「My name is 坂本龍一，you're now listening to Chi Chung's Choice.」
這是我每個週六晚上最期待聽到的聲音。說來慚愧，在陷獄前的我並不認識坂本龍一，就算曾聽過〈末代皇帝〉這齣電影，有在飛機上看過〈Call Me by Your Name〉，我也不曾知道這些電影的配樂原來是由「教授」主理。直至入獄後，我養成了晚間收聽電台的習慣。就在某個週六，我偶然聽到坂本龍一的名曲——出自同名電影〈戰場上的快樂聖誕〉的〈Merry Christmas Mr. Lawrence〉， 我於剎那間被震撼。我本來就不是一個常聽音樂的人，就算偶爾走到YouTube或打開電話中的音樂App，我的Playlist都是充斥着帶點MK味的香港流行曲，我實在難比想像自己會被沒有人演唱，以鋼琴為主軸的純音樂所吸引，但此曲做到了，亦令我開始對坂本龍一着迷。雖然在教授云云眾多作品之中，DJ黄志淙還是偏好播放了〈Merry Christmas Mr. Lawrence〉及其變奏版本，但仍無損我每週準時收聽節目的興致，因為實在是百聽不厭。
呢首歌派台嘅時候，絕對可以用驚艷嚟形容，無論係曲風定係演繹手法都打破咗我對香港歌嘅固有形象。記得6月「明日之廣東歌」展覽期間，DJ Colin 每晚都會請歌手上廣東爆谷做live唱歌，每一晚Colin都會問嘉賓心目中嘅「明日之廣東歌」係點，當時某個歌手（好似係泳兒）揀咗〈狂人日記〉。呢首歌所展示嘅係香港歌嘅可塑性，本地樂壇唔一定只有慘情歌，或者so called嘅K歌。希望阿Jer可以繼續做好SOLO作品，但下次可以試吓唔好搵Supper作曲😄。
〈深夜浪漫〉張蔓姿
唔知大家仲記唔記得以往嘅WhatsApp冇得熄last seen、hide status，嗰陣時偷睇自己鍾意嘅人嘅last seen 時間同WhatsApp status，大概同而家stalk人IG story一樣，都係掌握心上人動態，甚至心情嘅重要資訊。好多戀情都係有咁樣你stalk下我，我stalk下你開始，借意展開對話，傾到通宵達旦，雙方都唔捨得講一句Good Night。張蔓姿將屬於呢個階段嘅甜蜜同忐忑唱出來，感覺好似返咗去戀愛啱啱萌芽嘅時光咁，甜到漏。
由先拔頭籌到落後，到追平再反超，氣氛伴隨住賽事發展而轉變，不變嘅係每當聽到張家朗得分，收押所內嘅囚友都會為佢歡呼打氣。刺下決勝嘅第15分之時，叫聲更係響徹荔枝角。「香港」、「We are Hong Kong」此起彼落，若非面前嘅鐵欄同身上嘅囚衣提醒我所處之地，呢度就同香港其他角落一樣，陷入勝利嘅狂歡之中。高牆所設下嘅限制，此刻因體育而被打破。
Be the first to know and let us send you an email when 梁晃維 Fergus Leung posts news and promotions. Your email address will not be used for any other purpose, and you can unsubscribe at any time.
