FUVEMA

Home
FUVEMA

Future Veterinary Makers 💛⚡

Veterinarians 🤍👨‍⚕️

15/06/2024

كـل عـام وأنتـم بخـير وصـحة وعـافيـة ♥️
عـيد أضحـي مـبارك ♥️
طِبتُم وطَاب عيدكُم أدام الله بَهجة أعَيادكم بقُرب مَن تحبّون 💘

15/06/2024

نـصائح ذبـح الأضحـية ♥️
كـل عـام وأنتـم بخـير ♥️

27/04/2024

🙏♥️

14/04/2024

FUVEMAER 💥🤔

What awaits you soon !

Stay Tuned ⚡

11/04/2024

هنكمل كلام معاكم عن كحك العيد علشان تقدر تستمتع بيه من غير ما تروح مننا 🫶🏻😂

علشان تقلل الاضرار المحتملة من تناول حلويات العيد :
-ممكن تاكلها بين الوجبات وابعد عن اكلها وانت حاسس بالجوع
-اشرب كميات كبيرة من المياه على مدار اليوم
-الكحك مليان سكر ياعزيزي ف حاول تختار انواع سكرها قليل او على الاقل مش لازم تخليها تعوم في السكر البودرة
-ابعد عن الكحك والحلويات المصنوعة بزيوت نباتية
-اهتم انك تاكل خضروات خصوصاً الورقية في الوجبات بتاعتك علشان تقلل تأثير وتركيز الدهون اللي داخلة الجسم
-" قوم عيّد على قرايبك " المشي بيساعد على التخلص من السعرات الحرارية اللي اكتسبتها من أكل الكحك والبسكويت
-" البعيد عن العين بعيد عن الكرش " متحطش الحلويات في مكان قريب منك او في متناول ايدك علشان دا بيزود من فرصة (هدوق بس) كل ربع ساعة
وطبعاً مش هوصيك تاكل قطعة او اتنين بالكتير في اليوم .

دمـتم بصحة وخير ♥️

10/04/2024

يا كحك العيد يا احنا .. يا بسكويت يا احنا ♥️🕺🏻
متابعين FUVEMA في كل مكان عيدكم سعيد وكل سنة وانتوا طيبين ♥️
تعرف ان كحك العيد له فوائد كتير جداً ؟
كحك العيد فيه فيتامين هـ و أ اللي بيحافظوا على البشرة من الشحوب والجفاف و عنصر السيليكون اللي بيحافظ على البشرة من التجاعيد
كمان بيحتوي على عنصر اليود اللي بيساعد على تنظيم عمل الغدة الدرقية وعنصر الحديد اللي بيساعد على رفع المناعة .

لكن زي ما كحك العيد له فوائد ف الافراط في تناوله بيسبب اضرار كتير جداً زي : تسوس الاسنان ، الاسهال وعسر الهضم ، زيادة الوزن ، مشاكل للبشرة ، الاضرار بمرضى السكري والقلب والكبد ، الاصابة بالاكتئاب والتوتر بالاضافة للأرق عند تناوله قبل النوم مباشرةً
واستنونا البوست الجاي هنقولكم ازاي تقللوا من المخاطر الصحية لتناول الكحك♥️🫶🏻

09/04/2024

نهـنئكم بعـيد الفـطر المـبارك ، طـابت أعيـادُكم برِفـقة مَـن تُحـبون ♥️
عيـد فـطر مُبَـارك ♥️

02/04/2024

مدمنين القهوة 🙋‍♂️
تجنبوا الفطار علي القهوه او النسكافيه او اي مشروب فيه ماده الكافيين ☕

لانها بتخلي المعده تفرز عصارتها وده هيعملي التهاب في المعدة وعسر هضم وحتي كمان ممكن يوصلك لـقرحة المعدة وتدخل في دوامه كبيره طب ولييه..؟ 🤷‍♂️

نفطر علي تمر الي بيمد الجسم بالكربوهيدرات الي محتاجه وينشط الدورة الدموية في الجسم والمخ بدون اي أضرار .🌴

دمـتم بـصحـة وخـير ♥️

31/03/2024

حان الان موعد اذان المغرب..
استني استني شايفك ياللي واقف بالعصير والكنافه انت تعالالي 🏃‍♂️

اكبر غلط ممكن تعمله ان بعد صيام كتير وجلوكوزك هادي تديله كمية السكريات دي
انت كده رفعت الجلوكوز اوي والانسولين من الصدمه مش عارف يشتغل ازاي يقوم يفضل الجلوكوز عالي عندك وده اللي مسببلك الهبوط .

كفاك اللي حصل لاااااا يلا بسرعه رز كتير وخضار وبروتين قليل افطر بس يا صاحبي امال هنصوم بكره ازاي🤦🏼‍♀️

صديقي الطفس
مع سمع الله اكبر افطر بتلات تمرات زي السنه وكوب ماء 🍶

بعدين روح صلي المغرب و استعد للفطار كده انت هيأت جسمك للاكل وظبطت الدنيا الحمد لله
وانت بتفطر تاكل لقبل ماتملي معدتك بشويه عشان معدتك تقدر تهضم وتقدر تصلي التراويح
صليت التراويح وجيت تقدر تاكل قطعه الكنافه اللي هنخسر بعض عليها خلاص ( قطعه مش صينيه ) وارجوك متنساش تشرب مايه كتير
بعدها نام لحد السحور واصحي كرر النظام ده تاني

كده انا عملت نظام صحي باكل صح ومشيت يوم صح وانجزت فيه
وبكده نكون صححنا نظرتنا لليوم في رمضان .....
وعشان FUVEMA بتخاف عليك وعلي صحتك استني باقي بوستات شهر رمضان ♥️
كل عام وانتم الي الله اقرب ♥️

29/03/2024

تعالا هنا رايح فين ياللي شوفت البوست وهتقلب .... 🏃‍♂️

سالت نفسك انا ليه مش بعرف اذاكر في رمضان قبل السحور او بعده 🤔
اقولك انا ببساطه لاننا اخدنا فكره لرمضان انه أكل ومرعي وقلة صنعه بس 🫠

طب انا كعضو فود سيفتي في FUVEMA واللي بدوري اصلحلك الغلط ده فركز معايا :

• هنبدأ بالسحور مش معني ان حضرتك صايم يبقي تاكل الاخضر واليابس عشان تقدر تصوم لا ،
تاكل بيض مسلوق وفول ( متكترش عشان ميهيسش علي مخك اللي مش موجود ده 😂 ) وزبادي وعيش وقول الحمد لله 🙋‍♂️

طب ليه الفقر ده ، اقولك ؟!

ببساطه يا صديقي اللي هيخليك تستحمل الجوع هي المأكولات اللي فيها نسبه دهون زي دي مش زي ما حضرتك فاكر اي حاجه تبع الكربوهيدرات دي ماهي الا هتهيبرلك مستوي الجلوكوز في الدم 🩸
وبعدين مش كفايه صينيه الكنافه اللي كلتها علي الفطار 😉

اتسحرنا وكله تمام ليه ننام بعد الاكل 🤨

سؤال بس هو حضرتك بقره ولازم تعمل rumination ؟
استغل الوقت ده واللي بيكون هيبدأ فيه الايض في انك تنجز المذاكره اللي عليك ( جيت على الجرح انا عارفه مطحونين كويزات الغلابه ) 🏃‍♂️😂

وهتكمل يومك عادي تنزل جامعتك شغلك ايا كان انت خدت بركه اليوم من الوقت والاكل الصح ♥️

إستنونا البوست الجاي عشان نعرف هنكمل بقيت اليوم إزاي 🏃‍♂️

دمـتم بصـحة وخـير ♥️🌛

25/03/2024

إشررب علي قدد م تقددر لحد م تسمع الآذان 🏃‍♂️

من العادات الغذائية الخاطئة اللي بنعملها في رمضان واكتر حاجه منتشره هي شرب الماء بكثرة 🍶

بعض الناس معتقدين انهم لما يشربوا ماية كتير على الفطار والسحور هما كده بيحموا نفسهم في العطش أثناء الصيام ولكن شرب ماية كتير في السحور بيزود عمل الكلي عشان تتخلص من الماية وممكن ده يسبب عطش بالنهار 🤐

ف ننصح بتناول الفاكهة الغنيه بالماية على السحور زي البطيخ والتفاح لأنها بتعمل على افراز الماء تدريجيا أثناء الصوم 🍉🍎

ف يا صديقي يجب توزيع شرب الماء على الفتره الممتدة بين الفطار والسحور وليس تركيزها خلال وجبة السحور فقط ،

وكمان شرب الماء البارد عند الإفطار يؤدي إلى تقليل حركة الدم الي المعدة والامعاء وده هيؤدي الي مشاكل في الجهاز الهضمي زي المغص عشان كده يفضل نشرب ماية فاتره او في درجة حرارة الغرفة ❄️

دمـتم بصـحة وخـير ♥️🌛

23/03/2024

رمضان كريم وكل سنة وانتو طيبين 🌛♥️

عايزين نقولك معلومة سريعة كدا يا صديقي 🏃‍♂️
قبل متشرب عصير على معدة فاضية وانت صايم
فكر ثانيتين !!🤫

- زيادة سكر الدم مرة واحدة ده خطر من هنا لبكرة
و يخلينا بدل مناخد طاقة ونستفاد نتعب ونحس بهمدان و ممكن نحس بقئ وغثيان...

- بيحصل تراجع فى كفاءة الجهاز الهضمي وده بيعملى عسر هضم وانتفاخ وممكن حموضة لو شربت عصير حامض شوية زى البرتقال...

طيب انا عايز اشرب عصير ،، اشرب بس 🤏🏻

- نخليه بعد الاكل بشوية ،
- منزودش عن كوباية فى اليوم عشان نحافظ على سكر الدم ،
- ممكن برده استبدل العصير بالفواكه هيبقى احسن بكتييير .

واخيرا ، مننساش اننا نبعد خالص عن المشروبات الغازية عشان مفيش منها اى فوايد هى بس بتزودلى فى السعرات الحرارية واحنا مش ناقصيين 🤭♥️

دمـتم بصـحة وخـير ♥️🌛

10/03/2024

نـهنئكـم بـحلول شـهر رمـضان المـبارك ونتمني لـكم صـومـا مقـبولاً وإفـطاراً شهـياً 💛🌙

22/11/2023

البوست اللي فات اتكلمنا عن أنواع البكتيريا اللي بتقدر تغير في لون اللبن، وتخلينا نتأكد أن اللبن ده غير صالح للاستخدام، النهاردة هنتكلم عن فساد اللبن وايه أول أسبابه.. ‎🥛
تغير درجات الحراره وخاصه ارتفاعها فبالتالي بقا وسط مناسب لنمو وانتشار البكتريا اللي بتغير حموضة اللبن واكتر حليب عُرضه ل دا هو الحليب خالي من الدسم
اكتر انواع البكتريا المسببه لفساد الحليب Pseudomonas fluorescent ‎
نعرف ازاي انه حليب فاسد..؟
‎بيتغير لونه للاصفر ويظهر فيه كُتل
وريحته بتتغير ومذاقه لاذع
ايه الاعراض لو تم شُرب اللبن الفاسد..؟
١-لو بكمية قليلة ممكن ميحصلش أي حاجه أو تظهر أي أعراض وممكن تظهر اعراض طفيفة زي ألم في المعده او الغثيان او الاسهال او القئ
‎٢- لو بكميات كبيره بيعمل تسمم

طيب ازاي نتجنب أسباب الفساد ده؟
‎الفساد ناتج من انخفاض درجة الحرارة وبالتالي الحل هو حفظ اللبن في درجات حرارة مناسبة وخصوصا في فصل الصيف عشان نمنع البكتيريا من النمو، وبس يسيدي ديه كانت مقدمة بسيطة عن فساد اللبن

17/11/2023

مساء الخير اعزائي متابعين فيوڤيما 🙊♥️
جينالكم النهارده بمرض يهمنا كلنا سواء دكاتره أو لا ألا وهو
أنفلونزا الكلاب (Canine influenza) 🐕

يا تري اي انفلونزا الكلاب دا كلنا بنسمع عن انفلونزا الطيور كلاب دي جديده علينا 🙆

هي عدوىٰ فيروسية شديدة ، تؤثر على الكلاب و القطط كمان .

تنتقل أنفلونزا الكلاب عن طريق الرذاذ أو الهواء الجوي الذي يحتوي على إفرازات الجهاز التنفسي الناتجة عن السعال و النباح و العطس ، ويمكن أنها تنتشر بِشكل غير مباشر من خلال الأشياء (مثل بيوت الكلاب و أوعية الطعام والماء والأطواق) أو الأشخاص الذين كانوا على اتصال بالكلاب المُصابة .🙋

من المهم تنظيف و تطهير الأشياء التي كانت على اتصال بِكلب مُصاب لتجنب تعرُّض الكلاب الأخرى للفيروس ،وبالمثل الأشخاص الذين كانوا على اتصال بالكلاب المُصابة ، يمكن للفيروس أن يظل حيًا على الأسطح لمدة تصل 48 ساعة وعلى اليدين لمدة 12 ساعة.
من الممكن ألا تظهر أعراض المرض على الكلاب في وقت حضانة الفيروس (Subclinical signs).

طيب اي هي الاعراض اللي بتظهر clinical signs ؟

بيقولك ان الڤيروس دا يتكاثر داخل الخلايا في الجهاز التنفسي من بطانة الأنف إلى المسالك الهوائية،و يؤدي إلى إلتهاب الأنف وإلتهاب الشعب الهوائية (عدوى تنفسية حادة)

طيب ف وقت محدد للعدوي دي ؟🫣
لا يوجد موسم لأنفلونزا الكلاب ، يمكن أن تحدث العدوى في اي وقت من السنة.

غالبية الكلاب المصابة تظهر عليها الشكل الخفيف والاكثر شيوعًا من أنفلونزا الكلاب وهو السعال الذي يستمر من ١٠ الى ٢١ يوم على الرغم من العلاج بالمضادات الحيوية و مثبطات السعال .

طيب الحقونا بالعلاج بقا ؟🫵
مضادات الميكروبات للعدوى البكتيرية ، الأدوية المضادة للإلتهابات حسب الحاجة لتقليل الالتهاب ، السوائل للمساعدة في تصحيح الجفاف أو الحفاظ على الترطيب .

ينبغي إجراء تعديلات على العلاج حسب الحاجة و بناءً على الاستجابة للعلاج والعوامل الصحية الاخرى.

يجب عزل الكلاب المريضة،و يفضل أن يكون ذلك في منطقة بها مصدر هواء منفصل ، يوصى بفترة عزل مدتها 4 أسابيع .

ارتداء معدات الحماية الشخصية (القفازات والعباءة scrup يعني )عند التعامل مع الحيوانات المصابة لتجنب تلوث الملابس .

وكدا ي عزيزي نكون جمعنالك اهم الأسئلة عن العدوي والإجراءات اللي ممكن تفيدنا استنونا ف البوست اللي جاي مع فيوڤيما ومعلوماتها 🥹♥️

14/11/2023

في بوست جديد قررنا نصحح الأخطاء اللي موجودة عند اغلبنا ، ونجاوب ع أشهر الأسئلة اللي بتجتاح عقولنا واحنا بنعمل أي مشروب باللبن !
ألا وهو: هو اللبن ده ينفع أشربه ولا لا؟ 🤔 واحد من أهم الإجابات يكمن في لون اللبن 🥛

في الطبيعي أن اللبن لونه بيكون بين الأبيض المصفر للأبيض المزرق وده يعتمد على نوع الحيوان، أو فصيلته أو كمية الدهون اللي فيه.

اللون الأبيض: نقدر نشوفه من تشتت الضوء المنعكس على السائل بسبب جزيئات الدهون وحبيبات بروتين الكازين وفوسفات الكالسيوم 🤫

اللون الأبيض المصفر: المسئول عنه هو صبغة الكاروتين.

الأبيض المزرق اللي بيظهر: ده بيكون بسبب صبغة اسمها riboflavine واللون ده مش بيظهر غير لما بننزع دهون وبروتين الكازين من اللبن زي صناعة الجبن.🧀

طب وألوان اللبن دي ايه فايدتها؟
ع أساسها بقدر أحدد ألوان اللبن الغير طبيعية واللي بتكون أزرق أو أصفر أو أحمر أو أخضر، وكل الألوان دي بتنتج عن كائنات صغيرة بتقدر تنتج صبغة تنشرها في اللبن.
طيب ايه أنواع البكتيريا اللي بتسبب الألوان دي:

اللون الأزرق: ناتج عن بكتيريا اسمها pseudomonas cyanogens🥛

اللون الأصفر: فيه ٣ أنواع من البكتيريا بتسببه: sarcina lutea, micrococcus luteus and pseudomonas synxanthia 🥛

اللون الأحمر: ببظهر في هيئة بقع حمراء داكنة ع سطح اللبن والبكتيريا اللي بتسببه: serratia marcessens, bacterium erythrogrnes, micrococcus roseus، اللون الأحمر ده كمان ممكن ييجي من blood cells نزلت مع اللبن من ال mammary glands 🥛

اللون الأخضر: نوع واحد من البكتيريا اسمه Ps.fluorscense 🥛

تفتكر يا عزيزي هل اللبن بعد ما بقى عنده البكتيريا دي كلها صالح للشرب؟
أكيد لا، طب نعمل ايه عشان نحافظ عليه من ال Contamination بالبكتيريا دي ؟ وازاي نقدر نحفظ اللبن بطريقة آمنه ونحافظ عليه من اي مسبب مرضي ؟ ده هيكون موضوعنا في البوست الجاي ...
وفي النهاية كالعادة سؤال موضوع النهارده 🙈 ،
يا تري ايه اسم البكتيريا الي كانت بتسبب تغير في اللون الطبيعي وتكون بقع حمراء داكنة ع سطح اللبن ؟
شاركونا بإجاباتكم في الكومنتس 🥰

10/11/2023

مـساء الخـير يا صـديقي 🙋🏻

• أكيد كلنا سمعنا عن مرض السعار وهو واحد من أشهر الأمراض بين الإنسان والحيوان: وهو مرض فيروسي معدي ينتقل من الحيوانات المسعورة أو المصابة بداء الكلب إلى البشر والحيوانات الأليفة الأخرى عن طريق الخدش أو العض، ٩٩% بيكون السبب الكلاب لكنه ممكن يتنقل عن طريق الخفافيش أو الثعالب. 🦇

• بيوصل للإنسان ازاي؟! المسبب الأساسي هو لعاب الحيوان فلو اتعضيت من حيوان مصاب، أو لو عندك جرح مفتوح ودخل لعاب حيوان مصاب في الجرح ده أو في العين أو الأنف لأنها مناطق حساسة، أو لو أداة ملوثة من لعابه. 🐕‍🦺

• طب إيه هي الأعراض اللي بتظهر على الحيوان المصاب ؟

-ارتفاع كبير وملحوظ في درجة حرارة الجسم، الحيوان مبيقدرش يبلع وبياكل أطعمة من الأرض فعلى سبيل المثال الطين و الأتربة و غيرها و هي ظاهرة تعرف باسم بيكا، أسنانه بتقع، التعرض للغثيان المفرط والقيء المبالغ فيه.
-حدوث تشنجات شديدة فى عضلات الجسم بالإضافة إلى نقص التوازن وعدم القدرة على المشي السريع.
-تغيير ملحوظ في سلوك الكلب مثل الهياج الشديد بالإضافة إلى العض والافتراس لمربيه وخاصة منطقة الكتف واليد.
-الخوف من الماء وعدم الرغبة في تناولها
-فقدان الشهية والنفور من الطعام المعتاد عليه.
-سيلان اللعاب من فم الكلب بشكل تلقائي دون التحكم فيه.
-تغيير نبرة صوت العواء.

• وعادة الكلب المصاب بيفضل بعيد عن تجمعات الكلاب الأخري ويظل مختبئاً من غير تناول لأي طعام لحد الموت بعد عدة أيام . 🦮

• وأعراض الإنسان؟ يعتبر هي شبيهة أعراض الحيوان، في البداية بتكون: حمى، صداع، تعب، غثيان وقيء، حلق مؤلم، سعال خفيف 🤒

• مرحلة فرط الاستثارة: اضطرابات حركية شديدة، تعرق، سيلان لُعاب، خوف، حالة هياج و انعدام نوم، فرط تنفس وصعوبة فيه ، رهاب الماء، شديد الحساسية لأقل حركة هواء أو ضجيج. 🫨

الموت يحدث بعد أيام قليلة من المرحلة بسبب حدوث شلل تنفسي وقلبي و كلما كانت العضة قريبة من الجهار العصبي المركزي (الدماغ) تكون الأعراض أسرع.
دخول الشخص في غيبوبة في هذه المرحلة يؤدي إلى الموت خلال ساعات.

• العلاج:
١- غسل والعلاج الموضعي للجرح بالاسعافات الأولية وغسل الجرح حوالي ١٥د
٢- حقن الشخص ب Rabies immuno globulin بعد العض.

لذلك متستهونش أبدا بعضة أي حيوان يا صـديقي 🙋🏻🙏🏻
دمتم بصحة وخير 🤍

07/11/2023

ازيكم عاملين ايه
هنبدأ مع بعض اول يوم من اول سلسلة معانا وهي ال Food Of Animal Origin
هنبدأ بأول حاجة وهي اللبن
في البداية اللبن له فوايد كتيرة جدا واهمها إنه بيزوِّد المواليد الجديدة بالغذاء بتاعهم وده لأنه مليان ڤيتامينات وبروتينات و كربوهيدرات ومعادن كتير جدًا ، ده مش بس كده .. هو كمان يُعتبر له وظيفة مناعية عالية جدًا ،لأنه بيحتوى على antibodies والي بتتنقل من الام للجنين عن طريق لبن السرسوب الي هو ال Colostrum وده يعتبر حجر الأساس في بداية حياته
واللبن مصادره حيوانات كتيرة جدًا زي (الأبقار ، الجاموس ، الماعز ،والأبل)
الناس بتربيهم علشان تستفيد من اللبن بتاع الحيوانات دي في الاستهلاك البشري ، و تحديدًا بقا لبن الأبقار والجاموس
دول يعتبروا أكتر اتنين بيدخلوا في الاستهلاك البشري .
وبالرغم من إن اللبن مليان قيم غذائية عالية إلا إنَّه وسيلة مُمتازة لِنمو الميكروبات ، ويُعتبر مادة سريعة التلف "يعني بيبوظ بسرعه".
والموضوع مش مقتصر على اللبن ك سائل وده لإننا بنحوِّل اللبن ده لِمنتجات ألبان تانية بإستخدام مجموعة من التقنيات الحديثة
عايزين تعرفوا اكتر عن اللبن ومنتجاته وطرق الغش وكل ما له علاقة بال Safety الخاصة بيهم ؟
هو ده الي هنتكلم عنه في المرات الجاية 🥰
في النهاية عندنا سؤال وهو تعرف تقولنا ايه هو ال Colostrum وايه فوايده ؟
شاركنا بإجابتك في الكومنتس🤭
By : Content Creation Committee

22/10/2023

بـفضل الله تم الإنتـهاء من الدورة الثانية لـكـورس جـودة وسـلامة الغـذاء 🧃

مع الدكـتور أحـمد العـدوي 🤍

وذلك في رحـاب النـقابة الفرعـية للأطباء البيطريين بكفرالشيخ تحت قيادة وإستقبال

معالي النـقيب الـدكتور نـشأت عبدالباري نقيب أطباء بيطريين كفر الشيخ

وإشـراف الدكـتور محمد عبدالله عضو النقابة الفرعية للأطباء البيطريين بكفرالشيخ

ورئيس FUVEMA : عبـدالرحمن جـلال
رئيس إتحاد طلاب كلية الطب البيطري جامعة كفر الشيخ السابق .

جزيـل الشكر لمعالي النقيب د نشآت عبدالباري و د محمد عبدالله عضو النقابة علي تـعاونهم ومسـاعدتهم علي خـدمتنا وخـدمة الأطـباء البـيطرين ♥️

إنـتظرونا في دورات ومفاجـأت قادمـة بمشيـئة الله 🙏♥️

-----------------------------------------------------

18/10/2023

سمعت جملة عصفورين بحجر واحد ؟

فيوڤيما جايه النهارده تحققلك الجملة دي علي طريقتها الخاصه .♥️

أغلبنا بيبقي تايه ووقته ضايع وبيدور علي طرق كتير لل (Time management) .

طب انت عارف ان إدارة وتنظيم الوقت من أهم ال Soft skills المطلوبة ف سوق العمل 🫣 ، وخاصة انت كطبيب بيطري لو هتشتغل في الميديكال ريب ف دا جزء أساسي لازم تكون علي دراية بيه .

عشان كدا يا عزيزي فيوڤيما مجهزالك سيشن عن إدارة الوقت Time management أو بمعني اصح Mind management .

يلا بينا نعرف التفاصيل سوا .♥️
______________________________________________

هيقدملنا السيشن د/محمد السلاموني

📌 مصرفي محترف بخبرة أكثر من ٨ سنوات فى الصناعة
،المصرفية البنوك في احد اكبر البنوك الرائدة فى مصر
اكتسب خلالها معرفة مهنية شاملة وواسعة بالصناعه المصرفية وإجراءاتها .

📌 مدرب معتمد ومحترف بخبرة أكثر من 9 سنوات في مجال التدريب وفي العمل مع الأنشطة الطلابية من خلال الجامعات والمنظمات غير الحكومية والعديد من المؤسسات العاملة داخل مصر .

📌 قدم أكثر من 4000 ساعة تدريبية لأكثر من 10,000 شخص مع أكثر من 24 نشاطًا طلابيًا واتحادات طلابية ومنظمات غير حكومية في 4 محافظات مختلفة ،

📌 مقدم العديد من البرامج التدريبية الاون لاين علي أبرز المنصات التعليمية زي منصة ينفع.كوم ومنصة ليرناخانه ومنصة كارير 180.
______________________________________________

السيشن اونلاين _ و مجاني ♥️
معادنا يوم : السبت ٢١ / ١٠

عشان تقدر تحضر السيشن دا وكـل السيشنز والدورات الجايـة إدخل الجـروب دا :
https://www.facebook.com/groups/990396028877776/?ref=share

وسي يو بقا في العظمه اللي جايه ♥️

14/10/2023

الـفائـزين فـي بـوست المـسابقة الأخـير بناءاً عـن الإختـيار الـعشوائي مـن الكـومنتات مـن د أحـمد 🎁🎉🎉
مـبروك لـيهم وإن شاء الله يبـقي عنـدكم فـرص للـفوز فـي مـسابقات جـاية كـتير ♥️🎁

لــسه قدامـك فـرصة تحـجز الكـورس ، أخـر مـيعاد للحـجز غـداً الأحـد الـساعة ٤م 🎉

------------------------------------------

لـو عـايز تـعرف تـفاصيل أكـتر عـن الكـورس هتـلاقيه هـنا 🤎 :
https://bit.ly/3RVw8q0

----------------------

•| لـحجز الـكورس أو الاستفسار واتساب :
( 01050805330 )
•| https://wa.me/message/TOJ5RM3EZUSTB1

-------------------------
⚡

12/10/2023

مـساء الـهدايا والمـسابقات يـا صـديقي 🙈🎁

وعـدناك الـبوست اللـي فـات إن في مـفاجـأة 🤔 ، خـد مـن دا عنـدك كـتير الـفترة الجـاية يـا صـديقي 🙈 ، قـولنالك مـع فيـوڤيما هـتدلع يـعني هـتدلع والله 🤣🤍

-----------------------------------------

عمـلنالك مـسابـقة سـريعة لـكـورس سـلامـة الـغذاء اللـي أعلنـا عنـه 🥗 ،
هـيفوز مـعانا فـ المـسابقة ٢ شخـصين هنـختارهم بـشكل عـشوائي مـن الكـومنتات هيـاخدوا الـكورس فـورفـري 🎁🎉

طـب إيـه الـشروط ؟
- إتـأكد إنـك عـامل لايـك وفـولو للـبيدج .
- هتـعمل كـومنت فـيه مـنشن لـ ٤ مـن صـحابك .

بـس كـدا يـا صـديقي إتـاكد إنـك عمـلت الحـاجتـين دول وإسـمك هيـدخل فـي السـحب 🎁🤎

مـوعد السـحب والإختـار يـوم الجـمعة الـساعـة ٨ م ، يـا تلحـق يـا مـتلحقش بـقي 🤣🤎

------------------------------------------

لـو عـايز تـعرف تـفاصيل أكـتر عـن الكـورس هتـلاقيه هـنا 🤎 :
https://bit.ly/3RVw8q0

----------------------

•| لـحجز الـكورس أو الاستفسار واتساب :
( 01050805330 )
•| https://wa.me/message/TOJ5RM3EZUSTB1

-------------------------

وسي يو بقااا كل اللي جاي عظمه 😉♥️♥️♥️

⚡

11/10/2023

تسمع يا صديقي عن معادلة أعلي جودة وأقل سعر ؟ 🤔

ڤيوڤيما حققتلك المعادلة بطريقتها 🤷‍♂️ ،
كـورس دسـم بكـل المقـاييس فـي مجـال سـلامة الغـذاء 🥗

ولأن ڤيوڤيما طريـقك الأول والأمثل لتأهـيلك لـسوق العـمل ، وفـرنالك كـل التـوبيكس دي مـع دكـتورنا المـتميز جـدا فـي المـجال ( د أحـمد العـدوي ) بسـعر مـش هـتلاقـيه فـي أي مـكان تـاني 🤷‍♂️❤️‍🔥

-------------------------

الكـورس مـدعم بـشهادة معتمده من FUVEMA و نقابة الأطباء البيطريين بكفر الشيخ .

•| للحجز أو الاستفسار واتساب :
( 01050805330 )
•| https://wa.me/message/TOJ5RM3EZUSTB1

- أخر موعـد للحـجز يـوم السـبت ١٤ / ١٠
-------------------------

وإنـتظرنا بكـرا في مـفاجـئة هـتعجبك جـدا ❤️‍🔥 هـتدلع يـعني هتـدلع 🤷‍♂️😂

⚡

08/10/2023

مساء السكر أو صباح السكر ع حسب ما هتشوف الجمدان دا ي دكتورنا السكر 🙈♥️

وحشناكم ولا لا اعترفوا بصراحه !؟؟😂😈

بعد نجاح الراوند الأول و استكمالا لأهم أهداف فيوڤيما وهي تأهيل الأطباء البيطريين لسوق العمل ونظرا للعظمه اللي حصلت مع دكتور أحمد العدوي في كورس الفود سيفتي والإقبال الجامد عليه 💕

قررت قيادات فيوڤيما إستكمال الكورس بموضوعات جديده مع دكتورنا المشطشط ف مجاله 🌶️🌶️

Give me your attention ya 8ali 🙈💕

التـعريف بدكتورنا د. أحمد العدوي 🌜

- خريج بيطرى بنها
- خبرة سنتين فى مجال الجودة و الرقابة الصحية على الأغذية و تكنولوچيا اللحوم
- تعرض لتدريب فى الجودة و الرقابة الصحية من د . ستيف فى مؤسسه
FSSI - Food Safety Services International
كبير مفتشي سلسلة مطاعم ماكدونالدز العالمية فى إنجلترا و مصر

- حالياّ دكتور رقابة جودة و مشرف قسم كنتاكي فى أكبر و أحدث مجزر ألي فى مصر / مجزر الدقهلية للدواجن صاحب براند تمري الرائده ف السوق المحلي و الإقليمي .

- دكتور رقابة جودة سابق فى مجزر روستي الآلي .
- قام بتدريب ما يقرب من ٥٠٠ طالب فى مجال الرقابة الصحية على الاغذيه عن طريق كورسات و سيشنز مجانية أو كورسات بأسعار رمزيه .

----------

ويلا بينا نعرف سوا اكتر عن الكورس ي احلي دوك 😈💕

محتوي الكورس كالأتي ( يومين اونلاين + يوم اوفلاين )

_____________________________________________

📌 هنتكلم عن أحدث أدوات تطوير إدارة الجودة اللي كلنا لازم نكون عارفنها لو هنشتغل ف المجال 😉

➖ The Newest Quality Management Development Tools ( 5s method - 8 Wastes - Lean manufacturing )

يلاااا بينا ع اللي بعده ي غالي 😈♥️

_____________________________________________

📌 ومش بس كدا لا الدكتور هيكلمنا عن يوم من حياة الطبيب البيطري لمراقبة الجودة في منشآت التصنيع الغذائي ومجازر الدواجن وكيفية كتابة التقارير و التعامل مع المواقف المختلفة 🙈 يعني من الاخر كدا ازاي تبقي الدكتوور التووب ف المجاال😉💕

➖ Day in life of quality control veterinarian in food manufacturing facilities & poultry slaughterhouses & how to write reports & deal with different situations ( Quality Policy )

يلااا بينااا ع اللي بعده 😈💕

______________________________________________

📌 هنتكلم كمان عن أمراض الدواجن بالتفصيل الخاصه بسياسة الإعدام بمجازر الدواجن 🫣

➖Poultry diseases in details related to condemnation policy in poultry slaughterhouses

يلااا بينا ع اللي بعدددده فيوڤيما هتدلعك 🤫♥️

______________________________________________
📌 هتعرف كيفية تشخيص الامراض دي وتشريحها 🤫

➖How to diagnose poultry diseases ( PM & AM )

______________________________________________

يعني بص ي دكتره الكورس دا من الاخر كدا هتطلع منه مع الدكتور وفيوڤيما حراااق ف المجال 😩🌶️ اكيد مش هتحب تفوت عليك الجمدان دا 😈♥️♥️♥️

----------------------------------

والمفاجأة إن تمن الكورس رمزي زي م عودناكم 😌🙏

الكورس بسعر رمزي جدا 100ج فقط ، بالإضافة لشهاده معتمده من FUVEMA و نقابة الأطباء البيطريين بكفر الشيخ .

•| للحجز أو الاستفسار واتساب :
( 01050805330 )
•| https://wa.me/message/TOJ5RM3EZUSTB1

-------------------------

وسي يو بقااا كل اللي جاي عظمه 😉♥️♥️♥️

⚡

مـتنساش تعمل منشن لصحابك عشان تحضروا الكورس سوا وتستفيدوا سوا 👏
وتعـمل See First عشان تتابع كل فرص التدريب في كـل المجالات ❤️‍🔥

06/10/2023

أكيد كلنا سمعنا عن رواية الحب في زمن الكوليرا؟! بس هي ايه علاقتها بالبكتيريا اللي معانا النهاردة! ده اللي قررنا نعرضه ليك في المرض الجديد ♥️

كوباية الشاي الجميلة بتاعتك يلا ي دكتره عشان نشوف سوا ايه الحكايه 🙈♥️♥️♥️

By : Nourhan Amr 🌶️♥️

05/10/2023

تفتكروا فيوڤيما بتجهيز لأيه..!؟ 🔥🫣

27/09/2023

1 Day Left ⏳🔥

يا تلحق يا متلحقش يا عزيزي 🤭♥️♥️🔥

https://docs.google.com/forms/d/e/1FAIpQLScfmBCC7q9LmBhsmhNfIQmlWLJRFyjNhzE3ueu8jpcuAfRSNA/viewform

26/09/2023

حابب تكون جزء من ⚡ FUVEMA ؟ 🫡

لو عندك استعداد تكون جزء من المستقبل دا ، خد الخطوة واملي الفورم 💛😉

https://docs.google.com/forms/d/e/1FAIpQLScfmBCC7q9LmBhsmhNfIQmlWLJRFyjNhzE3ueu8jpcuAfRSNA/viewform

Address

Website

https://t.me/FUVEMA, https://youtube.com/@fuvema

Alerts

Be the first to know and let us send you an email when FUVEMA posts news and promotions. Your email address will not be used for any other purpose, and you can unsubscribe at any time.