Floky.OttoZaya

14/08/2024

GOLDEN RETRIEVER ҮҮЛДЭРИЙН ТУХАЙ
“САЙХАН СЭТГЭЛТ САХИЛГАГҮЙ”

За Алтан шаргалыг оруулаад өгөөч гэсэн хүсэлт их ирсний дүнд эхний бичвэрээрээ Голден Ретриверийн тухай оруулахаар шийдлээ. Харин маш их мэдээлэл болж байгаа учраас үүлдэрийн төрөл зүйл, үүсэл гарал, түүхийн тухай ерөнхий мэдээлэл нь гүүгл болон зарим нэг пэйж дээр сайн бичээстэй байсан учир тэр постуудыг олоод коммент хэсэгт линк тавьчихая.

Харин манай пэйжний мэдээлэл нь тэжээхэд голлон анхаарах зүйлс, 2үе дараалан 4 Голден Ретривер тэжээсэн хүний зөвлөгөө, нохой сургагч нарын мэдээлэл, дүгнэлт, малын эмч нарын зөвлөгөө зэргээс түүвэрлэн тоймлон бичсэн байгаа шүү. Ингээд мэдээлэлтэйгээ танилцана уу.

Ретривер бол анчны буудсан шувууг олж авах зорилгоор анх үржүүлсэн агнуурын нохойн үүлдэр юм.

“RETRIEVER” - Олж буцааж авчирдаг гэсэн утгатай үг. Анчны олзыг олж зууж авчрах.

НАСЛАЛТ: 10-12жил
БИЕИЙН ЖИН: 27-37кг
БИЕИЙН ӨНДӨР: 50-60см
ӨНГӨ: Алтан шаргал, крем өнгө

ДАВУУ ТАЛ:
1. Анчин удамтай нохой дундаас онцгойлон сайхан сэтгэлтэйгээрээ алдартай. Өөрөөсөө илүү бусдыг боддог зан ааштай, заримдаа нохойтой муудалцвал чимээгүйхэн холдоод бууж өгдөг, ер нь маш их буулт хийдэг, зөөлөн сэтгэлтэй амьтан. Хэр сайхан сэтгэлтэй вэ гэвэл 99удаа өөрийг нь зовооход 100 удаа хүлцэнгүй байж чадах л амьтан гэнэ. Албан ёсны олон улсын хоч нь “Сахиусан тэнгэр” шүү кк.

2. Ухаантай TOP5 нохойн үүлдэрт багтдаг. Нохой сургагч нарын хамгийн дуртай үүлдэр гэнэ. Онцгойлон сургах техник шаарддаггүй маш хурдан хугацаанд сайн сургалт авдаг. Тиймдээ ч одоог хүртэл хараагүй болон хөгжлийн бэрхшээлтэй хүний хөтөч нохойгоор төгс тохирох үүлдэр гэж үздэг.

3. Нийгэмшил сайн. Маш нийтэч зантай учир элдэв хүнээс бишүүрхэж хүнрүү дайрж, хуцахгүй. Өөрийг нь залхтал нь оролдож байгаа хүүхэд байсан ч дотроо сайхан сэтгэл гаргаад за яахав гээд хүлээж авдаг төрлийн нийтэч амьтан гэнэ.

4. Нуур, гол, усанд дуртай - Ангаа авчрахдаа усанд их сэлдэг байсан учраас усанд дуртай, сайн сэлдэг чадвартай.

5. Хүүхдэд сайн - Гадаадад аутизмтай хүүхдүүдийн хөгжил болон нийгэмшилд туслуулахаар Голденг хамгийн их сургадаг байна. Ажил үүргээ ч сайн биелүүлдэг хамгийн хүүхдэд ээлтэй үүлдэрийн тоонд толгой цохьдог байна.

СУЛ ТАЛ:
1. Маш сахилгагүй - Голден бол маааш ухаантай нохой. Тийм учраас сониуч зангаараа эд зүйлийг зүгээр байлгана гэж байхгүй. Гөлөг байхдаа нилээн сахилгагүй. Ер нь бол 3-4нас хүрч байж даруухан болдог. Гэр орон, шал, обой, буйдан, ор дэр будаа болох бол энүүхэнд. Ер нь бол байнга эд хогшил эвдэлж хэмхлэнэ, гутал хувцас сэмэлж, оймс, хувцас идээстэй явна. Малын эмч “миний эмчийн резинэн бээлийг зулгааж татаад идсэн ганц нохой бол Голден байсандаа” гэж ярьж байсан. Тийм л юм хазаж зулгаах дуртай сахилгагүй байдаг гэнэ.

2. Хазалт - Голденгийн нэр нь Retriever буюу зууж олж авчрах гэсэн утгатай. Яг нэр шигээ байнга амандаа ямар нэгэн юм зууж, хазаж, зулгааж явна. Тиймээс багадаа хэт их хазаж тоглох бөгөөд хүний гар хөл хазаж болохгүй гэдгийг маш сайн зааж сургах хэрэгтэй. Гадуур явахдаа ч газраас юм олоод байнга амандаа зуугаастай явж мэднэ. Үүлдэрийн онцлог нь байх нь.

3. Үс уналт - Бараг Голденгийн хамгийн том сул тал нь энэ. Үс уналтын хэмжээ нь маш өндөр. Унасан шувууг авчрахаар намаг, шавар шалбаагт их ордог байж. Тиймээс арьс, үсээ цэвэрлэж байхын тулд үсээ их хаядаг генетикийн онцлогтой болсон. Ер нь бол Голден тэжээж эхэлснээс хойш хар бараан өнгийн хувцас өмсөх эрхгүй болох ба тоос сорогч эвдрэх, ор дэрэн дээр үс, ноос бөөгнөрөх, хоолон дотор нохойн үс явах зэрэг нь өдөр тутмын энгийн асуудал болно. Нохойн үсэн дунд амьдарнаа гэсэн үг. Мөн үс их унадаг нохойн арьс нь эмзэг талдаа байдаг учир арьс үсийг нь хуурай, цэвэрхэн байлгах тал дээр арчилгаа их хэрэгтэй.

4. Таргалалт - Нилээн өсгөлүүн ба 3сар хүрэхдээ дундаж хэмжээний нохойтой адил жинтэй болсон байдаг. Бүрэн нас биед хүрэхдээ 25-40кг гаруй жинтэй болдог. Тэр хэмжээгээрээ хоолондоо их сайн учир хоолыг нь зөв тааруулж өгөхгүй л бол байгаа бүгдийг нь идэх гээд байдаг ховдог талдаа. Тиймээс Голденгийн нэг гол өвчлөл нь “таргалалт” ба таргалалтаас үүдэлтэй зүрх судасны өвчлөл, үе мөчний өвчлөлөөр хамгийн их өвчилдөг. Нохой 4 хөл дээрээ жингээ авч явдаг учраас таргалуулах их муу.

5. Санхүү - Голденд 20кг хоолыг өдөрт 2удаа өгөхөд ердөө 40-45хоног л болох гэнэ. Монголд бол аятайхан нохойн хоолны үнэ үнэхээр их нэмэгдсэн байналээ. Тэгэхээр та сар болгон 20кг сайн чанарын нохойн хоол+нэмэлт загасны тос зэрэгт мөнгөө зарцуулна гэдгээ сайн тооцоолох хэрэгтэй. Дээрээс нь мэдээж мал эмнэлэгийн үзлэгт сайн оруулж байх ёстой. Тэр талын санхүү мөн их шаардана.

6. Том нохой - Том нохойн сул тал нь асуудал тарьвал Том асуудал тарьдагт байдаг. Хэдхэн хоногийн өмнө нохойтойгоо орж болдог кафе дотор Голден эзнээ хуу татаж чирч гүйгээд, дээвэр хүртэл үсэрсэнг харсан. Яг ямар шалтгаанаас болсныг гадаа нь байсан учраас мэдэж чадаагүй. Кофе шоп доторх яг бөмбөг дэлбэрч байгаа юм шиг чимээ гараад хүмүүс орилолдоод, гүйлдээд л явчихсан. Доторх чигээрээ сүйрсэн ба ширээ сандал нь хугараад том нохойг зогсооно гэдэг бол үнэхээр хэцүү юм байнаа гэдгийг харсан. Эзэн нь өөрөө чирэгдээд гэмтсэн. 2настай Голден байсан. Тэгэхээр Голден ретривер юм чинь гээд хяналтгүй байлгаж болохгүй. Сургуулилт, команд дээд зэргээр чухал.

7. Хүнд дуртай - Сайн тал нь ч гэсэн муу тал нь болж мэдэх зан чанарын нэг нь юм. Хүнд эрхлэх их дуртай учир сайн сургуулилт хийхгүй л бол танихгүй хүнрүү гүйж очих, өөдөөс нь эрхлэх гээд үсэрч харайх зэрэг асуудал маш их гардаг. 10,20 гаруй кг жинтэй том биетэй амьтан гэнэт таны өөдөөс үсрээд ирнэ гээд төсөөлөөрэй. Тиймээс багаас нь хөтөлгөөнд маш сайн сургаж, зогс, хүлээ, суу, хэвт, зэрэгц зэрэг командыг тултал нь зааж эзэмшүүлэх ёстой. Нөгөө талаараа хүнд их дуртай амьтан бага зэрэг үнэнч биш гэнэ шүү. Энэ хүн ч таалагдаад, тэр хүн ч таалагдаад яваад өгдөг гэнэ. Үүлдэрийн онцлог нь учраас эздүүд нь битгий гомдоорой кк.

8. Энерги шатаалт - Том нохойн онцлог бол гадаа гүйж, харайж, дор хаяж 3-4цагийн салхилалт, алхалт хийж байж бүрэн энергиээ шатаадаг. Нохойн энерги шатаах гэдэг ямар чухал болохыг манай пэйжээс мэдээлэл авсан байх. Голден бол дээд зэргээр энергийн шатаалт хийж байх ёстой үүлдэр. Тэгэхээр өдөржин гэрт байлгахад маш тохиромжгүй. Голденг хамгийн их тэжээдэг улсууд нь дандаа хувийн хашаатай хаустай Америк, Британи, Канад зэрэг улсууд байдаг. Тиймээс байранд тэжээж байгаа тохиолдолд гадаа сайн гаргаж байх хэрэгтэй.

АНХААРАХ ЗҮЙЛ:
Голден сайхан сэтгэлтэй, ухаантай гээд бүх зүйлд зүгээрээ гээд хяналтгүй байлгаж болохгүй. Ямар ч амьтанд араатан шинж чанар нь заавал байдаг. Зэрэг дэвийн тулаан, эмэгчин амьтны төлөөх өрсөлдөөн, газар нутгаа булаацалдах, эзнээ хамгаалах зэрэг зүйлс нь араатан амьтны яс маханд нь байдаг шинж чанарууд.
Мөн нялх, жаахан хүүхэдтэй том жижиг ямар ч нохойг 2ланг нь үлдээж болохгүй гэдэг бичигдээгүй хууль байдаг. Ойлгомжтой байх гэж бодож байна. Үүнд Голден ч мөн хамаатай шүү.

УДМЫН ӨВЧЛӨЛИЙН ТАЛААР:
1. Голденгийн гол өвчлөл нь түнхний үрэвсэл болон үе мөчний өвчин. (Хойд хөлийн өвдөг муу)Жаахан л үрэвсэл үүсчихвэл түнхний үеийн эргэн тойрны яс, мөгөөрснүүд нь хурдан үхэждэг өвчин юм байна. Энэ өвчин нь генийн өвчлөл учир гөлөг байхад нь тодорхойлох боломжгүй. 2 Голден тутмын 1д нь тохиолдох ба үүсэх магадлал 50%тай байдаг гэнэ. Таргалуулахгүй, хүнд жингүй байлгах нь их чухал.

2. Үүлдэрийг хооронд нь нийлүүлж гаргаж байгаа(нэг талаараа цус ойртолт) тохиолдолд хорт хавдарт их өртдөг. Тэр дундаа Голден нохойны 60- 70% нь хорт хавдраар өнгөрсөн байдаг байна. Ер нь бол хорт хавдартай гэж хараад мэдэгддэггүй учир гэнэтийн үхэл хамгийн их тохиолддог үүлдэрт ордог. Тиймээс 5наснаас хойш заавал жил бүр эмчинй үзлэгт оруулж байх хэрэгтэй.

ГОЛДЕН ҮРЧИЛЖ АВАХАД АНХААРАХ ЗҮЙЛС:
Голден үрчилж авахдаа эцэг, эх нохойд нь ямар нэгэн эрүүл мэндийн асуудал байна уу, түнх, үе мөчний өвчин илэрсэн байна уу гэдгийг маш сайн шалгаж авах хэрэгтэй. Аль болох хямдхан биш үнэтэй, стандартын дагуу үржүүлэг хийдэг хүмүүсээс авах хэрэгтэй.

ЯМАР ХҮМҮҮСТ ТЭЖЭЭХЭД ТОХИРОМЖГҮЙ ВЭ?
- Тэвчээргүй, ууртай хүмүүс
- Нохой, муур амьтнаас амархан харшилдаг.
- Жижиг хэмжээний орон сууцтай
- Нярай хүүхэдтэй
- Гадаа гарах дургүй
- Өдөр бүр нохойгоо салхилуулах боломжгүй
- Байнга гэрээ цэвэрхэн байлгах дуртай
- Өглөө гараад орой ирдэг ажилтай
- Завгүй талдаа, найз нөхөд, уулзалт ихтэй
- Санхүүгийн хувьд тогтвортой биш
- Хамгаалалтын журмаар тэжээхэд Голден үүлдэр тохиромжгүй.

ГОЛДЕН ТЭЖЭЭЖ БУЙ ХҮМҮҮСТ ЯМАР ЗӨВЛӨГӨӨ ӨГӨХ ВЭ?
- Тэвчээр, тэвчээр бас дахин тэвчээр😊 3-4 нас хүртэл нь хатуу тэвчээртэй байх
- Бага байхаас нь гадаа бие засуулж сургах
- Хүн хазаж тоглож болохгүй гэдгийг маш сайн зааж сургах
- Өдөр бүр 2-4цаг гадаа заавал салхилуулж, алхуулж байх
- Вакцин, туулганд нь маш сайн хамруулж байр
- Усанд оруулсны дараа бүлээн сэнсээр маш сайн хатааж байх
- Өдөр бүр үсийг нь самнаж, гуужсан үсийг нь унагах
- Сайн, тэжээллэг, чанартай, үнэтэй хоолоор хооллох
- Биеийн жинг тогтмол барьж, таргалуулахгүй байх
- Нэмэлтээр загасны тос, омега уулгах
- Чихийг нь байнга шалгаж, цэвэрлэж байх
- 5наснаас хойш жил бүр бүтэн биеийн үзлэгт хамруулж байх
- Хоолыг нь яг сайн тааруулж өгч байх, нэмэлт амттан бага өгөх
- Бат бөх сайн чанарын цээживч уяатай явуулж байх
- Командуудыг маш сайн зааж сургах. Эрсдэлтэй үед командаар зогсоохыг сурах
- Аль болох танихгүй хүнд эрхлүүлэхгүй байх( муу зан сураад дараа нь ямар ч хамаагүй хүн дээр гүйж очиж эрхлэх гээд байдаг)
- Зундаа гол туулуулж, усаар тоглуулж байх
- За тэгээд сайн Хайрлаж байх. Хайрлуулдаг нохой өөр байдаг шүү❤️

Ингээд ерөнхийдөө Голден Ретривер үүлдэрийн талаар чухал гэсэн зүйлсийг нэгтгэж бичлээ. Мөн Голден тэжээдэг туршлагатай хүмүүс байвал шинэхэн эздүүд болон тэжээх хүсэлтэй хүмүүст зориулан коммент хэсэгт нэмж зөвлөгөө өгөөрэй. Ингэж хуваалцсан мэдээлэл магадгүй нэг ч гэсэн Голденг гудамжинд гарахаас сэргийлж чадна гэж найдаж байна.

эх сурвалж: “БӨМБӨӨХЭЙ ПЭЙЖ”

11/04/2024

mischievous puppy

10/01/2024

Нохой салхилуулж яваа хүмүүс тодорхой хэмжээгээр дарамттай явдаг. Яагаад гэж үү...Тэд нохойндоо итгэж байгаа ч нохойны тухай мэддэггүй хүмүүс, тэдний аюулгүй байдал, бас бусад хүмүүсийн сөрөг нөлөөллөөс санаа зовж байдаг. Тиймээс хэдхэн санамж бичлээ.
1-рт, Танихгүй нохойг илэх, эрхлүүлэх гэж битгий оролдоорой. Нохой ч бас таныг танихгүй учраас тэр уурлаж, бухимдаж магадгүй. Танихгүй хэн нэгэн гэнэт таныг илж таалаад эхэлбэл та ч дургүйцнэ.
2-рт, Нохойг айлгах гэж гэнэт цочоох үйлдэл битгий гаргаарай. Хүмүүс бид ч гэсэн гэнэт цочихоороо орилж хашгирдаг, эсвэл цочсондоо өөрийгөө хамгаалах оролдлого гаргадаг шүү дээ.
3-рт, Салхилж яваа нохойнд чихэр амттан гэх мэт зүйл битгий өгөөрэй. Зарим нохой хүний гараас юм авч идэж сураагүй байдаг. Тиймээс огцом хөдөлгөөн хийж таны гар хурууг гэмтээж магадгүй. Нөгөө талаар нохой амархан хордлого авдаг, идэх, идэхгүй зүйл байдаг гэдгийг битгий мартаарай.
4-рт, Олуулаа яваа өсвөр насныхан нохой руу нэг нэгнээ түлхэх, орилж хашгирах гэх мэт үйлдэл гаргадаг. Нохойнд өөрийгөө хамгаалах рефлекс байдаг юм шүү. Тиймээс зүгээр л зөрөөд өнгөрч байгаарай.
5-рт, Хүний нохой хичнээн хөөрхөн харагдсан ч битгий авч яваарай. Чамайг амьдарч байсан гэр, дасаж сурсан газраас чинь хүчээр авч явж хайртай дотно хүмүүсээс чинь салгаж байгаатай адилхан шүү.
6-рт, Нохой үнэрч, сониуч амьтан учраас хажуугаар өнгөрч байгаа хүн, амьтныг үнэрлэх, дагах талтай байдаг. Тэр таныг хазах гэж байна уу, эсвэл эсвэл сонирхож байна уу гэдгийг эргэцүүлж түр хүлээгээрэй. Буруу ойлголцол хүмүүс бидний хооронд ч төвөгтэй байдал үүсгэдэг шүү дээ.

18/11/2023

Гадны оронд тэжээвэр амьтанд зориулсан үзэсгэлэн хүртэл хийгдэж байхад Манайд Пүү Паа наадхаа холдуул гэдэг хэзээ өөрчлөгдөнө дөө

04/11/2023

Perfect shoot
Хөөрхөн юмаа

08/08/2023

олдоосой билээ

Update: Олсон😁

Күмагийн охин алга болжээ😰

"Салхит лагераас нохой маань алга болчихлоо. 😭😭😭 8н сарын 3-ны өглөөнөөс хойш сураггүй, ирдэггүй ээ.

Молли нэртэй, нэрээ сайн мэддэг. 2 настай охин Голден. Бор арьсан хүзүүвчтэй, спэй хийлгэсэн тул үржилд орох боломжгүй.

Гэр, гэрийн ойр орчмоо сайн мэддэг төөрч будилна гэж байхгүй, хүн аваад явсан шиг байна. Энэ хавиар маш их хайсан, оршин суугчдын групп чатуудруу зарлуулаад сураг байдаггүй ээ.

Харж үзсэн таарсан хүн байвал коммент чат бичиж тус болооч. 🙏🙏🙏
Холбогдох утас: 99108482, 99104048"

Бүгдээрээ гэртээ харьтал нь шэйрлээд өгөөрэй🥺

08/07/2023

Гадаа би ч гасалж чадахааргүй халуун байна шдээ🥵🥵🥵

07/07/2023

Attention ‼️

31/05/2023

бод бод сайн бод

"Нохой авах уу, чихмэл авах уу?"
Нохойны групп дээр олон хүн цэвэрхэн, ухаантай, бараг л бааж шээдэггүй нохой авмаар байна ямар нохой дээр вэ гэж асуухад олон хүн "Чихмэл нохой ав!" гэж тоглоом маягаар боловч үнэн хариулт өгдөг. Нохой тэжээхэд хамгийн чухал зүйл бол миний хувьд "тэвчээр". Гөлөг үедээ анх ирээд ээжийнхээ мөөмийг хайгаад шөнө дунд сэрж орилно, хуцна, шалаар шээж баана, тэр бүрт эзэн нь босч ээжийнх нь үүргийг гүйцэтгэж хооллож, дулаацуулж, баас шээсийг нь цэвэрлэж, бас буцааж унтуулах хэрэгтэй болдог. Нойрондоо харам хүний хувьд орилох бүрт нь босч асрах нь үнэхээр хэцүү боловч тэвчээд гарвал хэдхэн сарын дараа гөлөг томорч хэцүү бүхэн ард гардаг. Гэвч олон эзэд гөлөгнийхөө эхний хэдэн шөнийн шээс баас, обой хана мэрснийг нь хараад сэтгэлээр унаж, гэнэт "гадаад явах" болж, эсвэл гэнэт "харшилтай" болж "дагалдах хэрэгсэл"-тэй нь хямд зарах, эсвэл утас пүүзээр тулах, тааралдсан хүндээ үрчлүүлж, бүр арга ядсан нь гудамжинд гаргадаг. Хэрэв та нохой тэжээмээр байгаа бол, нохой авахаар шийдчихсэн байгаа бол дараах асуултуудыг өөрөөсөө асууж үзээрэй!

🐶1. Танай гэрийн бүх гишүүд нохой авахыг хүсч байгаа юу?
Нэг л гишүүн дургүй байхад бусад нь дургүй хүнийхээ дарамтанд нохойтойгоо ад үзэгдэж амьдарна! Гэхдээ зарим дургүй хүн нь эцэстээ нохойндоо хамгийн хайртай хүн болж хувирсан тохиолдол олон бий😉

🐶2. Ирээдүйд шинэ хүнтэй болвол нохойгоо тэжээсээр байх уу?
Судалгаагаар жирэмсэн үедээ нохой тэжээвэл байвал ирээдүйд төрөх хүүхэд маш сайн дархлаатай болж төрдөг нь тогтоогдсон. Мөн нохойтой айлын хүүхэд эрүүл мэндийн хувьд дархлаа сайтай, нохойтойгоо тоглоод байнгын хөдөлгөөнтэй учир биеийн тамир хийсэнтэй адил байдаг, сэтгэл санааны хувьд ганцаарддаггүй, амьтан хайрладаг, илүү зөөлөн сэтгэлтэй болдог гэсэн судалгаа бий.
Дэлгэрэнгүй унших бол👇🏻
https://www.facebook.com/permalink.php?story_fbid=157615858295923&id=154136601977182
Монголчуудын хүүхэд нохой цуг байдаггүй гэсэн мухар сүсэг, эсвэл буруу хүмүүжүүлсэн, эсвэл буруу нохой сонгосноосоо болж хүүхэдтэй тохиромжгүй гэдэг үүднээс олон нохой гэрээсээ хөөгддөг!!!

🐶3. Хэн нохойгоо салхилуулж, хооллож, усанд оруулах вэ? Энэ маш ЧУХАЛ!!!

👦🏻🐶Хүүхдэдээ нохой авч өгч байгаа, хүүхэд нохойгоо гаргана, усанд оруулна, хооллоно гэж бодож байгаа бол та эндүүрч. Олон аав ээж нар хүүхдэдээ нохой авч өгсөн чинь хүүхэд нохойгоо асарч чадахгүй өөрөө бүгдийг нь хийж байна гэж хэлдэг. Бяцхан мундаг эзэд байдаг л байх даа, гэхдээ дундаас доош ангийнхан нохойтойгоо эрхэлж тоглож, сайн найзууд байж чадах ч гадаа гаргах тал дээр чадахгүй л болов уу. Монголд нохойг хүн бүр нааштайгаар хүлээж авдаггүй, нохойгоо аваад гарч байгаа хүүхдүүдийг гадны хүмүүс харааж загнах, ад үзэх, хүүхдүүд нохойндоо чирэгдэх, нохойгоо сул тавьж алдах, өөр нохойтой зодолдох, хулгайч нарт булаалгах, хүмүүс рүү нохой нь хуцаж дайрахад ямар ч хариу үзүүлж чаддаггүй. Тиймээс хүүхдүүдээ нохойтойгоо зөв харьцаж чаддаг, нохойгоо бүрэн удирдаж суртал нь эцэг эх л нохойгоо салхилуулах хэрэгтэй.

🌨⛈🌦⚡️🌪🚶🏻‍♀️🐕🚶🏻🐕 Өвлийн цасан шуурга, хаврын хавсарга, зуны халуун, бороотой, шавартай шалбаагтай гээд ямар ч үед хамт даараад, хийсээд, нороод хамт гадаа гарах хүн хэрэгтэй. Баяр наадам, шоунд яваад шөнө хэдэн цагт ч харьсан таныг 00 орох гээд нэг нөхөр хүлээж байна!!!

🛁Гөлөг үед нь ямар ч бяргүй хүн усанд оруулчихна. Томроод усанд орох дургүй, эзнээ дээрэлхдэг нохой бол савандаж амжаагүй байхад л уснаас гүйж гараад хамаг юм руу чинь усаа сэгсрээд гэрээр нэг гүйнэ.

🍚Гөлөг байхаас нь яг тогтмол, олон тоогоор хооллохоос эхэлнэ. Яг л нялх хүүхэд шиг 2,3 цаг болоод л өлсөнө, цангана. Өглөө аягыг нь дүүргээд гарах биш, өдөрт 5,6 удаа хооллох ёстой, тэгж байж эрүүл, амархан өвддөггүй, юу тааралдсанаа иддэггүй хооллолтын зөв хуваарьтай болно.

🐶4. Гөлөг томоожтолоо таны хайртай гутал хувцас, хивс буйдан, тавилга гээд үнэтэй цайтай зүйлүүдийг чинь сүйдлэхэд та болон танай гэр бүлийнхэн хэр хүлээцтэй хандах вэ?
Таны гэрийн арьсан, даавуун, модон тавилга хэдэн саяын үнэтэйг чинь нөгөө нөхөр мэдэхгүй, жаахан уйдаад, стрессдвэл хэмлээд, хазаад, мэрээд орой ирэхэд чинь маш том SURPRISE-тай угтаж магад! "Манай гэрийн тийм юмыг эвдэлчихлээ эсвэл ирснээсээ хойш хэдэн сар шээж бааж сурсангүй, орон дээр баачихлаа бид хоёр гэрээсээ хөөгдлөө, манай нохойг авах хүн байна уу?" гэж олон хүүхэд нохойгоо хүнд үрчлүүлж эсвэл хаядаг!

🐶5. Гөлгөндөө хэр цаг зав гаргаж чадах вэ? Тогтмол агаарт гаргаж, гүйлгэж харайлгаж чадах уу? Чадахгүй бол уйдсан нохой энергиэ шатаах гэж таны шинэ авсан бугын арьсан гутал, хайртай нүдний шил, цүнх, гялалзсан модон шал гээд аль тоглочихмоор зүйлийг чинь өглөө босоход сүйтгэсэн байна. Мөн хөл нь тахийгаад л эрүүл мэндэд нь ч асуудал үүсч эхэлнэ.

Цаг гаргаж нохойтойгоо байнга харьцаж, зөв сургаагүйгээс "чихгүй толгой" болж өсөөд нохойгоо загнаж хашгирсаар нохой нь ч эзнээ тоохгүй эзнээсээ зугтсан, үгэнд орохгүй байдал бий болно. Эцэст нь чадах чадахгүй нохойн сургалтанд өгч зарим нь юм сураад ирдэг ч, зарим нь нохойгоо алдаж, эсвэл эцэж цуцсан, турсан, хүнээс айдаг болсон, юу ч сураагүй чихгүй толгой буцаж гэртээ ирдэг.
Яг нарийн команд биш л бол гадаа бие засуулах, дуудахад ирэх, хэвтэж суух, байрандаа гэх мэт энгийн командыг сургалтын газар биш эзэн өөрөө сургасан нь дээр байдаг. Хэрэв тусгай сургалтанд өгөх хүсэлтэй бол сургасан нохой нь заасан зүйлийг нь яг таг сурсан, эзэн дээрээ очоод ч командаа биелүүлдэг болсон, албан ёсны нохой сургах сургалтанд сууж байсан, диплом гэрчилгээтэй, туршлагатай нохой сургагчаар нохойгоо сургасан нь зөв.

🐶6. Нохойндоо хоол, витамин, туулга, эмнэлгийн үйлчилгээ, тоглоом, хэрэгсэл авах санхүүгийн боломж хэр вэ?
Нохой авсны дараах зардал авсан үеийнхээ зардлаас хэд дахин их байдаг. Вакцин, туулга, хоолонд тогтмол мөнгө зарлагадна, бусад нь эзний мэдэх хэрэг ч нохойнд шаардлагатай зүйлс маш их байдаг.

🐶7. Гэрийнхэн дунд амьтны харшилтай хүн байгаа эсэх.
Нэг хүн л харшилтай бол аваагүй нь дээр, нөгөө хүнээ шийтгэж байгаа юм шиг хамаг арьсан дээр нь юм тууруулаад, хоолой амыг нь боолгуулаад, байнга эм уулгаад явна гэдэг хэцүү. Гэхдээ бүх нохой харшил үүсгэдэг гэсэн үг биш, харшил үүсгэдэггүй нохойн үүлдэр гэж бас бий шүү✌🏻

🐶8. Ойрын хугацаанд гадаад явах эсэх...

Хэсэг хугацаанд гадаад, дотооддоо явахад нохойгоо орхиж явах нь их асуудал болдог. Энэ үед нохой алдчихгүй, өвтгөчихгүй найдвартай хараад өгөх хүн хэрэг болдог...

Урт хугацаагаар гадагшаа явахад Монгол улс галзуугийн өвчинтэй орны тоонд ордог тул зарим орон жишээ нь хятад руу нохойтойгоо (муур бас) ✈️онгоцоор нисээд Бээжинд буугаад хилээр ороход 30 хоног карантилдаг. 30 хоног карантилахдаа тусгай эмнэлэгт байлгаж, нарийн шинжилгээ авч, нохой байлгасан, хооллосон, шинжилгээний бүх төлбөрийг эзнээс гаргуулна, төлбөр их өндөр үнэтэй! Нохой аваад гадагшаа явах бол ямар улс, ямар журмаар, яаж хилээр оруулдаг гэдгийг нь судлаарай.

🐶8. Үс үс үс...
Дийлэнх нохой өдөр бүр их бага хэмжээгээр үсээ хаядаг. Голденгийн хувьд жилдээ 2 удаа их хэмжээгээр үсээ хаяна. Энэ үед нь буйдан дээрээ гаргах нь битгий хэл шалаараа ч явуулмааргүй санагдана. Шалаа шүүрдээд л байна шүүрдээд л байна, шүүрдээгүй юм шиг л үс шүүрдэгдэнэ. Хааяа аманд хүртэл үс нь явж байна. Үсний асуудлыг нь зохицуулахын тулд үсний витамин, тос, сайн зөв хоол, сайн шампунь хэрэглэх, үс самнах, агаарт гаргах хэрэгтэй болно. Үсний асуудлыг нь шийдэж чадахгүйгээс болж олон нохой хашаанд гардаг!!!
Үс унадаггүй, үс нь хүний бүтэцтэй адил non-shedding нохойны үүлдэр бас байдаг✌🏻🙂

Та үнэхээр нохойнд хайртай, энэ бүхнийг тэвчээд тэсээд, чадна, болно гэж үзэж байгаа бол таны нохой тэжээх цаг нь болжээ. Хүн бүрийн хайдаг, тэжээхийг хүсдэг цэвэрхэн, ухаантай, бааж шээдэггүй нохойг эзэн өөрөө л бүтээж чадна!

By Zaya BE
©️Kuma пэйж

05/04/2023

bi chin odoo 28tai zaluu shde 😜

1=15

18/03/2023

Дэлгүүр гарлаа
Ажлын хөлсөнд ганц зайрмагтай

11/03/2023

Агаар сайхан жүү

09/12/2022

Нохой хүртэл цадахаа мэддэг

08/11/2022

mundag bn shuu.

26/10/2022

Нохойны л амьдрал шдээ 😂😂

26/10/2022

Нохойны л амьдрал шдээ🤪🤪