Vet.Dina

10/09/2022

تعمل اى لو اتعضيت من كلب شارع 😰

اول حاجة لازم تكون هادى عشان تاخد خطوات صح 🧘

لازم تغسل مكان العضة كويس بالصابون تحت ماء جارى💧

ممكن تستخدم مضاد حيوى موضعى على مكان الجرح🩹🩹
واخيرا لازم تروح فى اسرع وقت خلال فترة من ٢٤ ساعة ل ٣ ايام المستشفى تاخد تطعيم السعار🏥 💉
#السعار

09/09/2022

ازاى تحمى اليفك من خطر الإصابة بالسعار 🤔

السعار مرض فيروسى خطير منتشر فى مصر و معدى وقاتل للإنسان والحيوان 😰👀 🐶😺

اليفك لازم ياخد تطعيم السعار فى ميعاده 💉💉

لو حيوانك الاليف إتعض أو إتخربش من حيوان فى الشارع ( كلب🐕 ،قط 🐈‍⬛، فأر🐁) وعدى على اخر جرعة سعار أخدها 6 شهور او مأخدش قبل كدة لازم تاخده ف اسرع وقت العيادة🧑‍⚕️ ياخد جرعة سعار💉 ويتفحص ويطهر على الجروح 🩹🩹
#السعار

02/09/2022

30/08/2022

شايف حيوانك الاليف بيهرش كتير و مش عارف اى السبب 👀🤔

من أشهر الأسباب ال تخلى القطط والكلاب🐱🐶 تتحسس وتهرش بالذات ف فصل الصيف☀️🌡️ هيا البراغيت🪳🪳 ، البراغيت بتتنقل بسهولة من حيوان التانى واحيانا مع الهرش بتنزل البويضات بتاعتها ف المكان و يفضل مصدر العدوى موجود في البيت 🏡

عشان كدة لازم حيوانك الاليف ياخد جرعات وقائية من الحشرات كل فترة و يتفحص كويس بعد كل مرة ينزل فيها الشارع

26/08/2022

لو اليفك قط تاخده معاك لو مسافر ولا لاء 🤔

إجابة السؤال دا بتعتمد على قطك نفسة 🐱

القط بيكون مرتبط اكتر بالمكان عن الأشخاص 🏡 وخروجة من البيت ف الاغلب بيكون مرتبط بزكريات سيئة زى خروجته للدكتور مثلا او انك ممكن تسيبه وميرجعش البيت تانى😰 ف بيجيله حالة من الخوف والهلع ممكن تاثر على صحتة 🤢، رغم كدة فى شخصيات من القطط ممكن تكون هادئة معاك ف السفر 😌🤷 بس لازم تكون واخدة كل تطعيماتها الفيروسيه و ضد الديدان والحشرات💉💊

انت قطك من أنهى نوع ؟

24/08/2022

متسافرش وتسيبة لوحدة 🥺 🐶🐶

خدة معاك فى اى سفرية بس لازم الاول تكون مديله كل تطعيماتة (ديدان،حشرات ،فيروسى) 💊💉
متابع حالتة الصحية مع دكتور بيطري متخصص🧑‍⚕️🐱🐶 ، ولو هتسافر بالعربية خد بريك كل ٤ ساعات على الأقل ونزلة يتمشى ويشرب وكمل طريقك تانى 🚗🚗
بلاش اخطلاط بأى حيوانات تانية طول فترة السفر 🛑

دا فى حاله أن اليفك كلب 🐕🐕

طب لو قط 🐱تعمل اى وتاخدة معاك ولا لاء 🤔
#استنونا

15/04/2022

المكسرات مصدر كويس جدا البروتين و الألياف الفيتامينات ، وطعمها لذيذ😋 ، هيا مكون أساسى من اكلنا خصوصا ف الاعياد و المناسبات وخصوصا رمضان 🌙

وعشان احنا عارفين انك بتحب تشترك حيوانك الاليف لحظاتك الحلوة بكل تفاصيلها عايزين نقولك أن مش كل الحلو لينا حلو ليهم

اولا المكسرات فيها نسبة عالية جدا من الدهون والى هتزود وزنهم و تسبب سمنة مرضية ،فيها سعرات حرارية عالية ودا ممكن يسبب لهم التهابات البنكرياس ، دا غير أن فى أنواع سامة القطط والكلاب وممكن تسبب اختناق، الألياف الزيادة إلى فيها ممكن تسبب لهم عثر هضم ومشاكل ف الجهاز الهضمى ، ولو حيوانك الاليف اكل منها بالغلط بالقشره بتاعها ممكن تسببلة ضرر جروح شديدة ف الجهاز الهضمى

عشان كدة أتجنب أنهم ياكلوا منها معاك عشان تحافظ على صحتهم💙

30/03/2022

بيلا جتلنا ب فقدان تام ف الشهية وخمول ورجعت مرة واحدة بس صحابها افتكروا أن عندها اكتئاب بسبب موت اخوها قبلها بيومين 😥 بعد الكشف الدقيق عليها والتحاليل الازمة اكتشفنا أن بيلا لقطة عدوى فيروسية خطيرة اسمها (طاعون القطط) 😨 ،
ودى صورة بيلا اخر يوم ف العلاج ♥️
متستناش اول ما تلاقى اى تغير ف سلوك اليفك حتى لو بسيط وطبعا متتاخرش عليهم ف تطعيماتهم عشان تجنبهم العدوى 💙

26/03/2022

عشان الأمومة مش سهلة على كل الكائنات الحية مش البشر بس🎀
ف لازم تعرف عنهم اكتر
الحمل ف القطط والكلاب🐶🐱 بيكون اد اى ؟
و تعمل اى مع قطتك أو كلبتك عشان يتم الحمل والولادة بسلام ؟

اولا الحمل ف القطط والكلاب بيكون من 60 ل 65 يوم ف المتوسط 63 يوم ، واحيانا ف بعض أنواع القطط بتوصل ل 70 يوم

-طيب اعرف منين أنها حامل

=بيكون عن طريق السونار بيتعمل ف اليوم 25 من الحمل عشان النتيجة تكون دقيقة 🧑‍⚕️ اى طريقة تانية مبتكونش دقيقة و منقدرش نعتمد عليها

-طيب اى ال ممكن اعملة عشان يكمل الحمل لحد الولادة بسلام 🐣

=الحقيقة مسؤوليتك بتبدأ قبل الحمل اصلا 🧐،
لازم تكون واخدة كل تطعيماتها الفيروسية قبل الحمل
لأن دا بيأثر بشكل كبير على مناعة وصحة الجراوى و القطط ف وقت الحمل واول شهور بعد الولادة

-طب اعمل اى معاها وهى حامل

=لازم يتقدم لها تغذية متكاملة ف الوجبات بتاعتها وممكن نكمل معاها بالفيتامينات وخصوصا الكالسيوم و فيتامين B12

#الامومة مش سهلة 💙

08/03/2022

-يا ترى القطة دى بيتعملها اى 🤔

ثانية واحد هيا القطط بيتعملها سونار !😯
مش بس القطط إلى ممكن يستخدم معاها السونار كأداة تشخيص ،ممكن يستخدم مع القطط والكلاب والخيول وحيوانات المزارع كمان 🐱🐶🐴🐮🦙

-طب بيستخدموه ف اى ؟
مش بس بيستخدم لتشخيص الحمل و عمر الأجنة لا كمان ف تشخيص بعض مشاكل الجهاز البولي و الهضمى والكبد والجهاز والتناسلى ، و بعض مشاكل القلب كمان 😄
👇
ودى كانت صدمة بوسى لما عرفت انها حامل 🤷😂

22/02/2022

تعرف أن الشكولاتة🍫🍫 تعتبر سم للقطط والكلاب
دا لإحتوائها على مادة ال(theobromine) وال( caffeine) إلى بتأثر على الجهاز الهضمى و القلب والجهاز العصبى
بيظهر على شكل ترجيع وإسهال ونوبات عصبية وتشنجات وتسارع ف ضربات القلب والى ممكن تنتهى بالموت 🚫

30/12/2021

سيزر جالنا ب اعراض خمول وقاطع اكل و ترجيع واسهال
ومش واخد تطعيمات للاسف ، شكينا أن يكون عندة parvo ودا إلى أثبتة ال test للاسف 😔
البارفو مرض فيروسى قاتل ، ممكن يتنقل عن طريق الاحتكاك المباشر بإفرازات وسوائل كلب مريض أو غير المباشر عن طريق الجزم و الهدوم الملوثة ، بيهاجم الجهاز الهضمى بعنف شديد ويسبب جفاف واحيانا بيأثر على القلب وتسبب الموت 🚫
خد بالك على اليفك واديلة التطعيمات بتاعتة فوقتها ومتتأخرش علية 🐶🐶

29/12/2021

What is that 😱!?
You will find all the information in this link👇👇

https://www.facebook.com/100498291934259/posts/263133609004059/

27/10/2021

24/10/2021

-القطط بتشرب اى ؟
=لبن طبعا 😅
😸😸😸😸😸😸
لما بتشوف قط أو نجيب قط جديد البيت بنكون عايزين نشربه اكتر حاجة بيحبها ف اول حاجة بتخطر ف بالنا هوا اللبن

بس الحقيقة أن اللبن مش صح للقطط🙀

ودا لأن جهازهم الهضمى معندوش القدرة على هضم سكر الاكتوز إلى موجود في اللبن ودا بيسببلهم انتفاخ وإسهال وترجيع
😿😿😿😿
=طب اى البديل إلى ممكن أستخدمه خصوصا أن القطط بتحب منتجات الألبان جدا
-ممكن الزبادى أو الجبن خالية الدسم لأن فيهم بكتيريا نافعة بتساعد على الهضم 😸

04/09/2021

اوقات كتير بنلاحظ على القطط والكلاب بتاعتنا خصوصا إلى أعمارهم صغيرة أو مناعتهم ضعيفة أو الاعمار الكبيرة جدا أن فى جزء من الجلد فضى من الشعر و بقى فى قشور ومش بنكون عارفين اى دا أو نتعامل معاة ازاى ،لا والأدهى أنك ممكن بعد فترة تلاحظ أن نفس المشكلة ظهرت عندك انت 😱

🐶😺🐶😺🐶😺🐶😺🐶😺🐶😺🐶

-دا مرض بيصيب الجلد معروف بإسم( الدودة الحلقيه) أو ( Ring worm ) والمرض معدى للإنسان 🙂
=دودة حلقية !😰
-لا متقلقش دا الاسم بس ، هيا نوع من (الفطريات )بيصيب القطط والكلاب خصوصا إلى مناعتهم ضعيفة أو فى مراحل التعافى من مشكلة مرضية تانية وطبعا فى عوامل كتير لنقل العدوى زى استخدام نفس أدوات مع اكتر من قط وكلب
والعمر الكبير جدا أو الصغير جدا

وممكن يروح لوحدة لو مناعة حيوانك الاليف بقت أقوى 🤷

=طيب ازاى بتتنقل العدوى لينا 🤔

-عن طريق الاحتكاك المباشر أو غير المباشر بألاجزاء المصابة ، وممكن اصلا متظهرش عليك اى أعراض لو انت مناعتك قوية

ف الغالب الإصابة بتكون للاطفال أو كبار السن وأصحاب المناعة الضعيفة ، والعدوى ممكن تنتقل من انسان لإنسان 👀
لو لاحظت علامات زى دى عليك أو على حيوانك الاليف لازم تزور الطبيب المتخصص ف اقرب وقت عشان تاخد العلاج المناسب🚨

07/12/2020

🙍‍♀️-الكلب بتاعى بقالة فترة شعرة بيقع جامد مش عارفة اى السبب
🤷‍♂️= مش عارف، طب نودية لدكتور,

💁‍♀️-لا انا هسأل على النت يمكن حد يقدر يفيدني ،انا سمعت ان الشعر دا ممكن يكون مضر أو فية عدوى تعدينا احنا

🐶🐶🐶🐶🐶🐶🐶
تفتكر اى اسباب تساقط الشعر ف حيوانك الاليف🐕🐈 وإمتى يكون محتاج يروح لدكتور⁦🧑‍⚕️⁩ فعلا وامتى اعرف ان الموضوع بسيط
🤔🤔🤔🤔🤔🤔🤔
-اولا اى ممكن يكون السبب ؟
=ممكن يكون سوء تغذية ؟
-ازاى بقى انا بأكلة على طول
=أيوة بس لازم الأكل دا يكون في. ال vitamins وال minirals و6 omiga 3,omiga fatty, acids إلى هو محتاجها ،لو ماخدش الاحتيجات دى هتلاقى الشعر بقى مطفى مش بيلمع وبيقع بسهولة وبيظهر اكتر ف شعر الظهر وال الحوض وممكن سلالة يظهر فيها عن سلالة تانية الهاسكى مثلا بيبقى عندة نقص زنك ف بيكون عرضة اكتر لمشاكل الشعر
-أنا متأكدة انى بأكل مظبوط و موجود فية كل دا
🐾🐾🐾🐾🐾
يبقى ننقل على الاحتمال التانى
ممكن تكون مشكلة سلوكية
=ازاى بقى 🧐
-يعنى ممكن يكون منعزل شوية عن ال حوالية يبدء ينظف نفسة بلسانة زيادة عن اللزوم مهو الفراغ وحش برضو😅 فا يعمل التهابات فى الجلد وتساقط فى الشعر ومش هيكون فى تساقط فأماكن تانية

🐾🐾
-طب اى تانى يوقع الشعر ؟
=الأدوية زى الكورتيزن (steroids)مثلا ممكن يوقع الشعر لو استخدم لفترة طويلة وممكن التطعيم كمان يسبب
نفس المشكلة
★★★★★
-اممم طب واى تانى
=لغبتط الهرمونات بالزيادة أو النقصان
- زى اى بقى هرمونات ممكن تأثر
=زى التستوستيرون والاستروجين و الميلاتونين و الكورتيزول
نيجى مثلا لل thyroxin
كسل الغدة الدرقية والى غالبا بيحصل فالكلاب بيخلى الشعر خفيف ورفيع بالزات منطقة الظهر ،زياد نشاط الغدة الدرقية والى غالبا بيحصل ف القطط بيخلى الشعر يتجمع ويكلكع تحت الجلد
🐾🐾🐾
-طيب اى اسباب تانى ؟
=ممكن حساسية ،الحساسية ف الحيوانات الأليفة بتبقى مركزة اكتر على الجلد و ورا الاذن
_ودى بتيجى من اى يا دكتور
=حجات كتير ممكن تسبب حساسية لحيوانك الاليف زى أنة يكون كل أكل بيسبب الحساسية أو شم ريحة معينة يكون بيتحسس منها أو حاجة لمست جلدة
-اى دا بجد هو ممكن يجيلة حساسية من الاكل 😮دى معلومة جديدة اول مرة اسمعها طب زى اى اكل يكون بيتحسس منة ؟
=ممكن القمح والذرة والسمك واللبن
-طب والروائح
=ممكن الدخان والسجائر والعطر
وخصوصا ف القطط بتتحسس سعات من العطر إلى بيكون ف litter بتاعها،ممكن كمان يجلها حساسية من السجاد و الزرع و الأرضيات لما تكون متعاملة بمادة كيميائية
-احنا فعلا بقالنا فترة بنطهر البيت بالكلور 😅
-طيب ممكن اى تانى ؟
=ممكن طفيليات الجلد او عدوى
زى القراد والقمل و الجرب ودا هيكون معاة حكة وبيجى ف أماكن معينة من الجسم يعنى الجرب بيكون مركز اكتر حولين العين ورا الاذن حول الفم ومنطقة ال elbow و ال
القمل فالظهر والرجل من ورا ،البراغيت ف منطقة ال hip
أو ال فطريات هى نوع من ال tenia بيعدى الجلد فشكل حلقى عشان كدة اتسمى الديدان الحلقية ودا معدى للبشر وممكن يكون عدوى بكتيرية
- لا ثوانى نرجع للفطريات تانى انت قلت معدى للبشر 🙄
=اة بس دا بيعتمد على المناعة يعنى لو مناعتك قوية مش هتظهر عليك اعراض وحتى لو ظهر ليها علاج بس خد بالك لتنقلها انت لحد تانى
🐾🐾🐾🐾🐾🐾🐾🐾🐾

07/12/2020

لية تربى حيوان أليف 🤔؟

اولا لإن الحيوانات الأليفة بتكون مصدر للطاقة الإيجابية ف البيت🥰 ،ازاى تكون متدايق أو زعلان وانت معاك كائن لطيف زى دة 😊.دا غير أنة حتى لو مش فاهمك بيكون حاسي بيك حاسس انك مبسوط أو زعلان وبيحاول يواسيك فزعلك
ثانيا انك تجيب حيوان أليف لإبنك أو بنتك هيخلى عندة احساس بالمسؤولية من وهو صغير وينمى عندة مهارات كتير جدا .🤸
ان يكون عندك حيوان الليف هيخليك نشيط جدا 🏃
لو حد كبير ف السن أو عايش لوحدة اكيد هيحتاج حيوان أليف
لازم يكون عندك رفيق فالبيت
احكولنا مين اول رفيق جالك البيت و كان اسمة اى🐈‍⬛🐈🐦