Miss Meow Farica

17/01/2024

👧🏻👦🏻 接觸狗狗前必須記得「5不1問」！ 🐶
HKDR 二十年來為無數狗狗尋家，並持續進行教育推廣，很明白小孩通常對動物都很感興趣，產生想要摸、和牠們玩的衝動。家長必須先了解如何與狗接觸，學會尊重狗狗也有Say No的權利，才能給予小孩正確的教育與引導，讓孩子與狗狗相處變成愉快而安全的友好經驗！

開咬通常是狗狗受驚而自我保護的行為。任何品種或大小的狗隻，即使是樣貌最毛茸茸、最可愛、最親人的狗，如受挑釁或驚嚇，都有可能出現自衛行為，如︰吠叫、低吼、咧齒，甚至開咬。但只要我們學懂觀察和尊重狗狗的意願，被狗咬幾乎都是可以避免的。

HKDR 教育及犬隻訓練經理 Cactus (Cactus N Dogs毛孩家庭教育) 特別就這「5不1問」重要原則製作了教育海報，透過簡單易明的圖畫及文字表達哪些舉動狗狗不喜歡，以及與狗狗打招呼的正確步驟，希望協助家長和老師早一步為孩童灌輸正確觀念，讓我們的社會達至人狗共融！

歡迎家長及教學團體至網站下載免費中英文版教材 (連結見留言)。

23/10/2023

豹姐同娟姐嘅近況

冬天過咗， 依家係春天同夏天嘅交接， 兩位甩毛甩到痴咗線😮‍💨 但係亦都因為咁， 佢哋睇落瘦咗啲🤣

13/09/2023

突然失憶唔記得咗邊個領養咗佢哋添

15/08/2023

星期日去上咗一個workshop， 呢個workshop係教人點樣喺屋企嘅花園或者露台安全咁建造一個戶外空間畀貓貓。
Workshop分開咗三部分， 第一部分係由 Dr Heather Crawford 講解放養貓嘅壞處， 對野生動物嘅影響， 同埋對貓貓本身嘅健康影響。 當中講到放養貓嘅死亡比率， 佢有問在場參加者有冇曾經因為放養貓而令到貓貓身亡(打交， 失蹤， 比車撞， 比狗咬，比人傷害等） 竟然好多人有舉手🫠 （Dr Crawford 係一個動物學家， 主力研究貓😊）
第二節係由一個對起貓patio （catio) 好有經驗嘅builder講解應該點樣設計， 同埋落手diy。 聽到我一頭霧水 🤣
第三節就係有一個環境及保育學家講解我哋可以點樣設計一個適合貓貓而又對野生昆蟲動物有益又安全嘅花園。

Workshop 完咗我有同 Dr Heather Crawford 傾咗一陣計， 希望嚟緊可以合作做啲教育嘢 👍😊 仲有Cat Haven 負責人都有嚟聽講座, 都有去同佢傾咗陣🤣

#我的澳洲生活離不開貓

12/08/2023

6貓裏面年紀最大嘅佢今日生日呀🥳

07/08/2023

😑 點解D人咁鐘意放養 😑
娟姐比人騷擾 🫠

P.S. 澳洲唔同地區係有唔同level嘅law去管制放養貓&流浪貓情況， 原因係户外貓對本土野生動物嘅影響好大。 我哋香港有嘅cccp 計劃喺呢邊係唔合法㗎！ “捕捉， 絕育， 放回” 呢個動作係要控制戶外貓嘅數量， 但係喺澳洲， 係要杜絕有戶外貓。 有啲地區政府直頭會畀錢人去捉流浪貓， 逐隻計錢。 暫時呢啲對戶外貓嘅規定仍然是乎地區管制， 但係統一都係時間問題， 喺不久嘅將來其他地區都會跟隨同樣對貓隻嘅管制。 所以呢度好多人都會選擇用 catio（cat patio) 喺自己花園起一個半戶外範圍比自己嘅貓有限制咁喺戶外活動。

#其實除咗對野生動物有影響之外 #放養超級危險 #有車有狗有人類 #仲有病 #請勿放養 #為你嘅貓貓健康著想

https://www.dcceew.gov.au/environment/invasive-species/feral-animals-australia/feral-cats

留意佢哋係視Feral cats 野貓為Pest (害蟲/動物）

01/08/2023

如沒愛心， 請勿養寵物

01/08/2023

Rest in peace now little guy 😔🐋

滿意啦人類

你打過嘅卡一陣就會被遺忘於電話相簿
你呃完嘅like一陣就會被遺忘於茫茫網海之中
你賺到嘅船費一陣就會用哂
你威完嗰一下一陣好似就無事發生過

但呢條生命一去就不復返

25/07/2023

啱啱揾到豹姐同娟姐5年前3歲嘅時候嘅相🫢 同而家真係太大分別囉 😂😂😂😂😂 發生咩事😂

16/07/2023

娟姐同豹姐嘅近況

冇做貓保母嘅呢段日子佢哋養專處優 🫢 身軀日漸圓潤 🫢 手腳越嚟越短 🫢 越嚟越貼地 😂

#已經食返生肉餐 #減緊份量

04/07/2023

尋日出完post之後， uk代表嘅家長表示棵袖珍椰子已經陣亡， 用嚟撩緊牙啦🫢🤣 佢哋已經要買第二棵 🤣🤣🤣🤣🤣🤣

#家長回圖 #港短移民英國 #領養代替購買 #移民不棄養

03/07/2023

來自UK嘅代表 🫢

#英國籍嘅唐貓 #移咗民嘅港短 #袖珍椰子

12/06/2023

🤣 領養家長send嚟 🤣

#多貓戶 #仲多過我 #佢哋買咗好多棵

30/05/2023

又有領養家長加入袖珍椰子行列啦 🤣🤣🤣🤣🤣

#有冇人認得佢

29/05/2023

領養家長今朝send嚟㗎 🤣 大家見到袖珍椰子嘅威力啦 🤣

#三年前喇喎

27/05/2023

好多領養家長都會問
“應該要買咩牌子嘅化毛膏呀？”
“定係排毛粉呀？”
“有排毛成分嘅乾糧呢？”

我就選擇天然啲嘅方法，食草🤣
佢哋自己知道需要嘔毛， 就會去食草。 食完就嘔曬出嚟㗎喇☝️

#袖珍椰子

08/05/2023

#現況

6貓已經成功登記成為澳洲貓喇， 佢哋都好快習慣咗呢個新環境。

我哋嘅領養家長裏面其實有好多個都移咗民， 有去咗英國嘅， 有去咗加拿大嘅， 嚟緊都有幾個領養家長會帶埋貓貓移民。 記住貓貓係你嘅家人， 去邊度都要帶埋佢哋呀！

26/04/2023

我有大事要宣佈, 其實都有家長發覺我靜咗好耐。 喺幾個月之前我已經離開咗香港喇， 但係因為自己六隻貓一路都未飛得, 所以都未有時間交代。

（ 早兩個星期執嗰隻貓b， 係咁啱喺我返香港接自己啲貓嘅期間執㗎！返嚟一個星期都可以執到貓呀🤣）

感激大家一路以嚟嘅支持， 喺度仍然會繼續營運， 繼續幫香港嘅貓咪搵屋企 🥰 繼續同大家分享讓貓嘅資訊 🥰

-------------我是分隔線----------

跟住我想分享我哋離開香港嘅血淚史， 希望將會移民嘅你哋千祈唔好放棄你嘅貓貓同埋狗狗。 加油呀！

動物大遷徙： 6隻港短飛澳洲

#需要強大無比嘅心臟 #一籠兩貓要同品種同埋差唔多重量 #澳洲

兩年前開始著手搞佢哋飛澳洲嘅手續，一心打算全程自己搞， 最後都係要請agent幫手。

首先一年要打一次嗰啲針就唔可以少啦， 我哋好好彩附近就有spca診所， 打預防針呢啲可以好近又好平咁做到。 我有同spca醫生講我哋係準備離開香港嘅， 佢都非常好人， 答應可以幫手簽文件。 我哋喺spca打晶片， 打瘋狗症針， 抽血驗抗體， 由spca幫我哋send去英國驗。 （SPCA 收嘅價錢係比較平㗎， 但係佢哋嘅appointment比較難book)

以下係去澳洲政府漁護署 step by step guide 如果去澳洲嘅動物家長可以參考一下。

https://www.agriculture.gov.au/biosecurity-trade/cats-dogs/step-by-step-guides/category-3-step-by-step-guide-for-cats

一早已經打好曬預防針，打咗晶片， 打左瘋狗症針， 驗咗血， 寄咗去英國出驗血報告， 等足澳洲政府要求嘅180日， 終於可以申請澳洲入境permit， 出咗permit之後我就開始搵機票， 同埋book澳洲動物隔離嘅位置。 一路以嚟都打算所有嘢親力親為， 拖住六隻，我真係冇本事畀咁多錢請agent搞。 我喺個心度諗， 我只要學識做一隻貓嘅文件， 其實做六隻都係一樣啫。 雖然一路以嚟都係戰戰兢兢， 但係都算係雄心壯志。

入戲肉
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
澳洲政府喺2023年改咗動物入境政策， 隔離時間由十日改為三十日，當時真係崩潰， 30日對人嚟講都已經好長時間， 我真係想像唔到佢哋隔離30日會係點。 而且隔離30日，我哋要每隻畀多二十日嘅隔離費。好彩嘅係，我哋嘅permit一早出咗，入境澳洲隔離嘅日子都book咗， 所以政府批准照原定時間隔離十日， 但係如果有任何改動，就要跟足新嘅隔離規定， 隔離三十日。

國泰一路都唔肯confirm我嘅機票， 我哋一定要喺book咗隔離嘅日子飛， 我每半個月照國泰指引email去負責cargo嘅部門check住機票情況。 呢個動作基本上我由22年8月開始已經做， 但係去到二月嘅時候佢都仲未可以confirm我有冇位我就開始驚。 所以雖然星加坡航空要轉機， 我都打算book。 星航好快覆咗我， 要求我要通過佢哋指定嘅agent book機票， 搵咗agent book 但係最後我哋冇飛到星航，因為佢哋唔可以一次過飛六隻動物咁多， 最後求agent幫我book國泰， 兩貓一籠， 直飛墨爾本去隔離中心。 喺我confirm咗agent飛國泰嘅第二日， 國泰已經覆咗agent confirm機票。 重點係， 一機得6個貓位， 我一早已經request咗嗰日嗰班機嘅嗰6個位！！！！！Agent book 即confirm 囉！！！！唔想做散客你早講嘛！！我唔洗又填form又email啦！拖咗我幾個月！！！
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥
💣💣💣💣💣💣💣💣💣💣💣💣💣💣💣💣💣
🥺🥺🥺🥺🥺🥺🥺🥺🥺🥺🥺🥺🥺🥺🥺🥺🥺
嗰吓我嘅心情係非常複雜㗎， 當然我好開心佢哋可以喺原定嘅時候飛， 但係亦都證明咗冇agent的話， 我哋根本冇可能可以自己買到機票。 我絕對感恩今次巧合地搵到呢個agent， 如果一路堅信自己可以自己搞曬所有嘢， 佢哋6個一定上唔到機。

由於前期所有文件同埋入境申請都係我自己搞， 所以agent淨係需要book機票同埋做上機前文件。 收費絕對合理。

喺佢哋飛之前嘅幾個禮拜， 6貓裏面最老嗰隻無啦啦爆咗肛門腺， 我第一時間打畀agent, 佢當日就帶埋獸醫上門睇我隻貓。 真係好多謝佢哋嘅幫手。

上機嗰日準備好曬毛毛軟墊， 噴哂貓香薰， 一切都順利。 去到澳洲PEQ， 收到佢哋嘅email confirm六隻安全入曬去。 佢哋嘅communication唔錯嘅， 六隻貓裏面有兩隻頭一日冇食嘢 PEQ 都即刻email我， 提議我訂佢哋食開嘅嘢食入去。 我都有即刻做， 最後嗰兩個肯食嘢， 我都有收到email話我知。

Quarantine 期間發生嘅一件最大嘅事係收到PEQ send 嘅 urgent email 話我哋嘅rabies vaccine 過期。發現原來係因為當日打針嘅時候醫生寫咗下一針嘅日期係2023年4月， instead of 2024年 🥺 我情急之下即刻搵咗agent， 佢哋即刻聯絡香港漁護署， 而且叫我搵香港當日打針嘅獸醫寫六封信， 證明下針日期應該係2024年4月， agent幫我將六封信交畀香港漁護署， 然後由香港漁護署聯絡澳洲漁護署證明rabies針仍然有效。 最終冇事， 我哋可以如期離開quarantine，再由本地澳洲agent由PEQ接咗佢哋， 飛到西澳， 送到屋企。
我哋七母女終於團聚喇！！！！！💛

#各位加油呀

20/04/2023

有冇家長要加貓呀？ 三色嘅男仔呀！ 極罕有！！！！

10/04/2023

出住呢啲相先， 但係佢將會比另外一個義工湊， 如果有興趣揾我呀！


#男仔

208g 2weeks old

17/02/2023

嗲豬揾屋企呀！有興趣嘅快D揾我！

約4個月大。女。
為食痴手黨🫶🏼
鍾意玩，鍾意摸。
少少怕醜，但其實痴人到爆🤣

08/01/2023

尋家 #女仔

快啲揾我領養佢呀！

08/01/2023

尋家 #女仔
有興趣領養快啲揾我呀！

29/12/2022

你哋屋企嘅主子會唔會幫手換床單㗎？

28/12/2022

飛機籠套義賣助毛孩

現貨有三隻呢個pattern， 仲有邊個要買呀？
$150 each (不計成本全數捐出）

（之前賣出咗五隻將會捐助下面呢位獨立義工, 佢依家照顧緊50+老弱病貓, 大家可以去支持下佢呀！）

https://www.facebook.com/profile.php?id=100076596360717&mibextid=ZbWKwL

25/12/2022

🎄💛⛄ Merry Christmas ⛄💛🎄