البادجي بالدارجة

22/01/2023

كتبقى الولاعة شي حاجة زوينة فحياتي. الحمد لله كانت سبب باش نعرف ناس من طنجة لگويرة، و من المغرب لشرق الأوسط و أوروبا...

الولاعة بصفة خاصة و الهواية بصفة عامة، كتربي فيك الصبر و الخدمة و الفضول و التجربة... و عمرك مغادي تولع الى مكانتش النية 🤍.
كيشوفوها ناس فلوس و انا كنشوفها ولاعة.

Un article sera publié la semaine prochaine dans le magazine ASK.

15/10/2022

السلام علیکم درس اليوم من تقديم الاخ أيوب المفتوحي، بحيث تطرق للصفة اللونية و كيف كنقولوا فصلها لينا بالتدقيق و عطانا الخريطة الوراثية و طريقة الخدمة باش نغمقوا و نحسنوا من الوان الطيور ديالنا، كذلك عطانا الفرق بين الطفرات الثلاث ، الموضوع غني بالمعلومات و الطريقة الشرح سلسة و بسيطة، نتمنى يكون الموضوع شيق، و سولوا لي بغيتوا غادي نكوموا في

الاستماع للأسئلة ديالكم بخصوص هاد الموضوع. https://www.youtube.com/watch?v=idGWppjBi8k

السلام عليكم ورحمة الله تعالى و بركاته اليوم ان شاء الله انتكلمو على موضوع اللون الأزرق عند طائر البادجي او بالأحرى طفرة اللون الأزرق 1- هل هي طفرة سائدة ا...

23/09/2022

السلام عليكم
بعد فترة غياب ليست بالطويلة، لنا عودة ان شاء الله بعدة مواضيع تخص النظام الغذائي و المناعة و حماية الفروخ...، كل العلومات ستكون بطابع علمي، كذلك سيكون لنا تواصل مع كل المولوعين سواء داخل المغرب او خارجه عن طريق تدوينات مباشرة او البث المباشر، كذلك الصفحة ستضخ معلومات انطلاقا من تجارب مولوعين مغاربة على حسب الصنف... و الله يوفق الجميع و بداية موسم موفق ان شاء الله ❤❤

24/08/2022

علاش صحاب كومبي ميكس و ماتريكس... غبرو هاد العام، واش هادشي صالح غير ملي كيكونوا اديرو ليه الاشهار و يبيعو و ملي يتحبس ميبقاش خدام و لا كفاش 😂

22/05/2022

موضوع من المولوع أيوب المفتوحي، غادي تلقاو فيه أجوبة عن تساؤلاتكم حول موضوع الفول بدي و الكلير و الگراي وينج...
______________________________________________

السلام عليكم و رحمة الله تعالى و بركاته
و الصلاة و السلام على اشرف خلق الله صلى الله عليه و سلم
📌 الدرس الثاني : تعريف طفرات عائلة الدايلوت
و الفرق بين الفول بادي و الكلير وينغ و الغراي وينغ و الدايلوت
📌تذكير للدرس الأول (انتاج تركيبة الرينبو من طيور عادية + معايير اختيار الرينبو 🌈🌈)
رابط فيديو الدرس الاول 👇👇👇
https://www.youtube.com/watch?v=Pgs4PtxtVzI&t=3s
على بركة الله
هاد الدرس انقسمو انشاء الله لعدة نقط لي بغا يقرا الموضوع مرحبا و لي بغا يزيد يفهم كتر صوت و صورة ها رابط الفيديو في الاسفل
* تعريف الفول بادي : الفول بادي ليس بطفرة بل تركيبة ناتجة عن تزاوج الغراي وينغ و الكبير وينج
* مميزاته : يتميز الفول بادي ب خدود دات لون قاتم بالدارجة المغربية عندو حناك بلون غامق انعاو نقولها غامق و سطر عليها ، ثاني حاجة كيمتاز بها الفول بادي لون الجسم غامق عمرك اتلقا فول بادي عندو عامل تخفيف او كتلقاه مخفف من غير لا ذخلات معاه طفرة بحال الفالاو على سبيل المثال اما تركيبة الفول بادي بوحدها فراه كتدخل عليها نسبة التخفيف ب 10٪؜ فقط
خلاصة عمرك اتلقا فول بادي عندو خدود او لون الجسم ديالو باهث .
اندوزو دبا للون الذيل فالفول بادي ، لون الديل فالفول بادي كيكون رمادي ممزرج مع لون الجسم مثال الا كان عندنا طائر فول بادي بلو سكاي انلقاو الديل ديالو ب رمادي و الزرق بعبارة خرا اتشوف الزرق و الرمادي ف الديل ديالو بجوج
آخر نقطة انتكلم عليها فالفول بادي و لي عي مهمة و لي هي الآجنحة فالفول بادي
شكل الآجنحة فالفول بادي كينقسم لعدة مستويات كاين لي شبيه بآجنحة الغراي وينغ و كاين لي شبيه بآجنحة الكلير وينغ
يعني تقدر تلقا فول بادي مستوى ضعيف جناحو مثا اجنحة الغراي وسنغ و تقدر تلقا فول بادي مستوى عالي و عندو اجنحة نقيين بحال الكلير وينغ
هنا اتكون كتسول راسك كيفاش انفرق بين الفول بادي مع الكلير وينغ و الغراي وينغ الا كان كيشبه ليهم فالآجنحة ؟؟؟؟ 🤔🤔🤔🤔🙄🙄🙄
غير صبر نعرف ليك الطفرتين بجوج و ديك الساعات كلنا انعرفو الفرق
دبا تكلمنا على اربع 4 د نقط مهمة و لي خاصك تعتامد عليها دائما فتصنيف عائلة الدايلوت و لي هما،
درجة لون الخدود ، درجة لون الجسم ، لون الديل ، و نقاء الآجنحة
* طفرة الكلير وينغ : من الإسم ديالها راه باين المعنى يعني نقاء الآجنحة ملي كنقول كلير وينج اهم حتجة و اول حاجة جناح خاصهم يكونو نقيين كيفاش ؟ انا انشرح ليك
* مميزات هاد الطفرة : كيتميز الكلير وينج بخدود غامقة بخالو بحال الفول بادي ى حتا ف درجة لون الجسم كتلقاه قاتم الإختلاف لي كاين هو ان الفول بادي مافيهش عامل التخفيف و الكلير وينغ كيدذخل عليه عامل التخفيف بنسبة 10-20 ٪؜ راه من الشوفة ايبانو ليك بحال بحال فدرجة الون و لكن لا دققتي فالخدود ايبان ليك الفرق فالفيديو انحط تصاور واضحين و غادي يبان ليكم الفرق انشاء الله .
دبا ندوجو باش نشرح ليكم شنو كنعني بنقاء الآجنحة : هي اسلحة الطيران خاصهم يكون باللون الآبيض او بالرمادي مفتوح يميل الى الآبيض من غير هادشي بلاما تكلم على صافي الجناح
آخر نقطة ف تصنيف الكلير وينغ و لي الآغلبية غالط فيها مع إحترامي للجميع
لون الذيل عند صافي الجناح انا فهاد البوسط بالضبط انحط تصويرت صافي الجناح و شوف الذيل ديالو
صافي الجناح كيكون لون الديل رمادي فقط فقط فقط فقط عاودتها ريعة لمرات باش تدخل لراسكم كيكون يا اما رمادي مفتوح او رمادي مغلوق من غير هادشي الا دخل معاه شي لون راه ميتصنف فول بادي هادي ماشي هضرة جايبها من راسي بل هضرة حكام عالميين في تصنيف طائر البادجي و كبار المولوعين في المفرب و استراليا و من هاد المنبر كنوجه واحد التحية للآخ عماد
دبا هنا انكون جاوبتك على كيفاش تفرق بين فول بادي نقي دو مستوى عالي و بين كلير وينغ نقطة الإختلاف هي لون الذيل
و عرفت ليك مميزات صافي الجناح
دبا سالينا الشق الأول لي معقد شوية تزوزو للشق الثاني و لي ساهل
الغراي وينغ و الدايلوت لي تقدر تميزهم بزربا و بسهولة
نيداو بالغراي وينغ
* مميزات طفرة الغراي وينغ : ملي كنتملم. على لغراي وينغ اوطوماتيكمون خاصها طيح فبالك عامل التخفيف علاش
درجة لون الجسم و درجة لون الخدود في الغراي وينغ كيدخل عليهم عامل التخفيف بنسبة 50 ٪؜ مثال لا كان الطائر غراي وينغ سكاي بلو فالشوفة غادي تشوف الون ديال الحسم ديالو باهث ماغاديش يبان ليك داك الزرق لي مولف تشوفو فالطيور العادية فالفيديو اتشوف الفرق مزيان
اندوزو دبا لآجنحة رمادي الجناح كيمتاز بأجنحة بلو رمادي و بعد لمرات كيكون رمادي مغموق بزاف
اما بالنسبة للذيل ديالو راه بحالو بحال الفول بادي كتلقاه رمادي و داخل معاه لون الجسم
* دبا اتكون عرفتي الفرق بين الفول بادي و رمادي ااجناح لي هو درجة التخفيف
* الدايلوت
* مميزاته كيمتاز الدايلوت ب نسبة التخفيف تصل الى 80 %
بمعنى لون ديال الجسم و لون الخدود شبه منعدم و هاصة لا كان موف
و بعد لمرات الخزود كيكون منعدمين
دبا الإخوان شرحت ليكم كل طفرة على حدة مميزات ديالها و و ميفاش تصنف كل طائر و الفرق بين الفول بادي و الكلير
و بين الفول بادي و الغراي وينغ
نتمنى انني نكون وصلت ليكم الفكرة و لي مواضحاش ليه شي حاجة و لي مزال نالف ف شي حاجة يسول مرحبا ف لي كومونطير
و لي بغا الفيديو ديال هاد الدرس مشروح صوت و صورة و كل نقطة مشروحة مزيان ها رابط الفيديو 👇👇👇👇👇
الله يسخر للجميع
https://www.youtube.com/watch?v=Zgeg3g-Db3Q

opaline golden single cobalt opaline golden double cobaltfull body opaline mauvefull body cobaltfull body golden singleRainbow

29/04/2022

في الاعادة إفادة
موضوع من الاخ أيوب المفتوحي حول إنتاج الرينبو

السلام عليكم ورحمة الله
اخوان انشاء الله ناس لي عاد بادية فالبيروش و مزال مرونين و كيدوخوهم الطفرات هاد الفيديو درتو شرحت فيه مناش كتكون تركيبة الرينبو و كيفاش تنتجها من طيور عادية
ملاحظة هاد الفيديو مديور للناس لي عاد بادية او مزال عندها شي نقص ف تركيبة الرينبو
انشاء الله نكون فدتكم و لي بغا يسول مرحبا سواء في الخاص او في التعاليق مرحبا في اطار الولاعة و تبادل المعلومات
https://www.youtube.com/watch?v=Pgs4PtxtVzI

opaline golden single cobalt opaline golden double cobaltfull body opaline mauvefull body cobaltfull body golden singleRainbow

17/03/2022

السلام عليكم الاخوان نتمنى ان شاء الله الكل يكون بخير.
المهم نتمنى فهاد البوسط نعرف اشنو باقي ناقسكم و اشنوا تبغيو تعرفوا حيت الا حدود الساعة تكلمنا فمجموعة من الدروس لكن مزال معرفتش اشنوا باقي خاص و ملغيتش نخرق المراحل للذلك كنتمنى نشاركوني اقتراحاكم باش نعرف فاش ممكن بضبط نهضر...
و شكرا
بس : القائمة ديال اهم الدروس لي ناقشنا للحدود الساعة

✅اسم الصفحة : البادجي بالدارجة

✅رابط القناة : https://youtube.com/channel/UCTrN9NrElSpCArarzlKS6uA
______________________________________________

◀️مدخل للوراثة بشكل عام
https://youtu.be/KjMp3eFFogM

◀️شرح الطفرات السائدة
https://youtu.be/vXwPMJiZl8M

◀️شرح الطفرات المتنحية
https://youtu.be/R1YeNNGyZJ8

◀️شرح الطفرات المتنحية المرتبطة بالجنس
https://youtu.be/kuGUhtJIhpo

◀️شرح الفرق بين الكلير وينج الجراي وينج و الفول بدي و الدايلوت
https://youtu.be/XpcYxAMBYMI

◀️شرح معايير و طريقة اختيار رينبو ( جودة الرينبو )
https://youtu.be/SlGAcrqwxW8

◀️انتاج الرينبو ذو جودة من طيور عادية
https://youtu.be/NOp9OCDa5K0

◀️شرح الجولدن فس و الفرق بين الجولدن سينجل فاكتر و الجولدن دبل فاكتر
https://youtu.be/H9_PZtgEINc

◀️شرح اليلو فس و الفرق بين ال يلو فيس نوع اول والنوع تاني
https://youtu.be/gGJkAqaTcvc

◀️طريقة تركيب الهوغو تكساس
https://youtu.be/Ms60fv6Tg1I

◀️طريقة تركيب الرينبو هوغو
https://youtu.be/yLlcDfQWY5o

◀️طريقة تركيب البلاك وينج هوغو
https://youtu.be/x3elj1BmTnE

◀️تركيبات الفالو رينبو
https://youtu.be/4EzgXX8iGTU

◀️تركيبات البلاك فيس بلاك وينج
https://youtu.be/nv5A8oLYeZQ
شكرااا ❤

❤ID93🖤

03/03/2022

تركيبات البلاك فيس بلاك وينج

26/02/2022

❤❤

21/02/2022

الموضوع ما عندو علاقة بالوراثة لكن يهم كل مولوع
حاليا المغرب يعيش حالة يرثى لها في ما يخص غلاء الاسعار و هادشي أثر بشكل مباشر على المولوع بحيت ثمن الطيور نقص بالمقارنة مع ثمن البشنة و الزوان لي تضاعف و مبقاش مناسب للقدرة الشرائية للمولوع المبتدئ و حتى المحترف بل الأكثر من ذلك بعض اصحاب المحلات لي لا علاقة لهم بالولاعة كيستغلوا هاد الضرفية و كيزيدوا يأزموا الوضعية أكثر لكن بغيت نعرف بالمقابل اين هو و لي كتأطر هاد الجمعيات من هاد المشاكل كلها .
واش #الجمعيات مكيقتارحوش حلول واش مكاينش واحد plan d'action خاص يكون فهاد الحالات ؟ او ان الجمعيات كيهمها غير فلوس الانخراط لي كيتراوح من بين 100 حتال 300 درهم فالمغرب و فلوس les bagues و الدعم السنوي و sponsseur اما مصلحة المولوع الله اعلم فين هي... حيت الى حدود الساعة ما كابنش شي جمعية دارت شي خطوة.
فهاد الوقت لي خاص الجمعيات تخرج للارض الواقع و تقتارح بعض الحلول حيت الا مكانوش حلول فهاد الحالات مكاين لاش نديرو جمعيات و نبقاو عشوائيين من الأحسن.
على الاقل هادي هي الوقت فين تبان خدمتكم و تخرجوا بحملات تحسيسية باش المولوع يعرف يتصرف فحالات بحال هادي و تعطيوه حلول بديلة باش يكمل و يتشجع على الولاعة اما الا بقينا ماشين بهاد الشكل راه كل عام غادي يغادرنا عدد مهم من مواليع و القيمة ديال الطائر اتنزل و جهد السنين لي كيتضرب على قبل طفرة معينة غادي يمشي و هادشي مبغيناهش الا بصح بغينا هاد الولاعة تزيد القدام

26/01/2022

السلام عليكم الاخوان
نتمنى ان شاء الله تكونوا على خير
درس اليوم ايكون على الفالو رينبو
لي عندوا اي تساؤل مرحبا
اي خطأ وقع من جهتي مكرهتش تنبهوني ليه و تناقشوني في حدود الاقناع .
شكرا

ID93 ❤

08/12/2021

السلام عليكم
حتال دابا هادو هما المواضيع لي تطرقنا ليهم ، و مازال أن تطرقوا لمواضيع أخرى… كذلك مكرهش تقترحوا مواضيع لي بغيتوا ناقشوها ( الوراثة والطفرات و التركيبات ).

مدخل للوراثة بشكل عام
https://youtu.be/KjMp3eFFogM

شرح الطفرات السائدة
https://youtu.be/vXwPMJiZl8M

شرح الطفرات المتنحية
https://youtu.be/R1YeNNGyZJ8

شرح الطفرات المتنحية المرتبطة بالجنس
https://youtu.be/kuGUhtJIhpo

شرح الفرق بين الكلير وينج الجراي وينج و الفول بدي و الدايلوت
https://youtu.be/XpcYxAMBYMI

شرح معايير و طريقة اختيار رينبو ( جودة الرينبو )
https://youtu.be/SlGAcrqwxW8

انتاج الرينبو ذو جودة من طيور عادية
https://youtu.be/NOp9OCDa5K0

شرح الجولدن فس و الفرق بين الجولدن سينجل فاكتر و الجولدن دبل فاكتر
https://youtu.be/H9_PZtgEINc

شرح اليلو فس و الفرق بين ال يلو فيس نوع اول والنوع تاني
https://youtu.be/gGJkAqaTcvc

طريقة تركيب الهوغو تكساس
https://youtu.be/Ms60fv6Tg1I

طريقة تركيب الرينبو هوغو
https://youtu.be/yLlcDfQWY5o

طريقة تركيب البلاك وينج هوغو
https://youtu.be/x3elj1BmTnE

شكرااا ❤

❤ID93❤

06/12/2021

سلسلة الوراثة في البادجي
مدخل الى عالم الوراثة و التصنيفات
الجزء الرابع والاخير : شرح الطفرات المتنحية المرتبطة بالجنس
كلشي أتلقاوه هنا ان شاء الله ❤

28/11/2021

سلسلة الوراثة في البادجي
مدخل الى عالم الوراثة و التصنيفات
الجزء الثالث : شرح الطفرات المتنحية
كإضافة شرح السيادة المشتركة و متساوي السيادة
كلشي أتلقاوه هنا ان شاء الله ❤

19/11/2021

السلام عليكم الخوت
كنعتاذر حيت مكنجاوب حتى واحد و مبقيت لحت حتى درس للأسباب منها :
الكونت الشخصي مستهدف كذلك المجموعة لي كانت جامعانا مشات بسبب التبليغ كذلك الحساب هادشي وصل حتال الحساب ديالي (واتساب )
ماغاديش نحبسو هادشي و غادي نكملوا ان شاء الله و الا حين نشد فإيدي سكرين و التسجيلات الصوتية( ميسنجر و واتساب ) كلشي ايتحط هنا و نفرشوا هاد الحفلة و يا إما نقادو هاد الولاعة أو نقتدوها نيييييت و ديك الساعة نشوفوا شكون ايخسر ان شاء الله.
نتمنى الباج توصل للاكبر عدد من الناس حيت هي صلة الوصل الوحيدة لي بقات بيني و بينكم و الا مشات حتى هي ميعادنا يوتيوب و نعاودو نبداو صفحة جديدة من تما و ن0يرو صفحة اخرى باش المعلومة توصل و كلشي يتعلم ان شاء الله و انشاء الله نردوا الاعتبار للولاعة و ماليعها ديال بصح ❤
و شعارنا كيف ديما ماتشريش ب 4000 درهم و 5000 درهم و 10.000 درهم ولكن خدم طيورك راسك و عماد يوريك كفاش ان شاء الله ❤💜

17/11/2021

في عالم البادجي لا وجود للحظ لكن كاين ناس خدمات بالانتقاء و صبرات و قدمات تضحيات للغرض واحد هو الولاعة فقط، هادي كانت طريق مولوع يصنف ضمن الكبار من مدينة السطات zakariae messaoudi لي صراحة ترفع له القبعة بطائر رنبو فالو كلير وينج غولدن بمواصفات جد جد جد محترمة اللهم بارك و لي للحد الآن مشفتش بحالها فالمغرب يستاهل يكون مثال للمولوع كيخدم و خصوصا فالتركيبة جد جد جد صعبة خصوصا الفالو من الطفرات لي كتخفف الالوان كذلك لي الشرف يكون في صفحتي ناس بحالو ❤ نتمنى ان شاء الله يكون مثال للماليع لي كيخدموا على هاد التركيبة ان شاء الله.
انخليكم مع صور للأبوين ( الابوين رينبو حاملين للطفرة الفالو)
الانتاج %25 فالو رينبو لي كتبقى توفيق من الله سبحانه للناس ذوي القلوب البيضاء🤍.
الله اسخر ليه .
ادعوا له بالبركة
Zakariae Messaoudi ❤🤍ZM96❤🤍

15/11/2021

سلسلة الوراثة في البادجي
مدخل الى عالم الوراثة و التصنيفات
الجزء التاني : شرح الطفرات السائدة بكل انواعها
كلشي أتلقاوه هنا ان شاء الله ❤

10/11/2021

السلام عليكم الاخوان
بغيت نكتب الموضوع و بقيت متردد للسبب أنني ماشي مؤهل باش نهضر فمواضيع تشخيص الامراض و كيفية الوقاية منها لكن تجربة السنوات لي دازوا كتخليك تفهم جزء منها ... ما علينا كيف كتلاحظوا الصور ( من الانترنيت تفاديا للمشاكل مع المواليع ) كتلاحظوا موت الفراخ رغم انها كتكون واكلة كذلك كتلاحظوا ضعف النمو عند الفراخ و احمرار الجلد و البطن ... كل هده العلامات كتدل على مرض الكانديدا، لكن قبل مندخلوا فالعلاج نحطوا بعض النقط عاد نكملوا
واش كتراعي فالغرفة عندك فيها للهاد المسائل ( التهوية، الحرارة ، الرطوبة ، الاضاءة ) ؟
واش كتنظف القفاص بشكل دوري و كذلك المشربيات و باقي الاكسسوارات ؟
واش كتبدل النجارة بشكل يومي للفروخ ؟
واش متأكد بلا الحبوب لي كتستعمل نقية ؟ المصدر منين كنشريها واش كيراعي للظروف التخزين ؟
واش كتفحص الحبوب ديالك ؟
واش كتبدل الماء بشكل يومي ؟
واش مكتستخدكش خل التفاح لي كيتعتبر ثمن ديالو رخيس ؟
واش عمرك خدمتي على رفع المناعة عند الطيور ديالك ولا غير همك تشري الدواء البيطري او بشري و نسيتي المناعة ؟
راه لا يعقل تكون خدام و انت معندكش آليات كترفع المناعة فالطيورك ؟ راااااااه رخييييييييييييس هدشي
واش كتستعمل حبوب كاملة لي تعوض فيتامينات و املاح و كالسيوم و ما الى ذلك ... ؟
واش ميلتي فيثامين لي كتستعمل و لي هي كميائية ماشي من مصدر طبيعي أحسن من كيلو ديال العسل الحر ؟ فكررررررررر اصحبي و متبقاش الريح و الموجا لي جات تهزك ... و عينك ديما على القاعدة ديال القفص ( البلاطو فين كيتجمع البراز ) حيت هداك هو عينيك و من تما اتستنتج واش راك غادي مزيان
راه الا مكنتيش كتراعي هادشي لي الفوق والله العظيم اتلقى حياتك عذاب مع الفراخ و غادي تكره الولاعة حيت الانتاج عندك مكابنش و هادي اكثر حاجة اتكرهك فالولاعة .
انا ماشي ضد الدواء و لكن انا ضد الدواء لي كيتروج ليه بشكل خاطئ و من ناس غرضهم الكذوب و يبيع الپيريمي
و كذلك سوء التشخيص بغرض البيع ( راك فاهم ) و لكن انا مع الدواء البيطري ( لي فيه و فيه 😉) و مع الدواء البشري لي يليق بالطيور و الاعشاب الطبية وا إلا ذلك ...
-----‐--‐---------------------------------------------------------------
الحل :
عزل الطيور لي كتحمل المرض
تعقيم الغرفة و الاقفاص و الاكسسوارات و صناديق التفريخ
حبس الانتاج و فرق الذكور على الانات
استعمل النيستاتين مع ديفولكان ( دواء بشري فالصيدلية )
طريقة الاستعمال حبة ديفولكان تزيدها على نيستاتين و تقدمها 5 ايام ( 8 نقط فالمشربية ديال 50 ملل) للدكور و الانات من بعد يومان البكتيريا النافعة ( متستعملش البكتيريا النافعة لي مستخرجة من مشتقات الالبان ) و يومات فيتامينات و املاح معدنية و تهلا فالفراخ و عاود تاني 5 ايام من الدواء للفوق و من بعد يومان بكتيريا نافعة ( نفس الملاحظة لي قلت الفوق ) و يومان املاح معدنية و فيتامينات و تهلا فاافراخ .
في حالة كانوا عندك ولاد صغار نقط فالفم مباشرة للمدة 10 ايام مع الاحتفاظ ب 8 نفط فالمشربية طول هاد المدة .
قلب على حبوب كاملة رافعة للمناعة و بقى خدام العام كامل على رفع المناعة و النظافة النظافة النظاااااااااااااااااااااافة
ملاحظة :
تأكد بلا طيورك مافيهمش التريكومونوز و السالمونيلا .
الله المعين خوتي
موضوع بالشراكة مع مواليع مغاربة و مصريين و عراقيين ماشي بحدي
❤ID93❤