Scientific Kennel Club

  • Home
  • Scientific Kennel Club

Scientific Kennel Club We aim to promote the scientific method to properly raise working dogs and pet dogs alike, eradicate pseudoscience, and spread awareness.

صباح الخير،كنت دايما بسأل نفسي ايه اللي بيسبب للكلاب مرض ال Cherry eye اللي بيتطلب تدخل جراحي، وليه ال Cherry eye عبارة ...
01/06/2023

صباح الخير،

كنت دايما بسأل نفسي ايه اللي بيسبب للكلاب مرض ال Cherry eye اللي بيتطلب تدخل جراحي، وليه ال Cherry eye عبارة عن نسخة مكبرة من حته اللحمة الpink اللي بينزل منها الدموع ع اطراف عيون البشر😂
والحقيقة لما دورت في الموضوع، لقيت اجابة غريبة جدا، انا احنا والكلاب عندنا 3 جفون للعين بس الجفن التالت بتاعنا، اللي هو حته اللحمة الpink، مبقاش شغال على عكس الكلاب!

الكلاب عندها جفن علوي وجفن سفلي زينا بالظبط، بس لو تلاحظ الغشاء الpink اللي طالع من تحت عين الكلب ده، دا بقه الجفن التالت عندهم، بيتحرك على العين لما الكلب بيرمش عشان يرطب العين ويحميها من الهوا الشديد وأي جسام غريبة، وهو ده المعرض عنده للاصابة بال Cherry eye.

19/11/2022

قررت اطبق اللي اتعلمته من تدريب الكلاب على قطة صغيرة، ودي كانت النتيجة💓

تعرف ان كل شركات أكل الحيوانات الأليفة، بتعمل الأكل ده من جثث الحيوانات النافقة؟أيا كان اسم الشركة من اكبرهم لأصغرهم، وح...
23/10/2022

تعرف ان كل شركات أكل الحيوانات الأليفة، بتعمل الأكل ده من جثث الحيوانات النافقة؟

أيا كان اسم الشركة من اكبرهم لأصغرهم، وحتى مؤسسة رقابة الغذاء والدواء الامريكية -FDA- موافقة ع الكلام ده و مصرحة بيه، عارف ليه؟
في امريكا لوحدها في ٣ مليار حيوان نافق كل سنة، تخيل لو الجثث دي اتعاملت معاملة الزبالة واتنشرت على اراضي مكبات النفايات، تخيل كمية الامراض و السموم والغازات والاوبئة اللي هتطلع من الكمية دي من الجثث المنتشرة على مساحة أرض كبيرة؟!
عشان كده مفيش طريقة غير دي للتخلص من جثث الحيوانات.
بس ده معناه ان ينفع تأكل كلبك حيوانات نافقة؟!
لأ ابدا! لأن الشركات بتعمل مراحل معالجة كتير لجثث الحيوانات عشان تخليها صالحة للكلاب، هل هتقدر تعمل مراحل المعالجة دي في بيتكم؟!

هتقولي منا بأكلهم عادي من الوجبات اللي بتتباع اونلاين للكلا والقطط ب١٠ج الكيلو وزي الفل اهو وبتاع، هقولك احنا هنا بنتكلم في "احتمالات"، ولما تختار بمزاجك الطريق اللي فيه احتمالات الخطأ عالية.. هتُسأَل عن الحيوانات دي ادام ربنا.

احنا بناخد بالأسباب، ممكن تأكلهم احسن اكل في الدنيا ويموتوا برده، ولكن هتبقا عملت اللي عليك..
واحسن طريق تاخد بيه بالأسباب هو العلم، لازم نسيب الفهلوة ونحاول نفهم كل حاجة جت منين وازاي نتصرف مع اي موقف بشكل علمي، وهو ده اللي بنحاول نعمله في Scientific Kennel club❤️
شير للبوست ولايك للPage وتابعنا أول بأول عشان تعرف كل جديد، ومتنساش تشوف المصادر في اول كومنت❤️❤️


ايه معنى Vom اللي بتكون موجودة في اسماء مزارع الكلاب؟الألمان لوحدهم عملوا في حدود 47 سلالة كلاب، ومش عدد كده والسلام علف...
08/05/2022

ايه معنى Vom اللي بتكون موجودة في اسماء مزارع الكلاب؟

الألمان لوحدهم عملوا في حدود 47 سلالة كلاب، ومش عدد كده والسلام علفاضي، دا اشهر السلالات في العالم.. Rottweiler, German Shepherd, Great Dane والقائمة تطول.. هما ملوك المجال حرفيا❤️
تعلمك كصاحب مزرعة او مُستورِد كلاب لللغة الألمانية هيفيدك بشدة، لأن معظم الالمان بيكرهوا التواصل بلغة غير لغتهم ومعظمهم مش نشيط زينا على السوشال ميديا ولا بيسوقوا لنفسهم عليها، فتعلمك للغتهم هيوصلك لأماكن وصفقات محدش هيوصلها غيرك!
يكفي اننا بنستخدم لغتهم في المجال من غير ما نعرف، لأن Vom معناها "مِن" بالألماني، خليني اشرحلك!

اللغة الألمانية فيها اعراب زي العربي بالظبط، وحسب موقع الاسم أداة تعريفه بتتغير، عندك مثلا:
🔹البيت Das Haus >>>> اسم مرفوع
🔹البيت Dem Haus >> اسم مجرور
🔹حرف الجر "مِن" Von وبيتنطق fon بالمناسبة، بالفاء الخفيفة.

يبقا لو عايز أقول "من بيت كذا" هتكون:
Von dem Haus "كذا".
أو كاختصار: ! Vom Haus

وممكن تزود e في الآخر و تكتبها: Vom H𝐚us𝐞 ولكن دا تبعا للقواعد القديمة للغة، صح ولكن مش الأصح.

بالتالي، اللي بيكتبوا vom وسط جملة كلها انجلش زي Vom house/kennel دول بيرتكبوا اكتر فعل مكروه عند الألمان المتطرفين😂 انك تخلط لغتهم مع لغة تانية!

كل واحد بيعاني بطريقة مختلفة في كل بقعة من العالم، ولكل شخص معاركُه الفردية اللي بيسعى فيها..بنت تركية عمرها لا يتجاوز ا...
06/05/2022

كل واحد بيعاني بطريقة مختلفة في كل بقعة من العالم، ولكل شخص معاركُه الفردية اللي بيسعى فيها..

بنت تركية عمرها لا يتجاوز ال11 عام، راعية غنم ساكنة في قرية نائية على جبل، واحدة من الماعز بتاعتها ولدت في يوم عاصفة تلجية.. والبنت طلعت الجبل شيلاها على ظهرها وكلبها شايل المعزة الصغيرة على ظهره!
الحمد لله، وصلوا القرية بأمان.❤️

كمل، مهما كانت صعوبة معاركك.

جمعة مباركة عليكوا جميعا،
ربنا يرزقكم بكل خير❤️

ايه لازمة ذيول الكلاب؟ ليه كل الحيوانات عندها ذيول اصلا؟!1) التواصل:دي طبعا حاجة واضحة وكلنا عارفينها، حركة ديل الكلب بت...
31/03/2022

ايه لازمة ذيول الكلاب؟ ليه كل الحيوانات عندها ذيول اصلا؟!

1) التواصل:
دي طبعا حاجة واضحة وكلنا عارفينها، حركة ديل الكلب بتدل على مشاعره وأي حاجة عايز يقولها أو ينقلها لينا او للكلاب التانية.

2) الحركة، خصوصًا السريعة:
لاحظ كلبك وهو بيجري وبيغير اتجاهه، لما أرجله الأمامية بتغير اتجاه، الأرجل الخلفية بتفضل على نفس الاتجاه الاصلي، بس ديله بيروح لنفس الاتجاه الجديد بتاع الأرجل الأمامية!
الموضوع مشابه لحركة ايدينا واحنا بنجري، جرب كده تجري وايدك في جيبك وقولي حاسس بإيه.

3) الاتزان:
بتشوف الناس اللي بيمشوا على حبال في السيرك؟ شفت العصاية اللي بيمسكوها عشان لو جسمه انحرف لجانب، يميل العصاية للجانب التاني عشان تساعده يسترجع اتزانه في الCenter؟
دا اللي بيعمله الكلب بديله بالظبط لما بيمشى على أسطح ضيقة❤️

متنساش تشوف المصدر في اول كومنت❤️

ايه هي المايكروتشب اللي بيتحقن بيها الكلب لما بيطلعله ورق ال Pedigree؟المايكروتشب -Microchip- او الرقاقة المَيكروّية، زي...
25/03/2022

ايه هي المايكروتشب اللي بيتحقن بيها الكلب لما بيطلعله ورق ال Pedigree؟

المايكروتشب -Microchip- او الرقاقة المَيكروّية، زيها زي الطوق بالظبط، هدفها ترجعلك كلبك لما يضيع!

زي ما الطوق بيتكتب عليه اسم المالك وعنوانه واسم الكلب، المايكروتشب ليها جهاز Scanner موجود في العيادات والمستشفيات البيطرية والشلاتر، بيقرأها ويجيب بيانات المالك وكل حاجة عن الكلب ومواصفاته كلها من قاعدة بيانات كبيرة جدا تابعة للFCI أونلاين!

ولكن الطوق ممكن يتقطع، مساحة محدودة للكتابة، ممكن يسبب مشكلة لكلبك وهو تايه لوحده، يشبك في حاجة ويتخنق لا قدّر الله.. لكن المايكروتشب اللي هي أد حباية رز، بتتحقن بين عضم الكتفين تحت الجلد مباشرة، يعني مستحيل تضيع!

بس استنى، يعني المايكروتشب دي قطعة الكترونية؟
بالظبط، ولكن من غير بطارية ولا مصدر للطاقة، ولا حتى اي اجزاء متحركة، الجهاز اللي بيقرأها بيوفرلها الطاقة لحظيًّا عشان تبعتله الكود اللي بيجيب بيه بيانات المالك والكلب من قاعدة البيانات.

المصدر من الAKC في اول كومنت❤️

20/03/2022

عرفنا ليه الكلاب بتحب تلحس صاحبها، طب وبالنسبة للذئاب؟

الفعل ده مبالغ فيه شويه بين الذئاب، و يا سلام بقه يمعلم لو انت مربي ذئب😂❤️
هيبقا عايز يلحس بؤك من جوا بكل جوانبه يباشا، ويدوق طعم لسانك كمان😂

وبالرغم من انه فعل يظهر مقرف اوي، الا انه مهم جدا بالنسبالهم، بيخليهم يثقوا فيك اكتر ويعرفوا اكتر عن كيميا جسمك.. لو انت مريض او سليم، آخر حجات كلتها اليوم اللي فات، وحتى حالتك المزاجية والنفسية عشان يتأكدوا من كونك مصدر تهديد ليهم او طيب معاهم!

ده كان ال Large Norwegian wolf وهسيب لينك للDoc كامل في الكومنتس❤️

ليه الكلاب بتحب تلحس أصحابها؟ايوه "يمكن" زي ما انت فاكر، كلبك بيظهرلك حبه ومشاعره باللحس، عائلة الكلبيات كلها بتتبادل ال...
19/03/2022

ليه الكلاب بتحب تلحس أصحابها؟

ايوه "يمكن" زي ما انت فاكر، كلبك بيظهرلك حبه ومشاعره باللحس، عائلة الكلبيات كلها بتتبادل التحية بلحس بعض، او حتى بيحسسك بالأمان زي ما امه كانت بتحسسه بلحسها ليه وهو لسا صغير❤️

ولكن، ما خفي كان أعظم!😂
في الأصل، في عيلة الCanids او الكلبيات كلها، الجراء بتلحس وجوه امهاتها لما يرجعوا من الصيد عشان يتقيّؤوا شوية من الاكل اللي في بطنهم والجراء تاكله..

افتكر بقه يمعلم ان كلبك بيلحسك اكتر وقت بعد ما تاكل أكله حلوه كده😃

متنساش تشوف المصدر لو عايز تعرف اسباب تانية للموضوع ده😂


هل ينفع تأكّل كلبك بواقي أكل البيت؟هل في أكلات مسممة للكلاب؟؟اه ينفع، ولكن مينفعش تعتمد عليها بشكل اساسا لنقص العناصر ال...
18/03/2022

هل ينفع تأكّل كلبك بواقي أكل البيت؟
هل في أكلات مسممة للكلاب؟؟

اه ينفع، ولكن مينفعش تعتمد عليها بشكل اساسا لنقص العناصر الغذائية فيها، وبرده لازم تاخد بالك من الحجات اللي احنا بناكلها وموجودة في بواقي أكلنا ولكنها مضرة واحيانا مسممة للكلاب!

1) التوم والبصل مسممين للكلاب.

2) العنب والزبيب مسممين برده.

3) المكاديميا: نوع من المكسرات شبه البندق، ومسمم للكلاب.

4) اللوز، مش مسمم للكلاب زي المكاديميا ولكن بيعمل مشاكل، احنا نقطع كل انواع المكسرات يمعلم!
عندك الفول السوداني والزبدة بتاعته كويسين ومش بيعملوا مشاكل للكلاب لو مشتاق تأكلهم مكسرات اوي يعني.

5) بلاش زيوت ولا ملح خالص.

6) متحطش عظم مستوي، عشان بيكون اصلب من النيء ولما بيتكسر بيتحول لشظايا مؤذية في بؤ كلبك وجهازه الهضمي.

7) الكافيين والشوكولاته.

8 ) الفواكه اللي في عيلة الموالح.

9)العجينة النية.

10)العيش الأبيض.

11) القرفة، يستحسن اي بهارات وتوابل تمنعهم خالص برده.

20) السكر الصناعي واي حلويات او ايسكريم.. بس تقدر تديله عسل نحل بكميات معتدلة.

13)متزودش في منتجات الألبان عشان مشاكل الهضم و الاسهال.

14) الأڤوكادو والزايلاتول، كده كده مش بيتم استهلاكهم عندنا بس قلت اضيفهم بما انهم موجودين في المصدر.
Xylitol: مركب بديل للسكر وبيكون موجود في اللبان


"It is simply this: do not tire, never lose interest, never grow indifferent—lose your invaluable curiosity and you let ...
15/03/2022

"It is simply this: do not tire, never lose interest, never grow indifferent—lose your invaluable curiosity and you let yourself die. It's as simple as that."

-Fair play By Tove Jansson

"إنها بتلك البساطة: لا تتعب، لا تسأم، لا تصبح فاترا ابدا—افقد فضولك الذي لا يقدر بثمن وعندما ستترك نفسك للموت. إنها بتلك البساطة."

بتعشق الكلاب وحابب تربيتك ليها متكونش معتمدة على الفهلوة والاشاعات والمعلومات المغلوطة؟
حابب تديهم اهتمام اكبر بانك تفهم تاريخهم، امراضهم، واجسامهم علميا اكتر؟
انا عملت الPage دي بسبب اهتمام مجتمع مربي الكلاب المحدود بالعلم.
لما بدأت، كنت بعمل بوستات طويلة بتشرح معلومات تاريخية وعلمية بإستفاضة ولكن ده للأسف مجبش اهتمام كبير، فقررت اعمل System معين عشان اجذب انتباه القُرّاء قدر الإمكان:

البوستات بتاعتي هتكون متقسمة ل:

1) كل يوم بوست صغير بيدي معلومة معينة تحت هاشتاج:

2) كل فترة بوستات وفيديوز عشوائية، اسئلة وكويزات للتفاعل for fun كده، عشان مش كل حاجة علم😂، لازم ننوع برده😉 ودي هتكون بهاشتاج الinitials بتاعتي:


3) كل جمعة بوست طويل شويه بشرح فيه موضوع معين بشيء من التفصيل تحت هاشتاج:


4) أول يوم من كل شهر هعمل مقال طويل بتكلم فيه عن حجات مهمة جدا، زي امراض خطير بتهدد حياة كلبك، Parvovirus مثلا! ودا هياخد الهاشتاج الاساسي بتاعنا:


كل بوست هعمله وكل كلمة هقولها هيكون في مصادر علمية في اول كومنت كمرجع لكلامي، عشان مينفعش أجيب كلام من دماغي او حتى معلومات مشهورة من غير مرجع لان وارد تطلع غلط..

لو حابب تدعمني مفيش احسن من الشير والريآكتس وتقدر كمان تناقشني في الكومنتس او انبوكس، هكون سعيد جدا ❤️

Address


Website

Alerts

Be the first to know and let us send you an email when Scientific Kennel Club posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Scientific Kennel Club:

Shortcuts

  • Want your business to be the top-listed Pet Store/pet Service?

Share