21/01/2024
Crown မှာ Woof Pregnancy ကို စစ်နိုင်ပြီတဲ့ရှင့်!
🎉👏👏👏🥳
🐾 Pregnancy detection in Dogs and Cats 🐾
ခွေးလေးတွေ ကြောင်လေးတွေမှာ ကိုယ်ဝန်ရှိ မရှိ စမ်းသပ်ခြင်း (pregnancy detection) ကို
1. လက်ဖြင့်ဗိုက်ကို စမ်းကြည့်ခြင်း Physical examination (abdominal palpation)
2. ဓာတ်မှန်ရိုက်ခြင်း (Xray-Radiology)
3. အာထရာဆောင်းရိုက်ခြင်း (Ultrasound-Ultrasonography)
4. Test kit ဖြင့်စစ်ဆေးခြင်း (Relaxin Assay Test) တို့ဖြင့်စစ်ဆေးလေ့ရှိပါသည်။
ဒီ topic လေးမှာတော့ Xray နှင့် Ultrasound ဖြင့် Pregnancy Detection ကို ဖော်ပြပေးသွားမှာဖြစ်ပါတယ်။
ခွေးနှင့်ကြောင်တွေမှာ ကလေးအရိုးစု (fetal skeleton) ဟာ သားစပ်ပြီး/ မိတ်လိုက်ပြီး 28 ရက်အကြာမှာစတင်ပြီး အရိုးပုံစံ (calcify) စဖြစ်ပေါ်ပေမယ့်လည်း Xray မှာ ကလေးအရိုးစု (fetal skeleton) ကို ကိုယ်ဝန်ဆောင်ကာလ 42-45 days လောက်မှမြင်ရတတ်ပါတယ်။
Xray နဲ့က Pregnancy detection ကို ကလေးအရိုးစု (fetal skeleton) ရှိ မရှိကြည့်ပြီးခန့်မှန်းသိရှိနိုင်တာဖြစ်ပါတယ်။
ဒါကြောင့် Xray နဲ့ Pregnancy detection လုပ်မယ်ဆိုရင် ပိုပြီးသေချာချင်ရင် ကိုယ်ဝန်ဆောင်ကာလ 47-48 days လောက်မှာ ရိုက်မှသိရှိနိုင်မည်ဖြစ်ပါသည်။
ကိုယ်ဝန်ဆောင်ကာလ 45 days မတိုင်ခင် Fetal skeleton ကိုသေချာမမြင်ရခင်မှာ Xray ရိုက်မိရင် Xray မှာ သားအိမ်ကြီးနေတာမျိုးပဲမြင်ရပြီး သားအိမ်ကြီးနေတာက ကလေးရှိလို့ကြီးနေတာလား သို့ မဟုတ် သားအိမ်ပြသနာ (သားအိမ်ပြည်တည်နာ pyometra)ဖြစ်နေလို့ကြီးနေတာလား
ဆိုပြီး သေချာမခွဲခြားနိုင်တော့ပါ။
နောက်ထပ် Xray နဲ့သိရှိနိုင်တာကတော့ Fetal size (ကလေးအရွယ်အစား)နဲ့ Fetal number (ကလေးအရေအတွက်)ပဲ ဖြစ်ပါတယ်။
Fetal size & Fetal number ကိုသိချင်ရင်တော့ ကိုယ်ဝန်ဆောင်ကာလ 55 days နောက်ပိုင်းရိုက်မှသာ ပိုအဆင်ပြေပါတယ်။
Ultrasound နဲ့က Pregnancy detection ကို gestational sac (သန္ဓေသားရှိမယ့်အိတ်) ကြည့်ပြီး သိရှိနိုင်တာဖြစ်ပါတယ်။
Ultrasound နဲ့ကတော့ Pregnancy detection ကို ကိုယ်ဝန်ဆောင်ကာလ 25-35 days မှာ စပြီးစစ်ဆေးလို့ရပါပြီ။ ကိုယ်ဝန်ဆောင်ကာလ 21 days မတိုင်ခင် ရိုက်မိရင်တော့ False negative result ရနိုင်ပါတယ်။
Ultrasound နဲ့က gestation age (ကိုယ်ဝန်ဆောင်ကာလ)၊ Fetal viability(ကလေးအသက်ရှင်/မရှင်), Fetal heartbeat (ကလေးနှလုံးခုန်နှုန်း) နှင့် appearance of fetal structure (ကလေးပုံစံ) တို့ကိုသိရှိနိုင်ပါသည်။ ဒါ့အပြင် တခြားသောသားအိမ်ပြဿနာတို့ကိုလဲ သိရှိနိုင်တာကြောင့် ကိုယ်ဝန်လားသားအိမ်ပြသနာလားဆိုတာကို ကောင်းစွာခွဲခြားသိရှိနိုင်မည်ဖြစ်ပါသည်။
အချုပ်အားဖြင့် Xray နဲ့ဆိုရင် Pregnancy detection ကို ကိုယ်ဝန်ဆောင်ကာလ45 ရက်နောက်ပိုင်းမှစမ်းသပ်နိုင်ပြီး ကလေးအရွယ်အစားနှင့် ကလေးအရေအတွက်ကိုသိရှိနိုင်မည်ဖြစ်ပါသည်။
Ultrasound နဲ့ကတော့ ကိုယ်ဝန်ဆောင်ကာလ အစောပိုင်းကာလမှာစတင် စမ်းသပ်နိုင်ပြီး ကလေးအသက်ရှင်/မရှင်နှင့် သားအိမ်ပြသနာကောင်းစွာခွဲခြားသိရှိနိုင်မည်ဖြစ်ပါသည်။
ဒါကြောင့် မိမိတို့ရဲ့ pet လေးတွေ ကိုယ်ဝန်စမ်းသပ်
စစ်ဆေးလိုလျှင် မိမိသိရှိလိုသောအကြောင်းအရာကို သက်ဆိုင်ရာဆရာဝန်နဲ့ဆွေးနွေးတိုင်ပင်ပြီး စစ်ဆေးနိုင်ပြီဖြစ်ပါသည်။
