Vom EGY Kennel

07/06/2022

28/10/2020

الاكل الني للكلاب

15/05/2020

هنتكلم النهاردة عن موضوع مهم وشاغل بال ناس كتير
ازاى تخلى جسم كلبك يشد ويكبر .
١ - لازم تتأكد أن كلبك مش بيعانى من اى مرض هو اللى سادد نفسه ومنعه أنه يأكل
ومأثر على صحته ككل .
زى الأنيميا اللى من اعراضها الخمول والكسل واللثة والأغشية المخاطيه بيبقى لونها مصفر .
وعمل تحليل وظائف كبد للتأكد من سلامة الكبد وعدم وجود أى مشاكل فيه لاقدر الله .
٢-من اهم الحاجات اللى بتخلى الكلب مش بيتخن ومش بيبان عليه الاكل وجود الديدان ودى هنتكلم عن انواعها وعلاجها فى بوست منفصل .
٣ - عدم النشاط وعدم قيام الكلب بأى نشاط أو مهمه فلازم تخرج طاقته وتخليه يبذل مجهود فيرجع وياكل عشان جعان وفقد جزء كبير من طاقته وعايز يعوضه إنما طول ماهو قاعد فى البوكس مش بيعمل اى نشاط هيبقى اكله اقل
٤ - طريقة التغذية عليها عامل إيضا
فى طريقتين للتغذية
الطريقة الأولى اسمها free feeding أو الأكل الحر انك بتحط طبق الاكل للكلب وتسيبه طول اليوم ياكل فيه
من مميزات الطريقة دى انك بتحط اكل للكلب مره واحده وخلاص تطمن أن عنده اللى يكفيه بقية اليوم خصوصا لو عندك شغل أو لو مش فاضى عامة .
من أهم عيوبها ان فى بعض السلالات اللى بتاكل كتير اساسا زى الروت والبيتبول والماستيف والجاينت دوجز
بتجيبلها بدانه او سمنه
ممكن لو بتأكل كلبك فريش ممكن الاكل يبوظ من الحر خصوصا لو بتحط كمية ودى مشكلة تانيه برضه .
تانى طريقة ودى الأفضل وهى التغذية المحدودة
بتحط الاكل للكلب فى معاد معين تسيب الاكل أمامه من ١٥ل٢٠دقيقة وتشيل الاكل من أمامه سواء كل أو مش كل الطبق يتشال ويتحط فى معاد الوجبة التانية .. بالنسبة للجراوى من سن شهر ل ٣ بياكلوا ٤ وجبات فى اليوم وبعد كده بتقل لوجبتين أو وجبة حسب احتياج كلبك
من مميزات الطريقة دى انها بتعمل روتين للكلب وبتخليه ميدلعش على الاكل ويخلص طبقه على طول مش زى ناس كتير بتشتكى ان الكلب مش بيخلص اكله وبيدلع
ثانيا انها بتخليك تعلم كلبك يعمل حمام فين لأنه بيعمل حمام عادة بعد ما ياكل ب٢٠ل٣٠دقيقة فهتقدر تعلمه بسهولة أكتر .
عيوبها انها هتلزمك انك تأكل الكلب اكتر من مره فى اليوم .
٥ - طيب عملت كل ده ومفيش نتيجة الكلب طبيعته شهيته قليلة نبدأ ندى فاتح شهيه بشرى من الصيدلية زى الفيتامونت .
من ٣:٥سم فى اليوم قبل الاكل وتلاعبه أو تجريه سواء فى جنينه أو على تريد ميل أو حتى تمشيه يوميه لمده ساعة أو نص ساعة وبعد كده تحط الاكل بالطريقة التانيه اللى ذكرناها وإن شاء الله يكون فى تحسن .

09/03/2020

نركز شوية

لكل واحد بيشترى #جرو جديد . فى شوية نقط لازم تاخد بالك منهم عشان متندمش انك اشتريته .
هتكلم بخطوات كدا بكل بساطه . 👌.
1_نقطه مهمه جدا طبعا كل الناس بتبيع الجراوى فى سن 45 يوم و ده غلط انت ممكن تفصله اه فى السن ده عن امه بس يستحب يفضل مع امه حتى سن 3 شهور ليكتسب الثقه و بناء الشخصيه القويه للكلب فى سن مبكر و كمان الام بتقوم بهجمات وهميه على الجرو و بتجعل الانتصار للجرو ليتعلم الدفاع عن النفس و ياخد الثقه فى نفسه و ده غير طبعا انه بيخرج طاقته مع اخواته فى اللعب و كدا و بيشجعو بعض على الهجوم و الكلام ده .🔚.
👈و انت داخل تتفرج على جراوى ازاى تختار👇
1_اول حاجه تشوف حجم الجرو يكون مظبوط و متغذى ميبقاش ضعيف كدا .
2_تانى حاجه تشوف جلد الكلب ميكونش فيه حبوب ولا حشرات ولا بقع فى جلد الجرو او مثلا مكان مفهوش شعر و انتبه جدا لنظافه المكان .
3_تالت حاجه ميكونش فيه عماص فى عنيه و بيكون لون العين تحس انه فى طبقه زرقه كدا .
4_انف الجرو متكنش جافه جدا ولا سائله كدا تكون رطبه .
5_خامس حاجه كمان لون اللسان يكون وردى محمر كدا يدل ان الكلب صحته جيده.
6_سادس حاجه شوف بردو الودان من الدخل ممكن يبقى فيها حشرات و ميكونش فيها وسخ و كدا و شمع كتير .
7_سادس حاجه لازم تكون بتشترى من واحد ثقه مش من اى حد و تشوف الاب و الام و تسائل على الجرو لو انت اول مره تربى تاخد رأى ناس . يستحسن يكون معاك واحد بيفهم ..
نروح بقى للسلوك 💪
لو انت عايز كلب يكون شرس تختاره ازاى و انت داخل على الجراوى ممكن واحد فيهم يدخل بسرعه عليك عايز يشمك ممكن ينبح عليك . و انت برده هات مثلا اى حاجه بتعمل صوت و شوف اى جرو هينتبه معاك و هيبقى متحمس كدا ممكن تجيب قماشه و تشوف مين هيدخل يعض فيها مثلا او يشدها منك و كدا .
و بلاش برده الكلب الهادى الخجول ده هيقرفك جدا لما يكبر و بلاش برده الهيبر برده .خير الامور الوسط..
طبعا كله بالتدريب بيتصحح و حاول تبداء بناء سلوك الكلب و تدريبه و تأهيله من اول اسبوع عندك فى البيت يعنى مثلا لو كلب عنده شهرين و تقول استنى لما يتم 3 شهور لا ابداء معاه تدريب عادى ..
فى بيقولك لما تجيب الجرو تسيبه ساعه يتعرف على المكان اول لما تجيبه لا طبعا انت اه هتسيبه بس بعدين يعنى انت واخده لسه من عند امه من وسط اخواته انت بقى اقعد معاه حاول تلعب معاه تحسسه بالامان تحاول تأكله عشان ميحسش بالوحده و عرفه انت على المكان بنفسك . اقعد معاه بتاع ساعه مثلا و بعدين بقى سيبه و بردو ادخله كتير لعبه مشيه عوضه يعنى عن الراح منه . عشان انت لو معملتش كدا ممكن يقرفك اول اسبوع معاك . فى كلاب بتعديها عادى و كلاب لا .😁
اتمنى يكون الموضوع فيه استفاده ...

25/02/2020

ده اللي فات اللي جاي أقوى بأمر الله

21/02/2020

إنتاجنا الماضي ترقبوا نفس خط إلانتاج

06/02/2020

وصفة ممتازة جدااااا للجراء من عمر 30 يوم
فيها بروتينات عالية جدا ومجموعة من الفيتامينات والعناصر اللي بيحتاجها كل جرو 💪💪💪

هتلاقي الجرو بصحة جيدة وكمان حجم احسن واكبر

المكونات :
- ١ معاقك كبيره لبن نيدو بودرة
- كوب ذبادي بلدي
اخلطهم مع بعض وقدمه مرتين في اليوم ودي طبعا وجبة زيادة مع باقي الوجبات التانية

الكميات انت اللي بتحددها علي حسب عدد الجراء

05/02/2020

كورس فيتامينات لكلبك يغنيك عن اي فيتامينات اخري ووداعا لمشاكل العظام وتساقط الشعر ...

1- فيدروب لعلاج لين العظام والكساح
-الجراء من سن (٣٥ يوم لحد ٩٠ يوم) نصف قطارة
-الكبير قطارة
٢ - برشام جلوكوزمين مركب
-الجراء نصف حباية
-الكبير حباية
٣- علبة فيتامينات e كبسولة في اليوم للكبير او الجراء

مفيش مشاكل للاربطة ولا العظام

ماتنساش الشير لتعم المعلومة علي الجميع

05/02/2020

(((علاج حساسية الكلاب)))

👌 اول حاجة في نجاح العلاج وفاعليته انك اول ماتكتشف ان كلبك عنده حساسية تبدأ العلاج علي طول

العلاج :
- أمبول افيل في اليوم لمده ٣ أيام
- حقنة ابيدرون في اليوم لمده ٣ ايام
- دهان علي الأماكن اللي فيها ال*ساسية بكريم اسمه الليرجيكس او اي كريم موضعي مضااد لل*ساسية
- أو تجيب من اي صيدلية بشري او بيطري حاجة اسمها جينتيانا دي مياه زرقاء بتتحط علي الجروح عشان تنشفها كويسة جدا وفعالة
- كبسولات اوميجا 3 واحدة في اليوم

"" مع تغيير الاكل وده مهم جدا والناس اللي بتأكل مسلوق للكلاب الكبيره تأكلهم ني والجراوي المتعوده علي اكل معين كل يوم لازم تغيره وتنوعه عشان في حساسية بتكون ضد اكل معين ""
"" وتنظيف المكان له عامل اساسي في علاج ال*ساسية والقضاء علي اي حشرات بداخله ""

الحقن اللي فوق ٣ ايام فقط
وباقي العلاج كل يوم لحد ما تحس ان الاماكن طلعت شعر خفيف وبدأ الجلد يرجع زي الاول

شير عشان الكل يستفيد

03/02/2020

ركزوا معايا يا جماعه علشان نخلص موضوع الكلام الكثير اللي على (الايفوماك) ماده تستخدم للتخلص من الطفيليات الداخليه(الديدان) و الخارجيه(القراض) و اللي بعض الناس بتقول انها ممنوعه
اي ماده فعاله لها ما يسمي ب ال Saftey margin او حد الامان بمعنى الكميه اللي يقدر يديها الطبيب من الماده الفعالة دي من غير ما يسبب تسمم للمريض .. اي ماده فعاله في الدنيا لو اتاخدت بكميه كبيره او بمعني اصح تعدي ال saftey Margin هاتصبح سامه للمريض و هنا تاتي ماده الايفرمكتين الماده الفعاله لل الايفوماك و هي من المواد المصرح استخدامها دوليا في فصيليه الحيوانات المنزلية و لا يوجد اي مصدر طبي يحرم ذلك و لكن مشكلتها أنها ال Saftey Margin بتاعها في القطط ضيق جداااا وصغير جدا و من الصعب ان اي طبيب يظبطها لذلك بيحصل تسمم دائما منها في القطط و لكن الكلاب ال Saftey Margin لل الايفرميكتين فيها اعلي و جرعته 1 سنتي ل 50 ك وزن يعني الكلب اللي وزنه 30 ك ياخد تقريبا نص سنتي فقط و طبعا علشان احنا شعب بحبوح فا بنفرط ادينا في اي حاجه و بندي للكلب ال 20 ك 2 و 3 سنتي و ده يرجع لفتي بعض المربيين اللي بيستهتروا ب ارواح الحيوانات و تدخلهم في الامور الطبيه من دون وجهه حق و اخد الايفوماك السمعه السيئه دي ولذلك انا دائما انصح زملائي ب استخدام ماده الديوراميكتين و اللي ال Saftey margin بتاعتها اعلي بكتير من الايفرمكتين و لكن لا تزال لا تصلح للقطط (معلومه فصيله الكلاب الكولي Coli حساسه للمواد دي كلها ولا يصلح استخدامها فيها) يا رب اكون قدرت افيدكم و اوصلك المعلومه..

03/02/2020

ممكن كلبك يكون متعود يعمل في مكان متعود عليه
لكن في بعض الأحيان ومنغير أي مقدمات ممكن تلاقي كلبك رجع يتبول تاني في البيت .
اولا قبل ما نبدا لازم نعرف ان الجراوي بطبيعتها بتعمل حمام كتير و دا بيرجع بسبب ضعف المثانه عندهم.. نخش بقي علي الاسباب
* دي الأسباب اللي ممكن تكون أساس التصرف ده :
1- الخوف أو الخضوع :
بعض الكلاب وخصوصا الجراوي ممكن تتبول لما تخاف . ممكن يكون بسبب خوفه إن حد يضربه أو يزعقله.
ممكن تعامله مع شخص غريب يكون عادي في الأول ، لكن لو خاف لأي سبب ممكن يتبول عشان يبين الخضوع .

2- الحماس الزاد :
ساعات لما الكلب يكون متحمس جدا وقاعد يتنطط ويلعب ممكن غصب عنه يتبول . وفي الغالب الدنيا بتتبهدل جامد .

3- مش متدرب كويس :
لو الكلب متعلمش بشكل كويس وسليم فين يتبول أو يعمل حمام بشكل عام ، طبيعي جدا إنه ممكن يعمل في أي مكان ومش كل مرة يكون في المكان المحدد .
في الحالة دي لازم نعيد تدريب الكلب على الحمام بشكل صحيح
4- بيعلم منطقته :
كتير جدا للأسف الكلاب وساعات القطط ممكن تتبول كميات صغيرة في اماكن مختلفة كتير في البيت ، وده بيكون عشان يحدد منطقته ، الحركة دي ممكن يكون ليها أسباب كتير جدا . أشهرها الstress أو التوتر . علاج الحكاية دي بيكون بتحديد سبب التوتر وعلاجه .

5- مشكلة مرضية :
بعض الحالات المرضية ممكن تسبب تبول كتير ، في لحالات دي الكلب مش بيلحق يوصل لمكان الحمام وغالبا بيعمل مكان ماهوا واقف . أمراض زي ( حصاوي في المثانة ،أمراض الكلى ، وبعض الإلتهبات ).
* لو كلبك عمل حمام في مكان غلط ،مهما زعقتله مش هيفرق في حاجة الا إنه هيخليه خايف منك .

03/02/2020

انتشر الفتره الاخيره استخدام المنتج دا في و الجرب و خصوصا اننا داخلين علي الصيف و موسم القراد و الناس المستغله هاتبدا تظهر...حبيت اوضح لكم بعض المعلومات....
#الايفرزين دا يا سيدي عباره عن ماده الايفرميكتين البيطريه تستخدم في علاج الجرب و الطفيليات الخارجيه زي البق و القراض في البهايم خصوصا ..جم البشر اخدوها عملوا منها غسول للقمل في الاطفال و كدا و يطلق عليه في البيطري الايفوماك ك اسم تجاري و يحقن تحت الجلد....طيب كلام جميل المشكله فين! الماده دي درجه السميه بتاعها في الكلاب عاليه جدا بمعني تظبيط جرعتها لازم عن طريق طبيب مختص و كمان ممكن بعد ما تظبط جرعتها تعملك حساسيه شديده و تموت و في انواع من الكلاب ممنوع فيها الايفرميكتين نهائيا زي الكولي...و هناك مشتق منه يطلق عليه الديكتوماكس (الديوراميكتين) اقل سميه و لكن نفس الاخ و يستخدم في اطار محدد ب جرعات يحددها الطبيب المعالج ...و الكلب ان ل*س منه هايتسمم و يقعد يطلع رغاوي و يموت....ماده سيئه السمعه جدا في الكلاب لا انصح ب استخدامها... و في القطط هي ماده سامه جدا و بتموت القطط علي طول من غير تفاهم..
حفظكم الله و احبابكم من كل سوء

03/02/2020

ازاي اعاقب كلبي صح!
الكلاب ساعات بتعمل حاجات تجنن وبتتصرف بطريقة سيئة ومش بنبقى عارفين نعمل إيه . اهم قاعدة في تصحيح تصرفات كلبك هي إن العقاب ميكونش بعد التصرف بفترة عشان الكلب مش هيربط الفعل بالعقاب . لازم يكون ساعة وقوع الجريمة :D

تصحيح تصرفات كلبك :
1- متضربش كلبك أبدا :
الحاجة الوحيدة اللي الضرب بيحققها إنه بيدمر علاقتك بكلبك . بدل الضرب ممكن تستخدم أساليب تانية منغير ماتؤذي كلبك ومتخليهوش يخاف منك ويبعد عنك .
* ممكن لما يعمل حاجة غلط تقول كلمة "لا" أو "NOO"بصوت حاد أو بجدية وكلبك هيربط بين الكلمة وإنها معناها إنك متضايق أو إنه عمل حاجة غلط .

2-اتخلص من المحفزات :
لو في حاجة معينة كلبك بيتجنن عليها ومش بيقدر يمسك نفسه زي مثلا لعبة معينة ، نبتة ، شبشب :D أو أي حاجة بيحب يلعب بيها وإنت خايف عليها . شيلها من قدامه . الكلاب زي الأطفال مش بيميزوا اللعب من الحاجات المهمة . اشغله بلعبة ليه يعضعض فيها وياسلام لو عرفت تحط جواها تريتس ،هيقعد يلعب بيها طول النهار :D .

3- شجعه و اديله مكافأة على التصرفات الكويسة :
لما كلبك يعمل حاجة كويسة زي مثلا إنه يقعد ساكت بدل ماينبح كتير ، اديله تريتس أو العب معاه وشجعه . مع الوقت الكلب هيبدأ يعمل الحاجات الكويسة أكتر من الوحشة عشان عارف إنها هي اللي بيبقى بعدها مكافأة .
*الخطوة دي مهما جدا عشان تعلم كلبك أي حاجة . الكلاب بتعلم بالمكافأة أكتر من العقاب .

4- اللا مبالاه :
حاول ماتزعقش ولا تتعصب ولا تدي أي انطباع فيه نوع من أنواع الحماس (السلبي ) عشان ده بالنسبة لكلبك نوع من أنواع الإهتمام . إنك بتكون مركز عليه وبتكلمه أو معاه حتى لو بزعيق أو سلبية . مش بتفرق معاه ،وده غالبا اللي هيخلي كلبك يفضل يعمل نفس الغلط عشان يلفت انتباهك .
*ببساطة خليك هادي ومتديلوش أي اهتمام . سيبه وامشي أو وديه في حتة غير اللي عمل فيها مشكلة أو بهدل الدنيا . و ظبط مكان اللي بهدله في وقت تاني .

5- ابني الثقة :
لو كلبك بيجري منك ويستخبى لما يعمل حاجة غلط . يبقى عندك مشكلة كبيرة هتحتاج لتصحيح كتير وتعامل ايجابي ومكافآت كتير عشان تصلح العلاقة بينكم وتخليه يسمع الكلام .

6- خليك صبور :
الكلاب بتاخد وقت شوية عشان تتعلم . غير الإنسان تماما صعب جدا تتعلم من موقف واحد . لازم التكرار الكتير والإهتمام والمتابعة .حتى لو جبت كلب كبير وبيعمل تصرفات سيئة من الأول مش مستحيل إنها تتغير بس الموضوع ممكن ياخد وقت اطول .
* الوقت اللي الكلب بياخده عشان يتعلم يبطل تصرف سيئ بيعتمد على اد إيه هو متعود على التصرف ده . عشان كده يفضل إننا نعالج التصرف أول مايبدأ ومنستناش وقت طويل .
* من أسوأ التصرفات اللي الكلاب بتعملها إنها بتاكل وتعضعض كل حاجة قدمها وللاسف ممكن تؤذي نفسها

03/02/2020

باذن الله هانتكلم النهاردا عن و ازاي نتخلص منه نهائيا و نحمي كلابنا منه...
اولا لازم تعرف ان القراض دا له دوره حياه.. يعني حشره بالغه و حشره غير بالغه و بيض و ذكر و انثي.. الانثي هي اللي بتمص الدم فقط و بتمصه لغايه ما تفرقع و تنطر بيضها في كل مكان و لذلك يجيب ان احنا نكرر العلاج اللي هانقوله كله دا بعد 14 يوم و دا علشان نتخلص نهائيا من اطوار النمو بتاعت القراض من اول البيض لغايه الانثي البالغه...................... ................... ................... ...............
اولا العلاج بتاعنا له محوريين اساسيين
1-الحيوان
2-البيئه المحيطه و دي اهم شئ و اللي الكل بينفضلها..
حضرتك بتيجي تعالج الحيوان و تسيبك من البيئه تماما فا كام يوم و تلاقي القراض رجعلك تاني و دا بسبب دوره حياه اللي سبق ذكرها.. انت بتموت البالغ و تسيب البيض .................... ................ ............... ......................
و في غلطه تانيه شائعه ان حضرتك تنضف المكان و تنضف الكلب بس مكررتش العلاج بعد 14 يوم و دا هايرجعنا تاني لنفس النقطه اننا مكسرناش دوره حياه القراضه................... ............... ............ ......................
(الكلب)
اولا في القراض بنعتمد علي العلاج الموضعي و ال systemic او الحقن يعني
1-اولا انا لا افضل اذاله القراض و هو حي لان فمه بيبقي جوه الجلد و عند اذالته و هو حي بيتبقي حته من فمه. جوه الجلد و بتسبب حساسيه جامده بعد ما تخلص علاج فا بلاش نشيله ب ادينا و هو حي.. لا سيبه هايقع لوحده بعد العلاج او شده بعد ما يموت من العلاج..
2-هانحقن حقنته اسمها ( ديكتوماكس) و دي تحت الجلد و جرعتها 1 سنتي لكل 50 ك..
3-هانجيب بيوتكس Butox و دا هانحط منه 1 سنتي علي لتر المياه و نطلع الكلب من المكان اللي هو فيه و ليكن فوق السطح و نحمي الكلب الكلب كويس و متقلقش لو الكلب ل*س نفسه المشكله لو الكلب شرب من الجردل اللي فيه المياه.. و الاعمار الصغيره يفضل تكممها قبل ما تحمي..
4-هاتسيب الكلب في الشمس بالبيوتكس لمده نصايه كدا و بعدين نحميه ب شامبو نيزابيكس او نيزورال و ننشفه كويس...
5-هاتجيب امبول من بتاع الحشرات و تدهنه علي ظهر الكلب امبول لكل 10 ك.. و افضل شئ الريفيليوشن في التاثير و كمان ينفع للاعمار من اول شهر و ينفع للحوامل بس عيبه سعره غالي.. و في بارس و دا بيتحط بعد سن 3 شهور و رخيص بس تاثيره ضعيف.. و لك الخيار............ .............. ............... ................. ..............
(البيئه المحيطه)
1-هانطلع الكلب من مكانه و نحطه في مكان تاني لمده 5 ايام. و دا افضل حل و نجيب بيوتكس 1 سنتي علي 10 لتر مياه و نغسل المكان كويس جدا بمعني كل زخنوق تجيبه لمده 5 ايام متتابعه و بعدين نهوي المكان و #اوعي تغسل المكان بعدها ب كلور او اي منظف هايقلل تاثير البيوتكس سيبه كدا و بعدين نرجع الكلب.. لو انت معندكش امكانيه انك تحط الكلب مكان تاني لمده 5 ايام.. خلاص اغسل المكان و بعدين هويه و رجع الكلب تاني بعد ساعتين ثلاثه................. ............. .............. .............. ...............
(الاسئله المشهوره)
س:هل يا دكتور هاينفع اعمل كدا مع الكلبه الحامل عندي؟
بص يا سيدي اولا حقن الديكتوماكس مش هاينفع.. هانكتفي الريفيليوشن.........
س:هل ينفع يا دكتور اعمل كدا مع جراوي عمر شهر ؟
ينفع بس بلاش نحقن ديكتوماكس .. هانكتفي الريفيليوشن و بلاش بارس........
س: طب ازاي اقدر احمي الكلب بعد كدا ؟
اولا ممكن تستخدم طوق للحشرات كل 6 شهور
و ممكن تعمل نضافه دوريه كل 3 او 4 شهور ب تنضيف المكان و حموم الكلب

03/02/2020

لكل واحد بيشترى #جرو جديد . فى شوية نقط لازم تاخد بالك منهم عشان متندمش انك اشتريته .
هتكلم بخطوات كدا بكل بساطه . 👌.
1_نقطه مهمه جدا طبعا كل الناس بتبيع الجراوى فى سن 45 يوم و ده غلط انت ممكن تفصله اه فى السن ده عن امه بس يستحب يفضل مع امه حتى سن 3 شهور ليكتسب الثقه و بناء الشخصيه القويه للكلب فى سن مبكر و كمان الام بتقوم بهجمات وهميه على الجرو و بتجعل الانتصار للجرو ليتعلم الدفاع عن النفس و ياخد الثقه فى نفسه و ده غير طبعا انه بيخرج طاقته مع اخواته فى اللعب و كدا و بيشجعو بعض على الهجوم و الكلام ده .🔚.
👈و انت داخل تتفرج على جراوى ازاى تختار👇
1_اول حاجه تشوف حجم الجرو يكون مظبوط و متغذى ميبقاش ضعيف كدا .
2_تانى حاجه تشوف جلد الكلب ميكونش فيه حبوب ولا حشرات ولا بقع فى جلد الجرو او مثلا مكان مفهوش شعر و انتبه جدا لنظافه المكان .
3_تالت حاجه ميكونش فيه عماص فى عنيه و بيكون لون العين تحس انه فى طبقه زرقه كدا .
4_انف الجرو متكنش جافه جدا ولا سائله كدا تكون رطبه .
5_خامس حاجه كمان لون اللسان يكون وردى محمر كدا يدل ان الكلب صحته جيده.
6_سادس حاجه شوف بردو الودان من الدخل ممكن يبقى فيها حشرات و ميكونش فيها وسخ و كدا و شمع كتير .
7_سادس حاجه لازم تكون بتشترى من واحد ثقه مش من اى حد و تشوف الاب و الام و تسائل على الجرو لو انت اول مره تربى تاخد رأى ناس . يستحسن يكون معاك واحد بيفهم ..
نروح بقى للسلوك 💪
لو انت عايز كلب يكون شرس تختاره ازاى و انت داخل على الجراوى ممكن واحد فيهم يدخل بسرعه عليك عايز يشمك ممكن ينبح عليك . و انت برده هات مثلا اى حاجه بتعمل صوت و شوف اى جرو هينتبه معاك و هيبقى متحمس كدا ممكن تجيب قماشه و تشوف مين هيدخل يعض فيها مثلا او يشدها منك و كدا .
و بلاش برده الكلب الهادى الخجول ده هيقرفك جدا لما يكبر و بلاش برده الهيبر برده .خير الامور الوسط..
طبعا كله بالتدريب بيتصحح و حاول تبداء بناء سلوك الكلب و تدريبه و تأهيله من اول اسبوع عندك فى البيت يعنى مثلا لو كلب عنده شهرين و تقول استنى لما يتم 3 شهور لا ابداء معاه تدريب عادى ..
فى بيقولك لما تجيب الجرو تسيبه ساعه يتعرف على المكان اول لما تجيبه لا طبعا انت اه هتسيبه بس بعدين يعنى انت واخده لسه من عند امه من وسط اخواته انت بقى اقعد معاه حاول تلعب معاه تحسسه بالامان تحاول تأكله عشان ميحسش بالوحده و عرفه انت على المكان بنفسك . اقعد معاه بتاع ساعه مثلا و بعدين بقى سيبه و بردو ادخله كتير لعبه مشيه عوضه يعنى عن الراح منه . عشان انت لو معملتش كدا ممكن يقرفك اول اسبوع معاك . فى كلاب بتعديها عادى و كلاب لا .😁
اتمنى يكون الموضوع فيه استفاده ...

02/02/2020

مرض #البارفو هو مرض فيروسى شديد العدوى و بيظهر على شكلين :
١- اصابة الامعاء
٢- اصابة عضلات القلب

#البارفو بيصيب الجراء من عمر ٦ اسابيع ل ٦ شهور بسبب انتهاء المناعة اللى اخدوها من لبن السرسوب لان مناعتهم بتكون ضعيفة جدا حتى لو الجرو مطعم ممكن يصاب بالمرض .

أعراضه:
* الكلب هيبدأ يبقى همدان ، تدخل البيت ميجريش عليك زى الاول، تحطله طبق الاكل يشمشم و مياكلش ، يشرب مية كتير جدا و بعدين تلاقيه فى حالة خمول تام و بعدين الحرارة تبدأ
*اسهال دموى- فقدان الشهية- قئ-خمول-حمى-جفاف شديد

أسبابه:
١- اتصال مباشر بكلب مصاب
٢- اتصال غير مباشر عن طريق شم الكلب لبراز كلب مصاب
٣- ل*س الكلب لاحذية حاملة للمرض عن طريق مرور مرتديها على براز كلب مصاب
٤- طريقة تطعيم خاطئة
٥- اصابة الجهاز المناعى

اكتر السلالات عرضة للمرض:
روت فايلر - دوبرمان - لابرادور- - هاسكى

التشخيص : يتم عن طريق الاعراض الظاهرية
١- عمل تحاليل للبول و البراز و موجات فوق صوتية على البطن
٢ - انخفاض مستوى كرات الدم البيضاء

العلاج:
*يجب التوجه فورا للطبيب البيطري لاتخاذ اللازم
*يجب التوقف التام عن إعطاء الكلب اى مأكولات
* اى علاج هو علاج مساعد انما الاساس هو مقاومة الجهاز المناعى للكلب للمرض نفسه و لذلك مهم جدا ان الكلب عند الولادة ياخد لبن السرسوب

نسبة الشفاء:
عالية ما دام تم تشخيص المرض و بدئ العلاج سريعا مع المحافظة على العلاج كما وصفه الطبيب

فترةالعلاج:
قد تستمر لاسبوع

الوقاية:
* اتباع النظام الصحيح للتطعيم عند ٦ و ٩ و ١٢ اسبوع لأن التحصين يقلل حدوث العدوي ب اعلي درجه ممكنه و لكنه لا يمنعها تماما و فى حالة اصابة كلب محصن بيكون العلاج اسهل
* عدم خلط الكلب بكلاب اخرى خلال ١٤ يوم من التطعيم

تطهير البيئة المحيطة:
#البارفو مرض لا يتأثر بالمناخ او البيئة لذلك يجب تطهير البيئة المحيطة بكلور مركز و تعرض المكان للشمس و التهوية الجيدة

امتى اقدر اشترى كلب تانى لو مات كلب بالبارفو فالبيت؟
مش قبل ٣ شهور و يكون الكلب الجديد مطعم كامل تطعيماته

التعافى:
تعافى الكلب من المرض ليس نهائي فهو مازال يعانى ضعف بالجهاز المناعى و لذلك يجيب استشارة الطبيب فأنواع الغذاء و نظامه

العدوى للبشر:
لم يتم حصر اى عدوى للبشر من كلب مصاب

02/02/2020

ليه ؟

ناس كتير بتسأل ليه شعر كلابهم بتقع كتير. تعالوا معانا نشوف الاسباب و طرق العلاج.

اسباب وقوع الشعر:
١- تغيير الفصول :
و دا بيحصل مرتين سنويا تقريبا و فى كلاب بيحصل دا معاها طول السنة.

٢- سوء التغذية :
كلبك تقريبا مش بياكل اكل صحى و مفيد فمحتاج تراجع نفسك انت بتأكله ايه و تهتم بالغذا الصحى.

٣- الكلبة داخلة او خارجة من حيضة او بترضع:
دا طبيعى فالوقت دا ان الشعر يقع كتير.

٤- وجود حشرات او ديدان او الاتنين:
محتاج تهتم بكلبك و تتأكد انه مش بيهرش كتير او ان شهيته قلت شوية

٥- وجود قشرة :
بسبب فطريات و سوء تغذية

امتى تخاف من تساقط الشعر؟
* لما الشعر اللى وقع يسيب فراغات و الجلد يبان
* لما تلاقى كلاكيع شعر عالارض
* لما تلاقى شعر كلبك جاف جدا و مقصف و لمعته راحت
* لما كلبك يبقى مش مستحمل انك تطبطب عليه لان جلده واجعه
* لما مجرد ما تلمس شعر كلبك تلاقيه بينزل عالارض متكسر

العلاج:
* اهتم بتسريح كلبك كل يوم و عوده انه بيتسرح كل يوم مرتين .
* اهتم بالتغذية من لحوم و فراخ و اسماك و منتجات تحتوى على كالسيوم و مواد غنية تمد جسم كلبك باللى محتاجه.
* لو بتأكل عيش وقفه و ادى مكرونة او رز بدايل لان فى كلاب العيش بيعملها حساسية.
* متأكلش بيض نى لانه بيحتوى عالافيدين اللى ييكسر فيتامين B2 المسؤول عن نمو الشعر.
* متأكلش كبدة غير مرة واحدة فالاسبوع لان نسبة الحديد لما بترتفع فالدم عند الكلب بتوقع شعره.
*اتأكد انك لو بتأكل كلبك دراى فود انه مش بيجيبله حساسية منه و فالوقت دا هتحتاج تغير النوع.
* اكل سمك او علبة تونة مرة كل أسبوعين.
* اهتم بجرعات الديدان كل ٤ شهور .
* اهتم بأمبولات الحشرات كل شهر.
* حمى الكلب مرتين شهريا او كل ما تحس انه محتاج يستحمى و استخدم شامبو جونسون للاطفال لانه PH neutral فيساعد الشعر على الاحتفاظ بزيوته الطبيعية و المرة التانية استخدم بيتادين شامبو عشان لو فى قشرة.
* خد بالك ان مكان الكلب ما بيهرش مفيش جروح او التهابات محتاجة علاج.
* ضيف معلقة زيت زتون للاكل مرة يوميا و تانى يوم ضيف معلقة زيت جوز هند بكر و هكذا.
* ادى الكلب كبسولات Omega 3 كبسولة يوميا لمدة ٣ اسابيع و توقف اسبوع و ترجع تديله تانى لحد ما شعره يظبط.
* ادى الكلب فيتاماونت او فيتازينك شراب ٢ سم لكل ١٠ كيلو وزن مرة يوميا لمدة اسبوعين و بعدين مرة يوم بعد يوم لمدة اسبوعين و توقف.
الفيتازيتك فى منه اقراص ممكن تدى قرص يوميا لمدة اسبوعين و بعدين قرص يوميا يوم بعد يوم لمدة اسبوعين و توقف.

01/02/2020

01/02/2020

نرحب معانا بالنجمة الجديدة
Barbi Vom Cairo Ebiszr & Filla
باربي بنت ايبيش و فيلا . ( زيرو بيدجري)
شكراً مزرعة Vom Cairo Kennel

27/01/2020

هنتكلم النهارة عن طريقة التدريب للجراء 🐶

اولا لازم تبقي عارف انك بتتعامل مع بيبي صغير يعني ممنوع الضرب والزعيق نهائي 😡
هنبداء من عمر 60 يوم والافضل من اليوم 90 يعني يكون تم ال 3 شهور .
بس احنا هنلعب وندي تدريب علي خفيف 😊 هنبتدي ازاي بقي .

هنبداء تلعب مع الجرو يعني تجري قدامة بحركات غير متناسقة للفت انتباه الجرو تنزل شوية علي الارض وتنده عليه او تقوله اسمه هيجيلك جري مش علشان هو عارف اسمه ولا علشان انت ندهتله هو جاي لاكتشاف الموضوع 😜

هنطبطب عليه ونلعب معاه بزغزة ولعب اطفال وتبعد وتنده عليه والاحسن انه يكون جعان او يكون معاك تريتس او اكل مغري وكل ما يجيلك كافئة بالتريتس او بالصوت الجميل جووووود بوووووي 😍 بالضبط كده

وهو بيلعب معاك لاحظ ديل الجرو لو بيتحرك كتير يمين وشمال يعني بيقولك استمر 😉

هتجري عنه وتنده ليه هيجيلك اضغط ضغطة بسيطة جدا وقوله site وطبيعي هو هيعد علشان حركة ايدك هنكافئة تاني بالتريتس او بالصوت الجميل 🙈
ونكرر الموضوع ده من مرتين لتلاتة كل يوم في حدود ربع ساعة مش اكتر علشان الكلاب بتزهق بسرعة 😂
وده لحد مايتقن الجرو الامر ده هنتكلم عن الامر التاني .
لو عندك اي استفسار او سؤال مستني منكم تعليقاتكم 😍

27/01/2020