23/11/2023
⁉️ هوه تعقيم الحيوانات الألفية شىء غير إنساني فعلا زى ما ناس كتير بتقول 🤔 ؟!!
سؤال بنتسأله كل يوم .. تابع البوست للآخر عشان تعرف الإجابة....
مبدأيًا تعقيم أليفك شىء مهم جدا فى أوقات كتيره للحفاظ على صحته الجسدية والنفسية و فيه دفع ضرر و منفعة ليه و ليك .
📌طب ما تيجى نشوف دفع ضرر ازاى بالتعقيم أو الإخصاء:
🔷 أليفك بيطلب التزاوج مرات عديدة خلال السنه ولو محققتلهوش ده هيبدأ يعمل تصرفات ممكن متقدرش تتحملها.
زى مثلا :
1- النزيف عند الكلاب الإناث.
2- إصدار أصوات عالية للقطط الإناث.
3- محاولة هروب من البيت لتحقيق عملية التزاوج.
4- رش البول عند القطط الذكور .
5- سوء الحالة المزاجية لأليفك لعدم استطاعته التزاوج.
6- عدم تزويج الإناث لفترة طويلة بيعرضهم لأمراض خطيرة فى الجهاز التناسلى نتيجة لتراكم الإفرازات.
🔷 لو فرضنا إن تم عملية التزاوج هل هتقدر تكرر العملية طول فترة حياة أليفيك و لو حصل حمل وولادة للإناث هل هتقدر تعتنى بالصغار ؟!!
🔷 من هنا بيجى دور التعقيم والإخصاء فى أنه بيدفع الضرر فبدل من إنك تتخلص من أليفك وتعرضه لخطر الموت ف الشارع لأنه بقى عبء عليك فإنت بتعقمه وتتجنب كل مشاكل و مسؤليات تزويجه .
📌 هنيجى بقى للمنفعة فى التعقيم أو الإخصاء:
1- بيقلل حالات إحتباسات البول في القطط الذكور واللى بتوصل أحيانًا لمرحلة متأخره و للأسف بيحصل فشل كلوي بسببها و اللى بتكون نسبة الشفاء منه ضئيلة جدًا و لفترة صغيره.
2- هيقلل نسبة الإصابة بسرطان الخصية والبروستاتا عند الذكور.
3- هيقلل إلتهابات بطانة الرحم و نسبة الإصابة بالأورارم السرطانية عند الإناث .
4- الحد من سرطان الثدى و تقيُّح الرحم فى القطط الإناث.
5- أفضل للحالة النفسية لأليفك بسبب قلة تغير الهرمونات.
6- هيقلل من إحتمالية وفاة الإناث أثناء الولادة.
7- غير أن عملية التعقيم للإناث تكلفتها أقل بكتير من تكلفة الولادة والإعتناء بالصغار.
✅لو عاوز تعرف تفاصيل أكتر عن عملية التعقييم و السن المناسب لها اكتبلنا فى الكومنتات وهنرد على كل استفساراتك.
✅ للحجز و الإستفسار
فرع التجمع:
☎️01030214932
فرع مصر الجديدة:
☎️01120362834
☎️01019612354
👀 Follow us on Instagram
https://www.instagram.com/drwolfveterinary/
