21/06/2021
ඔබේ සුරතල් සුනඛයන් සදහා ආහාර ලබා දිය යුතු නිවැරැදි ආකාරය :-
(පහත සදහන් කරන අමු ද්‍රව්‍ය වලින් ඔබට පහසු අමු ද්‍රව්‍ය ප්‍රමාණයක් බත් එක සදහා යොදා ගත හැක )
සහල්
චිකන්, චිකන් ලිවර්,බීෆ්, බීෆ් ලිවර්, සාලයෝ, බිත්තර ( අනිවාර්යයෙන්ම හොදට තැම්බිය යුතුයි .)
වට්ටක්කා
බෝoචි (කෙදි සහිත එළවළු )
කැරට්
අල(බතල )
පරිප්පු
පලා වර්ගයක්
බටර්
පලමුව චිකන් ටික තැම්බෙන්න තියලා ටික වේලාවකින් එයට කැරට්, අල ,වට්ටක්කා, බෝoචි එක් කර තැම්බෙන්න හැර ඒ සියල්ල තැම්බුනු පසු සහල් දමා බත් සකස් කර ගැනීම බත් ඉදීගෙන එන විට එයට පලා එක් කර මිනිත්තු 5 ක් තබා පිස ගැනීම.
ඉන්පසු සියල්ල මිශ්‍ර කර ගෙන නිවුනු පසු බටර් එක් කිරීම .
ප්‍රධාන වේල් වලට අමතරව අතිරේක වේල් සදහා කිරි සමග සමපෝෂ මිශ්‍ර කර තලපයක් සාදා හෝ කිරි සමග dog food මිශ්‍ර කර ලබා දිය හැක . තවද පලතුරු කෑලි ලබා දිය හැක .(මිදි,අලිපේර ලබා දිමෙන් වලකින්න) ක්‍රීම් ක්‍රැකර්, මාරි වැනි බිස්කට් වර්ග හා යෝගට් ලබා දිය හැක.
ඔබගේ සුනඛයාට දිය යුතු ආහාර ප්‍රමාණය ,අඩන්ගු විය යුතු ප්‍රෝටීන් ප්‍රමාණය , දිය යුතු වේල් ප්‍රමාණය ඔබේ සුනඛයාගේ වයස, බර, සුනඛ වර්ගය, activity level වැනි කාරණා මත රදා පවතින අතර පෝෂණය අඩු වීමෙන් වර්ධනය අඩු විය හැකි අතර වැඩි වීමෙන් නිදන්ගත රෝගයන්ට පහසුවෙන් ගොදුරු විය හැක. එකම වර්ගයේ හා ප්‍රමාණයේ සුනඛයන් වුවත් දිය යුතු ආහාර ප්‍රමාණය activity level මත තීරණය වේ.
එසේම පැටවෙකු ලොකු වත්ම දිය යුතු ආහාර වේල් ප්‍රමාණය ද ක්‍රමයෙන් අඩු කල යුතුයි .
