House of chickens

Home
House of chickens

chicken care

26/06/2023

كنكر الحمام (trichomonas gallina)

مرض طفيلي يصيب الحمام ، المرض ده مصاحب لفصل الصيف ورغم ضعفه الشديد خارج الكائن الحي يعني لو الطفيل خرج برا الحمامه بيموت فورا الا انو ليه تأثير ممكن يصل لنفوق الحمام

الانتقال
المرض ده بينتقل عن طريق تأكيل الاباء للزغاليل او عن طريق المايه عشان كده لازم تهتم بتغير المايه خاصاً فس فصل الصيف

الاعراض
1-ضعف الحمام المصاب ونزول وزنه بشكل ملحوظ
2-صعوبة الطيران
3-قلة الحيويه
4-ظهور تجبنات في الفم

ازاي المرض بيبدء؟؟
يظهر المرض على شكل حبيبات صفراء على القصبة الهوائية تبدء من الكبد في البداية ثم يصل الى اعلى فتحة الفم وتكبر هذة الحبيبات في الحجم وتغلق القصبةالهوائيه مما يجعل صعوبة التنفس تصل الى اختناق الحمامة اذا لم يعالج يزال من الفم ، ﺇﺳﻬﺎﻝ ﺍﺧﻀﺮ ﺍﻟﻠﻮﻥ ﻭﺧﺎﺻﺔ ﻟﺪﻯ
ﺍﻟﺼﻐﺎﺭ، ﺍﻟﻀﻌﻒ ﺍﻟﻌﺎﻡ ﻭﺻﻌﻮﺑﺔ ﺍﻷﻛﻞ والتنفس

العلاج
الفرد المصاب هحاول اشيل التجبنات من الفم وعلاج الكنكر ادوية كتير اشهرها الفلاجيل +بروتوزول
جرعه الفرد الكبير سنتى فلاجيل + نص قرص بروتوزول لمده5 ايام
جرعة الفرد الصغير نص سنتى فلاجيل+ نص قرص بروتوزول. الطريقه دي لو مربي فى عيون

طيب لو مربي جماعي ؟؟
تقدر تضيف على كل لتر ماء 5 سنتى فلاجيل لمده 6 ايام او اضافه لمون وزنجبيل وبصل ولكن هيكون مكلف موضوع

20/06/2023

كيف تختار اضحيتك🐏🐏

1-الارجل لازم تتأكد انو الاضحيه قادره علي المشي بشكل طبيعي والارجل سليمه بدون اصابات

2-حجم البطن من اخطر الحجات لان بعض التجار بيتعمدوا يشربوا الاضاحي كميه كبيره من المايه عن طريق تعطيش الحيون وتأكيله الملح وده هتعرفه لما تلاقي الحيوان بطنه مليانه بطريقه مبالغ فيها او شرهه الحيوان للمايه

3-ظهور العظم في الاضحيه احد الادله علي سوء تغذيه الحيوان وبالتالي وزن قليل واهم مناطق بروز العظم الصدر وعظام اسفل الظهر (الدبوسيه)

4-سهوله نتف الشعر او الصوف من الحيوان دليل علي ضعف الحيوان او اصابته بأحد الامراض الجلديه

5-الشموخ ورفع رأس من علامات صحه الحيوان وحيويته العاليه

6-العين البراقه لامعه من علامات صحه الحيوان وتتأكد من عدم وجود اي نوع من الحشرات

7-ارتشاح الانف دليل علي اصابه الحيوان بأحد الامراض التنفسيه وده بدوره هيأثر علي الاضحيه

الصور توضيحيه في الكومنت
وكل عام وانتم بخير🎉❤️❤️❤️

30/04/2023

الميكوبلازما MG

🛑داخل العنبر في يوم وسمعت صوت صرخه حطيت ايدك على قلبك وقلت يارب سترك

🛑بدات تعرق وتفكر اعمل اية دنا لسه محصن يترا هوا لا مش هوا بس نفس الصرخه 😩😩😩🥺🥺🥺

🛑معظم الناس اول متسمع صوت صرخه في العنبر علي طول تقول ib بس في الحقيقه مش كل الصراخ ib

🛑هتيجى تطفي النور عشان تسمع كويس هتلاحظ صوت عطس فى عدد قليل هتقرر انك مش هتدخل لحد متشوف ايه ده بالظبط تانى يوم تيجي تانيى يوم تلاقي العدد زاد الى بيعطس بس من غير نفوق هنا تتأكد انك عندك مرض تنفسى وغالبا مايكوبلازما

🛑الميكوبلازما : في الحقيقه تصنيفه صعب لانه بيحتوي علي خصائص البكتيريا والفيرس وهيا من الامراض اللي ممكن تتنقل بشكل عمودى يعنى من الام الى جيل الكتاكيت الجديد ميكوبلازما مشكله كبيره لو متعالجتش لانها بتعيش في مناطق داخل الجسم مفيهاش امداد دموي زى الاكياس الهوائيه وعشان كده بيبق علاجها صعب

🛑من اعراضها

الصوت اللي قلنا عليه فوق ، بعدها هنلاقي رغاوي في العين ، هيزداد العطس ويبدا الطائر يفتح بقه لكثره العوالق في الجهاز التنفسى ، احمرار في العين ، ولو ملحقتش نفسك ممكن يحصل تورم في الراس

🛑علاج

مضادات الحيويه من عيله الماكروليد وافضلهم الـ تيلميكوزين

29/04/2023

الحمل الميكروبى 🦠🦠🦠

يعنى ايه ؟؟🤔🤔

تفتكر بعد كل دوره بنعمل ليه تطهير وليه بنقول تطهير مش تعقيم تعلا طيب نعرف الفرق بين التطهير والتعقيم

التطهير هو تقليل الحمل الميكروبى او تقليل الاعداد من اى شى ممرض بالنسبه للكائن الحى

اما التعقيم هو القضاء على الحمل الميكروبى نهائيا

بس للاسف مفيش الكلام ده كل اللي نقدر ننفذه هو اننا نطهر يعنى نقلل الحمل الميكروبى بحيث اوصل لاقل عدد من البكتريا في المتر المربع
حتا فينا احنا كـ بشر ف ابحاث اتعملت ايام الكوفيد واثبتوا انو بيختلف قوه العدوى على حسب كميه الفيرس اللى دخل للجسم

هتقلى مهو هيخش وهيتكاثر ويبدا دوره حياته فعلا هيحصل كده ولاكن لما يبق اعداد الفيرس قليله هتقدر المناعه تواجهه يعنى كمثال لما يبق

5ضد5 ولا 5 ضد1

عشان كده مهم نهتم بالتطهير ونتأكد انو مستحيل القضاء على الحمل الميكروبى يمكن تقليله ولا يمكن ازالته

28/04/2023

الضوء🌅🌅
زمان قوي لما عمنا تومس اديسون اكتشف المصباح الكهربى كانت بمثابه معجزه طيب تفتكر الاضائه مهمه قد ايه للدواجن

عارف لما تيجى تفتح الكمبيوتر بتاعك بزرار وتقفله بزرار الاضائه بالظبط ظى كده في تحكمها في انتاج البيض 😯😯😮

طيب ازاى؟؟؟🤔🤔🤔

عن طريق هرمونين هما اساس انتاج البيض هما FSH+LH هتقلى اى علاقة الضوء برضو بالهرمونين دول

هقلك... بمجرد ما الضوء بالطول الموجى المناسب560-580تقريبا بتتعرضله العين بيبدا يحفز منطقه الهيبوثلامس عشان تفرز ايه بقا GNRH الهرمون ده بيعمل تحفيز لغده تانيه اسمها الغده النخاميه اكيد سمعنا كلنا عنها تقوم الغده النخاميه عندها فصين خلينا احنا في الفص الاول هتفرز منه مين بقا؟؟🤔🤔

FSH+LH
طيب وظيفتهم ايه برضو الهرمونين دول بالنسبه لـ FSH

عارف لما تدبح فرخه امهات وتلاقى كور صغيره كتيره حمب بعض اهو الهرمون ده بيكبر الكور دى لحد ما تبقا صفار

اما بالنسبه لهرمون LH او التبويض

شفت الصفار اللى تكون فوق ده بيكون محاط بكيس الهرمون ده بقا بيعمل علي انو يحرر الصفار من الكيس

طيب في الاخر محتاج اعرض الفرخه من 15-17ساعه اضائه بطول موجى مناسب خلال فتره الانتاج ويتم تثبيتها

27/04/2023

🛑ميكروب الاستافيلوكوكس او الاستاف (Staphylococcus)

🛑ميكروب موجود فكل مكان على ايدك اللي ماسك بيها الموبيل وبتقرا دلوقتى وموجوده على وشك ومجوده برضو على جلد الدواجن ولاكن موجوده بشكل طبيعى مش مؤذيه

🛑هو ميكروب موجب الجرام ولو عايز تعرف يعنى ايه موجب او سالب الجرام هسيب لينك بوست يوضح يعنى ايه
https://m.facebook.com/story.php?story_fbid=184502924435314&id=100086268226402&mibextid=Nif5oz

🛑طيب تبدأ تبق مؤذيه امتا؟؟؟

🛑الاستاف يعتبر تانى اكتر حاجه بتعمل التهاب سره بعد الايكولاى وزى ما قلنا في بوست التهاب السره اى ميكروب بيصيب السره قبل ما يتم عمليه الالتئام بيعمل التهاب معنى كده انو ميكروب خطير لو لقي فرصه

🛑طيب ايه الاعراض بتاعت الاصابه بالميكروب ده؟؟

اولاً : هتلاقى اسهال بني ليه رائحه كريهه ممكن تفتكره كولسترديا لكن مش وقتها
ثانياً: عند التشريح هتلاقى كيس المح متأخر في الامتصاص وممكن يكون لونه اخضر وليه رائحه كريهه
ثالثا:الحويصله غالبا فارغه من الطعام وهنلاقى تأثر على الكليه
رابعا:لون الكبد هيكون مايل للاخضرار

🛑طيب كيس المح الوسيله الوحيده لدخول الاستاف

لا

🛑عند عمليه قص المنقار او مخالب او تعرض الطيور لا جرح بتنتهز الاستاف الفرصه وتخش الجسم بأعداد ممرضه كبيره مش بس كده كمان بيعمل التهاب في المفاصل وعرج

🛑ممكن يدخل جوا الجسم وميبقاش ليه تأُير ضار لو دخل بأعداد ممرضه قليليه وقدر الجسم ينغلب عليهم

🛑علاجه
فيه كذا مضاد ممكن نستخدمه البنسلين والإريثروميسين واللينكومايسين والسبيكتينوميسين

26/04/2023

🛑أثناء النمو الجنيني للجنين داخل البيضة بيحتاج الي الي وعاء أمن يشكله الحماية والتغذية المناسبة ليه علشان ينمو 🥚🥚

🛑انهردة هكلمك عن الوعاء دا ووظيفته وبيعمل ايه
الأغشية الجنينية

🛑ودي عددها ٤ لكن أهميتها كبيرة وبتشكل المرحلة الحساسة في حياة الجنين وبتتكون في وقت حساس من حياته الفترة المبكرة تحديدا اليوم التالت بعد وضع البيضة خلال الفترة من ٤٨ ل ٧٢ ساعة من عمر الجنين 🕖

طيب مين هما دول وازاي بيحافظو علي الجنين 🤔🤔

١- غشاء الكوريون :-
ودا ملهوش وظيفة محدده لان وظيفته مرتبطة بالغشاء ال بعدة لانه بيلتحم بيه وبيساعدة في اتمام مهمه

٢- غشاء الألنتويس :-
دا يعتبر من اهم الاغشية واساس حياة الجنين لان دوره مهم جدا جدا جدا لانه بيشتغل زيه زي الجهاز الدوري في جسم الكائن الحي 😲 ودا بيتمثل في
١."التنفس": بيعمل عمل الرئة بيدخل الاكسجن للأنسجه ويطرد ثاني اكسيد الكربون 😌
٢."الأخراج": بيتخلص الجسم من نواتج الكليتين الجنينيتين ونواتج عمليات التغذية في الساعات الاولي
٣. "الهضم": بيساعد في امتصاص الكالسيوم وهضم الالبيومين داخل البيضه "بياض البيض"

٣- غشاء الأمنيون :-
ودا بتتشكل وظيفتة في انه بيحيط بالجنين من كل الاتجاهات ويتملي بسوائل شفافه بيطفو جواها الجنين وبتمنع التصاقة باي جزء من اجزاء البيضه "بيحافظ علي الجنين ويحميه"

٤- غشاء كيس الصفار :-
الغشاء دا بيغلف الصفار وليه دور مهم في تغذية الجنين في مراحلة الاولي ودا ازاي🤔🤔
أنه بيفرز انزيم بيحول محتويات الصفار لمواد قابله للذوبان علشان يمكن الجنين من امتصاصها 🐣🐣

25/04/2023

لو راجع من برا في عز الظهر🥵🥵🥵 اول متخش البيت هتعمل ايه ؟؟

بالظبط هتجرى تشرب كبايه ماية ساقعه مشبره وبعدها هتحس بانتعاش لا يوصف🤤🤤

طيب بالنسبه للدواجن🐔🐔 لو انا معنديش نظم تبريد تواجه ارتفاع الحراره واللى بينتج عنها من اجهاد حرارى على الطائر مفيش حلول تانى بسيطه تقليديه

مش ممكن استخدم مايه بارده عشان اخفف من العبء الحرارى علي الطائر؟؟

اه ممكن جدا وابحاث كتير اتعملت اثبتت قدره الماء البارد على تخفيف جزء من العبئ الحرارى على الطائر ودرجه حراره الماء تتراوح من 13-16ْ

24/04/2023

🛑التهاب السره

🛑دايما المختصين بينصحوا اى قطيع مصاب بالاتهاب سره متستلمهوش طيب هل خوفهم ده مبرر 🤔🤔

🛑تعالوا في الاول نعرف ازاى بيحصل التهاب السره

🛑البيضه في معمل التفريخ وكيس المح بيبدا فى الدخول اليوم 19 تقريبا من التفريخ وبعدها بتبدا يلتئم الجزء اللى دخل منه كيس المح ممكن يتم الألتئام التام بعد الفقس بساعتين لحد هنا مفيش مشكله تبدا المشكله امتا بقا

🛑لما يكون المعمل ملوث سواء بقا ب اي كولاى او سالمونيلا.... إلخ تبدا البكتريا دى تتكاثر على كيس المح لانو بيئه خصبه جدا للنمو وبالتالى عمليه الألتئام مش هتم . في الكتكوت معرض بقا لـ اى ملوث يقدر يخترقه عن طريق السره

🛑عشان كده بننصح زي منصح قبلنا ناس كتير متستلمش كتكوت فيه التهاب سره

23/04/2023

الاستسقاء نعتبره يا ترا مرض ولا عرض🤔🤔🤔

تعالوا نعرف هو بيحصل ليه اصلا
ناس بتقول عشان زياده الرطوبه ، وناس تقول عشان الجو حر ، وناس تقول عشان زياده اعداد الطيور ف المتر مربع ، او مرض تنفسى
🤯🤯🤯

لو بصينا لكل الاسباب دى هنلاقى عامل مشترك بينهم كلهم الا وهو نقص الاكسجين😮😮

ازاى بقا ؟؟🤔🤔

🛑الاكسجين نقص القلب عايز يمد الخلايا بنفس كميه الاكسجين اللى محتجاها يعمل ايه يزود من ضرباته فتزيد ضربات القلب يبدا الطير فى النهجان والتنفس بسرعه عشان يوفر اكسجين للقلب والقلب يوديه للخلايا

🛑 طيب نتيجه لده وزياده ضربات القلب وقله الاكسجين يبدء الدم ف زياده اللزوجه بسبب زياده كرات الدم الحمرا عشان تنقل اكبر كميه من الاكسجين للخلايا وبالتالى يصعب ضخه هيحصل بقا انو الناحيه اليمين من القلب تتضخم بسبب زياده اللزوجه وعشان تقدر تضخ الدم بالتالى يحصل زياده ضغط الدم

طيب اثر ارتفاع ضغط الدم ايه ؟؟🤔

🛑السوائل بتبدا تتسرب من الاورده وتطلع على الغشاء البروتونى ونتيجه لتضخم الجزء الايمن من القلب عند التشريح ممكن نلاحظ امتلاء كيس ماء حوالين القلب

🛑من صفات الظاهريه قبل ما يحصل نفوق هنلاقى الجزء الخلفى من الطائر مليان مايه ومترهل والطائر بيمشى بصعوبه

🛑والاعراض التشريحيه فى الصور

🛑كمان عدم اتزان العليقه وزياده الملح او الدهون بيها ممكن يسبب استسقاء

🛑ف النهايه تفتكر الاستسقاء مرض ولا عرض🛑

22/04/2023

زي ما احنا عارفين فيتامين سي هو مضاد أكسدة ومركب مهم في مقاومة ظروف الاجهاد الحراري زي مقلنا قبل كده
ولكن ال لازم نعرفه برضو ان فيتامين سي ليه طبيعه خاصة عند اضافتة فالماء لانه مش زي باقي المركبات من حيث الثبات والبقاء
بمعني أن ليه ظروف بتساعد علي الحفاظ عليه وثباته وظروف تانية بتؤدي الي تفككه وأنهياره
وهما ٣ حاجات وجودهم بيؤدي الي تحلل فيتامين سي في المياة بسرعة وهما
١- الأوساط القلوية ببساطه لانه فيتامين سي حامضي
٢- الحرارة المرتفعة ودي بتعمل علي تفككه وتحلله
٣- الضوء زي الحرارة بيعمل علي تفكيك الفيتامين وتحلله
٤- تعرضة للأكسجين الجوي بيتفاعل معاه بسرعه وبيفقد جزء من خواصة
وعلشان كده لازم تعرف الظروف المناسبة لفيتامين سي لجعلة أكثر فاعلية وثبات🧐🧐
ونقدر نسردهم فحاجتين تحت عنوان "كيف أضيفة"
١- فيتامين سي مركب حامضي بيحب الاوساط الحامضية بيستكنيص فيها زي مقلنا 😂😂
والوسط الحامضي يعني PH=أقل من ٧
وفيتامين سي الوسط المناسب لأستقرارة ما بين
PH= "2 -> 4"
فلازم يكون الماية علي درجة حموضة كافية للحفاظ عليه لانه لو اتعرض لوسط قلوي اعلي من ph=7 دا هيؤدي الي تحوله للصورة المؤكسدة وبالتالي هيفقد بعض خصائصة الكيميائية
٢- نربطة 😂😂
أيوة نربطة هو مش سريع التطاير يبقي نكلبشة بعنصر تاني يرتبط بيه ووقت احتياج الجسم ليه يتفك ويمتصه الجسم
طيب ودا هيتم أزاي 🤔🤔 تاعمقلك
١- املاح الأسكروبات ويمكن دا اسم سمعته كتير اضافتة مع فيتامين سي بتشكل مركب وهو ملح الاسكروبيك ودا بيكون ثباته عالي
٢- الفوسفات : بيرتبط بيه الفيتامين وبيشكل مركب ثابت يحافظ عليه وبيستخدم بشكل كبير في الاغذية لحفظ الفيتامين لفترة طويلة وبيستخدم في الاعلاف
٣- الاحماض الامينية : وتحديدا منها الليسين والأرجنين
٤- الكربوهيدرات : زي مشتقات النشا والسكريات بس دي عادو ما بتستخدم في الصناعات الغذائية والمشروبات الغاذية وكده يعني اصلها سكريات 😂
- وبكدة يصحبي المركبات دي هترتبط بالفيتامين وتعمل علي تثبيته لفترات طويلة لحد ما يتم استهلاكه وفكة داخل الجسم
- ولما يدخل الجسم هيتم امتصاصة داخل الامعاء الدقيقة في الدجاج وبعدها هيتم نقلة لباقي اعضاء الجسم والانسجة عن طريق الدم وبعدها يتم تخزين الباقي منه في الكبد لحين الحاجه اليه وهو المكان ال بيتم فيه تخليق وتركيب الفيتامين أساسا "في معظم الكائنات الحية" 😌

21/04/2023

مقارنه بين اللقاح الحى واللقاح الميت

20/04/2023

فتامين سي او حمض الاسكوربيك

ف يوم مشمس جميل فرخه سعيده بتجرى بس الى متعرفهوش انو اخرة الجرى واللعب وحشه ليه بقا

التعرض لاى ضغط على الجسم سواء ضغط حرارى او مجهود او حتا عمليه التمثيل الغذائى الطبيعية بينتج عنها تأكسد فى مواد وجزيئات الخلايا طب حصل ازاى؟

بص هو عمليه طبيعيه تكوين الشوارد الحره نتيجه لـ التمثيل الغذائي او احتى ممارسه التمارين الرياضيه او تعرض للاجهاد

طيب ده ضرره ف ايه؟؟

ضررة ف انو بيحتوى على الكترون واحد ده معناه ايه معناه ذره غير مستقره لو كانو بقا بعدد كبير بيبدا ياخد من الخلايا الكترون عشان يبق مستقر ف بالتالى بيتلف خلايا جديده عشان يستقر

طيب وفين المشكلة 🤔؟؟

زى مقلنا الخلايا فقدت الكترون وبقت مش مستقره يبق ايه الحل ؟؟

نرجعلها الالكترون اللى فقدته عن طريق مضادات الاكسده زى فتامين "C" هيقوم بتعويض النقص ودا زي ما هو موضح في الصورة تحت
👇👇
كمان فيتامين "C" مش بس دى اهميته ليه دور تحفيزي مع الجهاز المناعي وهو

١- زياده انتاج الاجسام المضاده ال بتتخلص من الانتيجينات والمسببات المرضية وهما ٥ :-
( IGM -IGA- IGG-)
(IGE- IGD)لم يثبت وجودهم ف دواجن

٢- زياده خلايا دم البيضاء : وهي تعتبر الخلايا البلعمية ال بتدمر المسببات المرضية

٣- تحفيز الخلايا المساعدة علي القيام بدوها ومنها خلايا T وتحديدا "TH "T - Hellper

20/04/2023

كل عام وانتم بأفضل صحه ❤️❤️❤️

19/04/2023

🛑غده هاردريان او الغده الصلبه

🛑ممكن تكون اول مره تسمع عنها بس الغده دى مهمه بشكل لا يوصف على الرغم انها مش عضو ليمفاوى لاكن ليها دور كبير فى المناعه
مكانها فين ؟؟ مكانها داخل العين والبعض بيعنبرها غده ملحقه للغده الدمعيه

🛑طيب ايه وظيفتها ؟؟

🛑تقدر تفرز سائل مخاطى او دهنى او مصلى ومعروف عند رش التحصين بيبدا يتكاثر في السائل المخاطى ويبدا الخلايا في التعرف عليه وتكون مناعه من الفيرس

🛑قبل اي تحصين خصوصا بالرش او بالتقطير لاوم نتاكد من سلامه الغده عشان نضمن انو التحصين هيشتغل مظبوط وهيقدر بمجرد ر التحصين يبدا يتكاثر فى السائل المخاطى ويبدا رد الفعل المناعى

🛑اختصار للغده الدمعيه LG
🛑اختصار لغده هاردريانHG

🛑المخطط في الصوره هنلاقى تفوق في حجم وطول وسمك غده هاردريان بالمقارنه بالغده الدمعيه في الذكور

18/04/2023

غدة فابريشيوش أو البرسا (جرس الامراض الفيروسيه)

🛑مكان الغده دى اعلى فتحه المجمع وعشان كده بتتسمىClocal Bursa

🛑الغده دى مش دايمه هيا غده مؤقته يعنى بتمر بمرحله نمو لحد عمر 21 يوم

🛑وبعده مرحله بتوصل فيها لاقصى حجم ليها وده من عمر تقريبا 4-8 اسابيع

🛑والمرحله الاخيره هيا الاضمحلال وبتبدا فيه من عمر 9 اسابيع

وظيفتها

🛑نقدر نقول هيا المسؤله عن تكوين المناعه الدمويه وانتاج خلايا B زكمان هو العضو الليمفاوي الرئيسي المسئول عن تخليق الجلوبيولين المناعي

🛑الغده دي من خلالها بتقدر تساعدنا في اكتشاف الجمبورو لان من اعراضه الجمبورو تضخم فى غده البرسا وغالبا اى تورم في البرسا معناه اصابه بمرض فيروسى عشان كده لو فيه نفوق عندك وبشرحت ولقيت بقع دمويه على الورك بص على طول على الغده

17/04/2023

اختصارات للامراض الأكثر انتشارا في الدواجن

16/04/2023

المنتول او زيت النعاع

🛑هي ماده مصدرها النباتات العطريه وعلى راسهم النعناع

🛑لو تهويتك لعنبرك ضعيفه او مش مظبوطه هتقابلك مشاكل كتير منها زياده الرطوبه ومش بس كده كمان زياده الامونيا كل ده بيسب ضعف في مناعه الطائر ويبدا الجسم كرد فعل طبيعى في الدفاع عن نفسه ومن ضمن طرق الدفاع افراز المخاط في الجهاز التنفسى افراز المخاط

🛑حاجه حلوه لانو يعتبر خط دفاع ضد الامراض بس لما يبقا مستمر لفتره هيأثر على التنفس وكمان الوزن وعشان كده المنتول يعتبر المنقذ في الحاله دي

🛑وظيفتة المنتول

🛑موسع شعب هوائيه زيه زي في الادويه البشريه كمثال الاولفينت بس الاولفيت مركب بروموهكسان مركب ده رائع ف انومذيب وطارد للبلاغم
وكمان من ضمن استخدامات المنتول شركات التبخ يستخدموا الماده دى عشان يدوا المدخن شعور الانتعاش

🛑هل دي وظايف المنتول الوحيده كمان ليه تأثير ايجابى على الجهاز الهضمى وليه دور في علاج الاسهال

15/04/2023

الكولينB4 🐔🐔

🛑نقص الكولين مشكله ممكن تحسها بسيطه بس في الحقيقه هيا اقتصاديا مدمره لان نقصها بيؤدى الى انزلاق الوتر

🛑المركب ده مش بس اهميه في كده لا ليه اهميه كمان خطيره جداااا منع تراكم الدهون علي الكبد طب ده بيحصل ازاى🤔🤔🤔

عن طريق عمليه كميائيه ملعبكه شويه لو بصينا على الرسمه هنفهما على طول😵‍💫😵‍💫

🛑تخيل معايا كده هنجيب الدهون ونحط عليها إنزيم الكولين فوسفوترانسفيراز هنلاقيها اتحولت لــ فوسفاتيديل كولين

🛑هنمسك الــ فوسفاتيديل كولين ونحط عليه إنزيم الكولين استراز هيطلعلنا أسيتيل كولين

🛑هناخد الــ أسيتيل كولين ونضيف عليه نفس الانزيم الى فات هيدينا حمض الخليك الى هو بيستخدم كمصدر طاقه داخل الجسم

🛑وبكده يكون الكولين تخلص من الدهون الموجوده على الكبد وتلافي مشكلة الكبد الدهني

🛑طيب هل الجسم قادر على افراز الكولين ؟؟

🛑اه يقدر من الكبد بس في مراحل متقدمه من العمر وعشان يتكون بطريقه طبيعيه لازم يتوفر الحمض الامينى اللي مفيش غنى عنه المثيونين

🛑عشان بيحتوى على مجموعه المثيل

14/04/2023

🛑الاسهال🛑
هل ينفع اشخص مرض لكائن غير قادر على التعبير من عرض واحد ؟؟!!🤔🤔

🛑بالتأكيد لا بس هنقول انو ممكن لون الاسهال يدلك على الطريق الى تدور فيه

🛑اشهر الوان الاسهال في الدواجن 🐔🐔🐔

🛑الاحمر 🩸🩸مصدره ايه بقا مصدره الاعورين وغالبا بيتم تشخيصه اللون ده على انو كوكسديا مع انى هو عرض اكتر من 8امراض ومش شرط مرض الاعورين خلايهم بتجدد باستمرار جايز لو الاسهال بسببها

🛑البنى ده بقا ليه درجات باختلاف درجات هو مصدره الامعاء وده طبعا اول ما بيتشاف بيتقال كولسترديا وبالزات لو عليه رغاوى ومش شرط مرض الاعورين بيفضوا محتواهم يوميا من 3-4مرات

🛑الاخضر ده بقى مصدره الكبد من المراره وبرضو اول ما الناس بتشوفه بتقول نيوكاسل او حتا برد رغم انو عرض ل اكتر من مرض

🛑الابيض وده مصدره الكلى بيكون فيه خلل في الكلى ونقدر نعتبر الاسهال الابيض صديق للامراض الفيروسيه

🛑الاسود ناتج سموم او نزيف غالبا

🛑واخيرا الازرق وده الوحيد لو شفته احكم عادى😂 عشان غالبا مسببه حاجه واحده سموم البيتوليزم ودى احد أنواع بكتريا الكلوسترديا

🛑متحكمش على مرض من عرض غلى الاقل يجتمع عرضين او يبق عندك السبب الكافى عشان تقول انا عندى كذا

13/04/2023

🛑الامونيا

🛑الغاز الاسوء في أي مزرعه وجوده معناه سوء تهوية

طيب مفكرتش قبل كده الغاز ده بيتكون من ايه؟؟؟

🛑الامونيا بيتكون من هيدروجين ونيتروجين

🛑طيب ازاى بيتكون في الفرشه؟؟

🛑خلينى افاجئك واقلك ان الامونيا اول تكوين ليها مش في الفرشه للأسف اول تكوين ليها داخل جسم الطائر بس بسبب صعوبه التخلص من الامونيا الجسم بيفككها لـــ حمض يوريك واليوريا وجزء بسيط امونيا

🛑ولما بتحصل عمليه الاخراج بقا الحجات دي كلها بتنزل في الفرشه ويكون طبعا الفرشه رطبه بترجع المركبات دي تتحد وتكون مين الله ينور عليك

الامونيا هنا بقا لو تهويتك مظبوطه مش هتحس بيها لو تهويتك اى كلام بص ع الصوره وهتعرف هيحصل أي🤦🤦🤦

12/04/2023

🛑لو احتكيت بمجال الامراض عموما والبكتيريه خصوصا دايما هتسمع مصطلح موجبه الجرام او سالبه الجرام🦠🦠🦠

🛑اي الجرام ده اصلا ؟؟🤔🤔🤔

🛑جرام ده اسم عالم اسمه كريستيان جرام او غرام اقترح تقنيه معينه عشان اميز بين البكتيريا موجبه والسالبه

🛑طب ازاى؟؟🤔🤔

🛑عن طريق صبغه بنفسجيه لو البكتيريا موجبه هتحتفظ بالون حتا لو اتغسلت بكحول لو سالبه هيزول اللون بالغسيل بالكحول

🛑طيب ده كله كلام عن ازاى افرق بينهم طيب هل فيه فرق تركيب بينهم؟؟🤔🤔

🛑طبعا هما نفس التركيب فى كل حاجه بس فيه فرق السالبة بتحتوى على غشاء خارجى عكس الموجبه مفهاش غشاء

🛑في الموجبه بتحتوى على طبقات ببتيدوغليكان سميكه ومتعدده السالبه لا

🛑طيب فكرك كده مين اقوى من حيث التأثير والضرر؟؟

🛑السالبه اقوى مش بس عشان ليها غشاء خارجى لا كمان السالبه قادره على افراز سموم داخليه وخارجيه واكثر مقاومه ومن طبعا البكتيريا المشهوره في الدواجن ومطلعا عنينا اي كولاي وسالمونيلا

11/04/2023

ليه ناس كتير بتقول الترمومتر مش مقياس لدرجه الحراره المناسبه؟؟🤔🤔🤔

🛑تفتكر لو الحراره فى المكان اللىى انت قاعد فيه 30ْ هل فعلا انت هتحسها 30 ولا لا

الموضوع مش بس مرتبط بدرجه حراره المكان لا طبعا فيه عامل كبير برضو بيأثر على احساس الكائن بدرجه الحراره سواء انسان او حيوان
هو اية بقا؟؟؟🤔🤔

🛑الرطوبه🛑
الرطوبه بتأثر على احساس الكائن بدرجه الحراره يعنى لو حراره الجو 30ْ والرطوبه النسبيه فى الجو نقول60 هتحس بدرجه
حراره 33ْ

🛑عشان كده ساعات كتير تلاقى درجه الحراره منخفضه بس انت حران طيب هل ده بس اللى بيتوقف عليه الشعور بدرجه الحراره لا

🛑كمان سرعه الهواء بتفرق فى احساس الكائن بدرجه الحراره يعنى لو سرعه الهواء 1.5 غير 1 غير 2 شعورك بدرجه الحراره هيختلف

🛑عشان كده مهم تعرف الحراره والرطوبه في المكان وكمان لو قدرت سرعه الهواء عشان تحسب درجه الحراره الى هتبق مريحه في بيئه المكان

09/04/2023

Repost🥳🥰🥰

08/04/2023

السالمونيلا بللورم
🛑بللورم أو المعروفة برضو بأسم الاسهال الابيض النوع دا من فصيلة الجراثيم الغير متحركة وكمان مش بس كدا لا دا النوع دا بالذات متخصص في أصابة الدجاج عن باقي الطيور

🛑وبيسبب حاجتين علي حسب عمر الطائر
🛑- في الطيور الصغير بيكون من النوع الحاد وبيتسبب في حصد اعداد كبيره من الدواجن بيكنس المزرعة يعني
🛑- في الطيور الكبيرة بيكون من النوع المزمن اه مش بيموت اعداد كبيره ولكن بيدمر اقتصاديات المزرعه لان انتاج الطائر بيتلاشي
المرض دا في الدول ال بتراعي اساسيات الامن الحيوي "بالظبط مش احناههههه" بيتم ابادة اي مزرعه بيتم اكتشافه فيها خصوصا لو قطيع امهات منتج لبيض تفريخ
مسبب الجرثومة دي 😱🦠🧫 :

🛑بيسببها زي مقلنا نوع من الجراثيم التابع للسالمونيلا الغير متحركة وهي من ال سالب الجرام " Gram negative"
ومن مميزات الحج بللورم أو الاسهال الابيض انه يمكن زراعتها في اي وسط؟؟

🛑 وتنمو وتتكاثر في اي حته في الجو الطبيعي في وجود الاكسجن هتنمو فعدم وجود أكسجين برضو هتنمو ومبتستعمل سكر اللاكتوز كوسط نمو او تكاثر حاجه مفيش ارزل من كده

🛑الجرثومة دي اكتسبت مع مرور الزمن درجة عالية من التكيف لاصابة الدواجن Adaptation وعملت الكرير بتاعها كله في مين أيوه بالظبط في الدجاج 😂😂😂😂 وبنسبة اقل في باقي انواع الطيور

🛑..منا بقلك لو تم اكتشاف اصابة بنعدم المزرعة كلها بصاحب المزرعه
وخد بالك برضو مش كل الدجاج ال يتاكل لحمه وكده في انواع قادرة علي مقاومة المرض بشكل افضل من انواع زي مثلا فصيلة اللجهورن والفصائل خفيفة الوزن عموما بتقدر تقاوم المرض بشكل أفضل

07/04/2023

مقدمة عن السالمونيلا 😵‍💫😵‍💫😵‍💫😵‍💫
السالمونيلا هي مصطلح بيطلق مجموعة من الامراض [ الحادة أو المزمنة] بتصيب الطيور وبتسببها الجراثيم والسالمونيلا مش مرض واحد لجرثومة واحده والسلام

🛑نقدر نقسم الاصابة بالسالمونيلا في الدواجن ل ٣ مجموعات 🤔 وهما :

🛑١- الاصابة بالسالمونيلا من النوع المصلي ال بيشمل نوعين من السالمونيلا ( سالمونيلا بللورم s. Pullorum هنتناول عنها بعض المعلومات ان شاء الله البوست الجاي - سالمونيلا كالينيرم s.gallinarum)
ودول بيتميزو بأنهم

*غير قادرين علي الحركة جرثومة غير متحركة (Non motile) *

🛑٢- الأصابة بالسالمونيلا من النوع المصلي بس بتتميز *بالقدرة علي الحركة (Motile) *
المجموعة دي بقي بتتميز بأنها مش بس بتصيب الدواجن 🐔 لا وبتصيب الحيوانات وبتصيب الانسان 🚶‍♂️ وبتعتبر الدواجن هي مصدرها الاول
طيب ومن امثلتها برضو هنذكر نوعين
(السالمونيلا انترايتيدس s. enteritidis و سالمونيلا تايفيموريوم s.typhimurium)

🛑٣ - الاصابة بالسالمونيلا من النوع المصلي ال بيتميز بالحركة (motile) أيوه هو ال فوق عالطول دا يحج بس بيختلف في حاجه 🤔
وهي انه بيختلف في تفاعلاته الكيميائية داخل دورة حياته بيتسبب في مرض زيه زي السالمونيلا مش هتفرقهم عن بعض نفس الاعراض
والمجموعة دي تعرف بأسم (السالمونيلا اريزوني s. Arizonae )
وفي تقسيمات اخري للسالمونيلا بتقسم فيها حسب الموقع الجغرافي وكل نوع بياخد حرف A.B.C.D...... وهكذا وهنكمل حكاوي عن السالمونيلا فى البوستات الجايه
سلام😘😘😘😘😘

05/04/2023

صَح فُطوركم🥰🥰🥰
وتقبل الله منا ومنكم😍😍😍

04/04/2023

جايين نهد الاصنام اللى اتبنت على باطل 🎇🎇
تلاقى فيه اقتناع تام بأن الفراخ بتاخد هرمون تقتله اى مصدرك
هذا ما وجدنا عليه آبائنا 😒😒😒
طيب لو حد قلك مش باكل فراخ بيضاء عشان بتاخد هرمونات هتعمل اى ؟؟؟🙄🙄🙄
ازاى تقنعه انو مش بتاخد وتفهمه انو النمو السريع للفرخه مش من هرمون بل هو شغل سنين من تطوير السلالات
تعالا ناخد جوله بسيطه في عالم الهرمونات الكبير جدااااا🥰🥰
الهرمونات انواع زي
1. الهرمونات الستيرويدية (Steroid hormones) ودى زي هرمون الإستروجين (Estrogen) والبروجستين (Progesterone) والأندروجين (Androgen)

2. هرمونات الببتيد (Peptide hormones) ودي نوعين طويل الببتيد وقصيره الببتييد
هنركز مع النوع ده ليه بقا عشان دي بتضم الهرمون اللي مجنن الناس هرمون النمو GH والانسولين🤯🤯
ده هرمون موجود فى الجسم بشكل طبيعى جدااا وبيفرز بشكل طبيعى جدا برضو
طيب ايه وظيفته ؟؟🤔🤔
من اسمه هرمون النمو مسؤل عن اى سبحان الله 😅😅النمو وعشان كده الناس رابطه سرعه نمو الفرخه بأنها بتاخد هرمونات
طيب الناس فاكره الفرخه بتاخد هرمونات ازاى ناس فاكره عن طريق (العلف) وناس فاكره عن طريق (الحقن) هنراضى الكل ونقول ليه ده كله مينفعش اصلا
اولاً عن طريق العلف🐥🐥
قلنا فووق هرمون النمو هرمون اى ببتيدى زيها زي الانسولين طيب عمرك شفت حد بياخد دوا الانسولين من الفم ؟
لا
ليه طيب عشان بمجرد دخوله الجهاز الهضمى الهرمون بيتكسر ومش بيبقاله اى تأثير نهائى على الزياده لانو بقا عامل زى مايه بسكر
طيب الحقن ؟🌡🌡
هنا هقلك فعلا هيبق مؤثر جدا من ناحيه الحقن وفعال بدرجه اصلا مش هتتخيلها بس نحسبها برضو
عنير 20000 هل معقول هحقن GH لـ20000 فرخه طب افرضن يعم حقنت مره بتحتاج مش مره واحده لا اكتر من مره يعنى عمليه مرهقه وصعبه جدا غير كده سعر الهرمون مش قليل وعالي جدا على استخدامه في فراخ جايز الناس بتستخدم الهرمونات فى المجترات الكبيره عشان دي فعلا عائدها الاقتصادى هيكون كويس
انما الفراخ البيضه بريئه من كل الاتهامات بإنها بتاخد هرمون الفراخ البييضاء طبيعيه جداااااااااا وسرعه النمو ناتج عن تحسين وراثى مجاش من يوم وليله لا ده شغل سنين وجزء كبير من نجاح عمليه الزياده جوده العلف

03/04/2023

ًَصحّ فُطوركَم 🥰🥰
وتقبل الله منا ومنكم🙏🙏🙏
و لأن خير الكلام ما قل ودل فيديو بيوضح دوره حياه الكوكسديا مترجم بالمراحل لو تابعت بوستات الكوكسديا اللى فاتت والفيديو ده ف انت عرفت كل حاجه عن المرض 😘😘
ترتيب البوستات
1- https://m.facebook.com/story.php?story_fbid=110177918534482&id=100086268226402&mibextid=Nif5oz
2-
https://m.facebook.com/story.php?story_fbid=177541951798078&id=100086268226402&mibextid=Nif5oz
3-
https://m.facebook.com/story.php?story_fbid=178120821740191&id=100086268226402&mibextid=Nif5oz
4-
https://m.facebook.com/story.php?story_fbid=178767771675496&id=100086268226402&mibextid=Nif5oz
5-
https://m.facebook.com/story.php?story_fbid=179257821626491&id=100086268226402&mibextid=Nif5oz

Address

Website

facebook.com

Alerts

Be the first to know and let us send you an email when House of chickens posts news and promotions. Your email address will not be used for any other purpose, and you can unsubscribe at any time.

Videos

صَح فُطوركم🥰🥰🥰 وتقبل الله منا ومنكم😍😍😍

ًَصحّ فُطوركَم 🥰🥰 وتقبل الله منا ومنكم🙏🙏🙏 و لأن خير الكلام ما قل ودل فيديو بيوضح دوره حياه الكوكسديا مترجم بالمراحل لو تابعت بوستات الكوكسديا اللى فاتت والفيديو ده ف انت عرفت كل حاجه عن المرض 😘😘 ترتيب البوستات 1- https://m.facebook.com/story.php?story_fbid=110177918534482&id=100086268226402&mibextid=Nif5oz 2- https://m.facebook.com/story.php?story_fbid=177541951798078&id=100086268226402&mibextid=Nif5oz 3- https://m.facebook.com/story.php?story_fbid=178120821740191&id=100086268226402&mibextid=Nif5oz 4- https://m.facebook.com/story.php?story_fbid=178767771675496&id=100086268226402&mibextid=Nif5oz 5- https://m.facebook.com/story.php?story_fbid=179257821626491&id=100086268226402&mibextid=Nif5oz

صحّ فُطوركَم 🥰🥰 وتقبل الله منا ومنكم🙏🙏🙏 المساحة العلفية🌾🌾 تفتكروا ليه في معظم المزارع والشغل الحديث كله بفرش ورق وأحط عليه علف لما استقبل الكتاكيت؟🤔🤔 هل العلف كتير ومش هاممني ولا فلوسي كتيرة؟!!! في الحقيقة لا دا ولا دا ☺️ زيادة المساحة العلفية والحرص على إني أخلي الكتكوت ياكل بمجرد وصوله المكان ده من أسباب نجاح أى دورة تسمين طيب ليه؟!!! زمان كان شائع تصويم الكتكوت لما استلمه كانوا فاكرينه بيسرع امتصاص كيس المح وتم إثبات إن الكلام ده غلط خالص لأن الجسم سبحان الله تكيفى مفيش اكل يبقا حافظ على الى عندك فـ عرف إن مفيش أكل داخل بالتالي هيبدء الجسم بفعل توفيري في استهلاك كيس المح وهيقلل امتصاصه -كمان التغذية بدري بتزيد من تطور الأمعاء وخملاتها وده بدوره بيساعد في زيادة الاستفادة من العلف وزيادة الوزن -وغير ده كله كيس المح معناه على طول مناعى ولا أطيل عليكم الحديث تقبل الله منا ومنكم

صحَ فُطوركَم 🥰🥰 وتقبل الله منا ومنكم🙏🙏🙏

تحجيز الحراره🤔🤔 لو بتربى على قدك فكل جنيه بتوفره هو مكسب ليك🤑🤑 بشرط انك متوفرش على حساب القطيع😩 ومن المعروف انو الهواء الساخن🔥 كثافتة اقل من الهواء البارد🥶 فعشان كده الهواء الساخن بيصعد لفوق والبارد بيفضل تحت طيب من طرق توفير الحراره المناسبه ف اعمار صغيره وبقول اعمار صغيره عشان فى العمر ده مش هتعانى من مشاكل تهويه زى قدام * انك تخصص مكان للحضانه وتقلل ارتفاع السقف عشان تحجز الهوا الدافء من الخروج بدل ما تزود عدد دفايات او لمض حمرا* وبكده وفرت فلوس بس الموضوع ده يشترط فيه مساحه كويسه للكتاكيت ويستمر لمده اسبوع حد اقصى اسبوع ونص بعد كده هتبدا تظهر رطوبه وامونيا عالين

حد عايز اى معلومات عنى بعد ما بقى !!! الكيلو منى ب80 🫣🫣🫣🫣

P:14 #A_B_O_T_A_L_E_B *لاحظ الفرشه اول يوم زى اخر يوم *😎😎 🌟تغذيه المبكره والمساحه العلفيه 🛑ابحاث كتير اتعملت على موضوع تغذيه مبكره 🛑بعد مكان البعض بيظن انو غلط لاكن الابحاث اثبتت انو التغذيه المبكره سلاح من اسلحه نجاح الدوره وتطور الجهاز الهضمى😮😮 🛑 من حيث سرعه التكوين وكماليه التكوين وطبعا معروف الاسبوع الاول هو اهم اسبوع فى حياه اى كتكوت🐔🐔 🛑 الاسبوع الاول تقريبا بيمثل 22% من نموه يعنى الكتكوت جاى عندك المزرعه حوالى38-40جرام على اليوم السابع مفروض يوصل من160-180 تقريبا اربع اضعاف اليوم الاول 🛑وعشان كده لازم توفر مساحه علفيه محترمه يكون فيها لكل كتكوت الفرصه فى الاكل وعشان كده العنابر ومعظم شغل الجديد بتفرش مشمع او شكاير او اوراق جرائد وتنثر عليها العلف عشان تزود من المساحه العلفيه حتا عمر تقريبا 2-3ايام مع وجود اطباق تحضين ومعالف طبعا وده فيديو بيوضح 👇👇

Shortcuts

Address
Alerts
Videos
Claim ownership or report listing
Want your business to be the top-listed Pet Store/pet Service?

Country:

City:

26/06/2023

20/06/2023

30/04/2023

29/04/2023

28/04/2023

27/04/2023

26/04/2023

25/04/2023

24/04/2023

23/04/2023

22/04/2023

21/04/2023

20/04/2023

20/04/2023

19/04/2023

18/04/2023

17/04/2023

16/04/2023

15/04/2023

14/04/2023

13/04/2023

12/04/2023

11/04/2023

09/04/2023

08/04/2023

07/04/2023

05/04/2023

04/04/2023

03/04/2023

Address

Website

Alerts

Videos

Shortcuts

Share