14/02/2024
بمناسبة عيد الحب تعالوا أحكيلكم قصة حب😍ميلينا وكلابتان😻زي عزمي وأشجان كده بالظبط😁( بس دول من طيور اللقلق stork..حاجه شبه البجعه) وقولولي الدروس المستفاده في الكومنتااااات😻🥀
🌹سنة 1993 راجل كرواتي عجوز كان بيصطاد سمك..شاف طائر لقلق مصاب نتيجة لبعض الصيادين ضربوا عليه نار و هما بيصطادوا😡 الراجل اخد الطائر البيت و قرر يراعيه لحد ما يخف😇
🌹اتضح ان الطائر ده كان انثي ف الراجل قرر يسميها "ميلينا"..فضل يهتم بيها من حيث التغذيه والعلاج لكن إكتشف مشكلة..إن الطلق الناري سبب مشكله في جناحها تعوقها عن الطيران مره أخري😔 يارب الصيادين يكونوا مبسوطين دلوقت😭
🌹ف الراجل قرر يكمل الاعتناء بيها ويتبناها و بني ليها عش فوق سطح بيته و اعتبرها زي بنته بالظبط لمدة تمن سنين🥰
الراجل العجوز كان هو اللي بيعتني ب ميلينا و يروح يصطاد سمك ليها🐟و يأكلها و تركب معاه في عربيته و يتفسحوا كل يوم مع بعض و هي عايشة في العش بتاعها فوق بيته..لأنها مع عدم قدرتها ع الطيران مش هتقدر تروح وتصطاد لنفسها😞
🌹سنة 2001 بيظهر لقلق تاني في السما فوق بيت الراجل ، المرة دي ذكر😻 و يبدأ يتقرب من ميلينا و يراعيها...والله وجالك عدلك يا بت يا ميلينا..صبرتي ونولتي🤩
🌹كل يوم الطائر الجديد يروح يصطاد سمك🐟 ل ميلينا و يأكلها و يقعد معاها ، ف الراجل فهم ان ميلينا خلاص وقعت في حب هذا الذكر😘 ف قرر يكبر العش اللي فوق السطوح بتاعه و يسمي الطائر الجديد " كلابتان "
🌹كلابتان بيقضي الوقت كله مع ميلينا و يراعيها لحد ما في يوم في اخر الخريف فجأة بيختفي🤷🏻♀️ اختفاؤه المفاجئ ده بيأثر علي ميلينا بشكل كبير..رفضت الاكل و وزنها نزل و حالتها الصحية بتتأثر يوم بعد يوم.
يقوم الراجل يحاول معاها ، يأكلها شوية..يخرجها تتمشي شوية لحد ما صحتها بتتحسن بس بردو مش بترجع لطبيعتها تماماً
لحد يوم في أول الربيع فجأة ظهر كلابتان🤩
⭐( فاصل معلوماتي:
🌟المعلومه الأولي: اللقلق من الطيور احادية الشريك ، طيور اللقلق بتختار شريك واحد فقط بتتزاوج معاه طول فترة حياتها و مش بينفصلوا او بيغيروا شركاء التزاوج بتوعهم طول عمرهم و حتي احيانا بعد موت الشريك.
🌟المعلومه التانيه: اللقلق من الطيور المهاجرة اللي بتنقل مناطقها بين الصيف و الشتاء.)
نرررجع لقصتنا:
🌹كلابتان كان مشارك في موسم الهجرة و رجع؛ كان مهاجر فين ؟ جنوب أفريقيا !
وده لأن طيور اللقلق بتهاجر كل سنة من شرق اوروبا تبعد عن الشتاء الصعب هناك و تروح اقصي قارة افريقيا في جنوب افريقيا و ترجع تاني في الصيف اوروبا ، كل سنة علي الوضع ده ، بس ميلينا مش بتطير😞😥
🌹الحقيقة ان كلابتان اساسا كان بيبقي من أخر طيور اللقلق اللي بتهاجر من اوروبا كل سنة في الخريف و من اوائل اللي بيوصلوا في الربيع ، عشان بيقضي كام يوم زيادة مع ميلينا و يراعيها🥰شايفين الحب ولا نوضح أكتر يا بشر😏 بيسافر 13 ألف كيلو متر و يعدي خط الاستواء مرتين في السنة، بس بيرجع بردو لعش ميلينا..وسلمولي ع الظروف والحجج والأعزار😒
🌹الموضوع بيستمر كتير ؟ اه جدااا.
لحد 2017 وبعد 16 سنه فجأة كلابتان مبيظهرش لحد شهر ابريل ، و مفيش اي اخبار عنه😥ف الراجل العجوز بيدور علي معلومات و يشوف طريق هجرة الطيور لقي انها بتعدي من لبنان ، و إن كل سنة بيتم التعامل مع مسار هجرة الطيور هناك انه مهرجان للصيد🤬
كل سنة حوالي 2 مليون طائر مهاجر بيتم اصطيادهم في رحلتهم😭
🌹ف الراجل بيقرر انه يجمع الريش اللي كلابتان سابه وراه قبل ما يهاجر و استخدمه في كتابة رسالة لرئيس لبنان في وقتها عن قصة ميلينا و كلابتان و المصير السيئ اللي كلابتان غالبا واجهه في رحلة الهجرة و الصيد😞
🌹رئيس لبنان بيتأثر بالرسالة و القصة و بيمرر سلسلة من القوانين اللي بتحمي الطيور المهاجرة و بيغير قوانين الصيد و الحفاظ علي الحياة البرية، بس كلابتان لسه مختفي🤦🏻♀️
🌹لحد ما في يوم في اخر الربيع في اواخر موسم الهجرة بيظهر طائر في السما فوق بيت الراجل؛ مرهق ، مصاب ، مغطي بالجروح ، مسافر 13 ألف كيلو متر بس وصل .. كلابتان بيرجع تاني العش مرة تانية و يوصل ل ميلينا لسنة تانية كمان🤩
🌹علي مدار علاقتهم اللي استمرت 20 سنة ميلينا و كلابتان انجبوا أكتر من 60 فرخ كلهم كانوا بيهاجروا و يسيبوا العش كل سنة في رحلة هجرة اللقلق بس محدش بيرجع غير كلابتان كل سنة في الربيع...وطبعا الراجل العجوز هو اللي كان بيهتم بيهم بردو ويصطادلهم سمك ويأكلهم مكان ميلينا لأنها مش هتقدر تأكلهم بسبب إعاقتها🥺
🌹في شهر يوليو 2021 ميلينا بتموت بسبب السن ، موتة طبيعية غير متوقعة لطائر مصاب و مش بيعرف يطير🥺😥😭 و كلابتان كان موجود معاها وقت موتها في أخر لحظات ليهم مع بعض❤️💔
🌹2021 كمان كانت اخر سنة بيرجع فيها كلابتان للعش ، الراجل الكرواتي العجوز - اسمه فوكيتش - قال انه يتمني رجوع كلابتان مرة تانية للعش و انه يشوفه و لو مره أخيره🥺
بس الحقيقة كلابتان ماعندوش سبب للرجوع لنفس العش ده تاني خلاص بعد رحيل حبيبته ميلينا💔❤️💔
(البوست منقول مع بعض التعديلات) واللي حابب يشوف القصه فيديو يكتب ع اليوتيوب
Klepetan and Malena stork..Croatia
هيظهرله وثائقيات كتير عن القصه❤️
#طيور #زوتوبيا
