021

تعرف انك بتضر حيوانات الشارع بالمياه وانت متقصدش ده ؟ 🤔

رش الطرق والشوارع والحيوانات بالمياه خصوصًا في الشتاء مُضر جدًا ليها بسبب حاجات كتير أهمها البرد.
كمان الفرو بتاع الحيوانات بيكون موجود فيه زيوت طبيعيه لما بتيجي عليهم مياه الزيوت دي بتروح وتسبب لهم تهيج الجلد.

🔴 خد بالك في تصرفات كتير احنا بنعملها بدون علم مننا هي قد ايه مؤذية ومضرة للحيوان, فتأكد انك متابعنا على فيسبوك، وإنستجرام علشان يوصلك كل المعلومات اللي بنزلها.

17/12/2021

الحيوانات زينا بيحسوا ببرد وجوع الشتاء، علشان كده لازم دايمًا منكسلش نحطلهم اكل ونتأكد من وجود مياه كافية للشرب لأنهم مسؤليتنا، ونحاول دايمًا نوفر ليهم مكان دافئ يحتموا فيه من برد الشتاء. ❤

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

11/12/2021

مُهم كمتابع لـ رِفقة تِعرف إننا مش بنقدملك أي معلومة قبل ما نتأكد من مصدرها, وأي معلومه تخص صحة حيوانك او حيوانات الشوارع بيتم التأكد منها من خلال دكاتره بيطريين موثوق فيهم. ❤

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

28/11/2021

إيه سبب عدم حُب القطط للمياه ؟

القطط اجسامها حساسة تجاه المياه وده لإنها مبتقدرش توازن حرارتها بسهولة لدرجة أن تعرضها للمياه الباردة ممكن يؤدي الى وفاتها، علشان كده بننصحك عند تنظيفها بإستخدام مياه تكون مايله للدفء.

متنساش إن حيوانك مش مجرد وسيلة ترفيه هو مسؤولية، ومُهم جدا إننا منقللش من واجبنا تجاهها.💙

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

26/11/2021

الكلاب مش مصدر خوف بس بالعكس هى من اكتر المخلوقات العطوفة والوفيه لأصحابها خاصة لو واخدة الاهتمام والرعاية الكافية, فلو بتفكر فى وجود كلب معاك والمكان والظروف تسمح برعايته والاهتمام بيه فأنت تقدر تتبنى من خلال

🔸 الملاجئ المخصصة للكلاب.

🔸 من خلال موقع Leaf Animals واللي بيوفر لك أنواع متعددة حسب احتياجك.

🔸 او من خلال جروبات تبني الكلاب ورعايتها.

بنفكرك تتأكد من سلامة كلبك وحمايتك بزيارة سريعة للطبيب البيطرى, مع الوقت الكلب اللى بتخاف منه هيبقى امانك. ❤️

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

23/11/2021

ماذا لو أصبح قطًا صديقى ؟ 🤔

القطط مخلوقات لطيفة وبتضيف جو من البهجة فى البيت وتربيتها بتعلم العطف والرحمة.علشان كدة بنقولك انك لو حابب تتبنى اى قط ممكن تعمل ده من خلال:

🔹 ملاجئ مخصصة للقطط.

🔹 او من خلال موقع Leaf Animals واللي يعتبر أول موقع تبني قطط وكلاب اونلاين فى مصر, لينك الموقع فى أول كومنت.

🔹 أو ممكن تتبنى وتساعد قطط الشارع.
بنفكرك قبل ما تاخدها البيت تفحصها عند طبيب بيطرى لحمايتك ومساعدتهم.

أتأكد من أن ظروفك تسمح برعايته خاصة فى الأيام الأولى اللى هيحس فيها بالغربة لكن مع الوقت وقربك منه هيطمن لك. ❤️

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

20/11/2021

الحيوانات زي الإنسان محتاجة مننا إهتمام ورعاية، كام مرة شوفنا حيوان واحنا فى الطريق بيتأذى أو جعان أو عطشان, هدفنا أننا نساعده و لو بحاجه بسيطة. ♥️

عشان كده رِفقة قررت إنها تساعد الحيوانات فى الشارع وتديلك فرصة تساعدهم انت كمان. 😃 وأول محطة لينا هى الأقصر. 👀

🔴 لو حابب تشاركنا هتلاقي تفاصيل الحملة هنا 😍
https://fb.me/e/2KcbGgut1

17/11/2021

ازاي تساعد حيوانات الشارع المُسممة ؟ 🌿

🔴 لو لقيت كلب او قطة عنده حالة تسمم وحابب تساعد، بعد ما تتأكد من انك مُلتزم بالإجراءات الاحترازية اللازمة تقدر من أقرب صيدلية تجيب حقنة "أتروبين" بـ جرعه مقدارها نص سم تحت الجلد.

🔴 لو مش هتقدر تعالجه متسيبهوش!، انقله لـ أقرب صيدلية بيطرية او عيادة بيطريه او اي مكان قريب منك لرعاية الحيوانات وهما هيقدروا يقدموا له الرعاية المناسبة. 🌸

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

15/11/2021

ازاي اعرف اذا كان حيوانات الشوارع مصابه ولا لا ؟ 🤔

وجود الحيوانات في الشوارع طول الوقت بيجعلها عرضه للأمراض والفيروسات ، علشان كدا هنحاول نوضحلك الحاجات المميزه اللي تخليك تعرف اذا كان الحيوان مصاب ولا سليم ✨

⬅️الكلب المصاب بالسعار بيظهر عليه تهيج لاإرادي وحركات عنيفه.
⬅️الكلب المصاب بكتل فرديه علي خط الظهر.
⬅️الكلب اللي شعره متساقط.
⬅️القطط اللي تلاحظ عليها عيون دامعه.

متنساش دايمًا تأخد الإجراءات المناسبه علشان تحمي نفسك ولو لقيت حيوان شوارع مصاب ممكن تاخده لاقرب مستشفي بيطريه وهما هيقدروا يعالجوه. 🤍🌸

12/11/2021

طول الوقت بنبقى مُعرضين أننا نصادف حيوانات فى الشارع محتاجين المساعدة, ومساعدتك ليهم رحمة. ✨

ساعدهم وحافظ على نفسك بـ إنك تستخدم جوانتى وكمامة فى حالة الملامسة والتعامل المباشر مع الحيوان, لو حسيت بأى طباع عدائية اتجاهك فيُفضل التواصل مع الجمعيات المختصة بمساعدة ورعاية الحيوان. ♥️

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

09/11/2021

تعرف ان تطعيمات القطط الأساسية بتبدأ من عمر شهر ونص (6 أسابيع), ده غير التطعيمات الإضافيه اللي بتختلف تِبعا للمحيط بتاعها.
فـ متترددش أبداً في إستشارة طبيب بيطري للإطمئنان على صحة حيوانك الأليف. ❤

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

07/11/2021

ليه السمك النيء مُضر للحيوانات ؟ 🤔

السمك النيء بيكسر الفيتامينات عند القطط وده بيسبب لهم مشاكل صحية تصل حد الأورام! 👀

أما بالنسبة للكلاب فا بسبب سهولة حمل السمك النيء للبكتيريا ممكن يمرض الكلب وكمان يخليه مُعدي ويسبب أمراض لأي حد يتعامل معاه او يلمسة! 👤

إطعام الحيوان فعل أخلاقي، والإنسان بيتحاسب عليه، اهتم واسأل قبل ما تحط للحيوان اي اكل نيء. 🍃

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

05/11/2021

۳ حاجات لازم تعرفهم لو بتأكل كلبك لحم نيء 🤔

برغم انتشار فكرة ان الكلاب عادةً بتاكل لحوم نيئة الا إنك لازم تعرف ان الدراسات العلمية أثبتت ان لها اضرار متعددة وده بسبب ...
🔹 احتواء اللحوم النيئة على بكتيريا ضارة واللى بتأثر على معدة الكلب بشكل مباشر.
🔹 احتمالية ثقب او كسر أسنان الكلب بسبب شدة اللحم أو وجود بعض العظام فيه.
🔹 عدم قدرة بعض الكلاب على هضم اللحوم النيئة وده بيأثر على الكلى بصورة سيئة.

بنفكرك ان الاهتمام بتقديم اكل صحى وغير مؤذِ للحيوان مش رفاهية ده مسؤولية وحماية له من المعاناة والألم. ❤

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

01/11/2021

ربنا خلق كل حيوان لغرض وهدف، مش علشان يتأذي او يتعذب.
وعلشان كده احنا جايين نقولك إزاي تعامل الحيوان ؟ 🤔

--------------------------------
متنساش تتابعنا عبر فيسبوك، إنستجرام، لينكد إن من خلال:
--------------------------------

29/10/2021

ازاي عدم اهتمامك بالحيوان بيأثر على البيئة وعليك ؟ 🌱

🔴 رمي الورق والمخلفات في النيل بيضر الأسماك - ده غير أضراره على المياه الى احنا بنشربها واللي بتسبب امراض فيما بعد - ولإننا بناكل الأسماك دي فـ حملها للأمراض هيخليها مؤذيه وخطر عليك كـ إنسان.

🔴 رمي بواقى السمك والفراخ فـ الشارع للحيوانات بيخليها تتلم عليه وتبهدله وده بيسبب تلوث للمنظر العام في الشوارع, ده غير كمان إنه ممكن شوك السمك أو عظم الفراخ يسبب أذى جسدي للحيوان او امراض.

✅ لو عايز تأكل الحيوانات دي من غير ما تأثر على البيئة والمنظر العام للشارع استخدم اطباق بلاستيك علشان تجمع الاكل في مكان واحد. ✨

--------------------------------
لو مهتم تعرف معلومات اكتر عن التعامل مع الحيوانات ممكن تتابعنا عبر فيسبوك، إنستجرام، لينكد إن من خلال:
--------------------------------

26/10/2021

"لما تشوف العلامة دي اطمئن لسلامة الكلب من الأمراض، واعرف أنه خضع لرعاية طبية متكاملة".

كلاب الشوارع اللي عندها علامات صفراء والأرقام في آذانها، أو أخرى بها جبيرة في أقدامها أو شاش، هي كلاب تم تعقيمها وتحصينها ضد الأمراض والسعار، ووضع علامة صفراء وأرقام ليسهل تمييزها ثم إطلاقها في مكانها بعد التأكد من سلامتها من الأمراض.

--------------------------------
تقدر تتابعنا عبر فيسبوك، إنستجرام، لينكد إن من خلال:
--------------------------------

23/10/2021

رِفقة محتاجه مٌتطوعين مُبدعين! 🤝😍

🔴 الـ Social Media Committee واللي محتاجين فيها Marketer هيكون مسئول عن الـ Ads والـ Campaigns اللي بنعملها، الـ Content creator وده لازم يكون شخص كريتيف بيحب يعمل عصف ذهني، ويبحث كتير علشان يطلع لنا محتوى يناسب جمهورنا وأهدافنا.

🔴 الـ PR، وده حلقة الوصل بينا وبين الجمعيات، والمؤسسات التانية اللي بنتعاون معاها، وهيساعدنا في توسيع دايرتنا، وعلشان كده لازم يكون عنده Flexibility, Communication skills عالية.

🔴 الـ HR، هو التيم المسئول عن التقييم، والتحفيز، والمتابعة، والإدارة، وطبعًا مننساش الـ leadership skills.

طيب مين رِفقه ؟ احنا مبادرة شبابية الهدف منها هو توعية المجتمع لثقافة الرفق بالحيوان. ☘
ليه ممكن تشاركنا ؟ لان دا هيخليك من داعم للفكره لشخص بيساعد على تنفيذها بشكل احسن. 🌱

لو شايف إنك مٌبدع وعندك خبرة تناسب اي مُتطلب من دول متفوتش الفرصة وشاركنا! ✨، تقدر تملي دلوقتي على الفورم دي وهنتواصل معاك في أقرب وقت. ⬇️
https://bit.ly/Volunteering_Refqa

22/10/2021

الرحمة مش رفاهية، الرحمة لازم تكون جزء من شخصية كل إنسان، وعلشان الحيوان محتاج رحمة ربنا زرعها فينا. 🌱

كل حيوان في الشارع يستحق اكتر من نظره، يستحق الدعم بتقديم أكل وشرب, أو مأوى، متبقاش جزء من الضرر والأذى اللي بيتعرضوا له يوميًا، خليك إيجابي وساعدهم.

--------------------------------
تقدر تتابعنا عبر فيسبوك، إنستجرام، لينكد إن من خلال:
--------------------------------

19/10/2021

تعرف ان طبقًا للمادة 357 من قانون العقوبات المصري: "يُعاقب بالحبس مدة لا تزيد على ستة أشهر او بغرامة لا تتجاوز مائتي جنيه كل من قتل عمدًا بدون مقتض أو سم حيوانًا".

--------------------------------
دلوقتي تقدر تتابعنا عبر فيسبوك، إنستجرام، لينكد إن من خلال:
--------------------------------

18/10/2021

كل عام وأنتم بخير بمناسبة المولد النبوي الشريف. ❤☘
أعاده الله عليكم بالخير والبركة.

17/10/2021

خوفك من حيوان مش مبرر انك تسممة!
الكلب او القطة او اي حيوان تاني، زي ما انت بتخاف منهم هما كمان بيخافوا، وزي ما انت بتحس بألم هما كمان بيحسوا بيه، لأنهم أرواح عندهم نفس ما عندك من مشاعر.

لو خايف منه ابعد عنه، وخليك فاكر إن الحيوان مش هيأذيك إلا لو خاف منك و من انك تأذيه، هيدافع عن نفسه.

— قال رسول الله ﷺ: "من قتل عصفورا عبثا، وعج إلى الله يوم القيامة يقول: يا رب إن فلانا ”قتلني عبثا” ولم يقتلني منفعة".

— وفي الانجيل: «الانسان والبهيمة تخلِّص يا يهوه».‏ ‏مزمور ٣٦:‏٦.

15/10/2021

إطعام الحيوان مش بالضرورة يكون بتكلفة عالية أو أكل مخصوص، ممكن بأبسط الإمكانيات تساعد في عملية إطعام الحيوان، أو ببواقي الاكل اللي موجود في البيت. ☘

إطعام الحيوان عمل مأجور يعني لي ثواب عن ربنا سبحانه وتعالي، وتعذيب الحيوان عمل يدين صاحبه. ❤

— رسول الله ﷺ قال: "عُذِبت امرأة فى هرة لم تطعمها ولم تسقها ولم تتركها تأكل من خشاش الأرض"

— وفي الإنجيل: «البار يراعي نفس بهيمته».‏ ‏—‏ امثال ١٢:‏١٠‏.‏

--------------------------------
علشان تعرف تتعامل مع الحيوانات اكتر تقدر تتابعنا عبر فيسبوك، إنستجرام، لينكد إن من خلال:
--------------------------------

12/10/2021

تعرف ان طبقًا لوزارة الزراعة المصرية عدد الكلاب الضالة في مصر تجاوز الـ15 مليون كلب ؟ يعني 15 مليون كلب من غير مأوى ورعاية, يعني 15 مليون روح بتتعرض يوميًا للأذى بالضرب والتعذيب والتسمم! 🙄

ساعدنا وساعدهم ومتبقاش جزء من الضرر الي يتعرض له الكلاب دي بإنك تحاول تقدملهم أي أكل أو مأوى. ❤

--------------------------------
علشان تعرف تتعامل مع الحيوانات بحذر وتساعدنا نحميهم تقدر تتابعنا عبر فيسبوك، إنستجرام، لينكد إن من خلال:
--------------------------------

رفقة - Refqa